Бинелуье резервгьо

Тема в разделе 'Жугьури', создана пользователем ИРА, 16 окт 2010.

  1. ИРА Guest

    Симпатии:
    0
    Баллы:
    0
    Бинелуье резервгьо

    14-муьн сентябрь Президент Республикей Догъисту М.Магомедов гировундебу гуьрдлемере э товун пуьрсуьшгьой бегьем сохдеи планови заданиегьоре эз тараф налогови ве налогсуьзе гъэзенжгьой консолидировани бюджет республикей Догъисту эри мегь январь-август гирошденигьо сал. Вокурде гуьрдлемере, Президент РД М.Магомедов риз кеши э товун и пуьрсуьш гьеммишелугъ биреи э тигъэти сервор республике ве Хьуькуьм РД. Э артгьой гировунде оморетгьо коргьо фегьм сохде оморени ижире овхьолет. Э вэхд январь-август 2010-муьн сал нушу доре оморебу диремореи платежгьо э консолидированни бюджет РД э гъэдер 11 млрд.586 млн. монетгьо. Э 1-муьн сентябрь гирошденигьо сал нушу доре оморени 10 млрд. 947 млн. монетгьо, енебуге 94,5% эз планови коргьо эри эни вэхд. Гьисдуьт кемсуьгигьо, оммо той сохде омоге э вэхд гирошдигьо салевоз э консолидировани бюджет республике диремори эри 2 млрд.179 млн. монетгьо зиедте. Не денишире э гьемме гировунде оморенуьтгьо коргьо эз тараф гуьрд биреи гъэзенжгьо э консолидированн бюджет республике, эри 1-муьн август эни сал налогоплательщикгьо э территорией РД жэгIмие гъэдер гъэрдхуьндуьт 1млрд.337 млн. монетгьо, э г1эрей энугьо гъэрд э бинелуье платеж (налог) – 858 млн. монетгьо. Э сереботи буьлуьнде дотационность республикански бюджет гереки кор сохде э тозе тегьер гуьре гереки неки нушу дореи диремореи пулгьо, гьемчуьн гуьрд сохде дополнительни гъэзенжгьоре эри финансирование социальни значими выплатегьо, инвестиционни проктгьо ве де суьфденуботлуье хэржигьо. Иму мие хьэрекет сохим расире э максимальни гъэдер фурамореи дотационность бюджет иму. Ижире кор г1эмел миев бегьем сохде зз тараф зевер сохдеи хуьшденлуье налогови ве неналогови гъэзенжгьоре. Рынокгьо хьисоб сохде нисе оморенуьт налогови бэхш экономикей иму. Бовориним, ки бинелуье резервгьой иму гьисдуьт ведировундеи экономикере эз «сое». Артгьоре мигировуним э эхир сал, оммо динамикей песини дуь мегьгьо хуби, иму сер гирдейм эри вечире омбарте гъэдер налоггьоре. Планови кор бегьем сохде миев, оммо иму эдее гузет сохденим дополнительни гъэзенжгьоре эри бегьем сохдеи е жерге социальни гъэрдхундигьоре,- риз кеши М.Магомедов.

Поделиться этой страницей