Буьлуьнде гъуногъгьой Дербенд

Тема в разделе 'Жугьури', создана пользователем ИРА, 16 окт 2010.

  1. ИРА Guest

    Симпатии:
    0
    Баллы:
    0
    Буьлуьнде гъуногъгьой Дербенд

    [IMG]Чуьтам нушу доретге шогьиргьой Мизрэхьи, нушу доре оморени э гIуьлом е шегьер, эжеки нефес торих гъэдуьшини э сенгъ энуревоз. Гьелбет, у шегьер гьисди Дербенд - гIэжоиблуье торихлуье ве архитектурни еровурди, комики гьисди омонети эн торихи согъ вилеет иму. И пушогьо э и чуьшмелуье шегьер э корлуье визитевоз оморебируьт жигегир Сернуьш Хьуькуьм РФ, Полномочни нушудорегор Президент РФ э Софун Кавказлуье федеральни округ Александр Хлопонин эеки э Президент РД Магомедсалам Магомедовевоз. Метлеб омореи полпред Президент РФ э СКФО бири шинохбиреи э торихлуье шегьеревоз, винире Нарын-Гъэлере, рафде э корхонегьой район Дербенде ве нушу дореи план коргьоре, ологъолуь гьисдуьтгьоре э гIуьзетлуье мигIид пенж гьозор сали шегьеревоз. Эри буьлуьнде гъуногъ андуьрмиш сохде оморебу чуьтам ве эричуь вокурде оморебуге Нарын-Гъэле. - Еки эз вожиблуье пуьрсуьшгьо, комики гьово гирде оморени эз тараф рэхьберьети хьуькуьмет иму гьисди пуьрсуьш, ологъолуь гьисдигьо э торихлуье, культурни верзуьшигьой Дербендевоз, эз комики эрк сохдени гьеммей Уруссиет,- гуфди А.Хлопонин. - Имиди, ки эки 2015-муьн сал иму хьозур мибошим эри гировунде юбилей шегьере. Унегуьре гереки эри гьеммей Дорум Догъисту хушлуь биреи ве вохурдеи э жире гIуьзетлуье мигIид. Э и зуригьо гировунде миев гуьрдлеме э товун пуьрсуьшгьой гуьнжуьндеи хуше овхьолет эри корсохдеи таможенни пунктгьой пропуск, эри одомигьо э асанте тегьер гирошдеи хьуькуьметлуье серхьэдгьоре. Юбилей Дербенд омбар вожиблуье гъозиеи ве гереки гIуьзетлуь ведиреморе, чуьнки э мигIид миевт омбаре сафарчигьо, неки эз Уруссиет, гьемчуьн эз гьеммей гIуьломиш. Мере воисдени дире раче гъирогъ дерьегье, раче шегьере. И шегьере дошде гереки гьечи, ки э архитектурей эну гьич пузмиш сохде ниев, чуьнки у гьисди торихлуье ер эн иму, руьхьлуье омонети эн хэлгъ иму. Нушу доре э товун параменди экономике территорие, воисдени гуфдире, инжо гьисдуьт хубе корхонегьо, чуьн комбинат коньяксохи ве шоробсохи. Гереки келе тигъэте доре эки инвестиционни проектгьо. Нушу доре э товун гировунде биевгьо вихдеигьо э республике, А.Хлопонин фикир до эри гирошдеи энугьо э овхьолет сокити ве гъонун гуьре. мере воисдени эрзо сохде эки гъонундорлуье органгьо эри гуьнжуьндеи хубе овхьолете эри гирошдеи вихдеигьо э буьлуьнде гъэдер гуьре ве гьово гирдеи ихдиериегьой граждангьой РФ. Эз тараф секонесуьзи э пушой гъонундорлуье органгьо гьемме гереклуье гъэрхундигьо норе оморет.
    Фотогалерея[IMG]



Поделиться этой страницей