Эльдар Гуршумов - "Божественные строки" (Третья книга)

Тема в разделе 'Проза и поэзия', создана пользователем Shaul, 14 дек 2008.

  1. Shaul Guest

    Симпатии:
    0
    Баллы:
    0
    1801
    Хунәjә дүнίорә тәрҝ сохдәҝорһо,
    ћәίфбәри никәшү әз дошдә ворһо.

    1802
    Әгибәт хәίирлү нә бирә ҹиҝә,
    Ә зәћәр мичару хуруһо тикә.

    1803
    Сәс үүί хурузә тә нә шинирә,
    Бәҝәм ки, ни имбу әз хов вәћш бирә?

    1804
    Ә пәсә-пишоί тү нисдиҝә вәди,
    Боворим хүшдәрә ә гумор мәди.

    1805
    Тәмизә һоворә нә вокоширә,
    әзобә бәгдәһо митаί кәширә.

    1806
    Әз лово-тәшуво рүћ вәҝүрдәҝор,
    Хүшдәрә ә ХУДО нәзник ҝүрдә шор.

    1807
    Һәм гәриб, һәми ίод бисдоҝә инсон,
    Хүшдәрә мүвүнү ә гәриш зиндон.

    1808
    Кәί ки, мозол әз оһили ίон мурав,
    Пәрдәί вози ίовош-ίовош имфурав.

    1809
    Әхири нәфәсә тә вәдәшәндә,
    ХУДОрә ни имбу әз хәίол шәндә.

    1810
    Хәндүсдә-хәндүсдә ә шор дәбуһо,
    Һич мәћәл ни имбу ә суί зәбуһо.

    1811
    Әз дүли нисдиҝә вәдәί рәћәти,
    Әз хубә ҹун соги ҝоф нибу гәти.

    1812
    Ә тәһәр ән шишә тә нә бирә хүрд,
    Һич мәћәл ҝурнә чи мәбәр ћүртә-ћүрт.

    1813
    Ә нимаз ән ХУДО гуллуг сохдәҝор,
    Әз ћолол дәрәтә нитав хосдә вор.

    1814
    Әз гәдәр амбартә оҹизә милләт,
    Доворә рихриҹлү нибәрү әлбәт.

    1815
    Әз пәни кәчиίи дуίмиш бирәҝор,
    Әз дәәм зиндәҝун нитав дирә шор.

    1816
    Зәћләһо рафданки әз тәк-бәтәкиш,
    Пәнҹәίү нәштәрлү бил нәίов ίәкиш.

    1817
    Гул-гәнәт вокундҝә әз һәр дирә кор,
    Ә гилиг мидаров – мити бирәҝор.

    1818
    әҹәлә чүн пәлү бүҝүрлү духдә,
    Хүшҝ буһо һүзүмһо күмүрлү сухдә.

    1819
    Ә әрүс ән хунә зулум сохдәҝор,
    Ә пишоί чум ХУДО нәс поίисдә шор.

    1820
    Әз сәрәд ҹун соги ҝирошдҝә бәди,
    Әз чумһоί ночоги нур нибу вәди.

    1821
    Ловоһоί тәшуво нидоҝә фоίдә,
    Бәизи бәхтлүһо миҝәшдүт поίдә.

    1822
    Үзиίог нисдиҝә бәбәί ән кифләт,
    Ҹәмәтиш әз сәрjү зу микәшү хәт.

    1823
    Дананда бошуһо әз гәдәр зиίод,
    Тоҹирә мидору ә зәвәр ән од.

    1824
    Сүрхәлү бәрдәнки рәћбәрίәтирә,
    Никилү мисохи рәћһоί бәдирә.

    1825
    Гәровул поίисдә ә дугоз ән ίор,
    Манҹара мәпучун ә бугоз ән ор.

    1826
    Сүрх, нүгрә вәчирә ә чум кәсәвоз,
    Синәсов нибошут ә гәфәсәвоз.

    1827
    Кәрпичһоί сүрхирә әз расти офдә,
    Хунәһоί мозолә митани бофдә.

    1828
    Ҹувурһоί догирә вәҝирлү дирә,
    Мозолә ни имбу әрәлү чирә.

    1829
    Ә фикир домундҝә кәләтәί хунә,
    Руз-бәруз тип-түтүр мисоху ҹунә.

    1830
    Әҹиҝәί диίәштәш ҹунә сог дирә,
    Ни имбу ә тәһәр кутә дог бирә.

    1831
    ошири ҝуфдирә кәләтәһоί тү,
    Руίтүрә мәчарун әз дәбәһоί тү.

    1832
    Нәшумоί инсонә нә вәдәшәндә,
    Очорә ә килит нибу дәшәндә?

    1833
    Вор-дәвләт овурдҝәш овунә корһо,
    Јә мәћәл әз чумһо мәдиров шорһо.

    1834
    Ворвори зәрәнки пишони түрә,
    Ә нәчог суί мәди нишони түрә.

    1835
    ћүршләмиш бирәнки ә хубә ћовур,
    Һүл зәрә мәдәшән ә гәриш новур.

    1836
    Расундә нәсдаҝә гәрди никирә,
    Һәҝәнәш ә зир поί мәни тикирә.

    1837
    Ίаралү мундәнки әз хәҹәләти,
    Јә чорә ниίофи әз вәҹәίәти.

    1838
    Тиҹәлү фәрзундә нәшдәр үмүрә,
    Ә хүшдә мәхәндун ләшҝәр бүҝүрә.

    1839
    Ә тәпәί һүндүри әри вомундә,
    Ә зирһоί саίловһо нибу домундә.

    1840
    Хүшдәрә ә ҹиҝәί ίә ћәриф норә,
    Әбәди ни имбу тәәриф дорә.

    1841
    Ә воίәί дүл хүшдә нә расирәҝор,
    Зиндәҝун хонирә нивүнү ошкор.

    1842
    Ә рачи ән сифәт имид бирәҝор,
    Тиҹίәти әгүләш доруҝу ә ίор.

    1843
    Зәвәро ҝүрдәнки сәрә ә гәд хәлг,
    Ә поίһоί әгүллүш нитав зәрә нәл.

    1844
    Чумшурә мәрдһорә тә тубо дорә,
    Хүшдәрә нимпулә митанү норә.

    1845
    Дәс-руίә нә шушдә әз сәбәћәвоз,
    Хурдә чи нуш нибу ә ћәвәсәвоз.

    1846
    Нүшдәнки ә гәриш ән кәлә мәрдһо,
    Ихдилот нә вәнҝән әз чүклә дәрдһо.

    1847
    Ә тәһәр ән әрүс вараίисдәҝор,
    Ә нумҝир хушбәхти зу чарусдә шор.

    1848
    Ловгоһоί ћәлирә вәнҹирә вәдә,
    Мәдан ки, шәфтиһо ә бим jәрәг дә.

    1849
    Ҝофһорә дүздирә әз ләәί ән кәс,
    ћүрмәтлү буһорә мәдәшән ә дәс.

    1850
    Нәсдаҝә вәҝүрдә зиίодә ҝофә,
    Ә гәриш чүрүҝһо заί мәсох софә.

    1851
    Хушә руз ҝирошдҝә ә вәхт зиндәίи,
    Ә зулум ничару гәсди мәндәίи.

    1852
    Әз хунә дидәрҝин офдорәҝорһо,
    Нимәҹун вәҝошдә әз бофдә корһо.

    1853
    Хәлг гимәт дорәнки зәћмәт дәстүрә,
    Рүћлүһош мүшүнүт рәћмәт сәстүрә.

    1854
    Сад лово хосдиҝә ә ћәвәсәвош,
    Кәлә чәрх тоорих нирав пәсәвош.

    1855
    Гәдүр тү һичиҝә ә гәриш ҹәмәт,
    Ә әнҝүшд мәмуну шуморуш рәћмәт.

    1856
    Мүүҹүз бирәнки пиίонә шән тү,
    Һәрдәнбир ҝузҝирәш ә ίор дәшән тү.

    1857
    Ә мәтләб нәдәҝә сәбәћи рузһо,
    Ә зәћәр мичару тәмәћи дузһо.

    1858
    Ҹиҝәрү хунлуһо ҝүрдәнки гәзәб,
    Ошкорә соф нибу нә һәгг, нә мәсәб.

    1859
    Нимәлит мундәнки арзуһоί ҹәћти,
    Әз ћүрмәт мофдону сабурһоί вәхти.

    1860
    ћәлолбәнд бәхш нисдҝә ћәрмәћә минҹи,
    Әз ίортү импару мозолһоj динҹи.

    1861
    Возирә поίундҝәш гуморбазлүһо,
    Ә мүгүр ниίору шумор сазлүһо.

    1862
    әҹәлбәнд нәкуми бәрә-нәбәрә,
    Ә гәрбол мәвәίил ћүрмәт бәбәрә.

    1863
    Варафда нәсдаҝә ҝунәίирә хуб,
    әзоблу мәдәшән ә дүлләί тү губ.

    1864
    Саламат нисдиҝә мүћкәми соги,
    Јәίлогәш муҝуίи – хәзонә боги.

    1865
    ћәвәсә дүздиҝәш бәдә нүшунә,
    Јә мисгол дәрд нидү һәдәί бушунә.

    1866
    Ҝуфдирә омоҝәш ҝоф бәгдәίинә,
    Пысирә нитанү соф вәдәίинә.

    1867
    Бәһәмлү нисдиҝә ҹусдә фикирһо,
    ћәримһо моруху әз шәрә ширһо.

    1868
    Никиίә корһорә нәсдаҝә ҝүрдә,
    Хәрәбиш нә бошҝу тә әхир мүрдә.

    1869
    Бивәхди рафданки ә говрәί бәди,
    Тоҹлүίә нум - оду мүзвү әбәди.

    1870
    Бинәдор бисдоҝә кәләтәί хунә,
    Әз сифро кәм нибу ҝәрмә ош дунә.

    1871
    Арзулу нисдиҝә боворими тү,
    Бизмудә ҹар имбу һоволими тү.

    1872
    Зәћләрә парундҝә гозиίә корһо,
    Ә говрә имбәрү возиίә шорһо.

    1873
    Гонунһо, әдәтһо сугдлү бирәнки,
    Дүлиш ә гәд гәфәс нисоху тәнҝи.

    1874
    Илһомтү нисдиҝә әз гәдәр зиίод,
    Сад воίҝә мәҝүрү һәр бәд, һәр биод.

    1875
    Дәрәίә дәсһорә кәί руίуш гәми,
    Данусмәнд буһорә гәίгуίуш кәми.

    1876
    Хориһо нисдиҝә оводунәлү,
    Әћволсүз мумуну һовоί хунәлү.

    1877
    Мизузә зәрәнки рузәί һәр дәрә,
    Басарат имбәсдγ гузәj шәрбәрә.

    1878
    Гургутлу бурҹундә кәпәк ән ҹүίә,
    Гәнимлү миҹаву кәсәк ән күίә.

    1879
    Кәм әгүл офдоҝә ә пишоί ән хәлг,
    Бәрәкәт ниίофу әз хушәί ән һәгг.

    1880
    Тәрбиίә нә дорә әίил хүшдәрә,
    Әз ίортү дур мәшән соίил нүшдәрә.

    1881
    Хәҹәләт хурдәрә вомухдҝә инсон,
    Әри кәмә ћүрмәт миίофу имкон.

    1882
    Зорунҹи хундәрә дорәнки гиίмәт,
    Әз софи ән ҝофһош ниίо бу гиίбәт.

    1883
    Тићорут сохдиҝә вокундәί хәлгә,
    Руҝәруҝ мивини зиндәҝун гәргә.

    1884
    Дарамлү бәсдиҝәш тугәί әнҝүлә,
    Ә мүгүр ниίори бугәί ән чүлә.

    1885
    Мүрдәшир нәбирә туфи-нәәләт,
    Дәс кәндә нитанү әз бәләд гәләт.

    1886
    Буί-бухун, ҝуҹ-гувот нисдиҝә фәрлү,
    Хүшдәрә нуш мәди ә фурмәί нәрлү.

    1887
    Ә чубуг чарусдҝә әз түндә зәћми,
    Јә говрә митану бурбундә рәћми.

    1888
    Јәәлмиш бирәнкиш шәндә һоволәнҝ,
    Сог буһо поίһорәш ниίо сохи ләнҝ.

    1889
    Бәднумлу тоҹиҝә әз зәбу бирә,
    Әз гәнәт михәнәт хәίр нибу дирә.

    1890
    Әз зир гултуг ҝирошдәнки гуз-бәгуз,
    Хәҹәләтә мәдәшнәвун руз-бәруз.

    1891
    Ләпәлү нисдиҝә ҝуфдирә ҝофтү,
    Әз ίорһо мадаров сүрхиίә софтү.

    1892
    Ә хүшдә домундҝә зәћми хосдәҝор,
    Әз пәшму бирәίи нибу хоштә кор.

    1893
    Әз имид дүл хүшдә лок вәҝүрдәҝор,
    Бәмзәри – зиндә вәхт хок дәҝүрдәҝор.

    1894
    Ним-ноһог ҹогундҝә ҝофһоί ләәрә,
    Ә чоги нибәрү хүшҝә ләгәрә.

    1895
    Шәәмһоί шоботә нә дәҝәсундә,
    Ләпәлү ни имбу ίә тәкә хундә.

    1896
    Ә мүшкүл офдоҝә әнҝүлә корһо,
    Шәәмлү ћәл имбу әз күлә орһо.

    1897
    Ҝүлшонә зиндәҝун нисдҝә инсонә,
    Ҝирίәлү мүшүнү овоз ән тонә.

    1898
    Ә сәίәг соворә ҝүрдиҝә әргил,
    Ә пишоί чум һәммә имбоши диргил.

    1899
    Ίә хәбәр нисдиҝә әз мәдәниίәт,
    Ночоги мәҝири әз бәдә ниίәт.

    1900
    Ләпүрһоί ән дәрίо вәҹәсдә вәдә,
    Әз чүпиш нитани вәпчирә бәгдә.
  2. Shaul Guest

    Симпатии:
    0
    Баллы:
    0
    1901
    Шидралү гәд сохдә миҝләί ән буίәш,
    Ә чәрми суί мәди пилкәί ән руίәш.

    1902
    Ә әсму расиҝәш бугоз ҹырмиши,
    Дәбәί әрисини – дугоз гырмиши.

    1903
    Јарашмиш нисдиҝәш ә дәбәί ән ор,
    Буίпәίмун имбошу палтар духдәҝор.

    1904
    Бурҹундә нәсдаҝә кәлмәί зувунәш,
    Чоίәлү ранҝ вәҝи дәмләί зүһунәш.

    1905
    Хомутлу вокундә буίундуругәш,
    Үкүзлү риндә кәш овунчулугәш.

    1906
    Буһолу бисдоҝәш соί-бәсоί пулһо,
    Ҹун гурбу нәравҝу ә кисәί булһо.

    1907
    Гизишмиш бирәҝор һә ним-ноһоглу,
    Әз ХУДО мәҝүрү түндиίә доглу.

    1908
    әзизмәнд бисдоҝәш әҝәр бүхтүкор,
    Һич мәћәл әз оду нибу рүћтү шор.

    1909
    оширбәнд зиһисдҝәш бодологлүһо,
    Ә ҹәннәт нидаравт әз бод логлүһо.

    1910
    Ә зәћәр суί дорә тәмәћ васала,
    Ә мирод нирасү чәхә мазала.

    1911
    Пучлүίә ҝофиҝә амбардәкиίүш,
    Әз кара импусу һомбор тәкиίүш.

    1912
    Ихтилот базари сәр ҝүрдә вәдә,
    Һәм сабур, һәм обурә моjәj нәгд дә.

    1913
    Билоглу, чәшмәлү буһо чүл-чәмән,
    Мәлћәми, балзами әри дүл Вәтән.

    1914
    Сәр түрә дәҝүрдҝәш чәнди – чәндиһо,
    Әз дәрдтү мүмүрү дәдәί – зәндиһо.

    1915
    Овомбәнд бошуһо әз хәр бәшбәтәр,
    Дәмиίү миίору диίәштәш кәдәр.

    1916
    Бәзибо әз хүшдә вәдарафдиҝәш,
    Тә сокит нә боши мәҹүм әз ҹиҝәш.

    1917
    Ә әсму варафдҝәш ћүҹәт ох – воίу,
    Азарлу бошуһош әҹәл нихоίу.

    1918
    Дәсһоίуш, поίһоίуш зәрәнки коврә,
    Һә ҝәнәш тәәди нихоίу говрә.

    1919
    Биәдәб-биәдәб ҝоф сохдҝә биор,
    Ә ћүрмәт кәләтәш мумуну биҝор.

    1920
    Әз ҹәмәт ән хәлги мундҝә битараф,
    Дүшмәнлү мофдону әз чумһоί сәраф.

    1921
    Инсонһо оморә рафтҝәш әз илом,
    Һәҝәнәш кәм нибу нә күт, нә овом.

    1922
    Суриһоί дүнίорә тәίтә вомухдә,
    Әхири тикәрәш мүίлүт вокуфдә.

    1923
    Инсофсүз бирәҝор әз гәдәр зиίод,
    Ҹәһәннәм мүвүнү әз һәдәр биод.

    1924
    Пинәки хурдәнки ә мәзәрәвоз,
    Синәсов имбоши ә һәзәрәвоз.

    1925
    Мүүҹүз һисдиҝәш сурлуίә корһо,
    Ә вәхтү буш бирә пурлуίә дорһо.

    1926
    Нимәлит кор диҝә ίә сәнәәткор,
    Ә хубуш, хәрәбүш һә ләәнәт дор.

    1927
    Бирорлу бисдоҝә ҝоф боҹоногһо,
    Мозоллу бәрг имбу соф гоноҹогһо.

    1928
    Әз ҝоф кәс бирәнки муίһоί сәр бим-биз,
    Хун дүләш муҹуму чүн зәлүί илбис.

    1929
    Һоволу омоҝәш ә сәртү гудуз,
    Лов-ләәί мәрдίәти нә бошҝу гугуз.

    1930
    Амбара әίилһо дәҝә ә хунә,
    Дәдәj ә гәд пәмбә нидору ҹунә.

    1931
    ћүрмәтсүзи бурбундиҝә ә кәсһо,
    үмүрбоги хуш нибоши ә нәфсһо.

    1932
    Сәрворίәти сохдә бәгдә ә сәр хәлг,
    Ә тоорих нәхш момуни ә һәр вәлҝ.

    1933
    Руίлубәндә бәәдәти бирәҝор,
    Әз асдара нитав бәхтә чирә шор.

    1934
    Дүл сухуίи тәίтә бирә әдәтлү,
    Тиҹә хәнҹәл имбу дирә әз бәдлү.

    1935
    Гәдәрсүзә кәләҝәдиш сохдәҝор,
    Әз хүшҝ буһо дорһош митав хосдә бор.

    1936
    Ҹофолүίә гуллугһорә винирә,
    Ә сүрх чарун мисилүίә синирә.

    1937
    Бог-богчәрә тә ә ҹәннәт чарундә,
    Рүћә нибу әз сараί дүл парундә.

    1938
    Зури-зури тә лүнҝ шәндә әз һәндәг,
    Әхир корә пишо виниш тү әнҹәг.

    1939
    Мозолмәнди руί чарундҝә бивәхти,
    Һә ним-ноһог әри мүрдә чү ҹәћти?

    1940
    Хәлг бәндиҝә ә ҝоф рәћбәр ћүкүмәт,
    Ә согиίү хәтәр нибу ћүкүм бәд.

    1941
    ћәмисбәндлү хундә вәдә мисирә,
    әсәлмәндлү нитаί бәгдә хисирә.

    1942
    Рабиһорә рүћшәндә соί ҝуфдирә,
    Нимазбәндлү митав һәрбоί туф дирә.

    1943
    Әз виләίәт шир нә әсәл вәчирә,
    Сүрхлү митаί ίә минутләί вәҹирә.

    1944
    Гозилүίә корһо тәίтә ћәлүстә,
    Шәггә зәрә, гуҹоглу ки гәлүстә?

    1945
    Әз зулмәти бурра ниҝә омуну,
    Ә үшүгһоί ән пурсузиш момуну.

    1946
    Бүзүрҝлүίә ҝофһо нисдҝә зувунә,
    Ә мүћтоҹһо мичаруни зүһунә.

    1947
    Рүћлүмәндә пакίәтирә дошдә вәхт,
    Зулумдорә ә хок хори кошдә бәхт.

    1948
    Мисраимлү гулίәтирә хосдәҝор,
    Дүл милләтә һич нитанү сохдә шор.

    1949
    Воίҝәлүίә инсонһорә шәфт дирә,
    Ә дәс үшү нибу һич вәхт дәфт бирә.

    1950
    Очор дәрдә бурбундүтҝәш әз гәфәс,
    Ә ҝуҹәвоз дүнмиш мәбош әз ћәвәс.

    1951
    Дәрίоһлу нә сохдә аташ пичә ћәл,
    Лићәί дүл ни имбу палаш һич мәћәл.

    1952
    Чубонлу поί ноҝә вәрәί ән ҝусбәнд,
    Нәрһорә руз нидү шәрәί ән гузмәнд.

    1953
    Сүрх-нүгрәрә пур сохдиҝәш хүмәлү,
    Лов-ләәрәш биίо дори ҝүмәлү.

    1954
    Зәћәр ίәлов нәс рихдәҝә әз ләә,
    Гәнәтлүίә гуш мәҝири әз бәә.

    1955
    Кәί бићоли офдә миίов әз рувәћ,
    Хәίирбәндлү фоίдә ниίов әз мувәћ.

    1956
    Сәрә куфдҝә вошхорлүίә ίәәлмиш,
    Сурр ниίофу ошкорлүίә ίә әлмиш.

    1957
    Пәләмүрдлү кәί ки, мибу ҹун лоху,
    Шәәтурә ҹүрәт нибу хун соху.

    1958
    ћәшолүрә кәί ә мүгүр миίорут,
    Шәидорә ә пишоί гур нидорут.

    1959
    Мәәнорә хүрдә-хүрдә дәчирә,
    Ҝоф-ҝәләҹә нибу мүрдә вәчирә.

    1960
    Шүмәлүίә мүүҹүзә бурбундә,
    Шәмәләίә ίәловә ки фурмундә?

    1961
    Лоίиглү нә ҹусдә миҹәί гудузә,
    Сал нибу танусдә виҹәί ίә рузә.

    1962
    Хун хорундҝә дәрзәлүίә сәнҹәгү,
    Гур моίору гәрәзлүίә һәндәгү.

    1963
    Израилә ҝәшдә-ҝәшдә сәίирлү,
    Шир-әсәлә митаί ҹусдә хәίирлү.

    1964
    Ә торики әри шәндә һоволәнҝ,
    Әз ћүкм ХУДО чум вокундә товә мәнҝ.

    1965
    Әри хуби һисдҝәш нәћси битобу,
    Дүл кәшиҝәш, нәфсү бәћси ниίо бу.

    1966
    Суί зәрәһо ә бәд тәлћлуг кучиҝә,
    ћәримхурә ә гәд мәхлуг чү ҹиҝә?

    1967
    Воίәмәндә руҝәруҝлу хосдәҝор,
    Бәдә рүћә пүтүрүклү сохдә шор.

    1968
    Синәпәһлү нәфәс доҝә кәнәһлү,
    Јод мәҝүрү һозор воίҝә пәһ-пәһлү.

    1969
    Мүрдәширлү чум норәίҝәш ә чомог,
    Тәлћә ҝофә мәдәшнәвун ә ночог.

    1970
    Ҝиров дошдә күчә минут чәтинә,
    Ҝоф ләәрә ниҝунҹунут чәпинә.

    1971
    Зәћриморә гәһри-гәзәб бивиҹдон,
    Марбәндлүίә огу имбу ә миҹ шон.

    1972
    Үткәмлүίә бурмиш дорә гул бәдә,
    Товуш мидү әсмуш торә зулмәтә.

    1973
    ћәфдәбәҹәр бурбундәнки хүшдәрә,
    Дорә хунош митаί ίә бо хүшҝ зәрә.

    1974
    әрс рихдәίи әз әзизи бим шони,
    Мәћтәлмуниш әз оҹизи инсони.

    1975
    ћәлимоши тәίтә бирә әзир поί,
    Нәшуморә нибу дирә әсир ҹоί.

    1976
    ћол-әћволә дәхиίәлү тә күшдә,
    ХУДОлүίә тәмәћ вәни ә хүшдә.

    1977
    Ә кор хүшдә фитракусдә тануһо,
    Нун мәчүнү әз гәд аташ тәнүһо.

    1978
    Чумәчару сохдә бәгдә күнҹһорәш,
    Хүп мизәнү әрәгиίә пүнҹһорәш.

    1979
    ћәнукоίи тәίтә поίә донорә,
    Ә нисонуш имбу воίә вонорә.

    1980
    Чүлкилүίә мурдалиҝә ћүсминә,
    Нәшуморәш зу мәҝүрү хүрсинә.

    1981
    Вәхүшдә нәсдаҝә әз бим ән ҝәшдәш,
    Ә тараф гур имбу һүҹум дәҝәшдәш.

    1982
    Оворә мундәнки әрковонә сәр,
    Мүүҹүз чум имбу әз овом бәтәр.

    1983
    Мүрдәлү ҹусдәнки ћолә сад гәдәш,
    Тәрҝ сохдә нитанү хосиίәт бәдәш.

    1984
    Иҝиди ҹофоһо бирәнки нәрлү,
    Пәләмүрд гуί имбу зирәнҝә шәрлү.

    1985
    Нум ХУДО ҝүрдәнки һәрбоί чәнд гәдәр,
    Шорхәндәί ән ловәш Тиробәнд вәбәр.

    1986
    Кәлмәһоί ән ләә ҹәгүсдә вәдә,
    Јә орсүз нитанү ләгүстә бәгдә.

    1987
    Әз ләә рафданки ләзәт дәәмиш,
    Ә дәрίоһ мичару үзәт ίә гәмиш.

    1988
    Јәәлмиш бирәнки ә гәд кифләтиш,
    Ҝәмирә мичарну тәфүргәj бәдиш.

    1989
    Чумһорә чарундҝә ә суί михәнәт,
    Гәлпәлү импару базуί гул-гәнәт.

    1990
    Соф-чүрүҝ әгүлә сохдәнки дивих,
    Ә пәсәί хүшҝиίә шүһрәт мәвирих.

    1991
    Дәшнәвунә ә ҝуш хоштә зәрәки,
    Ә кәләтәш ћүрмәт дошдә ҝәрәки.

    1992
    Рач сохдәнки зиндәҝуни мунирә,
    Хәст нивини раҝлүбәнди хунирә.

    1993
    Ә рәћ мүһбәт кәί ки, гурбу имбоши,
    Әз брилиίант софтә имбу бим хоши.

    1994
    Савзаҝәίә бог-богчәрә дирәίиш,
    Әз лүҝәһо дуллу бошҝу чирәίиш.

    1995
    Шикоίәтлү ҹар зәрәнки әз шүвәр,
    Ә дод ниίов нә әшрәфи, нә ҝүвһәр.

    1996
    Лап чәнгәдә бирәниҝә овомлу,
    Ә зир гопоз нидомуну довомлу.

    1997
    Әз ҹиҝәίү тәίтә зәћлә парусдә,
    Руίә говрә бәһәм нитав чарусдә.

    1998
    Рәћҝирорә гирдилиҝә ίә ίәләг,
    Инсонһорә әвурәвоз чү ҹәләг?

    1999
    Гисмәт мундҝә куфтәлүίә дәхиίә,
    Рихриҹ имбу шидраί кәмәр ән хиίә.

    2000
    Руίә әсму тик вошәндҝәш винирә,
    Хунәί ћомол әрүс нитав винирә.
  3. Shaul Guest

    Симпатии:
    0
    Баллы:
    0
    2001
    Сүрхәлүίә нимаз мундҝә бихорлу,
    Рабибәндһо рүћ микәнү биорлу.

    2002
    Согә рузә әри дирә кәίфәлү,
    Дүл ίәкирәш назик мәсох ћәίфәлү.

    2003
    Руί чәнәхә дәчирәнки сәдәфлү,
    Сад говоләш нубо мидү ίә дәфлү.

    2004
    Әз ночоги ҝәшириҝә чәтини,
    Ҝәрәк буһош ίә пәнҹ митро сәтини.

    2005
    Сәбәћ-сәбәћ ҝоф нә бирә әз ХУДО,
    Миродсүзә дәгмә миίни әз тубо.

    2006
    Ҝофһоί мәрдүм һәрбоί түндә ләг бирә,
    Ҹәмәт мәнү гопоз хундә ҹәглирә.

    2007
    Сәдигмәндһо вәрзүшлүнүт ҝуфдирә,
    Әз әдәт шән әίилбәндә куфтирә.

    2008
    Ҝузәтиһо сәрбәһәмлү нә бирә,
    Шорбәндлүһош ә дүләсти дәбирә.

    2009
    Чү вәриҝә ә сәр когоз пишони,
    Нәбу ҝуίи әз хубиһо нишони.

    2010
    Сал-бәсаллү гобул сохдә мүздирә,
    Миҹ номусәш нибу әз нәфс дүздирә.

    2011
    Ә кәләтә ћүрмәт нисдҝә әҝәнәр,
    Пәс мумуну әз зиндәҝун бәҝә нәр.

    2012
    ћүҹәтлүίә кор-бор дирә ә әрә,
    Тәίтә әхир хор микәшү сәәрә.

    2013
    Әз зуһуну ҝүрдә бәгдә зу бәдәш,
    Ә пошнәί поί миίофдону зутәтәш.

    2014
    Әлчәгбәндә бишәрлүίә биномус,
    Миҹав имбу – тә сәр ҝүрдә мәһ товуз.

    2015
    Одомбәндә ћоволүίә нәфсирә,
    Һич вәхт нибу хушбәхтлүίә бәћс дирә.

    2016
    Әз һүнәрһо тәίтә соги вирихдә,
    оҹизирә әри зүһун ки вихдә?

    2017
    Тәрифбәндлү гимәт дорә дивәә,
    Тәлћә ҝофәш ширин миίни ә ләә.

    2018
    Түртүрбәндлү гәлпә бәрдҝәш кәί надан,
    Зәнә хуно ҝирисдәрәш әίблү тан.

    2019
    Ә чум һәммә мундҝә шәклү бәдәниш,
    Ә лоί ίәкиш түндә чәплү мәдәниш.

    2020
    Сироίирә кәί ки, әз нәфс мибурут,
    Рүгән ҝушдә чүн шиҝалад нихурут.

    2021
    Әри васал сохдәниҝәш тәәди,
    Чәрх ίә салиш әри үмүр ίә бәди.

    2022
    Зән-шүвәрлү тә әίәки тән бирә,
    Муίһоί сәрә нәбу биίлит дән дирә.

    2023
    Ә ҝоф ХУДО һәрбоί сурлу пичирә,
    әίилхоһә ХУДО нурлу виҹирә.

    2024
    Јәзугбәри нә дәриҝә ә дүлтү,
    Бәίәί хәзон зу мәпүчү ә ҝүл тү.

    2025
    Офдориҝәш ә далгаһоί ән дәрίоһ,
    Сурогсүзә пучлу мәбош ә дүнίоһ.

    2026
    Сәдигбәндлү сохдә бәгдә ћәрәкәт,
    Әз ћүкм ХУДО зиίод мундә бәрәкәт.

    2027
    Хәзониҝәш чүллү тәһәр – биίобу,
    Хәһәрҝилиш ә фурм хәһәр биίо бу.

    2028
    Чуткә зәрә әз зәмонәί ән Одом,
    Сәбәбсүзә дәрд ниίофи әз илом.

    2029
    Дүшмә фурми күшдәмолә буһо ҹун,
    Ә шоһ раҝу ләхтә имбу сиίә хун.

    2030
    Сәровнәрә ҝирбишинлү дәҝүрдә;
    Мәћ ћәίорә митаί нәхшлү вәҝүрдә.

    2031
    Дәсдураз бирәҝор әз хотур рәћми,
    Һич мәћәл әίәкиш низәнү зәћми.

    2032
    овунә парундә әз пишоҝири;
    Гәзәллү ҝоф мәсох әһәнҝ шоһири.

    2033
    Гәлизә ҝофһорә тә дәшнәвундә,
    Ҹиҝәрлү митани һә тәшнә мундә.

    2034
    Ә гәрбол шовундә ҹәми ҝофһорә,
    Ә дүнίоһ ҹарлу ҝу рәћми софһорә.

    2035
    Субуклу пәίмундә тирозуί шәфтә,
    Ранҝ руίә мәпарун ә гәд ίә ћәфтә.

    2036
    Ә хотур дүздирә тәрҝ сохдә ҝәнәш,
    Ҹибҝирә әз дәсүш ә горинә кәш.

    2037
    Әз пәшмуί дурҝуни кәί ки ә пәс дә,
    Һәләмиш митанү ләәрә бәсдә.

    2038
    Әз дәдәί бирәίи ә әгүләвоз,
    Кинһорәш мушури ә дәг дүләвоз.

    2039
    Әз сифро вәхүшдә нимә сироίи,
    Гуг кәлләί Шоһдогәш вошширә моίи.

    2040
    Бала буί һисдиҝәш морчиҝәһорә,
    Мәнилү офдәнүт хор ҹиҝәһорә.

    2041
    Ә ίортү мундиһо ҹәми-ҹүмләтон,
    Нивәрзү ә ίә руз рәћмәҝүнә шон.

    2042
    Нәшәрлү бирәнки зобунә корһо,
    Пәмбәлү ор хоίит әз ҹунәдорһо.

    2043
    Ҹәдукор әлбүси руί бурбундәнки,
    Гәфәсәί ән дүлиш ниίо дү тәнҝи.

    2044
    Әз һәнәҝ сәр ҝүрдә дүздлү-мүздлүһо;
    Сәхтә руί вәҝүрдә әз бүмүздлүһо.

    2045
    Гәнәтә зәрәнки шәш күнҹә әләм,
    Ә ХУДО боглүίиш ҝуҹ мидү һәләм.

    2046
    Духдирлү – тәбиблү ҝировундә руз,
    Әз дәстәj хушбәхти вадаравҝу гуз.

    2047
    Нимүрүм – ҝуфдирә нүшдә-вәхүшдә,
    Рүхшәндә мәвәчин ә вићдәί хүшдә.

    2048
    Гизмишә пиίонһо дирәнки ҝүрҝә,
    Ә пишоί ән чумһо миίору мүргә.

    2049
    Пысирә ҝофһорә әз лов парундә,
    Мүһләтә ә пучи нибу чарундә.

    2050
    Әз ләзәт вәнҝәсдҝә шороб хурдәрәш,
    Јә ћγрмәт нивүнү һәрбоί хүр зәрәш.

    2051
    Әриләί дүл хүшдә ҹоллод бирәҝор,
    Ә гугәί дог сүрхиш бәрбод дирә кор.

    2052
    Рушумлу ҝоф сохдә ә данановоз,
    Тоί-бәтоί тән мәбош ә садановоз.

    2053
    ћүршбәндлү зәриҝәш боҹићһоί түрә,
    Ҝиловиш низәни оҹизһоί түрә.

    2054
    Овбиίор бирәнки әри дәс шушдә,
    Мәдан ки, әίб-ориш ә гәфәс гуш дә.

    2055
    Дүлтиҹә инсонә нисдиҝә сабур,
    Әнҝүлә вошәндә имидә нә бур.

    2056
    Софә ов – нәмүрүм нисдиҝә әҝәш,
    Ә гәриш говрәһо мәҝири ҹиҝәш.

    2057
    Ә дорун хәίолһо донорәнки поί,
    Ҝирошдә рузһорә ћисоб мәсох ҹоί.

    2058
    Омонәт дошдәнки бәхшәί ән ίорә,
    Мүһбәт ҹовонирә митаί ҹун дорә.

    2059
    Ә фикир овурдә лол мундәί ҹәә,
    Нуботсүз ίә ҝофәш мәрих әз ләә.

    2060
    Гудузә сәҝһорә кәί миравунут,
    Кәрвонә әз сәр рәћ ни импоίунут.

    2061
    Дәбәίә пәшмурәш әри воίундә,
    Бәзибо хәндәрәш имбу поίундә.

    2062
    Ә пишоί чум кифләт әри варафда,
    Пишнәви вәхүшдә, ә кор ки рафда?

    2063
    Әз хәндәί шориһо кәί лолиш нибу,
    Мидәви ҝүрүһо бићолиш мибу.

    2064
    Ә воһнәί мүгүри тоб вәрастәкиш,
    Митанү фурмундә лап ә растәкиш.

    2065
    Гәтмәίә гәришлү буһо фикирһо,
    Фәткәίә бугмәίи - әри ћүлг пирһо.

    2066
    Бир-нәбир ҹибһорә шобош сохдәҝор,
    Әз дәмһоί пиίони дирә хоштә кор.

    2067
    Тәшвишә мәћәлһо парустҝә зәћлә,
    Ә мүшкүл момуну ίә виҹә рәћлә.

    2068
    Һисди-нисд хүшдәрә ә гумор норә,
    Хунәрәш митанү ә ҝиров дорә.

    2069
    Фәрг нисди одлүни, нобҝә ћобуни,
    Ә үлүҝ кор сохдә гәлпәί зобуни.

    2070
    ћәлово бирәίҝә әίә биовун,
    Митани парс ҝүрдә ә тәһәр һовун.

    2071
    Мүүҹүз дирәнки әз пул шәндәҝор,
    Әз рәћәт хисирәш имбу мәндәҝор.

    2072
    Ним-ноһог нифрилү вәшмәрдә корһо,
    Хизбәндлү мамасү әз дәрдәдорһо.

    2073
    Ә болог шоволиш шәндәнки шәхтә,
    Овлүίә маладиш мәрзуну ҹәћтә.

    2074
    Биίовһо нәсилһо әри руз дирә,
    Ә пишоί дүшмәһо нитавт гуз бирә.

    2075
    Дәрвозәί синәрә ҝофлу куфдәҝор,
    Шоһири хүшдәрә нитав офдодор.

    2076
    Чумтиҹи тәкәί ки, нибошу одлу,
    Ә нумтү рүхшәнди мәпүчү бодлу.

    2077
    Вошунда нәсдаҝә хоίәһоί ҝәрҝә,
    Вәчәһош ә ҝил тү нипоίу ҹәрҝә.

    2078
    Тәрсирә нәсдаҝә әз туфәнҝ, әз туп,
    Јә дүлиш һич мәћәл нисоху ҝуп-ҝуп.

    2079
    Ә ҹәрҝәί саданһо сәр тик поίисдә,
    ћүрмәтә нитани пишкәш воίисдә.

    2080
    Чәнд гәдәр һисдиҝәш боҹлүίә биҹҝи,
    Әхир ки, ҹунурәш мәҝүрү ичҝи.

    2081
    Ҹамтас овә докундәҝор ә дәс тү,
    Митав бирә дүм мошуну ә мәст тү.

    2082
    Чолвәкәһо вокундәнки ίәпинҹи,
    Мәрдίәтирә сәдиг мүнү ә минҹи.

    2083
    Ҝиснәίирә суί вәҝүрдә әз ҝомиш,
    Әз вор-дәвләт ни имбоши һич хомиш.

    2084
    Когоз-кугоз буш мундәнки ә дәс тү,
    Чугул фурми ләрз мидиров ә сәс тү.

    2085
    Ҹовгун – туфон ләрзундәнки сәр-тәнә,
    Гүзүрмәлү гили миίни дәр шәнә.

    2086
    Әрәг тәнә рүхунуһо нәхирчи,
    Әри ίәкиш нитав бирә пәхирчи.

    2087
    Ә хушлүίә ниίәтәвоз биίовһо,
    Лићәίирә сур мисоху әз овһо.

    2088
    Нимәҹунлу суί дорәнки ә мүрдә,
    Хосдәҝорһош митав тәнҝи вәҝүрдә.

    2089
    Нимәкәίфлү вир сохдәнки әгүлә,
    Ә рәћ ичҝи бим-буш миίли дәхүлә.

    2090
    Әз ћовур мәрдүми гисос вәҝүрдә,
    Јә боίҝә дү дәси нитани ҝүрдә.

    2091
    Сәрдорди бирәнки ίошлүίә пирәш,
    Ә ләә нибәрү хошлүίә чирәш.

    2092
    Ίә шәлә нифрирә воноҝә ә кул,
    Чәнд ҹиро азараш мисоху гәбул.

    2093
    Рәћмә дүл һисдиҝә ίә парчоһ әҝәр,
    Иҝидһош гәрәвул нипоίу ә дәр.

    2094
    Офуррәί ХУДО-рә бәхшлү танустә,
    Мәнҝ, офтош әз ҝофу нәхшлү парустә.

    2095
    Һүндүрә дорһорә бурра әз вишә,
    Нәләт тәбиәтә мәдор ә кишә.

    2096
    Кор-борә винирә зу-зу тәәди,
    Симиҹи нә бурбун әри рәћәти.

    2097
    Брилиίант нисдиҝә әгүлһоί сәрһо,
    Ов сүрхиш зиίоди әри руί дәрһо.

    2098
    Лүћүчәк – динҹирә овурдҝәш сәрвәхт,
    Әри руз хисирәш амбар мәсох ҹәћт.

    2099
    Тәшнәίирә хүрд нә сохдә ә вәхтү,
    ћәшоί нәфсә локо мәзән ә бәхт тү.

    2100
    Ә гәриш куίәлуг дәмлү тарсирә,
    Ҹәндәҝүш һовунлу митав парсирә.
  4. Shaul Guest

    Симпатии:
    0
    Баллы:
    0
    2101
    Парундут ҝуфдирә нунә әз ίәки,
    Әз әсму бәхш ниίов әсәл пәтәки.

    2102
    Әз дүзди, гәчәги тә нунә хурдә,
    ћисоб сох, тә мүрдә ә гәриш гур дә.

    2103
    ћовурһо әίәки бисдоҝә дүшмә,
    Мәҝуίит: «әдәтлү мурав вәрдүшмә.»

    2104
    Нәштәрә вәҝүрдә ә пиίонә вәхт,
    Ә залум ничарут әз хуниίә ҹәћт.

    2105
    Шәмәлә дәшәндә ә конәί дәриш,
    Хунәрә мәчарун ә хокистәриш.

    2106
    Нәләтә рүхундә ә сәίәг воруш,
    Гунширә гул мәсох ә ίәрәг хоруш.

    2107
    Минәтдор бирәнки әри хубиһо,
    Әз дүлиш мадаров шәри губиһо.

    2108
    Гисмәтү бирәмунд хошлүίә хәндә,
    «Ләзҝинкә» мәҹәίү ίошлүίә мәндә.

    2109
    Ә тәһәр пәрванә чәрх хурдә вәдә,
    Наз дорәί ән ίориш ә сүрхә һәгг дә.

    2110
    Хонәлү нүшдиҝәш ә шори-ники,
    Ә чумһош мадара әз ори тики.

    2111
    Гилиίә дәрһорә вокундәҝорһо,
    Ә дүлһоί ҹәмәтиш докундә шорһо.

    2112
    Шәвһорә тә сәбәћ Тиро хундәҝор,
    Рузһорәш ә Нимаз ҝировундә шор.

    2113
    Јә гәһри – гәзәбәш дорәнки нушу,
    Тоорих вәрәглүш миίов ә хушу.

    2114
    Ә дәрдһоί ән бәбә шәрик буһо кук,
    Ҝурунди ίә тонәш митав сип-супук.

    2115
    Шәхәлү поίисдә ә руί дү-ίәкиш,
    Дү ћәрмәћ миравут ә суί дү сәҝиш.

    2116
    Ҝофһорә әз ләә шушдәниҝә ов,
    Кәм әгүл ә сәһнә ә рол нидаров.

    2117
    Пәрдәрә әз әрә вәҝүрдә бәћслү;
    Ә ίә руз нирасү ним мүрдә нәћслү.

    2118
    Нә бурра, нә бәсдә имид мувәћә,
    Очорсүз ки вокунд килит рүвәћә?

    2119
    Әз гиίрәт нә номус ҝирошдәҝорһо,
    Ә хори мидаровт әз дошдә орһо.

    2120
    Ҝуҹлүίә ворвори, нә сәхтә ҝәрми,
    Әри дүл һич мәћәл ниίору нәрми.

    2121
    Мәҹбуриш бисдоҝә ίошлүίә пирһо,
    әрс нидүт чүн әίил – хошлүίә ширһо.

    2122
    Јәтимлү-ίәсирлү мундә балаһо,
    Микәшүт һозор ҹур түндә болоһо.

    2123
    Мол-гәрә нә бирә кифләт кәндчирә,
    Никәрәш нишуру нифрәт әнҹ чирә.

    2124
    ћәрмәћһо сәдиглү нисдиҝә әҝәр,
    Миллίонһо мухурут ίә боίҝә бәҝәм?

    2125
    Ә дүнίоһ бириҝәш чәнд ҹиро зулмәт,
    Бил диίә соί – мигдор нә бошу булмәт.

    2126
    Ҹәннәтлү суί доҝәш гүзүлҝүл күнҹһо,
    Руз нибу пиίонәш әз мүшкүл пүнҹһо.

    2127
    Сәдәфлү һисдиҝәш ίәхәнһоί бәдһо,
    Ҹивәһоί зәћми дә ә хәндәί һәдһо.

    2128
    Ләзәтә вәҝүрдә әз рури-бури,
    Сәр минут ҝоф имбу әз гири-мури.

    2129
    Гәдәгон сохдәнки ранҝә-бәранҝә,
    Духдәрһо рач нитавт зомуни мәнҝә.

    2130
    Инсонһо ҹәгүстҝә әз бими тәрсһо,
    Туфонһош руί мәҝрү әз зимиләрзһо.

    2131
    Лүгәрә әз дәстү тапарундәҝор,
    Бәхш кәсәш митанү чарундә ә вор.

    2132
    Ҝоф ләәί хүшдәрә нәсдаҝә ҝүрдә,
    Чүн Миши митанү тубо вәҝүрдә.

    2133
    иб-әсонт һисдиҝәш лово нүвүсдә,
    Воίисдәί хүшдәрә нибу зүһүсдә.

    2134
    ХУДОί һәгг виҹирә Овроһомә зу,
    Мозолә - ҝүллү но ә гәриш вазу.

    2135
    Әз хуби-хәрәби ҝоф дәшәндә вәхт,
    Очорәш ә дәрίоһ митав шәндә бәхт.

    2136
    Бисәћиб буһорә әз ћүлгү ҝүрдә,
    Тикәрә әз әнҹү нибу вәҝүрдә.

    2137
    Садбо мәћ дориҝәш әз ҝоф – воίисдә,
    Гувотсүз ә сәр поί нитаί поίисдә.

    2138
    Ә ίара вонорә әзоблүίә тох,
    иломә һич мәћәл буш ћисоб мәсох.

    2139
    Чумһорә ХУДО-лу әри вокундә,
    Думонһоί әсмурә нибу покундә.

    2140
    Ләләһо омоҝәш ә мүгүр тобу,
    Јәтимә бәһәмә холуш биίо бу.

    2141
    Ә рәћми ән ХУДО сәхт имид бәсдә,
    Соломон ћәштсад зән вәҝүрд ә дәстә.

    2142
    Нәдинҹи һисдиһо һәр мәлкәмутһо,
    Ухшәрлү ни имбу ә лолһо, кутһо.

    2143
    Бош-палтар вокундә ә сәр-тән ән зән,
    Сад боίҝә ә чуму нәштәр мәдәзән.

    2144
    Парчаһһо һозорбо бисдоҝәш дәҝиш,
    Бәгдәһо сур-сурог нәс һишдә ίәкиш.

    2145
    Оводу сохдәнки хәрәбәίирәш,
    Ә хүшдә мәҝүнҹун дәрәбәίирәш.

    2146
    әрслүίә әрусһо һә сухундҝәш дүл,
    Әшгсүзә мозолһош мүхүсү – мүшкүл.

    2147
    әίиллү возиҝәш чигиндә - чигинд,
    Ҹурлуίә үмүрүш ничару ә гинд.

    2148
    Әз ХУДО ловорә хоίуһо бәндә,
    Әз дүлиш рәћмирә нивоίу шәндә.

    2149
    Пиίонлу дарафда әри вәҹәсдә,
    Расаίа ворилү ни имбу ҹәсдә.

    2150
    Гүнчәίә - ухшәрлү вараίисдәҝор,
    ћәтонә - әрислү чарусдә ә ίор.

    2151
    Нәнуίһоί дәдәίә әз ίор шәндәҝор,
    Әз әгүл әίили имбу мәндәдор.

    2152
    Ίә чорә нисдиҝә әри ночогиш,
    Вор-дәвләт мичару ә кәфән огиш.

    2153
    овунсүз-хәтосүз зүһүсдҝә инсон,
    Ә сараί ҹәннәтиш миίору имкон.

    2154
    Дәрд-боләί нәчоги ҝүрдәнки әз ћүлг,
    Соίәлү вир имбу әз тәнҝи һәр мүрг.

    2155
    Ә хотур балаһо зүһүсдәҝорһо,
    Рәћәти нивүнү әз мүздә корһо.

    2156
    Никәрәί Гудίолә воίә сохдәҝор,
    Вәтәнәш митанү әз дүл хосдә шор.

    2157
    Ә зәћәр чарундҝәш ошир рузҝорә,
    Кәмәрәш дүгәди нибу гуз норә.

    2158
    Ә дувор вәриһо шәкилһо ҝирош,
    Әз бәбә, нәз дәдәί низүһи ҹирош.

    2159
    Ә ίор тү дәшәндә ҹовонә вәхтәш,
    Ә хотур пәсәво мәбурбун ҹәћтәш.

    2160
    Әз пәшмуί гәләтһо воҝошдәҝорһо,
    Богбонлү бәнд имбу ә кошдә дорһо.

    2161
    Биίовлу-буравлу һисдиһо илом,
    ћоворәш фубәрди ә тәһәр Одом.

    2162
    Гизмиши бурбундҝә дүл сәнгә нәмәрд,
    Әз рүћү мәпүчү мүрдәлүίә гәрд.

    2163
    Хотурхоһ ән милләт бисдокәш бәндә,
    Әз гәдәр зиίодтә нитав лүнҝ шәндә.

    2164
    Бугозбур тићорут сохдә бинәрәш,
    Ә пәнҹәί хүшҝә дәс мәнү хинәрәш.

    2165
    Хушбәхти нә рихдҝә әз лүнҝ ән поίу,
    ћәсрәтлү ҹумуһо дүлүш импоίу.

    2166
    Чумһорә ҝүрдәнки торикә мәгбун,
    Ә ћисоб нидобу нә мүнүк, нә нун.

    2167
    Әз ҹуниш зиίодтә хосдиҝә ίорә,
    Тирозуш нитану пәίмундә шорә.

    2168
    Әгүлә әз сәртү бәрдҝәш ίә рачи,
    Моҝошду пәсәвош ә вәхт бирачи.

    2169
    Богчәһоί ҝүлирә тәәриф дорә,
    Поίһорә ни имбу ίәәлмиш норә.

    2170
    Ҝүҝәрмиш зәрәнки нәхуһоί әнҝүшд,
    Су-ίәлов согирә овсусз киһо күшд?

    2171
    Мәһәббәт хосдәjи дәриҝә ә дүл,
    Јә хәто нә дүҝу ҹовобһоί әгүл.

    2172
    Рәћһорә кутәћлү, чәрхәлү дирә,
    Мозолһош зәћәрлү, сүрхәлү бирә.

    2173
    Бәәзи инсонһо бисдоҝә надан,
    Јә мәћәл суί мүдүт ә зәћми садан.

    2174
    Фәм сохдә ћәсрәтлγ сухтәί офторә,
    Нимәрәћ бәбәһош ә ίор офдорә.

    2175
    Визорлу мундәίҝәш әз парун-парун,
    Инсонә әίб дорә, ә хок мәчарун.

    2176
    Ә гәриш ширнә хов дәриҝә ίор тү,
    Тиробәнд мунуҝу номустү, ортү.

    2177
    Һәр ҝоj ки, овунә мәҝүрү әз бәд,
    Ә гирог поί нинү әз сәрһәд гисмәт.

    2178
    Томомлу нисдиҝә воίҝәһоί дүл түш,
    Ә вәхтү импаҹу ҝошдәίһо ҝүл түш.

    2179
    Һозор бо фурмундҝә ә тәһәр әίил,
    Садана сухундә ә пустиш дәίил.

    2180
    Никәмәндлү ә зүһүсдә бәндиҝәш,
    Ки митанү салһоί үмүр чәндиҝәш?

    2181
    Шоробә әнҹирә бирәниҝә дәм,
    Оворәj бикори нибу әз тү кәм.

    2182
    Надана шәклγjи дәрд рүхундә вәхт,
    Бәд әћвол руίһорәш зәрд сухундә ҹәћт.

    2183
    Шәк-шүбһә бирәнки ә сәбәћи руз,
    Һәлγсди зу вәћш бош әз ү-үί хуруз.

    2184
    Дорундә нәсдаҝә ә дүлтү губәш,
    Әίә чум мәвиниш хәрәбәш – хубәш.

    2185
    Ә вәхтү сурр дүлә нә пирсирәнки,
    Әз пәшму момуни пир-сир бирәнки.

    2186
    Ә ҹиҝә овурдҝә һәр гуллуг түрәш,
    Ә руίу шәх вокун дәр буллуг түрәш.

    2187
    Ә фикир нә хәίол дүрүст нә рафда,
    Ә бәди нитанү ә бүсд вәрафда.

    2188
    Богруί тү чат зәҝәш әз думон, әз чән,
    Бәдбәхтә коһлирә әз дәб вәдәшән.

    2189
    Сәхт фикир дорәнки ә вәлҝ, ә ҝиίов,
    Мәлћәмлү бошуһо сур дәрмуш миίов.

    2190
    Бүхтүһоί биһәгги вәриҝә ә дәм,
    Ҝирисдәш ән хубә чорә нисд бәҝәм?

    2191
    Мүшкүллү нисдикә әз дәрдһоί губиш,
    Амбар танусдәҝор нихүсү хубиш.

    2192
    Әз чумиш палундҝә хурдә ширүрә,
    Лол-тумиш мисоху бир-нәбирүрә.

    2193
    Ә хуну кор сохдҝә азар мәнҝәнә,
    Ҹур-ҹундур мокуну палтар ән тәнә.

    2194
    Ә сүрхһо, нүгрәһо чум докошдәкор,
    Ә ћүрмәт, ә үзәт нитав дошдә ор.

    2195
    Ә гәриш ән ләә, әз лош ән ҹүхү,
    Ә һәр лоһ әз ҝофү бор биίо рүхү.

    2196
    Нәхурә-нәбәрә ҹунә күшдәҝор,
    Һич мәћәл нитанү бирә хүшдәдор.

    2197
    Сәр-бәсәр дγнйоһә әри вәс дирә,
    Бүзүрҝә инсонһо кәмиш нәс бирә.

    2198
    Чү ҝәрәк һисдиҝә әри хушбәхти,
    Сәәрлү ниίо бу әз ћүкүм ҹәћти.

    2199
    Лүгәί нун нисдиҝәш әри ҹавустә,
    Әз ҝәдә дустирә нитани ҹусдә.

    2200
    Фәхрлү хундә ҹун дорәίи мәҝәзәш,
    Һә ним-ноһог әзоб мәди ίә кәсәш.
  5. Shaul Guest

    Симпатии:
    0
    Баллы:
    0
    2201
    Ҝофһоί Хәίίом сәлт омоҝәш ә хош тү,
    Гул-гәрәвош ән ίә ичҝиш мәбош тү.

    2202
    Инсонә ә нубот дошдә, чүн Одом,
    ХУДОί һәгг ә вәхтү бәрдә әз илом.

    2203
    Ә гәд хәлг әдәблү нәсдаҝә нүшдә,
    Ә тоҹи ән әίбһо митаί дәнүшдә.

    2204
    Хүшдәрә бәрдәнки ә тәһәр садан,
    Биίобур бирәрә әз ночог бәд тан.

    2205
    Судумһо ҝүшдәнки конһоί дүл түрә,
    Әз үлүҝ осдугу миίни күл түрә.

    2206
    Әз фәткәί фикирһо ћәл бирәίинҹә,
    Гучоглу зу биίоф рәћәти динчә.

    2207
    Әз сабур ХУДОίи дәнүшдәίинҹә,
    Имидлү гуллуг сох ҹыҹ шәндәί хинчә.

    2208
    Әз әгүл сәр хүшдә нисдҝә шүбһәлү,
    Ә зиһим ән кәсһиш нивәнү пәлү.

    2209
    Дүздирә нәсдаҝә пәхүр хүшдәрә,
    Ә чумиш мивүнү ћәзүр күшдәрә.

    2210
    Гисгонҹи ҝүрдәнки әз ћүлг ән чәћиш,
    Әз мүһбәт тә мүрүм ίә лүнҝи - рәћиш.

    2211
    Лүгәί нун нә вәҝә ә сәр зани тү,
    Зәбуни чүниҝә ниίо тани тү.

    2212
    Воίисдәί ән дүл тү нисдиҝә бәһәм,
    Дуралов микәшү виҹдонтү әз гәм.

    2213
    Ҝиснәίи әз иштоһ тә вәдарафда,
    Ҝәвүлсүз ә гуг дор нитаί вәрафда.

    2214
    Әз чоги-чәмбәли дирәίҝә бәди,
    Ним ноһог нәфс түрә тәәриф мәди.

    2215
    Хәндәлү паҹундә ίос ән рәћмәтә,
    Ә ҹиҝәί ән сәгә нинүт ҹәмәтә.

    2216
    Ә гәриш ов-аташ молә бирәнки,
    Јә сирог ни имбу, әз һүнәр ҹәнҝи.

    2217
    Сәрһорә пучундә ә тәһәр гози,
    Соворлү бәнд мәбош ә диглә вози.

    2218
    Рухунә әрәг тү әҝәр һәр чүни,
    Ә гәтрәί ҝуҹәвоз хәндә әрчүни?

    2219
    Расара бурраҝор ә зәвәсәр чол,
    Әз поίһо кут имбу, әз бәш зуһун лол!

    2220
    Ә пири вомундҝәш - ә ћәл-ћәлә чи,
    Әз салһоί ҹовони хәҹәләт әҹи?

    2221
    Әз мүшкүл гәрәнтүί ән ҹәфәнҝиίот,
    Һә ҝәнәш ә гисмәт ән кәфән миίовт.

    2222
    Чүн дүшмә ә дүлү пур бириҝә зәћм,
    Ә ҝузәт сохдәί тү нивәрзү бирәћм.

    2223
    Ә миид әрәво нисдҝә гәрәбәч,
    Возисүз әίилһош имбу гәрәгәч.

    2224
    Ә пәсәί хурдә чи чумә дәίишдә,
    Нәшумоί бәндәрә ни имбу һишдә.

    2225
    Ә тәһәр хүшҝ бирә дор гәрәбәчи,
    Дүлхүрдә инсонә чорәίү әҹи?

    2226
    Ҝәмәрә хүрд сохдҝә ίә бәбә әҝәр,
    Әвлоду пучиҝә, руз миίнү мәҝәр?

    2227
    Нәбәләди вәпичиҝә әз бугоз,
    Чәтин имбу поίтү даров әз дугоз.

    2228
    Ә сәр рәћ поίисдә ә фурм һәίвәрә,
    Фолчилү пур мәсох ҹүфтә һәίбәрә.

    2229
    Ҝоф-кәләҹ шинирә әз нәзник, әз дур,
    Бибәхшлү нүшдәрәш әз базу мәбур.

    2230
    Бәдә руί вәҝүрдә әз дуст-тониш тү,
    Ә соjәj зиндәҝун хор мәдәшин тү.

    2231
    Ә гәргүш нифирһо воίҝә дәбәрдә,
    Әгүләш ә ирог митанү бәрдә.

    2232
    Ә дәвоί ән Вәтән гәрдлүίә вәхти,
    Мүрүмлү ниίо бу мәрдлүίә ҹәћти.

    2233
    Сад ҹиро овунә ә шир бофдәίиш,
    Ә чолә мидаров ә зир офтоίиш.

    2234
    Хокисдәр күлиҝәш кобоб бәди тү,
    Јәкирәш гудузлу ҹовоб мәди тү.

    2235
    Гурбәндлү бирәнки ҹиро пиш зәмун,
    Ә зинҹил ән үкүз ҝировиш мәмун.

    2236
    Балаһо-нәвәһо кәίки һәрчүни,
    Әз һүлгтү зәвәртә дәвләт әрчүни?

    2237
    Бул бәһәр рихдәнки әз дорһоί имид,
    Биίобур ән γлкә нәс бирә иҝид.

    2238
    Бүмүздлү руз-бәруз тәрс дорә ҹунәш,
    Әз чумһо мофдону кәсһорә хунош.

    2239
    Нәхшһоίу тәкәί ки, зәрәнтү ниίов,
    Рузһоίу һәмишә гәрәнтү миίов.

    2240
    Пиίонлу дарафдҝә һәрбоί әз дәриш,
    Зибиләш ә куίә сохдәнүт гәриш.

    2241
    Сәр ҝүрдәίи әз гәдими ән Одом,
    Инсонίәти – сүрхә чини әри хом.

    2242
    Ә пишоί чум ошкориҝә сурр дүлүш,
    Ә хов динҹи одлу имбу гур чүлүш.

    2243
    Әз һороί – ћәшилһоί ән ним-ноһоги,
    Гул-нүкәр нәс бирә сүрхиһоί доги.

    2244
    Јә гунши ћов-ћовлу равусдҝә әҝәр,
    Огуίә тәлћүрәш чарун ә шәкәр.

    2245
    Нухоруш сохдәίү чәћиҝә әҹәб,
    Нә бошҝу ίә үзҝә рәћиҝә ә дәб.

    2246
    Соголмиш бирәнки әз күһнә ίара,
    Һич мәћәл ә фикир ән диίнә мара.

    2247
    Јә лүҝәί ән дорәш тә гәләм зәрә,
    Тәәриф биίо дүт тәмәћ һүнәрә.

    2248
    Ҹүр-бәҹүр бисдоҝәш чумә чаруһо,
    Әз хәлг импокуну нумә ҹаруһо.

    2249
    Оһилә гәриһо тә фол вошәндә,
    Боворә ни имбу әз ћол фушәндә.

    2250
    Әз ҝофтү ҝүрдәнки лоίигә нумдош,
    Јәәлмиш бирәнкиш оίугә чум бош.

    2251
    Ә чумһоί обурһо тор кәширәҝор,
    Ә кишәί сабурһо нәс дәчирә вор.

    2252
    Әз гәләм шоһири дәс вәҝүрдәҝор,
    Мәрдиίә киләћә нәс дәҝүрдә шор.

    2253
    Гутинәί сүрхирә әри парс дорә,
    Ә пишоί чум ίәкиш нибу фурс норә.

    2254
    Јә дорләί мозолә нә кошдәҝорһо,
    Бил рүхшәнд нә соху ә дәәм борһо.

    2255
    Хунхурә ћилләίи домундҝә ә дүл,
    Миҹәлү күт имбу зиһимһоί әгүл.

    2256
    Гәсдәлү күшдиҝә ίә муҹинәрәш,
    Хокәлү мивини муҹуҹи сәрәш.

    2257
    Әз дәсһо кәширә вәбәрҝә зәвәр,
    Мозолу тиҹ имбу әз чинкәί тәвәр.

    2258
    Ә сәр хок ҝәшдәнки софлу, тәмизлү,
    Ә ХУДО хош миίоί ҝофлу, әзизлү.

    2259
    Ә пишоί кәләтә поίисдә сәргуз,
    Зәифи хүшдәрә бул мәсох һәр руз.

    2260
    Хиники бәсдиҝә ворәί ән дүлә,
    Әз гәрбол ҝировун чорәί әгүлә.

    2261
    Нишонәί бәхтирә тә садан чирә,
    Јә дордиш әбәди нитанү бирә.

    2262
    Кәрпичһо һисдиҝә әз сәнгиш нәмтә,
    Нәмиши од нинү әз овиш кәмтә.

    2263
    Сүрхәлү һисдиһо бәл Офуррәҝор,
    Әз Одом нә ћово мунди ошикор.

    2264
    Тәмарүз ҝиснәίи ҝүрдәнки әз ћүлг,
    Ә ίәмиш мичарү ҝүίбәндлүίә зүлг.

    2265
    Иштоһлу суί доҝә мәίилһоί сәҝиш,
    Оворә нә муно ҹовонһоί ίәкиш.

    2266
    Бәдә руί вәҝүрдә әз хәίонәткор,
    Шәмәлә нә дәшән ә тән биәнкор.

    2267
    Чумһорә бәсдәнки әз тубоί вошҝу,
    Әхири кәлмәίтүш әз ХУДО бошҝу.

    2268
    Нәштәрлү дорәнки боләί дәсбушәш,
    ХУДОί һәгг зу мәнү шәләί хәспушәш.

    2269
    Сиίә шәр рихдәнки әз зиһим сәрү,
    Ҹәнҝәсур ән бәдиш ә гур имбәрү.

    2270
    Сүрхәлү бисдоҝәш гәнәтһоί пари,
    Әз ниjәт дур бошҝу мәрдγ-мәзари.

    2271
    Богбонә тә ҝүрдә борлүίә шорһош,
    Әз гәдәр зиίодтә биίо бу дорһош.

    2272
    Зомонә нисдиҝәш ә сәίәг хош тү,
    Әз вићдәί ән сабур ирог мәбош тү.

    2273
    Пәхүрә фикирһо тәίтә лош зәрә,
    Әз зинҹир ән гури мәвокош сәрә.

    2274
    Зар-зари ән сүрхә ҹусдә әз сәдәф,
    Рәћмбәри сип-сипи биίо бу чүн вәрф.

    2275
    Палутдор чәнгәдә бисдоҝәш мүћкәм,
    Әз тиҹи ән әгүл митав хурдә дәм.

    2276
    Тәшнәлү рафданки әз илом хүшдә,
    Нә дан ки, рүћәίүш ә гәриш нәхш дә.

    2277
    Әз мозол тәкәί ки, ίә дугиш нисди,
    Ҝиснә чум бирәҝор – ίозугиш һисди.

    2278
    Дурәлов кәширә әз дәс пәшмуни,
    Ә ҹиҝәί рушуми хәсд ниίо муни.

    2279
    Гәзәблү ҝүрдиҝәш чүклә мәҝәзә,
    Ә һич кәс зәћәрә ҝоф мүрүм мәзә.

    2280
    Ә тәһәр ҹурҹурәк тәίтә ҹур зәрәш,
    Әз бинәί ән күкү зутә бур шәрәш.

    2281
    Хүшдәрә күшдиҝәш әз бим бигәдүр,
    Нур чумтүш нибошу әҝәр диҝә хүр.

    2282
    Әгүлсүз – комолсүз буһо ҝәдәҝә,
    Ә вәдәί хундәίи мәзән гәдәгә.

    283
    Ә гәриш гуншиһо, ә гәд мәћәләш,
    Ә минҹи лов мәсох хокистәр ћәләш.

    2284
    Әкәр нә воίисдҝә дәр-бәдәр муну,
    Бүзүрҝмәнд буһорәш шәр митәрсуну.

    2285
    Түндә руί вәҝүрдә әз шир, әз пәләнҝ,
    Ә сәр зәифбәндһо мәшән һоволәнҝ.

    2286
    Бигәдүр һисдиһо әри һәр ҹоһил,
    Әз бәбәш зиίоди һәίбәί ҹовоһил.

    2287
    Ә һәр ҹиҝә ләћ-ләћ буһо бом-були,
    Һәм – гәрәвош, һәми – нүкәр, һәм – гули.

    2288
    Јә хәр ки, мухуру ίүнҹәрәш – ҹүίәш,
    Тәпикһо миҝрору лап навад нүίәш.

    2289
    Лүҝәһоί ән дорә чүтам шовунди,
    Дорун дүл богбонәш һәчу ковунди.

    2290
    Ә сифро расиҝә кишәί әрәги,
    Ә мәҹлүс од имбу пишәί ләг-ләги.

    2291
    Хәбәрбәри нә сохдиҝә һич мәћәл,
    Рүгән дүлтү әз пәшмуниш нибу ћәл.

    2292
    Вәћшилугһош амбариҝә гәдәрсүз,
    Мүрүмһошуш ниҝирору гәбәрсүз.

    2293
    Ләлә, холу гәл бәбәрә зәрәки,
    Јәтимхонәш диίә әрчү ҝәрәки?

    2294
    Ширинә ҝоф кәί ә ләә гәһәти,
    Јә кифләтәш зувун мүίлү ә бәди.

    2295
    Хункорлуίә әдәтһорә нә шәндә,
    Ә ҹовониш митаί ҝирίә дәшәндә.

    2296
    Тов офторә ћисоб сохдә уҹузлу,
    Торикирә тәриф мәди гудузлу.

    2297
    Огоjәти ҹиҝә ҝүрдҝәш ә дүл тү,
    Сәәрһорәш бул нә дүҝу әгүл тү.

    2298
    Ә вәдәίү кәί ки чорә ни имбу,
    Әз могбули дүлиш зутә пир имбу.

    2299
    Мүүҹүзһо әз тү ирог бирәнки,
    Шор мүзүһи рузә мәћлү дирәнки.

    2300
    Ҝуштәнхури нә дорушдҝә ә тобу,
    Чорәjәтиш диглә вози ниίо бу.
  6. Shaul Guest

    Симпатии:
    0
    Баллы:
    0
    2301
    Ә гәриш сундугчәί гәдимлүίә хәлг,
    Тироһоί Мишини дорәниһо бәрг.

    2302
    Әмонәт мундиҝәш зурбаίә имкон,
    Ә тоҹи ниваров ләћ-ләћә инсон.

    2303
    Әз күкү кәндәнки ә тәһәр ҝиίов,
    Хушбәхтиш пәсәво боҹәћәт биίов.

    2304
    Тәшнәлү дирәнки бушә сәбәтәш,
    Туршмәзә ниҝүрүт хушә сифәтәш.

    2305
    Ә мәскән говрәһо тә шәндә һәндәг,
    Кәләтә - сәрпуш сәр биίо бу әнҹәг.

    2306
    Сүрхәлү һисдиһо сүмбүлә хуно,
    Суррлүίә ҝиίовһош чорәлү муно.

    2307
    Υкүзлүш, әсбәлγш әри бәрдә боҹ,
    Гирмоҹиш-гәмчилиш ә күшдә мүћтоҹ.

    2308
    Духдири дорәнки шүһрәтә-шонәш,
    Хәләтсүз нинүшүт ә духдирхонәш.

    2309
    Миҹәлү бирәίи сурр гувотчиһош,
    Сәлигә дәчирә хүрдәвот чиһош.

    2310
    Бәгшләмиш сохдәтҝә түрә дү-сәбош,
    Ә пишоί чум ҹәмәт гирмизи мәбош.

    2311
    Ә дәб ҝүрдә һәрбоί «почкә» шәндәрә,
    Дир-зу нитаί хәндәί ловә шән зәрә.

    2312
    Әри һәр кор гәлхәндиҝә имид тү,
    Әнҹәг миҹәί ән сабури – иҝид тү.

    2313
    Фирәһлүίә дүл нә дәҝә ә синә,
    Торлу миίни ҝурундә руз чәтинә.

    2314
    Бәхшләмиши нә омоҝә әз дүли,
    Кусов кγмγр - һүзүм нибу әз күли.

    2315
    Догә хуно нүшдәниҝәш ә сәр ҹәћт,
    Мозолмәнди нивоҝошду ә дәр вәхт.

    2316
    Ә дустәвоз бисдориҝә бирорлу,
    Ә һәр рәћү шорлу имбу ҝирорлу.

    2317
    Әз нәчоги мүшкүлә руί вәҝүрдә,
    Ә сәр зиндә хокә нибу дәҝүрдә.

    2318
    Тиҹә нәштәр дәбисдоҝәш ә дәс тү,
    Боришмишә әћвол бошҝу ә сәс тү.

    2319
    Әз чумһоί тү ворихдәнки тәрс бәди,
    Бугмәлүίә бугозһорәш ләрз мәди.

    2320
    Шинохһорә кәί ҝофәлү күшдәни,
    Тиҹә нәфслγ әри хүшдәш – дүшмәни.

    2321
    Сүрхә чорә гисмәт нисдиҝә ә бәхт тү,
    Әз чор тараф чумә мәнүт ә тәхт тү.

    2322
    Чапаламиш сохдә бәгдә ә вәрфи,
    Имид дүлә говрә сохдә чү сәрфи?

    2323
    Дү-ίәкирә вәнҹирәнки дү ћәίвон,
    Догуноглу парт мишәнү рүћәί кон.

    2324
    Рувәкиһо вәпичиҝә вәхтә-вәхт,
    Сироίирә ә дәб мәҝи ҹәћтә-ҹәћт.

    2325
    Әз хушбәхти кәί ки, поίу чәмүсти,
    Јә чордогәш сараί митав һәлүсти.

    2326
    Әз ҝиίовһо чорәί дәрдә офдәнки,
    Әз ләәһо ниворуху ҝоф тәнҝи.

    2327
    Расаί чолә назукиҝә гәдәрсүз,
    Ә ҝовләίи нивадараί хәбәрсүз.

    2328
    Тәпикбәндлү вокундутҝә дәр түрә,
    Әгүлмәнди чәтин дору сәр түрә.

    2329
    Әри мүрүм вәмундәнки ә гәрди,
    Әз гитиһо чорә офдәш ίә дәрди.

    2330
    Ә әрәлуг дәбисдоҝә ίә садан,
    Пишпонгули әнҝүшдһорә шор нәдан.

    2331
    Томошә сохдиҝәш һозор бо әз дур,
    Очилмиш ни имбу ә пишоί тү сурр.

    2332
    Ҝәрәклү һисдиһо хәбәрәтәрһо,
    Нүвүстә нәс бирә ә сәр ән дәрһо.

    2333
    Јә сад бо әз гәрбол ҝирошдә вәдә,
    Ләгәмә дорәнүт ә нуму бәгдә.

    2334
    Мићилло хосдәнки ә ћүрмәтәвоз.
    Кәлмәрә муҝуίут ә мүһбәтәвоз.

    2335
    Ә сифроί ән шори, әз хүрдә-бәрдә,
    Озҝорәί сироίи әίб мүдү мәрдә.

    2336
    Әз товнәί ћүҹәткор дарафда ә бәћс,
    Хәхәίә сәр мәбош ә зир хәрәί мәћс.

    2337
    Тәәриф дориҝәш әз рачи вини,
    Тиҹә чум нә бирә дурәш нивини.

    .2338
    Әритү һичиҝә һүндүриш – сариш,
    Ә фурм савзифурух мәдәшән ҹариш.

    2339
    Әз товнәί хәләίиг ә лог мәбош тү,
    Һәрдәнбир әз хүшдәш шүбһәлү бош тү.

    2340
    Әз дәстәί дананһо пиш бир вәдә,
    Һәчи тан хунәί тү ә рихдә дәг дә.

    2341
    Мәлүмлү нә бирә ә шүһрәт ҝиро,
    Сәдиглү нимуну ә мүһләт ҹиро.

    2342
    Һингинәί ҝирίәрә зәрәнки зәнһо,
    Ләрзиίә бизә-биз имбошу тәнһо.

    2343
    Әз зомон ән Одом, әз гуморхонә,
    Јәкиш нә вәҝүрди һүнәр ән шонә

    2344
    Әз хуби од ҝиро бирәнки мәшһур,
    Әз хов зу мәхүсү ә сәίәг хәшхур.

    2345
    Бәдмозол вихдәнки сочҝуίә гәтрә,
    Һәшданки әрс миίов әз пура бәдрә.

    2346
    Фикирлү поίисдә ә һәндәвәр ләш,
    Бәзи бо хүшдәрәш ә имтоһон кәш.

    2347
    Ићтибор дү ћәрмәћ бисдоҝә хүрлү,
    Әз бүҝүр гуί нибу күшлүίә мүрлү.

    2348
    Ә гәд нур нә шушдҝә әjнәһо тәнә,
    Әз дур нибурбуну руί һәр ίәтәнә.

    2349
    Әз гәриш хун дамар хоһин бирәҝор,
    Зарбофлу нитанү һич вәхт дирә кор.

    2350
    Ә сараί пәтәкһо тә әсәл нүшдә,
    Фитнәчи нипоίу әз әмәл хүшдә.

    2351
    Бәдәрүћ тәкәί ки, ћәшош ниҝүрү,
    Тәнҝә рәћ бирәнки пишош миҝүрү.

    2352
    Хүшҝиίә лүҝәрә бурранки әз дор,
    Бүтүн бог, богбонлу, имбу овулдор.

    2353
    Сәћибһоί дурҝунһо кәίки миләрзү,
    Раста ҝоф ән инсон ә сүрхиш мәрзү.

    2354
    Фәргү нисд нәзники, ίә нобҝә ίоди,
    Шикәстә фәгирә ә бод ниίо ди.

    2355
    Дүрүнҹә тәкәί ки, хүрдәш митанү,
    Ҹибҝирә һәр ίәтән ҝүрдәш нитанү.

    2356
    Хүшҝбәндә арзуһо кәί ки бор нидү,
    Зәрдовә ранҝ руίу чумәш тор мидү.

    2357
    Хәҹәләт хурдәҝор әз ҝγрдә бәди,
    Ә чумһоί ҹәмәтиш ни имбу вәди.

    2358
    Ә гәд хәлг ловиҝә биоди әлчәг,
    Фурсбәндлү ҝәшдәίүш зиίоди әнҹәг.

    2359
    Тәлћә ҝоф кәсһорә дәшәндә ә ҝуш,
    Ҹәфорәш митани вәдәшәндә буш.

    2360
    Сәгүзлү ҹавусдә тикәί кобобә,
    Гургутлу мәнҹини сикәί һәр тобә.

    2361
    Ә дәс тү фүрсәтһо офдорә сәәт,
    Сәләмә ни имбу соф норә сә гәт.

    2362
    Рәћәти сохдәнкиш шүгәмпәрәзһо,
    Ә ћүлчәг домундә дәәм чәрәзһо.

    2363
    Ә ҹивәί зәћәрһо чарустҝә һәр рәћ,
    Фәтҝәрәш мәҝүрү әз дустә ћәрмәћ.

    2364
    Хүшдәрә ә ћүрмәт нә расундәҝор,
    Согирәш митанү вәрасундә ор.

    2365
    Әрковун һисдиҝәш әзизә хәләф,
    Әз ҝиίов зәћәри ниίо бу тәләф.

    2366
    Чинәдун ән хуруз бирәнки бимбуш,
    Ә гәриш ән кәрҝһо нитав ҝәшдә хуш.

    2367
    Мәләкһо воίисдҝәш дачару ә сәр,
    Данандаί арифһо ничару ә нәр.

    2368
    Сәр дүлә паҹундҝә кутә ίараίтүш,
    Пәс нибу - ә хори зутә дараίтүш.

    2369
    Ә ћүлг нә расирә һәлә дәс бәди,
    Чүн бушә ίә гәзгу кәлә сәс мәди.

    2370
    Дорә вәхт ән ХУДО тәίтә бирә ћәл,
    Нәхурә-нәбәрә мәмун һич мәћәл.

    2371
    Нәсдаҝә поίундә пишоί дүшмәрәш,
    Ә әсир мәчарун пишәί хүшдәрәш.

    2372
    Гәтугә сип-сиίә ҝуфдиҝә ћәрмәћ,
    Һич вәдиш нә бошҝу диίә ә сәр рәћ.

    2373
    Никирә нә дирә әз кор-бор вәҹи,
    Зәифә ћәрмәћә дошдәҝор әҹи?

    2374
    Вәрҝәвуш сохдәҝор гәд хунәί кәсә,
    Хүрбәндлү мүшүнү бәдмунәί сәсә.

    2375
    Әз лүћүф нәчоги мат бирә вәдә,
    Боләрә дирәίиш ә ћүкүм һәгг дә.

    2376
    Әнҝүшдлү шумордә кәмә хубирә,
    Ә ћәрмәћ туш мәсох нәмә губирә.

    2377
    Вәҹәвунд дәсһорә гәзәблү хундә,
    Ә хүшдәш ни имбу әзоблү мундә.

    2378
    Гәнәтлү пар зәрә әз шори чоги,
    Јә чүпиш ниίили әз вори соги.

    2379
    Чүкә-чүк мундәнки әз дәс хосиίәт,
    Јә догиш ниләрзү әз сәс босиίәт.

    2380
    Тәпикә зәрәнки ә дәдәί әίил,
    Ә сәртү бәднумә ίә одәш вәίил.

    2381
    Ҝирисдә нәсдаҝә әз ћолотсүзи,
    Гирмизи нибоши әз ћоловсүзи.

    2382
    Дәрдәҹәр-дәрдәҹәр чумә бәсдәҝор,
    Говрәрә ә хүшдә нәс дәбәсдә шор.

    2383
    Кирә ки, әз тәрсһо ћолиш нимуну,
    Ә тәһәр ән говрә лолиш мимуну.

    2384
    Ичҝилү пусундә дугиһоί түрә,
    Ә хори моҝсуни гугиһоί түрә.

    2385
    Шикәсти вәҝүрдҝә әҝәр ίә поί тү,
    Әнҹәг ки, зән хунә миίов ә һоί тү.

    2386
    Мүһбәтлү фәм сохдә әз руί пәнҹәрә,
    Зутәлү ә хинә мини пәнҹәрә.

    2387
    Нухоруш хурдәнки ә ләзәтәвоз,
    Огуίә руί мәди ә мәсәбовоз.

    2388
    Руз-бәруз ҝирошдҝә зимусту тәһәр,
    Сәс-сүмүк ни имбу әз бустуί һәдәр.

    2889
    Тәмаруз варасдҝә ширинә үмүр,
    Ә овул ни нүшү бидинә бүҝүр.

    2890
    Ә гәдәр һичиҝә гобилиίәт тү,
    Әз чум ирог имбу тоби ниίәт тү.

    2391
    Әз пәрдү ә чубуг чарусдәҝорһо,
    Мәћ нидү ә сәίәг зарустәҝорһо.

    2392
    Вәрфә ћол зимусту бирәнки чәтин,
    «Ләзҝинкә»ί ҹиҝидә ки вәҹәст ә тин?

    2393
    Ҝγзәштһо думонлу биίов-нәбиίов,
    Руί очуг дирәнки шолумиш миίов.

    2394
    Әҝәнәр нисдиҝә дуст тү, тониш тү,
    Ә сифәт кәләтә тик мәдәниш тү.

    2395
    Һәрҝоί ки, әз гирог саташ нивинү,
    Хүшдәрә доруһо садаш мивинү.

    2396
    Тә кәί ки, ә иштоһ зәћми ниίо бу,
    Әз соίәί ән хүшдәш пәћни биίо бу.

    2397
    Дәрмурә рихдәнки ә тәһәр ән дәг,
    Кәлмәрә тәлћ сохдә овуни әнҹәг?

    2398
    Овондбәнд бисдоҝә мозолә бәхтү,
    Ҹәннәтмәнд миҝрору ћололә вәхтү.

    2399
    Оворә - сәрҝәрдә бошуһо ҹовон,
    Јә бәдә микроби ә ләшәί зомон.

    2400
    Нумһошу гәргүшлү бирәниһо лов,
    Әίәки ухшәрүт чүн ίә капли ов.
  7. Shaul Guest

    Симпатии:
    0
    Баллы:
    0
    2401
    Һозор ҹүр хәбәрһо әри соф бирә,
    Сәвҝәндә тоί гәрбол нибу ҝуфдирә.

    2402
    Бәһәмлү нүшдәίҝә ә ҹиҝәί хүшдә,
    Шүбһәлү нибоши әз миҹәί күшдә

    2403
    Ә пишоί чум ХУДО тә бирә хошҝу,
    Сәдиги Овроһом ә тоҹ вәбошҝу.

    2404
    Гузирә тик ҝүрдҝә ә фурм ћәчәίи,
    Әз ћовур зиίодтә ћәрмәћ әҹәίи?

    2405
    Әз ҹәннәт ән ХУДО тә ҝүрдә хәбәр,
    Шәрәфә әз дәрә ә гуг дог вәбәр.

    2406
    Әз гәдәр зиίодтә әгүлмәндә хәр,
    Тоҹирә нивәнү ә күлбәндә сәр.

    2407
    Әз доћор дарафдҝә ә гәриш ән хов,
    Һәлүсти митанү дүлиш бирә лов.

    2408
    Гәрәнтү бириҝә үшүгһо чумиш,
    Јарашуг нивүнү диίә гүҹүмиш.

    2409
    Әз ћүрмәт офдоҝә мәлүм ошколәш,
    Әз ћүлгү ниворов тухә озҝорәш.

    2410
    Гувот гул нә мундҝә әри ҹәнҝ күшмә,
    Әз ҝуллә бәд имбу ҝоф-ҝәләҹ дүшмә.

    2411
    Јә хүшҝә тәхтәрәш фәрлү нә рундә,
    Балкона нитани рач варавундә.

    2412
    Руί сипи бирәнки ә пишоί ән хәлг,
    Винирә корһоίуш митав дорә бәрг.

    2413
    Руί-бәруί поίисдә ә пәләнҝәвоз,
    Зарафат нисохут ә һәнәҝәвоз.

    2414
    Кук-духдәр нә диҝә руί бурбуниһо,
    Һәлγсти ҹар имбу суί дурҝуниһо.

    2415
    Ә сәр поί вәхүшдә нә ҝәшдҝә инсон,
    Ә нәфәс кәширәш нирасү имкон.

    2416
    Гәтрәлү поίисдҝәш садан ә сәр тү,
    Нум сабур ХУДОрә ә шон вәбәр тү.

    2417
    Дилибоҹ нисдиҝә әри кәлә кор,
    Бәрәкәт хүрдәрә ҝәнәш һәлә дор.

    2418
    Ә пәсәί ән хәίриш һич нә вәхүшдә,
    Мүүҹүз нивинү әз сәри хүшдә.

    2419
    Ә сәίәг буί ҝүрдә лүҝиίә хоίә,
    Гәзонҹә ниίору чүкиίә моίә.

    2420
    Дү ћәрмәћ әίәки омоҝә кәләк,
    Гәзонҹә мухуру, мүфтә, ίә фәләк.

    2421
    Нәсдаҝә вәҝүрдә пишоί гәзәбә,
    Һә ҝәнәш гип-гәриш мәсох мәсәбә.

    2422
    Ә зир поί вошшиҝә дирәнки нунә,
    Һәшданки, ә говрә донори ҹунә.

    2423
    Ә пишоί чум ХУДО гудузи сохдә,
    Зиндәίә - мүрдәрә митани хосдә.

    2424
    Әз гилиг ҝүрдиҝәш надана әҝәр,
    Һә ҝәнәш лүгәί нун мофу әз сәәр.

    2425
    Әз имкон соίиги, ә ҹиб дарафда,
    Һә ίә бо әз инфаркт гурбу ки рафда?

    2426
    Шонирә хок сохдә ә дур – буруһош,
    Рүхшәнбәнд нихәндү обур доруһош.

    2427
    Әз миҹәί ίә түндә ћәләҹиҝәри,
    Бир-нәбир кифләтәш ә ћоҹ мибәри.

    2428
    Ә дәрίоһ фикирһо батмиш бирәҝор,
    Ә вәдәί сокитиш чәшмиш дирә кор.

    2429
    Вәтәнә әз дүли гимәт нә дорә,
    Әз дәстү ниворов нә хәίр, нә чорә.

    2430
    Бугоног бирәнкиш ҝәрми ίә рузҝор,
    Һә ҝәнәш рәћмә дүл нәрмирә дуз дор.

    2431
    Чорәрә бурранки нәћслү бирәҝор,
    Ә ҹиҝәί тирίохиш мәћслү дирә кор.

    2432
    Рүћлүίә нәшумо кәшиҝә дәрдә,
    И ίүкә ә ҹәннәт һич нибу бәрдә.

    2433
    Әз сифәт ән руίу нә рихдҝә шори,
    Гуногһош гуί имбу ә фурм ворвори.

    2434
    Бор – бәһәр чирәнҝи әз һәдәί дузиш,
    Ә сәс дүл ҝуш вәни ә бәдә рузиш.

    2435
    Гәзәблү поίисдә ә сәрһәд тини,
    Сәр кәсә дорд дорәш ίә бәдбәхтини.

    2436
    Ә гәтрә рафданки әз зәћмоί ән шәр,
    Ә бәди мадаров гәриш бирәί сәр.

    2437
    Нәбәләд-нәбәләд әз рәћ рафдаҝор,
    Ә мәнзил нитану вәдарафда шор.

    2438
    Ә кәлә, ә чүклә әри сәр зәрәш,
    Ә гуίуг мәчарун хүрдә дәрзәрәш.

    2439
    Ҝәрәклү нисдиҝә кор сохдәί ән сәр,
    Әгүлиш буррара мәдәбәр әз дәр.

    2440
    Рузә шәв сохдиҝәш ә чүл-биίобу,
    Һә ҝәнәш болуш сәр әз сәнг ниίо бу.

    2441
    Ҹәмәтәш ћүрмәтлү виниҝә чум тү,
    Хубә ҝоф мәниһош имбошу нум тү.

    2442
    Нәсдаҝә ҝәрдундә ҹәмәт ә дәсһош,
    Парс ҝүрдә нә тәћсо гисмәт ίә кәсһош.

    2443
    Ә ίә нәсил чарусдәнки тумһоίүш,
    Ҝузҝилүίә овһо имбу чумһоίүш.

    2444
    Ә гисмәт дәриҝә сәбәћи рузһо,
    Ә пишо мәдиров тәмәћи дузһо.

    2445
    Әз ночоги вәҝүрдиҝә тәрс пәлүш,
    Бил чумһоίү фурс нәдүҝу гәсдәлүш.

    2446
    Имбисдоҝә зиίод сохдә үмүрә,
    Лап ә сүрхиш мичарундут күмүрә.

    2447
    Ә бог-богчәί ән әшг-мүрбәт ҝүл бирә,
    Һич вәхт нитаί богбонлүίә дүл дирә.

    2448
    Әз хәίолу нәс рафдаҝә пәсәвош,
    Чү мисоху ә лоллүίә сәсәвош?

    2449
    Ә гәтрәһоί ворвориһо вомундә,
    Ә чор дувор нибу дустог домундә.

    2450
    Гурбучәлү сәс дорәнки ә ҹару,
    Думдумалү ә сәр зәниш мачарү.

    2451
    Ә сәр вәлҝ нүшүһо нәмирә хуно,
    Зир чумһоί хосдәҝор гәми нә муно.

    2452
    Сад ҹиро әлчиһо оморә вәдә,
    Әнчәг ίә тәкләрә виҹирә бәгдә.

    2453
    Ә дүлтү дәриһо васал чүл-чәмән,
    Зиндәҝун γлγҝи әри ҝүл Вәтән.

    2454
    Нәмәрдә гуҹундә ә шүгәм сари,
    Чү хуб ки, ә дүнίо мәрдһош амбари.

    2455
    Сәрбәрәћ сугдәίә Вәтәнә дирә,
    Хилоскор ән хәлгиш митанү бирә.

    2456
    Зән-шүвәр зиһисдҝә әίәки гушә,
    Ҝәрмә ош митанүт һәр тикәί нушә.

    2457
    Ворвори догитмиш сохдҝә муί сәрә,
    Ә мәнҝиш нитани бәһәм руί зәрә.

    2458
    Әбәди зүһүһо офто мәбош тү,
    Ә ћоләт мүрүίә бофтә дәбош тү.

    2459
    Күч бирә рузирә нә танустҝә хәлг,
    Јогин ки, әз мүрдәш зутә бирәί гәрг.

    2460
    Ә чүл-чәмән кәί ки, ίорлү миҝәшдүт,
    Ә ҹиб ίәхән ҝүл донорә ниҝәшдүт.

    2461
    Чугулбәнд расара ә бугоз бәсдә,
    Әхирдә ә хүшдәш мисоху гәсдә.

    2462
    Ночогһо тә хундә - «кәсмә шикәстә»,
    Нимуну нә овоз, нә сәс – шикәстә.

    2463
    Дγләдәрд ҝүрдәнки ә вәхт нәкуми,
    Сәнгәлү мофдони әз тәхт ән нуми.

    2464
    Лүҹүһоί ән шолә бофдә-бофдә тү,
    Сүрхә бәл ХУДОрәш митаί офдә тү.

    2465
    Силләһоί оҹизәш парт-парт дирәίи,
    Ә хүшдә домундәш - әз мат бирәίи.

    2466
    Кәширә нәфәсә кәί зәиф мидүт,
    Хиловә кор-борә тәәриф нидүт.

    2467
    Соворә ίә вәчә тә вәдәшәндә,
    Хоίәрә лүҝүлүш митани шәндә.

    2468
    Ә пишоί ониһо оширлү ҹәсдә,
    Әз шори пар зәрә, нибу вәҹәсдә.

    2469
    Ҝоф-ҝәләҹ кәсһорә вәчирәҝорһо,
    Ә мирод нирасү әз пучә шорһо.

    2470
    Сүрхиίә палтара вәкәндә әз тән,
    Түш ίәки имбоши ә гәд һәр ίәтән.

    2471
    Сип-сиίә муίһорә зәрәнки хинә,
    Ә хүшдә туш миίни әίнәһоί ҹинә.

    2472
    Хәҹәләт хурдәнки ә пишоί сурҝу,
    Сад болә мивини әз пишәj дурҝу.

    2473
    Әз сиίәһ ән әсму рүћә парундә,
    Шәвһорә ә рузһо нибу чарундә.

    2474
    Ә гәриш ән дәрίоһ лолә чә кутум,
    Һич мәћәл ниҝуίу: «Әз поίһош кутум.»

    2475
    Ә гәриш вишәһо ә фурм сүмүргуш,
    Инсон ниjо муну пучә үмүрбуш.

    2476
    Тазадан вәхсундә ћилләί ҹәнҹәлә,
    Шарпа-шарп низәнүт силләί пәнҹәрә.

    2477
    Руз-бәрузлу воҝошдәнки пәсәво,
    Ҹар низәнүт ә лол бирә сәсәво.

    2478
    Әз дуст-тониш ћәл бирәнки омуну,
    Шәмәләлү сухдә-сухдә мумуну.

    2479
    Ә бәди кәс хәндүстиҝә ίә боләш,
    Хүшдәни тү миίофдони ә боләш.

    2480
    Әз сәћәри вәхүшдәмунд зу әз хов,
    Хәндә вошән һәм ә чумһо, һәм ә лов.

    2481
    Ҝирошдә рузһорә ҹарундә сәр ҝоф,
    Гургушун ћәл мәсох ә һәндәвәр ноф.

    2482
    Јә фоίдә нә доҝә сәрраста нишон,
    Әз кәллә мофдону һәм гәίгу, һәм шон.

    2483
    Сәрчирә тиҹәлү нә виҹирәҝор,
    Һомори руί мурав әз ҝиҹиίә кор.

    2484
    Оворә ҝәшдәнки ә фурм сәрсәри,
    ћисоб сох, ә дәстәί һозор шәр дәри.

    2485
    Ә гәриш ән Нимаз сәрнуш бирәҝор,
    Јә әнҹәг ХУДОлу митав дирә кор.

    2486
    Ә ҹәлә офдоҝәш әҝәр сәрһәдчи,
    Әри Вәтән хүшдә ниίо бу бәдчи.

    2487
    Бәдбәхти бәдиҝә дәр субоίирәш,
    Һич мәћәл мәдәҝи сәр тубоίирәш.

    2488
    Ҝирорә вәҝүрдә ә ћәвәсәвоз,
    Мәлћәмә мокоши ә нәфәсәвоз.

    2489
    Сәр чумә рушумбәнд хосдәнки инсон,
    Саламат моҝошду әз тәнҝи зиндон.

    2490
    Бәһәрһоί арзурә тәjтә вәҝүрдә,
    Винирә зәвәро нитанү ҝүрдә.

    2491
    Пәћәни бисдоҝәш ίә кәмләί әз ίод,
    Һә ҝәнәш хунәίү имбошу бәрбод.

    2492
    Ә ҹикәί нимәшәв оморәнки мәнҝ,
    Ә хосдәί дүләвоз чү оси, чү ҹәнҝ.

    2493
    Јә хүшҝә чүп нә мундәнки әз шону,
    Хушә рузһо әз зувуниш мофдону.

    2494
    Ә гәмәвоз вәћш бирәίҝә тү әз хов,
    Нум ХУДОрә һозор бо кәш ә сәр лов.

    2495
    Аташ мүһбәт дарафданки ә гәд ҹун,
    Јә мисголлә чорәш нибу ә бәдмун.

    2496
    Ҝировундә сүрхә рузһоί ҹовони;
    Ә тоорих вәмунуһо – зомони.

    2497
    Ә бәш доћор кәί әз һүлиш ћол нибу,
    Әз оһ кәшһо рүгән дүлиш ћәл мибу.

    2498
    Ҹузлаһоί базурә гәбәрлү дирә,
    Әз сурр әшг митани хәбәрлү бирә.

    2499
    Әз күкү тә фәсил васал парусдә,
    Јә мәһиш митанү ә сал чарусдә.

    2500
    Зувун севҝилирәш нә варасирә,
    Ә мәтләб зутәтәш нибу расирә.
  8. Shaul Guest

    Симпатии:
    0
    Баллы:
    0
    2501
    Вәрфһоί гугһо ворихдәнкиш ћәл-бәћәл,
    Дог дәрәсүз нитав бирәш һич мәћәл.

    2502
    Дүл дәдәίә воίисдәнки һә хош дү,
    Рафда рәћә бил пәсәвош воҝошду.

    2503
    Шоботә руз Сифир вәҝә ә кишә,
    Дугмәί ίәхән әз сүрх имбу һәмишә.

    2504
    Әз руί чуму парустиҝә миҹ шори,
    Ки муҝуίу: “Фәләк ҝуҹә тиҹ дори?”

    2505
    Пәрдәһоί әсмурә зәрәнки сәнҹәг,
    Әшглүίә асдара мусуху әнҹәг.

    2506
    Чат зәрәнки әз сүркәһоί ән воίҝу,
    Дәрдһоί илом ә зувунтүш нәίовҝу.

    2507
    Зувунлу кор-борә кәί митав бофдә,
    Сәвҝәндһо сал-бәсал од нитав офдә.

    2508
    Ә ләә-бәләә офдоҝә нун тү,
    Әз зүһун визориш имбошу ҹун тү.

    2509
    Ҹару зәҝәш сәр сифрорә чиҝәрәк,
    Гәһри бирәj инҹимиши чү ҝәрәк?

    2510
    Ә тики вәриҝә әләм Вәтән тү,
    Ҝовләjи рγћ мγдγ ә шорә шән тү.

    2511
    Мәлћәмә нә ҹусдә гүҹәгүҹ ίара,
    Ә пишоί ән мүрүм чогәгуч мара.

    2512
    Тәкәί ки, мүһбәтә сур хундәш нитав,
    Хосдәҝор хүшдәрә вурхундәш митав.

    2513
    Дүшмәһо вәнҝәсдҝәш ә миҝлә һәндәг,
    Әшгә чум ίә түрә миҝәшдү әнҹәг.

    2514
    Рачалү омоҝә духдәр ә хош тү,
    Дү кәлмә ҝоф сохдә, ҹиро мәбош тү.

    2515
    Чомогә - автамат чубони дирә,
    Һәр мәрдиш чүн ίә полк митанү бирә.

    2516
    Тәмизә дүлочуг һисдҝә севҝили,
    Басарат ән бәхтиш ни имбу гили.

    2517
    Сәћибсүз мундәнки ә сәίәг сәҝиш,
    Хушә руз нә дирә нә миро ίәкиш.

    2518
    Бинәлү дирәнки тоҹә әсүләш,
    Инҹимиш нисохут рачә әрүсәш.

    2519
    Мүшкилиш бисдоҝә чәтинә корһо,
    Ә пишоί бәдәсүл мәмун әз шорһо.

    2520
    Сәрини дирәнки сифирә дүлһош,
    Шовунлу мәҹәίү сүрхиίә ҝүлһош.

    2521
    Хунхурлүрә оси сохдҝә сәс шәниш,
    Чүн Нәсими кәндә миίов пуст тәниш.

    2522
    Ҝузәтлүίә гәрор нисдҝә дүл түрәш,
    Хокистәрлγ томом мәсох күл түрәш.

    2523
    Вәрфһоί догһо бирәниҝәш сад бо ћәл,
    Ҝүл гутинә ниίо паҹү һич мәћәл.

    2524
    Руί ίорә томошә нә сохдә вәдә,
    Тәмаруз хостәίи бәҝәм ә һәгг дә?

    2525
    Гәләтиһо овурдәнки биоди,
    Танусдәίи хүшдәнитүш ίә оди.

    2526
    Әз тари ҹарундә офтоίи бәхтәш,
    Ләзәтлү мусуху хүшҝ буһо тәхтәш.

    2527
    Танусдәнки ίә ћәмоли, ίә гоги,
    Әлогәрә бурраҝориш нәчоги.

    2528
    Кәίки тур ҹәирәш гурзум ә шәр до,
    Ә ҝовлә бирәнкиш фурсу мәҝәрдо.

    2528
    Хәндәί үмүр тәίтә вәри ә ловтү,
    Хисирәнкиш ХУДО бошҝу ә ховтү.

    2530
    Биинсоф-биинсоф тәрсундәҝорһош,
    ХУДОлу нитанү вәрзундә корһош.

    2531
    Тә ίә моч вәҝүрдә әз гутинәί ίор,
    Шикоίәт нә бошҝу әз бидинәί ор.

    2532
    Сүрхәлү пур сохдә мүшүк чәίтәнә,
    Әз мүрүм нипоίни чүк-чүк сәр-тәнә.

    2533
    Биовун варафда ә гичәί ҹәнҹәл,
    Үшүгә корһоίтү нә бошҝу әнҝәл.

    2534
    Јγргәлγ бисдоҝәш сиίә шәритү,
    Хүшдәрә ХУДОлү биίо бәри тү.

    2535
    Хокисдәр бирәнки ћүрмәт әлчәгһо,
    Сүрхә бәхт нивүнү гисмәт ләгләгһо.

    2536
    Ә миҝләί чәтини дирә ћовурә,
    Ә хәндәί хушбәхти вошән ловурә.

    2537
    Тә нәшдәр пәнҹәрә мүћкәм нә зәрә,
    Дүшмәрә нитани ә хок дәзәрә.

    2538
    Вәтәнә хосдәҝор бисдоҝә һәммә,
    Ίә кәсиш ниҝуίу: - Дәрίоһи гәм мә!

    2539
    Ә дүшмәί ίодәвоз әри ҹәнҝ бәрдә,
    Гисмәтә мәхун ки. ә битәнҝ шәр дә.

    2540
    Һәр ҝофә зу рәћо дорә әз ләә,
    Бәгдә ҝузәт мәсох чорә әз бәә.

    2541
    Миҹ зәћмәт нәдәҝә ә кон ән дүлтү,
    Ә хирмон бул нибу һич вәхт тәхүл тү.

    2542
    Әҝәр бисдориҝә гәним ән дуст тү,
    Хәтокор мүзүһү ә гәриш пусттү.

    2543
    Хүшдәрә бәрдиҝәш оголү, бәҝлү,
    Ә хори нәс мундә дог дәҝәнәҝлү.

    2544
    Әгүлә бәрдәнки ризлүίә хунһо,
    Ә ҹәннәт нидаров бизлүίә ҹунһо.

    2545
    Мурдара корһорә шәлә зәрәҝор,
    Лиҝимлү хүрд имбу әз һәр шәрә кор.

    2546
    Чүкә-чүк сохдиҝәш әри од бирә,
    Әз нәдан нитани ίә әвлод дирә.

    2547
    Ҝовләίи хосдәҝор әри хок Вәтән,
    Палтар салдатирә мокуну ә тән.

    2548
    Ә шорә мәҹлүсһош гәзәблү нүшдә,
    Мәстиһоί ән кәίфә ни имбу күшдә.

    2549
    Дәрдәҹәр-дәрдәҹәр рγгән рихдәҝор,
    Гурлүίә говрәрәш митав вихдә шор.

    2550
    Ширлγ нә әсәллү һисдиһо хори,
    Ҝовләίи нә динҹи әрчү нә дори?

    2551
    Ә хунтү нә дәҝә хәрәби сохдә,
    Хүшдәрәш митани әрәбир хосдә.

    2552
    Әз гәдәр зиίодтә нумә фушәндә,
    Ә кәм-кәс ни имбу дүмә вошәндә.

    2553
    Әз ХУДОί Овроһом нә тәрсирәҝор;
    Ҝоф шини: «Чумһорә әри әрси дор!»

    2554
    Ә гәрбол нивәнүт тәмизбәнд сура,
    Норә рәћ ХУДОрә әзизбәнд бура.

    2555
    Әлчәгә әз ίонтү тәίтә рәдд сохдә,
    Тә мүрдәш митанү әнҹәг бәд хосдә.

    2556
    Тиб-талан дирәнки һисди-нисдирә,
    Ки митав зүһүсдә сади бисдирә?

    2557
    Хәләίиг ίә үлкә бисдоҝә уίог,
    Јә мүргиш низәнү зурбалүίә дог.

    2558
    Мүшдлүίә гопозә вәҝүрдәҝорһо,
    Оголү, бәҝәлү нәс ҝүрдә корһо.

    2559
    Гизмишә садана әз чум норәҝор,
    Ухшәри, - ә хүшдә һүҹум дорәҝор.

    2560
    Ә һәлгә дәίишдҝә ән хубә дустә,
    Ҹәннәтә нитанү әз тубә ҹустә.

    2561
    Гәзәбә рихдәнки ә хүшдән – хүшдә,
    Додһоίу кәм нибу нүшдә-вәхүшдә.

    2562
    Разилуг винирә әз ХУДОί Миши,
    Нуборә мәҝири әз Тироί Киши.

    2563
    ХУДОлү вәћш бирә һәр сәбәћмундә,
    Тирорә митани әз тәмәћ хундә.

    2564
    Шор бирә воίисдҝә түрә тә әхир,
    Јодһорә тоί мәсох һич вәхт ә нәхир.

    2565
    Рәћәти нә дирә ҹәндәҝ одоми,
    Хүшдәрә имбәрү ә фурмәί хоми.

    2566
    Ә пәсә-пишоί тү пурикә садан,
    Хүшдәрә һич мәћәл бүзүрҝә нә дан.

    2567
    Әлчәги тәкәί ки, ә тики ниίов,
    Чүк-чүкиш ә тәһәр нүк-нүки миίов.

    2568
    Хунәриҹ дирәίи әз бәди һәлгә,
    Ә ҹиҝәί хубиһош зулм мәди хәлгә.

    2569
    Әз сәхтә ҝәрмиһо руί чарундәҝор,
    Әз ҹилит митавми суί парундә шор?

    2570
    Дог сүрхи һисдиҝәш залумә ίодә,
    Тоорих нидору бәднумә одә.

    2571
    Сәдигә инсонһо кура бирәнки,
    Ә Нимаз һич нибу тәнҝи нә ҹәнҝи.

    2572
    Ә ворһо, дәвләтһо тәίтә расирә,
    Әз богчәί дүл хүшдә ки вамасирә?

    2573
    Рәћәти нә бирә ә динҹи ҝиро,
    Әз рәћиш мумуну ә минҹи Тиро.

    2574
    Аташа палундә әз дорун чумһо,
    Сифәтә ҹүх мәди әз ор бәднумһо.

    2575
    Ә ҹиҝәί вонорә шәләί һәр кәсә,
    Јә вәхтиш ә зир хун мәҝи сәр дәсә.

    2576
    Ә гәриш ћовурһо, әз рури-бури,
    Базурәш һич нәбу дурри әз зури.

    2577
    Зәвәрһоί һүндүрә әри воίистә,
    Сүлмәсүз ҝәрәки ә тик поίисдә.

    2578
    Әз дорһоj ән сибиш тә бәһәр чирә,
    Гәjгурәш ҝәрәки әз сәәр дирә.

    2579
    Сифирә вонорә ә гиҹог – кишә,
    Јә дүләш хүрд мәсох ә сәίәг шишә.

    2580
    Хәҹәләт хурдәнки ә пишоί ән ίор,
    Әз чумһо офдорә, нә мир чүн әгίор.

    2581
    Кәί ки, тәбиәтә гәддарү мибу,
    Тәрсһорәш, ләрзһорәш гәдәрү нибу.

    2582
    Әз бәбә нә дәдәί хуши вәҝүрдә,
    Һәр куку хүшдәрә ίә киши ҝүрдә.

    2583
    Синәсов бисдоҝә зәнгәблә әҝәр,
    Һәр әрүс дод мидү - ә дәәм шәкәр.

    2584
    Ҝәрдәнә гир ҝүрдә, тә садбо хоштү,
    Гәрхундә нифриһо бил нә воҝошдγ.

    2585
    Ә ίә болуш сәр нә ноҝә зән-шүвәр,
    Зиндәҝуни нә сүрх имбу, нә ҝүвһәр.

    2586
    Бәдбићисоб вадарафдҝә әз әрә,
    Әз гуг кәллә сәнглү мурав ә дәрә.

    2587
    Ләзәт мугом кәί әри ҹун һәрчүни,
    Кар буһорә, овоз ошуг әрчүни?

    2588
    Воруш хәjри рихдә-рихдә ә сәртү,
    Бул бәһәриш тиίи имбу ә дәр тү.

    2589
    Сәрвәтлү бирәнки ов никәрәһо,
    Гурзумһош мәбүрҹү ә гәд кәрәһо.

    2590
    Кәί русмуί космосиш ә дәрзә ниίов,
    Доћорһо нә догһош ә ләрзә миίов.

    2591
    Әз чүлкһоί сәр-тәни мундҝә бирази,
    Ниҝуίут: «Ә ћамум нә ов, нә тази.»

    2592
    Һозор бо рүхшәнди сохдиҝәш ә хәр,
    Чәтин ки ίә һимәш офдону ә сәр.

    2593
    Јәново бисдоҝәш, ҝофә нә бурра,
    Зинҹирә нәс бирә расалү дурра.

    2594
    Ҹигирлү бисдоҝәш ә тәһәр гүҹүм,
    Күмүрлү мусуху гәчорһоί һүзүм.

    2595
    Ә зир гәрги ҝәрми тә овә хурдә,
    Һәшданки митани ә кәфән гур дә.

    2596
    Туборә вәҝүрдә әз ҝүлсәбәћи,
    Офторә ҝузәт сох әз дүл тәмәћи.

    2597
    Јәхәнһоί синәрә әри зарундә,
    Сүрхә әз зир хори имбу парундә.

    2598
    Гәрболлу нә бирә мәћтәл тәбиәт,
    Һәчи гүч нибисдо әмәлһо һәлбәт.

    2599
    Ҝәрмиίә үшүгә нидоҝә офто,
    Ә ҹәндәҝ ән хориш бәίә миίофдо.

    2600
    Саламат мундиҝә әз кәлә тубо,
    Һозор бош имид дор ә рәћми ХУДО!
  9. Shaul Guest

    Симпатии:
    0
    Баллы:
    0
    2601
    Зурбалү офдоҝә ә дәс мәлкомут,
    Ним-ноһог хинәрәш нисохут ковут.

    2602
    Кәләтә нә нүшдҝә ә гәриш шори,
    Һәшданки пәсәво чәрх мурав хори.

    2603
    Әз әвлодһо дүлтү нисдҝә динҹәлγ,
    Соворәлү миҝириси хинҹәлγ.

    2604
    Һозор ҹүр ҝоф дарафдәнки ә ҝуштү,
    Сугдәлγ виҹ - коми омо ә хуштү.

    2605
    Рури-бури тә сәр дүлә сохдә ћәл,
    Ләрзирә гул ниίо боши һич мәћәл.

    2606
    Әз дорун дүл кәшириҝәш гәмә ох,
    Дүруίәрә чүн сәҝ кучәш фәм мәсох.

    2607
    Чγн хорәһо вихдәниҝә хорушһо,
    Әгүл сәрә бил нә бәрү хомушһо.

    2608
    Бир-нәбирә кәί ки, томом вор дори,
    Хүшдән түрәш митав бәрдә ворвори.

    2609
    Јә боίҝәш әз дәдәί бисдоҝә инсон,
    Бәлкәш әри хуби миίофу имкон.

    2610
    Ҹузләί түрә тә вәҝүрдә һәрдовлуш,
    Бовор мәсох нә уίоглуш, нә ховлуш.

    2611
    Һә шәклү мундиҝәш әз дәс дүлочуг,
    Нишонә ни имбу әз мүшкүл ίә дуг.

    2612
    Әнҹәг әри хуби ә суррһо дәбош,
    Хунә вәчарундә, гγсурлу мәбош.

    2613
    Јәкиләί ә гәдү нә дәриҝә соф,
    Киһорә ҝәрәки һозор пучә ҝоф?

    2614
    Нүвүсдә ҝофһоίтү омоҝә ә хош,
    Тәрифһо ә сәртү имбошу шобош.

    2615
    Ә ХУДО, ә Тиро бовор нә сохдә,
    Дурә рәћ ҹәннәтә һомор ки хосдә?

    2616
    Ә һүнәрбәнд әри лоίиг вәрзирә,
    Һич вәхт нибу ә фурм ίозуг ләрзирә.

    2617
    Ҹун согирә әз һәрчү кор пәс дирә,
    Нә хисирә, дγлиш рәћәт нәс бирә.

    2618
    Әки шүвәр, шәвлү-рузлу виз дорә,
    Хүрдә-хүрдә ҹунә нибу висторә.

    2619
    Һүндүрирә әри бивәхт сар дирә,
    Әз бурҹинә ҝушиш митав кар бирә.

    2620
    Хостәίи тәίтә ки, рәћ сузов дирә,
    Бәһәр дор әшглүһо тәлћ нитав бирә.

    2621
    Бәбәлү-дәдәίлү зүһүсдҝә әίил,
    Ә воjәj хушбәхтиш имбошу мәίил.

    2622
    Сал-бәсал синәмиш сохдиҝәш ίорә,
    Сүрхлүбәнд һәмишә митав тов дорә.

    2623
    Ә холчә суί зәҝәш әҝәр сәрмәшуг,
    Ҝүлһосүз чүл-чәмән нидү ίарашуг.

    2624
    Руз-бәруз нәсдаҝә хурдә ҝәрмә ош,
    Ә динчә лүгәί нун һич вәхт шәр мәбош.

    2625
    Түндә әшг дүлүрә сохдиҝә ίихмиш,
    Ә ίонтү бирәнкиш имбу дорихмиш.

    2626
    Боворим бисдоҝә ә кәлмәһоί ίор,
    Бор-бәһәр мичини әз кошдәίһо дор.

    2627
    Гәнәтлү пар зәҝә гувотлүίә гул,
    Һүнәрлү имбоши ә ҹәннәт гәбул.

    2628
    Чәхә сәр дүшмәрә әри дәҝүрдә,
    Һоворә ни имбу хәри вәҝүрдә.

    2629
    Мәсләћәт сохдәнки ә сәррафавоз,
    Сүрхәлү мәћ нидүт ә зәррафавоз.

    2630
    Годолу мундиҝә ә зәнтүрәвоз,
    Балаһош шор имбу ә шәнтүрәвоз.

    2631
    Ҹовонә нәсдаҝә овурдә ә рәћ,
    Дог сүрхи кәшф нибу әз воίәί тәмәћ..

    2632
    Әз хүшдән ән хүшдә тәрсирә бәгдә,
    Јогин, ә шүгәмү ίә новур бәг дә.

    2633
    Әнҝүлә бофдәнки ә добог – тирίох,
    Хурдә чи сәбәћә әз гәίмог шир сох.

    2634
    Пәрвонә сухдәнки әз ћәсрәт шәәм,
    Нишонәш ни муну әз ћәзмәст jә кәм.

    2635
    Локоһоί хунирә ҝүрдҝә зир поίуш,
    Әз әίнә мәдиров хурдә ширһоίуш.

    2636
    Әз гәлпә вәҝүрдәί зобунә садан,
    Хәҹәләт хурдәрә һич уҹуз нә тан.

    2637
    Әз фикир парундә тохә-тох зәћмә,
    Инҹимиш бирәнкиш вир мәсох рәћмә.

    2638
    Имидә нә бәсдә ә сәбәћи руз,
    Зу тәләф имбоши әз дәс һәр гудуз.

    2639
    Әз хотур ҝиснәίи иштоһ вәбәрдә,
    Чү бисдо ни имбу ә ләә бәрдә.

    2640
    Имисал гәм хурдә әз дәрд ән пирор,
    Әз гиίрәт мәрдίәти әз һәд мәҝирор.

    2641
    Үшүг мәнҝ нә офто тә нәбошу дуз,
    Әίәки тән нибу ћγрмәт шәв нә руз.

    2642
    Бәһәрә нидошдҝә әз воруш, әз вор,
    Вәлҝһорә ним-ноһог ҹуниш нидо дор.

    2643
    Әбәди мүрдәрә гәрхунд нә хостә,
    Ә бәндә ингәдә хуби ки сохтә.

    2644
    Мәлћәмлү ә сәр ҹун нә вачарусдә,
    Ә хокиш митанү зу дачарусдә.

    2645
    Әз хуби, әнҝүшдлү, бисдоҝә бурбу,
    Јә кошдә гәләмүш һич ниίо ҹур бу.

    2646
    Хиникә полада кәίки никуίут,
    Әίәки һәмишә ҹон-ҹон миҝуίут.

    2647
    Әз нумә ҝүрдәίи рафдҝә зәћләίүш,
    Ә зәћәр мичарү тимор мәћләίүш.

    2648
    Бушәлмиш нә бирә әз ћүршһоί ән дүл,
    Михәнәт мәдиров гәсдһоί мәмизүл.

    2649
    Әгүлмәнд – зиһимә хәрҹ сохдә вәдә,
    Һәмишә митавми бор чирә бәгдә?

    2650
    Зимиләрз ҹумундҝә хунәрәш тир-тир,
    Соворә әίилә чү тәрс, чү фикир?

    2651
    Хостәίи зән-шүвәр нә бисдоҝә кәм,
    Јәкирә чүн магнит микәшүт мүћкәм.

    2652
    Чиҝә ҝоф зувунә тәίтә ҹогундә,
    Биовун буһорә нивоί догундә.

    2653
    Хәрә – хәр ҝуфдирәт, гәтүрәш – гәтүр,
    Әри әсб нум дорәш ки бисдо ћәзүр?

    2654
    Чорәίтү вомундҝә ә биҹ-мәмизүл,
    Ә сүркә мичару тиҹә гәми дүл.

    2655
    Рач ћәзүр бирәнки һәр әнҝүшдәри,
    Ә гисмәт субоίһош ә учир вәри.

    2656
    Әрәгиш нә рихдҝә әз бәдән – тәнү,
    Тәмбәлбәнд әз һүнәр ҝоф нивәнҝәнү.

    2657
    Сип – сиίә думонһо офдоҝә әз ћол,
    Һүндүрә доћорһош нидәҝүрү шол.

    2658
    Пәнҹәлү ҝүрдәнки әз бугоз ҝәрдән,
    Һәр пилиг ίә ухиш бирәни һәрдән.

    2659
    Ҹәм вәлҝһо рихдәнки ә руί ән хори,
    Рәћ-рүвәћ вир имбу әз ћүкм ворвори.

    2660
    Шәмәлә әз биод сухдәнки зобу,
    Хәрәбһо әз хубһо зиίод ниίо бу.

    2661
    Софә әшгтү гул –гәнәтә дорәнки,
    Әз һозор ҹүр хәίол бәндһо чү тәнҝи?

    2662
    Әз ховһо хүрд нисдҝә тәшнәίи тәмәћ,
    Хурузбәнд мәвәхис һәр пишоί сәбәћ.

    2663
    Сад ҹиро фикирһо омоҝәш ә сәр,
    Һәммәрә ни имбу дирә тәвәсәр.

    2664
    Хосиίәт түндирә әри хошундә,
    Шγһрәтә - хоίәлү нибу вошундә.

    2665
    Әз мигдор овунһо кәί ә тубо вә,
    Рәћмиһо, зәћмиһо ә дәс ХУДО дә.

    2666
    Бәбә-дәдәί әрисиjә кор дирә,
    Дүлә хуно, чумиш митав шор бирә.

    2667
    Кусов һүзүм нәс сухдәҝә ә тову,
    Садҹүр дәрдә дүлиш биίо вәтову.

    2668
    Әз хотурәί хүшдәни тү дорә бәрг,
    Хәлолуши бил нәίовҝу әри хәлг.

    2669
    Һәр тарафлү ошкор нисдҝә гәриш дүл,
    Јовош-ίовош митав бирә сәриш күл.

    2670
    Шәфтә дәсһо рихринҹ мундҝә әз тәвәр,
    Дүздлү нибу диίә бүҝүр – һәндәвәр.

    2671
    Пишоί рәћә сад бо ҝүрдҝәш һәдәхун,
    Нүкәр мәбош әри биһәгг бәдә ҹун.

    2672
    Ә ҝофәвоз бирәниҝәш һә гурбунд,
    Ә гошәвоз рүхшәндирә ки бурбунд?

    2673
    Ә ҹәлә офдоҝә мүшкүли хуниш,
    Јә дәдәί миҝрисү әз дүли-ҹуниш.

    2674
    Ә пишоί рүћбәдлү шәх поίисдәҝор,
    Әз догһоί ән сүрхиш нәс воίисдә вор.

    2675
    Поίһорә лүнҝәлү овурдә-бәрдә,
    Ҝәндүмлү нитанү воίурдә дәрдә.

    2676
    Чогәгуч бирәнки әри дуст-тониш,
    Хүшдәрә нибәрүт ә сәίәг хониш.

    2677
    Ә чолә дарафдҝә әз расәί чугул,
    Гувотсүз – базусүз мумуну дү гул.

    2678
    Тирорә вәҝүрдә нә хундҝә сәслү,
    Овозә нитанү дорә нәфәслү.

    2679
    Ловгорә ә ҝәрдә вәҝүрдҝә ίә мәрд,
    Ухшәрлү ниίо бу ә әдәш нәмәрд.

    2680
    Расундә нәсдаҝә хәрҹи хунәрәш,
    Ә гумор нивәнүт мәрҹи мунәрәш.

    2681
    Нәбәләд-нәбәләд рәћә буравһо,
    Әз ћоләт мофдону әз сәҝәравһо.

    2682
    Сәрдуллу мундәҝор әз дәс ворсүзи,
    Хәҹәләт ниίо бу ә фурм шорсүзи.

    2683
    Боҹормиш нә дирә әз гәлизә кор,
    Шор хәбәр нишини әз әзизә ίор.

    2684
    Гиίбәтә вәҝүрдә ә гәсд ћүршәвоз,
    Һәшданки раст миίов ә нәфс хүрсәвоз.

    2685
    Јә кәмләί ићтибор әри вәчирә,
    Догһорәш ә сәр дог нибу дәчирә.

    2686
    Хәндәлү омоҝә руί-бәруί ән ίор,
    Доћорһоί алмазиш мачару әз кор.

    2687
    Әз дури винирә, вирихдәҝорһо,
    Әз сундуг мәһәббәт нәс вихдә шорһо.

    2688
    Зир чуми фәм сохдә, Мәҹнун бирәҝор,
    Ә мγһбәт дүләвоз нитав дирә кор.

    2689
    Фирәһә дүлһошу бирәнки тиб-тәнҝ,
    Дүшмәрә рүћ нибу ә гәтрәίә ҹәнҝ.

    2690
    Ә тәһәр доћорһо вачарусдәҝор,
    Туборә мәҝүрү әз һәр ҹусдәҝор.

    2691
    Ә нәћси офдоҝә зиһим одоми,
    Сәнгәсор имбошу зувун овоми.

    2692
    Лугондлу вокундә чоләί бәдирә,
    Шидралү мизәнү ноләί гәдирә.

    2693
    Чүкәнок дарафдҝә ә лугонди дүл,
    Әгрәбиш импоίу әз бугонти күл.

    2694
    Гәлхәндлү поίуһо ә пәсәί ҹәмәт,
    Ловоһо мирүхү әз кисәί рәћмәт.

    2695
    Һоворә сухундҝә ҝүм бирәнгинә,
    Хурдәрә мокуфи әз бим һингинә.

    2696
    Јәр-ίәмиш нә кошдә ә синәί бусду,
    Јә ћүрмәт нивүнү бинәί зимусту.

    2697
    Ә һомбор донорә бир нә бирһорә,
    Әз асфалт никәшүт зир фәгирһорә.

    2698
    Бәхиллү-бәхиллү хәндүстәҝорһо,
    Сиркәлү чат бирә әз ҹусдә корһо.

    2699
    Мәрдίәти хүшдәрә әри вәрзундә,
    Хубирә ҝәрәки һәгглү фәрзундә.

    2700
    Сәровнәί зән-зорә дошдәнки орә,
    Ә хори мишәнүт сәчкуί биорә.
  10. Shaul Guest

    Симпатии:
    0
    Баллы:
    0
    2701
    Нәвәһо, нишрәһо шор бирә вәдә,
    Говрәһош ә ҹәннәт мичару бәгдә.

    2702
    Номусә поί зәрә ҝирошдәҝорһо,
    Бор – зәћәр мичүнүт әз кошдә дорһо.

    2703
    Руί-бәруί поίисдә ә ћүҹәтәвоз,
    Рурирәш мәпусун ә күмәћәвоз.

    2704
    Килитә вонорә ә ловһоί ләә,
    Бәһәмлү минүшүт ә товнәί ләгә.

    2705
    Нәшумо ә һово тәίтә пар зәрә,
    Дәрίоһиш митанү һәчу шар зәрә.

    2706
    Хәрһорәш ә ҹиҝә нушундәҝорһо,
    Хунһорәш овәлү душундә орһо.

    2707
    Әз әсбһо, әз хәрһо кәίки хәίр дирәт,
    Гәдимә инсонһо поίдәлү бирәт.

    2708
    Ә тәһәр давшонһо хурдә зәрдәрә,
    Ә догһо пиίодәш митаί сәр зәрә.

    2709
    Гобһорә буш сохтә ә фурм чиҝәрәк,
    Хүшдәрә суί мәди ә рәћми мәләк.

    2710
    Ә вәхтү рүћәлү тә ворихдә ҹун,
    Әз пошнәί ән поίтү ћәл нә бошҝу нун.

    2711
    Тәίтә вәбурҹундә ίә гурзумләрәш,
    Ичҝирә нәфс нидүт ίә гуртумләрәш.

    2712
    Пәхүрә шоһирә әз бәлү ҝүрдә,
    Лγҝиίи нәфсүрә имбу вәҝүрдә.

    2713
    Нәчогә әз дүшәҝ вохусундәҝор,
    Әз чумһо митанү дохусундә шор.

    2714
    Вәҝирлү нисдиҝә зәифә шоһир,
    Равусдә имбошу вәзифәί моһир.

    2715
    Сүврүстә нәсдаҝә ә ћүрмәтәвоз,
    Ҹәнҝәсур мумуну ә хүр бәдәвоз.

    2716
    Гәләтә боләлү зүһундәҝорһо,
    Бул бәһәр ничүнү әз рундә корһо.

    2717
    Сәкунә ҝүрдәнки гунширә һәр боί,
    Әз дүлү ни имбу губ чирә сәр воί.

    2718
    Нишонә бисдоҝә овозәj сәстү,
    Гәләмһоj сүрхирәш мивүнү дәстү.

    2719
    Нәшәри пәхүрә нә күшдәҝорһо,
    Ә ҝузәт момунут ә хүшҝә дорһо.

    2720
    Ә софһо пәлүрә вәнорәҝорһо,
    Миравут әз могбун хуниίә корһо.

    2721
    Куралү бисдоҝәш әгүлһоί вәҹи,
    Әвлодәш ә дүнίо гимәтү әҹи?

    2722
    Бирорсүз-хәһәрсүз мундәнки ίәтим,
    Дәдәί руί мәҝүрү әз ћовоί гәдим.

    2723
    Мүнүксүз хурдиҝә ίә чирә әҝәр,
    Һәшданки, ширнирә вир сохдә шәкәр.

    2724
    Ҹавустә нәсдаҝә оһилмәнд нунәш,
    Бил нәмлү хуруҝу ә фурм ош-дунәш.

    2725
    Куίәлуг хүшҝиίә дорһорә дирә,
    Ҝүлсүзә богчәһо бичорә бирә.

    2726
    Јәр-ίәмиш, ћәр-ћәвγҹ вәбуһо бусдуш,
    Тәәди нисоху әри зимустуш.

    2727
    Мәћтәллү мундәнки әз әдәб-ориш,
    Сад ҹиро һомбор дә ә шүгәм хориш.

    2728
    Хәләίиг бурбундҝә әгүл тиҹирәш,
    ХУДОсүз рәћбәрә нибу виҹирәш.

    2729
    Хостәίи гоһумһо мундәнки сәдиг,
    Рәћмиһоί ән ХУДОш сәлт имбу дәгиг.

    2730
    Ширирә әз ҝушди хурдәнки ҹирош,
    ХУДОлу имбоши ә Тиро ҝирош.

    2731
    Ә пишоί кәләтә сохдәнки гәләт,
    Сад сали ћүрмәтиш имбу ләтә-ләт.

    2732
    Муίһорә шунәлү зәҝә ворвори,
    Муҝуίут: «Әз Шоһдог гуног омори!»

    2733
    Әз Вәтән - диjори бирәнки ҹиро,
    Һозорбо ћәлоли вәҝи әз Тиро.

    2734
    Сәҝәлү ҝүрдәнки пишоί ән рәћә,
    Равусдәш гул-гувот мүдү тәмәћә.

    2735
    Тиҹәлү ҝоф зәҝә әз биноһоги,
    Муштулуг, әбәди, пәнҹ митро оги.

    2736
    Дусти дү ћовурә зәрәнки әлчәг,
    Јә расаί горинәш кәм имбу әнҹәг.

    2737
    Бор-бәһәр овурдә лүҝәί – будогһо;
    Ҹүр-бәҹүр дод мидү ә сәр булогһо.

    2738
    Варафда нәсдаҝә ә кәлләί ән дог,
    Руз түрә ҝировун ә богчә, ә бог.

    2739
    Ә сифро вомундҝә ҝәнә нун-кәрәш,
    Сад ҹиро әзоби ίәтим мундәрәш.

    2740
    Кәләлү, чүкләлү ίәсир мундә вәхт,
    Әз нәсил кәм имбу ХУДОлүίә бәхт.

    2741
    Мурдали ән нәфсә мәлүм сохдәҝор,
    Әз сугдә әзизиш нитав хостә кор.

    2742
    Рачирә вир сохдә әз ләгһоj пири,
    Ҝирошдә рузһорә әз һәгг ниҝири.

    2743
    Сүпүлтү ҹәгүстҝә әз ҝофһоί нәвәш,
    Тәмаруз нимуни ә туфһоί дәвәш.

    2744
    Корһоίтү дуз нисдҝә ә сәр тирозу,
    Бизмудә ҝофһорә ә шәр ҝиро ҝу.

    2745
    Зомонә чәрх хурдә ίәбо әίә сал;
    Ҝүлһорә вошундә ә мәһһоj васал.

    2746
    Чухури дарафдҝә ә руί сифәтһо,
    Бишәркиш мәҝүрүт әз гәдә-гәдһо.

    2747
    Нәсиһәт вәҝүрдә әз кәлә мәрдһо,
    Поίһорә нидәни ә ҹәләί дәрдһо.

    2748
    Нәданһо ХУДОрә офдоҝә ә сәр,
    Товушә митанүт дирә тәвәсәр.

    2749
    Ә ҹиҝәί бәләдчи ҝүрдә хүшдәрә,
    Әз товнәj бәбәһош гәрбол ки зәрә?

    2750
    Лулаһоί ҝиίовһо зоί бирә ҹиҝәш,
    Әз ћәсрәт балаһо мүмрү морчиҝәш.

    2751
    Мувәћә гәтрәлү инҹимиш сохдә,
    Әз әлү ни имбу дод кишмиш хосдә.

    2752
    Ә ҝузҝи ән чумһо әдәбсүз мундә,
    Ҝүлшәнә ҹәннәтә ни имбу рундә.

    2753
    Рәћһорә әз ίәки дуров хундәҝор,
    Дәрһорә әшгәлү зу вокундә шор.

    2754
    Голиндә лүҝәһош овурдәнки бор,
    Хүшдәрәш нәсиллү митав хундә дор.

    2755
    Әшглγjә духдәрһо ҹәсдәнки вори,
    Муίһорә муҹумну ҝуҹһоί ворвори.

    2756
    Вәлҝһорә тәрҝ дирә әз кишәί хүшдә,
    Боглγjә ҹәм дорһо ә ҝирίә нүшдә.

    2757
    Гинголһоί бәһәрһо ә хок дәнүшдә,
    Јә нәсил дор моров әз сәри хүшдә.

    2758
    Сурһорә пәћәни дошдәҝорлүһош,
    Суί зәрә ә ҹурдор кошдәҝорлүһош.

    2759
    Әгибәт хәίирлү нә бирә вәдә,
    Ә хок чарусдәίиш, мүтләг, ә һәгг дә.

    2760
    Хәндәлү, ҝирίәлү мундәнки нәфсиш,
    Ә шори нә бәди бәхш бирә әрсиш.

    2761
    Вәфосүз бирәрә әләм ҝүрдәҝор,
    Ә ίәрәг ничару әри мүрдәҝор.

    2762
    Сугдәлү хосдәнки әзиз хүшдәрә,
    Ҹәндәҝһоί нәхоίһо тәмиз хүшҝ зәрә.

    2763
    Мәһәббәт әίили сухундәнки ҹун,
    Дамарһоί ән дүләш вачарундә хун.

    2764
    Вәҝирлү нүшдәнки ә хунәί хүшдәш,
    Ә ћүрмәт мидобу тәίтә вәхүшдәш.

    2765
    Ә соίәί ән дорһо бәндлүίә ίорһо,
    Нумунәί сәдиги әри боворһо.

    2766
    Әҹәһо бисдоҝәш ίә бәбә әҝәр,
    Һәҝәнәш кифләтγ имбошу шәкәр.

    2767
    Јә хәто нә дирә инҹәίә сәр-тән,
    Јә тугәί әнҝүләш ћитиίотлу зән.

    2768
    Мәһәббәт сүрхирә соф дошдәҝорһо,
    Богбонлу ләрзирә чүн кошдә дорһо.

    2769
    Вәҝири бәбәһо кәίки – гәшгәίи,
    Ә холуш, ә ләләш ћүрмәт бәшгәίи.

    2770
    Чәмүстҝә, әдәтлү, һәр норә поίу,
    Һәр ίәтән нирасү ә чорәί воίу.

    2771
    Асдара сухдәнки ә космос пар-пар,
    Рузҝориш дәҝүрдә ни имбоши тар.

    2772
    Ранҝлүίә ҝүлһорә ов дорә вәдәш,
    Лоләлү: «Сог боши!» Муҝуίут бәгдәш.

    2773
    Ҝүлә хуно әри бәхтә вокундә,
    Нум Тирорә нибу әз дүл покундә.

    2774
    Јозугбәрлү дүл дорәнки бићолә,
    Ә ов дәрίоһ нишон мәди ίә холә.

    2775
    Дәрди-сәрә тә вәчирә әз дүлтү,
    Әгрәбүрә бикор мәίил әз лүлтү.

    2776
    Ә һәндәвәр ән гопуίтү дирәнкиш,
    Ҹунвәҝирә әз зувун кәш, зирәнҝиш!

    2777
    Огулуίә зәћәриҝә ίә хәндәш,
    Әз мәһәббәт дуίмиш нибу ίә бәндәш.

    2778
    Тә очмиш бирәjи сүрхиίә бәхтһо,
    Ә гәчор мичару парчоһә тәхтһо.

    2779
    Ә ҹиҝәί ән ҝүлһо чириҝә гәмәш,
    Ә буг мичаруни әшглγjә дәмәш.

    2780
    Севҝили гәһрилү бирәнки ҹиро,
    Ә чубуг мичару ә тәнҝи ҝиро.

    2781
    Чәхәбәндлү ә гәсд ҹунтү поίисдә,
    Динҹ говрәрә зутә нибу воίисдә.

    2782
    Ә тәхлћә шәв кәί торики хов нидү,
    Әз офтоί руз үшүгмәндиш тов мүдү.

    2783
    Әз хәίолтү парундәнки фүрсәтә,
    Әз зиһими ән дүләвоз пүрс бәдә.

    2784
    Ә зувун нә ловһо нә ҝәшдҝә нумтү,
    Ҝулләίә тоί-тушлу нә бошҝу чумтү.

    2785
    Биίовһо рузһорә нә дорә гимәт,
    Очилмиш ни имбу софһоί әгибәт.

    2786
    Мисвоһоί одоми дорәнки бәргә,
    Ә чумһо мүвүнүт ҝовләίи хәлгә.

    2787
    Ләхтәрә зәрәнки хәстиίә хунһо,
    Ләхс нидү зирәнки мәстиίә ҹунһо.

    2788
    Ә ҹәрҝә поίисдҝәш ләшҝәр саданһо,
    Миидлү шор нибу ниίәт наданһо.

    2789
    Шивдоһо күкәлү бирәнки кәлә,
    Ә рәћһо ниίо бу нә чол, нә тәлә.

    2790
    Боләлү зүһүсдҝәш әҝәр бигәрор,
    Хосдәрәш һич мәћәл нишәнү әз ίор.

    2791
    Бинәһоί әсүлә шәфт ҹусдә-ҹусдә,
    Ә хокиш митанү сүст дачарусдә.

    2792
    Парусдә нәсдаҝә әз дәс мәгбуни,
    Ә тәнүί аташһо ниίо дог муни.

    2793
    Ә ίә бәндәш бәд әίнәһо нә расо,
    Нәфәс мәрдүм диίәш зутә варасо.

    2794
    Ҹофорә ә пучи вәдәшәндәҝор,
    Ә дүлһоί сугдәһош нәс дәшәндә шор.

    2795
    Һәмишә ћүрмәтдор бисдоҝә ҹовон,
    Јә тикәί ән нунәш нихуру ίовон.

    2796
    Сугдәлү нә бирә мәлћәмдорлуһош,
    Расдирә ни дорут әз дәм хорлуһош.

    2797
    Ә Сифир – Тироһо әри вәрзирә,
    Һәр кориш әз инсон митав тәрсирә.

    2798
    Ҝузәтлү мундәнки шәвһо нә рузһош,
    Әз Тиро мирүхү гәрболә дузһош.

    2799
    Ә мүгүр омоҝә ίә пучә сәрвоί,
    Гурбуни имбуру ίә гучә һәр боί.

    2800
    Вориһоί хунәрә дирәнки гугуз,
    Ҹунурәш митанү вәҝүрдә гудуз.
  11. Shaul Guest

    Симпатии:
    0
    Баллы:
    0
    2801
    Бичорә-бичорә jәлов рухундә,
    Ҹилидә дүлһорә нибу сухундә.

    2802
    Ворушһо чарусдҝәш ә кәлә саίлһо,
    Јә мγргиш ни муну әз ћол васалһо.

    2803
    Әз алмаз бәтәртә - сәхтә ҝәрмиһо,
    Гәддара дүшмәίи әри нәрмиһо

    2804
    Ҝуҹлуίә ворвори вокундә вәдә,
    Ҹарулуш митанү покундә бәгдә.

    2805
    Зимиләрз туфонһо зәрәнки нолә,
    Ҹәмәтә дәрд мидү зирәнҝи болә.

    2806
    Бәзиһо биинсоф вәдиромоҝәш,
    Ҝәрдәнхүрд мадаров, шор диромоҝәш.

    2807
    Ки митавҝә әри мундә тәвәсәр,
    Бәдә нумә ниίо вәнү ә гуг сәр.

    2808
    Видовлу-видовлу әрәг рихдәҝор,
    Әз хүшдә күшдәίи нитав вихдә шор.

    2809
    Әз болә ҝирошдә ә бәћсәвоз тү,
    Ә мирод нираси ә нәћсәвоз тү.

    2810
    Дузирә ә шәфти чарундҝә бәндә,
    Инсонәт растирә митани шәндә.

    2811
    Расундә нәсдаҝә хубирә ә хәлг,
    Хүшдәрәш, нәбуҝә, пуч мәсох ә гәрг.

    2812
    Мәскәнә дәшәндҝә ә гәрибиһо,
    Ҝәрдәнгир нә муно ә дәр гитиһо.

    2813
    Фәргү нисд мигдору кәми, амбари,
    Тәлћиίә мозолһош – зәћәр ән мари.

    2814
    Рүхшәндлү хәндүстҝәш мозоллγjә бәхт,
    Ә соги ҹун ҝиро уίог бош һәр вәхт.

    2815
    Нәләтә ә сәр хәлг тиһи сохдәҝор,
    Хүшдәнүш миҝрору әз бибәхшә кор.

    2816
    Чәнгәдә овуни сохдиҝә бим-бул,
    Үшүгәш тор миίни әз бәдә ҝилҝүл.

    2817
    Кумәксүз мундиҝә ә нәләтәвоз,
    Јә боίҝә дәс ниди ә ҹәмәтәвоз.

    2818
    Хунәһоί оширә сохдәнки талан,
    Хәрһоίуш мумуну әз сүрхә палан.

    2819
    Ә дүлһо дарафдҝә кинлүίә тәрсһо,
    Ә ворвор мичару ҹинлүίә ләрзһо.

    2820
    Үлүҝә әз добон тәίтә палундә,
    Әгүләш әз мувәћ нибу парундә.

    2821
    Гулһорә гәнәтлү хүрд сохдә-сохдә,
    Вәтәнә гәίгулу ни имбу хосдә.

    2822
    Ә зувун ән ләә вонорә дәгмә,
    Мәҝу ки: «Лол бири сүрхә ίәрәгмә!»

    2823
    Шәфтәлү винирә дузә бәћсһорәш,
    Әз сәрίү мизәнү тузә мәћсһорәш.

    2824
    И хори сәр түрә тәίтә фубәрдәш,
    Һич мәћәл руί мәди – ранҝү сүпәрдәш.

    2825
    Әри хәлг хубирә танустҝә зиίод,
    Хүшдәнүш, jә болуг, сур имбу биод.

    2826
    Ә говрә ҝоф нисдҝә ә ίә кәсәвош,
    Һә ҝәнәш рәћ нибу диίә пәсәвош.

    2827
    Локоj хунә тә хәлг шушдә ίә болуг,
    Болә миίни чүн ћово, чүн Одомлуг.

    2828
    Мүрдәлүһо чум бәсдәнки әз һәги,
    Ә гәд говрә рәћәт мундәш әз дәби.

    2829
    Сад зәвәртә вәди нисдҝә ә чумһош,
    Рүхшәнд мәсох ә ћәл бирәί ән мумһош.

    2830
    Хүшдәрә әри кәс дорәнки гурбу,
    Буһоίи ән ҹунуш имбошу дурҝу.

    2831
    Јә хәһәр биίобур сохдҝә бирорәш,
    Сугдәлү нитанү һәр рәћ ҝирорәш.

    2832
    Тузоног сохдиҝә һовоί әсүләш,
    Саламат ни шини ловоί әгүләш.

    2833
    Бүзүрҝә ћүрмәтә тәίтә вәҝүрдә,
    Гәм хәлгә, әгүлсүз, нитаί дәҝүрдә.

    2834
    Ә Тиро боворим нисдиҝә түрәш,
    Һәми әсб, һәми хәр митаί гәтүрәш.

    2835
    Әћволһоj согирә нә пирсирәҝор,
    Һозорбо кәмтәίи әз пысирә дор.

    2836
    Ҝәрәкә кор-борә ә пәсә һишдә,
    Чүк дүләш митани ә нәћс дәίишдә.

    2837
    Русмурә ним-назук виҹирә вәдә,
    Сиригһо ә пучи импичу бәгдә.

    2838
    Ноләһо варафтҝәш ә тики әсму,
    Инсонһо нә муно ә мити русму.

    2839
    Ә дүнίо нә бирә ίә миҹ овуну,
    Мәтләбһо ә дүлһо ниίо домуну.

    2840
    Һомборлу булиҝәш оширә дәвләт,
    Әз Одом сәр ҝүрдә, ίәкиш нә бәрдәт.

    2841
    Омунә ћәлундҝә ночогә дүлһо,
    Ә чорә миίовми согә әгүлһо?

    2842
    Ә инсон суί мәди хүшҝә лүҝәрә,
    У дорә ҹәләгиш бирәни зәрә.

    2843
    Тиб-тәћно нүшдиҝәш ә хүшдәрәвоз,
    Мозолу гул нибу ә күшдәрәвоз.

    2844
    Ә салһоί ίошлүίи күшдиҝә вәхтәш,
    Дәрдлүίә возиһо нибәрү бәхтәш.

    2845
    Әри шеһ сәбәћи ҝирисдәҝорһо,
    Әз тирίох-питови палусдә шорһо.

    2846
    Чор фәсил ίә салаш әзиз хосдәҝор,
    Ә хиник нә ҝәрмиш тәмиз сохдә кор.

    2847
    Согломи һисдиҝә ҹиро-бәҹирош,
    Митанү ҝирошдә ә пири ҝирош.

    2848
    Гувотиш офдоҝә әз базуί зани,
    Зәифи әгүләш дәб ниίо тани.

    2849
    Ә рузһоί ҹоһили ошуг бирәҝор,
    Пирирә нитанү ә чум дирә шор.

    2850
    Әз почкәί – фурмуни тә бирә ошир,
    Һич миҹәш ниίофи ίә вәхт әри шир.

    2851
    Ҹәмәтә әз ичҝи дорәнки нубош,
    Хәίолә ә ҹәннәт нә вәҝүрд ХУДОш.

    2852
    Товорих говрәрә нәфс вихдә-вихдә,
    Томошә мисохут әрс рихдә-рихдә.

    2853
    Руί сифәт зәрәнки әз ранҝ коврәһош,
    Рүћһо кура бирә ә сәр говрәһош.

    2854
    Хәрәбә сохдиҝә хунәһоί кәсәш,
    Ә гопуί ән ҹәннәт низәни дәсәш.

    2855
    Әри пак вәрзундә бетамигдоша,
    Бүзүрҝә молохһо вәрзундә хошә.

    2856
    Гисмәтлү бирәҝор ә Јәршоләίим,
    Митанү зүһүсдә хушбәхт нә гоίим!

    2857
    Мол-гәрә бисдоҝә кәндчирә әҝәр,
    Әз чиһоί ћәрими ҝоф имбу һәдәр.

    2858
    Ә Тиро, бәһәмлγ, кәί сәр мизәнү,
    Ә сараj сәдигһо поίиш мидәнү.

    2859
    Нум шоһир зүһүсдҝә ә бәш зувунһо,
    Кәлмәһош рач миίов ә хош ән мунһо.

    2860
    Гәрәзлү поίисдҝә ә гәсдтү шәрдор,
    Нимәлит нә бошҝу әз дәстү һәр кор.

    2861
    Иштоһә нәҝиро әри нә ҝүрдә,
    Сабурә әз әнҝиш имбу вәҝүрдә.

    2862
    Чү воίист хурдиҝәш әз бим зүһүсдә,
    Ә сәр сәнг, сади бисд нибу нүвүсдә.

    2863
    Гәришуг ҹавустә ә фурм вәчвәчи,
    Һәр чирә ә шүгәм куίә мәдәчи.

    2864
    Ә һәлгә вәҝүрдҝәш таза ћовурһо,
    Сүрхә ҹә ниҝүрүт әз гур новурһо.

    2865
    Мәсләћәт дорәнки түндә хәспушә,
    Тәнүлγ мәсухун ҝүндәί дәс бушә.

    2866
    Ә әхир расиҝәш үмүр зимусту,
    Нәкуми ћәр-ћәвүҹ нибу ә бусду.

    2867
    Ә үлкә офдоҝә дүзди, гәчәги,
    Ә ћүрмәт ниваров и ҹүр әлчәги.

    2868
    Нухоруш дүшиҝә нә рушум, нә хәст,
    Хурдәҝор вәћш нибу әз дәәм ән мәст.

    2869
    Вор-дәвләт дәчирә ә сүрхә гәфәс,
    Әгүлә висторә нәс бирә әз кәс.

    2870
    Ә думон расиҝәш бићолә воίу,
    Ә сәһнә варавһо лол ниίо поίу.

    2871
    Тироί Миши ҹиҝә ҝүрдҝә ә кишә,
    Дурә рәћһош нәзник имбу һәмишә.

    2872
    Гәһрилүһо бирә бәгдә боришмиш,
    Ҹурә әлүш зу мичару ә кишмиш.

    2873
    Гәрболлу нүшдәнки ә гәд имконһо,
    Мәниһош дәрмуни ә дәрд инсонһо.

    2874
    Руί вәҝүрдә әз зомонәί Одомиш,
    Мәһәббәтсүз буш вәдини иломиш.

    2875
    Холә-холу ћәίруниҝә әри тү,
    Бовор сох ки, ә дүл һәммә дәри тү.

    2876
    Пәхγрә чум дур бисдоҝә әз руίтү,
    Сипирә дән зу ни нγшγ ә муίтү.

    2877
    Дуст-тониш нә бирә ә сәртү кура,
    Һәшданки хиб-ћәзүр мивини гура.

    2878
    Әри һәммә мундә бәгдә әзизлγ,
    Хунәί тγрә нибу хундә ћәмислγ.

    2879
    Ә дγл милләт кәί ки, ники мидәни,
    Ә гопуj дәрд әнҹәг килит мизәни.

    2880
    Кавказиһо сәдиг мундә ә Тирош,
    Ә нум ХУДО гурбучәjγт jә ҹирош.

    2881
    Ҝоф пиίонһош кәίки дузә дәб бири,
    Омәр Хәίίам дәм ичҝирәш һәгг дири.

    2882
    Ә дүләвоз ћәвәс омо ҝуфдирә,
    Тәәдилү нибу коләш соф дирә.

    2883
    Шәкил дувор ίорәвурди дорә вәхт,
    Шәәмбәндлү ћәлиш имбу норә ҹәћт.

    2884
    Ә сәр хүшдә вәҝүрдәнки овунә,
    Мүрүмлүίә булә мәди зобунә.

    2885
    Аташ ҝүрдә, сухдә бәгдә миҹәί әшг,
    Кумәк нибу нүмкүрдәлү буһо мәшг.

    2886
    Вәҝүрдәнки ә гәл-гиҹог Сифирә,
    Хунәί дүлиш ранҝ мивүҹү сипирә.

    2887
    Дүл сухундә ә бурҹинәί ноләлүш,
    Бил әз тәнҝи хилос бошҝу боләлүш.

    2888
    Ки ҝуфдикәш: «Хунәί кәсә вәчарун!»
    Әз зобуни дүлә ә сәнг мәчарун.

    2889
    Һәләлугә ҝуҹлуниҝәш хәίолтү,
    Әз сабурһош тиίи бошҝу ћәлолтү.

    2890
    Ә мити хәлг бирә ҹиҝә ћәзүртан,
    Зиίод бошҝу ίә чүнтүни гәдүртан.

    2891
    Ә сәр ҝүлһо шеһ нә рихдә һәр сәбәћ,
    Тәбиәтиш миίофдону әз тәмәћ.

    2892
    Сифирһорә нә дирәίҝә ә кишә,
    Әз ћәίфбәри митаί зәрә тәшвишә.

    2893
    Тазалү, тәмизлү бисдоҝә чиһо,
    Ә дәбә мофдону ләзәт миҹиһо.

    2894
    Таралүίә ҝиίовһорә чирәнки,
    Әри чиһоί ҝушди нивоίу тәнҝи.

    2895
    Әрәги тутирә кәширә вәдә,
    Дәрмуһоί хубирә ниҝәшди бәгдә.

    2896
    Тәл-тәлүίә ҝәзинәһоί гитобиш,
    Мәлћәмлүίә нухоруши әз тобиш.

    2897
    Шинирәнки сәс шәх-шәхәί овһорә,
    Никәрәлү – бәндлү митаί ховһорә.

    2898
    Шумордиҝәш ҹәми салһоί үмүрә,
    Бәхт нихуни зәрдә сүрхһоί хүмүрә.

    2899
    Воҝошдәмунд, поί норәнки ә Вәтән,
    ХУДОмәндә рүћ мидиров ә сәр-тән.

    2900
    Хәзон дирә, бәίә зәҝә бүҝүриш,
    Әз воίисдәί ХУДО бошҝу үмүриш.
  12. Shaul Guest

    Симпатии:
    0
    Баллы:
    0
    2901
    Ов сәринә булогһорә хурдә вәхт,
    Ә ширәвоз ки нитанү ҝүрдә ҹәћт?

    2902
    Әз хиники бәίә зәҝә ҹәндәҝә,
    Ә согломһо митаί бирә тән бәҝә?

    2903
    Әз косиби чәтинә руз дирә вәхт,
    Шүгәм түрә тух нисоху мирә бәхт.

    2904
    Резинлүίә ҝалушһорә вокундә,
    Ә гәд дүлиш митаί бәίә докундә.

    2905
    Хиникиһо лол сохдәнки ләәрә,
    Јәрпәгилү пур нидори ләгәрә.

    2906
    Рәћмәдүллγ тарлү һишдә чумһорә,
    Хошхошбәндлү лов нисохут тумһорә.

    2907
    Мәрдмазара тәίтә офдә әз әрә,
    Сүрхә ҹиҝә нә дог имбу, нә дәрә.

    2908
    Хәрә хуно вошәндәнки тәпикә,
    Хәхәίиҝәш әз чум нинү гәпикә.

    2909
    Чум вокундә ә һәндәвәр ίә ләћ-ләћ,
    Јорәвурдлу ниίофдону ә мәћ рәћ.

    2910
    Фәргү нисди рүхшәндлүни, ίә одлу,
    Косибһорә ҝофу нибу зиίодлу.

    2911
    Чүтам ҝәрәкиҝә әри руз дирә,
    Ә пишоί хүшҝә фурс нивоί гуз бирә.

    2912
    Руз-бәруз ҝәшдиҝәш уҹузә гәндә,
    Ләзәт чи нивини, чүн хомә бәндә.

    2913
    Чәнд салһо ҹиролу мундиҝәш Вәтән,
    Дәр гопу ниҝүрү әри һәр ίәтән.

    2914
    Ә гәд дүл дошдиҝә сүрхә гәдүрә,
    Чуму әз һәр ҹиҝә миҝәшдү түрә.

    2915
    Хубә руз дирәҝор, ә хәрәб ҝиро,
    Чогәгуч бошуҝу ә ХУДО-Тиро!

    2916
    Әз бγҝγр вәҝүрдә чүкһоί губирәш,
    Әз ίор мәвәдәшән чүпләί хубирәш.

    2917
    Ә рәћһо бисдоҝәш сад ҹүрә һәндәг,
    Воίәрә сохуһош ҝәшдәни әнҹәг.

    2918
    Ә дүләвоз ҝоф сохуһо руз-бәруз,
    Тирозурә дәгиг миίлү дуз-бәдуз.

    2919
    Вәҝири нә мундҝә әз гирог ән шон,
    Битәвиш суί нидү әз сирог нишон.

    2920
    Әшг Мәҹнун дәриҝә ә нәшумоί тү,
    Гисмәтиш мәдиров ә пишоί поίтү.

    2921
    Сәћибсүз мундәнки оворә тәрсһош,
    Шори чумһоί түрә вәбәро әрсһош.

    2922
    Ҝуфдирә һә ҝәшдҝә ә сәр зувунһо,
    Тәвәсәр моҝосу бәхт ә зүһунһо.

    2923
    Әз милләт дурίәти кәίки хуб нидү,
    Ловһоίу хәндүстҝәш, дүлү губ мидү.

    2924
    Шикоίәт сохдиҝәш әз кәми үмүр,
    Ә һүзүм ничару мәнәми күмүр.

    2925
    Гәнәтлү пар зәҝә сәкунәί бәдиш,
    Әри «нә» ҝуфдирә мәсох тәәдиш.

    2926
    Нәштәрлү тиҹиҝәш ләшкәр һүлә-һүл,
    Гәмлүίә рәћһорәш мәвокун ә дүл.

    2927
    Кәί лово ә овоз сәсәвош миди,
    Ҝирошдә рузһорә пәсәвош ниди.

    2928
    Лићәрә ә воруш палаш чарундә,
    Мочлуίә думонһо аташ парундә.

    2929
    Сал-бәсал ә мүшкүл вошәндә әнҝүл,
    Ә пишоί рәћ милләт шәәм бошҝу дүл.

    2930
    Шулугбәнд ә әсүл кәί мүгүр нибу,
    Бәхтсүзә мозолһош ә бүҝүр мибу.

    2931
    Дәрдһорә, әрәбир, ә ίор дәшәндә,
    Тикирәш митани әз дор фушәндә.

    2932
    Әгүллү бәрдәнки зиһим хүшдәрә,
    Тиҹә ҝоф чүн гилинҹ зәрә дүшмәрә.

    2933
    Поίһоίтү хомлүίә лүнҝмәнд зәрәки,
    Гәрибәш дүл дүһо ҹунбәнд ҝәрәки.

    2934
    Әз ноләί ән салһо бирәнки чәшмиш,
    Ә иштоһ ни дәбу әсәлә кишмиш.

    2935
    Тәҝәрҝ вәрф савзара кәί миковуну,
    Чүл – чәмән сипирә шәίиш мокуну.

    2936
    Әз пәнчәί сиίә шәв ҝүрдә-ҝүрдә мәрд,
    Ә үшүг имбәрү әз вәҝүрдә дәрд.

    2937
    Гудузлә бирәнки, ә тәһәр надан,
    «Руз ә хәίр!» Нә дорә миҝрору садан.

    2938
    Тикирә дурранки вошҝуни совһош,
    Һүндүри доћорә шушдәни овһош.

    2939
    Һозор ҹиро әίнә дәҝәш ә совоб,
    Зәифмәндә нүкәр мәбош ә ҹовоб.

    2940
    Чумтү ов нә хурдҝә әз бәдә шүгәм,
    Биίобур буһорә әз һәдә чү гәм.

    2941
    Соίәлү ҝәшдиҝә ә пәсәί ίортү,
    Воίәлү низиһи әз гүссәί ортү.

    2942
    Лоллүίә мәһәббәт бисдоҝә сәдиг,
    Ҝоф чумһо нән гошһош имбошу дәгиг.

    2943
    Ҝүллүίә дорәлү буһо чәмәнһо
    Ҹәннәти, ә мити сәр-тән бәдәнһо.

    2944
    Јараһоj ћәсрәти бирәнки кәлә,
    Воίҝәһош сад буίлу имбошу һәлә.

    2945
    Мәстәлү вәҹәстҝә әз ҝоф һәр әлчәг,
    Әз ћәсрәт ҝүл дәсүш импаҹу әнҹәг.

    2946
    Чор тараф ә рәћһо бәхш бирә бәгдә,
    Сәрсонлу ниҝәшди дүрүстә вәдә.

    2947
    Миҹәһоί шориһо тә нәхштү бирә,
    Ширинә ховһорә ки вәћшлү дирә?

    2948
    Дәрίосүз мундиҝә ҝәми ә хори,
    Гәнәтлү пар нирав әз ҝуҹ ворвори.

    2949
    Хәспушлу бисдоҝәш әҝәр бүҝүрү,
    Чумә фәм сәхуһо ҝофәш мүҝүрү.

    2950
    Довоһоί мүрими сәхтиҝә зобу,
    Мәрдлүίә салдата бәхтиш биίо бу.

    2951
    Ә дузһоί сәбәћи боглу нә бирә,
    Рүћ ҹунә биимид соглү ки дирә.

    2952
    Кәί әрүсә ә вәдәίү нә бәрди,
    Әз субоίи ҹиро бирәш ίә дәрди.

    2953
    Гәфәс дүлә торик һәнҝи сохдәҝор,
    Ә ћәсрәтиш шәрик имбу хосдәҝор.

    2954
    Ҝүлһорә ә бәнд муί бофдәлүίә ίор,
    Хγшдәрә имбәрγ - софтәίлүίә вор.

    2955
    Әгүләш оһили кәί миҹумуну,
    Гәләмиш ә ҝофһомүћтоҹ мимуну.

    2956
    Кәί рузһорәш ә гәриш хов мивини,
    Батмиш бирәί офтоίирәш нивини.

    2957
    Дәндәһо ҹүмүсдҝәш әз ләрз бәдәнү,
    Бил ә вәлҝ чинориш хушәс нәзәнү.

    2958
    Ә ћәсрәт дәίишдҝә догһорә вәрфһо,
    Ворушлу мишуру богрурә ћәίфһо.

    2959
    Дүл ҝуфдиҝә: «Нүвүс шәвһо тә сәбәћ!»
    Әри миҹ хов нә бәћс имбу, нә тәмәћ.

    2960
    Әз ҝиснәίи буруҹинә зәрәки,
    Соворәрәш хәндундәҝор ҝәрәки.

    2961
    Зибиллү шәндәнки ә куίәί мәргү,
    Әз хүшҝә лүҝәһош ни имбу фәргү.

    2962
    Гүнчәһо ҝүрдәнки раҝһоί зәндәίиш,
    Гисмәтһоί ҝүлһоίи ранҝһоί хәндәίиш.

    2963
    Ә вәдәί ίә сәәт имид нә бирә,
    Рузҝори сәбәћәш ки митав дирә?

    2964
    Хәспушбәнд дәрзәрә сохдәнки довом,
    Әз дориш бәтәртә хүшҝ имбу томом.

    2965
    Хәндәлү дәҝәшдә әри хисирә,
    Ләгәί әсәлирә митаί лисирә.

    2966
    Тә офто пар зәрә ә пәсәί ән дог,
    Мәнҝ шәви мәст бирә әз сифроί ίәίлог.

    2967
    Дананмәнд, чүн шоһир, әз булә ҝофһо,
    Брилиίант дәчирә ә ҝилҝул софһо.

    2968
    Гушәбәнд ҝәшдәнки ҹүфтә хосдәҝор,
    Бәбәһо, дәдәίһо сүфтә сохдә шор.

    2969
    Шуморуш ҹунвәҝи тә хирит бирә,
    Зүһүһо дәхмәрәш тићорут дирә.

    2970
    Мүшкүллү зиһисдҝә зиндә доглуһо,
    Әз ҹуриш бәд имбу гиндә соглуһо.

    2971
    Сәдигә рәћмиһо тә вир ни имбу,
    Һүндүри ән дүлиш тә әсму имбу.

    2972
    Растирә әз шәфти тә варасирә,
    Ә тәһәр һовуниш имбу парсирә.

    2973
    Тәмизә һоворә тәίтә мәст дирә,
    Буί мәрҝиш әз зәћәр кәмтә нәс бирә.

    2974
    Гәргүшкүн хүшдәрә руί-бәруί дирә,
    Ә ίәлов митанү суί-бәсуί бирә.

    2975
    Хүшдәрә дананмәнд танүһо пирһо,
    Дәрзәрә һич ниίо нуш дүт ә тирһо.

    2976
    Әгүлмәнд бирәҝор һич мәћәл, һич вәхт,
    Хүшдәрә нихуну парчоһлүίә бәхт.

    2977
    Шир дәдәί хуруһо чүклә соворәш,
    Әз динҹи – ҝовләίи моίу ховһорәш.

    2978
    Гозонҹи ҝуфдирә бәхшәһоί ХУДО,
    Бәндәһош ловорә әз дүли зу до.

    2979
    Ләхсирә дәίишдә ә күшә-күш дүл,
    Ләтә-ләт мүίүлү тәшвишә мүшкүл.

    2980
    Кәί рүћә у илом тиклү вәбәрдә,
    Сәр-тәнәш хок хори чиҝлү фубәрдә.

    2981
    Ҝәшдә-ҝәшдә әрәлү,
    Дуст ниίофи – кәрәлү.

    2982
    Ә зир ҹәгли домундә,
    Ә од нитаί вомундә.

    2983
    Хәрҹ сохдиҝә имконә,
    Әћвол миди инсонә.

    2984
    Офдориҝәш ә дәс гәм,
    Сәдигирәш дор мүћкәм.

    2985
    Вараίисдҝәш чүл – чәмән,
    Ә Мәҹнуниш суί мәзән.

    2986
    Ә фурм дорһоί бәгәлү,
    Ҹәһош бәнди ә тәлү.

    2987
    Кәί ә ћүрмәт мивәрзү,
    Әз кәчәли нитәрсү.

    2988
    Әз һәггиҝә зиһүнү,
    Һич әзиίәт нивүнү.

    2989
    Гәмә әίблү хурдәҝор,
    Әз кәίф илом нибу шор.

    2990
    Кәί ки, кору соф мибу,
    Ә бофдәίүш ҝоф нибу.

    2991
    Тә нун дирә - ордһорә,
    Дүлиш митав дорд дорә.

    2992
    Ә чум дарафдҝәш туфу,
    Бәбәрә кук никуфу.

    2993
    Арзуһорә виҹирә,
    Јәҝәлү хор тиҹирә.

    2994
    Хәзон диҝә богчәһо,
    Пәмбә мәнү догчәһо.

    2995
    Јәтимлүίә ћәтони;
    Ә сәр дүшһо ίә тони.

    2996
    Јәсир мундҝә ίә бала,
    Поίиз мәсох васала.

    2997
    Хәлолуши нә дирә,
    Ә ҹәвги ки дәбирә?

    2998
    Вотовусдә нәсдаҝәш,
    Дәрд бәдирә асда кәш.

    2999
    Фурмундәίә кор дирә,
    Һич вәхт нибу шор бирә.

    3000
    Разиίә ҝоф нә норә,
    Әнҝүшдәри ки дорә?
  13. Shaul Guest

    Симпатии:
    0
    Баллы:
    0
    3001
    Нәзникиһоί хүшдәрә,
    Суί бәдини ћүрш зәрә.

    3002
    Ловголүίә ҝофһорә
    Ә һәгг нибу боф дорә.

    3003
    Әз сүрхиҝәш һәр гобу,
    Сәдиг ХУДО биίо бу.

    3004
    Кәίки, думон миҝүрү,
    Үшүг офто нимүрү.

    3005
    Шух дошдәнки әћволәш,
    Хилос имбу әз боләш.

    3006
    Гәдүр шүвәр данүһо,
    Нәбу ә руί зәнү һо.

    3007
    Кәί дәҝәсунд шәәмә,
    Миίнү ләзәт дәәмә.

    3008
    Вәрдүшиҝә ә ћүҹәт,
    Нә рәћм имбу, нә үзәт.

    3009
    Әз нурίәти ән офто,
    Ә шәәмиш суί офдо.

    3010
    Вомундәίҝәш әз вошҝу,
    ХУДОίә ћәίф нә бошҝу.

    3011
    Шоһир гәләм дирәнки,
    Зу варас ки, ίә әнҝи.

    3012
    Әз сүрхә күп – рүвәћлү,
    Әз зүлгә ҹиб – вирәћлү.

    3013
    Чүтам лоίиг һисдиҝә,
    ХУДОлу нүш ә ҹиҝә.

    3014
    Чәίрон мундҝә ίаралү,
    Дүлүш имбу паралү.

    3015
    Чорә ә ћүкм кәс дәҝәш,
    Әз рәћ ХУДО дәс мәкәш.

    3016
    Дүлсүз буһо иҝидһо,
    Мүмрү әз бим имидһо.

    3017
    Дәрә-тәпә миҝәшдү,
    Орд мидаров ә тәшдү.

    3018
    Дошдәҝору хубиҝә,
    Ошҝор имбу һәр ҹиҝә.

    3019
    Шорәбә һич нәхурдә,
    ћисоб мәсох ә гур дә.

    3020
    Чоίә ә дәм нә ҝүрдә,
    Дәәм нибу вәҝүрдә.

    3021
    Әз бәл әтәк ҝγрдә-ҝγрдә,
    «Һәри» ίорә ки вәҝγрдә?

    3022
    Кәί ки, зомон ә дәҝиш дә,
    Шәәмдонә буш ки hишдә?

    3023
    Сәгдγш-согдуш ћәвәс дорә;
    Шор әрγсә ә нәфс норә.

    3024
    Кәί гәришуг ә гәҹ мибу,
    Нәлоигhо ә вәҹ нибу.

    3025
    Рγћ воίәрдо әз пәтәк ор,
    Дәс мәвәҝи әз әтәк ίор.

    3026
    Нә винирә чомог-кγтәк,
    Гудуз имбу hәрбоί кγпәк.

    3027
    Ә сәр ҝәрми ән пиләтәш,
    Нибу сохдә ίә гәләтәш.

    3028
    Шугәмә пур нә воίундә,
    Иштоh нәфсә ки поίундә?

    3029
    Кәί ки, хәлгhо хуш нибисто,
    Јәрәгхонәш буш имбисто.

    3030
    Хушбуίлγίә ҝγл нә бирә,
    Мәгбунлγίә дγл ки дирә?

    3031
    Сугдә ћәίфә ҝуҹлγ дирә,
    Кумәк бирәћм пучлу бирә.

    3032
    Кәί ки, ә фурм ән зәлγнγт;
    Тәрс нә хостәш дγшмәлγнγт.

    3033
    Кәί руί-бәруί чарусдәнγт,
    Ҹәнҝhош әз ҝоф парустәнγт.

    3034
    Хилов бирәί нәәләти,
    Һәммә әз ћγкм ән гәләти.

    3035
    Гәίгуί ίорә нә кәширә,
    Шорhоί дγлә ки дәчирә?

    3036
    Бихошиҝәш hәд вәчвәчи,
    Пучәш ә гәд вәҹ мәдәчи.

    3037
    Чорә ҹусдә әз бивәхти;
    Ә бим динҹиш мәсох сәхти.

    3038
    Ә дγл нγшдҝә ширәί дәәм,
    Ҝоф ни имбу әз соί рәгәм.

    3039
    Ҝурунд дирә нәхш туборә,
    Рәћм нә дорәш хоί ХУДОрә!

    3040
    Әз Тиро бәхш бирә бәгдә,
    Инсонίәти ә гәд hәгг дә?

    3041
    Томом нисдҝә әҝәр γмγр,
    Рузhош нибу ә ранҝ кγмγр.

    3042
    Рγћ бәрдәнки ә суί әбу,
    Хәҹәләтиш ә руί мәбу.

    3043
    Лов-тум бирә ә соί хошхош,
    Ә гәриш хәлг русвоί мәбош.

    3044
    Ә дγлдинҹи нә дарафда,
    Ховиш ә чум нитав рафда.

    3045
    Әз бим ҝирίә хурдәнки ов,
    Ә гәд пәίләш әрс мидаров.

    3046
    Ҝәрдән дәвә тә дуз мибу,
    Фәгир буhош, гудуз нибу.

    3047
    Ники рихдҝәш әз ҝγмон гәсд,
    Ә хәрәби имид мәбәсд.

    3048
    Парс нә нγшдә ә сәр хоштγ,
    Әз ҝоф-ҝәләҹ ҝовлә бош тγ.

    3049
    Кәί согломә вориш мибу,
    Әхирсγзә шориш нибу.

    3050
    Пуч нә сохдә губор дәрдә,
    Әз ћγлг ћγршә ки фубәрдә?

    3051
    Әгγл ә сәр тә оморә,
    Суί мәвәҝи әз оворә.

    3052
    Сәрлуг әίбә нә дәҝγрдә,
    Воίҝәί шәрәш ки вәҝγрдә?

    3053
    Дγлә ә сәнг нә чарундә,
    Ҹузлаί базу ки парундә?

    3054
    Әз дурҝуни тγндә хәбәр,
    Миҹәί губәш ә дγл мәбәр.

    3055
    Әри рафда ίә ҹигирәш,
    Воίҝә имбу hәр фәгирәш.

    3056
    Ҝуш нә дошдә кәләтәрә,
    Ә поί митаί тәлә зәрә.

    3057
    Гәзәб рихдҝә әз рәћм шону,
    Догhош ә ләрз миофдону.

    3058
    Гәзәбиҝә сәбәб вәћшγ,
    Әз дγ чумиш хун мәрәхшγ.

    3059
    Зиндәҝуни чәћ бирәнки,
    Фироhуниш нидγ тәнҝи.

    3060
    Һәггсγзиҝә әз поί тә сәр,
    Тγндлγ буhо ћγршәш фубәр.

    3061
    Пишоί дордә нә ҝүрдә,
    Сәнгәш имбу дәҝүрдә.

    3062
    Чәшмиш дирә әгүлә,
    Нифри мәсох әсүлә.

    3063
    Әри әсәл кәрәлү,
    Биίо зүһи әрәлү.

    3064
    Әз бәл ХУДО ҝүрдә сәхт,
    Хүшдәрә дан мозол-бәхт.

    3065
    Саданиҝә гәбилә,
    Гуί мисоху ίә ҝилә.

    3066
    Ҹун-ҹиҝәрлү хосдәҝор,
    Сәдиг имбу ә әίб-ор.

    3067
    Дастанлүίә нәгүлһо
    Күч нибу әз әгүлһо.

    3068
    Кγк әсүлә дошдәҝор,
    Зирәк имбу әз һәр кор.

    3069
    Ләгләгиίә ҝофһорә,
    Нибу ә ҝуш соф дорә.

    3070
    Муίһо сипи бириҝәш,
    Пири нирав чириҝәш.

    3081
    Тә ловорә вәҝүрдә,
    Чумә нибу дәҝүрдә.

    3082
    Мүфтә дирә чинәрә,
    Сихмиш мәсох синәрә.

    3083
    Әз ҹоһили дәм зәрә,
    Пирә мәкүш ә әрә.

    3084
    Әри офдә дү чорә,
    Әз дәдәί бош дүборә.

    3085
    Манҹар бофдә ҹунәрә,
    Ίихмиш мәсох хунәрә.

    3086
    Гувот дорә чунәрә,
    Шобош мәсох мунорә.

    3087
    Ә зомуни дарафда,
    Ә од нитаί варафда.

    3088
    Әри сәћиб дү үмүр,
    Дүбо дәҝәс, дүбо мүр.

    3089
    Имид бирә ә әсүл,
    Дуруп мәкор ә сәр дүл.

    3090
    Ә бим рачи домундә,
    Ә ранҝ нибу вомундә.

    3091
    Сәәр ҝура кәширә,
    Дүмбә ниди кәчирә.

    3092
    Ранҝ әћволә парундә,
    Дүлә нивоί ҹарундә.

    3093
    Әз гоголһоί нишону,
    Гисмәт имбу нисону.

    3094
    Зүһүсдиҝәш сади бисд,
    Зибәр бәрдә ίә чи нисд.

    3095
    Әз сүрхиҝә боруί тү,
    Нурлу маров доруίтү.

    3096
    Зарлүниҝә корһоί тү,
    Гәм нихуру орһоίтү.

    3097
    Пусундиҝә пәхүрә,
    Дураз ниίли нәхүрә.

    3098
    Кордә тиҹлү бисдоҝә,
    Мићтоҹ нибу ә ίәҝә.

    3099
    Әри дүлә сухундә,
    Јәловә ки рухундә?

    3100
    Јопологә чумиҝә,
    Тор микәшү нур диҝә.
  14. Shaul Guest

    Симпатии:
    0
    Баллы:
    0
    3101
    Гәтмәгәрүшүгә кор,
    Ҝүл овурдҝәш нидү бор.

    3102
    Әз дәдәjи куриҝә,
    Пәшму нибу нур диҝә.

    3103
    Дүнίоһ ҹәннәт - нуриҝә,
    Чү хәίр, әҝәр куриҝә.

    3104
    Әз дәдәίи бирә кур,
    Нәзникиίүш имбу дур.

    3105
    Лоли, кари дирәҝор
    Сүрхи, - әз кур бирәҝор.

    3106
    Бинәί бору шәфдиҝә,
    Бунуш имбу шасд тикә.

    3107
    Әлм иломә нә хундә,
    Рузиҝоруш ә хун дә.

    3108
    Пирә әдәт ҝүрүһо,
    Хуби зутә мүрүһо.

    3109
    Әз сәдиги мәрдиҝәш,
    Миίов үзҝә дәрдиҝәш.

    3110
    Ә кәс ҝүрүһо мүшдә,
    Биίо зәнү ә хүшдә.

    3111
    Шәфтлү, гәсдлү мүрдәҝор,
    Ә суд ХУДО нибу шор.

    3112
    Ә күһнә нун ән гугуз,
    Иштоһ нидү чум гудуз.

    3113
    Ә бәдә чум ән сәҝи,
    Базуί түрә дән мәҝи.

    3114
    Офдоруткәш ә поί-дәс,
    Дүборә нибу һич кәс.

    3115
    Тәкәί гәтуг – сипини,
    Сиίә ҝуίиш – бидини.

    3116
    Дәс ίәкирә нә ҝүрдәш,
    Поί мидәнүт ә мүрдәш.

    3117
    Ә һомори ләнҝүсдә,
    Әз дүл нибу хәндүсдә.

    3118
    Әз шүгәмоί ноләίи,
    Хилос бирәш боләίи.

    3119
    Гәрә-гәтрәш буравһо,
    Хуби ә хок даравһо.

    3120
    Әз бәл ίәкиш нә ҝүрдәш,
    Шәрәфлү зиһ тә мүрдәш.

    3121
    Әз ίарашуг ән тәбиәт
    Бил ίә кәсәш нәбу гиίбәт.

    3122
    Бун вәнγhо ә сәр бору,
    Бирәί кәсә нишумору.

    3123
    Хәрә «момо» буhо hәр кәс
    Ә рγхшәндиш мидγ ћәвәс.

    3124
    Һәр кγнҹ-биҹог ән руί хори
    Әз рәћм ХУДО дирә шори.

    3125
    Әри биhәгг ән дәрдвәчи
    Әз ХУДО гәίр рәћмлγ әҹи?

    3126
    Кон зәћләрә бәрдә-бәрдә,
    Хунәш ә сәр ки вәбәрдә?

    3127
    Миҹәj ҹунә кәширәҝор,
    Момну ә гәсд вәћшиίә кор.

    3128
    Әз ношумо бихәбәрhо
    Ҹунә мәίлγт ә бим шәрhо.

    3129
    Тапдаланмиш ән зирпоίи;
    Ҹовониjуш - ә пир тоίи.

    3130
    Рγћә ә гәд тән нә дошдә,
    Әз гиίомәт ки вәҝошдә?

    3131
    Бул-булиндә hисдҝә hәрчγ,
    Сәлигәсγз γмγр әрчγ?

    3132
    Ә бәзмуί ίор тә дарафда,
    Әз хγшдә ки вадарафда?

    3133
    Кәίки, дγшмә кγмγр тγни;
    Нимәлитә γмγр чγни?

    3134
    Чумнәвәҝир бирә ҹиҝә,
    Ләзәтлγ ҝу, - лош ән чиҝә.

    3135
    Боҹә кукhо буί тә ҝγрдә,
    Әз бәбәhо руί вәҝγрдә.

    3136
    Тәрсәнҝоһә ҝγрдә хоши,
    Әз хәрәби тоҹ нибоши.

    3137
    Гәзәб диҝә әз туфшәнγ,
    Ә гәд говрәш имфушәнγ.

    3138
    Дγлә әри хомуш сохдә,
    Нәфсә нибу гизмиш хосдә.

    3139
    Корhоί дәсhо hәгглγниҝә,
    Хуб митани дәб чγниҝә.

    3140
    Ә пишоί чум зәћәр норә,
    Дγлә нибу сәәр дорә.

    3141
    Вошҝунәво нγшдәниҝә,
    Ә гәд мәхлуг мәҝәшд ҹиҝә.

    3142
    Үзҝγм зәрә ә дәрίоh шор,
    Лγҝәί дорәш тиморлу дор.

    3143
    Әгγлмәндә дананhорә,
    Ә бәдә руз нибу норә.

    3144
    Гәзәб дγлә әри кγшдә,
    Ә пиίони нибу нγшдә.

    3145
    Әз ХУДОίи бәхш нә дирә,
    Ов никәрәш шәх нәс бирә.

    3146
    Тәлатγмә гутинәлγ
    Тәћсирәни әз бинәлγ.

    3147
    Синәмишә кор нә бирә,
    Ә чум γшγг нәс дәбирә.

    3148
    Гисмәтиҝәш hγзур хуни,
    Мәрдίәтирә чγ дурҝуни?

    3149
    Кишмиш-хирмов нә бисдоҝәш,
    Ҝиснәίирә әз ловош кәш.

    3150
    Ҹунсуз дирә ίә шох ҝγләш,
    Дәрмәдогун мәсох дγләш.

    3151
    Хәлг хγшдәрә ХУДОί илом,
    Ә гәhр нинγ ә суί Одом.

    3152
    Әри тубо дирәί әлчәг,
    Никә корhо виниш әнҹәг.

    3153
    Шидралγίә шәлә духдә,
    Ә фурм hγзγм нибу сухдә.

    3154
    Тиро хундә әз дин вәҹи,
    Ҝофә хуно – ширин әҹи?

    3155
    Кәίки, ә сәр хун варафди;
    Ә гәриш дγл ки дарафди?

    3156
    Лапаткәлγ зәрәнки бил,
    Согә ҹунәш чγ тартапил?

    3157
    Миродhорә сиргә зәрә,
    Тγтγр мәίил ҝушhоί сәрә.

    3158
    Миҹәί рачә әри дирә,
    Чумhо нитав шәри бирә.

    3159
    Ә ҹар дорә чумкγшдәрә,
    Русвоί мәсох нум хγшдәрә.

    3160
    Лов-ләәрә әри бәсдә,
    Воҹ овсара ки дәбәсдә?

    3161
    Ә hәр хубиш нәфслγ дәмун,
    Әз чγрәтиш пәслγ мәмун.

    3162
    Әз чум пири палусдҝәш хун,
    Хов динҹирә - говрә мәхун.

    3163
    Јә балала сγврγсдәрәш,
    Әз дәбәhо дγрγстдә кәш.

    3164
    Ә шәрәвоз нисдҝә рафтар,
    Ҹγг низәнγ сәίәг кафтар.

    3165
    Јә шорә ҝоф нә шинирә,
    Ҝузәт мәсох пәсинирә.

    3166
    Кәί ләпәлγ согиш ниίов,
    Ләрзундәίә догиш миίов.

    3167
    Ә сәчҝуίә нубот бәди,
    Ҝоф дурҝурә гувот мәди.

    3168
    Ә әрсәвоз кошдә чирә,
    Ә нәфсәвоз хош вәчирә.

    3169
    Гонун ХУДО дәҝә ә дγл,
    Ҝәрәк нибу ίәҝәί әгγл.

    3170
    Әри кγшдә гәзәб дәрдә,
    Јә чап овиш дγл вәбәрдә.

    3171
    Әз тәфγргәί ίово - воίи,
    Ә гәсд ҹуниш ниίо поίи.

    3172
    Кәί ки, мозол бурмиш нибу,
    Сад ҹүр hиίләш гурмиш мибу.

    3173
    Кәί ίә кәлмә хушиш ниίов,
    Ә буз гилинҹ тушиш миίов.

    3174
    Новур ҝγрдҝә шәх-шәхәί ов,
    Боләлγίә салhош миίов.

    3175
    Чумә бәсдҝә нур васалиш,
    Ә фурм нәфәс мурав салиш.

    3176
    Тәίтә мундә зуhун – биҝоф,
    Орхоίинә зγhун биίоф.

    3177
    Пул-мол - дәвләт hисдҝә догиш,
    Ҝγвәнмиш бош ә ҹунсогиш.

    3178
    Әз шорә кор офдорәҝор,
    Руҝәруҝуш имбу ошкор.

    3179
    Рγћ парундҝәш гәмиш охмох,
    Ә тәгсиртγш нифрәтә сох.

    3180
    Вомундиҝәш hәрдән – hәрҝоί,
    Ә хәрәбә рәћhо нә поί.

    3181
    Мγгәддәси - әбәдиhо,
    Ҝилов зәрә ә бәдиhо.

    3182
    Ә дγл дәhо мәтләбhорә,
    Ә буз шорвор нибу дорә.

    3183
    Әз никиhо рихә шори,
    Гул-гәнәтиш рγћә дори.

    3184
    Ә ләhьәhо офдорәҝор,
    Әз хубиhо моίору вор.

    3185
    Гәнәтлγίә гушлу дирә,
    Һәдәф нифри тушлу бирә.

    3186
    Үҝγд дорәί ән hәр бәбә,
    Миидлγни ә фурм дәбә.

    3187
    Нәшуморә тәίтә бәрдә,
    Тићорут сох гобуг дәрдә.

    3188
    Әз ҝучлγίә бәћс ләпγрhо,
    Бәди миоίв – hозор ҹγрhо.

    3189
    Бγхтγ рихдҝә ә сәр кγчγ,
    Ә гγдрәтγш ҝуҹ мәпγчγ.

    3190
    Ҝикәрмишә нәхγлγрә -
    ХУДО митав әхирγрә.

    3191
    Бисдориҝәш ίә биҹ, ίә ҝиҹ,
    Бичорәίә рәћиш мәвиҹ.

    3192
    Суί – гәрәнтγ hисдҝә әҝә;
    Дурә – зәћәр нисди бәҝә?

    3193
    Сγрх парусдҝәш әз тубоίтγш,
    Ҝγвәнмиш бош ә ХУДОίтγш.

    3194
    Тә синогә зу вәҝγрдә,
    ХУДО әз дәс митав ҝγрдә.

    3195
    Әз синәмиш пиш - овнәки,
    Ә фурм овчиш нишон мәҝи.

    3196
    Ҝәрдәниҝәш гиров зәмун;
    Ә зуhун хәлг ҝиров мәмун.

    3197
    Ә сәр базу нә зәрә тох,
    Осдугурәш гирмиш мәсох.

    3198
    Ҝоф дорәтҝәш – сγрхиίә тәшд,
    Әз зулум ίод, ίослу мәҝәшд.

    3199
    Кәлә-чγклә hисдҝәш дәндγ,
    Дордәш ίә ҹγр биίо зәндγ.

    3200
    Әз ошпалу нә палусдә,
    Дод ћәлимә нибу ҹусдә.
  15. Shaul Guest

    Симпатии:
    0
    Баллы:
    0
    3201
    Әри чорәί –лγҝγί лохи,
    Әнҹәг рәћми биίо сохи.

    3202
    Ә хγрт-пγртγ зәрәнки тох,
    Ә фурм дγшмәш тәhгир мәсох.

    3203
    Поί бγнγhо әз hәд дини,
    Тәриф ХУДО - әбәдини!

    3204
    Чум гисгонҹә hич нә духдә,
    Әз гәзәбиш имбу сухдә.

    3205
    Ә мγрдәίи ән гиίомәт,
    Ҝузәтлγни hәм хуб, hәм бәд.

    3206
    И дγнίоhә тәίтә зәндә,
    Нә мγрг бири, нә ίә бәндә.

    3207
    Әз хошлγίә ћәрәкәтhо,
    Ә рәћ миоίв хәрә бәдhо.

    3208
    Әзәмәтлγ буhо ҹγрhьәт,
    Огоί сәри - әри гγрбәт.

    3209
    Әзир гәзәб домундәҝор,
    Киш бисдоҝә нивγнγ шор.

    3210
    Кәίки, әҹәл - әгрәб мибу,
    Ҝиринҹә сәр ә дәб нибу.

    3211
    Сәдиг мундә ә пишә,
    Чорәлγ бош hәмишә.

    3212
    Чалмаί орә вәҝγрдә,
    Әз лγҹγί кәс ки ҝγрдә?

    3213
    Әз бићоли ћγрш зәрә,
    әнкор мәсох хγшдәрә.

    3214
    Нәфслγ hисдҝәш фоίдәлγ,
    Ә дур нирав поίдәлγ.

    3215
    Аташ дγлә тә ҝγшдә,
    Локо мәзән ә хγшдә.

    3216
    Гәләт дирә ћовурә,
    Нишон нидγт новурә.

    3217
    Кәί әз хγшдәш миләрзγ,
    Ә ίә ләмбәш нивәрзγ.

    3218
    Мозол нисдҝә сәрбәрәћ,
    Әз дәрдисор чγ ћәрмәћ?

    3219
    Әри офдә бәхт тγрә,
    Әз гәрбол кәш вәхт тγрә.

    3220
    Гиров сохдә поί-дәсә,
    Әз рәћ ХУДО чγ пәсә?

    3221
    Әз муҹуҹи ободhош,
    Миидлγ бош – шоботhош.

    3222
    Гәίтонә нә сухундә,
    әрс шәәмә рухундә?

    3223
    Имидсγзә зиндәҝун,
    Пучи - ә бим дин зәкун.

    3224
    Әри сәрсон ҝәшдәҝор,
    Фәткәлγни бәш дәћор.

    3225
    Әри дузә рәћ чорә,
    Шәвг ән чумиш рγћ дорә.

    3226
    Ә сәхтә гувотәвоз,
    Ширин ниίов hәр овоз.

    3227
    Гувот поίә нә кγшдә,
    Ә чорзани ки нγшдә?

    3228
    Ҹγл зәрәнки ә гәд хов,
    Сокунәрә чγ гәндов?

    3229
    Ҝоф нә рихдҝә әз садан,
    Силисчирәш дәрдлγ тан.

    3230
    Тәћсирәнки воίәhош,
    Батмиш имбу моίәhош.

    3231
    Моләлγрә тә кγшдә,
    Пустәш мәкән әз хγшдә.

    3232
    Бии-бии возирә,
    Лγт ки hишдә гозирә?

    3233
    Сәрсон дирә ҹәћтлγрә,
    Тәслих мәсох – шәфтлγрә.

    3234
    Бор нә дорә - дор бәдин,
    Фантазиίа кор мәвин.

    3235
    Әри мγшкγл гәзәби,
    Фасон сохдәш ίә дәби.

    3236
    Хосдәниҝә hә лово,
    Ә фәгир чγ ћәлово?

    3237
    Ләмпәί дәси нә ҝγрдә,
    Чоләрә ки дәҝγрдә?

    3238
    Әри хγрдә сәрдәҝи,
    Ә дәс бәίбут мәвәҝи.

    3239
    Мәмзγриҝә ίә хәләф,
    Әз биҹиίγш чγ тәләф?

    3240
    Һә поίисдҝәш ә сәр рәћ,
    Әз бомбулиш чγ ћәрмәћ?

    3241
    Дәҝәшдәнки биморлу,
    Дәвриш мурав биҝорлу.

    3242
    Ҝушдсγз буhо ләгәрhо –
    Хγшҝи ә фурм ҹәгәрhо.

    3243
    Әз хәспушә кор дирә,
    Дγл нитану шор бирә.

    3244
    Әз бәдлγίә хушунә,
    Ниίо муну нушунә.

    3245
    Ә бим фасон шәрҹуни,
    Ләί-луί хурдәш әрчγни?

    3246
    Вәпичирә ә ћәчә,
    Ә фурм ҝудил мәвәҹә.

    3247
    Ә суί хγрдә апарат,
    Чап-чап мәзән ә малад.

    3248
    Чγларз парчоh – тәхтлγни;
    Гилгилирәш вәхтγни.

    3249
    Үшγгмәндә кор-борә,
    Бәҝәм имбу ор дорә?

    3250
    Битәнәшумолγhош
    Ҹури ә фурм әлγhош.

    3251
    Кәί ә сәр дәрд гәмиш нибу,
    Һороί-ћәшил кәмиш мибу.

    3252
    Нәвә-нишрә нәдирә мәрд,
    Кγнд ниίобу бәдиίә дәрд.

    3253
    Әри әз чум нә офдорә,
    Әз зир сәнгиш биίоф чорә.

    3254
    Хәми зәрә ә сγрхә тәшд,
    Әз тәмизи локо мәҝәшд.

    3255
    Ҝофә сохдә софлу – шобош,
    Әри hәр кор инсофлу бош.

    3256
    Әри дорә суί әсәли,
    Һәр миҹәрә ίә әмәли.

    3257
    Инсоф дγлә вир сохдәҝор,
    Ә чум ХУДО чγ хосдәҝор?

    3258
    Шәнлγ мундә әз поί бәди,
    Имид дγлә ә зоί мәди.

    3259
    Әз кγкиҝә паҹирәί тох,
    Бим виҹдонәш рихринҹ мәсох.

    3260
    Нәфс хγшдәрә бурҹлу дирә,
    Хостәί дәдәί ҝуҹлу бирә.

    3261
    Әз дγл хәбәр нә дорә,
    Мγһбәтлγрә чγ чорә?

    3262
    Һәр зомониш, hәр вәхтиш,
    Очмиш нибу дәр бәхтиш.

    3263
    Ә дγл ҹиҝә нисдиҝә,
    Әз бим мγhбәт чγ сикә?

    3264
    Ә рәћ мундҝәш чумhоίтγ,
    Ҹур ниίо бу тумhоί тγ.

    3265
    Дәрд-кәдәриш ә илом,
    Руί вәҝγрди әз Одом.

    3266
    Ки ә дγлγ пәхир дә,
    Дγшмән бирә әхирдә.

    3267
    Һовун дирә - мисирә,
    Бәхтиш митав хисирә.

    3268
    Нун-мγнγкә шиширә,
    Пәрт нисохут – киширә.

    3269
    Әз амбари дәрди-сәр,
    Мγрдлγ имбу зәрди шәр.

    3270
    Дγрγст хәбәр нә бирә,
    Ә дγл човгун дәбирә.

    3271
    Әз дәдәίhоί ән вәҹиш,
    Ширин нибу hич ίә чиш.

    3272
    Тә вәћш бирә тори - кин,
    Әзи илом шори вин.

    3273
    Кәίки, дәр дγл очуги,
    Данки, чумhош ошуги.

    3274
    Тә мәhрибон, тә хошит,
    Ә дγ-ίәки тән бошит.

    3275
    Хилос бирә әз кәдәр,
    Кинә ә дγл мәдәбәр.

    3276
    Гәләт сохдә шәринәш,
    Хәрлγ мәзән –әринәш.

    3277
    Әз дәр хунә дарафда,
    Ә ҝγнҹ нибу варафда.

    3278
    Хәрәбиҝә hәр кору,
    Диίә чγтам сәр дору?

    3279
    Кәίки, рачи ίә мәнҝи,
    Чγ мγвγнγ әз тәнҝи?

    3280
    Хәрәί гәмә дәчирә,
    Дәрдиш митав кәширә.

    3281
    Әз ошугhоί руί хори,
    Ә шори ки суί дори?!

    3282
    Ә вор бирә ҝγвәнмиш,
    Рγхшәнд мәсох ә мәнҝиш.

    3283
    Әз әшг Мәҹнун нә Ләίли,
    Ҝофhо имбу hә хәίли.

    3284
    Ә гәд дәвләт зиhисдә,
    Фикир мәсох – дивисдә.

    3285
    Мγhбәт ән ίор нә бирә,
    Кор шоhирә ки дирә?

    3286
    Торик бирәί ән γмγр,
    Суί мизәнγ ә кγмγр.

    3287
    Туфонбәндә дγлhорә
    Нибу ә буз бγл норә.

    3288
    Ә дγләсти дәмундә,
    Ә надан ки вәмундә.?

    3289
    Муίә дγ бәнд нә бофдә,
    Миҹәί рачә ки офдә?

    3290
    Руί вәҝγрдә әз Одом,
    Әри ки мунд и илом?

    3291
    Кәί рγћволуш соф нибу,
    Әз чи хурдәш ҝоф мибу?

    3292
    Дγлγ торик буhорә,
    Үшγгмәнди ки дорә?

    3293
    Әз ләг-ләгә ҝоф-ҝәләҹ,
    Ҝγрдә ниίов соф ә вәҹ.

    3294
    Дурә дγhо пиләтәш,
    Ҝәрми дорә кифләтәш.

    3295
    Әри бәсдә ләәhо,
    Ҝәрәк нибу ләгәhо.

    3296
    Әз ҝоф мундә бирази,
    Ә миродиш нираси.

    3297
    Кифләт кәлә бирәнки,
    Дγлиш никәшγ тәнҝи.

    3298
    «Мә ән тγнγм!» - ҝуфдирә,
    Дуз нисоху – шәфтирә.

    3299
    Әгγл нисдҝә ә тоху,
    Нәрмә зуhун чγ соху?

    3300
    Нушу дорә иҝидә,
    Гирмиш мәсох имидә.
  16. Shaul Guest

    Симпатии:
    0
    Баллы:
    0
    3301
    Мозол шәндҝә кγклγίә тох,
    Кор хәлвәтәш шәклγ мәсох.

    3302
    Тә сироίи ҝоф нә бирә,
    Бор воίҝәрә соф ки дирә?

    3303
    Ә бәхтәвоз әз ҹоί – дурлу,
    Ни импоίут руί-бәруίлу.

    3304
    Дәдәί мозол ә тум дәҝә,
    Дγнjохәндγст ә чум бәҝә?

    3305
    Тә сад ҹиро ћәвәсиш hисд,
    Үзҝә мγhбәт ҝәрәкиш нисд.

    3306
    Ә дγ рәћи пәртлγ мундә,
    Гисмәтә ки шәртлγ хундә?

    3307
    Ә сәр ән ҝγл пар нә зәрә,
    Поί мәдәни ә дог, дәрә.

    3308
    Воhнә ҝγрдә зимустурә,
    Килит мәзән дәр бустурә.

    3309
    Кәί әз васал хәбәр ниίов,
    Хγшҝә ләмбәш ә ίор миίов.

    3310
    Тә паҹирә әз ҹироίи,
    Әз әшг-мγһбәт чγ сироίи?

    3311
    Зиндәҝуни нисдҝәш ә хош,
    Ә гәм-гγссәш лоίиг мәбош.

    3312
    Рәћ дузирә hомор дәшән,
    Ҝофhоί дγләш әз ίор мәшән.

    3313
    Вәҝγрдә ћол дидәрҝинәш,
    Зинҹир мәзән ә сәр синәш.

    3314
    Гилиг тγрә сохдиҝә вир,
    Пәшмуίәтиш hич нибу дир.

    3315
    Әз дәс әрγс рундә сәсә,
    Нифри мәсох духдәр кәсә.

    3316
    Бγсҝә хуно кәίки товуст;
    Ҝурнә ҝофә ки вотовуст?

    3317
    Чәрхундиҝәш мγhрәhорә,
    Дурәί гәίлон сγврә дорә.

    3318
    Ә суд дивон залумίәти,
    Шәрә әз hәгг парун гәти.

    3319
    Нәр ә тәриф кәίки мәрзγ,
    Әз пуф зәрәш дог ниләрзγ.

    3320
    Рγћ бәрдәнкиш губорә ҹоί,
    Ә хәлвәтиш ХУДОрә хоί.

    3321
    Хори ХУДО әз зәвәр,
    Үшγг хурдә - ћәзтәhәр.

    3322
    Данусмәндә талантәш,
    Боҹиίγрә талан кәш.

    3323
    Зәћәрбәндә зуhунhош,
    Сәбәб бирә ә хунhош.

    3324
    Нә домундә ә хγшдә,
    Нәфс ίәловә ки кγшдә?

    3325
    Хиίәh зәрә дәрдhорә,
    Ки тәрсундә мәрдhорә?

    3326
    Тәлћ бирәнки хов нәдан,
    Рәћ имидәш тов мәдан.

    3327
    Нә пичирә ә рәћтγ,
    Гудуз нибу тәмәћтγ.

    3328
    Ҝәрдәнгирлγ зиhисдә,
    Шәәмлγ ки ҝирисдә?

    3329
    Ә дγл мәтләб нә дәҝә,
    Инсон нибу әз ҝәдә.

    3330
    Ә чи хурдәί – чиҝәрәк,
    Рγхшәнд сохдә чγ ҝәрәк?

    3331
    Рәћ офдәнки ә бәхтәвоз,
    Гәмиш мурав ә вәхтәвоз.

    3332
    Соворәлγ нә ҝирисдәш,
    Ки бәхш мγдγ сади бисдәш?

    3333
    Әри чумиш нә вохурдә,
    Түндә әрсәш киhо хурдә?

    3334
    Боришмишә ҹәнҝ нә бирә,
    Офтош ә бим мәнҝ дәбирә.

    3335
    Бγтγн γмγр тәки дирә,
    Дү дγл чγтам ίәки бирә?

    3336
    Дәрίоh дирә әз дәг Тирош,
    Ҝумонлу бош ә hәгг ҝирош.

    3337
    Чум тә дирә булундирә,
    Јγк гисмәтиш ҝурунд бирә.

    3338
    Әз ћәсрәт ίор сухдә-сухдә,
    Кγлә ә хок ки фурухдә?

    3339
    Хәтолγίә кор нә бирә,
    Ә дγл дγшмә шор дәбирә?

    3340
    Јорә әίор овурдәнки,
    Нәштәр мγίнγ обур тәнҝи.

    3341
    Рач ћәjорә нә дошдә,
    Комини руί ә хош дә?

    3342
    Әз бγхтγhоί бичорә,
    Гәм хурирә чγ чорә?

    3343
    Ә кәф дәс тγ нә дәҝә,
    Бәхш нивини әз ҝәдә.

    3344
    Әз буг дорәί ҝәрмә-хош,
    Нәданлγίә сәр мәбош.

    3345
    Әри гисмәт нәри - бәхт,
    Ә тартапил дәри – вәхт.

    3346
    Әри шоhвор ән ҹару,
    Ҝуҹиш әз дог импару.

    3347
    Әри ә хош оморәш,
    Синәмиш сох доморәш.

    3348
    Нәс хундәҝә дγлтγрәш,
    Импаҹуну ҝγл тγрәш.

    3349
    Воруш hово нә рихдә,
    Хориш чатирә вихдә.

    3350
    Ҹγг зәриҝәш сәрә-сәр,
    Косиб мәбош – дәрә-дәр.

    3351
    Имкон офдә лап ίә дәнәш,
    Ә и дәврон ниίоί ҝәнәш.

    3352
    Меhрибонә хостәίирә,
    Ә чум имбу хоштә дирә.

    3353
    Әз ҝγл хγшдә әшг нә дирә,
    Ә гәриш хәлг – гәшгә бирә.

    3354
    Ә кәф пәнҹә нә зәрә мих,
    Ә фурм зәлγ хунә мәрих.

    3355
    Сәр-сәриίә ворвориhош –
    Ҹузлә бәрдә әз шориhош.

    3356
    Сәс-кγί сохдҝәш ә гәриш хәлг,
    Нитав бирә кәдәриш гәрг.

    3357
    Кәί ки, ίорәш ћәвәс мибу,
    Чумhоί тγрәш әвәз нибу.

    3358
    Сокит рихдә ворушhорә,
    Хγшдән ХУДО хомуш дорә.

    3359
    Хори кәлә бәбәhорә,
    Ә ίод нибу дәбә дорә.

    3360
    Шγгәм - ҝиснә нә бирәнки,
    Әз ίор имбу әнҹәг – тәнҝи.

    3361
    Әз лов вишә дур бирә вәхт,
    Ә гәчориш мисоху ҹәћт.

    3362
    Фикир дорә ћәзлγ hәр боί,
    Хәлг Вәтәнә әзизлγ хоί.

    3363
    Әз әмәлhоί әрәгәҹи,
    Дγлхγрдирә чорә әҹи?

    3364
    Ҝиснәίирә сәбәб дирә,
    Дγлиш митав битоб бирә.

    3365
    Ә сад фикир шәрик дәҝәш,
    Ә чум имид торик мәкәш.

    3366
    Ләпәсγзγ ән пучә ҝоф,
    Јә локоίи ә вәҹ инсоф.

    3367
    Чγн асдараί чәрхә әсму,
    Товушлу бош ә рәћ – ћәзму.

    3368
    Хосдәниҝәш әз дγл-ҹуни,
    Ә мγлк кәдәр нәбу муни.

    3369
    Кәί туз hәггә покундәни,
    ХУДО дәриш вокундәни.

    3370
    Гәриш дγлγ нисдҝәш вәди,
    Мγhбәт тγрә әз дәс мәди.

    3371
    Дурҝун әри ћәвәс дирә,
    Дγ-дγдγίи «чор» нәс бирә?

    3372
    Тә әз душоб - әсәл вихдә,
    Әз гәләтиш әрсhо рихдә.

    3373
    Нурлуниҝә зиндәҝуни,
    Ниίо ә гәд кин дәмуни.

    3374
    Сәвҝиниҝә миҹәί hәрчγ,
    Хосдәҝорә тәркиш әрчγ?

    3375
    Кәί ә зуhун ҝофиш ниίов,
    Бәҝәм ә чум ховиш миίов?

    3376
    Кәί сад ҹγрә нифриш мибу,
    Ίә кәлмәίγ сγрхиш нибу.

    3377
    Гәдγшлγίә хориhорә,
    Әнҹәг ХУДО – ори дорә.

    3378
    Танусдәнкиш хγшҝи – зобу,
    Хурдә нуниш нуш биίо бу.

    3379
    Дγләхури сохдҝәш - вошҝу,
    Хилоскортγш ХУДО бошҝу.

    3380
    Ә тирозу нә донорә,
    Шәләί кәсә ки вонорә?

    3381
    Човгуниҝә коh нәфәсγ,
    Тон ниҝγрγ тәлhоί сәсγ.

    3382
    Дустә hишдҝә әз нун нә ов,
    Дурәловуш зу мәдиров.

    3383
    Факт бәсдәнки чум ловгорә,
    Әз зуhунуш нибу чорә.

    3384
    Сәр сурдорә нә вокундә,
    Чγлк хәторә ки покундә?

    3385
    Виҹдон – сабур тәίтә вихдә,
    Зуhун – ләнәт митав рихдә.

    3386
    ћγрмәт одтγ ә сәр вошҝу,
    Әз әсмуhош зәвәр бошҝу.

    3387
    Тәмизкорhо әз туз буру,
    Ә лоҝониш поί мушуру.

    3388
    Саίлhо нисдҝә никидору,
    Әз сәрһош ов миҝирору.

    3389
    Кобоб дирә сәћиб дәрдә,
    Зиндә-зиндә ки фубәрдә?

    3390
    Әгγлбәндлγ диҝәш сәрә,
    Пишбонгулиш ноhог зәрә.

    3391
    Вәхт ҝирошдҝәш ίовош-ίовош,
    Әp рәћм ХУДО сабурлу бош.

    3392
    Кәләί бγтγн γлкәhорә,
    ХУДО митав чγклә норә.

    3393
    Мγћкәмлγίә әбәдилик,
    Ә сәр дузи поίисдә тик.

    3394
    Гγдрәтлγίә корhо дирә,
    Митав сәћиб орhо бирә.

    3395
    Дәсочуги бурбундәҝор,
    Фәгирhорә поί мγдγ – шор.

    3396
    Гәзәб ән руз вокундҝә чум,
    ХУДО әнҹәг мисоху тум.

    3397
    Бимәлγмә сәс шинирә,
    Гудуз мәсох нәфс кинирә.

    3398
    Ә домундә тәнҝиίә руз,
    Ҝәрдән дәвә ни имбу дуз.

    3399
    Имид рихдҝә әз Тироίиш,
    ХУДО мγдγ тә сироίиш.

    3400
    Гәдәрсγзә сабурhорә -
    Имбу дошдә ә бим чорә.
  17. Shaul Guest

    Симпатии:
    0
    Баллы:
    0
    3401
    Худотәрси ә руί илом,
    Јәдиҝори әз дәвр Одом.

    3402
    Һәм мγгәддәс, hәми зәћмлγ,
    Јарашуги әри рәћмлγ.

    3403
    Кәί ћәримәί пули ниίов,
    Ә хунәίγш були миίов.

    3404
    Зәћм хγшдәрә гучлу дирә,
    Имид бәдhо пучлу бирә.

    3405
    Һәгг рихдәнки әз чум шону,
    Дγшмәш ә поί миίофдону.

    3406
    Әз булог чум рихдҝә хәтош,
    Ә бәдә руз гәлхәндлγ бош.

    3407
    Ә ҝәрдәнтγ кәί вәhишди;
    Кγк әсγлә гувотиш ди.

    3408
    Шәш зувунә ҝоф сохуhош,
    Әз ћγкм ХУДО миίов ә хош.

    3409
    Мәнликирә шәндә ә бод,
    Тарафкәши мәсох ә ίод.

    3410
    Гуίлумәндә тәрҝи дирә,
    Ә гәриби нәр ки бирә?

    3411
    Һәдәрәмлγ дγл сухундә;
    Ә сәр митаί кγл рухундә.

    3412
    Гәрушугә корhо дирә,
    Имбу гурбуί ворhо бирә.

    3413
    Зиίод сохдә дәрди-сәрә,
    Сәгәт мәди – гәрдибәрә.

    3414
    Ә әнҝγшдтγ вәҹәвундә;
    Нун дуhорә ки овундә?

    3415
    Сγст бисдоҝәш ворә-ворә,
    Бушә хәндә бор нәс дорә.

    3416
    Домундәнки ә гәд тәнҝи,
    Дγл имбәрγ дәвоί ҹәнҝи.

    3417
    Тә хәзмуни куфдә дәрәш,
    Әз гәрбол кәш - әгγл сәрәш.

    3418
    Тә әнҝγшдә әнҹ вәҝγрдә,
    Зу ҝәрәки әίбә ҝγрдә.

    3419
    Сәргуз мундҝәш ә тәhәр гог,
    Руί нә бурбун ә бодолог.

    3420
    Әз биинсоф тә ћол дирә,
    Зир поί митав сәр чол бирә.

    3421
    Гәриш дγлә тγнд губәрдә,
    Рγхшәндирә ки фубәрдә?

    3422
    Кәί ки, синә бәлгәмлγни;
    Ҝәрм ћәлимиш мәлћәмлγни.

    3423
    Вомундәнки ә дәс гизмиш,
    Сиίә нуниш мибу – кишмиш.

    3424
    Нәҝγрдәнки ҝоф ән дγлә,
    Лићә мәхун – соф әгγлә.

    3425
    Тоҹә ћγрмәт нә дирәҝор,
    Чγп нивγнγ әз бирәҝор.

    3426
    Хушә руίә нә бурбундә,
    Нә дан, мозол ә хурҹун дә.

    3427
    Инҹимиши буhо ҹиҝә,
    Нәвсиш имбу тикә-тикә.

    3428
    Сәронҹоми корә дирә,
    Фикир орлу чорә бирә.

    3429
    Гγҹ зәрәнки ә локоί хун,
    Гәзәб ћγршә hинәр мәхун.

    3430
    Тә нәбирә корhо зобу,
    Бирорбәхши тән биίо бу.

    3431
    Зән хосдәнки – hәлγсти,
    Дәрд ән дγлγш палусти?

    3432
    Әз әшгиҝә чуму ћир,
    Урә диίә чγ әхир?

    3433
    Бәләдчиhо нә бирә;
    Әз ҹәнҝ хоши ки дирә?

    3434
    Әри кәчәл буhо сәр,
    Сурог ҝузҝирә мәбәр.

    3435
    Әз ковнәί дγл hисдҝә сәхт,
    Шәкиш мәсох, нисдҝә бәхт.

    3436
    Әз чәнд ҝилә оморә,
    Ә кук чарун – доморә.

    3437
    Дγл сәћибhоί духдәрә,
    Һәрбоί нибу ҹγх зәрә.

    3438
    Әз сәр сохдә гунширә,
    Тәћно мәху нун-чирә.

    3439
    Әз хотурәί ән воίҝу,
    Јәзугитγш биίовҝу.

    3440
    Тәίтә ошкор бирә ҝоф,
    Дγләш нитаί дирә соф.

    3441
    Кγhнә лоҝон ән ћомум,
    Нибу әри тәћно нум.

    3442
    Мар расиҝә ә лγҹγ,
    Ә ҝәрдәниш мәпγчγ.

    3443
    Әз вамасhоί ән гәбәр,
    Мγрдәҝорә чγ хәбәр?

    3444
    Бирор – ћовур нисдиҝә,
    Биίо вәхсγ әз ҹиҝә?

    3445
    Вәнҹγрγтҝәш чγн пәни,
    Ә нун гунши чум мәни.

    3446
    Соги дγлә нә ҝγрдә,
    Ләзәт нибу вәҝγрдә.

    3447
    Әз гәлизә зиhисдә,
    Нә сада хоί, нә - бисдә.

    3448
    Тә әз чуму рихдә әрс,
    Әз торики дγлγш тәрс.

    3449
    Ә човгунә руз бәди,
    Дуст биίо бу дуз - вәди.

    3450
    Голиндиҝәш дγгәдә,
    Имид мәбәсд ә ҝәдә.

    3451
    Чγк-чонәлγ буhо кор,
    Бәhәр нидγ чγн чинор.

    3452
    Әз рихшәнди вәхγшдә,
    Ошуг мәбош ә хγшдә.

    3453
    Дәрди-сәрә нә кγшдә,
    Дог мизәни ә хγшдә.

    3454
    Тә кәмәрә нә куфи,
    Хурдә чирәш мокуфи.

    3455
    Соги нисдҝә ίә кәмбиш,
    Ә дәвләт чγ ҝγвәнмиш?

    3456
    Әз бим хурдә, вокундә
    Тар чумә ки покундә?

    3457
    Дирә бәгдә әлчәги,
    Мумуну дәб – гәчәги.

    3458
    Зиhисдиҝәш чγн овом,
    Ләзәт вәҝи әз илом.

    3459
    Нә сохдиҝәш ίә бо мәшг,
    Лол ниίо бу зувун әшг.

    3460
    Бисдориҝәш әҝәр дог,
    Ә хәлг мәίо бодолог.

    3461
    Ә рәћ шәфтлγίә кор-бор
    Јә миҹәш ә дγл мәдор.

    3462
    Нәрасирә ҝоволу,
    Нитав бирә - hоволу.

    3463
    Туршов бирә әз хәсдhо,
    Тушлу мәмун ә гәсдhо.

    3464
    Әри мозол тәмәћиш,
    Очмиш имбу сәбәћиш.

    3465
    Хγшдәнхоhиҝә әнҹәг,
    Јә хәίр ниίов әз әлчәг.

    3466
    Саίлов бәрдҝә бун тγрәш,
    Зу хилос сох ҹунтγрәш.

    3467
    Васал – ҝәрми нә хурдә,
    Ҝγлhош нитав вокурдә.

    3468
    Имид норә ә инсоф,
    Фурмиш мәбош ә бим ҝоф.

    3469
    Голмоголә ҹәћтиҝәш,
    Әри мозол тәћди кәш.

    3470
    Әз буләhоί – hәдәхун,
    Ә рихшәнди мәдәмун.

    3471
    Гәhриίә кор нә дирә,
    Сәрсон шγвәр ки бирә?

    3472
    Нә омоҝә ә чум – хош,
    Дγлнәхоhә чγ томош?

    3473
    Воhнә ҝγрдә ίә ҝофә,
    Ә вор мәди инсофә.

    3474
    Духдәр –әрγс тә бирә,
    Ә сәр гәрбол вәбирә.

    3475
    Ә гоhимә дγл ҝиро,
    Рγћә әз ҹун чγ ҹиро?

    3476
    Әри дошдә ћγрмәтә,
    Уҹуз мәҝи мγhбәтә.

    3477
    Руз ҝирошдҝә hәдәрлγ,
    Гәмиш миίов – кәдәрлγ.

    3478
    Хубә чи-чәм нә хурдә,
    Ә зиндәjи ә гур дә.

    3479
    Пирсирәнки ћол кәсә,
    Јослу мәдор ћәвәсә.

    3480
    Јә тәфәәт нә дорә,
    Корә мәвин дγборә.

    3481
    Әҝәр вәрдиш – hәрчγни,
    Диίә дәрдиш әрчγни?

    3482
    Вәҹә - ә бим нә ҝγрдә,
    Хәторә ки дәҝγрдә?

    3483
    Нγшдә бәгдә ә гумор,
    Хушә рузә мәшумор.

    3484
    Нәс дирәҝә тγндирә,
    Митаί ә гәм кγнд бирә.

    3485
    Варавундә хγшдәрә,
    Әз рачи ки ћγрш зәрә?

    3486
    Сирдоглγίә дγлhорә
    Нивоί, ә фурм кγл норә.

    3487
    Руί вәҝγрдә әз дәблγ,
    Дәҝиш мәбош – хәрәблγ.

    3488
    Шәвә ә руз чарундә,
    Хов чумә ки парундә?

    3489
    Бимγћтоҹә кор дирә,
    Әз дγл нибу шор бирә.

    3490
    Тәίтә офдә никә рәћ,
    Ә сәнгәлуг чγ тәмәћ?

    3491
    Соί мигдору нәбуhо
    Дәрд овурдә зәбуhо.

    3492
    Гәришмәтил буhо кор,
    Сәбәб нибу ә бим шор.

    3493
    Јә тәнкәшә вәҝγрдәш,
    Чорәлγни чγн әдәш.

    3494
    Тә нәзәнγ лγҝγί лох,
    Гәзәб дγлә тиhи сох.

    3495
    Хγрд нәбирә ћәчәί ҹун,
    Дγлә ә сәнг мәчарун.

    3496
    Поίисдәίҝә ә сәр ҝоф,
    Бәхтлγ имбу дәр инсоф.

    3497
    Әз дәрд – болә вәчирә,
    Согирә ки дәчирә?

    3498
    Хәм-хәίолә гунширәш,
    Һәрдән-бирдән ә бим кәш.

    3499
    Әри офдә дузҝирә,
    Томошә сох ҝузҝирә.

    3500
    Ә ихтилот нә нγшдә,
    Ә тәхт нибу вәнγшдә.
  18. Shaul Guest

    Симпатии:
    0
    Баллы:
    0
    3501
    Әз дγлбәнди битов хосдә,
    Бәхтә рәддиш митав сохдә.

    3502
    Хостә дγлhо гәм нә дирә,
    Һәр вәхт ә сәр дәм вәбирә.

    3503
    Һәр кәлмәрә чәрх нисохут;
    Ә дустәвоз фәхр мисохут.

    3504
    Тә тәћсирә ҝоф ихтилот,
    Һәр кәлмәрә ҝу, ћитиίот.

    3505
    Кәί инсонә кәдәр мибу,
    әзиίәтәш гәдәр нибу.

    3506
    Шәк сохдиҝә әз бивәхтиш,
    Очмиш имбу ίә руз бәхтиш.

    3507
    Әз бирәίи чум нисдҝәш тух,
    Чун асдараш парлγ мәсух.

    3508
    Рәћмибәриш кәί никәши,
    Тартапиләш тγ микәши.

    3509
    Сәрәдорди нә ҝирошдә,
    Тәмәћ пәсә нәс воҝошдә.

    3510
    Бургов кәпәк хуруhо ҝов,
    Мγћтоҹ нибу ә хγшҝ ҝиίов.

    3511
    ХУДОίиҝә - никидору,
    Бәдчум әз ίон миҝирору.

    3512
    Шорһоj чумhо нә бирә вәхт,
    Дγлhош ә тәрс дәбирә сәхт.

    3513
    Әри мундә ә гәм тобу,
    Ширинә ҝоф кәм ниίо бу.

    3514
    Пәшму hишдә ҹусдәҝорә,
    Булә шор ди дустә - ίорә.

    3515
    Кәί әз фәрзәнд – мәрдиш нибу,
    Әз дог ҝурунд дәрдиш имбу.

    3516
    Әз дор бәди тубо чирә,
    Ҝγлә руίиш зу паҹирә.

    3517
    Дорhо бәhәр овурдә вәхт,
    Богбон гәίмог ҝγрдә әз ҹәћт.

    3518
    Хуну ширин нисдҝә әҝәр,
    Чγ мисоху әсәл, шәкәр?

    3519
    Дγлшориίә инсонhорә,
    Хγшдән ХУДО имкон дорә.

    3520
    Ә мәтләб дγл нә расирә,
    Гисмәтә ки вәрасирә?

    3521
    Әз лγҹγί әшг тә нәхш норә,
    Пәшмунирә ки бәхш дорә?

    3522
    Сәрсон hисдҝәш кимиhошу,
    Дәрд мγhбәтә ки никәшγ?

    3523
    Шинирә сәс ошугhорә,
    Хунәш шорлγ γшγг дорә.

    3524
    Зиндәҝуни хуб нә бирә,
    Ә дγл сәр вәхт губ дәбирә.

    3525
    Гәhри буhо пәртә хуно,
    Бил ә рәћтγ шәр нә муно.

    3526
    Дγнjоһә рач хосдәҝорhо
    Софи әз ҹәм сохдә корhо.

    3527
    Гәришиҝә ә шәр hәр кор,
    Чумhо чγтам ниίору тор?

    3528
    Ә рәћ мундә чумhоί ίорә,
    Руз пишнәвиш тор ки дорә?

    3529
    Чәнд гәлизә мγсибәтhо,
    Шәксγз рихдә әз дәс бәдhо.

    3530
    Хостәί ән дγл нәбуhо ίор,
    Әхи чγларз дәбу ә шор?

    3531
    Зиндәҝунә тә пәс дирә,
    Ним-ноhогә кор нәс бирә.

    3532
    Кәί ки, фикир – зәћәр ҹуни,
    Мәни хундәш ίә дәрмуни.

    3533
    Рәћм ХУДОрә хубмиш дирә,
    Лово әз лов гупмиш бирә.

    3534
    Тә ҹыҹ шәндә тазаί бәди,
    Әхир корәш ә заί мәди.

    3535
    Һә ки, имид митав мγрдә,
    Әз дәс бәхтиш нитав ҝγрдә.

    3536
    Мәлћәмиҝә ҝәрми тәнγ,
    Ә hәгг дузиш сәр мизәнγ.

    3537
    Нә омоҝәш сәр-дγм ә хош,
    Ә тәбиәт шәрлγ мәбош.

    3538
    Әз аташа мәсәлhоί кәс,
    Ҹγх низәнγ әсәлhоί нәфс.

    3539
    Кур - чәнгәдә бисдоҝәш шәр,
    Ҝәнәш ҹәгли мәкәш ә сәр.

    3540
    Хурдәниҝәш нун ән ҹγίи,
    Тә кγч бирәш биίо зγhи.

    3541
    Әгγл мувәћ hисдҝәш ә хош,
    Әз чум дγлиш пәћни мәбош.

    3542
    Әз фикирhоί ән кγшә-кγш,
    Ҝәрдәнгирлγ сәргуз мәнγш.

    3543
    Хомлу мундә әз хошә-хош,
    Тәрифмәндә ћомбол мәбош.

    3544
    Туфлγбәндә пәшму бирә,
    Имбу шәндә хәспуширә.

    3545
    Чутҝә зәрә соί мигдорә,
    Мәрд ә әрә сәдиг норә.

    3546
    Рихриҹәлγ сохдә дәрдә,
    Саташәлγ моч ки бәрдә?

    3547
    Сәрбәрәћи корә дирә,
    Мәћлγ митаί борә чирә.

    3548
    Обурмәндә әсγлдорhо
    Бәхши әри әрγс шорhо.

    3549
    Әз бићоли шәклγίә ҹун,
    Бићәрмәћә тәклγ мәмун.

    3550
    Тәмбићhорә ҹусдә бимбуш,
    Асдамәндлγ дәбәр ә ҝуш.

    3551
    Әз дорунә фикири тγ,
    Вәћш ни имбу фәгиритγ.

    3552
    Ҹофокәшә булә дорә,
    Шәләίγрә ки водорә?

    3553
    Моίәлγίә гәзонҹлγhо,
    Фурсиш мγдγ ә боҹлγhо.

    3554
    Дәрвозәί дуст нисдҝә очуг,
    Ә сγфрәίγш мәбош ошуг.

    3555
    Ҝурни ҝофә нә пәίмундә,
    Хγшдәрә - хәр митаί хундә.

    3556
    Зиһимбәндә гәноҹоглγ,
    Әз дγл нитав бирә доглγ.

    3557
    Пәћни бирә ә хγр чәмән,
    Ә кор ћәрмәћ пәхγр мәшән.

    3558
    Ә зир судум шәлә-кγләш,
    Ә ҹар мәди ҹураί дγләш.

    3559
    Ловhоί ләә зәҝә килит,
    Ҝофә әз сәр сохит хирит.

    3560
    Әри ҹγфтә гул ћәшори,
    Гувот дорә пул ошири.

    3561
    Әз ворсγзи тәнҝи сохдә,
    Ә шәртәвоз зән ки хосдә?

    3562
    Шорә әз чум вәдәшәндә,
    Ә руί хγшдә ки туф шәндә?

    3563
    Бәхтә-бәхтлγ тә руз дирә,
    Мγфтәхуриш гудуз бирә.

    3564
    Мәшгуләтә кор нә бирә,
    Ә руз дәәм нәс дәбирә.

    3565
    Бәћсә-бәћслγ буhо корhо,
    Тәк-тук мундә әз hозорhо.

    3566
    Ә бим мозол, ә хотур бәхт
    Үшγг чумә мәбәр hич вәхт.

    3567
    Кәί номусә мәрд никәшγ,
    Биәнкориш дәрд микәшγ..

    3568
    Зәћм дирәнки әз hәр гудуз,
    Сәћибсγзә чγ хубә руз?

    3569
    Дәсγ ә хун тә дәбирә,
    Һич гирмизиш нитав бирә.

    3570
    Вор рихдәнки әз имидγ,
    Һәләмәhәл дәсиш нидγ.

    3571
    Нун тә хурдә әз тәшт губи,
    Ҝиснә мундә диίәш хуби.

    3572
    Сурр әгγлә тәίтә офдә,
    Сурр иломә киhо бофдә?

    3573
    Аташ ХУДО ίәлов дирә,
    Вишәhош лγт митав бирә.

    3574
    Хәрәбә дγл ниίәтлγhо
    Мγмрγ әз әшг гиίрәтлγhо.

    3575
    Инсоф нәфсә нә пәίмундә,
    Гәрор хәлгә тәкәί хундә?

    3576
    Гәсд ворихдҝә әз коhнәίγш,
    Дәрд мγрγхγ әз воhнәίγш.

    3577
    Ҝγрдә әсәл пәтәк-пәтәк,
    Ҝоф мисоху пәлтәк-пәлтәк.

    3578
    Дγл сухдәнки ә доруhош,
    Дурә моров ә буруhош.

    3579
    Фурс дорәнки ә суί пәләнҝ,
    Ҝуллә рихдә ә руί нәhәнҝ.

    3580
    Ҝоф чарусдҝә ә ҹәгҹәгәш,
    Тәнҝи мәкәш ίә дәгдәгәш.

    3581
    Кәί ХУДОлу ә hәгг мирав,
    Јә дәгдәгәш нәhог нирав.

    3582
    Фурмиш бирә ә шәр – субук,
    Сәр мәвәни ә сәр кутук.

    3583
    Әз дуролов ән ҝәзинә,
    Пәшмулурә чγ пәсинә?

    3584
    Әз хәтолγш дирә шәров,
    Хилос нитаί бирә hәрдов.

    3585
    Пар зәрәнки ҝәбәί гәргγш,
    Шәр моίору дәбәί вәрдγш.

    3586
    Ә чум бәдлγ ҝγрдә тирәш,
    Дунә мәхун – хγрдәкирәш.

    3587
    Тә варасда думон ҹәнҝә,
    Ки никәшγ ҝумон мәнҝә?

    3588
    Вәћш бисдоҝәш әз шәк мәрдγм,
    Нәр ниҝуίу: «Әз тәрс-зәрдγм.»

    3589
    Әри дорә ҹунә илhом,
    Офтоjини – чорәί илом.

    3590
    Ә ίә брура нәхуί ән мәрд,
    Һич нивәрзγ базуί нәмәрд.

    3591
    ХУДОмәндә тики норә,
    Әри ҹуһур ники дорә.

    3592
    Ранҝ парундә әз ор шивән,
    Кγчмγширә әз ίор мәшән.

    3593
    Зулмәтиҝәш сиίә фәндγ;
    Дγшмә әз дγл ниίо хәндγ.

    3594
    Гәләтлγίә ҹәћтә дирә,
    Хунлу мибу ләхтә бирә.

    3595
    Әз чγк-чәноί ән зәћмиhош,
    Чат мизәнγ чән рәћмиhош.

    3596
    Әри әләм Јәршолоίим,
    ХУДОмәндлγ биίо поίим.

    3597
    Фәм сохдәнки әз ор тини,
    Әдәб-әркән хубә чини.

    3598
    Һәгг-ћисобә ҝγндә зәрә,
    Ә кор мәίор ћγндәвәрә.

    3599
    Һәр назлγίә сәлигәлγш,
    Нидәмуну ә бим пәлγш.

    3600
    Ә бим хуби буҝә тәмәћ,
    Рүћ мәҝири әз нур сәбәћ.

    3601
    Ҹусдә әjбһоj мәндәίирә,
    Зиίод мәсох хәндәίирә.

    3602
    Әз ҹγр-бәҹγр ҝоф шәндәhо,
    Тәслих бирә руί зәнчәhо.

    3603
    Чумәрәћи хосдәҝорә,
    Нибу ә буз шоhвор дорә.

    3604
    Рγћ парусдҝәш әз гәләткәш,
    Әз әмәлтγш хәҹәләт кәш.

    3605
    Әз ҹγх зәрәί ән биҹә ҝиҹ,
    Ә ίодовоз чγ пичә-пич?

    3606
    Әз тоорих гәдимбәндhо,
    Мәћрγм бирә - ίәтим зәндhо.

    3607
    Нәнуίхунә гәмлγ дирә,
    Сәәр хурдәш дәмлγ бирә.

    3608
    Ҝофhоί дγлә вәдәкγрдә,
    Гушә парлγ «ҝәдә» ҝγрдә?

    3609
    Чип-чиҝиҝә сурог хоши,
    Субукмәндлγ ниίо боши.

    3610
    Әз сад ҹиро тоҹә имкон,
    Ҝирίәлγни әхир инсон.

    3611
    Ә гәдγшә мәскән хори,
    Әз ХУДОίи сәр-тән шори.

    3612
    Әри «бәә - вәчә» инсон,
    Сγрхиш имбу пучә имкон.

    3613
    Нәштәрлγίә ҝоф шинирә,
    Ә ίор биίор соф динирә.

    3614
    Шәв-руз әри Јәршоләίим,
    Ҝовләίирәш биίо хоίим!

    3615
    Ә мγлкәдар чарусдиҝәш,
    Әз сәр они ҹару мәкәш.

    3616
    Әри хотур ән бигәдγр,
    Ә зир фәткә ки зәрә хγр?

    3617
    Вәрф рихдәнки тә ноф тикиш,
    Бугоз миίов әз хиникиш.

    3618
    Ә гәтрәίә ҹәзорәвоз,
    Хундә мәни нидγ овоз.

    3619
    Тәрбиίәдор дананиҝә,
    Мәћтәл мумну hәр ки диҝә.

    3620
    Зиίод хостә тәмәћтγрә,
    Биод мәсох мувәћтγрә.

    3621
    Гирлигонә чγләконлу,
    Кγчмиш бирә кγләдонлу.

    3622
    Миҹәί дγлγ тә гәм дирә,
    Чәрми ҝомиш ә дәм бирә.

    3623
    Ҝофә әри шох ҝуфдирә,
    Ҝилов мәзән лох шәфтирә.

    3624
    Ә чум кәсhо нисдҝәш вәди,
    Ићтиборәш әз дәс мәди.

    3625
    Тәίтә чумhо товлу дирә,
    Әз Тиро дур нибу бирә.

    3626
    Әз гилигтγ ҝγрдәнγткәш,
    Гәίгуhорә әз γҝγд кәш.

    3627
    Кәί әз губи дур нимуни,
    Әз ҹәзониш ҹурр мимуни.

    3628
    Хубә ҝофә ҝуш нә дошдә,
    Ә богчәίγ ки дор кошдә?

    3629
    Шоhирбәндлγ нә зγhγсдә,
    Ә ҝуҹәвоз ки нγвγсдә?

    3630
    Тәмбәлирә - сабур хундә,
    Зәифмәнди ки бурбундә?

    3631
    Хосдәίәти ән сад гәди;
    Әз чум нә руί бошҝу вәди.

    3632
    Хосдәхундә рγћ нә дорә,
    Әри ћолтγш ниίов чорә.

    3633
    Әз тәфγргәί гәтиίәтиш,
    Дәглγ рихдә әрсhоί бәдиш.

    3634
    Дγл хγшдәрәш фурмундәҝор,
    Нәшдәр зәрә ә ҹун нә ор.

    3635
    Рихдә-рихдә дәгhоί ән бун,
    Ә вәћш миоίв дәгмәί ән ҹун.

    3636
    Әз соворә - хинҹлγί вошҝу,
    Рафдә рәћтγш динҹлγ бошҝу.

    3637
    Пар зәрәнки әз чәћәни,
    Хушә руίә чγ пәћәни?

    3638
    Ә дәб дәҝәш – сиίә воίу,
    Ә чол нәзник ниίо поίу.

    3639
    Кин ворухдҝәш әз ћγҹәткор,
    Дәс растирәш әз хәто дор.

    3640
    Әз гәлпиҝәш ҹәлби ίобу,
    Кәлләί дγшмәш ћәл биίо бу.

    3641
    Әз ҹустәί ίор hәдәр дирә,
    Софίәтирәш гәдәр бирә.

    3642
    Парс рихдәнки әз соф нәдан,
    Пәсә-пишоί ән ҝофә дан.

    3643
    Ихтилотә сохдҝәш кутәћ,
    Кәм ни имбу дурази рәћ.

    3644
    Ә бим чорә нисдҝә тәдбир,
    Софίәтиhош имбу – тәкбир.

    3645
    Руҝәруҝә мәнәмhорә,
    Ә ҝофәвоз нибу чорә.

    3646
    Әз бәдиҝә ίә ләгәмиш,
    Һич нидобу ίә дәәмиш.

    3647
    Ҝәвγлсγзә чи хурдәнки,
    Әћвол согиш мγдγ тәнҝи.

    3648
    ћолбоҹлγίә нәфс нә бирә,
    Ә кор дәәм нәс дәбирә.

    3649
    Әри дошдә рγћтоҹирәш,
    Ниίо кәши мγћтоҹирәш.

    3650
    Ә зулумә човгун бәдиш,
    Хәίрлγ бошҝу әгибәтиш.

    3651
    Јә әдәтәш әри дошдә,
    Кγчмишиhо нәс воҝошдә.

    3652
    Ә муίhоί сәр офдоҝәш дән,
    Имидhорәш гәрбол мәзән.

    3653
    Ә сурр ХУДО рәћ нә офдә,
    Дәрмуί ҹунә нитаί бофдә.

    3654
    Мәәнолγ нисдҝә фикир,
    Лов нихәндγ – нә зу, нә дир.

    3655
    Ә чумәвоз дәниширә,
    Ә дγләвоз гәм кәширә?

    3656
    Дәрдәҹәри дγhо корhо,
    Гәлпи әри гәзәбдорhо.

    3657
    Гәнәт зәрә ћәсрәтиҝәш,
    Гәίгубәнди поίhорә кәш.

    3658
    Әз ҝоф ћәсбошолум биор,
    Дурҝуниίγш ниίов ә ίор.

    3659
    Рачә хәләф – сурхибәнди,
    Шәрә әз сәр кγрси шәнди.

    3660
    Үлγҝ бәхтә дәчарундә,
    Зәћләί зәнә ки парундә?

    3661
    Әз бәдиhоί ән дγлтәнҝи,
    Бәсдә миίоί - әнҝγлhәнҝи.

    3662
    Әз тәлћиhоί хәбәрсγзи,
    Кумәксγзhош – кәмәрсγзи.

    3663
    Ҝоф әсγлә сохдҝә фурмиш,
    Вәчәί хәрә чγ андурмиш?

    3664
    Ә зир гопоз домундәҝор,
    Хов ән чумәш нәс рундә шор.

    3665
    Домундиҝә ә дәс ҝәдә,
    Тик нипоίи әз дγгәдә.

    3666
    Корә диҝә мувәћлγтә,
    Хәтош имбу кутәћлγтә.

    3667
    Нәҝирошдҝә әҝәр ҝофтγ,
    Тәћс мγҝγрγ шәкәр софтγ.

    3668
    Ә зир гәрги ҝәрмә hово,
    Ә дγл мәбош сәхт ћәлово

    3669
    Гитлγниҝәш нәфс – hәнәҝи,
    Әз согломиш дәс мәвәҝи.

    3670
    Зиб-зиндәлγ нә бирәҝор,
    Нимәлитлγ винирә кор.

    3671
    Хәлг нә рафдҝә әз ίә рәћ,
    Тγш вәдәшән әз тәмәћ.

    3672
    Әри хунәί дγлдинҹи,
    Говрә бошҝу ә минҹи.

    3673
    Тәίтә ҝγрдә дәсдәчуш,
    Ҹәлдлγ митаί ҝәшдә хуш.

    3674
    Бәхт омоҝә әз пәсиш,
    Рәћсо мәди әз дәсиш.

    3675
    Аташ тәнә пәίмундә,
    Гγздγрмәрә кәί рундә?

    3676
    Хәмилγίә ҝγндәҝир –
    Әз нун тәнγни вәҝир.

    3677
    Әри дирә - хγдγрә,
    Гәίгулу дор – хγсγрә.

    3678
    Сокит зγhо – асдалγ,
    Пир ни имбу әз салγ.

    3679
    Зәифиҝә әҝәр дγл,
    Мγрдәίирәш чγ мγшкγл.

    3680
    Нидир сохдә әҹәлә,
    Ҹун ки хосдә әз ҹәлә?

    3681
    Ҝәвүл ХУДО хосдиҝә,
    Дог миҹүмү әз ҹиҝә.

    3682
    Сиркәлүίә гәбилә,
    Чат мизәнү ίә ҝилә.

    3683
    Әз дүширә ҝәрмә ов,
    Буг думонлү мәдиров.

    3684
    Диргилиҝә - кәләтә,
    Гәдәр нибу гәләтә.

    3685
    Түнд нисдиҝә истивут,
    ћәлол имбу лап ίә пут.

    3686
    Гип – гирмизи бисдоҝәш,
    Ә ориίү гул мәкәш.

    3687
    Әгүл дәҝә ә мувәћ,
    Гәм нихуру рућ – рүвәћ.

    3688
    Офдорәнки сәрҝуллу,
    Чум имбәсдү - нәргуллу.

    3689
    Әри шобот шәәмдор,
    Тирош имбу дәәмдор.

    3690
    ХУДОлүίә бәһәмлү,
    Әз рәћ нибу хүрд-хәмлү.

    3691
    Әри һүнәр бурбундә,
    Хәлгә нибу фурмундә.

    3692
    Һәки, сәћиб руί нидү,
    Сәҝиш ә ҝүрҝ суί мидү.

    3693
    Әз зәћмлүίә ίә сәәт,
    Рәћмиш мурав әз әдәт.

    3694
    Ә нәфс шороб мимуну,
    Ә ћәίр суриш ни муну.

    3695
    Диргиллүίә нифрәтлү,
    Нитав бирә - кифләтлү.

    3696
    Ә сәр ίәһәр тә нүшдә,
    Боворим бош ә хүшдә.

    3697
    Әз ҝуфәрә - ҝушиһо,
    Бәхт моίору хушиһо.

    3698
    Дарафдаίҝә ә әрә,
    Ә чум мәзән сәәрә.

    3699
    Ә дәдәί ҝуш нә дүһо,
    Нә руз вино, нә зүһо.

    3700
    Гичәлүίә дүлиҝә,
    Киләћ мәнү ки диҝә.
  19. Shaul Guest

    Симпатии:
    0
    Баллы:
    0
    3701
    Шәр дарафдҝә ә кору,
    Ә сәр дуруп микору.

    3702
    Әз сәнг чәмүсдҝә кору,
    Бор ничини әз дору.

    3703
    Миҹәί ҝүзәл ә гәд дүл,
    Миҹәί әсәл ә гәд ҝүл.

    3704
    Гәίчи зәрә тохә-тох,
    Ә бәнд муίһо гәсд мәсох.

    3705
    Гилинҹ, хәнҹәл вәҝүрдә,
    Хокә нибу дәҝүрдә.

    3706
    Нум хүшдәрә нәр хундә,
    Нибу һүнәр бурбундә.

    3707
    Ҹуһур доги пакиҝә,
    Әз ҝоф ‘’тати’’ чү тикә?

    3708
    Рәћ ХУДОрә нә дирә,
    Бәндәί илом ки бирә?

    3709
    Һә ки, кәрәί ниһрә һисд,
    Әри әҹәл сүврә нисд.

    3710
    Гурдәләмиш сохдә зу,
    Дог мәвәни ә базу.

    3711
    Әз дәс бәдә гәм- кәдәр,
    Лап һозор бош әл-һәзәр.

    3712
    Боҹ бәрдәнки әз ћиллә,
    Дуриш нибу ә силлә.

    3713
    ћүрмәт нисдҝә ә кәлә,
    Миίофдону ә ҹәлә.

    3714
    Диҝәш әсәл лов-ләә,
    Ширин нибу хов бәә.

    3715
    Әз сүрхиҝәш уҝәίһо,
    Гисмәт муно ә кәίһо.

    3716
    Әз лүҝиίә хоίәһо,
    Ә дур мундә воίәһо.

    3717
    Һәр уҝәίә зән-зорә,
    Лүҝиίә суί нәс дорә.

    3718
    Рури-бури буррәҝор,
    Нә әίб митав, нәки ор.

    3719
    Күшдәмолә бирәҝор,
    Шор нибу әз дирә кор.

    3720
    Парслү дирә һовунә,
    Мәзән ә руί овунә.

    3721
    Әз ҝәрм аташ офтоίи,
    Гәбәр мәбош сәр поίи.

    3722
    Ширинә ίор зәҝә пар,
    Ширә хуно ә дуг чар.

    3723
    Хәрҹ сохдиҝә үмүрә,
    Јос мәҝγрγ бүҝүрә.

    3724
    Әз бәл оһил зу ҝүрдә,
    Сәбәб нисдҝә ки мүрдә?

    3725
    Кәί нәћсирә нихоίу,
    Вәхт ХУДОрә михоίу.

    3726
    Бовор сохдә ә дүшмә,
    Тәћно мара ә күшмә.

    3727
    Бәдлүниҝә хосиίәт,
    Гәриб имбу хошиίәт.

    3728
    Ҝоф сохдәҝә бим-буши,
    Јогин сәрjүш говгуши.

    3729
    Руί вәҝүрдҝә әз күчүк,
    Хилос нибу әз чүк-чүк.

    3730
    Пучундәнки сәр кәсә,
    Ә хун мидәнү дәсә.

    3731
    Шириниҝәш бәһәр әнҝ,
    Һүҹум мәкәш чүн пәләнҝ.

    3732
    Мәлћәмиҝәш сәс бугоз,
    Азан мәкәш әз дугоз.

    3733
    Шарлатана әίиләш,
    ХУДО дорә мәίиләш.

    3734
    Гомпә-говол бирәҝор,
    Әгибәтәш миίлү хор.

    3735
    Говолчиίү нә бирә,
    Кәjф мәнирә ки дирә?

    3736
    Устадиҝә зурначи,
    Ҹарлү имбу – нуртоҹи.

    3737
    Бићолини ҝуфдирә,
    Шәклγ мәвин духдирә.

    3738
    Чирә-чирә муίһорә,
    Бирач мүίлүт руίһорә.

    3739
    Бирор имид – сабури,
    Биҝор иҝид – обури.

    3740
    Әз дәс милләт ҝүрдәίи,
    Ә нәфс ҹәннәт – мүрдәίи.

    3741
    Кәί ки, мозол пүшҝлү мибу,
    Нәфәс ίориш хүшҝлү нибу.

    3742
    Сад ҹγр әзоб кәширә вәхт,
    Хәҹәләти мивүнү бәхт.

    3743
    Ә кәләтә нисдҝә ћүрмәт,
    Әри сабур нибу гүрбәт.

    3744
    Әз гәләми бирә ҝәίмиш,
    Дәәм мидү бәһәр - ίәмиш.

    3745
    Әз ворушһоί думондори,
    Хүшҝ нимуну синәί хори.

    3746
    Мүүҹүзһо бирә ҹиҝә,
    Сәрсон мәбош дирә ҹиҝә.

    3747
    Ә хов дәрдлү диҝә ίорә,
    Әз вәћш бәгдә имбу чорә.

    3748
    Нәми чумә тә покундә,
    Гәмә ә чи ки докундә?

    3749
    Кәмәрә гуз ҝүрдә-ҝүрдә,
    Нәзник мурав руίә мүрдә.

    3750
    Хәһәр, бирор бирәнки ҹәм,
    Нивоҝосу чум бәдә зәћм.

    3751
    Ә расирәί онҝур ҝиро,
    Тохә әз күк мәсох ҹиро.

    3752
    Поί зәриҝә ә софоһо,
    Бор нивини әз ҹофоһо.

    3753
    Болушсүзә лүћүчәҝә,
    Рәћәтиίү һисди бәҝә?

    3754
    Ләрзирәнки әз хиники,
    Дәрд мирүхү ә сәр ники.

    3755
    Дарафданки ә әрәлуг,
    Хун нә чаро ә дуг нә буг.

    3756
    Варавундҝәш гошә, чумә,
    Пак доруҝу хошә нумә.

    3757
    Үшүг доҝәш бирдән шорә,
    Һәр асдара бәхт нәс дорә.

    3758
    Әҝәр әсәл нидоҝә ҝүл,
    Ҝәнәш хошлу мимунд ә дүл.

    3759
    Һәрбоί дирә дорә чүн шох,
    Чумә ә әрс хутә мәсох.

    3760
    Рүгәндоглү бирә-бирә,
    Үзҝә болә нибу дирә.

    3761
    Кәίки дүнίо сәίрлү имбу,
    Әгибәтүш хәίрлү имбу.

    3762
    Гуллуг диҝә дор нә тәһәнҝ,
    Буί мошонут ә фурм нәһәнҝ.

    3763
    Ә ћол ән хәлг нә вәрзирә,
    Шори чумәш нитав дирә.

    3764
    Мүћкәм һисдҝәш палутдорһо,
    Ләпәсүзә колут – борһо.

    3765
    Рихдә әрсә ә фурм овшән,
    Мүрдәίирә мәхун – ховшән.

    3766
    Ә фурм рачә ҝүлһоί ҝүлшән,
    Бил дәдәίиш бошу – дүлшән.

    3767
    Хәндәί ловә дәчирәнки,
    Шәггә мәзән әз зирәнҝи.

    3768
    Фурогусдә әћвол ән чум,
    Ә ίосхунә имбу бәднум.

    3769
    Тәкә сарбә овурдәнки,
    Сабурлу бош әри тәнҝи.

    3770
    Дәдәί бофдҝә һәмәлһорә,
    Сүрхәш нитаί ә тоί норә.

    3771
    Дәрә-тәпә буһо рәћһо,
    Сурог нидү әз тәмәћһо.

    3772
    Хәрәбирә хоίуһо кәс,
    Әз ҹәннәтиш мимуну пәс.

    3773
    Дәрзәгири сохдә вәдә,
    Пиίончиίиш хосдә бәгдә.

    3774
    Әри бирә гул-гәрәвош,
    Ә гәд ховиш һич мәвинош.

    3775
    Думон гәнәт зәҝәш ίәвош,
    Дәҝиш имбу әвир һовош.

    3776
    Хәбәрбәрһо нә бисдоҝә,
    Чол мәдиров поίә ноҝә.

    3777
    Хурдә чирә нә вокуфдә,
    Ә дәб нисди – кәмәр куфдә.

    3778
    Һәр шәәмә сухундәҝор,
    Әз нум ХУДО имбошу шор.

    3779
    Шәфтлүниҝә гәрәзчиһо,
    Зир-зәвәри – тәрәз чиһо.

    3780
    Видов-видов вирихдәҝор,
    Әз сабурһо нәс вихдә шор.

    3781
    Ә дәб һишдә нүшдәрә,
    Кутов мәсох хүшдәрә.

    3782
    Ош нә дәҝәш ә ләгә,
    Нифри мәшән әз ләә.

    3783
    Осдугусүз һисдиҝәш,
    Әз ҝоф зувун нисд ҹиҝәш.

    3784
    Әз хәҹәләт дур мундә,
    Ә гәлп нивоί вомундә.

    3785
    Сәркушлүίә гунширә,
    Мәίил әз раҝ хун чирә.

    3786
    Ә ћәрмәћи бирәҝор,
    Ниίо дγздү ҹиро вор.

    3787
    Јә ћәрәмбәнд нә бирә,
    Бәҝәм нибу руз дирә?

    3788
    Ов-саίловә нә дирә,
    Орковониш дәб бирә.

    3789
    “Руз ә хәίр бу”, нә дорә,
    Әз әгибәт чү чорә?

    3790
    Һәггә ә дәб нивәίлү,
    Дүләш ә гәлп мидәίлү.

    3791
    Хок хорирә нә рундә,
    Мәни нунә ки хундә?

    3792
    Кәί ки, болә миίофи,
    Сәрбәрәћиш ниίофи.

    3793
    Гәнәт зәҝәш ә һово,
    Ләпә нидү һәр лово.

    3794
    Гәллүниҝә Сифирһо,
    ћәрим нибу ә сифро.

    3795
    Вораίисдҝә дог-дәрә,
    Јорлү миίни богчәрә.

    3796
    Чи дарафдҝә ә ләә,
    Мәвәҝордун ә ләгә.

    3797
    Әз нифриһоί хәрәлү,
    Биίо ҝәшди әрәлү.

    3798
    Ә фурм парса һовунһо,
    Ҹун пусундә овунһо.

    3799
    Ә дор нәћси варафда,
    Имбу ә гур дарафда.

    3800
    Әз согә ҝоф мәрдίәти,
    Нибу дирә дәрдίәти.
  20. Shaul Guest

    Симпатии:
    0
    Баллы:
    0
    3801
    Согломиҝә ловоί тү,
    Нурлу имбу һовоί тү.

    3802
    Ҝуҹлуниҝә һомону,
    Зу марасү зомону.

    3803
    Гәрәтикон винирә,
    Ә кул мәшиш винирә.

    3804
    Ә ҹар ћүрши кәί мараί,
    Ә гилигүш нидараί.

    3805
    Бурруриҝә омунә,
    Нибу ћүрмәт ә хунә.

    3806
    Сәркәлләίә овунлу,
    Парс миҝүрү һовунлу.

    3807
    Пысириҝә ίә дәндү,
    Тазара ки мизәндү?

    3808
    Әз амбара равусдә,
    Ә сәҝ нибу чарусдә.

    3809
    Әз бәрәкәт палусдә,
    Ә мәрҝ нибу чарусдә.

    3810
    Ләзәт доҝә чи ләә,
    Виз низәнү чүн бәә.

    3811
    Фурогусдә чумһорә
    Фәрлү нибу нум дорә.

    3812
    Ә бићолә зомонтү,
    Ҹун мәҝүрү Амон тү.

    3813
    Јарашугә муί сәрә,
    Ә лов гәίчи ки зәрә?

    3814
    Хүрди дустә хосдәҝор,
    Имбу пәшмуί сохдә кор.

    3815
    Кәί ћүрмәтә микәшүт,
    Дара-бара никәшүт.

    3816
    Рури-бури сохдәҝор,
    Мәнjәтирәш мидү вор.

    3817
    Пур нә сохдә ләгәрә,
    Нивокунут ләәрә.

    3818
    Чү дәриҝә ә ләгә,
    Уни гисмәт ән ләә.

    3819
    Тә руί зәрә никирә,
    Бил бәрү ов никәрә.

    3820
    Ниίрә нисдҝә ә әрә,
    Нә дуг миίни, нә кәрә.

    3821
    Сохдә бәгдә никирә,
    Ә хок мәди тикирә.

    3822
    Дәдәί ә дүл нә дәҝә,
    Ҝәдә нисди у бәҝә?

    3823
    Әз сәр сохдҝә хубирә,
    Дүл мүкуίу – ҝупирә.

    3824
    Нә дүширә ов чоίник,
    Буг ниваров ә ҹоί тик.

    3825
    Гилиг хәрә нә ҝүрдә,
    Нирав, күшдҝәш тә мүрдә.

    3826
    Әз бирасди ән ләә,
    Моҹовунут чγн сәгә.

    3827
    Бићүрмәтә доморә,
    Ә пәмбә ки донорә?

    3828
    Ә дорун дүл дәбуһо,
    Нә сук имбу, нә буһо.

    3829
    Богбонлүίә бог-бусду,
    Хәзон нибу зимусту.

    3830
    Бинәлүίә нәсилһо,
    Дәм мәҝγрγт әз зилһо.

    3831
    Әри товуш дорәίи,
    Хәндәί ловуш чорәίи.

    3832
    Ҝиснә-тәшнә нә бирә,
    Сәр сифрорә ки дирә?

    3833
    Сәбәћ-сәбәћ бирә кор,
    Һәм бор мидү, һәми - шор.

    3834
    Әз оһили – бәбәίи,
    Догә мәҝу - тәпәίи.

    3835
    Хүшдәкүшлү бирәίҝәш,
    Пәшмунирәш ҹиро кәш.

    3836
    Хушбәхтирә хосдәнки,
    Ҝоф ниίо бу әз тәнҝи.

    3837
    Гәмлүниҝә дүл дәдәί,
    Әз әрс моров ҝүл дәдәί.

    3838
    Лош нә дорә кәлмәрә,
    Јорә нидаί гәл зәрә.

    3839
    Әз шәггәлү хәндүһош,
    Үшүг миίнү дәндүһош.

    3840
    Әз зәћмоίә бәдчумиш,
    Ләпә нидү гәд тумиш.

    3841
    Борлүниҝә әрәг тән,
    Мочлү имбу ίәрәг зән.

    3842
    Әри хубә шүвәрһо,
    Зәнһош имбу ҝүвһәрһо.

    3843
    Бәдбәхтиҝә ίә шүвәр,
    Түш диίә нә вәшүмәр.

    3844
    Рәћмәлүίә одоми,
    Мәҝу – пучә бодоми.

    3845
    Пәшмуниҝә һәмләдор,
    Ә сәр дәрдүш гәм мәίор.

    3846
    Нә равусдҝә ә фурм сәҝ,
    Нә хон имбу, нә ки бәҝ.

    3847
    Нә күшдиҝә нәфс түрә,
    Әз хүшдә дан тәрс түрә.

    3848
    Әз кәм бирәί әгүлһо,
    Губ мидаров ә дүлһо.

    3849
    Инсон нәдан нисдиҝә,
    Ҝүл миίору һәр ҹиҝә.

    3850
    Гәзонҹ сохдҝә хүшдәнү,
    Ә пучкуһош пүшҝ мәнү.

    3851
    Сифир – Тиро нә ҝүрдә,
    Рәћмә нибу вәҝүрдә.

    3852
    Рәћ Тирорә нә рафда,
    Ә ҹәннәт ки дарафда?

    3853
    Видов-видов буравһо,
    Јоди әри – суравһо.

    3854
    Сундуглүίә вор диҝә,
    Дәҝиш нибу шор ҹиҝә.

    3855
    Рәћ ћәлолә офуһо,
    Нә сук имбу, нә буһо.

    3856
    Сәлигәίү нисдиҝә,
    Нә кор мүнίнү, нә ҹиҝә.

    3857
    Әз ҹычәί күк нә чирә,
    Ҝусбәнд митав – кәчирә.

    3858
    Хәм-хәίоллу нә бирә,
    Нибу ә дәрд дәбирә.

    3859
    Овә хуно дүширә,
    Дүрүст мәίил – күширә.

    3860
    Хәрәб бәрдә кор-борә,
    Кәсә нибу һор дорә.

    3861
    Нә чарундҝә чумһорә,
    Сүрћов нивни гумһорә.

    3862
    Расә дураз һисдиҝәш,
    Әз зир чолә нәфсә кәш.

    3863
    Соломонлү мәстиҝәш,
    Әз чумшури нәфсә кәш.

    3864
    Һәрбоί пишоί нисону,
    Тәмиз имбу нишону.

    3865
    Вәҝүрдәнки мәсләћәт,
    Митаί зүһүсдә рәћәт.

    3866
    Ҹар зәҝә зимиләрзү,
    Әз ХУДО ки ни тәрсү?

    3867
    Давидлүίә чумшурһо,
    Локо мәнү ә нурһо.

    3868
    Ә сәр нәхү вонорә,
    Митаί ә гур донорә.

    3869
    Пишоҝири нә ҝүрдә,
    Гудуз имбу тә мүрдә.

    3870
    Ҝәшдә-ҝәшдә әрәлү,
    Дәрдһош имбу хәрәлү.

    3871
    Коврәлүίә чумһорә,
    Ки әсмулу нум дорә?

    3872
    Нә тәрсундә сүфтәрә,
    Бургов мухри – күфтәрә.

    3873
    Һәрбоί чумһо хов мидү,
    Мәндәίирәш ов мидү.

    3874
    Руί бурбундә әз тини,
    Хәлг нисдиҝә, тү кини?

    3875
    Зәћләбәрә ћовурә,
    Һә вәћш миίлүт ховурә.

    3876
    Әз һәр сүрхә ҝоф Тиро,
    Сад чорәрә боф ҹиро.

    3877
    Гәлхәндиҝә мишинү,
    Сәс ХУДОрәш мишинү.

    3878
    Дүләпәсә нә бирә,
    Ә әшг нибу дәбирә.

    3879
    Хәҹәләти нә хурдә,
    Митаί ә дүл вохурдә.

    3880
    Пәтәклүίә хунәί әнҝ,
    Зәрдәчуни ә суί мәнҝ.

    3881
    Әз Мәрдәхәί нә Пурим,
    Нә ҹироίим, нә дурим.

    3882
    Хирмов хурдҝәш чүн ләмбә,
    Әз кун кәчи чү дүмбә?

    3883
    Һәрбоί хундә Тирорә,
    Боҹлу мүίни пирорә.

    3884
    Әз гәләтһо воҝошдә,
    Митаί әдәтә дошдә.

    3885
    Асдараһоί шәәми,
    Әри шәвһош дәәми.

    3886
    Ә гәд Тиро мидараί,
    Ә гуч Синаί мивараί.

    3887
    Моч сохдиҝә Тирорә,
    Әз дүл мини биҝорә.

    3888
    Ә гәм доҝәш кук - доһом,
    ХУДОлү мунд Овроһом.

    3889
    Чәнд зән хосдҝәш Соломон,
    Әз суд ХУДОш чү ҝүмон?

    3890
    Әз ХУДОίә бәрдә - бәрд,
    Шорә ә дүл ки дәбәрд?

    3891
    Ә сок чарусдҝә зәрдә,
    Гул-гәнәт мидү мәрдә.

    3892
    Чү ә гәзгу мидаров,
    Ә сәр сүфрәш зу маров.

    3893
    Кәί ки, дәсү вор мидү,
    Соίил-боίил шор нидү.

    3894
    Тә хүшдәрәш фурмундә,
    Митав әз хәлг дур мундә.

    3895
    Әри үшүг ән гәрди,
    Офтоίирә чү дәрди?

    3896
    Тә годорә вәҝүрдә,
    Рузҝор митав дәҝүрдә.

    3897
    ҸәЈмәт мундҝә бирази,
    Мәҝу – рушмәш дурази.

    3898
    Лап бисдоҝәш вәч-вәчи,
    Рихдә овәш ки вәчи?

    3899
    Кишмишә ίәм дәчирә,
    Дүмбә нидү кәчирә.

    3900
    Ә шор әрүс оморә,
    Јә шоһ ҝуίит доморә.

Поделиться этой страницей