Э пушорэхьи вихдеигьо

Тема в разделе 'Жугьури', создана пользователем ИРА, 16 окт 2010.

  1. ИРА Guest

    Симпатии:
    0
    Баллы:
    0
    Э пушорэхьи вихдеигьо

    [IMG]Э республикейму оморет делегацией Центральни избирательни комиссие Федерацией Уруссиет, э гIэрей комики дебу жигегир Сернуьш ЦИК Станислав Вавилов ве бэхшвегиргьой ЦИК РФ Сиябшах Шапиев ве Василий Волков. Э угьоревоз вохурдебу Президент РД Магомедсалам Магомедов. Вокурде вохурдеире, сервор республике хош омореи сохд гъуногъгьоре ве гуфди разилугъи хуьшдере эри тигъэт дореи Догъистуре Центральни комиссией вихдеи Уруссиет. - Иму эдее сохденим гьемме коргьоре эри гировундеи вихдеигьоре э мегь октябрь эни сал э буьлуьнде тегьеревоз эз тараф гъонундорлуьи. Вихдегоргьой Догъистуре мие минкинигьо бу э демократически тегьер гуьре нушу доре войгей хуьшдере, вихде депутатгьоре э кими муниципальни идорегьо – серворгьой районни администрациегьо. Имидлуьнуьм, ки э руз вихдеигьо мибу соките овхьолет,- гуфди сервор республике. Жигегир сернуьш ЦИК Станислав Вавилов э нубот хуьшде согъбоши гуфди э Президент Догъисту эри зиедие тигъэт дореи э Избирком ве эки процесс вихдеи. Бинелуье тигъэт доре оморебу эри отработкеи еклуье корисохи участкови комиссиегьо вихдеире э гъонундорлуье органгьоревоз эри нушу дореи хуше овхьолете э руз сесдореи. Эзумбэгъдоиге делегацией ЦИК РФ вохурдебу э бэхшвегиргьой Вихделуье комиссией РД ве корсохгьой аппарат энуревоз, э рэхьбергьой МВД РД, УФСБ э РД, прокуратурей РД, бинелуье федеральни инспекторе Аппарат Полномочни нушудорегор Президент РФ э СКФО.

Поделиться этой страницей