Эльдар Гуршумов - "Божественные строки" (Третья книга)

Третья книга Эльдара Гуршумова. Как и предыдущие книги мэтра горско-еврейской поэзии, книга ещё не выйдя в свет, была присланна мне самим автором, для размещения на нашем форуме для форумчан знающих джуури. Сама книга должна выйти в конце февраля в одном из московских издательств. Так что у вас, тех кто владее джуури (язык горских евреев) есть возможность прочесть книгу самыми первыми!
Спасибо Эльдару Пинхасовичу за предоставлнную нам такую возможность!

Гуршумов Әлдар (Јовдо) кук Пинћос

ХУДОЛУЈӘ ҸӘРҜӘҺО

3-мүн китоб

Израил, 2009 сал

***
Јә бәндәίүм ХУДОίму,
Тоҹи - хошҝуί ХУДОίму.
Әри дирә ҹәннәтәш,
Тиро бошҝу нубоίму!

***
Ә пишоί чум ХУДО, тәίтә вәрзирәш,
Дүл инсон нитанү кәмтә ләрзирәш!

***
Әз ХУДО нәвәҝәш ә ләә сәнҹәг,
Ән кәлә бәдбәхтиш онини әнҹәг!

***
Јә бәндәίүм тикирәш,
Әри бофдә тикирәш;
ХУДО ә соί вәҝүрдә,
Ә хәлг буһо никирәш!

***
Рәһм етмәкчүн Аллаһын,
Паклы олсун валлаһын!

***
Тәбиәт гоίнунда тапмагчүн имкан,
Аллаһын ίолунда бүдрәмәз инсан!

***
Рәћмлүрә тәлатүм әри нә һишдә,
ХУДОί һәгг ә дүлүш ҹовоб дәίишдә.

***
Әз сурһоί ХУДОлу әри бор чирә,
Лолирәш ә ҝиров нә ҝирит әз ҹә.
Сал-бәсал, нәсиллү, әри шор бирә,
Нуборәш әз Тиро вәҝирит әнҹәг!

Әлдар Гуршумов

Әльдар Гуршумов

БОЖЕСТВЕННЫЕ СТРОКИ

Сборник стихотворениί на
горском-евреίском языке

3 – КНИГА

Израиль 2009

Јә-дγ кәлмә ҝоф

әзизә хундәҝорhо!!! Мә, Гуршумов Әлдар кук
Пинћос, 7- γм декабр 1940-мγн сал, ә тәәрифмәндә
хубә бәрәкәтлγίә хориhоίγ hисдиhо ҹәннәтлγίә рачә
γлкәί Азәрбаίҹон, ә раίон бог-богчәлγίә Гγбә - ә гә-
димиίә никәрәί Гудίолчоί, гәίмогhәнҝи, воҝосириhо
ә одлу-шонлγίә Гирмизи Гәсәбә, әз Дәдәί ћәсγл би-
рәнки, тә 10 миллίард сал γмγрγ hисдиhо ә руί әни
сиhирбәндә дγнίоh ән Офуррәҝор, ћәсрәтмәндәлγίә
тәмәћлγ мундиhо - чумhоί оҹизбәндлγίә әίили
мәрә ә ίә сурлγмәндә ћитиίотиhорәвоз вокундәм!
әзизә хундәҝорhо!!! Һәлә ә мәтләб тәίтә раси-
рә, мәрә воίисдәни ки, ишмурә тазадан hәҝәнәш ә и
мγшкγл мундиhо вә хәлг мәрә ә мγсибәт кәләтәлγίә
чәшмиши вәнҝәсдәниhо әлифбоί ҹуhурhоί догирә ә
ишму расинум:

Әлифбоί ҹуhурhоί доги

Аа Бб Сс Дд Вв Ее Чч Ҹҹ Һh Хх Ћћ
Ии Мм Пп Оо Лл Рр Шш Фф Јί Тт Ҝҝ
Кк Үγ Зз Нн Гг Уу Әә

әзизә хундәҝорhо!!! Ә ҝәрәк бирә ҹиҝә, гәриб-
лγίә ҝофhорә истифадә сохдәнкиш, иму митаним әз
зуһун уриси нә γзҝә милләтиҝәһо чарундә нәс омо-
рәниһо кәлмәһорә ә тәһминирәвоз ә нγвγсдәjһоjму
и ә дәрә бурбундәнγмhо ћәрфhорәвоз кор бәрдә:

Ёё Яя Юю Цц Ыы Щщ Жж Ээ
Митаίм мәсәл овурдә: Электрик, Цыган, Юпитер,
Журнал, Щюка, Бомж, Ёлка, Больница, Ясли вә ίә
чәндиҝәhош. Оммо, ҝәнәш митаним әҹиҝәί – ё, я, ю,
ә дәрә hисдhорә хуно нγвγсдә:
ё = ίо, я = ίа, ю = ίу
Әһәчирәвоз ә 30 ћәрфәвоз митаним әз дүли-ҹуниму
ә әсонтирәвоз нүвүсдә хәтһоίмурә рәћәтлү хундә.
ћәзизә хундәҝорһо! Әришму ίә чәнд ҹиро мәсәлһо
воίисдә биίорум:

Ә әлифбоί Ә әлифбоj
Дербәндирәвоз: Гγбәjирәвоз:
Г1эдетбендлуь әдәтбәндлү
Мэхьтеллуьгьо Мәћтәллүһо
Гъэретиконлугъ Гәрәтиконлуг
Гуьгермишгьо Ҝүҝәрмишһо
Муьг1уьжуьзгьо Мүүҹүзһо
Дедеίхоίгьо Дәдәίхоίһо
Мэг1эрекелуьгьо Мәәрәкәлүһо
Гъжуьмбендлуьгьо Гүҹүмбәндлүһо
Г1эсуьлмендгьо әсүлмәндһо
Мэг1энолугьо Мәәнолүһо
Жуьрбежуьрлуь Ҹүрбәҹүрлү
Руьхьвебергьо Рүћвәбәрһо
Уьшуьгъмендире Үшүгмәндирә
Г1уьмуьрбендлуь үмүрбәндлү
Г1овдезере овдәзәрә
Муьшкуьллуьгьо Мүшкүллүһо
Г1иломгезгьо иломҝәзһо
Бебебендлуь Бәбәбәндлү
Гъуьлгъуьлелуьгъгьо Гүлгүләлүгһо
Жуьжермишлуьгъгьо Ҹүҹәрмишлүгһо
Хьәрмәхьлуьгьо ћәрмәћлүһо
Г1әзизигьо әзизиһо
Мермекино Мәрмәкино
Мэг1уьлуьмгьо Мәүлүмһо
Ә и сәбәб ҝиро, биίо ә әлифбоj Гγбәjирәвоз
нγвγсдә биίов:
1. Г1 = , 2. Гъ = Г, 3. Уь = Ү, 4. Хь = ћ
5. Гь = Һ, 6. Ж = Ҹ 7. Э = Ә 8. Й = j
әзизә хундәҝорһо!!! Мә амбар шорум ки, и
ҹүрә әлифбо ә хош ишму миίов ҝуфдирә. Кәлә
ХУДОίмуш һәмишәш әίишму мозолмәндәлүίә
кумәки сохдә һәр кор ишму әсонт овонд ҝәрдо.
Имоһоί митам ҝуфдирә ки, 1958-мүн сал ә
Гүбә атестата вәҝүрдә бәгдә, ә шәһәр Боку, ә
хунәί ән кәләίи бирормә Сосун духдир зүһүсдә-
зүһүсдә, 1959-1964-мүн салһо 2 - факултәί ән
инсититутә (физика нә математикарә); ә 1963-
мүн сал ә “тар” зәрә ҝиро 5 – сали ошколәί ән
мусигирә; 1970-мүн сал, хәлг консерваториίара
2 факултәрә ( композитор вә вокал ) варасдәм.
Һәлә әз вәдәһой тәләбәίи һәми ә тар зәрә ҝиро,
һәмиҝә ә мәни хундәίи ҝирош ә ҹүр-бәҹүрәίә
консертһо иштирак сохдә-сохдә бәгдәш солист
кәлә оркестер радио нән телевизиίаί үлкәί ән
Азәрбаίҹон бирәм. Бәгдә әз 1964-мүн саловоз ә
техником әз физ-мат нубоһо дорә-дорә кәләί ән
шү’бә; мәлүмһорә тәкмилләшдирмиш )савада
зиίод) сохдәниһо институт кәләί кафедра вә ә
Комитет радио-телевизиίаί үлкәί Азәрбаίҹон ә
вәзифәί кәләίи редактор кор сохдәм. Јә кәмиҝә
ә Росиίа, ә шәһәр Москов зүһүсдә бәгдә ә 1998 –
мүн сал, ә ХУДО виҹириһо хори кәләбәбәһоίму
гисмәт бисдорум. Әз 1999 - мүн салавоз член ән
Федерациίаί Соίуз нүвүсдәҝорһоί Израил вә
2003-мүн салавоз Рәћбәр Соίуз нүвүсдәҝорһоί
ҹувурһоί доги виҹирә оморәм. Имоһоί соίһо ә
40 – нүвүсдәҝорһо расири, Ә 2005- мүн сал 700
сәһифәлүк 1-мүн китоб - “Худолүίә Нимазһоί
Тәлћүм,” ә 2007-мүн сал, 2-мүн кигоб - “Тәлћә
әрсһоί дәдәί,” ә 814 сәһифәрәвоз, руί үшүгә
ә кумәки ХУДОмәндә Офуррәҝорәвоз винири!
әзизә хундәҝорһо!!! Әίи китоб 2 нә 4 ҹәрҝә-
һорә, гәзәлһорә, бәндәһорә, шәίирһорә һәмиҝә
ίәкәм ә зуһун мусулмунәίи бәндәһо нә 2 ҹәрҝә-
ίиһо вә һәмчин әри вәҝирлүίә-ћүрмәтлүίә ин-
сонһо нүвүсдәм. Һәммәί әни әз гәләм дәсмә вә-
дирәмориһо нүвүсдәһорә әдәм ә ихтиίор иш-
му дорә, әрчүки, шоһирә биίо әнҹәг вә әнҹәг
ә ћәвәсәвоз хунуһо пәрәстишкорһоίу әз дүли-
ҹуни ҝоф хүшдәрә ә лоίигирәвоз вәрзунут!

***
Јә бәндәίүм шәίирһоίму,
Мәлћәм дүҝу шәίирһоίму.
Әз бәхшиίәт Тоҹә ХУДОш,
Зиίод буҝу шоһирһоίму!

***
Мозолә палундә әз сүрхиίә бәхт,
Ҹувурһоί Догимә шор зиһо һәр вәхт!!!

***
Читаешь стихи Эльдара Гуршумова и слы-
шишь музыку. Это и понятно: он не только
прекрасный поэт, но и талантливый музы-
кант.
Читаешь его стихи и вместе с ним восхища-
ешься тем, что восхищает его, влюбляешься в
тех, в кого влюблен он, смеёшся, а иногда пла-
чешь вместе с ним. Эльдар Гуршумов – поэт,
имеющий своё лицо. Даже если под его сти-
хами не указан автор, читатель сразу же го-
ворит: “ Это – Эльдар Гуршумов. Далеко не
о каждом поэте, к сожалению, можно сказать
эти слова.
Но мне хочется поговорить сегодня ещё об
одной значимости его творчества. Иногда в
толковых словарях рядом с каким-либо словом
стоит указание написанное курсивом - поэт,
то есть это слово – не обыкновенное это сло-
во поэтическое. Вся поэзия Эльдара Гуршу-
мова пронизана его удивительноблагозвучны-
ми поэтическими словами. Эльдар Гуршумов
вошёл в историю поэзии горских еврее как
человек, подарившиί своему народу не толь-
ко чудесные стихи, но и много чисто горско-
евреίских слов, обогативших лексику родного
языка.
Замечательный певец, замечательный ора-
тор, замечательныί поэт. Удивительно, как он
находит нужные слова, как умело нанизывает
он их в своей речи, в своих стихах, в своих
песнях одно за другим. И они – его речь, его
песни, его стихи – становятся и такими же
прекрасными, как нить жемчуга, собранная
искусным специалистом.
Только природный талант и упорныί труд
создают такие жемчужины творчества. Я лично
благодарен Эльдар-мюалиму не только за то, что
он дарит человеку благие минуты при чтении
своих стихов, но и за то, что имел возможность
почерпнуть из его богатой лексики множество
слов при составлении горско-еврейского сло-
варя.
Профессор Михаил Агарунов,
член Союза писателеί Израиля.

***
Неделю ночами я читал книгу - “Божест-
венные Синагоги Талхума - Таира”, наслаж-
даясь строками и разнообразными формами
стихов и поэм горско-еврейского поэта Эльдара
Гуршумова. Я понял, что передо мной совре-
менный поэт – новатор, которого я не встречал
в нашей горско-евреίскоί поэзии за всю свою
долгую литературную жизнь.
Лазарь Амиров, поэт,
член Союза писателеί Израиля.

ћәзизә хундәҝорһо!!! Нγвγсдәмһо шәjирһо,
гәзәлһо, 2 нә 4 ҹәрҝәһо, рγбоиһо, бәндәһо, мә-
ниһо вә поәмоһо ә китобһо тәкрор нәс рафдә.

БӘНДӘҺО

1
Јә бәндәίүм нубоίмәш,
Әз Тироίи нубоίмәш.
Ки равустҝә сәҝәлү,
Ә хок мүдү Худоίмәш!

2
Јә бәндәίүм шоримәш,
Шәклү нисди шоримәш.
Чум ән ХУДО вәриһо
Израили – Хоримәш.

3
Јә бәндәίүм воҹлүһош,
Ә хов нирав воҹлүһош.
Мәсләћәтә нә ҝүрдҝә,
Ә бод мурав тоҹлүһош.

4
Јә бәндәίүм парусдәί,
Әз тикәί сүрх парусдәί.
Јә данана сәр бири,
Ә хәр чүларз чарусдәί?

5
Јә бәндәίүм пинәчи,
Пәлү зәрә пинәчи.
Дүлә әз кор поίундәј,
әҹәл буһо кин әҹи?

6
Јә бәндәίүм нә товуш,
Нә торик бу, нә товуш.
әсму сиίә дәҝүрдҝәш,
Нә вәрф омо, нә воруш.

7
Јә бәндәίүм мәвомун,
Ә нәфс хәрһо мәвомун.
Әгүлмәнд пури илом,
Ә дәс шәрһо мәдомун.

8
Јә бәндәίүм ниίору,
Бәдбәхт шори ниίору.
Базуί хори парустҝә,
Чү мисоху диίору?

9
Јә бәндәίүм тәһәнҝиш,
Ҹун онҝури тәһәнҝиш.
Ҝулләί овчи тушиҝә,
Чү мисоху пәләнҝиш?


10
Јә бәндәίүм мара тү,
Ә дур-дурһо мара тү.
Әри бирә боришмиш,
Ҝәнәш ә дүл дара тү.

11
Јә бәндәίүм чогәгуч,
Дәдәί бирә чогәгуч.
Сурог нисдҝә әз чорә,
Әҹә мурав чогә пуч?

12
Јә бәндәίүм ниҝири,
Рихдә овә ниҝири.
Саjл вәҝγрди иломә,
И чүларзи нидири?

13
Јә бәндәίүм һә куфди,
Синәj түрә һә куфди.
ћәрим нисдҝә хурдә чи,
Ҝәнәш әрчү вәкуфди?

14
Јә бәндәίүм нә ҝүрди,
Ҝофә ә ҝуш нә ҝүрди.
Гәчәгирә шәндәίҝә,
Чумә әрчү дәҝүрди?

15
Јә бәндәίүм нә рафди,
Никә рәћә нә рафди.
ХУДОтәрси нисдиҝә,
Ә чол чүтам дарафди?

16
Јә бәндәίүм сәрмәрә,
Дордлү һишдәί сәрмәрә.
Имоί пәшму бирәίҝәш,
Әрчү куфдә дәр мәрә?

17
Јә бәндәίүм нә бирәί,
Ә әшг сәдиг нә бирәί.
Ә бирәћми поί норәί,
Ә дүл чүтам дәбирәί?

18
Јә бәндәίүм нә кошди,
Јә шивәрә нә кошди.
Дорһо бәһәр овурди,
Ә бог чүларз вәҝошди?

19
Јә бәндәίүм ниίо бу,
Тәрслү ίәзуг ниίо бу.
Ә зимиләрз дүл ҝирош,
Әшглү сәдиг биίо бу.

2
Јә бәндәίүм мәίилиш,
Ә шор бирә мәίилиш.
Бәбә-дәдәί фурмундҝә,
әзоб дирә әίилиш.

21
Јә бәндәίүм зомонәш,
Дәҝиш бири зомонәш.
Ҹовонһо ҹиҝә ҝүрди,
Пирһо мунди биҝонәш.

22
Јә бәндәίүм нәлоίиг,
Ҝофһо бирә нәлоίиг.
Дәно зәҝә кәләтәш,
Нә боҹлүни, нә соίиг.

23
Јә бәндәίүм, лилову,
Овә рихдә лилову.
әрүс фурми наз доҝәш,
Зәћлә бәрдә хилову.

24
Јә бәндәίүм гәләмсүз,
Шоһир хүшҝи гәләмсүз.
У үлкәрәш од нибу,
Дово бәрдҝә әләмсүз.

25
Јә бәндәίүм һәдәфлү,
Ҝуллә зәрә һәдәфлү.
Ошуг ә тоҹ ниваров,
Саз нә бирә сәдәфлү.

26
Јә бәндәίүм оморум,
Ә сурог тү оморум.
Пәίләί овәш нә дори,
Ки муҝуίу доморум?

27
Јә бәндәίүм биҹтәίи,
Ҝиҹә мәҝу - биҹтәίи.
У зуһун ки түрә вә,
Әз лов чинкәш тиҹтәίи.

28
Јә бәндәίүм нә ҝүрди,
Ҝофә ә ҝуш нә ҝүрди.
Ә гәтрәίи офдорә,
Дүләстирәш вәҝүрди.

29
Јә бәндәίүм пуч нибу,
Ләпәлүһо пуч нибу.
әрүс ҹиһиз нә бәрдҝә,
Ҹун ћәтониш гуч нибу.

30
Јә бәндәίүм вәс бирә,
Јә ҹура ҝоф вәс бирә.
Дүлһо тәлћи зәрәнкиш,
Мγһбәт дүрүст нәс бирә.

31
Јә бәндәίүм ниίорут,
Гәһрә ә ίор ниίорут.
Бугозбури сохтә вәхт,
Кинәш ә дүл мидорут.

32
Јә бәндәίүм нә бәрдәт,
Ворә ҝүҹлү нә бәрдәт.
Кәлә ошир бирәтҝәш,
Ә шүгәм кәм дәбәрдәт.

33
Јә бәндәίүм нибошум,
Ә ҝоф дурҝу нибошум.
Сәртү болуш дирәнки,
Әнҹәг гурбу мибошум.

34
Јә бәндәίүм нивини,
Зиндә вәдә нивини.
Томошәίә ҹәннәтәш,
Мүрдә бәгдә мивини.

35
Јә бәндәίүм ниварам,
Ә сәр аташ ниварам.
Бирәнгинә ҹәсдәнкиш,
Ә гәд дүлтү мидарам.

36
Јә бәндәίүм пәс норә,
Бәдлүίә дәрд пәс норә.
Бурра әз сал үмүриш,
Јәкиш ә гәрд нәс дорә.

37
Јә бәндәίүм сухунди,
Кобоб сохди, сухунди.
Ә кәс ҝирίә вәпичи,
Тү әрсиш нә рухунди.

38
Јә бәндәίүм нә бисдо,
Әз ҝоф чорә нә бисдо.
Тологә кор бирәнкиш,
Әшг ә ворә дәбисдо.

39
Јә бәндәίүм бивәҹи,
Әз гәргушһоί бивәҹи;
Ә сәр сүлмә варафда,
И хәрәрәш ки дәчи?

40
Јә бәндәίүм бүҝүриш,
Дустлу бошҝу бүҝүриш.
Нобҝә әз дәс тәћноίи,
Кутәћ имбу үмүриш.

41
Јә бәндәίүм тарафлү,
оҹиз нибу тарафлү.
Ә гәд кәлә мәҹлүсһош,
Тух мүнүшү сарафлү.

42
Јә бәндәίүм вәчәίи,
Хоίә - әри вәчәίи.
илом сурлу нә бирә,
Јә таза ҹун әҹәίи?

43
Јә бәндәίүм кәлә бу,
Зимиләрзһо кәлә бу.
Чәнд хунәһош вачаруст,
И чүларзи гәлә бу?

44
Јә бәндәίүм чарусди,
Хок ә малад чарусди.
Әз гәрәнтуί думонһо,
И саίл чүтар парусди?

45
Јә бәндәίүм чәмүсди,
Хиίәһ кәмәр чәмүсди.
әҹәл, хәбәр шинирә,
Әрчү омо һәлүсди?

46
Јә бәндәίүм һә кәί мунд,
Хәрлүбәндһо һә кәί мунд.
Јә кәлмә ҝоф нә сохдәш,
Әгүл сәрә ки пәίмунд?

47
Јә бәндәίүм пичири,
Ҝоф ә зуһун пичири.
Бәхтәш әз гуг асдара,
Сүлмә норә, ки чири?

48
Јә бәндәίүм сарусди,
Әз буί-бухун сарусди.
Минәт сохдә ә ХУДОш,
Ә рүћ әрчү чарусди?

49
Јә бәндәίүм бисд дори,
ХУДО сади бисд дори.
Духдәртγ бирә ҹиҝәш,
ћәмол әрчү бисдори?

50
Јә бәндәίүм хушлу бу,
Әз сәр-сифәт хушлу бу.
Гәίмоглүίә моч бәрдүм,
Әзҹә танум туршлу бу?

51
Јә бәндәίүм вәҝәрдо,
Бисд ә сәр сад вәҝәрдо.
Ночог буһо бићолиш,
Әз дорд азад һә ҝәрдо.

52
Јә бәндәίүм варавҝу,
Рүћ ә ҹәннәт варавҝу.
Дәрһо гили бирәнкиш,
Әз сәр чапар даравҝу.

53
Јә бәндәίүм ә сәр поί,
Руз ҝирошдҝәш ә сәр поί;
Шәвиш динҹлү хисирә,
Нидомуни ә шәр воί.

54
Јә бәндәίүм тә ҝүрдә,
Зуһунурә тә ҝүрдә;
Тиракусдә әлчәгиш,
Бүхтү мәнү тә мүрдә.

55
Јә бәндәίүм әз шону,
Сурог нисдҝә әз шону;
Хүшдәнхоһә тәрифә,
Хәлгиш ә сәр мофдону.

56
Јә бәндәίүм парундә,
Ә бим рүћә парундә;
Хотурхоһи ҹәмәтәш,
Ә хок нибу чарундә.

57
Јә бәндәίүм ә шәр дә,
Билоίиги ә шәр дә.
Гудузә сәҝ бисдоҝәш,
Үшүг чумә ки бәрдә?

58
Јә бәндәίүм шинирә,
Әз бим бүхтү шинирә;
Әнҝүл вәһо русмурәш,
Һомор нибу винирә.

59
Јә бәндэίүм ничару,
Дог ә тәпә ничару.
Хүрдә-хуруш гәзонҹһо,
Ә дәвләтиш мичару.

60
Јә бәндәίүм ов бирә,
Воруш рихдә, ов бирә.
Тәһгир буһо һәсүллүш,
Дүлә митав лов дирә.

61
Јә бәндәίүм нихоίут,
Шориίүрәш нихоίут.
Хәлг чугулә кур дирә,
Лолиίүрәш михоίут.

62
Јә бәндәίүм һинәрү,
Бәрглү имбу һинәрү.
Оммо әз сәр рафданкиш,
Зибәр хәлгә мибәрү.

63
Јә бәндәίүм пир нибу,
Рәћмлү зутә пир нибу.
Шәрә корһо вүнүһош,
Әз чум ХУДО вир нибу.

64
Јә бәндәίүм ниваров,
Зобу ә һәгг ниваров.
Обур руίу рафданкиш,
Губу ә дүл мидиров.

65
Јә бәндәίүм вәҝири,
Ә шор ћүрмәт вәҝири.
Шүкγр сохдә ә ХУДО,
Әз Тирош моч мәҝири.

66
Јә бәндәίүм әз хошу,
әҹәл ниίов әз хошу.
Сади бисдә дирәjиш,
Әз рәћм ХУДО мибошу.

67
Јә бәндәίүм дәчарусдә,
Мозол ә бәхт дәчарусдә.
Толог дорә, гуί бирәнки,
Хунәш митав вәчарусдә.

68
Јә бәндәίүм ә гәд рүћ дә,
Хуб-хәрәби ә гәд рүћ дә.
Чугулίәти сохтҝә ίә бош,
Ҝәнәш митав бәд фурухдә.

69
Јә бәндәίүм сәәр нибу,
Бәдлүίә кор сәәр нибу.
Бибәхширә рәћмлү хундә,
Мүнүк чиίүш зәћәр мибу.

70
Јә бәндәίүм ниίо дурру,
Мәрд обурә ниίо дурру.
Тиҹә ләәί ән нәҹәгиш,
Әнҹәг һүзүм биίо бурру.

71
Јә бәндәίүм ә дур нирав,
Ноләί хунхур ә дур нирав.
Дүлә әз кор вәдәшәндә,
Ә сәр тобут ә гур мирав.

72
Јә бәндәίүм вәҝошдәни,
Нифри-гәргуш вәҝошдәни;
Ә нәшәри буһо ҹиҝәш,
ХУДО чумә дәкошдәни.

73
Јә бәндәίүм виҹә бирә,
Һүмүр ә тоί виҹә бирә.
Јә мисиләί ән хушбәхтиш,
Әри мозол миҹә бирә.

74
Јә бәндәίүм дәс ниҝүрү,
Сухтәкәлә дәс ниҝүрү.
Зәћмәтхоίлуш буһо инсон,
Әз тирίохиш ћәз миҝүрү.

75
Јә бәндәίүм ә ҹоί нирав,
Кифләтхоίлу ә ҹоί нирав.
Әз ћүлг бугоз ҝүрдәҝориш,
Һәр кәпикү ә соί мирав.

76
Јә бәндәίүм нитав бирә,
Рүћ хорилү нитав бирә.
Ә сәр говрә варафдәнкиш,
Сугдә хунә митав дирә.

77
Јә бәндәίүм ίовош-ίовош,
Тә күч сохдә ίовош-ίовош;
Гогол хурдә, ә нисонуш
Јорәвурдо гәίгулу бош.

78
Јә бәндәίүм тәмәћ нивни,
Миҹ әзобә тәмәћ нивни.
Кәм-амбари ән үмүрәш,
Ховә хунә кутәћ миίни.

79
Јә бәндәίүм һисди әҝәм,
Пулу-молу һисди әҝәм;
Әз гәриби пир бирәҝор,
Бәдбәхт илом нисди бәҝәм?

80
Јә бәндәίүм тә чәрх рафда,
Хун ә дамар тә чәрх рафда;
Хүшдәни дүл нә ҝирисдәш,
Әз кор нитав вәдарафда.

81
Јә бәндәίүм рүћбәнд нибу,
Јә бидиниш рүћбәнд нибу.
Сабур тәίтә бәһәр дорә,
Ә имидиш рүхшәнд мибу,

82
Јә бәндәίүм тә вәҝүрдә,
Тәмизә од тә вәҝүрдә;
Бим-бушлүίә ихтилотһош,
Пишоί һәггә нитав ҝүрдә.

83
Јә бәндәίүм һоί низәнүт,
Шәрһо ә шор һоί низәнүт.
Дәрди-сәрә корһо дирәш,
Ә бәдбәхти поί мидәнүт.

84
Јә бәндәίүм нивәнүт дүл,
Ә нәћсә кор нивәнүт дүл.
Һәләлугә шәггә зәҝәш,
Ә вәдәίү мизәнүт һүл.

85
Јә бәндәίүм ә ίор дошдә,
Ҝирошдорә ә ίор дошдә.
Хушбәхтиίә ҹовониһо,
Һич пәсәво нәс воҝошдә.

86
Јә бәндәίүм тә гүч дирә,
Хәрәбәрә тә гүч дирә;
Рүћ дәдәίә шор сохуһо,
Корһо виниш тә күч бирә.

87
Јә бәндәίүм һәр боί ҹәсдә,
Асдараһо һәр боί ҹәсдә;
Әз әшглүίә мүһбәт офто,
Мәнҝиш тәћно нәс вәҹәсдә.

88
Јә бәндәίүм торикирә,
Шәв миίору торикирә.
Ә фурм пәшмһоί әрүсбәндиш,
Ки моίору ориҝирә?

89
Јә бәндәίүм ҹилит мибу,
Гисмәт нәмәрд ҹилит мибу.
Очор мәрдиш парс ҝүрдәнки,
Ә дәр ҹәннәт килит нибу.

90
Јә бәндәίүм ниίо вошу,
Зәћм номусә ниίо вошу.
Рачә миид зиндәҝуниш,
Әз рәћм ХУДО биίо бошу.

91
Јә бәндәίүм согирә,
Ә пәмбә дор согирә.
Нобҝә оһил нә бирәш,
Гисмәт миίни гогирә.

92
Јә бәндәίүм миләрзү,
Нәрбәнд вәлҝлү миләрзү.
Тәрсәнҝоһиш бошуһо,
Ә кәпикиш нивәрзү.

93
Јә бәндәίүм дирәίи,
Бигирίәти дирәίи;
ћовур ә ίод чарусдҝә,
ћәриф дүлиш кирәίи?

94
Јә бәндәίүм нидору,
Мигдор сала нидору.
Әз гәд ләә парундә,
Дәдәί бала мидору.

95
Јә бәндәίүм нә вәҝүрд,
Бәдћисоби нә вәҝүрд.
ћүршү фантан зәрәнкиш,
Сәр хунхурә ки дәҝүрд?

96
Јә бәндәίүм әрәчи,
Сурог доҝәш әрәчи;
Ә бим судум хәләίиг,
Дог чарнуһош нәр әҹи?

97
Јә бәндәίүм гәсдирә,
Виҹирәнки гәсдирә;
Тә гисосә вәҝүрдәш,
Әлчәг сокит нәс бирә.

98
Јә бәндәίүм бәрдә шәр,
Үшүг чумә бәрдә шәр.
Сәћиб дәвләт бисдоҝәш,
Руз нивинү дәрдәҹәр.

99
Јә бәндәίүм чарустә,
Рәћлү ә рүћ чарустә.
Ә сиίә хок даравһош,
Сүрхлү нитав парусдә.

100
Јә бәндәίүм ә сабур,
Нифрәт мәсох ә сабур.
Сәдигирә шәндә вәхт,
Нә ћол имбу, нә обур.

101
Јә бәндәίүм ә туф дә,
Нәәләти ә туф дә.
Хурдҝәш тәрә-тәәди,
ћәлолбәнд нәс вокуфдә.

102
Јә бәндәίүм вәҝүрдә,
Тә имидә вәҝүрдә;
Чумнәвәҝир бошуһо,
Бәћс имбәрү тә мүрдә.

103
Јә бәндәίүм нә дири тү,
Ә чумәвоз нә дири тү.
Әз ҝоф сохдәί әрәчиһош,
Ә дүл чүларз дәбири тү?

104
Јә бәндәίүм кәί варафди,
Ә сәр күлүш кәί варафди;
Инсонә хуб тә шинохдә,
Ә гәд дүлүш кәί дарафди?

105
Јә бәндәίүм нә сухунди,
Һич вәхт дүлә нә сухунди.
Оммо пишоί күчмиш бирә,
әрсә әрчү саjл рухунди?

106
Јә бәндәίүм ә ҹәћт вошҝу,
Нифрәтлγ бош ә ҹәћт вошҝу.
Әри jә ҝоф дәшнәвундәш,
Нәрми ән дүл бисәхт бошҝу.

107
Јә бәндәίүм ниίо бошу,
Нәсил кәм-кур ниίо бошу.
Әри вәчә вошундәίиш,
Кәрҝә сабур биίо бошу.

108
Јә бәндәίүм дәпарундә,
Хәндәί ловә дәпарундә;
Пәћәникә чγн jә залум,
Шорә ә хун ки чарундә?

109
Јә бәндәίүм пичирә,
Һәгг ә дузи пичирә.
Сурог нисдҝә әз хубиш,
Хәрәбә ки виҹирә?

110
Јә бәндәίүм ҹарундә,
Сура нибу ҹарундә.
Ләпәлүίә ҝофиҝә,
Ҝушә әрчү карундә?

111
Јә бәндәίүм ниίору,
Лићә - палаш ниίору.
Түндә гәрги офтоίиш,
Ҝәрми аташ миίору.

112
Јә бәндәίүм бәгәлү,
Ширин имбу бәгәлү.
Кучә һомор нә бирәш,
Вози нибу сәгәлү.

113
Јә бәндәίүм минҹирә,
ћәлоллу бур минҹирә.
Нобҝә әз шәфт ћәрими,
Лγҝγ миίни динҹирә.

114
Јә бәндәίүм ҹәфокәш,
Пул дорәнки ҹәфокәш;
Чүрүҝүрә виҹирә,
Ә тирозу софә кәш.

115
Јә бәндәίүм вәри рәћмәт,
Ә сәр зувун вәри рәћмәт.
Кәм-амбари ән ίә сәҝиш,
Дәрд ниίору әри ҹәмәт.

116
Јә бәндәίүм бәәдәти,
Динҹ нипоίу бәәдәти.
Әз ҹинс ән сәҝ бирә ҹиҝә,
Равусдәίүш әз әдәти.

117
Јә бәндәίүм воί мизәнүт,
Ҝирίәсохһо воί мизәнүт.
Гәм бәдирә хурдә вәдәш,
Ә бәд ίәккә поί низәнүт.

118
Јә бәндәίүм ә ίод нирав,
Сугдә гәргуш ә ίод нирав.
Сәрәдорди ҝуҹ дорәнки,
ћол-әћволиш ә бод мирав.

119
Јә бәндәίүм митав бирә,
Биһәгг әнкор митав бирә.
Әз ночоги дәҝәшдүһош,
Әз болуш шор нитав бирә.

120
Јә бәндәίүм митав дәрдә,
Гәмлү әҹәл митав дәрдә.
Гәрәгәтрәί мүүҹүзһош,
Вәхтә пишо нитав бәрдә.

121
Јә бәндәίүм мибу дошдә,
Сүрхә дәбәш мибу дошдә.
Вәтәнхоһи нә бирәнки,
Јә шивәрәш нибу кошдә.

122
Јә бәндәίүм нитав бирә,
Соглом ћәлов нитав бирә.
Гәнчур буһо нимәҹунлуш,
Чәнд ҹүр болә митав дирә.

123
Јә бәндәίүм митав дәрдә,
Оһил гәним митав дәрдә.
Әз дүл ХУДО нә бирәнкиш,
әҹәл ҹунә нитав бәрдә.

124
Јә бәндәίүм думон миίов,
Ә сәр догһо думон миίов.
Ә пишони ән сәдигиш,
Хәрәб буһо ҝүмон ниίов.

125
Јә бәндәίүм мәст нисоху,
Үҝәίә әшг мәст нисоху.
Похли-похли әрс рүхүһош,
Хун дамара хәст мисоху.

126
Јә бәндәίүм чарусдәни,
Хуб ә хәрәб чарусдәни.
Гәлпәί базу парунуһош,
Әз сәҝ гәзәб равусдәни.

127
Јә бәндәίүм ә бору,
Мәнүт бунә ә бору.
Дамар - гобдон бирәίиш,
Сад сал хунә мидору.

128
Јә бәндәίүм ни ҝүрү,
Сараф кинә ни ҝүрү.
Бичорәίә нәчогиш,
Әнҹәг, бинә миҝүрү.

129
Јә бәндәίүм буί мидү,
әίил сәр сал буί мидү.
Ҹәгүсдәίә ҝофлүһош
Ә ҹәнҝ хуни суί нидү.

130
Јә бәндәίүм мирасү,
Сиб ә вәхтү мирасү.
Кинлүίә дүл бошуһош,
Ә һәр ҹәћтү нирасү.

131
Јә бәндәίүм мичару,
Вәрф ә воруш мичару.
Јәруίирә доруһош,
Әз ҝоф хүшдә ничару.

132
Јә бәндәίүм әз тики,
иломә вин әз тики.
Әри милίон вәчирә,
Миҹәί пулиш кәпики.

133
Јә бәндәίүм нун мидү,
Ҝүндәί хәми нун мидү.
Дәрд күшүһо инсонәш,
Һозор дәрму ҹун нидү.

134
Јә бәндәίүм мисохут,
Әз офто шор мисохуг.
Дустәш бирор ҝуфдирә,
Әлчәгә кор нисохут.

135
Јә бәндәίүм вошуҝу,
Хәмирә мүшд вошуҝу.
Гәмә дүһо мозолиш,
Гисмәт дүшмә бошуҝу.

136
Јә бәндәίүм хирмони,
Ҝәндүм бәһәр хирмони.
Хәлгә суίмиш сохуһош,
Дәрд миίору бирίони.

137
Јә бәндәίүм нибәрү,
Тоҹи нумәш нибәрү.
Әлчәг буһо ίә гунши,
Үшүг чумәш мибәрү.

138
Јә бәндәίүм рачирә,
ХУДО дорә рачирә.
Ә зомонәί пирίәти
Уш митанү паҹирә.

139
Јә бәндәίүм ҝүрдәрәш,
ћәрзо нидүт ҝүрдәрәш.
ХУДО вәхтә норәнки,
ћәзүр миίнүт мүрдәрәш.

140
Јә бәндәίүм никуίут,
Дәр оширәш никуίут.
Әгүлмәндә онирә
Вәчәί хәриш миҝуίут.

141
Јә бәндәίүм нибуру,
ћәрим әз тән нибуру.
ћәлолирә воίуһош
Әз әрәг тән михуру.

142
Јә бәндәίүм ниҝүрү,
Әгүлмәнд кин ниҝүрү.
Бәдбићисоб дирәнкиш,
Әз хиртәк ҹин миҝүрү.

143
Јә бәндәίүм ниваров,
Ә сәр кәлләш ниваров.
Ә ћол зәћәр чарусдә,
Ә гәд раҝүш мидаров.

144
Јә бәндәίүм нибәрү,
Зибәр ҹунә нибәрү.
Ә ух низә чарусдәш,
Үшүг чумә мибәрү.

145
Јә бәндәίүм тә мүрдә,
Ловго мәбош тә мүрдә.
Әз руί бәдрәί хомә шир
Гәίмогһорәш ки ҝүрдә?

146
Јә бәндәίүм әһәнҝ ҹин,
Сәрсон мәбош әһәнҝ ҹин.
Ә ихтилот дарафда,
Ҝоф-ҝәләҹәш мәвәнҹин.

147
Јә бәндәίүм ә шүкүр,
Нифрәт мәсох ә шγкγр.
Зәћәрлү ҝоф сохуһош
әсәл нивнү ә бүҝүр.

148
Јә бәндәίүм мибәрү,
Хәрлү шәлә мибәрү.
Әгүлмәндиш бошуһо
Зибәр хәлгә нибәрү.

149
Јә бәндәίүм мәдәбәр,
Кинә ә дүл мәдәбәр.
Бәхил-пәхүр бошуһош
Русвоί имбу дәр-бәдәр.

150
Јә бәндәίүм мәҝәрдун,
Ҝуриндирә мәҝәрдун.
Хилос бирә әз чоги,
Ләгәрирә вәҝәрдун.

151
Јә бәндәίүм мәхүсү,
Күз әз рүвәћ мәхүсү.
Ә болнәίү поίуһош,
Бил, тә сәбәћ нәхүсү.

152
Јә бәндәίүм ворвори,
Әри нәрмә ворвори;
Гүздүрмәίү вәбуһош
Нидомуну әз шори.

153
Јә бәндәίүм ә гуру,
Шүбһә мәкәш ә гуру.
Чәтин буһо зиндәҝун
Согломирәш михуру.

154
Јә бәндәίүм сәфоί ћәм,
Шор нәс дорә сәфоί ћәм.
Шәвһо ховсүз ҝирошдҝәш,
Борсүз бирә ҹәфоί гәм.

155
Јә бәндәίүм дәбошҝу,
Сабур ә дүл дәбошҝу.
Әз ίорәвурд күһнә ћол,
Ләрбәш таза нә бошҝу.

156
Јә бәндәίүм типирәш,
Хуш-нуш мәдор типирәш.
Әз вошҝунәί бәдә рүћ
Дүлхоширә ки дирәш?

157
Јә бәндәίүм ίә дәби,
Ночог бирә ίә дәби.
Дүлбәрлүίә хәбәрһош
Әри мүрдә сәбәби.

158
Јә бәндәίүм бош рәћәт,
Динҹ хисирә, бош рәћәт.
Јә мәәно нә дәҝә,
Шәίир нибу бушә хәт.

159
Јә бәндәίүм мизүһү,
Бүзүрҝ бәргиш мизүһү.
Ҝоф нә мундҝә әз шоһир,
Ә дүл хәлгиш низүһү.

160
Јә бәндәίүм jәбош тү,
Гәләт мәсох jәбош тү.
Ә дүл ҹәмәт дарафда,
Ә рәћ ники дәбош тү.

161
Јә бәндәίүм губ мибу,
Зәћмоί колиш губ мибу.
Сүрхә ҝофһо нә бирә,
ћол-әћволиш хуб нибу.

162
Јә бәндәίүм гәдүрдан,
Ә ћол миίов гәдүрдан.
Ә гәд ίәлов нә сухдәш,
Ҝәрм дγлjγрә бγҝγр дан.

163
Јә бәндәίүм нибу бәсдә,
Рәћ ҹәмәтә нибу бәсдә.
Әз ҝоф Тиро ίон рафданкиш,
Ночогбәндлү имбу хәстә.

164
Јә бәндәίүм һисди әҝәм,
Тә имконтү һисди әҝәм;
Ширинә ҝоф тухтәмиши
Дәрмуί ночог нисди бәҝәм?

165
Јә бәндәίүм әз бәдмозол,
Ҝәрми ниίов әз бәдмозол.
Лов-ләәίү килит зәҝәш,
Чәрми миίов әз гәд зовол.

166
Јә бәндәίүм һисдиҝә хүрд,
Гәнәтһоίу һисдиҝә хүрд;
Ә сәр хоίә сад бо нүшдҝәш,
Вәчә нидү әзини гүрт.

167
Јә бәндәίүм күчә сәәт,
Нум биίо бу күчә сәәт.
Моошурә мигдор нисдҝәш,
Әз ҹоллоди - чү сәнәәт?

168
Јә бәндәίүм ҹиро нибу,
Хун әз дамар ҹиро нибу.
Һозор китоб нүвүсдиҝәш,
Бурра нәхүί Тиро нибу!

169
Јә бәндәίүм ә һәд нәфәс,
Чорә вәри ә һәд нәфәс.
Ә фурм ләпәί ән гәрәбәч
Дүлиш дәри ә гәд гәфәс.

170
Јә бәндәίүм әсир хундә,
Нүкәр нумә әсир хундә.
Сугдә дәдәί нә бирәнкиш,
Чү мисоху ίәсир мундә?

171
Јә бәндәίүм һәдә шәнү,
Инсон ниίо һәдә шәнү.
Нобҝә ҝуҹлу бирә вәдә,
Ҹунәш әз тән мәдәшәнү.

172
Јә бәндәίүм әз ίәләгү,
Гүҹ мәдиро әз ίәләгү.
Әз бәдлүίә хов-хәίолһош
Сүпүл инсон ниίо ҹәгү.

173
Јә бәндәίүм бәћсирәни,
Әгүлмәндһош бәћсирәни.
Ә зир ҝәрмә гәрги офто
Ҹәиш әз сәр тәћсирәни.

174
Јә бәндәίүм нитав бирә,
Ҹәннәт очуг нитав бирә.
Рәћмә дүлә күшдәҝориш
Ҹәһәннәмә митав дирә.

175
Јә бәндәίүм кәсиш нитав,
Сурр хунәрә кәсиш нитав.
Динҹә лүгә бирә ҹиҝә
Хушбәхтирә вәсиш митав.

176
Јә бәндәίүм ҹиро нибу,
Бәхт әз мозол ҹиро нибу.
Јә кәм рәћә шәфт рафданкиш,
Нубоί ХУДО -Тиро мибу.

177
Јә бәндәίүм әзизмәндә,
Ҝуҝус мәсох әзизмәндә.
Фурмундәҝор нә бирәнки,
ХУДО дошдә тәмизбәндә.

178
Јә бәндәίүм нур нидәбу,
Ә чум әлчәг нур нидәбу.
ћүлг вәбуһо сәдигһорәш,
Ә гәд дүлү сурр мидәбу.

179
Јә бәндәίүм хүрдә бирә,
Нәмә воруш хүрдә бирә.
Әз әίили тә күч рафдаш,
Ән кәлә гәрд мүрдә бирә.

180
Јә бәндәίүм бүҝүрлүни,
Бәхт нә мозол бүҝүрлүни.
Пишоί сәбәћ вәхүсүһош,
Ә чум ХУДО шүкүрлүни.

181
Јә бәндәίүм мичару,
Дәрд ә зәћәр мичару.
Һозор салһо ҝирошдҝәш,
Гәтүр ә хәр ничару.

182
Јә бәндәίүм мибәри,
Кәί һәгг-ћисоб мибәри;
Јә дәһиләί сүрхирәш
Ә у илом нибәри.

183
Јә бәндәίүм тәәдиш,
Сохдә-сохдә тәәдиш;
Гәнәтлүίә мәниһо
Пар мизәнүт әбәдиш.

184
Јә бәндәίүм әз күчү,
Хәбәр нисдҝә әз күчү;
Гувотсүзә иҝидһо
Әз тапанча мәпүчү

185
Јә бәндәίүм ниίору,
Одә бәднум ниίору.
Јә хубирә тә сохдәш,
Сад бо әз чум миίору.

186
Јә бәндәίүм соф мибу,
ор әз бинәш соф мибу.
Тәнбәлирә нә шәндә,
Әз һүнәриш ҝоф нибу.

187
Јә бәндәίүм зәрд мибу,
Сүрх һомбору зәрд мибу.
Јә әз мүрдә совоίиш
Мозолмәндә гәрд нибу.

188
Јә бәндәίүм ниваров,
Гуш ә космос ниваров.
Руίа дорһо пар зәрәш,
Ә гәд лула мидаров.

189
Јә бәндәίүм никәшү,
әрүс кутон никәшү.
Руί сифәтә дәҝүрдә,
Хәҹәләти микәшү.

190
Јә бәндәίүм ә бәхшү,
Мозол дәни ә бәхшү.
Нобҝә шивән зәрәнки,
ћүвсәләрәш мәрәхшү.

191
Јә бәндәίүм суί зәрүш,
Әз сүрх нәбу суί зәрүш.
Мәгбунирә виҹиҝә,
Сипи имбу муί сәрүш.

192
Јә бәндәίүм нирүхү,
Воруш биһәг нирүхү.
Ковнәί дүл зән кәндәнки,
әрсиш чүн дәг мирүхү.

193
Јә бәндәίүм дәбоши,
Биίо ә дүл дәбоши.
Вәҝирирә дошдәнки,
Ә зуһунһош мәбоши.

194
Јә бәндәίүм ник нибу,
Һәр рафда рәћ ник нибу.
Сүрхә фәрзәнд бирәнки,
Сәр кәләтәш тик мибу.

195
Јә бәндәίүм әз вини,
Нәфәсә кәш әз вини.
ХУДО-ХУДО ҝуфдирә,
Рәћмиίүрәш мивини.

196
Јә бәндәίүм ник мүрдә,
Әз ћәлоли ник мүрдә.
Биовунә руз дирә,
Сәрәш митаί тик ҝүрдә.

197
Јә бәндәίүм әрә ҝи,
Әз биҹәфо әрә ҝи.
Әри ћәмболә хәрһо
Ҹүίиш кошдә ҝәрәки.

198
Јә бәндәίүм дәм мидү,
Ош, ә суί чоί, дәм мидү.
Ә гәд тәнҝи домундҝәш,
Сүрхә кәлмә гәм нидү.

199
Јә бәндәίүм нивоίу,
Әшглү ћәсрәт нивоίу.
Ә чүл – сәћро офдоҝә,
Хәлгиш ниίов ә воίу.

200
Јә бәндәίүм нидир ов,
Воруш бирә - нидир ов.
Корһо бәһәм бирәнки,
Губиш ә дүл нидиров.

101
Јә бәндәίүм ә туф дә,
Нәәләти ә туф дә.
Хурдҝәш тәрә-тәәди,
ћәлолбәнд нәс вокуфдә.

102
Јә бәндәίүм вәҝүрдә,
Тә имидә вәҝүрдә;
Чумнәвәҝир бошуһо,
Бәћс имбәрү тә мүрдә.

103
Јә бәндәίүм нә дири тү,
Ә чумәвоз нә дири тү.
Әз ҝоф сохдәί әрәчиһош,
Ә дүл чүларз дәбири тү?

104
Јә бәндәίүм кәί варафди,
Ә сәр күлүш кәί варафди;
Инсонә хуб тә шинохдә,
Ә гәд дүлүш кәί дарафди?

105
Јә бәндәίүм нә сухунди,
Һич вәхт дүлә нә сухунди.
Оммо пишоί күчмиш бирә,
әрсә әрчү саjл рухунди?

106
Јә бәндәίүм ә ҹәћт вошҝу,
Нифрәтлγ бош ә ҹәћт вошҝу.
Әри jә ҝоф дәшнәвундәш,
Нәрми ән дүл бисәхт бошҝу.

107
Јә бәндәίүм ниίо бошу,
Нәсил кәм-кур ниίо бошу.
Әри вәчә вошундәίиш,
Кәрҝә сабур биίо бошу.

108
Јә бәндәίүм дәпарундә,
Хәндәί ловә дәпарундә;
Пәћәникә чγн jә залум,
Шорә ә хун ки чарундә?

109
Јә бәндәίүм пичирә,
Һәгг ә дузи пичирә.
Сурог нисдҝә әз хубиш,
Хәрәбә ки виҹирә?

110
Јә бәндәίүм ҹарундә,
Сура нибу ҹарундә.
Ләпәлүίә ҝофиҝә,
Ҝушә әрчү карундә?

111
Јә бәндәίүм ниίору,
Лићә - палаш ниίору.
Түндә гәрги офтоίиш,
Ҝәрми аташ миίору.

112
Јә бәндәίүм бәгәлү,
Ширин имбу бәгәлү.
Кучә һомор нә бирәш,
Вози нибу сәгәлү.

113
Јә бәндәίүм минҹирә,
ћәлоллу бур минҹирә.
Нобҝә әз шәфт ћәрими,
Лγҝγ миίни динҹирә.

114
Јә бәндәίүм ҹәфокәш,
Пул дорәнки ҹәфокәш;
Чүрүҝүрә виҹирә,
Ә тирозу софә кәш.

115
Јә бәндәίүм вәри рәћмәт,
Ә сәр зувун вәри рәћмәт.
Кәм-амбари ән ίә сәҝиш,
Дәрд ниίору әри ҹәмәт.

116
Јә бәндәίүм бәәдәти,
Динҹ нипоίу бәәдәти.
Әз ҹинс ән сәҝ бирә ҹиҝә,
Равусдәίүш әз әдәти.

117
Јә бәндәίүм воί мизәнүт,
Ҝирίәсохһо воί мизәнүт.
Гәм бәдирә хурдә вәдәш,
Ә бәд ίәккә поί низәнүт.

118
Јә бәндәίүм ә ίод нирав,
Сугдә гәргуш ә ίод нирав.
Сәрәдорди ҝуҹ дорәнки,
ћол-әћволиш ә бод мирав.

119
Јә бәндәίүм митав бирә,
Биһәгг әнкор митав бирә.
Әз ночоги дәҝәшдүһош,
Әз болуш шор нитав бирә.

120
Јә бәндәίүм митав дәрдә,
Гәмлү әҹәл митав дәрдә.
Гәрәгәтрәί мүүҹүзһош,
Вәхтә пишо нитав бәрдә.

121
Јә бәндәίүм мибу дошдә,
Сүрхә дәбәш мибу дошдә.
Вәтәнхоһи нә бирәнки,
Јә шивәрәш нибу кошдә.

122
Јә бәндәίүм нитав бирә,
Соглом ћәлов нитав бирә.
Гәнчур буһо нимәҹунлуш,
Чәнд ҹүр болә митав дирә.

123
Јә бәндәίүм митав дәрдә,
Оһил гәним митав дәрдә.
Әз дүл ХУДО нә бирәнкиш,
әҹәл ҹунә нитав бәрдә.

124
Јә бәндәίүм думон миίов,
Ә сәр догһо думон миίов.
Ә пишони ән сәдигиш,
Хәрәб буһо ҝүмон ниίов.

125
Јә бәндәίүм мәст нисоху,
Үҝәίә әшг мәст нисоху.
Похли-похли әрс рүхүһош,
Хун дамара хәст мисоху.

126
Јә бәндәίүм чарусдәни,
Хуб ә хәрәб чарусдәни.
Гәлпәί базу парунуһош,
Әз сәҝ гәзәб равусдәни.

127
Јә бәндәίүм ә бору,
Мәнүт бунә ә бору.
Дамар - гобдон бирәίиш,
Сад сал хунә мидору.

128
Јә бәндәίүм ни ҝүрү,
Сараф кинә ни ҝүрү.
Бичорәίә нәчогиш,
Әнҹәг, бинә миҝүрү.

129
Јә бәндәίүм буί мидү,
әίил сәр сал буί мидү.
Ҹәгүсдәίә ҝофлүһош
Ә ҹәнҝ хуни суί нидү.

130
Јә бәндәίүм мирасү,
Сиб ә вәхтү мирасү.
Кинлүίә дүл бошуһош,
Ә һәр ҹәћтү нирасү.

131
Јә бәндәίүм мичару,
Вәрф ә воруш мичару.
Јәруίирә доруһош,
Әз ҝоф хүшдә ничару.

132
Јә бәндәίүм әз тики,
иломә вин әз тики.
Әри милίон вәчирә,
Миҹәί пулиш кәпики.

133
Јә бәндәίүм нун мидү,
Ҝүндәί хәми нун мидү.
Дәрд күшүһо инсонәш,
Һозор дәрму ҹун нидү.

134
Јә бәндәίүм мисохут,
Әз офто шор мисохуг.
Дустәш бирор ҝуфдирә,
Әлчәгә кор нисохут.

135
Јә бәндәίүм вошуҝу,
Хәмирә мүшд вошуҝу.
Гәмә дүһо мозолиш,
Гисмәт дүшмә бошуҝу.

136
Јә бәндәίүм хирмони,
Ҝәндүм бәһәр хирмони.
Хәлгә суίмиш сохуһош,
Дәрд миίору бирίони.

137
Јә бәндәίүм нибәрү,
Тоҹи нумәш нибәрү.
Әлчәг буһо ίә гунши,
Үшүг чумәш мибәрү.

138
Јә бәндәίүм рачирә,
ХУДО дорә рачирә.
Ә зомонәί пирίәти
Уш митанү паҹирә.

139
Јә бәндәίүм ҝүрдәрәш,
ћәрзо нидүт ҝүрдәрәш.
ХУДО вәхтә норәнки,
ћәзүр миίнүт мүрдәрәш.

140
Јә бәндәίүм никуίут,
Дәр оширәш никуίут.
Әгүлмәндә онирә
Вәчәί хәриш миҝуίут.

141
Јә бәндәίүм нибуру,
ћәрим әз тән нибуру.
ћәлолирә воίуһош
Әз әрәг тән михуру.

142
Јә бәндәίүм ниҝүрү,
Әгүлмәнд кин ниҝүрү.
Бәдбићисоб дирәнкиш,
Әз хиртәк ҹин миҝүрү.

143
Јә бәндәίүм ниваров,
Ә сәр кәлләш ниваров.
Ә ћол зәћәр чарусдә,
Ә гәд раҝүш мидаров.

144
Јә бәндәίүм нибәрү,
Зибәр ҹунә нибәрү.
Ә ух низә чарусдәш,
Үшүг чумә мибәрү.

145
Јә бәндәίүм тә мүрдә,
Ловго мәбош тә мүрдә.
Әз руί бәдрәί хомә шир
Гәίмогһорәш ки ҝүрдә?

146
Јә бәндәίүм әһәнҝ ҹин,
Сәрсон мәбош әһәнҝ ҹин.
Ә ихтилот дарафда,
Ҝоф-ҝәләҹәш мәвәнҹин.

147
Јә бәндәίүм ә шүкүр,
Нифрәт мәсох ә шγкγр.
Зәћәрлү ҝоф сохуһош
әсәл нивнү ә бүҝүр.

148
Јә бәндәίүм мибәрү,
Хәрлү шәлә мибәрү.
Әгүлмәндиш бошуһо
Зибәр хәлгә нибәрү.

149
Јә бәндәίүм мәдәбәр,
Кинә ә дүл мәдәбәр.
Бәхил-пәхүр бошуһош
Русвоί имбу дәр-бәдәр.

150
Јә бәндәίүм мәҝәрдун,
Ҝуриндирә мәҝәрдун.
Хилос бирә әз чоги,
Ләгәрирә вәҝәрдун.

151
Јә бәндәίүм мәхүсү,
Күз әз рүвәћ мәхүсү.
Ә болнәίү поίуһош,
Бил, тә сәбәћ нәхүсү.

152
Јә бәндәίүм ворвори,
Әри нәрмә ворвори;
Гүздүрмәίү вәбуһош
Нидомуну әз шори.

153
Јә бәндәίүм ә гуру,
Шүбһә мәкәш ә гуру.
Чәтин буһо зиндәҝун
Согломирәш михуру.

154
Јә бәндәίүм сәфоί ћәм,
Шор нәс дорә сәфоί ћәм.
Шәвһо ховсүз ҝирошдҝәш,
Борсүз бирә ҹәфоί гәм.

155
Јә бәндәίүм дәбошҝу,
Сабур ә дүл дәбошҝу.
Әз ίорәвурд күһнә ћол,
Ләрбәш таза нә бошҝу.

156
Јә бәндәίүм типирәш,
Хуш-нуш мәдор типирәш.
Әз вошҝунәί бәдә рүћ
Дүлхоширә ки дирәш?

157
Јә бәндәίүм ίә дәби,
Ночог бирә ίә дәби.
Дүлбәрлүίә хәбәрһош
Әри мүрдә сәбәби.

158
Јә бәндәίүм бош рәћәт,
Динҹ хисирә, бош рәћәт.
Јә мәәно нә дәҝә,
Шәίир нибу бушә хәт.

159
Јә бәндәίүм мизүһү,
Бүзүрҝ бәргиш мизүһү.
Ҝоф нә мундҝә әз шоһир,
Ә дүл хәлгиш низүһү.

160
Јә бәндәίүм jәбош тү,
Гәләт мәсох jәбош тү.
Ә дүл ҹәмәт дарафда,
Ә рәћ ники дәбош тү.

161
Јә бәндәίүм губ мибу,
Зәћмоί колиш губ мибу.
Сүрхә ҝофһо нә бирә,
ћол-әћволиш хуб нибу.

162
Јә бәндәίүм гәдүрдан,
Ә ћол миίов гәдүрдан.
Ә гәд ίәлов нә сухдәш,
Ҝәрм дγлjγрә бγҝγр дан.

163
Јә бәндәίүм нибу бәсдә,
Рәћ ҹәмәтә нибу бәсдә.
Әз ҝоф Тиро ίон рафданкиш,
Ночогбәндлү имбу хәстә.

164
Јә бәндәίүм һисди әҝәм,
Тә имконтү һисди әҝәм;
Ширинә ҝоф тухтәмиши
Дәрмуί ночог нисди бәҝәм?

165
Јә бәндәίүм әз бәдмозол,
Ҝәрми ниίов әз бәдмозол.
Лов-ләәίү килит зәҝәш,
Чәрми миίов әз гәд зовол.

166
Јә бәндәίүм һисдиҝә хүрд,
Гәнәтһоίу һисдиҝә хүрд;
Ә сәр хоίә сад бо нүшдҝәш,
Вәчә нидү әзини гүрт.

167
Јә бәндәίүм күчә сәәт,
Нум биίо бу күчә сәәт.
Моошурә мигдор нисдҝәш,
Әз ҹоллоди - чү сәнәәт?

168
Јә бәндәίүм ҹиро нибу,
Хун әз дамар ҹиро нибу.
Һозор китоб нүвүсдиҝәш,
Бурра нәхүί Тиро нибу!

169
Јә бәндәίүм ә һәд нәфәс,
Чорә вәри ә һәд нәфәс.
Ә фурм ләпәί ән гәрәбәч
Дүлиш дәри ә гәд гәфәс.

170
Јә бәндәίүм әсир хундә,
Нүкәр нумә әсир хундә.
Сугдә дәдәί нә бирәнкиш,
Чү мисоху ίәсир мундә?

171
Јә бәндәίүм һәдә шәнү,
Инсон ниίо һәдә шәнү.
Нобҝә ҝуҹлу бирә вәдә,
Ҹунәш әз тән мәдәшәнү.

172
Јә бәндәίүм әз ίәләгү,
Гүҹ мәдиро әз ίәләгү.
Әз бәдлүίә хов-хәίолһош
Сүпүл инсон ниίо ҹәгү.

173
Јә бәндәίүм бәћсирәни,
Әгүлмәндһош бәћсирәни.
Ә зир ҝәрмә гәрги офто
Ҹәиш әз сәр тәћсирәни.

174
Јә бәндәίүм нитав бирә,
Ҹәннәт очуг нитав бирә.
Рәћмә дүлә күшдәҝориш
Ҹәһәннәмә митав дирә.

175
Јә бәндәίүм кәсиш нитав,
Сурр хунәрә кәсиш нитав.
Динҹә лүгә бирә ҹиҝә
Хушбәхтирә вәсиш митав.

176
Јә бәндәίүм ҹиро нибу,
Бәхт әз мозол ҹиро нибу.
Јә кәм рәћә шәфт рафданкиш,
Нубоί ХУДО -Тиро мибу.

177
Јә бәндәίүм әзизмәндә,
Ҝуҝус мәсох әзизмәндә.
Фурмундәҝор нә бирәнки,
ХУДО дошдә тәмизбәндә.

178
Јә бәндәίүм нур нидәбу,
Ә чум әлчәг нур нидәбу.
ћүлг вәбуһо сәдигһорәш,
Ә гәд дүлү сурр мидәбу.

179
Јә бәндәίүм хүрдә бирә,
Нәмә воруш хүрдә бирә.
Әз әίили тә күч рафдаш,
Ән кәлә гәрд мүрдә бирә.

180
Јә бәндәίүм бүҝүрлүни,
Бәхт нә мозол бүҝүрлүни.
Пишоί сәбәћ вәхүсүһош,
Ә чум ХУДО шүкүрлүни.

181
Јә бәндәίүм мичару,
Дәрд ә зәћәр мичару.
Һозор салһо ҝирошдҝәш,
Гәтүр ә хәр ничару.

182
Јә бәндәίүм мибәри,
Кәί һәгг-ћисоб мибәри;
Јә дәһиләί сүрхирәш
Ә у илом нибәри.

183
Јә бәндәίүм тәәдиш,
Сохдә-сохдә тәәдиш;
Гәнәтлүίә мәниһо
Пар мизәнүт әбәдиш.

184
Јә бәндәίүм әз күчү,
Хәбәр нисдҝә әз күчү;
Гувотсүзә иҝидһо
Әз тапанча мәпүчү

185
Јә бәндәίүм ниίору,
Одә бәднум ниίору.
Јә хубирә тә сохдәш,
Сад бо әз чум миίору.

186
Јә бәндәίүм соф мибу,
ор әз бинәш соф мибу.
Тәнбәлирә нә шәндә,
Әз һүнәриш ҝоф нибу.

187
Јә бәндәίүм зәрд мибу,
Сүрх һомбору зәрд мибу.
Јә әз мүрдә совоίиш
Мозолмәндә гәрд нибу.

188
Јә бәндәίүм ниваров,
Гуш ә космос ниваров.
Руίа дорһо пар зәрәш,
Ә гәд лула мидаров.

189
Јә бәндәίүм никәшү,
әрүс кутон никәшү.
Руί сифәтә дәҝүрдә,
Хәҹәләти микәшү.

190
Јә бәндәίүм ә бәхшү,
Мозол дәни ә бәхшү.
Нобҝә шивән зәрәнки,
ћүвсәләрәш мәрәхшү.

191
Јә бәндәίүм суί зәрүш,
Әз сүрх нәбу суί зәрүш.
Мәгбунирә виҹиҝә,
Сипи имбу муί сәрүш.

192
Јә бәндәίүм нирүхү,
Воруш биһәг нирүхү.
Ковнәί дүл зән кәндәнки,
әрсиш чүн дәг мирүхү.

193
Јә бәндәίүм дәбоши,
Биίо ә дүл дәбоши.
Вәҝирирә дошдәнки,
Ә зуһунһош мәбоши.

194
Јә бәндәίүм ник нибу,
Һәр рафда рәћ ник нибу.
Сүрхә фәрзәнд бирәнки,
Сәр кәләтәш тик мибу.

195
Јә бәндәίүм әз вини,
Нәфәсә кәш әз вини.
ХУДО-ХУДО ҝуфдирә,
Рәћмиίүрәш мивини.

196
Јә бәндәίүм ник мүрдә,
Әз ћәлоли ник мүрдә.
Биовунә руз дирә,
Сәрәш митаί тик ҝүрдә.

197
Јә бәндәίүм әрә ҝи,
Әз биҹәфо әрә ҝи.
Әри ћәмболә хәрһо
Ҹүίиш кошдә ҝәрәки.

198
Јә бәндәίүм дәм мидү,
Ош, ә суί чоί, дәм мидү.
Ә гәд тәнҝи домундҝәш,
Сүрхә кәлмә гәм нидү.

199
Јә бәндәίүм нивоίу,
Әшглү ћәсрәт нивоίу.
Ә чүл – сәћро офдоҝә,
Хәлгиш ниίов ә воίу.

200
Јә бәндәίүм нидир ов,
Воруш бирә - нидир ов.
Корһо бәһәм бирәнки,
Губиш ә дүл нидиров.

201
Јә бәндәίүм нәм нидү,
Хүшҝә ләпә нәм нидү.
Әз толог ҝоф офдоҝә,
Дордһоί дүлиш гәм мидү.

202
Јә бәндәίүм һәрчүни,
Обур – ћәίош һәрчүни.
Ҝушһоί мүрдә кариҝә,
Ҝирίә сохдәш әрчүни?

203
Јә бәндәίүм әз зобу,
Чорә мәхоί әз зобу.
Хушбәхтиίүш нисдиҝә,
Рүћ импару әз тобу.

204
Јә бәндәίүм сәр-тәнүш,
Хонлу бошҝу сәр-тәнүш.
Нобҝә әз соί пәлүһо,
Дуллу имбу ҝәрдәнүш.

205
Јә бәндәίүм ә сәрjү,
Шәр нә рихо ә сәрjү.
Әзир шәлә домундҝә,
Гәдиш имбу кәмәрjү.

206
Јә бәндәίүм гул имбу,
Нүкәр буһо гул имбу.
Зир гопози бирәнкиш,
Ҹәгли сәрjү бул имбу.

207
Јә бәндәίүм нирасү,
ћәриф ә руз нирасү.
Тә мол-дәвләт вәчирә,
Вәхт үмүрүш марасү.

208
Јә бәндәίүм тәкирәш,
ХУДО виҹи тәкирәш.
Әз и илом тә рафда,
Сәәр мәди ίәкирәш.

209
Јә бәндәίүм әз нәмәрд,
Әћвол мәпүрс әз нәмәрд.
Хәлгиш гимәт нә доҝә,
Чү мисоху бәгдә мәрд?

210
Јә бәндәίүм рачирә,
ХУДО дорә рачирә.
Бәгдә оһил бирәнки,
Рачиш әрчү паҹирә?

211
Јә бәндәίүм ίәново,
Руίә мәҝи ίәново.
Әз дүл лово хосдәнкиш,
Токи, ХУДО шиново.

212
Јә бәндәίүм нитани,
ћол сәбәћә нитани.
Садан ҝуҹлу бирәнки,
Гәд дүлүрәш чү тани?

213
Јә бәндәίүм гәд нибу,
Мәрд әίон ίод гәд нибу.
Һәгсүзирә дошдәҝор
Әз мәрдүмиш бәд мибу.

214
Јә бәндәίүм зәр ниίов,
Һәрбоί гушәί зәр ниίов.
Ә салдати рафдаҝор
Мәрдә хуно нәр миίов.

215
Јә бәндәίүм парундә,
Вор бәбәрә парундә;
Һомборә буш сохдәнки,
Руίәш митав чарундә.

216
Јә бәндәίүм мат мибу,
Зәифә шоһ мат мибу.
Әз ләшҝәрһоί гушунһо
Синәί хориш чат нибу.

217
Јә бәндәίүм нәҝиро,
Әз чи ҝүрдә нәҝиро.
үмүр дураз бирәнки,
Ночогирәш нә ҝиро.

218
Јә бәндәίүм вәҝәрдо,
Јод ә дузи вәҝәрдо.
Тиҹә нәштәр бурбундҝәш,
Бугозбури нә ҝәрдо.

219
Јә бәндәίүм нә ҝиро,
Ҝиснәίи сәр нә ҝиро.
Әз тәшувоί ловоһош
ХУДО зәћмә вәҝиро.

220
Јә бәндәίүм күтүрлү,
Рәћһо бирә күтүрлү.
Сәћиб миллίон бисдоҝәш,
Ә гур мурав түтүрлү.

221
Јә бәндәίүм тә мүрдә,
Хилоскор бош тә мүрдә.
ХУДОдориш бирәнки,
Рәћ ҹәннәтә ки ҝүрдә?

222
Јә бәндәίүм ов нидү,
Дурәί дово ов нидү.
Сиjә пәрдә дәҝγрдә,
әсму рузиш тов нидү.

223
Јә бәндәίүм ән бусдуш,
Әри мүрγм ән бусдуш;
Әз ҝәрмиһоί һәминон
Руί чарундә зимусдуш.

224
Јә бәндәίүм сәсәвош,
Тәрс ниίов ә сәсәвош.
Дидим-дидим нә сохдә,
Дүшмә нирав пәсәвош.

225
Јә бәндәίүм пичирә,
Дузһо ә һәгг пичирә.
Гәчәгбәндә дүздһорәш
Сәрпуш нибу виҹирә.

226
Јә бәндәίүм һәрчүни,
Ҹәфоί сәәр һәрчүни.
Јүргә нисди ҝуфдирәш,
Хәрә ίәһәр әрчүни?

227
Јә бәндәίүм дор мибу,
Бәһәр дүһош дор мибу,
Ә Нимаз нә буравһо
Оһилмәндәш шор нибу.

228
Јә бәндәίүм дүшундә,
Аташ овә дүшундә.
Битоҹлүίә боҹсүзәш
Ә тәхт нибу нүшундә.

229
Јә бәндәίүм пир нибу,
Һәр одоми пир нибу.
Хәҹәләти хурдәнки,
Нимәί ҹуниш вир мибу.

230
Јә бәндәίүм нивәрзү,
Ҝуллә ә ҝоф нивәрзү.
Јара күшдҝәш нәкуми,
Әз ҝоф тә гур миләрзү.

231
Јә бәндәίүм әз гәргиш,
Ҹәннәт нибу әз гәргиш.
Нәләт ә сәр рихдәнки,
Ухшәр имбу ә ҹәглиш.

232
Јә бәндәίүм киширә,
Муҹав мәҝу киширә.
Пишоί зулмә нә ҝүрдә,
Зиндәҝуниш ки дирә?

233
Јә бәндәίүм сур мундә,
Әз мүрүһо сур мундә.
Сабуриш буш бирәнки,
Хүшдәрә ки фурмундә?

234
Јә бәндәίүм ничару,
Мәрд ә нәмәрд ничару.
Тәрс гәзәбә вүнүһош,
Чγн вәлҝ, ә зәрд мичару.

235
Јә бәндәίүм сад хәтәр,
Дәрдлү дирә сад хәтәр.
Тобут сγрхи бисдоҝәш,
Мүрдәҝорә чү хәбәр?

236
Јә бәндәίүм ҹиҝәрүш,
Һовобәнди ҹиҝәрүш.
Шγвәр ләг-ләг нә бирә,
Ниίо бурав зибәрүш.

237
Јә бәндәίүм кими лов,
Нәс хәндүстә кими лов.
Чугул ән хәлг бирәjиш,
Ә ҹураίу ки миίов?

238
Јә бәндәίүм биίо бу,
әрсjγ шорлу биίо бу.
Чүн сиίә сәнг никәрәш
Рузjγ торлу ниίо бу.

239
Јә бәндәίүм ίә ҝофи,
әмәл-мәмәл ίә ҝофи.
Садбо гәрбол зәриҝәш,
Сал үмүрә ни офи.

240
Јә бәндәίүм бикори,
Ҹун мәҝүрү бикори.
Әри дураз кәширәш,
Дор үмүрә никори.

241
Јә бәндәίүм буш нибу,
Сәрвәт дәрίоһ буш нибу.
Сифроί динҹи доруһош,
Хурдә чиίү нуш мибу.

242
Јә бәндәίүм дур нирав,
Гуш әз лула дур нирав.
Әз ићтибор тәрсγһош,
Бир-нәбирү сурр мирав.

243
Јә бәндәίүм виз бәдүш,
Әз дәрд миίов виз бәдүш.
Гәргүшһоί хәлг ҝүрдәнки,
Говрә имбу гисмәтүш.

244
Јә бәндәίүм әз тәләф,
Нәр нитәрсү әз тәләф.
Хәлгә бәрдә пишово,
Парчоһ бошҝу әз хәләф.

245
Јә бәндәίүм мисоху,
Әз бог ҹәннәт мисоху.
Ә гәд гомбур дәбуһош,
Хинә ковут нисоху.

246
Јә бәндәίүм гәсдирә,
Әз хәίол шән гәсдирә.
Сад әмәлиш бисдоҝә,
Дүнίоһ сурул нәс бирә.

247
Јә бәндәίүм Вәтәнү,
Гәриб һисдҝәш Вәтәнү;
Әриίәки ίод буһо,
Чоләί поίәш мәкәнү.

248
Јә бәндәίүм доморә,
Фәрзәндлү хоί доморә.
Әри хүрдә-мүрдә кор
Визор нивоί оморә.

249
Јә бәндәίүм бофдорә,
Рихринҹ мәдор бофдорә.
Довоί стул бирәнки,
Ҝулләш ә кор офдорә.

250
Јә бәндәίүм тоί нибу,
Мәрд ә нәмәрд тоί нибу.
Дору-буру ториҝә,
Зиндәҝуниш зоί мибу.

251
Јә бәндәίүм воҹ нибу,
Әз һәр раса воҹ нибу.
Гәίгуί хәлгә кәшуһо,
Ә у дγнjош тоҹ мибу.

252
Јә бәндәίүм гүҹ миίов,
Ә ховорә гүҹ миίов.
Руз-бәруз мәшг нә бирә,
Ә дәс- поίиш ҝуҹ ниίов.

253
Јә бәндәίүм имидсүз,
Сабур – дәћүт имидсүз.
Дәәм мүнүк нә дәриш ,
Гогол ки хурд миидсүз?

254
Јә бәндәίүм хәлгә дор,
Вәтәнә дор, хәлгә дор.
Јә руз күчмиш бирәнкиш
Әбәдини бәргә кор.

255
Јә бәндәίүм нәри вих,
Ә сәр дүшмә нәри вих.
Јәрәглүни ҝуфдирәш,
Әз ҹәнҝ дово мәвирих.

256
Јә бәндәίүм ίәбо ди,
Мүһбәт дүлә ίәбо ди.
Мәрдә хуно ә мәίдуш,
Мүрдәίирә ίә оди.

257
Јә бәндәίүм чү дори,
Бор нә ҝүрдә чү дори?
Јүндә ночог бирәнкиш,
Әри мүрүм чү шори?

258
Јә бәндәίүм зүһүсдә,
Шоһир кәмхов зүһүсдә.
Тиҹә әгүл нә бирәш,
Коми ћәпов нүвүсдә?

259
Јә бәндәίүм хәбәрә,
Ә сәћиб ҝу хәбәрә.
Нобҝә ә фурм ән шишә
Хүрд мисохи дәбәрә.

260
Јә бәндәίүм һәр одә,
Гимәт нибу һәр одә.
Оһилиίүш бәд имбу,
Бәбә шәндҝә әвлодә.

261
Јә бәндәίүм нә ҝүрдә,
Дәәм рузә нә ҝүрдә;
Шәћәнҝумиш сифрорә
ошир нибу дәҝүрдә.

262
Јә бәндәίүм нидорут,
Кинә ә дүл нидорут.
Пәхүрлүίә ҹәми тәлћ
Бићолирәш миίорут.

263
Јә бәндәίүм ҝүрдәни,
Кәί ки, нишон ҝүрдәни;
Ә пишони вохурдҝә,
Әз ҝуҹ сәнгиш мүрдәни.

264
Јә бәндәίүм әрс мидү,
Ҝирίәί нәфсиш әрс мидү.
ХУДО гувот нә доҝә,
Гилинҹ дәсиш тәрс нидү.

265
Јә бәндәίүм шар мибу,
Далгаί дәрίоһ шар мибу.
Хүшҝ бирәнки раҝ әрсһо
Руί гутинәш тар нибу.

266
Јә бәндәίүм мәдиров,
Офто рузһо мәдиров.
Ә гәд гомбур дәриһош
Бивәхт чүларз вәдиров?

267
Јә бәндәίүм нисоху,
әҹәл мәћәл нисоху.
Имидсүзә ћолсүзиш
үмүрә ћәл мисоху.

268
Јә бәндәίүм ки хосдә,
Бәдлүίә нум ки хосдә?
Ә сәр сугдә хәлг хүшдәш
Гәзәбә тум ки сохдә?

269
Јә бәндәίүм ор мирав,
Әз әсүлмәнд ор мирав.
Ҹәмәт сохдҝәш дод-бидод
Сәркәләсүз кор нирав.

270
Јә бәндәίүм нибәсдүт,
Никә рәћәш нибәсдүт.
ћүкүм ХУДО нә бирә,
Асдараһош ниҹәсдүт.

271
Јә бәндәίүм Агарунов,
Нубоί – Јаков Агарунов;
Нәсил-нәсил, һозор салһош,
Әз зувун хәлг һә ҹар миίов!

272
Јә бәндәίүм бәбәίүни,
Дәдәί ίәтим – бәбәίүни.
Әз кәлмәһоί хәзинәһош,
Хәрҹ сохдәрә дәбәίүни.

273
Јә бәндәίүм ниίо варов,
Ә нум локо ниίо варов.
Әз бүзүрҝә вәҝиритүш
Ҹәмәт ә шор биίо даров.

274
Јә бәндәίүм нивоί ҹураί,
Нивоί сәс-күί, нивоί ҹураί.
үмүр ίә бо гисмәт бирә,
Биод чүларз ә ҹоί мураί?

275
Јә бәндәίүм сәр нәҝиро,
Ҝиснәίиһо сәр нәҝиро.
Довоί хуни сохдәҝорәш,
Нәсиллугә шәр вәҝиро.

276
Јә бәндәίүм ки шиширә,
Аташ күлә ки шиширә?
Әз ҹун визор бирә ҹиҝәш,
Вәхтә пишо ки кәширә?

277
Јә бәндәίүм кәί од имбу,
Шоһирίәти кәί од имбу;
Әсәр дү-сә равусдәҝор,
Јә сәҝиҝәш зиίод имбу.

278
Јә бәндәίүм нәдан вәчи,
Бор-бәһәрә нәдан вәчи.
Локоί ҝурнә ҝоф-кәлмәрәш,
Пак шуруһо данан әҹи?

279
Јә бәндәίүм шәίирһоίмуш,
Дүл вәбәрдә шәίирһоίмуш.
Нәсил-нәсил, әз сал тә сал,
Зиίод ҝәрдо шоһирһоίмуш.

280
Јә бәндәίүм сәрин мибу,
Сәр булогһо сәрин мибу.
Сәбәћ тә шәв кор нә сохдә,
Динҹә ховиш ширин нибу.

281
Јә бәндәίүм гитилү дош,
Сурр буһорә гитилү дош.
Ҹәвлон зәҝәш ә бүҝүртү,
Ә ҝоф дүлиш митилү бош.

282
Јә бәндәίүм мибу нүшдә,
Сәсмәкүлү мибу нүшдә.
Пирәнгинәί ән әсмурәш,
Ов докундә, нибу күшдә.

283
Јә бәндәίүм воίу әз һәгг,
әрә нидү воίу әз һәгг.
Нимәлитә бәдлү буһош
Хәрәбәίи моίу әнҹәг.

284
Јә бәндәίүм әз тов дирә,
Кусов гәсдә әз тов дирә.
Ә хәлг хүшдә ίод мунуһош,
Динҹә нунлу нитав бирә.

285
Јә бәндәίүм ҝуҹ нидиров,
Ә гул бићол ҝуҹ нидиров.
Инҹимишә кор вүнүһош
Әз әίб шәрһо гүҹ мидиров.

286
Јә бәндәίүм нитав рундә,
ћәриф ҝофә нитав рундә.
Ә хәрәвоз тоί бошуһош
Ә бәдә руз митав мундә.

287
Јә бәндәίүм хәндәҝүләш,
Ҹовон миίни хәндәҝүләш.
Чумнәвәҝир ҹар зәрәнки,
Хоруш мүҝрү ҹәндәҝүрәш.

288
Јә бәндәίүм воίисдәҝор,
Шорә рузә воίисдәҝор;
Ә ҝузәти ән рәћм ХУДОш
ћәсрәтмәндлү поίисдә хор.

289
Јә бәндәίүм руί шәрә ҝи,
Пәрдәрә кәш, руί шәрә ҝи.
Ҝофә ә ҝуш нә ҝүрдәнкиш,
Хәрә дәно чү ҝәрәки?

290
Јә бәндәίүм әз һовуну,
Сүрхә мәхоί әз һовуну.
Чүлкә дәслү чи хурдәнкиш,
Ә воί соги мидомуну.

291
Јә бәндәίүм нунә нидү,
Хәсисә зән нунә нидү.
Ҹовобдоһлу буһо мәрдиш
Ә рәћ Вәтән ҹунә мидү.

292
Јә бәндәίүм гир мизәнү,
Гирчи, бунә гир мизәнү.
Әз ίә русму дуллу буһош
Ә чум ҹәмәт тир низәнү.

293
Јә бәндәίүм шәлә дори,
Мәрд нәмәрдә шәлә дори.
Ә руί дүшмә шәх поίуһо
Ҹүрәтиίүш кәлә кори.

294
Јә бәндәίүм диндор вәҹи,
Ә рәћ Тиро диндор вәҹи.
Зувун кутәћ бирә ҹиҝәш
Ҹәм ҝофһорә мигдор әҹи?

295
Јә бәндәίүм һисди ίә кәм,
Тәкәί әгүл һисди ίә кәм;
ћислү буһо һовоί нәфәс
Әдәш огу нисди бәҝәм?

296
Јә бәндәίүм нибу хошу,
Вошҝунәрә нибу хошу.
ћитиίотсүз чум бәсдүһо,
Јәм ән ҝүрҝһош зу имбошу.


297
Јә бәндәίүм биίоф ә вәҹ,
Әз гәίгу - рәћ биίоф ә вәҹ.
Палан хәрә духдә ҹиҝә
Әз парчоһиш чү ҝоф-ҝәләҹ?

298
Јә бәндәίүм әз ов дирә,
Дәрίоһ нәхшә әз ов дирә.
Ә хип-хүрдә никәрәһош
Ҹә пардушсүз нитав бирә.

299
Јә бәндәίүм зоί дәҝүрү,
Софә ниίо зоί дәҝүрү.
Пәһливонә һүнәрлүһош
Ә пишоί хәлг поί мәҝүрү.

300
Јә бәндәίүм чүкә зәни,
Әз ћол нәбу чүкә зәни.
Әз вәҝири одлүниҝәш,
Ә пәсәί ҝоф чү пәћәни?

301
Јә бәндәίүм бил шурав бу,
Бил хилов бу, бил шурав бу.
Ә хәрәбә әмәләвоз
Ә ҹәһәндәм шил буравҝу.

302
Јә бәндәίүм ордлү бирә,
Ҝүндәί хәми ордлү бирә.
Ҹәнҹәл буһо одомиһош
Әз гәсд ίара дордлу бирә.

303
Јә бәндәίүм хәстә дирә,
Гәд шүгәмә хәстә дирә;
Әз ћоләтһоί ән мүрүми
Јәкиш ә чум нәс дәбирә.

304
Јә бәндәίүм биод имбу,
Инсофсүз-бәнд биод имбу.
Ә пәћәни бирә ҹиҝә
Аташ дүлүш зиίод имбу.

305
Јә бәндәίүм сикәш нибу,
Ә шолуми сикәш нибу.
Пал-палтарү ҹихи буһо
Биίәбурә тикәш мибу.

306
Јә бәндәίүм ә сурр дәшән,
Шәр хәрәбә ә сурр дәшән.
Хубә рузһоί ән үмүрәш
Әз хәίолһо ә дур мәшән.

307
Јә бәндәίүм дир нисоху,
әҹәл корә дир нисоху.
Ә гәд хәрһош офдорәҝор,
Әгүл сәрә вир мисоху.

308
Јә бәндәίүм ә дур нирав,
Дорд әз ләрбә ә дур нирав.
Тәлћә ҝофһош сохуһо ίор,
әсәлиίү ә ҹур мирав.

309
Јә бәндәίүм дәрд микәшү,
Ҹәнҹәлә сәр, дәрд микәшү.
Ә поί нәмәрд офдорәнкиш,
И номусә мәрд микәшү.

310
Јә бәндәίүм ћәзүр бирә,
Әшглү ә дәрд ћәзүр бирә.
Дүлүш ίәлов ҝүрдәҝорһо
Гүзүрҝүлә ҝазур дирә.

311
Јә бәндәίүм вәрасирә,
Данан әз ћол вәрасирә.
Руί синәрәш рурундәҝор
Ә сал үмүр нәс расирә.

312
Јә бәндәίүм ә мәрдәвоз,
Кор миҝири ә мәрдәвоз.
Хүшдәкүши сохдәҝориш
Хиб-хүшҝ рафда ә дәрдәвоз.

313
Јә бәндәίүм пәс-пәсәш,
Чәрх дарафда пәс-пәсәш;
Ә оширә нум ҝиро
Моч нисохут дәс кәсәш.

314
Јә бәндәίүм ҹавусдәш,
Әз бим хурдә-ҹавусдәш;
Ә пәсәί ән сәдиглү
Сәҝлү нибу равусдәш.

315
Јә бәндәίүм ә коврәш,
әсму ошуг ә коврәш.
Бәдә шүгәм, бәдә рүћ
Ҝиснә мурав ә говрәш.

316
Јә бәндәίүм чәрхәлү,
илом булул – чәрхәлү.
Ә чүләкон мофдони,
Кәмәр нисдҝә әрхәлү.

317
Јә бәндәίүм вәдәкун,
Кинә тәћно вәдәкун.
Мәћсһо таза бисдоҝәш,
Поίбирәћнә мәвокун.

318
Јә бәндәίүм оһ-воίу,
Саίловиҝә оһ-воίу;
Әз һилимә – һоволим
Сәдигирә ки моίу?

319
Јә бәндәίүм мибәрү,
Хәто орә мибәрү.
Чогә гучу бошуһош
Зибәр ίорә нибәрү.

320
Јә бәндәίүм дәрә-дәр,
Әлчи ҝәшдә дәрә-дәр.
Әз хоίәш муί ҝәшдүһо
Хун нирүхү сәрә-сәр.

321
Јә бәндәίүм вәхүшдә,
Әз хов оси вәхүшдә;
Сириг зәрә ҝофһорәш
Локо мәзән ә хүшдә.

322
Јә бәндәίүм һәрчүни,
Сабур ХУДО һәрчүни.
Бинәί корә нәсдаҝә,
Ҹырмиш бирәш әрчүни?

323
Јә бәндәίүм бим хошу,
Хилов нибу бим хошу.
ћәримиҝә рәћ ҝүрдәнки,
Руҝәруҝиш имбошу.

324
Јә бәндәίүм низәнүт,
Рәћмә хәрә низәнүт.
Ә ов батмиш бирәнкиш,
Воί хүшдәрә мизәнүт.

325
Јә бәндәίүм воҝошдә,
Ов ә дәрίоһ воҝошдә.
Һозор чолә вәкәндҝәш,
Дор әҹәлә ки кошдә?

326
Јә бәндәίүм дәбирә,
Лоли ә ҝүм дәбирә.
Әри ҝүрдә поίундәш
әίблүрә дүм вәбирә?

327
Јә бәндәίүм нә духдум,
Сириг зәрә нә духдум.
Әз дәс пәшму бирәίи,
Ә гәд ховиш һә сухдум.

328
Јә бәндәίүм ниίору,
Чинор бәһәр ниίору.
Бушә ҹофоί богбониш
Тәлћә сәәр миίору.

329
Јә бәндәίүм бәр мәрә,
Ә пәсәίтү бәр мәрә.
Тү рафдиҝә сурогсүз
Ки мокуну дәр мәрә?

330
Јә бәндәίүм пурдали,
Хәндәлүни – пурдали.
Буί мәрҝ дәҝә ә хунә
Ки ниҝуίу – мурдали?

331
Јә бәндәίүм ҝәшдәрәш,
әдәтлү дор ҝәшдәрәш.
Ҝүндә зәрә, ҹар мәсох
Хәмиίә кор тәштәрәш.

332
Јә бәндәίүм ә хурҹун,
Чум норәнки ә хурҹун;
Хомә ҝофһоί ләәрә
Лош дориҝәш, мәбурҹун.

333
Јә бәндәίүм зәрдирә,
Ночог дирә зәрдирә.
Әри илом дәҝишиш
Јәбо миди гәрдирә.

334
Јә бәндәίүм нисоху,
әсму шулуг нисоху.
Тәίтә воруш оморә,
Дүлиш ҝуп-ҝуп мисоху.

335
Јә бәндәίүм ҹүх мидү,
Данан ҝофә ҹүх мидү.
Динҹимәнди нә дирәш,
Тәлћи рузиш рүћ нидү.

336
Јә бәндәίүм нибәрү,
Ә гәрбол дәс нибәрү.
ћәрмәћ әлчәг мундәнкиш,
Ҹунлу мурав зибәрү.

337
Јә бәндәίүм ίә дурҝун,
Миҹәί бәди - ίә дурҝун.
Хәндүстәлүш ҝоф сохтә,
Бићүрмәти мәбурбун.

338
Јә бәндәίүм ћәлә-ћәл,
Шәәм сухдә ћәлә-ћәл.
Әз пәрвонә зиίодтә
Түш чәрх мәху у мәћәл.

339
Јә бәндәίүм дәбош тү,
Ә гәрдбәриш дәбош тү.
Мәћтәл мундә руз-бәруз
Јә дәрдбәриш мәбош тү.

340
Јә бәндәίүм әрх мара,
Доћорлүίә әрх мара.
Ә гуллуг ίор поίисдә,
Думдумәлүш чәрх дара.

341
Јә бәндәίүм түндә - шән,
Јәдәтә дор, түндә - шән.
Ә сәр бунһоί севҝилиш
Морчиҝәлү лүнҝ мәшән.

342
Јә бәндәίүм нә ҝәрдун,
Кинә ә дүл нә ҝәрдун.
Гәһтилүίә шорирәш
Дир нә бирә, вәҝурдун.

343
Јә бәндәίүм нә бошҝу,
әҹәл ҹунтуш нә бошҝу.
Овроһомә сәдиги
Бил ә хунтуш дәбошҝу.

344
Јә бәндәίүм хәбәртүш,
Әшгәлүни хәбәртүш.
Ләίли тәһәр сухдәнки,
Мәлћәм вино гәбәртүш.

345
Јә бәндәίүм дарафда,
әмәл ә ҹәћт дарафда.
Довид тоҹлу нә бирәш,
Ә коми тәхт варафда?

346
Јә бәндәίүм дирәрәш,
ћәшо мәзән дирәрәш.
Сабур ХУДО нә офдә,
Вир мисохи бирәрәш.

347
Јә бәндәίүм нидир хов,
Имид доҝәш нидир хов;
Әз пәнҹәрә нә дәрһо
Мозол һәрбош нидиров.

348
Јә бәндәίүм нүшдәрә,
ћүрмәтлү виҹ нүшдәрә.
Гәтрәлүίә кор дирәш,
Ә бод мәди хүшдәрә.

349
Јә бәндәίүм ћәвәс әлҹәк,
Әри вәрфи ћәвәс әлҹәк.
Сабур ә бәд чарусдәнкиш,
Дустог мәмун ә дәс әлчәг.

350
Јә бәндәίүм тәίтә ҝүрдә,
әҹәл нәбзә тәίтә ҝүрдә.
Әз миҹ мүһбәт рүћ вәҝүрдәш,
Ә ћол биίо хүрдә-хүрдә.

351
Јә бәндәίүм ίод-биίод сох,
Гәрбол зәрә, ίод-биίод сох.
Әз надани әгүл хүшдәш
Гәзәб сәрә зиίод мәсох.

352
Јә бәндәίүм ов низәнү,
Кәί дүборә ов низәнү;
Ә киснәίи домундәнки,
Ә пиί пустиш лов мизәнү.

353
Јә бәндәίүм нитав дурра,
Ләпә пустә нитав дурра.
Шәхтәί човгун кут сохдәнкиш,
Залум сәрә митав бурра.

354
Јә бәндәίүм битоί бирә,
Чәпә мәћсһо битоί бирә.
Салһоί үмүр бул бирәнки,
Ночогирәш бисоί дирә.

355
Јә бәндәίүм ҝиҹ варавҝу,
Ә сәр сифро ҝиҹ варавҝу.
Әри ћәрмәћ хосдә губһо
Бил ә дүлтүш тиҹ даравҝу.

356
Јә бәндәίүм нә бәрүҝу,
Вор думонә нә бәрүҝу.
Чатһоί хори тә әрх бирәш,
Воруш рүћә вәбәрүҝу.

357
Јә бәндәίүм вәнҹи гәҹи,
Ҝушд базурә вәнҹи гәҹи.
Әз туфонһош, зимиләрзһош
Дүл хорирә динҹи әҹи?

358
Јә бәндәίүм ә зулм чүлки,
Лићә мәбош ә зулм чүлки.
Нәгдә мәћәл офдорәнкиш,
Дүзди мәсох ә фурм түлки.

359
Јә бәндәίүм биίо вошу,
Поί хорирә биίо вошу.
Гәдәгәрә зәрә вәдәш
Јә ҝоф дүдү ниίо бошу.

Ј60
Јә бәндәίүм дуҝмәһоίи,
Ранҝә-бәранҝ дуҝмәһоίи.
Әгрәб дүлә поίунуһош
Гәргүшлүίә бугмәһоίи.

361
Јә бәндәίүм ә дәс мәҝи,
ћәримирә ә дәс мәҝи.
Виҹдон тәмиз бирә ҹиҝәш
ћәлолирә әз нәфс вәҝи.

362
Јә бәндәίүм ә бәд вошҝу,
Дәр мәвәку ә бәд вошҝу.
Ә сәр миид чәрх хурдәнкиш,
Әнҹәг сүрхә әдәт бошҝу.

363
Јә бәндәίүм шүкүр бошҝу,
Ә ХУДО ћофт шүкүр бошҝу.
Ҝофә ә ҝуш нә ҝүрүһош,
Бил һәмишә түтүр бошҝу.

364
Јә бәндәίүм дәс ә гур дә,
Хунлу буһо дәс ә гур дә.
Ә мүшкүлһо поί дәнүһош,
Хушә рузә нәс овурдә.
365
Јә бәндәίүм ίүргә рафда,
әсбәлүһо ίүргә рафда.
Ә фурм шишә чат зәнүһош,
Әз түндлүίи сиркә рафда.

366
Јә бәндәίүм ә гәмәвоз,
Вози мәсох ә гәмәвоз.
Нобҝә овлу дүширәнкиш,
Пар мизәни ә дәмәвоз.

367
Јә бәндәίүм соглүнүм,
Чог-чәмбәлә соглүнүм.
Ҹувур доги бирәίиш,
Јә ә ХУДО боглүнүм.

368
Јә бәндәίүм мирихүм,
Әрәг ҹофо мирихүм.
Обур-ћәίоί мәрдирәш
Ә зир поίтү нирүхүм.

369
Јә бәндәίүм воίундә,
Тә раҝ нәфсә воίундә;
Әз ћәίфбәри кәширә,
Дүләш митав поίундә.

370
Јә бәндәίүм дәбошҝу,
Милләт ә хәίр дәбошҝу.
Вошҝунәίә кинлүһош
Һич әз дәдәί нә бошҝу.

371
Јә бәндәίүм вәҝордо,
Хушбәхт тәкиш вәҝордо.
Тәлћәлүίә дәәмһо
Гисмәт ίәкиш нә ҝәрдо.

372
Јә бәндәίүм дү гуләш,
Шил-күт дирә дү гуләш;
Офто ҝәрмә рухундә,
Сухунуҝу чугуләш.

373
Јә бәндәίүм дузовиш,
Әз һәггиҝә дузовиш;
Әз әрәлуг әшг иму
Ниίо палу дуг овиш.

374
Јә бәндәίүм нүвүсдә,
Суррлу мундҝәш нүвүсдә;
Сипрә үшүг хәίолһо
Јорәвурдлу зүһүсдә.

375
Јә бәндәίүм бидинү,
Тә рүћ бәрдә бидинү;
Корсүз-борсүз нүшдәҝор,
Хәίр иломәш нивинү.

376
Јә бәндәίүм шәр дәбош,
Ә дүләсти шәр дәбош.
Мүүҹүзә хәр дирәш,
Гәришугә сәр мәбош.

377
Јә бәндәίүм бәдидор,
Тә рүћ рундә бәдидор;
Әз ҝуфәрәί әίилиш
Нәнуί мундә ίәдиҝор.

378
Јә бәндәίүм ниίору,
Мәнҝ хәлолуш ниίору.
Офтош әз хов вәхүшдә,
Ҝәрм нә товуш миίору.

379
Јә бәндәίүм биίовош,
Әз сад хоһиш биίовош.
Гәһри бирә рафдиҝә,
Һич ә ховиш мәίовош.

380
Јә бәндәίүм нәίовҝу,
Зулмиш биһәг нәίовҝу.
әзоб-губә дорәнки,
Јәзугиш дәб биίовҝу.

381
Јә бәндәίүм оморәш,
Тәίтә әлчи оморәш;
Ә сад ҹиро фәндәвоз
Әз гәрбол кәш доморәш.

382
Јә бәндәίүм нүвүсдә,
Әри әшглү нүвүсдә;
Тәмәћһоίмә пар зәҝәш,
Түзүз нибу зүһүсдә.

383
Јә бәндәίүм кәί висто,
Үшүг чумәш кәί висто;
Пәшмунәти нә дирә,
Кәлмәί “пәшму”ш нибисдо.

384
Јә бәндәίүм тә нини,
Гилинҹ дәсә тә нини;
Офто ҹунә сухундҝәш,
Дурәίүрә ки вини?

385
Јә бәндәίүм дур нибу,
Әшглү буһо дур нибу.
Ҹиҝәр хүшҝи вошәнди,
Әз ов дәрίош пур нибу.

386
Јә бәндәίүм ҹүл шәкиш,
Рүћ кәндәнки ҹүл шәкиш;
Рүхшәндлүίә хәндәрә
Нивотову дүл ίәкиш.

387
Јә бәндәίүм бирази,
Әз вәхт мундә бирази;
Ә доглүίә рәћәвоз
Ә ίор зутәш мираси.

388
Јә бәндәίүм пәс дори,
Кәί пирирә пәс дори;
әсму нәзник һисдиҝәш,
Учмиш мәбош әз хори.

389
Јә бәндәίүм ә биҹи,
Нәфс ләгиҝә ә биҹи;
Чумһо түрә шинирә,
Хосдәί дүләш мивиҹи.

390
Јә бәндәίүм лүҝәίтүш,
Бор дорәнки лүҝәίтүш;
Ә и рачә руί илом
Тәнҝ нә ҝәрдо ҹиҝәίтүш.

391
Јә бәндәίүм ниίо бу,
Корһо шулуг ниίо бу.
Әри ћүрмәт винирәш
Хубә гуллуг биίо бу.

392
Јә бәндәίүм нидиров,
Зулум әз һәгг нидиров.
Воруш саίлов рихдәнкиш,
Әз дәг миίов нидир ов.

393
Јә бәндәίүм нә бәрдүм,
Губә ә дүл нә бәрдүм.
Бугозбури бурбундҝәш,
Һәггә чүтам ә шәр дүм?

394
Јә бәндәίүм нә вәҝүрд,
они воίҝә нә вәҝүрд.
Сүрх ә чалма чарусдҝәш,
Ә сәр хүшдә ки дәҝүрд?

395
Јә бәндәίүм нә дирәм,
Руί әлбүсә нә дирәм.
Ә чүнтүни нәћсовош
Ә хов чүтам дәбирәм?

396
Јә бәндәίүм нибуру,
Мәрд вонорә нибуру.
Јә висторә ҹγфт мәћсәш
Әз зәћмтү ки мидуру?

397
Јә бәндәίүм мидаров,
Гәмлү ә дәрд мидаров.
Хунәί чугул тов доҝәш,
Ίәкиш әз дәр нидаров.

398
Јә бәндәίүм ҝиҹи дә,
Ә сәр ћәлов ҝиҹи дә.
Ә ίә кәлмәί хуткориш
Һозор битәв биҹи дә.

399
Јә бәндәίүм соф дγҝу,
Зувун ҝофә соф дγҝу.
Академик бирә вәхт
Инсонίәтиш офуҝу.

400
Јә бәндәίүм ίә әίил,
Дәс ҝи ә чүк ίә әίил.
Ә ов батмиш бирәнкиш,
Боҹә ә чүп мәвәίил.

401
Јә бәндәίүм вихдәрәш,
Сугд ниίорут вихдәрәш.
Ә бим они – бичорә
Рәћм мидорут вићдәрәш.

402
Јә бәндәίүм ίә чорәш,
Нә офдәнки ίә чорәш;
Ҝоф ә һүзүм суί зәҝә,
Мусухунут гочорәш.

403
Јә бәндәίүм мәрҹи түш,
Әз раст бошҝу мәрҹи түш.
Нобҝә мундә бирәћнә
Һич нирасү хәрҹи түш.

404
Јә бәндәίүм воίҝәлүш,
Имид дошдә воίҝәлүш.
Ә ҝоф ләпә ни добу,
Һәдсүзиҝә соί пәлүш.

405
Јә бәндәίүм нәсиһәт,
Ә ҝуш нисдҝә нәсиһәт.
Догуноги овурдә,
Әз чум миίов пәси бод.

406
Јә бәндәίүм бофдони,
Әз сүрхиҝәш бофдони;
Дорихмишә ћол дирә,
Әз чум ниίо офдони.

407
Јә бәндәίүм дирәнки,
Зәћмә ә чум дирәнки.
Әз һәгг ХУДО рүћ чирә,
Рәћми бурбун зирәнҝи.

408
Јә бәндәίүм бим гуру,
Гәмә доҝәш бим гуру;
Имидлүίә сабурһо
ћүлг ән дәрдәш имбуру.

409
Јә бәндәίүм вәслүрәш,
Гәл ҝүрдәнки вәслүрәш;
Гувот гулә вәрзундә,
Ҹару мәзән пәслүрәш.

410
Јә бәндәίүм асдараш,
Бәхт дорәнки асдараш;
Ә парчаһоί буһәлү
Уҹуз мәзән асдараш.

411
Јә бәндәίүм воί зәни,
Ҹар бирәнки воί зәни;
ћәспошолум ҝуфдирә,
Ә кор хуни поί мәни.

412
Јә бәндәίүм хәләфәш,
Зирәк дирә хәләфәш;
Әри хәрәбә корһо
Туш мәвәмух һәдәфәш.

413
Јә бәндәίүм вирихдә,
Тәмбәл әз кор вирихдә.
ћәвәсбәнди ҹовонһош
Әз ћүкм ХУДО ворихдә.

414
Јә бәндәίүм нә дәшәнд,
Гудуз ҹар-мар нә дәшәнд.
Тәпик шәндә чүн ίә хәр
Рәћмәш әз чум вәдәшәнд.

415
Јә бәндәίүм нә ҝәрдо,
әҹизимә нә ҝәрдо.
Әмә сохдә никиһош
Ә хүштән тү вәҝәрдо.

416
Јә бәндәίүм нә дирәм,
Әз тү хуби нә дирәм.
Ә сараίа хунәίтүш
Ә гәд губи дәбирәм.

417
Јә бәндәίүм нә бинош,
Ә ҹәннәт рүћ нә бинош.
Чол вәкәндәί ә зир поί
Боләίүрәш һә винош.

418
Јә бәндәίүм гублунүм,
Әз пәнчәίтү гублунүм.
Нун ә зәћәр чарусди,
Ки муҝуίу хублунүм?

419
Јә бәндәίүм ә хун дә,
ћәлолίәти ә хун дә.
Биорлүίә кор дирәш,
Хәлгә нибу хәндундә.

420
Јә бәндәίүм биίо бу,
Оһил– пирлү биίо бу.
әсму сиίә дәҝүрдҝәш,
Ранҝ руί ширлү биίо бу.

421
Јә бәндәίүм ки бурра,
Ҝоф ләәрә ки бурра?
Ә сәнгәлуг вәҹәсдәш,
Добон поίә ки дурра?

422
Јә бәндәίүм никәш дү,
Мозол биίо никәш дү.
Поί бирәћнә мунуһош,
Руί иломә ниҝәшдү.

423
Јә бәндәίүм нидәбу,
Карбәнд ә шәк нидәбу.
Хәндәίә ҝоф бирәнкиш,
Ә чәкәвәк мидәбу.

424
Јә бәндәίүм кар бирә,
Кәлә дәрди – кар бирә.
Оһилмәндлү ҹусдәнкиш,
Буί хүшдәрә сар дирә.

425
Јә бәндәίүм пат мәбош,
Шахматбәндә пат мәбош.
Гәм кинирә хурдәнкиш,
Шишәмәндә чат мәбош.

426
Јә бәндәίүм мәдиро,
Ә кор гоглу мәдиро.
Ә руί сугдә милләтиш
Үзүίоглу вәдиро.

427
Јә бәндәίүм әз дүли,
Хосдә бәгдә әз дүли;
Дорун ҹунә сухундә,
Ә ҹоί нирав ћәзҝүли.

428
Јә бәндәίүм боботлу,
Руз винирә боботлу;
Ә у илом Одомиш,
Әнҹәг мураίм нуботлу.

429
Јә бәндәίүм сәрә ҝи,
Әз һәр болә сәрә ҝи.
Әри кәмәр вәдорәш,
Шоһдогбәндлү ҝәрәки.

430
Јә бәндәίүм һәрчүни,
Пирәнгинә һәрчүни.
Тәшнәί хори рафда вәхт,
Диίә вәрфиш әрчүни?

431
Јә бәндәίүм ә әшглү,
Ҝуҹ ниίо бу ә әшглү.
Бәниҝору хундә вәхт,
Шориш имбу вәшәглү.

432
Јә бәндәίүм ίә вәдә,
Дәс ҝүрдәнки ίә вәдә;
Ә коми кәс киниҝәш
Јозугбәри ә һәгг дә.

433
Јә бәндәίүм әрә ҝи,
Әз мәрдмазар әрә ҝи.
Кортү ҝәлир овурдҝәш,
Рәћәт – динҹиш ҝәрәки.

434
Јә бәндәίүм ә колиш,
Тәпик мәзән ә колиш.
Ә зомонәί ίә үмүр
Дәҝиш бирә мозолиш.

435
Јә бәндәίүм зәвәриш,
Дәрәлүни - зәвәриш.
Әз нәзникһо нә дурһо
Шорлу бошҝу хәбәриш.

436
Јә бәндәίүм хонирәш,
Дәрдисәри хонирәш.
Зәвәр ҝүрдә пуллурә
Туфлу мәίил онирәш.

437
Јә бәндәίүм ә тобу,
Мәћтәл мәмун ә тобу.
Бәдћисоби сохуһош,
Дүлү әз сәнг ниίо бу.

438
Јә бәндәίүм бивәҹи,
Шор ниίору бивәҹи.
Әз ћүкм әгүл ворихдҝәш,
әсонт буһо кор әҹи?

439
Јә бәндәίүм ҹәћтә сох,
ћәлол мәндә ҹәћтә сох.
Воίә кара ҝүрдәнкиш,
Лов-ләәрә шәфт мәсох.

440
Јә бәндәίүм нумтүрәш,
Тоорих һисд нумтүрәш.
әҹәл ћәзүр бирәнки,
ћүрмәтлү бәсд чумтүрәш.

441
Јә бәндәίүм никорут,
Бәһәрсүзә никорут.
әсмулуίә бәбәрәш
Ә сараί дүл мидорут.

442
Јә бәндәίүм нәхш бәҝи,
Әз бәхтиҝә нәш бәҝи;
Минәт сохдә ә ХУДО,
Әз рәћмиίүш бәхш вәҝи.

443
Јә бәндәίүм нимдоши,
Әз тоҹ мундәί нимдоши;
Ә сәр хубә шориһо
Ίор биίориш имбоши.

444
Јә бәндәίүм когоз түш,
Буш нә муно когоз түш.
Ә фурм нәнуί дәдәίһо
Хов биίоро овозтүш.

445
Јә бәндәίүм кимирә,
Ә ҝуш мәҝи кимирә.
Әри ҹозон кәширә,
Әз дәдәίиш ки бирә?

446
Јә бәндәίүм визә дүт,
әрсбәнд ниίо визә дүт.
Зобу пәшму бирәнкиш,
Сәрә ә сәнг низәнүт.

447
Јә бәндәίүм дәпарун,
Сура әз ҝоф дәпарун.
Дәниширә ίонуглуш
Гәлпәί дүлә мәпарун.

448
Јә бәндәίүм тәки сәр,
Дүл рундәнки тәки сәр.
Рәћ ХУДОрә виҹирә,
Хосдәҝорәш вәҝи бәр.

449
Јә бәндәίүм вәбәр тү,
Одәш зәвәр вәбәр тү.
Имид дорә дурҝуни
Товуш чумәш мәбәр тү.

450
Јә бәндәίүм пәрәнту,
Пәртәво нисд пәрәнту.
Әшг нә дәҝә ә дүлтү
Рузиш имбу гәрәнту.

451
Јә бәндәίүм дәбошҝу,
Әгүл ә дәм дәбошҝу.
Тә дузә ҝоф ҝуфдирәш,
Һәлләм-гәлләм нә бошҝу.

452
Јә бәндәίүм ҹусдә, ҝу,
ћол-әћволә ҹусдә, ҝу.
Сад хосдәҝор бирәнкиш,
Һәр ίәтәнә дуст мәҝу.

453
Јә бәндәίүм омуну,
Тә нә бурри омуну;
Нолә зәрә ночогһо
Әίә чүпиш момуну.

454
Јә бәндәίүм нивараί,
Ә гуг ҹәлдлү нивараί.
Гуллуг сохдә шүвәрә
Ә гәд дүлүш мидараί.

455
Јә бәндәίүм дән әҹи,
Сиίә муίә дән әҹи?
Ίаралүίә синәрәш,
Мәлћәм дүһо зән әҹи?

456
Јә бәндәίүм вәмуно,
Зән ә шүвәр вәмуно.
Јәтим буһо балаһо
Чүн ίәсириш нә муно.

457
Јә бәндәίүм вәхт әҹи,
Ризинлүίә вәхт әҹи?
Әз ошири шориҝәш,
Ә пуләвоз бәхт әҹи?

458
Јә бәндәίүм гитиһош,
Рәћә бәсдә гитиһөш.
Чумә-чару нә сохдәш,
Ә дорә бәхт мити бош.

459
Јә бәндәίүм ә тәшт тү,
Орд нә дәҝәш ә тәшт тү;
Ә ћилләίи домундә,
Әз поί ίәкиш мәкәш тү.

460
Јә бәндәίүм вурухун,
Руίә әз су вурухун.
Һәр боί зәрә һингинә
әрсһоί чумәш мәрухун.

461
Јә бәндәίүм мәбош түш,
Тоί бигәдүр мәбош түш.
Гобул сохдә митирә
Ә рәћ ХУДО дәбош түш.

462
Јә бәндәίүм ίә ҹунәш,
Һозор дәрди ίә ҹунәш.
Әри ћәмол нә мундә,
әрүс биίор ә хунәш.

463
Јә бәндәίүм пәс мәҝи,
Чумә әз рәћ пәс мәҝи.
Дүл тү ҝурунд бисдоҝәш,
Әз хәм-хәίол дәс вәҝи.

464
Јә бәндәίүм пәс мидүт,
Косибмәндә пәс мидүт.
Хүшдәкүши сохдәнкиш,
Ә һороίтү сәс нидүт.

465
Јә бәндәίүм бисофи,
Офдорәнки бисофи;
Амбар воίә сохдикәш,
Дузовә рәћ ниίофи.

466
Јә бәндәίүм бишәкүт,
Кәί әз пири бишәкүт;
Әри күчә дәдәίһош
Пәшмунирә микәшүт.

467
Јә бәндәίүм дү ҝушләш,
Сурр иломи дү ҝушләш.
Гәдүртани нә ҹусдә,
әзиз нибу ҝуҝусләш.

468
Јә бәндәίүм һәрчүни,
Софо һово һәрчүни.
Хушә рузу нисдиҝә,
Бушә лово әрчүни?

469
Јә бәндәίүм ниίо бу,
Дәндү дордлү ниίо бу.
Әри ҝүндәί ән тәнүш
Чәнәх ордлү биίо бу.

470
Јә бәндәίнм ов миίов,
Әз никәрә ов миίов.
Јору тәлћбәнд буһорәш
Шәв тә сәбәћ хов ниίов.

471
Јә бәндәίүм рачирә,
Ә чум мәди рачирә.
Нобҝә ХУДО мәίоро,
Рачиш митав паҹирә.

472
Јә бәндәίүм нә омо,
Ә гәһрәвоз нә омо.
Бәгдә пәшму бирәнкиш,
Ә рәћ саίлов вәромо

473
Јә бәндәίүм һәмини,
Хосиίәтү һәмини.
үмүр пирлү бирәнкиш,
Ләзәтүрә нә вини.

474
Јә бәндәίүм нә һишди,
Јә хотурәш нә һишди.
Дәрд һәммәрә вәчирә,
Губәш ә дүл дәһишди.

475
Јә бәндәίүм митав дирә,
Сипрә дәниш митав дирә.
Ҹуруб-ҹиҝәт нә бофуһо,
Бәҝәм зәниш нитав бирә?

476
Јә бәндәίүм бигәм бошҝу,
Рихдәί әсму бигәм бошҝу.
Әз әдәти пим-пәлүһош
Дәрзәί русму бәһәм бошҝу.

477
Јә бәндәίүм хов вәҝәрдо,
Ширинίәти хов вәҝәрдо.
Ә чәнд ҹиро назһорәвош
Нур чумһоίтү тов вәҝәрдо.

478
Јә бәндәίүм гилиг хошҝу,
Рүћ вәбәрдә гилиг хошҝу.
Бәизидов дүл сухундәш,
Рәмоҝуни сәдиг бошҝу.

479
Јә бәндәίүм биофдонош,
Ә дүлхоίи биофдонош.
Тәхсиркорә ћол нисдиҝә,
Ә дәс-поίиш нә офдонош.

480
Јә бәндәίүм нивохуру,
Офто ә мәнҝ нивохуру.
Бәдћисоблу бирәҝорһош
Хәҹәләти биίо хуру.

481
Јә бәндәίүм рәћ ҹигирә,
Һәндәг мәзән рәћ ҹигирә.
Шори дүлә ҹиҝәш нибу,
Дәрк сохдиҝә мәћ бигирә.

482
Јә бәндәίүм нибу ҝүрдә,
Вәрф-ворушә нибу ҝүрдә.
Ә сал ίә бо нә бисдоҝәш,
Дәндүнәдорд зәбу ҝүрдә.

483
Јә бәндәίүм миίов, мурав
Рузһо-шәвһо миίов-мурав.
Дәрίоз кәндчи тиҹ бирәнкиш,
Ә ҝүләвоз ҝиίов мурав.

484
Јә бәндәίүм дәрдлүнүм мәш,
Оһилмәндә дәрдлүнүм мәш.
Килит зәно бүхтүвәни,
Јә мүрүмә гәрдлүнүм мәш.

485
Јә бәндәίүм нитам рафда,
Ә овуни нитам рафда.
Јә руз чумә бәсдә вәдәш -
Јә ә говрә митам рафда.

486
Јә бәндәίүм мундәнүм мә,
Ә ор сәдиг мундәнүм мә.
Чумә ә хов вошәндәнкиш,
Јә Тирорә хундәнүм мә.

487
Јә бәндәίүм ә дәсмә дә,
Гәләм сүрхи ә дәсмә дә.
Мәлћәмίәти ән чунсогиш
Ә нәфәсмә, ә сәсмә дә.

488
Јә бәндәίүм ә шор мәшән,
әрсһоί чумә ә шор мәшән.
Сугдә бирор ҹун дорәнки,
Тәίтә мүрдәш әίор дәшән.

489
Јә бәндәίүм ниίо бураί,
Поί нә ҝүрдҝә ниίо бураί.
Гунши ә ίос офдорәнки,
Ночогиҝәш биίо бураί.

490
Јә бәндәίнм тәрс нидору,
Шоһир буһо тәрс нидору.
Әри күчмиш бирә рузиш
Булог чумһо әрс мидору.

491
Јә бәндәίүм шәндүм һәндәг,
Ә рәћ чугул шәндүм һәндәг.
Һозор рачһо чум зәрүтҝәш,
Ҝәнәш, ә тү бәндүм әнҹәг.

492
Јә бәндәίүм ҹигирүм мә,
Шоһирлүίә ҹигирүм мә.
Балаһоίмә шор бирәίиш,
Ки муҝуίу: - Фәгирүм мә?

493
Јә бәндәίүм мәкүш мәрә,
Әз гисгонҹи мәкүш мәрә.
Јә ҝүзәлә чум зәрәмҝәш,
Ундә садбо зә, күш мәрә.

494
Јә бәндәίүм гәтуг нәрә,
Сиίә мәҝу гәтуг нәрә.
Зимиләрзһо бирә вәдәш
Шоһдоглу тан гултуг нәрә.

495
Јә бәндәίүм тә ћүлг һисдүм,
Әз дәс пәхүр тә ћүлг һисдүм.
Јәсиίов тү ҝуҹлуниҝәш,
Ә орд чара тәхүл нисдүм.

496
Јә бәндәίүм ворәлүни,
Јәхән мәрдүм ворәлүни.
Ә нәчоги поί донорәм,
Ки муҝуίу: - Чорәлүни?

497
Јә бәндәίүм һә гир бисдо,
Ҝәрдән худкор һә гир бисдо.
Вор-дәвләтү бирә ҹиҝәш
Ки ниҝуίу: - Фәгир бисдо?

498
Јә бәндәίүм ҝүл мичүнүм,
Әз бог-богчә ҝүл мичүнүм.
Јор ә хошмә оморәнкиш,
Әз гәфәсү дүл мичүнүм.

499
Јә бәндәίүм ә од маров,
Шүһрәтбәндһо ә од маров.
Ә пәнҹәί дәс ҹару буһош,
Дурра-дурра ә бод мурав.

500
Јә бәндәίүм ниҝирору,
Әз ов – саίлов ниҝирору.
Нәләтлүίә корһо дирәш,
Әз тәлћә хов миҝирору.

501
Јә бәндәίүм паралүнүм,
Ә дү Вәтән паралүнүм.
Јәршоләίим хунәίиҝә
Ки муҝуίу: – Јаралүнүм?

502
Јә бәндәίүм нәр дирәм мә,
Виҹдон мәрә нәр дирәм мә.
Хуби сохдә, ҹовон мундәм,
Ки ҝуфдирә: - Шәр бирәм мә?

503
Јә бәндәίүм ошуг висто,
Рүћә әз ҝоф ошуг висто.
Руί чарундә, сурр бирәнкиш,
Пәхүр дүлү очуг бисто.

504
Јә бәндәίнм әз ҝүл омо,
Гисмәт ранҝһо әз ҝүл омо.
Годо-гурбу вәҝүрдәίтүш,
Әзҹә танүм әз дүл омо.

505
Јә бәндәίүм торик бисдо,
Коврә әсму торик бисдо.
Ә вор-дәвләт булә вәдәш,
әҹәл әрчү шәрик бисдо?

506
Јә бәндәίүм бүхтү вәҝүрд,
Соги әз ҹун бүхтү вәҝүрд.
Нәштәр әҹәл тиҹ бурранкиш,
Бәхтә әрчү рүћтү нәҝүрд?

507
Јә бәндәίүм гогол бисто,
Нун нисону – гогол бисто.
Ә сифроίмә нүшдә ҹиҝәш,
Чумтү әрчү чогол бисдо?

508
Јә бәндәίүм нә ләрзири,
Әз вәрф човгун нә ләрзири.
Имид бирә, дүл дорәнки,
Һич ә чүпиш нә вәрзири.

509
Јә бәндәίүм нитам ҝүрдә,
Нәфс мүһбәтә нитам ҝүрдә.
Әри түсүз нә мундәίмәш,
Әнҹәг пишо митам мүрдә.

510
Јә бәндәίүм кип доҝордунд,
Сәнг синәрә кип доҝордунд.
Булог чумһо хүшҝ бирәнкиш,
Рихдә әрсә ки воҝордунд?

511
Јә бәндәίүм ҹоίу вәчи,
Дәрди – сәрәш ҹоίу вәчи.
Гәбиләрә тоҹ сохуһо,
әсүллүрәш тоίу әҹи?

512
Јә бәндәίүм нивирүхүм,
Әз ίор дуртә нивирүхүм.
Ворушлуίә думон бирәм,
И саίловә чүларз рүхүм?

513
Јә бәндәίүм ә дәр зәрүм,
Мизузәрә ә дәр зәрүм.
овунбәндә кор нә дирәш,
Ҝәнәш әрчү ә шәр дәрүм?

514
Јә бәндәίүм тонлу мирав,
Ҝомиш бәндһо тонлу мирав.
Әз ҹофоί тү хурдәҝорһош,
Әз пошнәί поί ίонлу нирав.

515
Јә бәндәίүм чиҝәрәҝүт,
Бәдәрүћһо чиҝәрәҝүт.
Шүгәмбәшү нә бирәίиш,
Әри динҹи ҹиҝә мәҝрүт.

516
Јә бәндәίүм ниίо боши,
Догуноглу ниίо боши.
Әри тә сад зүһүсдәίиш,
Ә дүл боглу биίо боши.

517
Јә бәндэίүм ҹура мәкәш,
Зәхәрбәндә ҹура мәкәш.
Әз ћол томом офдорәнкиш,
ћәзүрбәнди ίә гура кәш.

518
Јә бәндәίүм нә бисдори,
Софә әшглү нә бисдори.
әрисирә сохдә бәгдәш,
Ә гәд ҹәвги дәбисдори.

519
Јә бәндәίүм фикир сохди,
Шәвиш, рузиш фикир сохди.
Шор иломә нә винирә,
Гураш әрчү нидир сохди?

520
Јә бәндәίүм һәрчү дорә,
иломҝәзи һәрчү дорә.
Ә сади бисд нә расирәш,
Гәрд мүрүмә әрчү дорә?

521
Јә бәндәίүм митам мүрдә,
Хүшдәнимәш митам мүрдә.
Ә дәс Тиро нә вәҝүрдә,
Нум ХУДОрәш чүтам ҝүрдә?

522
Јә бәндәίүм нитам рафда,
Рәћ саданаш нитам рафда.
ХУДО һороί зәрә вәдә,
Пир нә бирәш, митам рафда.

523
Јә бәндәίүм ниίо бури,
Рәћ ҹәмәтә ниίо бури.
Бәдә дүшмә рүћ кәндәнки,
Әз хиртәкүш биίо бури.

524
Јә бәндәίүм ниίо воши,
Бәрәкәтә нίио воши.
Амонлуһо зулм дорәнки,
Тәвәрбәндлүш биίо боши.

525
Јә бәндәίүм нә дәҝүрдә,
әсмуί чумһо нә дәҝүрдә.
Хәбәр ХУДО нә бирә вәхт
Нәшуморә ки вәҝүрдә?

526
Јә бәндәίүм ә мәнҝәвоз,
Боҹ бәрдәнки ә мәнҝәвоз;
ошир дүнίо бисдориҝәш,
Зән нихоίут ә ҹәнҝәвоз.

527
Јә бәндәίүм ҝүрдә-ҝүрдәш,
Пирә сәсһо ҝүрдә-ҝүрдәш;
әҹәл ћәзγр оморәнки,
Воί мизәнүт мүрдә-мүрдәш.

528
Јә бәндәίүм пирә вәдә,
Тәмәћ ниίов пирә вәдә.
Гәίчи ХУДО чиҝә вәхтәш
Дүнίоһә ки дирә бәгдә?

529
Јә бәндәίүм ваз нориҝәш,
Сад ҝүлүίә ваз нориҝәш;
Әз чум шүвәр офдорәίҝә,
Чорә нибу наз дориҝәш.

530
Јә бәнәίүм ћово висто,
Бәхт Одомә ћово висто.
Пәшмуί ίә сиб бирә ҹиҝәш,
И чүларзи лово бисто?

531
Јә бәнәίүм ә рәћ дәмунд,
Ҹүфтә чумиш ә рәћ домунд.
Пәшму бирә воҝошдәнки,
Һич ә дүлиш тәмәћ нә мунд.

532
Јә бәндәίүм әхир нибу,
Ҹәнҝәсурә әхир нибу.
Һозор гәрбол зәрә ҹиҝәш,
Јә чүнтүни пәхир нибу.

533
Јә бәндәίүм нубо бисдо,
әмәлдани нубо бисдо.
Ә нәкуми ίәлов ҝүрдәί,
И чүтами тубо бисдо?

534
Јә бәндәίүм нә дәбәрди,
Ҝофә ә ҝуш нә дәбәрди.
Әз боглүίә гәфәс синәш
Дүлә чүтам вәдәбәрди?

535
Јә бәндәίүм ә әсәл дә,
Ширинίәтиш ә әсәл дә.
Хәндәί ловһо ҹар бирәнки,
Губәш ә дүл чү әҹәл дә?

536
Јә бәндәίүм кип варафда,
Киләћ ә сәр кип варафда.
Бәһәрлүίә бор дорәнкиш,
Ә богчәί шәр ки дарафда?

537
Јә бәндәίүм митаί дурра,
Бош-палтара митаί дурра.
Алмазлүίә дүл дирәнки,
Базуίурәш нитаί бурра.

538
Јә бәндәίүм ә сәр дәри,
Әгүл – зиһим ә сәр дәри.
әмәлбәнди гуморбазиш
Ки муҝуίу: - Ә зәр дәри?

539
Јә бәндәίүм әз дәрд омо,
Ночогиһо әз дәрд омо.
ХУДО, әҹәл фирсорәнкиш,
Ки ниҝуίу: - Әз гәрд омо?

540
Јә бәндәίүм нәбу бәри,
Зибәр хәлгә нәбу бәри.
Зәћәрбәндә кинһоί губиш
Ә дүл әίблү зәбу дәри.

541
Јә бәндәίүм ә хуш норум,
Софһоί түрәш ә хуш норум.
Хосдәҝорһо зувун вокунд,
Ҝофһоί түрәш кәί ҝуш дорум?

542
Јә бәндәίүм соф дорәм мә,
Сүрхә ҝофә соф дорәм мә.
Гәнәт зәрә, чорә биίоф,
Ә чол нәмәрд офдорәм мә.

543
Јә бәндәίүм у мар мәнүм,
Зәћәрлүίә у мар мәнүм.
Ов никәрә саίлов дори,
Гушлүίә пар чүтар зәнүм?

544
Јә бәндәίүм зомун висдо,
Ҹәзоί ίодә зомун висдо.
Бүтүн илом мәћтәл мунди,
И чүларзи овун бисдо?

545
Јә бәндәίүм коврәлүни,
Ранҝһоί әсму коврәлүни.
Нимәί үмүр нә ҝирошдәш,
Ҹунтү әрчү говрәлүни?

546
Јә бәндәίүм хәбәр бисто,
Сиб-сиίәίә хәбәр бисто.
Ә дүлү губ дарафдәнкиш,
Нәшуморә гәбәр висто.

547
Јә бәндәίүм гурбу имбу,
Ҹун ә соги гурбу имбу.
ХУДОj илом нә дошдәнки,
Дәрмуί чорәш дурҝу имбу.

548
Јә бәндәίн сиррһоί тумиш,
Нәсиллүни сиррһоί тумиш.
Әз чухрәки гириш сифәт
Имфурогу зирһоί чумиш.

549
Јә бәндәίнүм нибу бәрдә,
Сура әз дүл нибу бәрдә.
Гуртум-гуртум гәм хурдәнкиш,
Һозор гәίгу имбу дәрдә.

550
Јә бәндәίүм митав дирәш,
Һәндәвәрә митав дирәш.
Ә сәр ίә поί поίисдәҝор,
иломҝәзлү нитав бирәш.

551
Јә бәндәίнм пүшҝә ҹунәш,
Биод мибу пушҝә ҹунәш.
оширирә нә ҹусдәнки,
Сифро нибу хүшҝә нунәш.

552
Јә бәндәίүм чогол вошҝу,
әίнәлүни чогол вошҝу.
Әз ћәмисһо дур мундәнкиш,
Нун нисону – гогол бошҝу.

553
Јә бәндәίүм зури-зуриш,
Чи нихурут зури-зуриш.
Лов-ләәрә нә ҝүрдәнки,
Гәм мүрүхүт рури-буриш.

554
Јә бәндәίүм ίор нисоху,
Бәдәсүләш ίор нисоху.
Ә тәлћә руз вомундәҝор,
Үшүг чумәш тор мисоху.

555
Јә бәндәίүм нитав дирә,
Нәрмәнд хунчиш нитав дирә.
Шәвһо һороί дәшәндәҝор,
Дүшмәί гуншиш митав бирә.

556
Јә бәндәίүм шово имбу,
әләм салдат шово имбу.
Думонсүзә сиίә әсмуш
Әз нишонәί дово имбу.

557
Јә бәндәίүм битәв зәрдүт,
Ранҝ гутинә битәв зәрдүт.
Әз гилиίә дәрһоί мувәћ
Әгүл сәрәш чүларз бәрдүт?

558
Јә бәндәίүм имбу хоштә,
Ширни зувун имбу хоштә.
Хори пара бирә ҹиҝәш
Зимиләрзә нибу хостә.

559
Јә бәндәίүм холиш имбу,
Ә руί ҝүίчәк холиш имбу.
Һозор әίбү бирәҝорһо
Сәргуз нүшдә лолиш имбу.

560
Јә бәндәίүм нидәίүлү,
Вәҝир чумә нидәίүлү.
Ә мүгүриш оморәҝор
ћүршә ә дүл мидәίүлү.

561
Јә бәндәίүм ә нәгүлиш,
Расти дәри ә нәгүлиш.
Чәшмишиһо офдорәнки,
Имид мәбәст ә әгүлиш.

562
Јә бәндәίүм әнҝүл ҝүрдә,
Пишоί хунә әнҝүл ҝүрдә.
Ә нәкуми сәр бүнүһош,
Әнҹәг митав әз дүл мүрдә.

563
Јә бәндәίүм әрәг нибу,
Әз әрс ҝирίә әрәг нибу.
Ухлубәндә чапариҝәш
Әз пилигһо ίәрәг нибу.

564
Јә бәндәίүм бор ниίору,
Һәр ίәтән дор бор ниίору.
Хәләф сүрхи буһо кукиш
Әри дәдәί шор миίору.

565
Јә бәндәίүм нә дәмуно,
Зулмәт ә чум нә дәмуно.
Ә фурм офтоί кәлә әсму
ћүрмәт ә нум һә вәмуно.

566
Јә бәндәίүм ниίо вәбу,
Вини ә тәк ниίо вәбу.
Рәћми ХУДО рәћ дорәнкиш,
Бәхт ә чумһо биίо дәбу.

567
Јә бәндәίүм ниίо ҝири,
ћилләί губә ниίо ҝири.
Әри тәмиз мундәί дүлиш
Нум ХУДОрә биίо ҝири.

568
Јә бәндәίүм ә чухур дә,
Кәί ки чумһо ә чухур дә;
Лов-ләәрә гәбәр дирә,
Зәћриморәш нибу хурдә.

569
Јә бәндәίүм нәгүл вошҝу,
Әфсонәίи нәгүл вошҝу.
Ә мәгбуни дарафданкиш,
Хилоскору әгүл бошҝу.

570
Јә бәндәίүм чүн овомиш,
Кәί ки фурмунд чүн овомиш;
Гурлубәндә рәћ мүрүмә
ћово бурбунд ә Одомиш.

571
Јә бәндәίүм нитав рафда,
Лово ә буш нитав рафда.
Әри ночог буһо әίил,
Дәдәί гурбуш митав рафда.

572
Јә бәндәίүм пәс миҝирү,
Сабур нәфсә пәс миҝирү.
Ә хәспушә офдумә кук,
Дәдәί сүрхиш дәс ниҝирү.

573
Јә бәндәίүм нитав бурра,
Нәфс иштоһә нитав бурра.
Күшдәмолә буһо ҹәндәҝ
Ә фурм мәћсиш митав дурра.

574
Јә бәндәίүм тәвәр нибу,
Әз һәр согот – тәвәр нибу.
Саίлов догһо шәх зәрәнки,
Ов никәрәш зәвәр мибу.

575
Јә бәндәίүм вәҝәрдош тү,
Әз пәшмуни вәҝәрдош тү.
Ә сәр сабур вәмундәнкиш,
Гәрәтикон нә ҝәрдош тү.

576
Јә бәндәίүм ћол-әћволә,
Руз-бәруз пүрс ћол-әћволә.
Кәлә-күтүр нә бисдоҝәш,
Хәίир ниίов әз рәћ болә.

577
Јә бәндәίүм дәр-бәдәр,
Чум вәнорум дәр-бәдәр.
Бәхтлү бисдо асдара
Нишон норум бәр-нәбәр.

578
Јә бәндәίүм нә шәндүм,
Ҝофә ә буш нә шәндүм.
Әнҝүшдәри дорәмунд
Сифроί шори дәшәндүм.

579
Јә бәндәίүм хисири,
Ширин-ширин хисири.
Ә хов дирә дәдәjә
Дур мунди әз jәсири.

580
Јә бәндәίүм ниίилү,
Мозол пәртлү ниίилү.
Басарата бәсдәнки,
Дүләш чатлү миίилү.

581
Јә бәндәίүм нидаров,
Әшгмәнд ә чүл нидаров.
Хәндәί лову парусдҝә,
Дәрдиш ә дүл мидаров.

582
Јә бәндәίүм нәс бирә,
Дәрίоһ тәшнә нәс бирә.
Ов-саίловиш рихдәнки,
Иштоһорә пәс дирә.

583
Јә бәндәίүм нә кәшдүм,
Нә вәхүшдүм, нә ҝәшдүм.
Түрәш дирә вәфосүз,
Әри мүрдә дәҝәшдүм.

584
Јә бәндәίүм һә омо,
Сурог әлчи һә омо.
Хәίкәлпити сохдәнки,
Һич ίә мүргиш нә омо.

585
Јә бәндәίүм тоί вини,
Нәшинохә тоί вини.
Ҝоф-ҝәләҹә шинирә,
Ҹун согирәш зоί вини.

586
Јә бәндәίүм диромо,
Ә дүл шивән диромо.
Чумһо ә рәћ домундҝәш,
Јору ҝәнәш дир омо.

587
Јә бәндәίүм дәҝүрд дәрд,
Үшүг чумә дәҝүрд дәрд.
Түндә рүсвәћ бирәнки,
Хориш зутә вәҝүрд бәрд.

588
Јә бәндәίүм вәбисдо,
Ә сәр зувун вәбисдо.
Һозор шово рүхундҝәш,
Ҝәнәш сәдиг нә бисдо.

589
Јә бәндәίүм пинәки,
Ширин бирә пинәки.
ХУДО кумәк бирәнкиш,
Шоһдоглүίә бинә ҝи.

590
Јә бәндәίүм битоби,
Ҹун мәҝүрү битоби.
Ә фурм Тиро суί дүһош,
Әри милләт китоби.

591
Јә бәндәίүм таразү,
Тән биίо бу таразү.
Ә шәфти поί доноҝә,
үмүр ҹунуш марасү.

592
Јә бәндәίүм шәфтирә,
Шәрәф нибу шәфтирә.
Дәдә-говол буһорәш,
Нибу ә суί дәфт дирә.

593
Јә бәндәίүм нивини,
Ширә сиίә нивини.
ХУДОрә шор хостәнки,
Хушбәхтирәш мивини.

594
Јә бәндәίүм нидараί,
Ә һәр хунә нидараί.
Гисмәт ХУДО бирәнки,
Әз дәр ίодиш мидараί.

595
Јә бәндәίүм нәҝиро,
Әз чи ҝүрдә - нәҝиро.
Әлчи әшгсүз бирәнки,
Ә бүҝүрүш нә диро.

596
Јә бәндәίүм мәдәшән,
Ҝофә әз дог мәдәшән.
Ә кин гоһум-гәрдәшиш
Руίә үзίог вәдәшән.

597
Јә бәндәίүм низәнү,
Бићол шәггә низәнү.
Ә нум ХУДО боглуһош
ћәсрәт һәггә мизәнү.

598
Јә бәндәίүм шәвә ҝи,
Динҹиίәти шәвә ҝи.
Ићтиборә сохдәнкиш,
Чумә әз сәр мәвәҝи.

599
Јә бәндәίүм әҹнәби,
Гәриб бирә әҹнәби.
Әри мозол сәбәћи
Кинәш ә фурм вәҹ нә ҝи.

600
Јә бәндәίүм сириглү,
Русмуί дәрзә - сириглү.
Сад бо гәрбол зәриҝәш
Мәрдίәтини – сирр биглү.

601
Јә бәндәίүм нә ҝәрдо,
Бәдмозоли нә ҝәрдо.
Никә гисмәт ән ХУДОш
Ә сәћибү вәҝәрдо.

602
Јә бәндәίүм ворушәш,
ХУДО дорә ворушәш.
Ә гәд зулмәт ән бәди
Ки нихоίу товушәш?

603
Јә бәндәίүм нимә рәћ,
Нимә үмүр, нимә рәћ;
Әри дүшмәί ҹувурһо
Һә домуно ә тәмәћ.

604
Јә бәндәίүм дәәмлү,
Бәһәр бирә дәһәмлү.
Дүшмәί хәлгиш jә мәћәл
ћәл имбошу шәәмлү.

605
Јә бәндәίүм гәтрәлү,
Данан нирав гәтрәлү.
Һозор салһо ҝирошдҝәш.
әсәл нибу гәд әлү.

606
Јә бәндәίүм һоволәнҝ,
Гудуз шәндә һоволәнҝ.
Ләшҝәр думон пар зәҝәш,
Шәфт нисоху ловә мәнҝ.

607
Јә бәндәίүм чәћ биίор,
Тәмәћ рузә чәћ биίор.
Һозор хуби бурбундҝәш,
Бирор нибу рәћҝирор.

608
Јә бәндәίүм һәдәрлү,
Вәхтә мәбәр һәдәрлү.
Лүгәί нуну һисдиҝәш,
Хушбәхт нибу кәдәрлү.

609
Јә бәндәίүм шүгәмлү,
Марһо ҝәшдә шүгәмлү.
Дү поί, дү дәс вәриҝә,
Ҹун согирәш чү гәмлү?

610
Јә бәндәίүм нә дирәш,
Әз нәзники нә дирәш.
Әз ћүлчәгү нә ҝүрдә,
Нитарсуни бәдирәш.

611
Јә бәндәίүм вокундә,
Тә чум һисди вокундә.
Һозор бәди иломәш
Тәмиз имбу покундә.

612
Јә бәндәίүм вәдилүш,
Бисдориҝә вәдилүш.
Ә дүл һәммә рәћ офдә,
Һич нидараί бәдилүш.

613
Јә бәндәίүм шорирә,
Әри күшдә шорирә;
Әз һүндүри ән дорһош
Рәћсо нидүт ворирә.

614
Јә бәндәίүм әз бази,
Бәднумиҝә әз бази;
Әз нәсилү бәтәртәш
Хәлг мумуну бирази.

615
Јә бәндәίүм зәвәрә,
Пилләлү хоί зәвәрә.
Әри дирә гуг дорәш,
Ә күк мәзән тәвәрә.

616
Јә бәндәίүм нә бирә,
Гәпик – гуруш нә бирә.
Ҹунсоги тү бисдоҝәш,
Дәәм нитав дәбирә.

617
Јә бәндәίүм нә ҝүрдә,
Дәрди – болә нә ҝүрдә.
Әри хуби хәләίиг
Воίҝә нибу вәҝүрдә.

618
Јә бәндәίүм мәстирәш,
Воίә сохит мәстирәш.
Дод рушумә дирәҝор,
Тоҹ нисоху хәстирәш.

619
Јә бәндәίүм нивинүм,
Тәхлћә ховә нивинүм.
Рүћмә гәнәт зәрәнкиш,
әсмуί товә мивинүм.

620
Јә бәндәίүм нирам мә,
Ә дурбәндһо нирам мә.
Үҝәίә рәћ тов доҝәш,
Ә ҹәрҝәί тү мирам мә.

621
Јә бәндәίүм бәћс мумиш,
Әз сухтәίи – бәћс мумиш.
Шәх-шәхәлү рихдәнки,
Бәнд нә бошҝу әрс чумиш.

622
Јә бәндәίүм биίо бу,
Дүшмә ҝиров биίо бу.
Әри сүрхә ҹун согиш
Поίһо гиров ниίо бу.

623
Јә бәндәίүм бидрараш,
Лов нисохут бидрараш.
Кәмәрвози сохдәнки,
Сов мисохут шидрараш.

624
Јә бәндәίүм никәшүм,
Сурог ворә никәшүм.
Ховһо ширин бисдоҝәш,
ћәсрәт jорә микәшүм.

625
Јә бәндәίүм суί мидү,
Офто ә мәнҝ суί мидү.
Һозор әмәл сохдиҝәш,
Хүшҝә ҝиίов буί нидү.

626
Јә бәндәίүм боҹ митаί,
Ҝуҹ бәбәрә боҹ митаί.
Ә овсар әсб нә бәсдәш,
Һәр расара воҹ нитаί.

627
Јә бәндәίүм лош ниίов,
Нә дүширә лош ниίов.
Ә дәстү ҝүл дирәнки,
Севҝилирәш хош миίов.

628
Јә бәндәίүм нәмәрәш,
Холчә мәҝу – нәмәрәш.
Ә хәлг боглу һисдиһо
Дүл шоһири вә мәрәш.

629
Јә бәндәίүм думоглу,
Мәҝәшд дурлу – думоглу.
ХУДО ники сохдәнки,
Рәћми имбу сумоглу.

630
Јә бәндәίүм гәίмогә,
Кәрәлү ху – гәίмогә.
Әри динҹә рәћәтиш
Сал-бәсал ҝәшд ίәίлогә.

631
Јә бәндәίүм һовунәш,
Сүрхбәнд мәҝу – һовунәш.
Дәәм ләә тануһо,
әсәл митав говунәш.

632
Јә бәндәίүм нивоίут,
Ҹури мүргә нивоίут.
Мәнилүίә зувунһо
Шори хәлгә мивоίут.

633
Јә бәндәίүм нум дорә,
Дәс очуги нум дорә.
Ә коврә тоҹ шомомош
Коврә әсму чум норә.

634
Јә бәндәίүм зәр чүни,
Гумор чүни, зәр чүни?
Ә мүлк дүлтү дәрүмҝә,
Чумәрәћиш әрчүни?

635
Јә бәндәίүм әрә ҝи,
Әз дурҝуни әрә ҝи.
Суррлубәнди әгүләш
Вәкундәҝор ҝәрәки.

636
Јә бәндәίүм дорәίи,
Дүлә ә ίор дорәίи;
Әри гәмһоί севҝили
Тәћно ҝүлиш чорәίи.

637
Јә бәндәίүм асдара,
Кук офтоίи – асдара.
Дәстә-дәстә ҹәсдәнкиш,
Одлу бирә масгара.

638
Јә бәндәίүм ә тәрсү,
Фәткә ниίов ә тәрсү.
Мγћкәмлүίә дүл буһо,
Әз говрәһош нитәрсү.

639
Јә бәндәίүм суί бодиш,
Говрәлүни – суί бодиш.
Һәггә ә чум зәрәнки,
Сиίәһ имбу руί ίодиш.

640
Јә бәндәίүм микγшү,
Нәр нәфсдорә микγшү.
Тәίтәш әхир гиίомәт
Офтош товә никγшү.

641
Јә бәндәίүм вәшәглү,
Тов дорәнки вәшәглү;
Догәш митав ҹумундә,
Һүнәрмәндә ίә әшглү.

642
Јә бәндәίүм мәћәлү,
Расирәнки мәћәлү;
Ән гәддара дүшмәһош
Ҹунә мүдүт әз ћәлү.

643
Јә бәндәίүм воίлүнүт,
Ҝирίәлүһо воίлүнүт.
ћәίвотлүίә ҹәндәҝһош
Ә гәтүрһо тоίлүнүт.

644
Јә бәндәίүм шәр һәдәш,
Буләлүни шәр һәдәш.
ћәлимоши тә бирә,
Хәхә сохит сәр бәдәш.

645
Јә бәндәίүм нунә кәш,
Әз зир поίһо нунә кәш.
Ә кәс имид нә бирә,
Сәрбәрәћи ҹунә кәш.

647
Јә бәндәίүм софә кәш,
Дүлсухуни софә кәш.
Нобҝә гәд-гүд гүҹлүһо
Бизмуд миίлү сифәтәш.

648
Јә бәндәίүм нун түрәш,
Динҹбәндлү ху нун түрәш.
Ә дәс бирәћм домундә,
Гурбу мәсох ҹун түрәш.

649
Јә бәндәίүм хәтәри,
Хәтолүрәш хәтәри.
Куртолићә әίбәҹәр
Әз әлбүсиш бәтәри.

650
Јә бәндәίүм һәзәрәш,
Гәбул сохдә һәзәрәш;
ћүртә-ћүртә шәләһо
Хүрд мисоху кәмәрәш.

651
Јә бәндәίүм зибәрүт,
Бәрдәлүίә зибәрүт.
Хурдә бәгдә ћәлворә
Шәләί сәнгәш мибәрүт.

652
Јә бәндәίүм ћәләво,
Ә дурҝунә ћәләво;
Хурдә түндә ичҝирәш
Ә хәлг мәбош ћәләво.

653
Јә бәндәίүм хорушлу,
Чүк зәрәнки хорушлу.
Зәћриморһоί әгрирәш
Тиίи мәсох ворушлу.

654
Јә бәндәίүм пучһоίуш,
Ҹыҹ кәндәнки пучһоίуш.
Пысирәлү тәћсиҝә,
Зәиф имбу ҝуҹ поίуш.

655
Јә бәндәίүм нәвило,
Вокуфдәнки нәвило;
ћәримлүίә тикәрә
Руί ән сифрош нә вино.

656
Јә бәндәίүм нивәрзү,
Нәфс ә виҹдон нивәрзү.
ћәләбогру бирәҝор,
Әз мучәкиш миләрзү.

657
Јә бәндәίүм гуч имбу,
Ҝусбәнд пәрәст гуч имбу.
Биҹлүмәндә ћүрүмчәк
Әзир поίиш пуч мибу.

658
Јә бәндәίүм биорә,
ћүрмәт нибу биорә.
Әз ћәίфбәри пул ҝирош
Ҹунә ә гәст ки норә?

659
Јә бәндәίүм нүшдәрәш,
Гәрболлу виҹ нүшдәрәш.
ћитиίоти нә сохдә,
Вир мисохи хүшдәрәш.

660
Јә бәндәίүм ћүндәвәш,
Бизмуд бирә ћүндәвәш.
Әргил ҝүрдә. гәһрибәнд.
Туфлу мәбош чүн дәвәш.

661
Јә бәндәίүм мәдәшән,
ћәроί-ћәшил мәдәшән.
Тә пуч бирә үмүрлү
Кинәш әз дүл вәдәшән.

662
Јә бәндәίүм вәдара,
Ә һәд хубиш вәдара.
Чумәчару нә сохдә,
Ә гәд губиш мәдара.

663
Јә бәндәίүм дәчарун,
Шәрә ә хов дәчарун.
ћәшориίә сәстүрәш
Ә ҝирίәί ίос мәчарун.

664
Јә бәндәίүм гәсдирә,
Су дорәнки гәсдирә.
ћүҹәтмәндә ҹүхлүрә
Әхирүш ник нәс бирә.

665
Јә бәндәίүм гумһорәш,
Вор дорәнки гумһорәш;
ћәрзо һишдә ләәрә
Чогол мәсох чумһорәш.

666
Јә бәндәίүм әз сәгәш,
Поί чәмүстҝә әз сәгәш.
Әз пәшмуни ҝиләίи
Гәбәр имбу әз ләәш

667
Јә бәндәίүм ћәίфбәри,
Губ овурдә ћәjфбәри.
Нәбу ә руί нәшәрһош
Ә туфәвоз хәίф бәри.

668
Јә бәндәίүм ћитиίот,
Ҹунә дошдә ћитиίот.
Әри имид ХУДОίиш
Дүл сабури – митиίот.

669
Јә бәндәίүм дуз бирә,
Раста ҝофһо дуз бирә.
ћәрәмзәдә нә мундәш,
Бәҝәм нибу руз дирә?

670
Јә бәндәίүм ә пүнҹү,
Конίак дәҝәш ә пүнҹү;
ћәлмошиίә сәр-сифәт
Әίә мәрдиш ниҝүнҹү.

671
Јә бәндәίүм миваров,
Миҹав ә лог миваров.
ћәләбогру бошуһош,
Ә кәлләί дог ниваров.

672
Јә бәндәίүм ћәлимә,
Әз ош вәҝи ћәлимә.
Әрхәίү дог бисдоҝәш,
Хәлг нихоίу ћәримә.

673
Јә бәндәίүм әз оси,
Руί мәвәҝи әз оси.
Нобҝә сохдә тартапил,
Ә кун мәћсһо моҝоси.

674
Јә бәндәίүм имидәш,
Ә ХУДО бәсд имидәш.
Мүрдәлүίә ћолокәт
Хок мисоху иҝидәш.

675
Јә бәндәίүм ҹәррәћә,
Зиһим вәри ҹәррәћә.
Сәхтә нЈчог бирәнкиш,
Воίә нидү гур рәћә.

676
Јә бәндәίүм молиίәћ,
Молохлүни – молиίәћ.
илом ә ләрз офдоҝәш,
Ә дод миίов шолиίәћ.

677
Јә бәндәίүм ћир боҹәш,
Курбәнд нитав ћир боҹәш.
Ҝирошдәнки кор әз кор
Гилинҹ митав гирмоҹәш.

678
Јә бәндәίүм шоботәш,
Ә шор чарун шоботәш.
ХУДО кумәк бирәнкиш,
Миίни рузһоί боботәш.

679
Јә бәндәίүм хор миίов,
Ә дод нимаз хор миоίв.
Офто батмиш нә бирәш,
Шәћәнҝумсүз тор ниίов.

680
Јә бәндәίүм дүҝәрәш,
Ҝов мивини дүҝәрәш.
Мүћтоҹирә дирәҝор,
Моч мисоху лүгәрәш.

681
Јә бәндэίүм хәрими,
Гәтүр әсби, хәрими?
Лићәлүίә дүлһорәш
Рәћмлү хундә ћәрими.

682
ΊъЈә бәндәίүм чү әсәл,
Әз ов писук чү әсәл?
Сәћибмәндлү буһорәш
Ә сәћроһо чү әҹәл?

683
Јә бәндәίүм әз дор тү,
Бор чирәнки әз дор тү;
Косиб буһо духдәриш
Зу мадаров әз ίортү.

684
Јә бәндәίүм зәћмәтә,
Мәрд кәширә зәћмәтә.
Ә күч бирә вәдәίүш
Соί нәс бирә рәћмәтә.

685
Јә бәндәίүм мувәћә,
Әгүл вәри мувәћә.
Тикдобониш вокундҝә,
Дураз нивни кутәћә.

686
Јә бәндәίүм вәҝәрдош,
Ә од әсүл вәҝәрдош.
ћүрүгыза дирәнкиш,
Чәшмишә чум нә ҝәрдош.

687
Јә бәндәίүм миләрзү,
Нәмәрд әз нәр миләрзү.
ћүмчәлүίә әмәлүш
Ә зир киләћ нивәрзү.

688
Јә бәндәίүм хәтәри,
Болә доҝә хәтәри;
ћәшолуίә гурумсог,
Әз мурдалиш бәтәри.

689
Јә бәндәίүм ә дүлиш,
Губ дарафдҝә ә дүлиш;
Рәћсо мундҝә дәр мувәћ,
Пар мизәнү әгүлиш.

690
Јә бәндәίүм рәћә ди,
Миши никә рәћә ди.
Әрәг руίә нә рихдәш,
Дәәм нәдо рәћәти.

691
Јә бәндәίүм руί бәди,
Парс ҝүрдәнки руί бәди;
Әίлонмәίә чәрх дорә,
Ә думдумәш суί мәди.

692
Јә бәндәίүм нә раси,
Ҝофтү ә ҝуш нә раси.
Әз чум ҹуркум парусдә,
Гәбәр дүлиш вамаси.

693
Јә бәндәίүм һәмишә,
ХУДОрә хоί һәмишә.
Әз һозор чүр әмәлһош
Сүрхлүтәίи и пишә.

694
Јә бәндәίүм бисдими,
үмүр сади бисдими?
Һәртарафлү шор буһош,
Хосдәί ХУДО нисдими?

695
Јә бәндәίүм сиб дирә,
Ә фурм ћово сиб дирә;
Әз пәћники ән ХУДО,
Ухшәр мәди ҹибҝирә.

696
Јә бәндәίүм шәртәвош,
Ә буләίә шәртәвош;
Ҹур-ҹундурә ҝофһорә
Ә руί мәди пәртәвош.

697
Јә бәндәίүм ә мәрдүм,
Шәрик мәбош ә мәрдүм.
Ә әрәί дәр дәίишдә,
Поίәш вәни ә сәр дүм.

698
Јә бәндәίүм шүкүрлү,
Ә ХУДО бош шүкүрлү.
ћәлолә шир хурдиһош,
Дустһо бошҝу бүҝүрлү.

699
Јә бәндәίүм зирпоίи,
Пиίон бирә зирпоίи.
Бош-палтара вокундҝәш,
Вәди нибу ширмоίи.

700
Јә бәндәίүм донини,
Сипрә муίһо – донини.
Үлүвоίә нимәҹун
Әз сабуриш – онини.

701
Јә бәндәίүм гәзәвот,
Гәргүшлүни – гәзәвот.
Ҹовобирә дорәнкиш,
ћәзүр имбу гәзомот.

702
Јә бәндәίүм дәәмлү,
Лүнҝ шәндәнки дәәмлү;
Чолә-чухур винирә,
ћәлиш мәбош шәәмлү.

703
Јә бәндәίүм әзҹәһо,
Руί вәҝүрдә әзҹәһо;
Пиίон бирә, хүшдәрә
Мәбәр ә фурм әҹдәһо.

704
Јә бәндәίүм синәсов,
Ә рачи бош – синәсов.
Әри күшдә пирирә,
Ә сәр муίһош хинә сов.

705
Јә бәндәίүм гәдәһлүш,
Шороб мәху гәдәһлүш.
Ә сәр вәрфһо хисирә,
Чорә нибу ә пәһлүш.

706
Јә бәндәίүм кәләсәр,
Әҝәр һисдҝә кәләсәр;
Јә иломә вәрзундә,
Үзίог имбу тәвәсәр.

707
Јә бәндәίүм ίовонлу,
Нун хурудәнки ίовонлу;
Сәрзиίоди ҹун дорә,
Рүћәш миίнүт ҹовонлу.

708
Јә бәндәίүм кәлә чум,
Чогол бирә кәлә чум.
Ә гәд әрәг тәнә шу,
Тә од дирә һәлә нум.

709
Јә бәндәίүм ίә гәлиз,
әсму мундҝә ίә гәлиз.
Воруш нәίов ҝуфдирәш,
әрүс имбу – ләгәлис.

710
Јә бәндәίүм ә савад,
Тә расирә ә савад;
Сүрхә нубоί Тирорә
Митаί хундә тә навад.

711
Јә бәндәίүм иломәш,
Үшүг дорә иломәш;
Офуррәҝор – ХУДОί һәгг,
Одоми сохд – Одомәш!

712
Јә бәндәίүм шинирә,
Ҝоф ХУДОрә шинирә;
оширбәндлү зүһүсдә,
Әз сүрх вәҝи синирә.

713
Јә бәндәίүм корҝолу,
Хунәί кәрҝи - корҝолу.
Зәћмо зәҝә бәдәчум,
Ә зоί мурав вор-молу.

714
Јә бәндәίүм бирәћнә,
Сәр-поί мундҝә бирәћнә;
Әз ХУДО ҝуҹ вәҝүрдә,
Ә фәткә ди бирәћмә.

715
Јә бәндәίүм әз фәмиш,
Чум вомундҝә әз фәмиш;
Әз чорәһоj рачίәти
Дүл нипоίу әз гәмиш.

716
Јә бәндәίүм әз ориш,
Ҝоф бирәнки әз ориш;
Шоботћили сохдәрә,
Вәдәшәнит әз ίориш.

717
Јә бәндәίүм тохлурә,
Говунлу тан тохлурә.
Дорһо хүшҝи зәрәнкиш,
Мусухунут шохлүрә.

718
Јә бәндәίүм гәлпәлүш,
Базу мундә гәлпәлүш.
Хүрд сохдәнки гәнәтә,
Пар низәнү пәлпәлүш.

719
Јә бәндәίүм Тиро ҝу,
Ҝофә ә фурм Тиро ҝу.
Ә кәлә суд ән ХУДОш
Шәфт нә бошҝу тирозу.

720
Јә бәндәίүм нәр дәмун,
Ә гәриш хәлг нәр дәмун.
Әгүл сәрәш тәћсундә,
Һәмишәлуг хәр мәмун.

721
Јә бәндәίүм ләрбәрә,
Јара хундәт ләрбәрә.
Чорәсүзә ћол дирәш,
Ә сәр мәзән зәрбәрә.

722
Јә бәндәίүм ћәсүрүт,
Дод мииди ћәсүрүт.
Шон ХУДОрә доруһо,
Әри мүрдәш ћәзүрүт.

723
Јә бәндәίүм дәбуҝә,
Ә нәфс гилиг дәбуҝә;
Коврәί әсму тов мидү,
Дово-корһо нә буҝә.

724
Јә бәндәίүм ҝоф шону,
Соф нисдиҝә ҝоф шону;
Гимәтдана гәίгулу
Ә дүләстиш мофдону.

725
Јә бәндәίүм вәдиро,
Ә тараф раст вәдиро.
Хушә ниίәт нә бирә,
Һич әз дәриш мәдиро.

726
Јә бәндәίүм зәрд ниίов,
Ранҝ мәнҝә руί зәрд ниίов.
Үшүг чумһо рафдәнкиш,
Јә дәрjолуг дәрд миίов.

727
Јә бәндәίүм вохурдә,
Әίәки тә вохурдә;
Огуίә ҝоф хәбәрәш
әсәлбәндлү ки хурдә?

728
Јә бәндәίүм чәндборә,
Дәно зәрә чәндборә,
Толог-молог нә дорәш,
Шүвәр әрчү шәнд ίорә?

729
Јә бәндәίүм тә нүшдә,
Виҹдон әз ћүрш тә нүшдә;
Кәрҝә хуно әз бугоз
Дәрди-сәрә ки күшдә?

730
Јә бәндәίүм нисоху,
Әшглү ҝирίә нисоху.
Ә тәћноίә дүләвоз
Мүшхүлотә мисоху.

731
Јә бәндәίүм кинә ҝүрд,
Зәћәрбәндлү кинә ҝүрд.
ХУДО ћүкγм дорәнкиш,
Ә ҝуш хүшдә ки нә ҝүрд?

732
Јә бәндәίүм ҝировдош,
Рәћм нә дори – ҝировдош.
ХУДО дошдә үмүрәш
Ә гәд шори ҝиров нош.

733
Јә бәндәίүм вәҝәрдо,
Ов никәрә вәҝәрдо.
Бәдә ховһо – хәίолһош
Гисмәт ίәкиш нә ҝәрдо.

734
Јә бәндәίүм вәҝәрдо,
Бәди ә бәд вәҝәрдо.
Ә тур ҹәи офдорәш,
Вирихдәίү нә ҝәрдо.

735
Јә бәндәίүм ки имбу,
Зиргопози ки имбу?
ћүршлүίә ов нә бирә,
Шәх-шәхәίүш ни имбу.

736
Јә бәндәίүм гәләти,
Сохдә бәгдә гәләти;
Әз нумунәί ҹәмәтиш
Бәхшjү имбу нәләти.

737
Јә бәндәίүм поίундә,
Ләрз ҹәндәҝә поίундә;
Ә гәд вәрфи – гиләти
Мүрүмә ки ҹоίундә?

738
Јә бәндәίүм нә бәрдәш,
Әгүл сәрә нә бәрдәш;
Мүшкүлә зәћм ән корә
Нивәҝүрү ә ҝәрдәш.

739
Јә бәндәίүм боҹлуни,
иломҝәзи боҹлуни.
Дүдунәίи зәндүһош,
Ә чум ХУДО тоҹлуни.

740
Јә бәндәίүм вәҝири,
Дәдәί һәр вәхт вәҝири.
Јә нәчоглә бирәнки,
Годоίүрәш мәҝири.

741
Јә бәндәίүм тобһорәш,
Мүһбәтлү дор тобһорәш.
Ә шәв шори – никиһо
Сәҝлү мәлис гобһорәш.

742
Јә бәндәίүм тирочу,
Ловош шәндә - тирочу.
ошир сәркуш зәрәнки,
Ҝофәш ә фурм Тиро ҝу.

743
Јә бәндәίүм водорәш,
Әз гәһр чунә водорәш;
Пишоί мүрүм, күчә-күч,
Нивәҝүрү годорәш.

744
Јә бәндәίүм ҹин фурмунд,
Сәдиг вәрзунд, ҹин фурмунд.
Мәрә хунош әз кон дүл
Милләтхоһи ки бурбунд?

745
Јә бәндәίүм мирасү,
Кәί омбуру мирасү;
Ә ћәсрәтә нәчогһо
Һич пилкәίүш нирасү.

746
Јә бәндәίүм пәһлүни,
Дорд әз синә - пәһлүни.
Әри ίә руз вәрф рихдә,
Вәхт ночогиш – мәһлүни.

747
Јә бәндәίүм ниίо бу,
Шобот гити ниίо бу.
Әз әсүл һәр ҹувуриш
ХУДО – мити биίо бу.

748
Јә бәндәίүм визори,
Виҹдон әз нәфс визори.
Әри ίә чүп хәрәби
Зәћм ән ХУДОш һозори.

749
Јә бәндәίүм һә расди,
Ҝофһоί Тиро һә расди.
Синә зәрә, сәр мәкуф,
Бәҝәм үмүр варасди?

750
Јә бәндәίүм пәһлүни,
Сәгри - әдәш пәһлүни.
Әри чүклә ίә хубиш
Рәћмһоί ХУДО дәһлүни.

751
Јә бәндәίүм ә ҹоллод,
Кор вомундҝә ә чоллод;
Вәтән фурух бирәҝор,
Ширп мофдону ә чол бод.

752
Јә бәндәίүм кәί оди,
Инсонίәти кәί оди;
Ундә ћисоб мисохи,
Шорә дүлиш зиίоди.

753
Јә бәндәίүм чәнһорәш,
Лула офдҝә чәнһорәш.
Чумәчару сохуһо,
Зу миίофу әнкорәш.

754
Јә бәндәίүм нәәләт,
Рихдҝәш гәргуш нәәләт;
Әз бәл ХУДО ҝүрдәίи,
Мәтәрс әз дин нә әдәт.

755
Јә бәндәίүм мәίилдор,
Назлүниҝәш мәίилдор;
Әз үҝәίһо дәс кәндә,
Сугд биίо бу әίилдор.

756
Јә бәндәίүм чиҝәрәк,
Хурдә ә фурм чиҝәрәк;
Ним-назукә шүгәмәш
Говол сохдә чү ҝәрәк?

757
Јә бәндәίүм соф дәку,
Ә сәр софи – соф дәку.
Ловһоί түрә гуҹундҝәш,
Нәлоίиглү ҝоф мәҝу.

758
Јә бәндәίүм оголу,
Рәћбәриҝәш – оголу,
Номусу соф буһорәш,
Ниίо сохи локолу.

759
Јә бәндәίүм руί бәди,
Әз бируίә - руί бәди.
ћүршһо фантан зәрәнкиш,
Вәћшибәндә суί мәди.

760
Јә бәндәίүм һоволим,
Ә ћол һилим-һоволим;
Нә офдоҝә ίә динсүз,
Нитав сохдә боворим.

761
Јә бәндәίүм нәһишдә,
Виҹдон нәзник нәһишдә;
Саламати Вәтәнәш
Ә дүл киһо дәһишдә?

762
Јә бәндәίүм әз оди,
Ҝоф бирәнки әз оди;
Әз миллίонһоί иломиш
Номус духдәр зиίоди!

763
Јә бәндәίүм биори,
Күк шәндәнки биори;
Ә чум таза одохлу
Нум мәрдирәш нидори.

764
Јә бәндәίүм кинү лог,
Ә сәнг сохдҝәш кинү лог;
Ә пишоί һәр күлүнҝзән
Сәрәш ә поί нинү дог.

765
Јә бәндәίүм мәίор тү,
Рүћә ә ләћс мәίор тү.
Ҹунә дорә дәгдәгәш,
ХУДО бошҝу ә ίор тү.

766
Јә бәндәίүм тоί Миши,
Давид – нибу тоί Миши.
Оммо ћүрмәт һәрдүшү
Әри ҹувур – соίмиши.

767
Јә бәндәίүм кинорә,
Јә сәһнә тан - кинорә.
Әри ниίәт бәхилиш
Ҹунә ә хун ки норә?

768
Јә бәндәίүм кәί рүћ кәнд,
Әз ковнәίү кәί рүћ кәнд;
Бәхтү сиίә бирәнкиш,
Ә ћол шикәст чү рүхшәнд?

769
Јә бәндәίүм ә чән бәд,
Сәр дәнорә ә чән бәд;
Дәсү ә хун дәбуһош,
Гисмәт нибу ә ҹәннәт.

770
Јә бәндәίүм нә бирә,
Думон әсму нә бирә;
Ә хүшҝә хок ћәсрәтиш
Бәҝәм иштоһ дәбирә?

771
Јә бәндәίүм нә ҝүрдә,
Ίә миҹ инсоф нә ҝүрдә;
Нәфс косибә пәίмундә,
Бәҝәм дәвләт вәҝүрдә?

772
Јә бәндәίүм бирәнки,
Дәсү дәрә бирәнки.
Әз дорһо, һәм әз тохһо
Мүћтоҹ нибу чирәнки.

773
Јә бәндәίүм ниҝүрү,
Садан ίәхән ниҝирү.
Рәћ нәфәсә бәсдүһо
ћүлчүгүрә миҝирү.

774
Јә бәндәίүм нибәрγ,
Надан ҹунә нибәрү.
Чәнд сал воίә сохдиһо
ћәсрәтүрә мибәрү.

775
Јә бәндәίүм дәбисдо,
Ә гәд ҹундур дәбисдо.
Күһнәһорә дурриҝәш,
Тазаһорә нә висдо.

776
Јә бәндәίүм вурухунд,
Бирәί хәлгә вурухунд.
Дәсү бухов дирәнкиш,
Дигләί әрсә зу рухунд.

777
Јә бәндәίүм вәдәкүрд,
Мәнҝә әз нәфс вәдәкүрд.
Әри торә зулмәтиш
Сад воίәрә ки вәҝүрд?

778
Јә бәндәίүм бәхт миίов,
Ә вәхтәвоз бәхт миίов.
Сади бисдә ҝирошдҝәш,
Әри мүрүм ҹәћт ниίов.

779
Јә бәндәίүм әхирү,
Хәспуш нисдҝә әхирү;
Чубонлүίә шор бирә,
Зиίод имбу нәхирү.

780
Јә бәндәίүм диίору,
Бәрг дорәнки диίору;
Әри косиб-кусибиш
Хушбәхтирә миίору.

781
Јә бәндәίүм ә дури,
Асдараһо ә дури.
Јә мәсләћәт бирәнкиш,
Бәһәм бәсдә, нибури.

782
Јә бәндәίүм хиники,
Әз вәрф ҹусдә - хиники.
Човгуниш дүл рундәнки,
Әз бәдә руз чү ники?

783
Јә бәндәίүм нәбуҝәш,
Ләпә сүрхлү нәбуҝәш;
Чорәбәндә гәрәбәч
Сәхт нивиҹи гобугәш.

784
Јә бәндәίүм онҝурә,
Дирә дәһәм онҝурә;
Ә мүрүмә вәдәһош
Никәши нум ән гурә.

785
Јә бәндәίүм ә сәәр,
Нифрәт сохдә ә сәәр;
Нун-мүнүкә хурдәрәш,
Сәс лов мәсох ә шәһәр.

786
Јә бәндәίүм синәсов,
Әшглү бирә синәсов.
Әз ҝурундә дәрд сәнгиш
Ниίо бошу синә сов.

787
Јә бәндәίүм нивәрзү,
Мәнҝ ә офто нивәрзү.
Биовунә хоримуш
Әрчү биίо һә ләрзү?

788
Јә бәндәίүм мүрдәшир,
Ҹин дәдәίи – мүрдәшир.
Ҝулләί овчиш вохурдҝә,
Чү мисоху мүрдә шир?

789
Јә бәндәίүм кутиҝә,
Рүхшәнд мәсох – кутиҝә.
Ә дәс тәвәр нә ҝүрдәш,
Нәхшә ниди кубикә.

790
Јә бәндәίүм рәћбәри,
Дәно ә фурм рәћбәри.
Зулумә дәрд бирәнкиш,
Биίо һә ә рәћ бәри.

791
Јә бәндәίүм чүләкон,
ћол зулуми чүләкон.
Имид бовор нә бирәш,
Јәсир миίлү дүлә - кон.

791
Јә бәндәίүм дәсҝирә,
Хүшдәлү хоί дәсҝирә.
Нобҝә хосдә хәрәби,
Воίә мәҝи сәрзирә.

793
Јә бәндәίүм бәдисүз,
Ҹунә ниди бәдисүз.
Јә руз ә чум нә дирәш,
Чү мисохум мә түсүз.

794
Јә бәндәίүм ниворов,
Виҹдон ә нәфс ниворов.
Хунхур ћәзүр омоҝәш,
Ә чорәίмә ки моров?

795
Јә бәндәίүм тә мүрдә,
Гувот поίһо тә мүрдә.
Сади бисдиш зүһүсдҝә,
Рәћ говрәрә ки ҝүрдә?

796
Јә бәндәίүм тәвәсәр,
Хуш зүһүсдҝә тәвәсәр;
Јә руз ә әҹәләвош
Ки тоί бирә сәрәсәр?

797
Јә бәндәίүм гәфәсә,
Гуш нә вино гәфәсә.
әсму зәћәр рихдәнкиш,
Чүтам кәшүм нәфәсә?

798
Јә бәндәίүм чуммәрә,
Ә тор дорум чуммәрә.
Шоһирбәнд күч бирәнкиш,
Ки микәшү нуммәрә?

799
Јә бәндәίүм миҝәшдү,
ћомбол шәлә миҝәшдү.
Сүрхә рәћми нә бирәш,
Чумтү мәрә ниҝәшдү.

800
Јә бәндәίүм вәнорәм,
Кипәрә боҹ вәнорәм.
Пирә - оһил һисдүмҝәш,
Әз дәс гилинҹ нә норәм.

801
Јә бәндәίүм овә шән,
Ә рәћ никиш овә шән.
Зулмә тәхсир хүшдәрәш
Ә сәр ίәкиш мәвошән.

802
Јә бәндәίүм воҝошдә,
Сәргуз пәшму воҝошдә.
Бор-бәһәрә нә дирәш,
Дор чинорә ки кошдә?

803
Јә бәндәίүм һовоίи,
Әз мүфтәίә һовоίи;
Ҹун ширини ҝуфдирә,
Һә зиһисдә мивоίи.

804
Јә бәндәίүм дәҝәшдә,
Ә ов ҹилит дәҝәшдә.
Әри воһнәί ҹун согиш
Поί бирәћнә ки ҝәшдә?

805
Јә бәндәίүм гәрд мәрәш,
ХУДО нә бәрд гәрд мәрәш.
Ә ночоги офдорә,
Чүтам кәшүм дәрд мәрәш?

806
Јә бәндәίүм гәрәз ләрз,
Ночогини гәрәз ләрз.
Амбара фурс һә доҝәш,
Ә зир кипә чү тәрс-мәрс?

807
Јә бәндәίүм нивәрзү,
Әлчәг ә рәћм нивәрзү.
Јә мучәкәш дирәнки,
Ворворибәнд миләрзү.

808
Јә бәндәίүм һәдәр ди,
Нәбу әрсә һәдәр ди.
Әри бәдә ћүкм ХУДОш
Һәр инсонә ίә гәрди.

809
Јә бәндәίүм сухундә,
Бүхтү дүлә сухундә.
Чумһорә сәхд нә бәсдәш,
Торикә ки рухундә?

810
Јә бәндәίүм нимуни,
Сәћиб чорә нимуни.
Әз ίә гәргуш Дәдәίиш
Әз дүл ворә мимуни.

811
Јә бәндәίүм хусундә,
Тә әίилә хусундә;
Сугдә дәдәί бисдоҝәш,
Дүлә нибу пусундә.

812
Јә бәндәίүм домундә,
Ә чүк-чүки домундә;
Тә дүлдинҹи винирә,
Ә тү нитам вомундә.

813
Јә бәндәίүм вәбәрдә,
Тә рүћә тик вәбәрдә;
Ҝиснәлүίә хок хориш
Сәр-тәнә ҹиҝ фубәрдә.

814
Јә бәндәίүм нишγнү,
Тәлћә ҝофә нишγнү.
ћәрәмзәдә буһо кар
Әнҹәг софә мишγнү.

815
Јә бәндәίүм ниҝγрү,
Дузә дурҝун ниҝγрү.
Шүвәр имид дорәнки,
Зән әз зувун миҝγрү.

816
Јә бәндәίүм ниίорут,
Сугдһо нолә ниίорут.
Лүҝүлүίә үҝәίһош
Әнҹәг болә миίорут.

817
Јә бәндәίүм ә ҝәшдү,
Чум норәнки ә ҝәшдү;
Ә мәнҝәнә офдоҝәш,
Дузкор шоһид ниҝәшдү.

818
Јә бәндәίүм годорә,
Тә вәҝүрдә годорә;
Сәр-сәлүҝи ћүрш зәрә,
Чунәрәш ки водорә?

819
Јә бәндәίүм гинәмиш,
Әз мәћтәли гинәмиш;
әрисирә нә зәрә,
Биίо сохи синәмиш.

820
Јә бәндәίүм ор түрәш,
Ә нәфс вәίил ор түрәш.
Тә саίл – воруш поίисдә,
Ә гәнәт дор ίор түрәш.

821
Јә бәндәίүм ниίо бу,
Тәлћә ховиш ниίо бу.
ов-иίовә зәрәҝор,
ћәл-ћәловиш биίо бу.

822
Јә бәндәίүм ниҝуίут,
Шура – хилов ниҝуίут.
Софә хушбуί нә дүһо
Ҝүләш – ҝиίов миҝуίут.

823
Јә бәндәίүм гуз мибу,
Кәмәр хүрдлүш гуз мибу.
Әз хәрәбә вәзиίәт
Әгүлмәндәш руз нибу.

824
Јә бәндәίүм дүл мидү,
Дәдәί кукә дүл мидү.
Әз тәәди сохдәίиш,
Арзу вәхтсүз ҝүл нидү.

825
Јә бәндәίүм бурҹлуни,
Косиб дәрдә бурҹлуни.
ошир буһо бәίнәдәм
Әз магнитиш ҝуҹлуни.

826
Јә бәндәίүм нә висдо,
Кәί ки, чорә нә висдо;
Әз гәрхунди ҹун дорәш,
ћәләҹиҝәр ки бисдо?

827
Јә бәндәίүм бәћс норә,
Вәрф нә воруш бәћс норә.
Һәрчү дәҝиш нә бирәш,
илом довом нәс дорә.

828
Јә бәндәίүм бинәрәш,
Шәрәфлү дор бинәрәш.
Ә зир тәпик бәдхоһһо
Мәίду мәсох синәрәш.

829
Јә бәндәίүм ор нидү,
Мурдалахур ор нидү.
Оводуίә һәр хунәш
Зиндәҝунә шор мидү.

830
Јә бәндәίүм пир дирә,
Ҹовонирә пир дирә;
Сәкунәίи ҝүрдә вәхт,
Әгүл сәриш вир бирә.

831
Јә бәндәίүм тикәί нун,
Бирә ҹиҝә тикәί нун;
Оводини сәр-тәнәш
Ә фурм луҝу мәвәкун.

832
Јә бәндәίүм шәрдоруш,
ћүҹәт дошдҝә шәрдоруш;
Әз сабурһоί ән ХУДО
Овонд имбу һәр коруш.

833
Јә бәндәίүм михоίут,
Кәί әз дүлиш михоίут;
Әз соворә әίилһо
Марчлүίә моч нихоίут.

834
Јә бәндәίүм нидаров,
Дуз ә гәрбол нидаров.
Бәдлү буһо әίнәрә
Рузиш ә чол мидаров.

835
Јә бәндәίүм һәм овом,
Һәм әгүлмәнд, һәм овом.
Күч имбошут әз дγнjо,
Ә фурм ћово, нә Одом.

836
Јә бәндәίүм бикору,
Гәм рухундҝә бикору;
Бәһәрсүзә һәр дорә
Богбон ә бог никору.

837
Јә бәндәίүм ίара хуш,
Һич вәхт нибу – ίара хуш.
Апаратү дәриҝәш,
Бәдбәхт имбу кара ҝуш.

838
Јә бәндәίүм ә нун, ов,
ћәсрәтиҝә ә нун, ов;
Ә вәхт зомон оһилиш
Ә гәтрәίи мидаров.

839
Јә бәндәίүм гәним бу,
Кәί хурдәίү гәним бу;
Пирә кафтар бисдоҝәш,
Хубә оду ни имбу.

840
Јә бәндәίүм нибәрүт,
Годо-гурбу нибәрүт.
Кәрә-әсәл хурдутҝәш,
Әри һәммә зибәрүт.

841
Јә бәндәίүм бүҝүрү,
Дустһоίиҝәш бүҝүрү;
Мәәносүз буһо ҝоф
Ә ҝуш ҹиҝәш ниҝүрү.

842
Јә бәндәίүм ҹусдә гәм,
Тә торикә ҹусдә гәм;
Шорлубәнди зиндәҝун
Үшүг чумһо нисд бәҝәм?

843
Јә бәндәίүм тәвәгги,
Сохдә бәгдә тәвәгги;
Јә әмәләш, хγрдәлγ,
Чәнд сәίәги әз һәгги.

844
Јә бәндәίүм чү ҹару,
Муҹуҹирә чү ҹару?
Дәгмә ҹигир дорәнкиш,
Раби әз дин ничару.

845
Јә бәндәίүм нә дирә,
Ә чум хүшдә нә дирә;
Әз ћүвсәлә чат зәрәш,
Ә кәс мәрих бәдирә.

846
Јә бәндәίүм муί дәнү,
Пәмбә нисдҝәш муί дәнү;
Ә гәриш ίос дәбуһо
Хәндәί шорәш низәнү.

847
Јә бәндәίүм вәс бирә,
Овһоί дәрίоһ вәс бирә.
Әз зиίодә дүләсти
Әгүләш ћол нәс бирә.

848
Јә бәндәίүм гилизлү,
Ловһо бирә гилизлү.
Хосиίәтүш һич мәћәл
Һич нә ҝәрдо гәлизлү.

849
Јә бәндәίүм нә вино,
Ҹовон зулум нә вино.
Рүћ әз бәдән рафданкиш,
Тазаίүрә ки мино?

850
Јә бәндәίүм ә ҝүрүш,
ћәсрәт мундҝә ә ҝүрүш;
Бирәћнәίә ҹибиҝә
Бим-буш имбу бүҝүрүш.

851
Јә бәндәίүм әхирәш,
Нәс дирәҝә әхирәш;
Јә хушә руз ән васал
Ә бод мидү нәхирәш.

852
Јә бәндәίүм руί нидү,
Зәћми - рәћмә руί нидү.
Ҹиҹилибод возиίүш –
Бәдбәхтирә суί мидү.

853
Јә бәндәίүм и ҹунмәш,
Нүкәртүни и ҹунмәш.
Гәjмог ловтү нә бирә,
Ширин нибу зувунмәш.

854
Јә бәндәίүм ә һәд бәрг,
Сәрвор имбу ә һәд бәрг.
Гәлпә дүлү буһорәш,
Ҹиҝә нибу ә гәд хәлг.

855
Јә бәндәίүм дәри тү,
Кәί ки, ә дүл дәри тү;
Кәпик-гуруш хүшдәрәш
Гурбу мидү әри тү.

856
Јә бәндәίүм нидаров,
овун ә һәгг нидаров.
Тәгсир ίә кор нә бирәш,
Сәрjγ ә чәрх мидаров.

857
Јә бәндәίүм докошдә,
Ә рачи чум докошдә;
Ә сипири ән муίһош
Сиίәһи нәс воҝошдә.

858
Јә бәндәίүм мидору,
Кәί гәрәзә мидору;
Әз әдәти гәдимһо
Әлчәг бәди миίору.

859
Јә бәндәίүм нә дирә,
Нур үшүгә нә дирә;
Могбулмәндә бикеίфһо
Ә дәрд сәәр дәбирә.

860
Јә бәндәίүм дир омо,
Кәί севмиши дир омо;
Гублуίә дәрд ночогиш
Әрчү ә дүл диромо?

861
Јә бәндәίүм тә рихдә,
Әрәг үлүҝ тә рихдә;
Әри синә хүшҝ бирәш,
Зурлу нибу вирихдә.

862
Јә бәндәίүм әмәлиш,
Вәди нисдҝә әмәлиш;
Әри хурдә, руз-бәруз,
Дәрмулүни әсәлиш.

863
Јә бәндәίүм зәрәҝор,
Ә дүл ίара зәрәҝор, -
Гәтрәjиҝә әри ҹун,
Чорә сохдә, сәрә дор.

864
Јә бәндәίүм хәбәрбәр,
Бүхтүниҝә – хәбәрбәр;
Әз овозә дур бирә,
Килит вәни ә дәр шәр.

865
Јә бәндәίүм әрслүни,
Кәί ки, чумһо әрслүни;
Бәдрафдарә кәләтә
Әз дүшмәниш тәрслүни.

866
Јә бәндәίүм дивини,
Гувот кәί ки, - дивини.
Хиίә сәрраст бирәнки,
Кәмәргузиш нивини.

867
Јә бәндәίүм чәнәхлү,
Хәми бирә - чәнәхлү.
Сад дәәмә хосдиҝәш,
Әз нун нибу тәмәћлү.

868
Јә бәндәίүм силисү,
Шорлуниҝә силисү;
Воруш нәίов ҝуфдирә,
Кун ләгәрәш милисү.

869
Јә бәндәίнм чү хурдҝә,
Вәрәхшиҝә - чү хурдҝә;
Соί-ћисобу нә буһо,
әзоб мүίнү – чухутҝә.

870
Јә бәндәίүм кәширә,
Дордһо ҹунә кәширә.
Чумһо ә хов рафданкиш,
Мидәшәни ћәширә?

871
Јә бәндәίүм ә хош тү,
Нә омоҝәш ә хош тү;
Әри зиндә мундиһош
Говрәвәкә нә бош тү.

872
Јә бәндәίнм сифирһо,
Гәл виниҝә сифирһо;
Әз буш рафда-оморәш,
ошир ни имбу сифро.

873
Јә бәндәίүм гәләчә,
Гәдимлүни гәләчә.
Әз миһ ән ίор мүрдәнкиш,
Гуҹог әҹә, гәл әҹә?

874
Јә бәндәίүм әз дингил,
Дәвә нибу әз дингил.
Әз пәлүίә ҹәләгһош
Хурма нидү дор ҹингил.

875
Јә бәндәίүм әз ох тү,
Дүл параίи әз ох тү.
Сәрә ә сәнг зәриҝәш,
Сугд ни имбу әз лох тү.

876
Јә бәндәίүм дәбош тү,
Ә бим Вәтән дәбош тү.
Әз гәд дово вирихдә,
Дезертириш мәбош тү.

877
Јә бәндәίүм ниίо бу,
Тәмәћ гоглу ниίо бу.
ћәίот-боҹәί мәћәләш
Јарашуглу биίо бу.

878
Јә бәндәίүм ίә дәрди,
Тумов ҝүрдәш ίә дәрди.
Әхи ночог нә бирәш,
Хокһо кирә фубәрди?

879
Јә бәндәίүм нидиров,
Кәί ә мүгүр ни диров.
ћәрим буһо абасиш
Әз ҝүләлә мәдиров.

880
Јә бәндәίүм тазарәш,
Ә парс дорә тазарәш;
Һәрбоί ә чум винирә,
Горнә мәхун расарәш.

881
Јә бәндәίүм миләрзү,
ћәләҹиҝәр миләрзү.
Лобут ҝγίи бирәнкиш,
Һич ә чүпиш нивәрзү.

882
Јә бәндәίүм бим ҝофу,
Рүћ парундҝәш бим ҝофу;
Мүһбәтлүίә дәсһоίмә
Бәндһоί муίәш имбофу.

863
Јә бәндәίүм тә бирә,
Гәрәвош ίор тә бирә;
Ә гәриш хун дүшиҝә,
Дод мүһбәтә ки дирә?

884
Јә бәндәίүм әз бинә,
Ов нисдиҝә әз бинә;
Әрәг тәнә рухундә,
Хүшҝ мәбош чүн әнҹинә.

885
Јә бәндәίүм дирәни,
Кәί ки гәзәб дирәни;
Аташлүίә кусовһо
Хокистәриш бирәни.

886
Јә бәндәίүм әз бәҝиш,
Руί вәҝүрдә әз бәҝиш;
Ә сәр косиб-кусубһо
Гудуз мәбош чүн сәҝиш.

887
Јә бәндәίнм воί бәдиш,
Әз дуст рихдҝә воί бәдиш,
Әз һүндүри фушәндә,
Бәгдә ә зир поί мәшиш.

888
Јә бәндәίүм ә тәкиш,
Дәәм нәдә ә тәкиш.
Ховур-ћәрмәћ бирәнки,
Кәләк мәίо ә ίәкиш.

889
Јә бәндәίүм тиҹ имбу,
Јәҝә зәрә - тиҹ имбу.
Јәзуги тү нә бирәш,
Рәћмиίәти һич имбу.

890
Јә бәндәίүм ίә рузиш,
Тә ҝирошдә ίә рузиш;
Јарашуги хунәһо
Биίо бошу әрүсиш.

891
Јә бәндәίүм бәдмунәш,
Руί дорәнки бәдмунәш;
Әз пәнҹәί дәс шәриһо
Бәрбод имбу гәд хунәш.

892
Јә бәндәίүм рәћоίут,
Кәί әз вићдә рәћоίут;
Диралүίә гәһриһош
Боришмиши михоίут.

893
Јә бәндәίүм мәћтәлүш,
Мићтиίори - мәћтәлүш.
Әз биһәгги кут нүшдә,
Бәҝәм бүсти - ћәίкәлүш?

894
Јә бәндәίүм ҹурлγрә,
Гәнд ниҝуίут ҹурлγрә.
Сабурә пуч дирәнкиш,
Ә мих мәнγт сурлγрә.

895
Јә бәндәίүм ә миннәт,
Домундиҝәш ә миннәт;
Гәнәт рγћтγ нә бирә,
Пар низәнү ә ҹәннәт.

896
Јә бәндәίүм ки мүнү,
Гилинҹ дәсә ки мүнү;
Нә дүширә зиндәҝун,
Дәәм рузәш нивүнү.

897
Јә бәндәίүм һоί бәмүш,
Әз зилиҝә һоί бәмүш;
Сәίрәк дирә хәндәрә,
Зиίод имбу соί гәмүш.

898
Јә бәндәίүм судумә,
Ки мотову судумә?
Хосдәҝориш чәрх мγдγ,
Ә фурм вози – думдумә.

899
Јә бәндәίүм вәчи, бәрд,
Шоһвор ҝофә вәчи, бәрд.
Ҝуш хәбәрсүз мундәίиш,
Губә ә дүл дәчи дәрд.

900
Јә бәндәίүм хор нидү,
Тәћноίә сәс хор нидү.
Ҝуҹлуίә әшг бирәнкиш,
Ҝоф-ҝәләҹһо шор мидү.

901
Јә бәндәίүм ә дәр тү,
Әлчи миίов ә дәр тү.
Шорә хәбәр шинирә,
Чәрх мидарам ә сәр тү.

902
Јә бәндәίүм нә ҝәрдо,
Хәто – болә нә ҝәрдо.
Әз шор зәрә хәндәһош,
Ә ловһоί тү вәҝәрдо.

903
Јә бәндәίүм ә бәл тү,
Пәлү бирәм ә бәл тү.
Митиίирә тоҹ дирә,
әίил ҝирош ә гәл тү.

904
Јә бәндәίүм ә сини,
Хунчә дәчи ә сини.
Хушбәхтирә нә дирә,
Дод дәәмә нивини.

905
Јә бәндәίүм мараίу,
әрүс рачлү мараίү.
Шәклүίә кор нә дирә,
Сәҝ ән хунәш ниравγ.

906
Јә бәндәίүм пәрдүрәш,
Хүшҝ зәрәнүт пәрдүрәш.
Һинормәндлү нә бирә,
Нитам куфтә дәр түрәш.

907
Јә бәндәίүм ов ниίов,
Әз хүшҝә әрх ов ниίов.
Ә мәнҝәнә домундәм,
Чумә чүларз хов миίов?

908
Јә бәндәίүм ҝоф нибу,
Кор нә бирә, ҝоф нибу.
Зимиләрзһо ләрзундҝәш,
Хостәί дүшмә соф нибу.

909
Јә бәндәίүм суί бәди,
Мүрүмлүни суί бәди.
илом сәр-зир бисдоҝәш,
Һәр ίәтәнә руί мәди.

910
Јә бәндәίүм низәнүт,
Ә нун тәпик низәнүт.
Әз тәрс ХУДО һәмишә
Воj кәпикә мизәнүт.

911
Јә бәндәίүм гәндиләш,
Ә шанс минүт гәндиләш.
Әгүлмәндә оһилмәнд
Әз сәр нинү мәндиләш.

912
Јә бәндәίүм гәһрирәш,
Әз ίортү шән гәһрирәш.
Әз бирәίи хубтә чү?
ХУДО зәно гәһтирәш!

913
Јә бәндәίүм ә зуриш,
Ҹәћти мәсох ә зуриш.
Ҹун соги тү нә бирә,
Бәһәр нидү сабуриш.

914
Јә бәндәίнм воίисдә,
Ворә ошир воίисдә.
Ә фурм әίил митани
Ә додолиш поίисдә.

915
Јә бәндәίнм бушә сәр,
Дәрдсүз бирә бушә сәр.
Сәхт зиһимлү буһорәш
Талан сохдә гушә зәр.

917
Јә бәндәίүм визнәίи,
Сәр ҝүрдәнки визнәίи;
Әз бићоли вәчвәчиш
әҹәл ҹуни – ҝиснәίи.

918
Јә бәндәίүм гит зәрә,
Инфаркт ән дүл гит зәрә.
Кәίфү сазлү бошуһош
Әз согломи фит зәрә.

919
Јә бәндәίнм пичә ћәл,
Аташ сохдҝә пичә ћәл;
Мүрүмәлү хүсүһош,
Хәбәр нитов һич мәћәл.

920
Јә бәндәίүм кәрҝолу,
Зүлглү имбу кәрҝолу.
Лапаткалү кор сохдҝәш,
Сүрхлү нибу һәр чолу.

921
Јә бәндәίүм ҹиролу,
Тә руз дирә ҹиролу;
Ә зир поίһо мофдону,
Ҹибу нисдҝә ҝиролу.

922
Јә бәндәίүм ләгирә,
әдәт мәҝи ләгирә.
Нимәшүгәм хуруһо,
Нидору нум бәҝирә.

923
Јә бәндәίнм тәћсирә,
Нәмишмунһо тәћсирә.
Софо һово хоίуһош
Биίо шәнү нәћсирә.

924
Јә бәндәίүм ҝазураш,
Ҝүл хундәнки ҝазурәш;
Гәрәгәтрәί ән шори
Ә хок кошдә сабурәш.

925
Јә бәндәίүм дара-бара,
Динҹи нидү дара-бара.
Һозор тәрси мүрүм доҝәш,
Әз риз хүшдә мәвадара.

926
Јә бәндәίүм тә варафда,
Ә дүш ћүрмәт тә варафда;
Шәлә-күлә вәчириҝәш,
Рәћсүз ә ҹоί нитаί рафдә.

927
Јә бәндәίүм гәрг ниίо бу,
Зиһим тиҹи гәрг ниίо бу.
Рәћбәрίәти әри сохдә,
Сүрхә талант бәрг биίо бу.

928
Јә бәндәίүм ләћлүί вошҝу,
Гәзәб доҝәш ләћлүί вошҝу;
Ә мәћәләί гуншиίәти
Дәәм динҹи мәћлү бошҝу.

929
Јә бәндәίүм тиҹ вәҝәрдо,
Пәшмуίәти тиҹ вәҝәрдо.
Јәтим-мунһоj ίәсирίәтиш
Гисмәт әjил һич нә ҝәрдо.

930
Јә бәндәίүм биίо боши,
әрүс сүрхи биίо боши.
Руίә ҝузҝи фәм сохдәнкиш,
Бирач илхи ниίо боши.

931
Јә бәндәίүм ίәрәг ләгиш,
Тиҹ нибуру ίәрәг ләгиш.
Синә куфтә, сәр зәрәнки,
Ҝоф нидору ίә ләгләгиш.

932
Јә бәндәίүм нибу ҹунәш,
Соги алмаз нибу ҹунәш.
Зән-шүвәрлү муί кәндәнки,
Бәрәкәтсүз имбу хунәш.

933
Јә бәндәίүм нитав дәрә,
Нәфс иштоһә нитав дәрә.
Ә сиίәίи домунуһош
ћәсрәт товә митав зәрә.

934
Јә бәндәίүм гәлпә мирав,
Әз базуί дүл гәлпә мирав.
Ҝоф ләәрә ҹогундәнкиш,
Сүрхә кәлмә ћәлтә нирав.

935
Јә бәндәίүм ән кәίбәҹәр,
Әз догвәни ән кәίбәҹәр;
Мити – мүхшүл бирәҝорһош
Рүћ микәнүт әз әίбәҹәр.

936
Јә бәндәίүм нубохуни.
Әз гәләтһоί нубохуни;
Тухтәмишә ҝоф ҝуфдирә,
Дәр ҹәннәтәш нивокуни.

937
Јә бәндәίүм нитав буруш,
әίб хунәрә нитав буруш.
Күчмишә дог ҹун бәрдәнки,
Сурр дошдәрә митав гуруш.

938
Јә бәндәίүм бүл низәнүт,
Сәнгәлугә бүл низәнүт.
Әгүлмәндә ҹовонһорәш
Ә тәхт тоҹи һүл мизәнүт.

939
Јә бәндәίүм ә воί нидүт,
Јос ҝирίәрә ә воί нидүт.
Зурбаίә кор ћүҹәтлүһош
Нимәί ҹунә ә зоί мидүт.

940
Јә бәндәίүм нәс һәнҹирә,
Нәфс зәћәрә нәс һәнҹирә.
Ә зир судум дошдәҝорәш,
Ә гәсдәвоз дәс вәнҹирә.

941
Јә бәндәίүм ћәл имбу вәхт,
Әз диг-диги ћәл имбу вәхт.
Һозор тубо бурбундиҝәш,
Әз һовоίи ҹәзб нибу бәхт.

942
Јә бәндәίүм ҹиро ҝәрдо,
Болә әз ҹун ҹиро ҝәрдо.
Хушбәхтирә әри офдәш,
Әнҹәг рәћһоί Тиро ҝәрдо!

943
Јә бәндәίүм биίо бошу,
Виҹдон әз шон биίо бошу.
әрәбәрә кәширәнкиш,
Инсон - ћәίвон ниίо бошу.

944
Јә бәндәίүм ә кон хүшдә,
Јод нә равҝу ә кон хүшдә.
Офтолүίә шоһириҝә
Товә нитав зомон күшдә?

945
Јә бәндәίүм шорһоί согәш,
Ҹәмәтлү тан шорһоί согәш.
Хәлг әз бәһәр нә хурдәнки,
Әрчү корум дорһоί богәш?

946
Јә бәндәίүм васал бүҝүр,
Дуст – ошнәίи васал бүҝүр.
Гәзонҹсүзә вәхт зомонәш
Ҹәләг мәсох ә сал үмүр.

947
Јә бәндәίүм әз суррһо ҝәшд,
Таза гγчә әз суррһо ҝәшд.
Хәίолһорә гәрбол зәрәш,
Әз суί ХУДО ә дур мәҝәшд.

948
Јә бәндәίүм ә күл мәшән,
Тум сабурәш ә күл мәшән.
Шәрик бирә ә ҝуҹ әгүл,
Нум ХУДОрәш ә дүл дәшән!

949
Јә бәндәίнм ίәҝә зәҝәш,
Бәш зувунә ίәҝә зәҝәш;
ћүрш ән филә вокундәнки,
Нитав күшдә ίә мәҝәзәш.

950
Јә бәндәίүм нитам дирә,
Гәтрәбәндә нитам дирә.
Асдарара нә офдәнкиш,
Бәхтә чүтам митам чирә?

951
Јә бәндәίүм ә һоί сиίә,
Үшүг миίов ә һоί сиίә.
Пирә күдүш бирә вәдә,
Ә хош ίәкиш ниίоί диίә.

952
Јә бәндәίүм губиш мибу,
Биһәггә кор губиш мибу.
Хәләф сүрхи бирәҝорһо
Әри һәммә хубиш нибу.

953
Јә бәндәίүм һә нипоίи,
Ә сәр аташ һә нипоίи.
Ә ίә русму вомунуһош
Зиндәлүίә ίә митоίи.

954
Јә бәндәίүм һәр чәнәчи,
әрә нидү һәр чәнәчи.
әдәтлүίә ҝәшдәίирәш
Тәрҝ сохуһо зәнһо әҹи?

955
Јә бәндәίүм Тиро ҝүрдә,
Шәвиш-рузиш Тиро ҝүрдә;
Одлумәндә ошириҝәш
Әз һәгг нибу ҹиро мүрдә.

956
Јә бәндәίүм пәртлү мундә,
Ә пишоί һәгг пәртлү мундә;
Әз ХУДОίи бирә ҹиҝәш,
Хγкγмә ки шәртлү хундә?

957
Јә бәндәίнм доглом ҹурав,
Су нә ҝүрдә доглом ҹурав;
Ә нәкуми ҹунә дүһош,
Рәћ ҹәннәтә соглом мурав.

958
Јә бәндәίүм ҝиләίлүнүм,
Әз ҝоф-ҝәләҹ ҝиләίлүнүм.
Мәҹнун сәрә ә сәнг зәҝәш,
Ки муҝуίу - биләίлинүм?

959
Јә бәндәίүм нәрасирә,
Ә сад, нә бисд нәрасирә;
Ҹәм суррһорә гәрбол зәрә,
Возирә ки вәрасирә?

960
Јә бәндәίүм тубо нибу,
Шәфтә поίә тубо нибу.
әίбәҹәри сәнгә руίәш
Хокундәҝор – ХУДО мибу.

961
Јә бәндәίγм ίγргәлγ,
Фоίдә нидγ ίγргәлγ.
Дγнjо хәрәбә имбу,
Офто рафтҝә мγргәлγ.

962
Јә бәндәίγм нγҝәίлγ,
Офдум бирә нγҝәίлγ.
Ә бим-фикир домундә,
Јор нә муно γҝәίлγ.

963
Јә бәндәίүм чорәлγ,
Нубоί Тиро – чорәлγ.
Кипәί сәрә вонорә,
Нимаз ҝәрдо хорәлγ.

964
Јә бәндәίγм пурдалиш,
Әз хәндәίи пурдалиш.
Рәћhо муҹуҹи имбу,
Нә бисдоҝә мурдалиш.

965
Јә бәндәίγм кәпиклγ,
Поίдә мурав кәпиклγ.
Әри лγгәί хγшҝә нун
Дγшмә муно тәпиклγ.

966
Јә бәндәίγм кучәлγ,
Шәhәр бирә кучәлγ.
Рузә ә руз фурухдә,
Нун нихуру гучәлγ.

967
Јә бәндәίγм биίодлу,
Үҝәί нисди биίодлу.
Лап гуроглуг бисдоҝәш,
Бәhәр чирә миродлу.

968
Јә бәндәίγм сγрҝәлγш,
Гучhо бирә сγрҝәлγш.
Гәдγр ҹунә хостә вәхт
Ҝиснә мәмун – ҝүрҝәлγш.

969
Јә бәндәίүм ҝиҹирәш,
Ошкор мәсох ҝиҹирәш.
ћәзγр - ҹовоб ән әгγл
Нишон мидγ тиҹирәш.

970
Јә бәндәίγм гәбγргә,
Лγт ниίо бу гәбγргә.
Чог-чәнбәлиш бирәнки,
Раст нәίово тәфγргә.

971
Јә бәндәίγм пур мибу,
Сәринә ов пур мибу.
Әз дәс бәдә зимиләрз
Әз булогиш сур нибу.

972
Јә бәндәίγм ә гичә,
Киләћ маров ә гичә.
Кусов аташ нә сухдҝә,
Чγ сохдәнγм у пичә?

973
Јә бәндәίγм кор мәрә,
Дγрγст дирәм кор мәрә.
Әз бәл ХУДО ҝγрдәίи,
Ки мәҝγрγ шор мәрә?

974
Јә бәндәίγм ә нунтγ,
Тәпик мәзән ә нунтγ.
Гизмиширә шәндә руз,
Рγћ мидиров ә ҹунтγ.

975
Јә бәндәίγм ҝәзинә,
Тγнд ҝәзирә - ҝәзинә.
әзоб-γзоб нә дирәш,
Пур нәс бирә хәзинә.

976
Јә бәндәίγм гγҹә-гγҹ,
Палтар бирә гγҹә-гγҹ.
Әз илом мәдәрәхши,
Нибисдоҝә кγчә -кγч.

977
Јә бәндәίγм ор имбу,
әсγлдорә ор имбу.
Әрхәjγш нә бирәҝор,
Богбонсγзә дор имбу.

978
Јә бәндәίγм тәәди,
Бор нирасγ тәәди.
Равусдәίә сәҝиҝә
Нәбу диίә ләә ди.

979
Јә бәндәίγм бәхтәвәр,
Һәммә нибу бәхтәвәр.
Тγ ә мишар мәдәниш,
Бәм-бәшгәίи рәћ тәвәр.

980
Јә бәндәίγм хәр муни,
Омон, нәбу хәр муни.
Әгγлмәнди ән мувәћ
Ән чорәίә дәрмуни.

981
Јә бәндәίγм пучhорәш,
Ләпә нибу пучhорәш.
Чумә ә хов вошәндә,
Ә ҝγрҝ мәди гучhорәш.

982
Јә бәндәίγм бушә гоб,
Бәхш онини бушә гоб.
Миҹәί имид софиҝә,
Сәәр нидγ хушә тоб.

983
Јә бәндәίγм гәдәрсγз,
Мозол бошҝу гәдәрсγз.
Ундә, имбу ҝуфдирә,
γмγр нирав hәдәрсγз.

984
Јә бәндәίγм вор-hово,
Дәҝиш бирә вор-hово.
Одом әрәг нирухунд,
Имбисдоҝә ор ћово.

985
Јә бәндәίγм пинтирә,
әίб сохдәнγт пинтирә.
Руз тγ гәрәнтγ имбу,
Дуст ҝγрдиҝә кинчирә.

986
Јә бәндәίγм совурә,
Ә дγм мәнγт совурә.
Сәнгәсорлу имбоши.
әнҹ бәрдиҝә ловурә.

987
Јә бәндәίγм дон нә зә,
Ә сиίә муί дон нә зә.
Әз дорунә кәлмәhош
Үҝγд ниди гонмәзә.

988
Јә бәндәίγм гәчорә,
Аташ миίни гәчорә.
У килитә чγ сохум,
Вир сохдәίҝә очорә.

989
Јә бәндәίγм ишорә,
Рәћ бурбундә ишорә.
Ә дәс фәләк офдоҝә,
Чγ мисоху бичорә.?

990
Јә бәндәίγм ҹиро хун,
Рузә әз руз ҹиро хун.
Јә таза кор ҝγрдәнкиш,
Ә әшгәвоз Тиро хун.

991
Јә бәндәίγм бγхтγрә,
Гәриш мәсох бγхтγрә.
Хун ә кәллә зәрәнки,
Парлγ миίни рγћтγрә.

992
Јә бәндәίγм мәәни,
Дγл вәбәрдә мәәни.
Косибә нун хурдәҝор,
Инсон нисди ίәәни?

993
Јә бәндәίγм ниίо бу,
Ҝоф ләпәсγз ниίо бу.
Әри сәсә шинирә,
Ҝуш гәлпәсγз биίо бу.

994
Јә бәндәίγм гинголәш,
Ә богчә кор гинголәш.
Хотур ίорә хостәίи,
Ниίо зәни пинголәш.

995
Јә бәндәίγм биίобу,
Ә гәриш чγл-биίобу;
Ә руί-бәруί тγндә сәҝ
Дәс чомоглу биίо бу.

996
Јә бәндәίγм хγрмәлγ,
Вини бирә хγрмәлγ.
Јә тәлγләί әнҝγшдәш
ћисоб мәсох хγрдәлγ.

997
Јә бәндәίγм ҹоhилγм,
Ә дγл ҝиро ҹоhилγм.
Тγнди әшгә гәдәр нисд,
Ки муҝуίу – оhилγм?

998
Јә бәндәίγм бодлγни,
Пәләмγрди – бодлγни.
Әз дурә рәћ мәмизγл
Воҝошдәίиш одлγни.

999
Јә бәндәίγм чәрхлγни,
Хори томом чәрхлγни.
Һәр овлγίә никәрәш
Ә фурм кәлә әрхлγни.

1000
Јә бәндәίγм hә ћәίфи,
Кγч бирәίи hә ћәίфи.
Әз ширинә лич говун
ћәз вәҝγрдәш ίә кәίфи.

1001
Јә бәндәίγм воҝошдә,
Ҹоhили нәс воҝошдә.
Шикоίәтγ нисдиҝәш,
Дγлә ίәсир ки дошдә?

1002
Јә бәндәίγм думонлу,
Коврә әсму – думонлу.
Хосдәҝор руί чарунди,
Ә дур нираί ҝумонлу.

1003
Јә бәндәίγм сәртики,
Миҹәί бәхти – сәртики.
Сад ҹγр гонун hисдиҝәш,
Ә гисмәт дә hәр ники.

1004
Јә бәндәίγм гәшгәίи,
Әз нишони – гәшгәίи.
Әри гисмәт бошуhош,
Ҝγίчәҝи бәм-бәшгәίи.

1005
Јә бәндәίγм вәчәίи,
Һәр хоίә ίә вәчәίи.
Әз доруни ән догhош
Хәбәрдору әҹәίи?

1006
Јә бәндәίγм әз кγчγ,
Јос мγҝγрγт әз кγчγ.
Гозонҹ хуби-хәрәбиш
Әз дивәγ мәпγчγ.

1007
Јә бәндәίγм низәнγт,
Сәрә ә сәнг низәнγт.
Хушбуίлγίә духирәш
Ә вәдәίγ мизәнγт.

1008
Јә бәндәίγм сәтини,
Ҝγллγбәндә сәтини.
Әз hилимә - оволим
Инсон бирәш чәтини.

1009
Јә бәндәίγм шәр миίов,
Әз шәриhо - шәр миίов.
Нә бисдоҝә боҹоруг,
Әз дог сγрхиш хәίр ниίов.

1010
Јә бәндәίγм нә бисто,
Әз тγ хәбәр нә бисто.
Биовунә и дγлмәш
Ә гәриш хун дәбисто.

1011
Јә бәндәίγм нә ҝγрди,
Гилигмәрә нә ҝγрди.
Гисмәт ίәккә бирәίиш,
Әнҹәг фәткә вәҝγрди.

1012
Јә бәндәίγм нә рафди,
Дузә рәћә нә рафди.
Ә пишнәви – минҹи руз
Ә зγлмәти дарафди.

1013
Јә бәндәίγм нә бәрди,
Дузә корhо нә бәрди.
Оhилә руз нә дирәш,
Губәш ә дγл дәбәрди.

1014
Јә бәндәίγм тоί нәбу,
Поίшәфт ә тγ тоί нәбу.
Әзу товнә ә мγлк тү
Шәвиш-рузиш воί дәбу.

1015
Јә бәндәίγм вәҝири,
Дγл әри ҹун вәҝири.
Ә бим гувот домундәί,
Јγкә чγтам мәҝири?

1016
Јә бәндәίγм ә чумтγ,
Боворим сох ә чумтγ.
Ә хосиίәт кәс ҝиро
Локо нә зә ә нум тγ.

1017
Јә бәндәίγм кор вәди,
Тәίтә бирә кор вәди;
Тилиш сәнгә дәшәндә,
әсмуί чумә тор мәди.

1018
Јә бәндәίγм шәртәво,
Ә бәсдәίә шәртәво;
Һәр кәлмәрә әз ләә
Нибу дорә пәртәво.

1019
Јә бәндәίγм хуш ниίов,
Губ әри дγл хуш ниίов.
Нәштәрә ҝоф зәрәнкиш,
Ә фурм ҝуллә туш миίов.

1020
Јә бәндәίγм бәћсhорә,
Ә буг чарун бәћсhорә.
ћәл-ћолмоши бирәнкиш,
Чорә ниди ләхсhорә.

1021
Јә бәндәίγм зγhунтγш,
Пучә рузи – зγhунтγш.
Гәргуш илом сохдәίи,
Бил дурруҝу зувунтγш.

1022
Јә бәндәίγм ίә рузи,
Һәр сәбәћә ίә рузи.
Әри сад ҹγр ћγкγмhош
Чорә бирә һә дузи.

1023
Јә бәндәίγм бγрγм мәш,
Нәдовоί тγ бγрүм мәш.
Әнҝγшдәри вәҝүрдәί,
И чγ рузи дγрγм мәш?

1024
Јә бәндәίγм нә hишди,
Әз хγшдә нум нә hишди.
Хосдәίтγрәш руз-бәруз
Ә боләһо дәίишди.

1025
Јә бәндәίγм hә hәчи,
Кγмәћ мунди hә hәчи.
Әз дγ руίә, дγ корә
Диίә годош мәвәчи.

1026
Јә бәндәίγм шор бγрγм,
Әз чум-гоштγ шор бγрγм.
Кәί ки, ләә вокунди,
Јә бивәҹә ор дγрγм.

1027
Јә бәндәίγм нә чирγм,
Ҝγл сγрхирә нә чирγм.
Пәшмуίәти дирәнкиш,
Рихдә әрсә вәчирγм.

1028
Јә бәндәίγм нә бирә,
γмγр нимә нә бирә;
Бәсдә игрор ән сγрхи
Ә кγл чγтам дәбирә?

1029
Јә бәндәίγм тγ бири,
Әhд-омонмә тγ бири.
Руίә дγшмә чарусдәί,
Имоhоί ҝу: - чγ бири?

1030
Јә бәндәίγм нә бγрγм,
Хунәвачар нә бγрγм.
Әз биhәгги бγхтγлγш
Дγлә чγларз нә ҝγрγм?

1031
Јә бәндәίγм вәҝγрдγм,
Тγндә воίә вәҝγрдγм.
Әри әзини товнәш
Дордә ә сәр дәҝγрдγм.

1032
Јә бәндәίγм вәчγрγм,
Рихдәhорә вәчγрγм.
Дәрдhоί кәлә бγмγздәш
Ә сад хәрә дәчγрγм.

1033
Јә бәндәίγм нибисдо,
Ә рачи ҝоф нибисдо.
әрәίмурә зәрәίи,
И бугозбур ки бисдо?

1034
Јә бәндәίγм нә бири,
Әзини дог нә бири.
Әз ίә кәлмә гуί бирәί,
Тγ ки ә дγл дәбири.

1035
Јә бәндәίγм фубәрди,
Һәр кәлмәрә фубәрди.
Чγтам пγрсγм әз ХУДО,
Тγрә әрчγ зу бәрди?

1036
Јә бәндәίγм догуног,
Хубә ҝоф нисд - догуног.
Үшγг чуммә тор бири,
Јә сәлт биίо, ίә гуног.

1037
Јә бәндәίγм кафтарә,
Рач ниҝуίут – кафтарә.
Гәhри бирә әз хунә,
әдәт мәсох рафтарә.

1038
Јә бәндәίγм дәбирγм,
Јә ә миhтγ дәбирγм.
Ә пул ҝиро ίор хосди,
Нәфәс чγтам вәҝирγм?

1039
Јә бәндәίγм дәбәрди,
Поί ә чол дәбәрди.
Вор-дәвләтә гумор шушд,
Ҹунәш әрчγ нә бәрди?

1040
Јә бәндәίγм нә шәнди,
Кинә әз дγл нә шәнди.
Диглә-диглә әрс рихдә,
Мәрәш ә дәрд дәшәнди.

1041
Јә бәндәίγм дог бирәм,
Кобоб бирәм, дог бирәм.
Ә гәд тәбәг мγрдәҝор,
Јә пәнҹ метро ог дирәм.

1042
Јә бәндәίγм мизәнγм,
Воί согирәш мизәнγм.
әҹәл ћәзγр омоҝә,
Јә пинголиш низәнγм.

1043
Јә бәндәίγм вирихдә,
Әз бәхт нибу вирихдә.
Гозонҹ батмиш бирәнки,
Моίәhорәш ки рихдә?

1044
Јә бәндәίγм ҹγх дирә,
Алмаз нитав ҹγх дирә.
Әз оширә гәбиләш
Кәлмәί домор – сγрх бирә.

1045
Јә бәндәίγм ки шәндә,
Хубә әз дәс ки шәндә?
Ә сәр нунә бәхшγhош,
Һороί нибу дәшәндә.

1046
Јә бәндәίγм вәҝγрдә,
Данан сәнәт вәҝγрдә.
Әз гәд губи ниҹүми,
Әз дγм хәриш нә ҝγрдә?

1047
Јә бәндәίγм хубини,
Ән кәлә рәћм – хубини.
Тиҹмәндәjә чумиҝәш
Ворворирә ки вини?

1048
Јә бәндәίγм әмәлдан,
Хәр нәс бирә әмәлдан.
Әз хотурһоί шγвәр тγ
ћәмбоҹурәш хәhәр тан.

1049
Јә бәндәίγм дор мидγ,
Расирәрә дор мидγ.
Әз әтәкγ сγрх рихдҝәш,
Мγшкγлә риск – шор нидγ.

1050
Јә бәндәίγм ҝиловиш,
Дәрдә нә шушт ҝиловиш.
Аташ гәзгу тγндиҝә,
Ҹих миҝирγ пиловиш.

1051
Јә бәндәίγм чунәрә,
Водорәнγт чунәрә.
Сад сал ҝәрәк нә буһош,
Хγрд-пγрт әрчγ хунәрә?

1052
Јә бәндәίγм ҝузиҝирә,
Муҹуҹи дор – ҝузҝирә.
Шәфтә әмәл нә дирә,
Кориш-бориш дуз бирә.

1053
Јә бәндәίγм вурухун,
Ҹунә әз гәсд вурухун.
Хγрд-хәшилә ћол тγрәш
Ә сәр кифләт мәрухун.

1054
Јә бәндәίγм ћәзγр поί ,
Әри хуби ћәзγр поί.
ћофт әίилтγ бисдоҝәш,
Һәммәшγрә ίә ҹγр хоί.

1055
Јә бәндәίγм ниίо бу,
Дәрму ширин ниίо бу.
Дәәм дγhо мγникиш
Ә гәдәрγ биίо бу.

1056
Јә бәндәίγм гүҹә бәл,
Рачи нидγ гγҹә бәл.
Әз ҝоф бирәί ән хунәш,
Һәр ίәтәнә чγ әҹәл?

1057
Јә бәндәίγм әз әлчәг,
Шор нибоши әз әлчәг.
Әз аташа ҝофhоίуш
Ҝушһо митову әнҹәг.

1058
Јә бәндәίγм дәҝγрдә,
Јослγ сиίә дәҝγрдә.
Әз кγпәкә гәриhош
Фоίдә нибу вәҝγрдә.

1059
Јә бәндәίγм ниίофу,
Дγшмә хомә ниίофу.
Әз шолумә ҝофhоίтγш
Сад hәнҝомә миίофу.

1060
Јә бәндәίγм мурдала,
Нәзник мәίил мурдала.
Пиί дγлә ћәл сохдәίиш,
Ә бγск вәίил ҹурдала.

1061
Јә бәндәίүм мүҝүрүм,
Әз бәнд муίтү мүҝүрүм.
Әз әшг дуίмиш бирәнкиш,
Ә түрәвоз мүмүрүм.

1062
Јә бәндәίүм нидарам,
Ә хәм-хәίол нидарам.
Әри тәмәћ воίәί тү
Ә гәд ίәлов мидарам.

1063
Јә бәндәίγм гуз дирә,
Дог тәпәрә - гуз дирә.
Гозонҹсγзә мәћәлhош
Гәрәнтγίә руз бирә.

1064
Јә бәндәίγм нә бошҝγ,
Бивәхт ночог нә бошҝу.
Зиндәҝуни пәсиниш
Ә гәд ћәвәс дәбошҝγ.

1065
Јә бәндәίγм вәҝәрдо,
Әгγл ә сәр вәҝәрдо.
Фәндбазлγίә ћовуриш
Ә тγ гисмәт нә ҝәрдо.

1066
Јә бәндәίγм вәнγш тγ,
Ә сәр гәнәт вәнγш тγ.
Ә ίорәвош ә мәҹлγс
Фәгир-фәгир мәнγш тγ.

1067
Јә бәндәίγм әз ћәмγр,
Руί мәвәҝи әз ћәмγр.
Нәәләтә ҝофhорәш
Әзбәр мәсох сог γмγр.

1068
Јә бәндәίγм ћәмәдов,
Әшглγ нибу ћәмәдов.
Ә hәр ίәтән чум норә,
Ә пәсәίγш нә водов.

1069
Јә бәндәίγм ләгәрәш,
Човгун бәрдә ләгәрәш.
Амбара ҝоф сохдәίи,
Бәίә мәди ләәрәш.

1070
Јә бәндәίγм миләрзγ,
Әз ҝуҹ догиш миләрзγ.
Әз пәсини буhо ҝоф
Ә пинголиш нивәрзγ.

1071
Јә бәндәίγм рәћмә ди,
Ә бичорә рәћмә ди.
Әз ҝγίчәки ίор ҝирош
Әίә ҹиҝәш мәћ мәди.

1072
Јә бәндәίγм шәр чγни,
Ә пишоί гәсд шәр чγни?
Боворими нә бирәш,
Мәрҹ ҝγрдәίи әрчγни?

1073
Јә бәндәίγм гәришлγ,
Фикир бирә гәришлγ.
Туп-туфәнҝә вәҝγрдә,
Рәћәш мәбәсд – гәίишлγ.

1074
Јә бәндәίγм ниди ов,
Әгγл сәрә ниди ов.
Ә әсонтә пуләвош
Мозол ә дәс нидиров.

1075
Јә бәндәίγм нәс hишдә,
Саίлов рәћми нәс hишдә.
Сиίә чумә әсәлhош
Ә ћәсрәти дәhишдә?

1076
Јә бәндәίγм ә дурҝун,
Фурмиш мәбош ә дурҝун.
Хәрә ҝофhо виҹирә,
ћәповирәш нә бурбун.

1077
Јә бәндәίγм хубә дор,
Хәрәбә шән, хубә дор.
Сад бо гәрбол зәриҝәш,
Чол вәкәндә губә кор.

1078
Јә бәндәίγм вәίишдә,
Рабиhо руш вәίишдә.
Хәтоίә кор дирәнкиш,
Хәлгә ә дәрд дәίишдә.

1079
Јә бәндәίγм кор-борә,
әрә мәди кор-борә.
Әз әрәг тән рихдәнки,
Тиίнә нуниш шор дорә.

1080
Јә бәндәίγм сәр әҹи,
Боләсγзә сәр әҹи?
Јор воҝошдә нәίомо,
Вокунуһо дәр әҹи?

1081
Јә бәндәίγм боләчи,
Гәм мухуру – боләчи.
Ә мγгγр ίор офдорәм,
Чорә буhо ћол әҹи?

1082
Јә бәндәίγм вокуфдәм ,
Лγгәί нунә вокуфдәм.
Јәзугбәри бурбундә,
Јә мәҝәзәш нә куфдәм.

1083
Јә бәндәίγм ћәширә,
Мәҝу: - Поίун ћәширә.
Чогә гучә Мәҹнунум,
Әдәм тәнҝи кәширә.

1084
Јә бәндәίγм әрә ҝи,
Амбар мәҝу: - әрә ҝи.
Пәләмγрдә бићолә
Дошдәҝориш ҝәрәки.

1085
Јә бәндәίγм ίә парчо,
Әз гәддари ίә парчо;
Нγҝә вокундә ҝγлhош
Ә бивәхти нә паҹо.

1086
Јә бәндәίγм hәрчγни,
Саламати – hәрчγни.
Ә ширинә пирә вәхт
Ночог бирәш әрчγни?

1087
Јә бәндәίγм лов мәсох,
әрсhоί чумә лов мәсох.
Воhнә ҝγрдә ίә ҝофәш,
Хунәί кәсә сов мәсох.

1088
Јә бәндәίγм чγлк дәсәш,
Јә милίон тан – чγлк дәсәш.
Әз вићдә вадарафдә,
Јәтим мәίил кук кәсәш.

1089
Јә бәндәίγм шәр нинγ,
Бәбә ә кук шәр нинγ.
они буhо бисәћиб
Ә куч ләмбәш сәр минγ.

1090
Јә бәндәίγм ҝоф имбу,
Ә ҝоф ҝиро - ҝоф имбу.
Ә әрә шәр дарафдҝәш,
Рәћм дγлочуг соф имбу.

1091
Јә бәндәίүм hәр дәрәш,
Ә дог боглу һәр дәрәш.
Килит зәрә рәћиҝә,
Ә сәр гәнәт бәр мәрәш.

1092
Јә бәндәίγм ҝәрми бу,
Әз коh нәфәс ҝәрми бу.
Ә сәр хори вәриҝәш,
Әз пәнҹәрә дәр нибу.

1093
Јә бәндәίүм шәр чγни,
Әри бγмγзд шәр чγни?
Дузә ҝофу һисдиҝә,
Фурмундәίγш әрчγни?

1094
Јә бәндәίγм ίә ҝәзәш,
Биҹиг мәхун ίә ҝәзәш.
Ә гоб читγ дарафдҝә,
Дγшмә митаj мәҝәзәш.

1095
Јә бәндәίγм кин нитав,
Очугә дγл кин нитав.
Әшг нә мγһбәт ҹәм бирә,
әрәлугәш кип митав.

1096
Јә бәндәίγм бирәм мә,
Гәтрәбәндлγ бирәм мә.
Очуг мундә чумәвоз
Ховә чγтам дирәм мә?

1097
Јә бәндәίγм мγнγм мә,
Сәрә ә поί мγнγм мә.
Лов-ләәрә бәсдәίи,
« Һәри» чγтам шγнγм мә?

1098
Јә бәндәίγм ниίо бу,
Фикир – тонлу ниίо бу.
Сγрхә салhоί ҹовониш
Әркәвонлу биίо бу.

1099
Јә бәндәίγм ҝγрдәнγт,
Нә бәћс, нә нәћс ҝγрдәнγт.
Әз дәвр Одом, хәлг илом,
Әз боләί нәфс мγрдәнγт.

1100
Јә бәндәίγм миίоί тγ,
Ә сад фикир миίоί тγ.
Пирә «кγдγ»ш бирәнки,
Ә хош ίәкиш ниίоί тγ.

1101
Јә бәндәίүм hә воίун,
Боҹ ћәвәсә һә воίун.
Әз хостә сγст бирәнкиш,
Рәћ нәфәсә мәпоίун.

1102
Јә бәндәίγм зу дара,
Ә сур-сурог зу дара.
Шорә хәбәр шинирә,
Мәлћәм вәни ә ίара.

1103
Јә бәндәίγм дәри тγ,
Ә мәгбуни дәри тγ.
Тә сурогә вәҝγрдәш,
Тамарузум әри тγ.

1104
Јә бәндәίγм кәίфлγни,
Хγрдә-бәрдәш кәίфлγни.
Нимәίә ҹун бирәίи,
Бивәхт мγрдәш ћәίфлγни.

1105
Јә бәндәίγм нә бәрди,
әҹәл ноhог нә бәрди.
Ә сипирә кәфәнhо
Дәпичирәш ίә гәрди.

1106
Јә бәндәίγм дәгиг бош,
Ә кор ҹәмәт дәгиг бош.
Хотурхоhи бурбундә,
Әри хγшдәш сәдиг бош.

1107
Јә бәндәίγм тәхсирә,
Тәкрар мәсох тәхсирә.
Әз чум ән хәлг офдорә,
Әз ίәб митаί дәхсирә.

1108
Јә бәндәίγм шәр мγрдә,
оҹиз буhо шәр мγрдә.
Хубә корәш hәмишә
Имбу таза сәр ҝγрдә.

1109
Јә бәндәίγм ошуг бу,
Тәшнәлүίә ошуг бу.
Гәриш дγлγш, чγн әсму,
Думонсγзә очуг бу.

1110
Јә бәндәίγм дәбγрγм,
Ә сур-сурог дәбγрγм.
Ҹиҝәίγрә нә офдәш,
Тә кәί һә дог вәҝγрγм?

1111
Јә бәндәίγм паҹирә,
Сγрхә ҝγлhо паҹирә.
Гилиίә дәр вокундә,
Моίә мәҝи рачирә.

1112
Јә бәндәίγм парсирә,
Һовун митав парсирә.
Ә ћγкγмhоί пуләвош
Ә ор нитав расирә.

1113
Јә бәндәίγм әз хγрдә,
Дγрγҹ моров әз хγрдә.
Гәнәтлγίә гуш буһош,
Ә ҹоί гәнәт нәс ҝγрдә.

1114
Јә бәндәίγм губ дирә,
Бовор нә сох губ дирә.
Әз ширинә мәниhо
Ночог буhош хуб бирә.

1115
Јә бәндәίγм hоморә,
Риндә мәзән hоморә.
Фәсилhорә чәрх дорәш,
Ә сәр ίә сал оморә.

1116
Јә бәндәίγм дγ зәри,
«Зилиш-бәмиш» дγ зәри.
Ә тәмизә тонәвоз
Мәни хундәш hγнәри.

1117
Јә бәндәίγм мидаров,
Бәхтлγ ә чум мидаров.
Ҝуҹ ән ҝофә тануhош,
Ә зир судум нидаров.

1118
Јә бәндәίγм ә бәћс әрс,
Имид нәдор ә бәћс әрс.
Әз гәрболhо ҝирошдҝәш,
Тәмизлγрә ҹγ тәрс-мәрс?

1119
Јә бәндәίγм нидорим,
Кәί пәхγри нидорим;
Әри дγлhо мәлћәми
Имидлγίә боворим.

1120
Јә бәндәίγм тәрс чумиш,
Нәшдәр дγли – тәрс чумиш.
Шәв тә сәбәћ рихдә вәхт,
Чорә нидγ әрс чумиш.

1121
Јә бәндәίγм хәрәво,
Дустиҝә ә хәрәво,
Ә тәhәрз ән ίә сγлмә
Тик ниваров зәвәро.

1122
Јә бәндәίγм мәhәббәт,
Ә дγл дәҝә мәhәббәт;
Ә руί илом hич диίә
Ниίофдону ә бим бәд.

1123
Јә бәндәίγм нә бирә,
Духдир хγшдә нә бирә;
Әз бичорә нәчоги
әз дәрмурә ки дирә?

1124
Јә бәндәίγм рафда рәћ,
Никбәнд бошку – рафда рәћ.
Нобҝә әз бун дәгрихи,
Нивараίу раф тәмәћ.

1125
Јә бәндәίγм hә дур мун,
Әз михәнәт hә дур мун.
әнҹ нәсдаҝә вәҝγрдә,
Дәндγhорәш нә бурбун.

1126
Јә бәндәίγм нә Одом,
Әз дәвр ћово нә Одом;
Ән данана мәлүмиш
Тәбиәти ә илом.

1127
Јә бәндәίγм тәкини,
Әз бәдә ћол тәкини.
Дәәм hингәр-ҝинәίиш
Әз сад чорә ίәкини.

1128
Јә бәндәίγм ә тәмәћ,
Нә офдорә ә тәмәћ;
Шәлә-кγлә вәчирә,
Чум мәдокун ә сә рәћ.

1129
Јә бәндәίγм әшглγ бәр,
Хостәίирә әшглγ бәр.
Бушә әрә нә дорәш,
Әгγл сәрә мәшглγ бәр.

1130
Јә бәндәίγм боҹ мәсох,
Нәшәрирә боҹ мәсох.
Дәс чәпирәш гәhр дорә,
Дәс растирә тоҹ мәсох.

1131
Јә бәндәίγм губ мибу,
Биhәггә кор губ мибу.
Бивәҹлγjи ҝγрдәнкиш,
Әри ҹәмәт хуб нибу.

1132
Јә бәндәίγм дγл дәбош,
Ә хостәίи дγл дәбош.
Ә ҝуҹ ҝиро боҹ бәрдә,
Гәрәтикон ҝγл мәбош.

1133
Ίә бәндәίγм нипоίи,
Ә сәр аташ нипоίи.
Ә ίә русму вомнуһош,
Јә зиндәίә митоίи.

1134
Јә бәндәίγм чәнәчи,
Ҝофәлγни чәнәчи.
Ҝовләjирә овурдҝә,
Ә ћγрмәтγ тән әҹи?

1135
Јә бәндәίγм гәίилhош,
Әз күк дори гәίилhош.
Әри һозор салиһо
Нәсилдори әίилһош.

1136
Јә бәндәίγм вәри нум,
Ә сәр hәммә вәри нум.
Вошҝунәίә сифәтhош
Зәћләбәри әри чум.

1137
Јә бәндәίγм миҝγнҹү,
Пилиг ә чум миҝγнҹγ.
Тухә ранҝhо зәрәнкиш,
Ә hәгг-ћисоб ниҝγнҹγ.

1138
Јә бәндәίγм мидиров,
Һозор әлчи мидиров.
Нәћсә гисмәт бирәнкиш,
Дγл хоίуhо нидиров.

1139
Јә бәндәίγм нәҝиров,
Чирә хурдҝә - нәҝиров;
Ә хәлг бәди сохдә вәхт,
Әз чумhоίуш мәдиров.

1140
Јә бәндәίγм мидаров,
Ә гәчәги мидаров.
Кγчә рәћиш рафдәнки,
Ә мγлк ҹәннәт нидаров.

1141
Јә бәндәίγм мизәнγм,
Ә Тиро дәс мизәнγм.
Пәшму бирәί ҝуфдирәш,
Сәрә ә сәнг низәнγм.

1142
Јә бәндәίγм суί бәди,
Тә ҹыҹ шәндә суί бәди;
Мувәћсγзә, кәрҝ тәhәр,
Һәр «хуруз»ә руί мәди.

1143
Јә бәндәίγм кәί нитав,
Үлγм корә кәί нитав;
Тәшнәί ҹγхәш нә дирә,
Гәдγр овә кәί митав?

1144
Јә бәндәίγм дәчири,
Корә хәрә дәчири.
Расирәрә гушhо бәрд,
Тγш рихдәрә вәчири.

1145
Јә бәндәίγм дәрγрәш,
Килит зәри дәрγрәш.
Әз воhнәhоί тимори
Хәхә мәсох сәрγрәш.

1146
Јә бәндәγίм зәћмирәш,
Гуног мәдор зәћмирәш.
Әз әгγл сәр пирсирә,
Ә дγл дәшән рәћмирәш.

1147
Јә бәндәίγм боҹитγ,
Дγл вәбәрдә боҹитγ.
Јә кәм бәгдә, ошкориш,
Одлу бошҝу тоҹитγ.

1148
Јә бәндәίγм бор нидγ,
Хγшҝә лγҝәш бор нидγ.
ћγршлγ буhо надана
Хоши ҝγрдәш шор мидγ.

1149
Јә бәндәίγм ниҝәшдγ,
Әз хоίә муί ниҝәшдγ.
Гәтрәлүίә мәмизγл
Әнҹәг бәдҝуί миҝәшдγ.

1150
Јә бәндәίγм ә гәтрә,
Бәндлγ мәмун ә гәтрә.
Нобҝә чорә тә офдәш,
әрс мирихи ίә бәдрә.

1151
Јә бәндәίγм ίә ҝиләш,
Синәмиш сох ίә ҝиләш.
Әгγл ә сәр дәбуhо,
Нифурмуну вәкиләш.

1152
Јә бәндәίγм расирә,
Ә дод митав расирә.
Гуҹундәҝор нә бирәш,
Әз ћγлг чγтам тасирә.?

1153
Јә бәндәίγм вәдәшән,
Ҝофә сγрх-зәр вәдәшән.
Гәләт бирә, нә буҝә,
Ә чум нәштәр мәдәшән.

1154
Јә бәндәίγм нә ҝγрдә,
Гәίмог корә нә ҝγрдә;
Әз нγшунәί хилови
Тәмәћ нибу вәҝγрдә.

1155
Јә бәндәίγм нә мәрди,
Нә мγрдәίи, нә мәрди.
Әз бәднумә пиίониш
Дәс вәҝγрдә ίә дәрди.

1156
Јә бәндәίγм нә ҝγрди,
Ҝоф данана нә ҝγрди.
Гәлпәһоί ән базурәш
Хγшдәни тγ вәҝγрди.

1157
Јә бәндәίγм хәр мундә,
Ә тоί-бәтоί хәр мундә;
Јә чγнтγни әлчәгәш
Хори чүтам ҝәрдундә.?

1158
Јә бәндәίγм онирәш,
Софә дγл вә онирәш.
Бәхт-мозолу рәћм доҝә,
Гисмәт миίнү хонирәш.

1159
Јә бәндәίγм нитанγ,
Дәәм ховәш нитанγ.
Нун-мγнγкә хуруhо,
Гәдγр овәш митанγ.

1160
Јә бәндәίγм нидирә,
Әз ίор мәшән нидирә.
әрγс - они бисдоҝәш,
Нивәҝүрγ – бидирә.

1161
Јә бәндәίγм биҹирә,
Һәгсγз мәҝи биҹирә.
Чγнки, ХУДО ә ҹәннәт
Тәмизhорә виҹирә.

1162
Јә бәндәίγм ћәзγрә,
әίил хурдә ћәзγрә.
Ҹофокәши нә дирәш,
Ки митанγ гәдγрә?

1163
Јә бәндәίγм әз сγлмә,
Јовош вара әз сγлмә.
Нобҝә, кәί ки, мичару,
ћол нимуну әз дγлмә.

1164
Јә бәндәίγм ворихдә,
Бәίәί ҹилит ворихдә.
Зиндәҝуниш пуч имбу,
Вәрф нә воруш нә рихдә.

1165
Јә бәндәίγм гуз-бәгуз,
Ҝәшдә-ҝәшдә гуз-бәгуз;
Нәкумиίә мγрдәрәш
Воίә мәсох руз-бәруз.

1166
Јә бәндәίγм ҝγл чирә,
Мγhбәтлγhо ҝγл чирә.
Сәчкунәίә әшгиҝә,
Диίә, әрчγ дγл чирә?

1167
Јә бәндәίγм hәрчγ дәрд,
Гәсд дорәнки hәрчγ дәрд;
Тиҹә әгγл сәр тγрә
Ов-саίловиш әрчγ бәрд?

1168
Јә бәндәίγм бәћс мумә,
Шәәм нитав бәћс мумә.
Ә бәдә ίос даравhо,
Чорә митав әрс чумә.

1169
Јә бәндәίγм әз бәгдәш,
Пәшму hичи әз бәгдәш.
Тγрәш бәдә руз hисдҝә,
Гәддор мәбош ίә вәдәш.

1170
Јә бәндәίγм нисоху,
ћγкγм гәләт нисоху.
Дәдәί бәсди чумhорә,
Ҝирίәί ίосә ки соху?

1171
Јә бәндәίγм ίә рγћбәр,
Дәдәίә бәрд ίә рγћбәр.
Әз ћол бәбә мγрдәҝор
Јә кук имбу, ίә духдәр.

1172
Јә бәндәίγм бәдә кәш,
Хγшдәни тγ бәдә кәш.
Гоноҹоглу буhо кук
Хок нисоху дәдәίәш.

1173
Јә бәндәίγм хγр зәрәш,
Әри ίәбо хγр зәрәш;
Шәхтә сохдә, әз чуму
Нә вәдәшән хурдәрәш.

1174
Јә бәндәίγм пирсирә,
Јә әίб нисди - пирсирә.
Ә сал тоjтγ нисдиҝәш,
Ә ләг мәни пир-сирә.

1175
Јә бәндәίγм воҝошдә,
Диίнә руз нәс воҝошдә.
Тә сади бисд зиhисдҝәш,
Әгγл сәрә ки дошдә?

1176
Јә бәндәίγм шәр миίов,
Әз хәтокор шәр миίов.
Һозор ҹиро рундиҝәш,
Әз миҹәί мис зәр ниίов.

1177
Јә бәндәίγм нимуну,
Әз ҝоф тәмәћ нимуну.
Тәшнәлγίә имидсγз
Ә нимәί рәћ мимуну.

1178
Јә бәндәίγм ниҝγрγт,
Ә дγл ковнә ниҝγрγт.
Гәришлγίә мувәћhо
Әшгә воhнә миҝγрγт.

1179
Јә бәндәίγм сар, дәрә,
Хок хорини сар, дәрә.
Әнзәлирәш шәндәҝор,
Әз сәр кәмәр пар зәрә.

1180
Јә бәндәίγм нәвә тух,
Әри бирә нәвә тух;
Мγγҹγзә корhорәш
Ә кук-духдәр нә вәмух.

1181
Јә бәндәίγм митанγ,
Кәίки, мγрдә митанγ;
Вәбγрҹундә кәрҝhорәш
Хәндә ҝγрдә нитанγ.

1182
Јә бәндәίγм һәнҹирә,
Овә хәрҹсγз һәнҹирә.
Зәћмәт хурдәj ҹәίрониш
Зәрәниһо әнҹ бирә.

1183
Јә бәндәίγм хәрлγрә,
әсб ниҝуίут хәрлγрә.
Әз гәриш ίә милίониш
Нишон мидγт сәрлγрә.

1184
Јә бәндәίγм дәрлγhош,
Хунәлγни дәрлγhош.
Ҝуҹлγίә дорд дорәнки,
Виз мизәнγ нәрлγhош.

1185
Јә бәндәίγм буш нирав,
Рузhоί γмγр буш нирав.
Әз парчоhо имидһо
Зиндәҝуниш хуш мирав.

1186
Јә бәндәίγм азара,
Субук мәҝу азара.
Әри чорәί ночогиш
Ә кәрҝолу нә дара.

1187
Јә бәндәίγм ниίо бу,
Дурәί дәво ниίо бу.
Әз руί әсму тә хориш
Һово мәћво биίо бу.

1188
Јә бәндәίγм кγшдәрә,
Гимәт дорә кγшдәрә;
Әз тубоhоί зиндәҝун
Пәћни мәсох хγшдәрә.

1189
Јә бәндәίγм соί минγ,
ошир ә пул соί минγ.
Ношумошу – ночогhош
Ә тγндә кор поί нинγ.

1190
Јә бәндәίγм низиhγ,
Ә фурс ҝирош низиhγ.
Бәбәрә вәрзундәҝор,
Сади бисдәш мизиhγ.

1191
Јә бәндәίγм әҹә бу,
Әгγл мувәћ әҹә бу?
Ә зир ҝурни домундәί,
Бәҝәм дγштγ ћәчә бу?

1192
Јә бәндәίγм ҝγл әҹә,
Бәίә әҹә, ҝγл әҹә?
Догуноглу буhорәш
Воίә әҹә, дγл әҹә?

1193
Јә бәндәίγм пасундә,
Дγлә нибу пасундә.
Дуразмәнди γмγрәш
Әнҹәг ХУДО расундә.

1194
Јә бәндәίγм γмγр дә,
Соги ә вәхт γмγр дә.
ХУДО рази нисдиҝә,
Әз сәр-вәри ки мγрдә?

1195
Јә бәндәίγм ә рγћ дә,
Шәрлатани ә рγћ дә.
ћәрәмзәдә зимустуш
Вәрфә ә пул фурухдә.

1196
Јә бәндәίγм бичорә,
Ховлγ мγрдә бичорә.
Ә ҝузәти ίор ҝирош
Коhли ҝγрдә биорә.

1197
Јә бәндәίγм чγ чорә,
Курбәндлγрә чγ чорә.
Ә тәћно дәр домундҝә,
Ләгәί чирәш ки дорә?

1198
Јә бәндәίγм бәр-нәбәр,
Әву дγнjо бәр-нәбәр;
Ә дәс чомог вәҝγрдә,
Гопу мокуί дәр-бәдәр.

1199
Јә бәндәίγм офтолγ,
Рузhо бирә офтолγ.
Әз гугбәчәί hγндγриш
Хәхә дирә офдолγ.

1200
Јә бәндәίγм тәмизлγ,
Дγл биίо бу тәмизлγ.
Әз сәр дуруб мичγнγ,
Зәнә хостҝә гәлизлγ.