Э жогьобдорлуье везиферевоз

Тема в разделе 'Жугьури', создана пользователем ИРА, 16 окт 2010.

  1. ИРА Guest

    Симпатии:
    0
    Баллы:
    0
    [IMG]Э редакцией республикански гозит иму «Ватан» кем нисе дироморенуьт гъуногъгьо, комигьоки оморенуьт э суьгъде шегьер хуьшде – Дербенд эз де шегьергьойгей Уруссиет ве эз де вилеетгьойгеш, иллогьки эз Исроил, эжеки изму зигьисденуьт омбаре гьемватанигьойму.
    Шогьир Антон Агарунов ве журналистке Хана Рафаэль э гъэдимие Дербенд оморет э келе везиферевоз, комиреки э угьо тапшуьрмиш сохди Конгресс жугьурун догъигьо, серберэхьи комиреки изму сохдени Акиф Гилалов.

    Везифей оморегоргьо уни, ки кура сохдеи материалгьо эри нуьвуьсде биевгьо книг «Евреи Дагестана, история и современность» («Жугьургьой Догъисту, торих ве измуине зиндегуни»).

    Э вэхд меслэхьэт бердеиму э Антон Агаруновевоз, у андуьрмиш сохд, ки не денишире э порине рафдеиму э Боку ве э омбаре районгьою, гьемин гье э и везиферевоз, гьемчуьн измуш бирейм э омбаре районгьой Боку, чуьн э Шомохи, Мингечевир, Исмаилли, Огуз, Гуьгъчай, Боку, Гъуьбе ве диеш э комигьоки дануьсдейм кура сохде герекие материалгьоре эри гуьнжде биевгьо книг.

    Дофус зере ведировгьо книг бирмунденини параменди миллетлуье гIэдотгьой гьеммей хэлгъ Догъистуре, эжеки зигьисденуьт эз 100-жире хэлгъ зиед. У книг доренини мейл дусди ве шолумире, э гIэрей хэлгъгьой Догъисту не Азербайджан.

    Хуьшдени шогьир Антон Агарунов хьэсуьл омори э 1934-муьн сал э Боку, оммо эз дуь салаиревоз кифлет энугьо гирошдет э Гъуьбе, эжеки жовоне Антон Агарунов хунде варасди минжилуье школере.

    Э пуьрсуьшме, кей сер гирдейт шогьиригьошмуре?

    Антон Агарунов ижире жогьоб до: «Шогьиригьоймере сер гирдем, кейки варасирем шогьвер эн Шалбуз-догъэ, сес велггьой э хэсде вишегьой Гъубере ве иллогьки сес гIовгьой никерей Гъудъял-чае».

    Изму Антон Агарунов зигьисдени э Исроил эжеки эз 200I-муьн салевоз бири член союз писательгьой Исроил э нуьвуьсде широгьой хуьшдеревоз.

    Э рэхь сохдеки Антон Агарунове не Хана Рафаэле минетлуь хосдейм эз угьо эз иму ве хэлгъ Дербенд шолум ве никигьо беруьт гуфдире эри гьеммей исроилнумегьо, чуьнки э Исроил омбаре ватанигьойму зигьисденуьт.

    Э гирошдигьо орине гъуногъгьой редакциейму бируьт шогьир Антон Агарунов ве журналистке Хана Рафаэль, оморетгьо эз Исроил.
    Михаил Гаврилов

    01 Июля 2009

Поделиться этой страницей