Э теклифи Догъистуревоз

Тема в разделе 'Жугьури', создана пользователем ИРА, 16 окт 2010.

  1. ИРА Guest

    Симпатии:
    0
    Баллы:
    0
    Э теклифи Догъистуревоз

    [IMG]Э Агентствой эз тараф сафари РД гирошди пресс-конференцие, нушу доре оморенигьо э гIуьзет хьозурлугъи ве гировундеи сафарлуье форуме «Догъисту-2010», комики гировунде миев 24-муьн -25-муьн сентябрь э Миллетлуье библиотекей РД э нум Р.Гамзатов. Гуьнжуьндегоргьой эну гьисдуьт ГУ «Сафарлуье бизнес-меркез» Догъисту ГУ «Республикански меркез корисохи сафари» Агентствой эз тараф сафари РД. Э вохурдеи рэхьбер агентствой сафари РД Анатолий Карибов ихдилот сохд эри журналистгьой республикански СМИ э товун хьозурлугъи эки форум. Эри бэхшвегирдеи э форум огол зере оморебируьт гIилмчигьо, нушудорегоргьой органгьой рэхьберьети э сферей сафари, сафарлуье ве гостинични бизнес, жэгIмиетлуье гуьрдномегьо, средствогьой могьлугълуье информацие. Эрзогьой хуьшдере эри бэхшвегири фуьрсорет Москов, Волгоградски, Ростовски, Тверски, Саратовски, Новосибирски улкегьо, республикгьо Бурятия, Ингушетия, Карачаево-Черкесия, Софун Осетия-Алания, Мордовия, Кабардино-Балкария,Чечня, гьемчуьн Ставропольски, Приморски улкегьо ве диеш. Гьемчуьн э форум нушу доре статус гIэрейхэлгълуь-ире бэхш мивегирируьт Казахстан, Болгария, Азербайджан, Турция, ве Италия. Э форум пуьруьш сохде миевт пуьрсуьшгьой сафарлуье кластер эн гIэрейхэлгълуье гъэдер э Софун Кавказ гуьре, гьемчуьн гировунде миев гIилмлуье практически конференция «Сафари чуьн гьемотраслевой комплекс экономикей регион», гиргине столгьо, семинаргьо, гуьрдлемегьой клуб журналистгьой уруссиетлуье СМИ, выставка-бирмуннуьши «Догъисту-мескен сафарини». Э руз вокурдеи форум эри гъуногъгьо ве бэхшвегиргьо мигироруь концерт э бэхшвегири ведилуье мугъумчигьоревоз ве фольклорни десдегьоревоз. Эри нушудорегоргьой форум эдее нушу доре оморе рекламни тур э республике. Секционни гуьрдлемегьо гировунде миевт э вузгьо. Семинар эри нушудорегоргьой гостинични бизнес «Современни технологие эри гостинични гъуллугъигьо» мигироруь имбуруз э зал заседанией Миллетлуье библиотекей э нум Р.Гамзатов. Мигировунуьт уре сенигIэткоргьой «Уруссиетлуье хьуькуьметлуье университет сафари ве сервис». Гиргине стол «Эри дошдеи культурни-тарафлуье ве тебиетлуье молгьой республикей Догъистуревоз» гировунде миев э базей Догъистонлуье хьуькуьметлуье университет э кумеки Министерствой культурей РД, Академией гIилми, Дагуниверситет, комигьоки гьемчуьн нушу мидуьт докладгьошуре.

Поделиться этой страницей