Эльдар Гуршумов

Тема в разделе 'Проза и поэзия', создана пользователем Shaul, 12 ноя 2007.

  1. Shaul Guest

    Симпатии:
    0
    Баллы:
    0
    Эльдар Гуршумов

    Поэт, Председатель союза писателей выходцев с Кавказа в Израиле.
  2. Shaul Guest

    Симпатии:
    0
    Баллы:
    0
    ПЕРВАЯ КНИГА (скоро...)
  3. Shaul Guest

    Симпатии:
    0
    Баллы:
    0
    Вторая книга Эльдара Гуршумова была присланна мне буквально вчера. Она ещё не вышла, а должна выйти в самое ближайшее время в одном из московских издательств. Так что у вас, тех кто владее джуури (язык горских евреев) есть возможность скачать и прочесть книгу самыми первыми! Спасибо Эльдару Пинхасовичу за предоставлнную нам такую возможность!

    [IMG]

    СКАЧАТЬ КНИГУ МОЖНО НАЖАВ НА ЭТУ ССЫЛКУ:

    Эльдар Гуршумов - "Горькие слёзы матери"

    О новой книге Эльдара Гуршумова

    "Читаешь стихи Эльдара Гуршумова и слышишь музыку. Это и понятно: он не только прекрасный поэт, но и талантливый музыкант.
    Читаешь его стихи и вместе с ним восхищаешься тем, что восхищает его, влюбляешься в тех, в кого влюблен он, смеешься, а иногда и плачешь вместе с ним. Эльдар Гуршумов – поэт, имеющий свое лицо. Даже если под его стихами не указан автор, читатель сразу же говорит: "Это – Эльдар Гуршумов". Далеко не о каждом поэте, к сожалению, можно сказать эти слова".

    Такими словами я начал свой отзыв на первую книгу поэтического творчества Эльдара Гуршумова "Xudolyjњ nimazhoj Tњlћym" ("Божественные синагоги Тальхума").

    И вот, спустя короткое время, я держу в руках новую книгу его произведений, имеющей одноименное название с опубликованной в ней поэмой "Tњlћэ џэrshoj dњdњj" ("Горькие слезы матери"). Книга вышла в твердом переплете и содержит 814 страниц.

    Не буду пересказывать содержание поэмы: читатель сам поймет, прочтя эту горькую назидательную историю. Эта поэма вместе со стихами и газелями составляет более половины объема книги. В этой книге наиболее ярко раскрыт многосторонний талант Эльдара Гуршумова. Помимо отмеченного, в книгу включены знаменитые гуршумовские "bњndњho" – стихотворения с повторяющимися сочетаниями слов и с определенной рифмовкой. Они, так же, как и его двустишия и четверостишия, будут прочтены с большим интересом. Книга также содержит и персональные посвящения и несколько поэтических произведений, написанных на азербайджанском языке.
    Я всегда радуюсь появлению новой книги, но еще более рад, когда это - книги моих друзей. Рад тому, что продолжают, и довольно успешно, издаваться книги на нашем родном языке. Это и обогащает наш язык и сохраняет для будущих поколений современный горско-еврейский говор. Но, самое главное, Эльдар-мюаллим не просто талантливый поэт, но и, как определяла в прошлом советская литературная критика, является достойным "инженером человеческих душ". В своих стихах он ненавязчиво напоминает нам об устоявшихся традициях нашего народа, заключающиеся, в первую очередь, в сильной любви к своим родителям, глубоком почтении к старшим по возрасту, веро- и этнотерпимости. На его стихах молодежь учится жизни, перенимая жизненный опыт поэта.

    Мне хочется поговорить сегодня о еще одной значимости его творчества.

    Иногда в толковых словарях рядом с каким-либо словом стоит указание, написанное курсивом – поэт., то есть это слово – не обыкновенное, это слово – поэтическое. Вся поэзия Эльдара Гуршумова пронизана его удивительно благозвучными поэтическими словами.

    Эльдар Гуршумов вошел в историю поэзии горских евреев как человек, подаривший своему народу не только чудесные стихи, но и много чисто горско-еврейских слов, обогативших лексику родного языка.

    Замечательный певец, замечательный оратор, замечательный поэт. Удивительно, как он находит нужные слова, как умело нанизывает он их в своей речи, в своих стихах, в своих песнях одно за другим. И они – его речь, его песни, его стихи – становятся такими же прекрасными, как нить жемчуга, собранная искусным специалистом. Только природный талант и упорный труд создают такие жемчужины творчества.

    Поздравляя Эльдара Гуршумова с выходом в свет этой книги, выдам известные мне сведения о том, что готовится к выпуску третья книга с условным названием "Xudolyjњ љњrgњho" – "Божественные строки", похожего объема.

    Успехов Вам, дорогой Эльдар-мюаллим, в вашем благородном творчестве.

    Профессор Михаил Агарунов


    Ниже можно ознакомится с некоторыми произведениями из этой книги непосредственно на форуме...
  4. Shaul Guest

    Симпатии:
    0
    Баллы:
    0
    Гуршумов Әлдар (Йовдо) кук Пинхьос

    ТӘЛХЬӘ ҺЬӘРСҺОЙ ДӘДӘЙ

    Дүймүн китоб

    Израил, 2007 сал


    ***
    Йә бәндәйүм хинәрәш,
    Ә сәр мәзән хинәрәш.
    Әри сипрә муйһой тү,
    Гурбу мүдүм синәрәш.
    ***
    ХУДОй һәгг ә нубот ҝүрдә, чүн Одом,
    Инсонә ә вәхтү бәрдә әз һьилом!
    ***
    Ҝофһой Хәййом рач омәҝәш ә хош тү,
    Гул-гәровош ән йә ичҝиш мәбош тү!
    ***
    Йерлә гоша фырланараг,
    Ҝүнәш тәки нурланараг,
    Израиллә дейиб ҹан-ҹан,
    Хошбәхт йашар Азәрбайҹан!
    ***
    Хьололә нун нә хурдә,
    Хьисоб сох ки, ә гур дә.
    ***
    Ә зир гопоз домундә,
    Ә кәс нибу вомундә.
    ***
    Йә бәндәйүм визори,
    Виҹдон әз нәфс визори.
    Әри йә чүп хәрәби,
    Зәхьмһой ХУДОш – һозори!
    ***
    Бир бәндәйәм илимдә,
    Сәадәт вар илимдә.
    Бал додағын олмаса,
    Ширин олмаз дилим дә.

    Г. Әлдар

    Әльдар Гуршумов

    ГОРКИЕ СЛЁЗЫ МАТЕРИ

    Сборник стихотворений на горском еврейском языке

    Издание второе

    Израиль 2007


    Йә-дγ кәлмә ҝоф

    Һьәзизә – хундәҝорhо!! Мә, Гуршумов Әлдар кук
    Пинхьос, 7- γм декабр 1940-мγн сал, ә тәhьрифмәндә
    хубә бәрәкәтлγйә хориhойγ hисдиhо ҹәннәтлγйә рачә
    γлкәй Азәрбайҹон, ә район бог-богчәлγйә Гγбә - ә гә-
    димийә никәрәй Гудйолчой гәймогhәнҝи воҝосириhо
    ә одлу-шонлγйә Гирмизи Гәсәбә, әз Дәдәй хьәсγл би-
    рәнки, тә 10 миллйард сал hьγмγрγ hисдиhо әруй әни
    сиhирбәндә дγнйоh ән Офуррәҝор, хьәсрәтмәндәлγйә
    тәмәхьлγ мундиhо - чумhой hьоҹизбәндлγйә hьәйили
    мәрә ә йә сурлγмәндә хьитийотиhорәвоз вокундәм!
    Һьәзизә – хундәҝорhо!! Һәлә ә мәтләб тәйтә раси-
    рә, мәрә войисдәни ки, ишмурә тазадан hәҝәнәш әйи
    мγшкγл мундиhо вә хәлг мәрә ә мγсибәтә кәләтәлγйә
    чәшмиши вәнҝәсдәниhо әлифбой ҹуhурhой догирә ә
    кәмә таза дәҝишуҝиhорәвоз әйишму расинум.

    Әлифбой ҹуhурhой доги

    Аа Бб Сс Дд Вв Ее Чч Ҹҹ Һh Һьhь Хх Хьхь
    Ии Мм Пп Оо Лл Рр Шш Фф Йй Тт Кк Ҝҝ
    Үγ Зз Нн Гг Уу Әә

    Һьәзизә – хундәҝорhо!! Ә ҝәрәк бирә ҹиҝә, гәриб-
    лγйә ҝофhорә истифадә сохдәнки, иму митаним әзи
    ә дәрә нγвγсдәнγмhо хьәрфhорәвоз кор бәрдә:
    Ёё Яя Юю Цц Ыы Щщ Жж Ээ
    Митайм мәсәл овурдә: Электрик, Цыган, Юпитер,
    Журнал, Щюка, Бомж, Ёлка, Больница, Ясли вә йә
    чәндиҝәhош. Оммо, ҝәнәш митаним әҹиҝәй – ё, я, ю,
    ә дәрә hисдhорә хуно нγвγсдә:
    ё = йо, я = йа, ю = йу
    Әһәчирәвоз ә 30 хьәрфәвоз митаним әз дүли-ҹуниму
    ә һьәсонтирәвоз нүвүсдә хәтһоймурә рәхьәтлү хундә.
    Һьәзизә хундәҝорһо! Әришму йә чәнд ҹиро мәсәлһо
    войисдә бийорум:
    Ә әлифбой Дербәндирәвоз: Ә тазайа әлифборәвоз:
    Г1эдетбендлуь Һьәдәтбәндлү
    Мэхьтеллуьгьо Мәхьтәллүһо
    Гъэретиконлугъ Гәрәтиконлуг
    Гуьгермишгьо Ҝүҝәрмишһо
    Муьг1уьжуьзгьо Мүһьүҹүзһо
    Дедейхойгьо Дәдәйхойһо
    Мэг1эрекелуьгьо Мәһьәрәкәлүһо
    Гъжуьмбендлуьгьо Гүҹүмбәндлүһо
    Г1эсуьлмендгьо Һьәсүлмәндһо
    Мэг1энолугьо Мәһьәнолүһо
    Жуьрбежуьрлуь Ҹүрбәҹүрлү
    Руьхьвебергьо Рүхьвәбәрһо
    Уьшуьгъмендире Үшүгмәндирә
    Г1уьмуьрбендлуь Һьүмүрбәндлү
    Г1овдезере Һьовдәзәрә
    Муьшкуьллуьгьо Мүшкүллүһо
    Г1иломгезгьо Һьиломҝәзһо
    Бебебендлуь Бәбәбәндлү
    Гъуьлгъуьлелуьгъгьо Гүлгүләлүгһо
    Жуьжермишлуьгъгьо Ҹүҹәрмишлүгһо
    Хьәрмәхьлуьгьо Хьәрмәхьлүһо
    Г1әзизигьо Һьәзизиһо
    Мермекино Мәрмәкино
    Мэг1уьлуьмгьо Мәһьүлүмһо
    Ә и сәбәб ҝиро, бийо ә әлифбо дәҝишуҝиһорә хуб
    ә йор ҝүрдә бийов:
    1. Г1 = Һь, 2. Гъ = Г, 3. Уь = Ү,
    4. Гь = Һ, 5. Ж = Ҹ 6. Э = Ә
    Һьәзизә хундәҝорһо! Мә амбар шорум ки, и ҹүр
    әлифбо ә хош ишму мијов ҝуфтирә. Кәлә ХУДОш
    һәмишә әйишму мозолмәндәлүйә кумәк ҝәрдо.
    Имоһой митам ҝуфдирә ки, 1958-мүн сал ә Гүбә
    Атестат вәҝүрдә бәгдә, ә шәһәр Боку, ә хунәй ән кә-
    ләйи бирормә Сосун духдир зүһүсдә-зүһүсдә, 1959-
    1964-мүн салһо 2 - факултәй инсититутә (физика вә
    математикарә); ә 1963-мүн сал ә “тар” зәрә ҝиро 5
    сали ошколәй мусигирә; ә 1970-мүн сал, хәлг кон-
    серваторийара 2 факултәрә ( композитор вә вокал )
    варасдәм. Һәлә әз вәһьдәй тәләбәйи һәм ә тар зәрә
    ҝиро, һәмиҝә ә мәһьни хундәйи ҝирош ә ҹүр-бәҹүрә
    консертһо иштирак сохдә-сохдә бәгдәш солист кәлә
    оркестер радио нән телевизийай үлкәй Азәрбайҹан
    бирәм. Әз 1964-мүн саловоз ә техником әз физ-мат
    нубо дорә-дорә кәләй шү’бә; мәһьлүмһорә тәкмил-
    ләшдирмиш )савада зийод) сохдәниһо институт кә-
    ләй кафедра вә ә Комитет радио-телевизийай үлкәй
    Азәрбайҹан ә вәзифәй кәләйи редактор кор сохдәм,
    Йә кәм вәхт ә Росийа, әшәһәр Москов зүһүсдә бәгдә
    ә 1998 - мүн сал, ә ХУДО виҹириһо хори Кәләбәбә-
    һойму гисмәт бисдорум. Әз 1999 - мүн салавоз член
    Федерацийай ән Сойуз нүвүсдәҝорһой Израил вә әз
    2003-мүн салавоз Рәхьбәр Сойуз нүвүсдәҝорһой ҹу-
    вурһой доги виҹирә оморәм, Имоһой сой иму ә 40 –
    нүвүсдәҝор расири, Ә 2005-мүн сал 700 сәһифәлүк
    китобмә – “Худолүйә Нимазһой Тәлхьүм” руй үшүг
    винири. Имоһой 750 сәһифәлүк антолоҝийа - “Асда-
    раһой Ҹувурһой доги” әдәй хьәзүр бирәни. Имоһой
    амбара китобһой шоһирһойму вәдирәмори. И сәһьәт
    нүвүсдәҝорә ҹовонһош гәләм дәс хүшдәрә әдәт ә хь-
    әвәсәвоз һьәзизмәндлү синәмиш сохдәнүт. ХУДОш
    кумәк ҝәрдо әришү вә әри хундәҝорһошу!!!
    Һьәзизә хундәҝорһо! Әйи китоб йә поәмара –
    “Тәлхьә һьәрсһой Дәдәй”ә, 2 нә 4 ҹәрҝәһорә, гә-
    зәлһорә, бәндәһорә, шәйирһорә, әри һьәйилһо, йә
    кәмиҝә ә зуһун мусулмунәйи бәндәһо нә 2 ҹәрҝә-
    йиһо вә йә кәмиҝә әри вәҝирлүйә-хьүрмәтлүйә ин-
    сонһо нүвүсдәм. Мә һәммәй әни әз гәләм дәсмә вә-
    дирәмориһо нүвүсдәһой мәрә әдәм ә ихтийор иш-
    му дорәнүм, әрчү ки, шоһирә бийо әнҹәг вә әнҹәг
    ә хьәвәсәвоз хундәниһо пәрәстишкорһойу әз дүли-
    ҹуни ҝоф хүшдәрә ә лойигирәвоз вәрзунут. Әҝәр
    йә шоһир әз кәлмәһой ән хүшдә ә ҝүллүйә богчәй
    ҹәннәт нәс офдорәҝә, ундә ҹәһьмәтиш ҝузәт сох-
    дәниһо мәлхьәмйәтирәш нитану гобул сохдә, нә у
    нүвүсдәҝорһорәш ҝәрәк бирәниһо хьүрмәтһо гис-
    мәт нәс бирә. Һәр 4 ҹәрҝәлүйә бәндә инсонһорәш
    бийо ә фәлсәфи фикирһорәвоз ә мәһьдонлүйә хә-
    йолһо дәбәрдә, йарашуги вә инҹәлүйи шәйирийә-
    тә дуймиш сохдә, мәһьәнорә әри хүшдә вәҝүрүт.

    ***
    Йә бәндәйүм вәҝәрдо,
    Үшүг һьәсму вәҝәрдо.
    Әри зәндә һьәйилиш,
    Дәдәй пәшму нә ҝәрдо.
    ***
    Йә бәндәйүм гәләтәш,
    Һьәйил сохдә гәләтәш.
    Дүнйоһ сәр-зир мачару,
    Гәләт сохдҝә кәләтәш.

    Һьәзизә хундәҝорһо! Мәһьәной әни бәндәһорәш
    хүрдә нә сохдә, ишму хүшдәнишму митанит ши-
    ринйәти зуһун дәдәйимурә әз сүрхә гәрболһо ҝи-
    ровундә вә нүвүсдәҝорә - ХУДОлүйә һәглүйә ги-
    мәт дорә вә ә гәриш китоб дәриһорә хьәвәслү-хь-
    әвәслү ә кәлә сабур ән Офуррәҝорәвоз рач хундә!

    ***
    Читаешь стихи Эльдара Гуршумова и слышишь
    музыку. Это и понятно: он не только прекрас-
    ный поэт, но и талантливый музыкант.
    Читаешь его стихи и вместе с ним восхищаешь-
    ся тем, что восхищает его, влюбляешься в тех,
    в кого влюблен он, смеёшся, а иногда плачешь
    вместе с ним. Эльдар Гуршумов – поэт, имею-
    щий своё лицо. Даже если под его стихами не у-
    казан автор, читатель сразу же говорит: “ Это –
    Эльдар Гуршумов. Далеко не о каждом поэте, к
    сожалению, можно сказать эти слова.
    Но мне хочется поговорить сегодня ещё об од-
    ной значимости его творчества.
    Иногда в толковых словарях рядом с каким-ли-
    бо словом стоит указание написанное курсивом
    - поэт, то есть это слово – не обыкновенное, это
    слово - поэтическое. Вся поэзия Эльдара Гуршу-
    мова пронизана его удивительно благозвучными
    поэтическими словами. Эльдар Гуршумов вошёл
    в историю поэзии горских евреев как человек, по-
    даривший своему народу не только чудесные сти-
    хи, но и много чисто горско-еврейских слов, обо-
    гативших лексику родного языка.
    Замечательный певец, замечательный оратор, за-
    мечательный поэт. Удивительно, как он находит
    нужные слова, как умело нанизывает он их в сво-
    ей речи, в своих стихах, в своих песнях одно за
    другим. И они – его речь, его песни, его стихи –
    становятся и такими же прекрасными, как нить
    жемчуга, собранная искусным специалистом.
    Только природный талант и упорный труд созда-
    ют такие жемчужины творчества.
    Я лично благодарен Эльдар-мюалиму не только
    за то, что он дарит человеку благие минуты при
    чтении своих стихов, но и за то, что имел возмож-
    ность почерпнуть из его богатой лексики множес-
    тво слов при составлении горско-еврейского сло-
    варя.

    Профессор Михаил Агарунов.
    Член Союза писателей Израиля.

    ***
    Неделю ночами я читал книгу -“Божественные
    Синагоги Талхума - Таира”, наслаждаясь стро-
    ками и разнообразными формами стихов и по-
    эм горско-еврейского поэта Эльдара Гуршумо-
    ва. Я понял, что передо мной современный по-
    эт – новатор, которого я не встречал в нашей
    горско-еврейской поэзии за всю свою долгую
    литературную жизнь.

    Лазарь Амиров, поэт. Член
    Союза писателей Израиля.
  5. Shaul Guest

    Симпатии:
    0
    Баллы:
    0
    ПОӘМА

    Тәлхьә hьәрсhой дәдәй

    1. Нәкумийә хәҹәләти

    Тγ мәрә hорой зәри,
    Ә шори тγ оморум.
    Лап бисдорум сәр-сәри,
    Токи, hич нийоморум.

    Әгγлмәнди сәртγрә
    Киhо фурухд, ки висто?
    Килит зәрәм дәр тγрә,
    Раста ҝофә чγ бисто?

    Зийодлγйә ҝоф-ҝәләҹ
    Ворушлγйә дәб дири.
    Әз биhьори ән бивәҹ
    Дγлтγ әрчγ гәлп бири?

    Ә лов хәндә вәҝγрдә,
    Әри нумтγ гуч бγрγм.
    Имоhой гәм дәҝγрдә,
    Нәфсә әрчγ пуч дγрγм?

    Сог hьγмγртγ, әй хьовур,
    Мәвәдәшән hич әз йор.
    Бисдориҝәш бийобур,
    Бил мә ҝуйум, тγ ҝуш дор:

    «Куктγ бисдо сә сала,
    Ә сәр пойиш хуб пойисд.
    И рачә руз васала,
    Тγрә хуш дирә войисд.

    Ләх зәрәнки обурhо,
    Садан ҝуҹлу нийо бу.
    Ә мәхьшәвой сабурhо,
    Виҹдон бурҹлу бийо бу…

    Әз шәггәhой ән тәрси,
    Ә ләхс дори hьорирәш.
    Ҝоф дори, чγн hьәриси
    Миҝировни шорирәш.

    Ә дγләсти домундә,
    Минутhорәш шуморди.
    Әз hәгhо том нә мундә,
    Ки ҝуфди ки, - зу вор ди?

    Һьәсму – офто дирәнки,
    Буглу бисдо фикирhош.
    Әз гучиhой зирәнҝи
    Чγп ничару ә тирhош.

    Чәнд руз пишо әз базар
    Амбара чиш вистори.
    Тәhьди сохди лап амбар;
    Кәй мийовҝәш руз шори.

    Лойигә кук зәндлγhо,
    Ә ҹәhьм бәхтhош мидаров.
    Ә ХУДОй hәгг бәндлγhо,
    Ә hәр боләш нидаров.

    Хьәвәс тγрә гәдәр нисд,
    Тик вошәнди лап сәрә.
    Ә чиҹо дуст, тониш hисд,
    Һорой зәри hәммәрә.

    Әри нәвсә вәҝγрдә,
    Сабур әҹә, гәм әҹә?
    Әри сәсhо нә ҝγрдә,
    Хьәшил әҹә, бәм әҹә?

    Ранҝә-бәранҝ hисдиhо,
    Ҝγлhой богдор – дәстәлγ.
    Пәхγрә дγл нисдиhо,
    Һьәрγс-духдәр – мәстәлγ.

    Хәндәлγhо – зил-бәмлγ,
    Сохдә чиhош додлγни.
    Хундәҝорhо – мәлхьәмлγ,
    Зәрәҝорhош одлуни.

    Дәҝәсундә тов залаш,
    Хьәвәс әз нур парусди.
    Чγклә шори ән балаш,
    Ә hьәриси чарусди!

    Дәдәйтγш әз кәнд омо,
    Әз хьолтγ чорә нә ҝγрд.
    Думон - пәшмиш воромо,
    Үшγг чумhорә дәҝγрд.

    Дәдәйтγш әз кәнд омо,
    Мат бистори ә фурм гог.
    Әз коh йәлов диромо,
    Аташ рихди ә зулм дог.

    Дәдәйтγш әз кәнд омо,
    Ҹγрhьәт куки чγ бисто?
    Зәхьәр ә руй воромо,
    Һьәсγл тγрә ки висто?

    Дәдәйтγш әз кәнд омо,
    Бог-богчәйγ бәhәрсγз.
    Ә ов ҹилит диромо,
    Човгун вәхγшд тәhәрсγз.

    Дәдәйтγш әз кәнд омо,
    Дγлвәбәрә бәхт әҹи?
    Хьγҹәт ә хьγлг воромо,
    Ловhош ә хәнд мγхьтоҹи.

    Дәдәйтγш әз кәнд омо,
    Имидhойу – рәхьҝγрлγ.
    Зулмәт ә зәхьм диромо,
    Миродhойу – тәлхьмγрлγ.

    Дәдәйтγш әз кәнд омо,
    Нәбзγ чәмγст, зу ләрзи.
    Сифәтγ гγҹ диромо,
    Винирәҝор митәрси.

    Дәдәйтγш әз кәнд омо,
    Һьγмγр хошу кәм бисто.
    Митанусдҝә нийомо,
    Хурдәhойу гәм бисто.

    Дәдәйтγш әз кәнд омо,
    Мәтләбhойу – гәдәрсγз.
    Мозолhо кγнд нәйомо,
    Кγшди урә тәhәрсγз.

    Дәдәйтγш әз кәнд омо,
    Зийод бисто дорд дγлтγ.
    Ә назавош воромо,
    Бивәхт паҹи дор ҝγлтγ.

    Дәдәйтγш әз кәнд омо,
    Зиндә-зиндә сәлт мγрди.
    Гуногhош чәнд-чәнд омо,
    Дәсhошурә мәст кγрди.

    Дәдәйтнш әз кәнд омо,
    Батмиш бисто кγй сәстγ.
    Һәшданки тук диромо,
    Ә согломә дγ дәстγ.

    Нә омори пишово,
    Нә ҝγрди дәс дәдәйә.
    Ә дγлтγ губ диромо,
    Кγшди хьәвәс дәдәйә.

    «Хош омори» - нә ҝуфди,
    У пәлтәкә зуhун тγ.
    Хурдәhорә вокуфди,
    Ләрз диромо ә ҹунтγ.

    Гәбул сохди тγ hәчи;
    Сипрә муйә дәдәйә.
    Һишди ә фурм вәчвәчи,
    Рузу сийә дәдәйә.

    Дәдәйтγрә войист ки,
    Балайтγрә гәл ҝγрγ.
    Һьәҹәл сәрраст пойист ки,
    Һәйсәhьәт гәсд мәҝγрγ.

    Дәдәй әз дγл имид хосд,
    Догуног бу фикирhо.
    Дәдәй hәчи думит сохд;
    Чγп чарусди ә тирhо.

    Әхи ләгәб балайтγ
    Әдәшлγ бу ә бәбә.
    Әхи тәләб балайтγ,
    Шәриклγ бу ә Гγбә.…

    Тγндә hьәйбиш дирәнки,
    Ҝумон нибу әз зәhьиф.
    Зомон дәҝиш бирәнки,
    Бәдбәхтирә чγ тәhьриф?

    Әз овшәнә бәдрәhо
    Кәй, шитиләш нәм мидγт;
    Ә ворвори гәтрәhо
    Әврγшγмәш дәм нидγт.

    Әз ҹәхьтбәнди ән тукhо
    Үшγгиш тор нийо бу,
    Әз гәлхәнди ән кукhо
    Ҹәhьмәтиш шор бийо бу.

    Әз тәшнәйи хьәз hьγмγр
    Толихьмәнди нә сохтә,
    Ранҝ вәҝγрдә әз кγмγр,
    Зәхьләбәнди ки хостә?

    Шәггә зәрә хәндәрә;
    Тәйтә ә рәхьм дәшәндә,
    Чорәлγйә бәндәрә
    Ә бод – мγрγ ки шәндә?

    Тә вәhьдәhой – ҝәрәкиш,
    Тә хьγкм ә дәс дәмундә,
    Һоволуйә дәмәкиш
    Ә сабур нәс вәмундә…

    Һәммәшму руй чарундит,
    Дур пойисдит әз дәдәй.
    Зәхьләйγрә парундит,
    Мунд ә ҹиҝәй кәс – дәдәй.

    Зәнтγрәш войист hәлә,
    Ҝуҹлу дору дәбәрәш.
    Чумhорә сохдә кәлә,
    Зу пиш соху дәдәйәш.

    Тγш руйә мә чарусти,
    Ҝуфдири әз биhьори:
    «Әхьвол әз ҹун парусди,
    И зән әрчγ омори ?

    Ҝуфдирәбγрγм әхи,
    У шәв шори нәйовҝу.
    Әҝәр сохдҝә тәмәхьи,
    Сәбәхьмиси бийовҝу.

    Дустhо ә руй мизәнγ,
    Кәндчийәти сәр мәрә.
    Сухдум ә ҝәрм ән тәнγ,
    Чγтам кγшγм шәр мәрә?

    Гуногhоймәш шиниҝә,
    Мидәнγшγт чәпәки.
    Гәбиләймуш виниҝә,
    Дийә әз мә дәс вәҝи.»

    Биз-биз бисдо муйhой сәр,
    Әрәг сохд пишонимәш.
    Вәҝосурум ә лой дәр,
    Хьол нә вәмунд hич әмәш.

    Әри ҹунә вәҝγрдә,
    Гәргγш фурмиш гәм омо.
    Һьәсму аташ дәҝγрдә,
    Сәнгәлугиш нәм омо.

    Һәрчи тγ бул-булиндә,
    Әрәгитγш – ов булог.
    Әз рачә сәс ән хундә,
    Мәст бирәбу hәр гуног.

    Тγ ә кухни нушунди,
    Тәйтә сәбәхь дәдәйә.
    Тγ сәлт ә хун тушунди,
    Оморә рәхь дәдәйә.

    Лов - гирмизи, гош - сийә
    Гәбиләрә ҝγрди гәл.
    Оммо, сугдә дәдәйә
    Мумо хуно сохди хьәл.

    Тγ чәк зәри, вәҹәсти
    Әз пойтγ ләрзи хори.
    Дәдәй ә гәд дγләсти,
    Тγ чат зәри әз шори.

    Пәйлә ә дәс вәҝγрдә,
    Гәбиләрә сохди тоҹ.
    Бихьол нәфәс тә ҝγрдә,
    Дәдәй дур мунд әз әлоҹ.

    Рγхьәй дәдәй хьәл бисто,
    Тγрә чәшмиш дирәнки.
    Дәдәй ҹун до, ҹун висто,
    Гәбләш – дәдәй бирәнки.

    Һәшданки гγҹ диромо,
    Йә виҹә бисдо дәдәй.
    Һәшданки кәшд hьиломә,
    Зулмәтә висто дәдәй.

    Һәшданки hьәҹәл висто,
    Рачә бухун-буй дәдәй.
    Һәшданки мәхьәл бисто,
    Әри мγрдәй ҹун дәдәй.

    Һәшданки тәhәрз хори
    Ә сәрγ чәрх хурд хунә.
    Һәшданки йә ворвори
    Гәл зә, вәҝγрд бәрд бунә.

    Һәшданки ән нәзникә,
    Асдараhо сур бисто,
    Һәшданки мәнҝ әз ҹиҝә,
    Зәвәро рафд, дур бисто.

    Һәшданки hәммә рафд зур,
    Дәдәй нәди уhорә.
    Һәшданки гәсд бийобур,
    Ә гәрг hишди – буhорә.

    Һәшданки лап шовундут,
    Бор вәрийә дорhорә.
    Һәшданки лол ловундут;
    Нимазлγйә хорhорә.

    Һәшданки торики зә;
    Аташлγйә нур офто.
    Һәшданки килит дәзә,
    Ҝоф әз ләhьә нәофдо.

    Һәшданки пой ләнҝ чәмγст,
    Ә сәр савза ҝийовhо.
    Һәшданки бәхт нәҹγмγст,
    Әри мозол бийовhо.

    Һәшданки гимиш нәсохд,
    Бизмудлγйә дәбhорәш.
    Һәшданки кәмиш нә хосд,
    Рурундәйә гәлпhорәш.

    Һәшданки бивәҹлγ бу,
    Әри дирә hәр гогәш.
    Һәшданки сәлт мәрҹлγ бу,
    Әри бирә сәдогош.

    Дәдәйә hәчи кγшди,
    Ә ҝушу кутәхьә хәр.
    Оммо, тоблу нә нγшди,
    Ә бәдбихьисобә сәр.

    Йогин тγрә хәбәри;
    Әз конйак бирә гәриш,
    Чγн hьәринә hьов зәри,
    Бәгдә сохди «ҝилҝәзиш.»

    Мәрд гәбилә чум чарунд,
    Боҹихь дәшәнд ә сәртγ,
    Дәдәйтγ рγхь дәпарунд,
    Һич нә бисто хәбәртγ.

    Тγ бисдори сәлт гудуз,
    Сәс дәшәнди ә хунә.
    Дәдәйтγ нγшдә сәргуз,
    Ә зир дәндγ ҝγрд ҹунә.

    Һәммә ләhьә вокундә,
    Дәдәй тγрә пγрсγрγт.
    Тγ, тә әрәг покундә;
    Ҝоф – «ночог»ә шинγрγт .

    Дәдәй әз дәс фурмундә,
    Тәhгир нисохд hәр кәсә.
    Ҝәнәш ҹγрhьәт бурбундә,
    Нә вокунд дәр гәфәсә.

    Зәрблγ дирә ҝупирәш,
    Сәсә hγндγр нә вәбәрд.
    Зәхьәрлγйә губирәш,
    Ә дγл хγшдә зу дәбәрд.

    Бәхьсә - нәхьслγ нә норә,
    Чолә офдо ә рәхьγ.
    Хорилγйә чәрх дорә,
    Гәриш бисдо мувәхьγ.

    Бәдбин дирә рγвәхьәш,
    Гәргγшә ҝоф нә сохдә,
    Руҝәруҝә - тәмәхьәш,
    Хьәйолмәндлγ ки хосдә?

    Нә вәҝγрдә моч – марча,
    Гәриб бисдо кифләтγш,
    Ә фурм ҝγллγйә парча,
    Хьофт ранҝ вәҝγрд сифәтγш.

    Хьәл бирәйи - суй кәрә,
    Ә ҹикәй сад ҹγр шори;
    Әз коминҹо гуй зәрә,
    Омо, и бәд ворвори?

    Ҝоф ночогә шинрәмунд,
    Ә дγләсти домундәш;
    Сеҝаhлγйә мугам хунд,
    Әз бим дәдәй – ханандәш.

    «Һич мәбош хьγршләмиш әй ҹовонә кук,
    Әз ҹуниш ширинтә дәдәи ҝәнәш.
    Хγшдәрә ә йон тγ ҝγрдәниҝәш сук,
    Әз нуниш ширинтә дәдәи ҝәнәш.
    Әз ҹуниш ширинтә дәдәи ҝәнәш.

    Тγ hорой сохдиҝәш, у бисто гурбу,
    Әз норә пойhойтγ сәхт кәши гәйгу.
    Тә хубә руз дирә, уни рәхь бурбу,
    Әз нγниш ширинтә дәдәи ҝәнәш,
    Әз ҹуниш ширинтә дәдәи ҝәнәш.

    Нумтγни әрийγ hәм мозол, hәм бәхт
    Ки хосдә әвлодә тәhәр дәдәй сәхт?
    Пγрсγhо йортγрәш ҹовоб ди hәр вәхт,
    Әз нуниш ширинтә дәдәи ҝәнәш,
    Әз ҹуниш ширинтә дәдәи ҝәнәш.

    Сог һьүмүр ә пишо дузә рәхь норә,
    Әри hәр йарайтγ зу офди чорә.
    Әз дәрдтγ сипи сохд сийә муйhорә.
    Әз нуниш ширинтә дәдәи ҝәнәш,
    Әз ҹуниш ширинтә дәдәи ҝәнәш.

    Сабурлу чәрх дорә чәнд ҹγр васала,
    Әҝәр ки, дириҝә сади бисд сала,
    Әз йортγ hич мәшән ҝофhой Әлдара;
    Әз нуниш ширнтә дәдәи ҝәнәш,
    Әз ҹуниш ширинтә дәдәи ҝәнәш.»

    Йә бәдрә ов докундут,
    Һәшданки ә сәр дәдәй.
    Һьәрс чумә нә покундут,
    Дордлу омо - шәр дәдәй.

    Зәхьмлγ бисдо хγрдә кор;
    Һәм ҹәлә бу, hәм – тәлә.
    Гилиг дγлә ҝγрдәҝор,
    Нә чγклә бу, нә кәлә.

    Гәнәт зәрγт фикирhо,
    Имидә кγшд бәтәрсγз,
    Йә чγп чаруст ә тирhо,
    Хәйолhойуш гәдәрсγз.

    Ә чум овурд Гγбәрә,
    Ҹовоб нә до – сәс дγлγ.
    Йә чәндбойҝәш дγборә,
    Ҹәгли чәмγст әз кγлγ.

    Ҹофоhойу hәдәр бу,
    Нә мәстлγ бу, нә хумор.
    Әз гәзомот бәтәр бу,
    Нγшдәбуhо чор дувор.

    Мәнҝиш товуш дорәбу,
    Гәрәнтуйи ән шәвә.
    Тәнҝиш – имид норәбу;
    Фил ниимбу әз дәвә…

    Кими – «сог боши» ҝуфди,
    Кими ә хγшдә домунд.
    Әз hьәйб ҹиҝә нә офди,
    Сәртγ руйә хори мунд.

    Дәсhой бәhьзи зу вомунд,
    Әз амбара чәк зәрә.
    Ә кимиhо хьол нә мунд,
    Биз-биз дγрγт муй сәрә.

    Сәхьиб – hьошир бирәнки,
    Сәҝиш гудуз бийо бу.
    Һьәҹәл чγн шир дирәнки,
    Һьγмγр – уҹуз нийо бу.

    Һәрбой мизраб вохурдә,
    Ә зәрдәйә симhой тар.
    Зәхьәрлγйә гәм хурдә,
    Һьәзоб кәшири амбар.

    Әз зәhьифи ән гоги,
    Дγлә ә гәрд нийо ди.
    Шәрәфлγйә ҹун соги,
    Әз милйонhош зийоди.

    Әнҝγшд әсәр ән пәрдә
    Ләрзундәнки симhорә,
    Әри рγхьә вәбәрдә,
    Човгунлу бу - бим чорә.

    Ички хурди лап амбар,
    Мәхьтәлбәндлγ бистори,
    Рухундәйә hьәрс ән тар,
    Дур сохд тγрә әз шори.

    Әз дәс шәнди хуширә,
    Гәриш бисдо мувәхьтγ.
    Винирә дәм буширә,
    Ә hьәсму рафд рγвәхьтγ.

    Думдумәйә чәрх дорә,
    Әнҝγл зәри ә чумhо.
    Әри ә руй әрх норә,
    Мәхьтәл мундут гоhумhо.

    Кәм мундәбу, - вәхγшдә
    Бәсдә нәфәс hьәйб-hьорәш;
    Зәхьмлγ бурбундә мγшдә,
    Тәрсуни хундәҝорәш.

    Ҝилов зәрә - лолтγрә,
    Сәргузитγш әз кин бу.
    Хунхурлγйә хьолтγрә,
    Пәхьни сохдәш чәтин бу.

    Руй сифәтә ковундә,
    Пәлhой чумәш ләрзунди.
    Ҝоф ләhьәрә товундә,
    Куйә-куйәш дәрзунди.

    Ҝәнәш гәбиләhой тγ,
    Дәниширγт зир чуми.
    Зу парустут ә лой тγ,
    Һәчи танки, - ҹуркуми.

    Бәхьс бәрди ә нәвсәвоз,
    Һәр ҝофә йәки-йәки;
    Ә ширинә сәсәвоз,
    Ҝушhойтγ шинирәнки.

    Дәсә- ә дәс зәри тγ,
    Мувәхь гәриш тәhәр бу.
    Һәр кәлмә ҝоф әритγ,
    Әз суй ҝулләш бәтәр бу.

    Кура сохдә гәм шәрә,
    Фәләк hьәсбәлγ вирихд.
    Сурлуйә кор дәм зәрә,
    Әз hьәмэлтγ рәхьм нә рихд.

    Ҝуҝә шоhир, ә чум руз
    Тγрә сәнгә дγл дирә;
    Нγвγсдәбу димбә -дуз,
    И кәлмәhой мәhьнирә.

    Тγ чарусди ә ҹилит,
    Шәйир нур до чγн офто.
    Лов-ләhьәйтγ зә килит,
    Хьγрмәт hьортγ йон офдо.

    Гуногhо әз чәк зәрә,
    Нә мунд дγруй-дγкорә.
    Йә бойҝәш и мәhьнирә,
    Һишдγт хундә дγборә.

    Дәдәйә ҹун воромо,
    Ҝәнәш шини ҝофhорә.
    Дәсдәй хәйолhо омо,
    Ә йор дәшәнд софhорә.

    Дәдәй тануст ки hисди,
    Гәдγртана әвлодhо.
    Дәдәй тануст кәм нисди,
    Варафдатhо ә одhо.

    Дәдәй – танусдәнбу ки,
    Һьәсγлмәндә йә фәрзәнд;
    Йγрә hишдә ә тәнҝи,
    Ә гәбилә нибу бәнд.

    Дәдәй тануст, чәндбо тγ
    Ранҝ дорә - ранҝ вистори.
    Ә нум мәрдә бәбәйтγ,
    Һич лойиг нә бистори.

    Дәдәй – танусдәнбу ки,
    Һγнәрмәндә шγвәрγ;
    Ҹунә гурбу дори ки,
    Ҝовлә бу кәнд, шәhәрγ.

    Дәдәй – hәчи нори ки,
    Һьәсγлмәндә бирору;
    Ҹунә гурбу дори ки,
    Лов хәлг хәндә бийору.

    Дәдәй тануст, сәр тγрә
    Гәриш сохдә ә кор-бор;
    Гәбиләй тγ хγшдәрә,
    Әдәй хундә сәхьиб кор.

    Дәhьно зәрә нә тануст,
    Пәлтәк вини зуhунәш.
    Зарhо ә шәш нә чаруст,
    Гумор ҝуфди, - зγhунәш.

    Войисд бийов ҝγрγ гәл,
    Һьилом сәр-зир вачаруст.
    Чумhо сохдәнки пәл-пәл,
    Тγрә дирәш нә тануст.

    Йә hьовуни нә сохдәш,
    Әз дәс офдо мозол, бәхт.
    Садбо hьәҹәл тә хосдәш,
    Зулум вини әзтγ сәхт.

    Ә hьәйили хурдиhо,
    Шириш әз чум вәдромо.
    Әз и ҹиро хγрдиhо,
    Сифәтγш гγҹ диромо.

    Дәдәй – гоhум-гәрдәшиш
    Вир сохдәбу чәнгәдә.
    Оммо, урә дәрд йәкиш
    Нә кγшдәбу ингәдә.

    Нимәлитә хьγршhойу
    Әдәмбу дγл шовундә.
    Килитбәндә мγрсhойу
    Әдәмбу кγл товундә.

    Әз hьәсәлhой согломи
    Чухуткәрә чγ хәбәр?
    Әз кобобhой догломи
    Ловhош вошәнд зу гәбәр.

    Әри хγрдә гуз дәдәй,
    Сугдә кукиш кәләк бу.
    Әри мγрдә руз дәдәй,
    Говрәвәкәш ҝәрәк бу.

    Кγлγнҝ зәрә - Фәрhадлγ,
    Бинәй никә дәпарунд.
    Һьәмәл ҝγрдә - шәрдодлу,
    Әз гәлпи хьол ки парунд?

    Бугозбури нә сохдә,
    Әнҝγл вошәнд hәлгәрә.
    Йә пәйлә ов тә хосдә,
    Боглу мунд чγн мол-гәрә.

    Чәкәвәки кәширә,
    Сγстәлγ мунд биноhог.
    Хьәрим сохд хурдә ширә,
    Борсуз мунд будог-будог.

    Хγрд сохдәнки тγндә ҹәхьт,
    Әз бихьоли бисдо ҹоҹ.
    Дәр сабура бәсдә вәхт,
    Нә мойә мунд, нә гозонҹ.

    Пинәки – хов нә духдә,
    Бәҝәм дәрдлγ ә пих дә?
    Гәйтон шәhьәм нә сухдә,
    Һьәрсhой чумуш нәс рихдә.

    Гәлпәй дγлә парнуhо,
    Мигдорлуйә сой әҹи?
    Кусов кγлә чарнуhо,
    Ҝирйәлγйә вой әҹи?

    Парс ҝγрдиҝәш чγн hовун,
    Нибу кγшдә сойиглγ.
    Судум дирә биhьовун,
    Чγтам нγшдә лойиглγ?

    Һьәсγл нисдҝә хьәлим-хьәл,
    Садан әзҹә вихди hьор?
    Гәлифорә hич мәхьәл,
    Нитав бирә ихьтибор.

    Лγҹγ бофдә әз нолә,
    Дәдәй омоҝәш ә дод,
    Йә әзини әхьволә
    Нә субути, нә исбот.

    Әз човгуни нәвс ҝиро,
    Тәхтлγ бисдо hьоширhо.
    Әз дәдәй бирә ҹиро,
    Әҹә мунд хурдә ширhо?

    Әз гәриби кγк шәндә,
    Хәйолhорә гәдәр нисд.
    Әз бәдлγйә хьәл мәндә,
    Ки мухойу сади бисд?

    Ә дәсәвоз әйәки,
    Пойhош әдәй ләрзирә.
    Дәдәй – мундә ә тәки,
    Әз дәрд әдәй hьәрсирә.

    Ә дураза рәхь ники
    Ҹәнҝәсуриш нә дири.
    И ҹәвгийә пәхьники
    Ә коми кγнҹ дәбири?

    Әз сузовә човгуни
    Гәчорлγйә ҹун бири.
    Әз әрхлγйә ов – хуни
    Гәнимлγйә нун дири.

    Һәглγмәндә дуз дәдәй,
    Йә шәфтирәш нә ҝәзи.
    Пишой мγрдә руз дәдәй,
    Үшγг hәчи дәҝәси.

    Дәсhо зәриҝәш гәбәр,
    Ҝиснә чумиш нә мунди.
    И хьололә рγхьвәбәр,
    Бәҝәм, ә кук вәмунди?

    Һγнәрмәндә тәк чγли
    Ә йә гәтрәш нә пичи.
    И зулмәтhой йәк дγли
    Ә фурм сәгγз вәпичи.

    Ә хьγкγм «йод» вәмунди,
    Шор нә вәчи йә әтәк.
    Ә мәйдуй ҹәнҝ дәмунди,
    Чγн йә иҝид – тәк-бәтәк.

    Рихдә овә вәчирә
    Әйә кәсиш нә мунди.
    Хәйфбәрирә кәширә,
    Дәс ә чунә вәмунди.

    Ә бәмзәри йә соил,
    Хγшдәҝγши войисди.
    Гәбиләш чγн йәсоул,
    Ә кәлләйγ пойисди.

    Ә кәлә зол ән хунә,
    Хурдә-бәрдә йә од бу.
    Әри дошдә тон ҹунә,
    И шор дийәш зийод бу.

    Һьәсγлhорәш hьγзәт до,
    Чγн асдара тә ҹәсдә.
    Гуншиhорәш ләзәт до,
    Сәс ән зәрә-вәҹәсдә.

    Тә ов-сайлов кγл кγшдә,
    Йә дәдәй бу паралγ.
    Тә ә ҹиҝәй ҝγл нγшдә,
    Йә дәдәй бу йаралγ.

    Рач бу дәстәй чәләнҝи,
    Тәмәхь - әз тәмәхь зийод,
    Рγхь ковундә - пәләнҝи,
    Хубә әз бирәхьм чγ од?

    Тә дорд сәрә пойундә,
    Чалма дәҝγрди – дәдәй.
    Кγч бирәрә войундә,
    Фәткә вәҝγрди дәдәй.

    Кукә hәчи пуч дирә,
    Бәхтγ ә гәд чол дарафд.
    Сәбәхь очмиш нә бирә,
    Вәхγшд, ә рәхь вадарафд.

    Омо, ә Гγбәй хγшдә,
    Вәҝγрд сурәт шγвәрә.
    Хγшдәрә кγшдә-кγшдә,
    Гәл ҝγрд сурәт шγвәрә.

    Дәс воно ә пишони,
    Нγшд ә гәриш чор дувор.
    Һич нә сохдә hьовуни,
    Бәхтγ нә ҝγрд ә «гумор».

    Ҹару вәҝγрд, зу покунд
    Шорирә тәрсhой дәдәй.
    Ә гутинә әрх вокунд,
    Дигләйә hьәрсhой дәдәй.

    Тә hьәил кәлә сохтә,
    Чәнд арзуhо кγк шәндә.
    Богбон ҝγлә нә хостә,
    Богчәш нитав дәшәндә.

    Вәрфhой Шоhдог хьәл бирә,
    Имидhорә ов бәрди.
    Сурәтә ә гәл дирә,
    Пинәки до – хов гәрди.

    Әрәг руйә покундә,
    Гγҹ диромо ә болуш.
    Әри дγлә вокундә,
    Нә ләлә бу, нә - холуш.

    Әз hьәсму бәхт чирәҝор,
    Ә хун мидγ рәхь бәдә.
    Шәхсигәрәз бирәҝор,
    Һомун нидγ ҹәhьмәтә.

    Динҹи нисдҝә әз рәхьәт,
    Мәрдмазири – hәмчγни.
    Ә бәдә руз мундә вәхт,
    Дәрдлγ митав – гәм чγни.

    Әри hьәмәл бидинсох,
    Фәргγ нисди – нәрлγ бу,
    Әри одоми шинох,
    Чумиш бийо зәрлγ бу.

    Ә чән-думон дәбирә,
    Хьγҹәт имбу нур согәш.
    Хәбәрәтәр нә бирә,
    Гимәт нибу сурогәш.

    Бофдә нисдҝә әз кәләк,
    Мәлхьәм мийни әз хуши.
    Бивәҹирә чγ ҝәрәк,
    Һомбор пури, йә буши.

    Әз дәс ҹинә - зәбуhо,
    Кор-пишәрә чγ расди?
    Ә зәhьифи дәбуhо,
    Ҝуҹ мγйнγ әз карасди.

    Лов-ләhьәрә ҝγм норә,
    Мәхьәл нисдҝә әз тобу;
    Фурогустә чумhорә,
    Чорә әзҹә бийо бу?

    Әз пичирәй hингинә,
    Дγрγст нивни согhорәш.
    Әз гувот бирәнгинә,
    Батмиш мийни догhорәш.

    Әри дәгмә кәширә,
    Һәгсγзирәш – гәрдγни.
    Ә ҝузҝи дәниширә,
    Бишәркирәш – дәрдγни.

    Ә фурм вәрфhой ән бәйә
    Хиникирә вәдорә,
    Сипрәмуйә - дәдәйә
    Ә мәhьрәкә ки норә?

    Әз чофоhой гәтрәкәш,
    Бор-бәhәрә чирә вәхт;
    Дәрд әвлодә кәш-нәкәш,
    Әз русму ки ҝγрдә сәхт?

    Гуног рафдҝә hоволγ,
    Хурдә чийγ нуш нибу.
    Дориш нисдҝә сойәлγ,
    Һәндәвәрγш буш мибу.

    Һорой-хьәшил ән васал
    Ҹар нә бошҝу әз сиро.
    Ә чор фәсил ән йә сал
    Бәhәрлγни, – дор Тиро.

    Зәхьми дорә хγр тәнҝи,
    Вир сох hьәдәт гузирәш.
    Хγшҝә нунәш хурдәнки,
    Сәвҝәндлγ хой – дузирәш.

    Сойә ә сад бγнγhо,
    Хәбәр нисдҝә әз кγчγ,
    Кәләҝәди вγнγhош,
    Әз хок бәди мәпγчγ.

    Бәхт hьәсмурә чирәҝор,
    Ә сәр кипә дәҝγрдә.
    Китобшγнос бирәҝор,
    Әз Тиро дәс вәҝγрдә?

    Чγн асдара тә ҹәсдә,
    Зийод мәсох гәдәрә.
    Ә вор ҝиро вәҹәсдә,
    Гисос мийни hәдәрә.

    Кәләтәрә хок дирә,
    Сәhьәр гураш мивини,
    Дәдәйхойлу нә бирә,
    Шор hьиломәш нивини.

    Торик сохдә товушәш,
    Гәним дәдәй ки бири?
    Думонсγзә ворушәш
    Әйи hьилом ки дири?

    Хьәвәс куки мγрдиҝә,
    Хьолол нитай орд тәштә.
    Сугра зани хγрдиҝә,
    Пой-пийодә ки ҝәшдә?

    Тәвәр вәҝәш ә кутук,
    Хьγкγм хунлу нийо бу.
    Әри дγнмиш бирә кук,
    Ки ҹовобдор бийо бу?

    Тә расирә тγ ә буй,
    Зәхьмәт дәдәй әҹә рафд?
    Ҝуфәрәрәйә хәнәнуй,
    Әрчγ әз йор вадарафд?

    Дәдәй – хьисоб сохд hәчи;
    Ә руй хориш мунди тәк.
    Һингинәйγ вәпичи,
    Дәрдhой дγлγш йә әтәк.

    Гәришмәндлγ мунд у шәв,
    Ә йор нәбу hич нумуш.
    Зиндәҝуни биз-битәв,
    Ҝирошд әз рәхь ән чумуш.»
  6. Shaul Guest

    Симпатии:
    0
    Баллы:
    0
    2. Хубә рузhо

    Дәдәй hәлә hьәйил бу,
    Пишәйγ бу хундәйи.
    Әз хосийәт йәhь нәбу,
    Әз hьәсγлγ – мундәйи.

    Һәм ҝуфәрә муҹумунд,
    Һәм кор мисохд ә хунә.
    Тәмизирә муҹуҹунд,
    Сәхд никәши хьәйф ҹунә.

    Ә тәhәр мәнҝ, асдара,
    Әри hово γшγг бу.
    Шәвhо мушушд палтара,
    Ә торикиш ошуг бу.

    Сәхьиб йә кор бирәнки,
    Һьәмәлдани нитануст.
    Биразулуг дирәнки,
    Шәкәш hьәйблγ митануст.

    Һорой мизә ә хундә,
    Һьәрγс-духдәр мәхьәлә.
    Таза палтар вокундә,
    Очуг ниҝγрд йәхәнә.

    Ә лов хәндә вәбәрдә,
    Үзҝә сәсәш нишини.
    Әгγл сәрә тә бәрдә,
    Сәс ән дγләш мишини.

    Ә гәриш шори-ники,
    Бирәбу әнҝγшдбурбу.
    Һәр кәс танусдәнбу ки,
    У дәс расти сабур бу.

    Ҝуҹ дорәнки зәхьмйәти,
    Һьәйил буhо гәл дирә.
    Әз хотурhой рәхьмйәти,
    Сәнгиш мийост хьәл бирә.

    Ә буй-бухун рач бәhәм,
    Һγндγртәлә бирәбу.
    Оммо, салу букәш кәм,
    Чәнд ҹγр нумҝир дирәбу.

    Әри дузә соф дирә,
    Шәфтә пишо никәши.
    Гәйгулу бу ҝуфдирә,
    Хьәйфбәрирәш микәши.

    Дәдәй hәлә ә йәкиш,
    Нәс дорәнбу hич фикир.
    Ә хунә ҝоф бирәнкиш,
    Ранҝ сифәтә мисохд вир.

    Зарафата хосдәйи,
    Голмоголи нидәшәнд.
    Тәмизкори хостәйи,
    Холчәй ҝγли мидәшәнд.

    Ә руз йәбо чәнд хәбәр
    Инфирсорут әлчиhо.
    Ҝәнә дәдәйә әз сәр
    Нивәдәбәрд hич уhо.

    Шәвиш-рузиш чәнд ҹиро
    Ҝофә мивәҝγрд, – дәдәй.
    Ә гисмәтә бәнд ҝиро
    Чумәш мидәҝγрд, – дәдәй.

    Йәкирәш хәбәр нәбу,
    Әз доруни дγл дәдәй.
    Йәкиш hәлә нәсданбу,
    Ки имбу тоҹҝγл дәдәй.

    Рγхьвәбәри кәй нитав,
    Бим-фикирлγ нγшдәни.
    Сәбәхьирә ки митав;
    Вәхт – hәр чγрә кγшдәни.

    Әнҝγл әшгә бәсдγhо,
    Буглуйә пар нийо бу.
    Ә зир воруш ҝәшдγhо,
    Палтаруш тар бийо бу.

    Шоh раҝγрә миҹумунд;
    Һәр оморә - hьәрәчи.
    Дәдәй сәрәш ниҹумунд,
    Ҝирошд е чәнд сал hәчи…

    Йә руз сәбәхь нә бирә,
    Ә хунә сәс диромо:
    «Кук гунши хундәйирә
    Ә Боку варасд, омо.»

    Дγл дәдәйә hәшданки,
    Ә тәhәр дор шовундут.
    Дәдәй hәчи танустки,
    Әйγ ҝоф дәшнәвундут.

    Кәши лγхьγфә дәҝγрд,
    Зу пәхьәни сохд сәрәш.
    Бәгдә зу ә дәс вәҝγрд,
    Хγшдәнийγ – хγшдәрәш.

    Хәм-хәйолу, зирәнҝи,
    Ә пишой чуму омо.
    Бушә вәхтγ бирәнки,
    Кук әз Боку мийомо.

    У амбар пойисдәнбу,
    Ә пишой ән дәр дугоз.
    Ә ҝуҹәвоз дорәнбу,
    Ҹовобсγзә чәнд когоз.

    Һәрбой дирә йәкирә,
    Сәргуз пойисдәнбγрγт.
    Һәрдγшγ чәшмиш бирә,
    Ҝофиш нәс офдәнбγрγт.

    Дәдәй – сохдә тәhьәди,
    Әз йон гунши миҝәшд дур.
    Ә хьәфтәрәвоз вәди,
    Ниимбисто әз обур.

    Һәмишәлуг әри кор,
    Дәдәй сохди hә сабур.
    Ә гәд килит нә очор,
    Танусдәнбу дошдә сур.

    Һәлә салуш кәмтә бу,
    Рафда рәхьә виҹи дуз.
    Миродhойуш әдәмбу,
    Бәhәр дорә руз-бәруз.

    Ә hәр когоз ән дәхγл,
    Рачә мәhьни кәм нәбу.
    Ә hәр кәлмәй ән әгγл,
    Дәhьәмлγйә дәм дәбу.

    Ә ширинә сәсәвоз,
    Мәлхьәмәлγ хундәнбу.
    Ә хьәсрәтә нәвсәвоз,
    Тәкәлγклγ мундәнбу.

    Әз ширинә хәйолhо
    Бог-богчәйγш ҝγллγ бу.
    Ҝоф нә сохдә, чγн лолhо,
    Кук гуншийγш дγллγ бу.

    Нә хундәбу чум йәкиш,
    Ә когозhо вәhорә.
    Һәлә тәйимоhойиш,
    Дәдәй дошди уhорә:

    « Йә бәндәйγм, дәри тγ.
    Ә гәд дγлмә дәри тγ.
    Кук ән гунши hисдγмҝәш,
    Әдәм мγрдә әри тγ.

    Йә бәндәйγм, хинәрәш,
    Ә сәр мәзән хинәрәш.
    Әри сугдә муйhойтγ,
    Гурбу мγдγм синәрәш.

    Йә бәндәйγм, нибошум.
    Садан хуштγ нибошум.
    Һьәрисиму бирәнкиш,
    Чогәгучтγ имбошум.

    Йә бәндәйγм, hьәнҝ әҹи,
    Һьәсәл ширин, hәнҝ әҹи?
    Руй hьиломә ҝәшдγмҝәш,
    Йә чγнтγни мәнҝ әҹи?

    Йә бәндәйγм, дγлγм мә.
    Мγhбәтлγйә дγлγм мә.
    Тγсγз ә пич әшглγhош,
    Кусовлγйә кγлγм мә..»

    « Гәрәнтуйә рузлунум,
    Ә чорәймә бийо йор!
    Һьоҹизлγйә гузлунум,
    Ә hороймә бийо, йор!
    Ә чорәймә бийо, йор!

    Синихмишә дγллγнγм,
    Паҹирәйә ҝγллγнγм,
    Хокистәрә кγллγнγм,
    Ә hороймә бийо, йор!
    Ә чорәймә бийо, йор!

    Хьәсрәтлγйә дәрдлγнγм,
    Михәнәтә зәрдлγнγм,
    Мγрбәтлγйә гәрдлγнγм,
    Ә hороймә, бийо йор!
    Ә чорәймә, бийо йор!

    Шәhьәмлγйә мумлунум,
    Ториклγйә чумлунум,
    Дәрйоhлγйә гумлγнγм,
    Ә hороймә бийо йор!
    Ә чорәймә бийо, йор!

    Гисмәт уҝәй нимунум,
    Тγсγз субой мумунум.
    Бәхтә чγтам ҹумунум?
    Ә hоромә бийо, йор!
    Ә чорәймә бийо, йор!»

    «Бәхтлγйирә чирә-чирә,
    Мәнҝлγйирә дирә-дирә,
    Динҹлийирә вирә-вирә,
    Ә мγhләттγ домундәм, йор.
    Ә мγрбәттγ вомундәм, йор.

    Әхьволирә мγрдә-мγрдә,
    Шоботирә ҝγрдә-ҝγрдә,
    Гәмиhорә хурдә-хурдә,
    Ә мγhлγттγ домундәм, йор.
    Ә мγhбәттγ вомундәм, йор.

    Хушбәхтирә - мәсәл хундә,
    Бәдбәхтирә - пәсәл хундә,
    Хостәйирә - hьәсәл хундә,
    Ә мγhләттγ домундәм, йор.
    Ә мγhбәттγ вомундәм, йор.

    Бәхилирә йодлу ҹусдә,
    Зиhимирә ходлу ҹусдә,
    Хубиhорә одлу ҹусдә,
    Ә мγhләттγ домундәм, йор.
    Ә мγhбәттγ вомундәм, йор.

    Офтойирә аташ дирә,
    Бофтойирә саташ дирә,
    Софтәйирә палаш дирә,
    Ә мγhләттγ домундәм, йор.
    Ә мγрбәттγ вомундәм, йор.»

    « Рузҝор hьәсму дәҝγрдәнки,
    Воруш hьәрә нә ҝγрдәнки,
    Үзҝγм зәрә ә чорчәнҝи,
    Әмә гисмэт имбоши, йор!

    Әз hәггиhой ХУДОбәнди,
    Әз дәhьнәhой тубобәнди,
    Әз Тироhой нубобәнди,
    Әмә гисмәт имбоши, йор!

    Мозол-бәхтә дәчирәнки,
    Зомон вәхтә вәчирәнки,
    Мγhбәт ҹәхьтә кәширәнки,
    Әмә гисмәт имбоши, йор!

    Сабур ә шор чарусдәнки,
    Бәhәр әз дор парусдәнки,
    Ҝγлhо әз hьор тарусдәнки,
    Әмә гисмәт имбоши, йор!

    Рγхь сγрхирә гурбундәнки,
    Һьор-hьәсγлә бурбундәнки,
    Ҝоф ләhьәрә бурҹундәнки,
    Әмә гисмәт имбоши, йор.

    ХУДО – шγhрәт-шон дорәнки,
    Ә сәр кипә вәноронки,
    Әнҝγшдәри дәнорәнки,
    Әмә гисмәт имбоши, йор!»

    « Әз ХУДОи бәхш бирәнки,
    Гисмәтлγhо дур нәс бирә.
    Хьол-әхьволә нәхш дирәнки,
    Торикиhо нур вәс чирә.

    Фикирлγйә γзҝә хәйол,
    Ә богчәйму сәнг нишәнγ.
    Асдараhо пойисдҝә лол,
    Бәхт рәхьмирә мәнҝ мишәнγ.

    Сабурлуйә мγhләтиму,
    Әз сәнгйәти Шоhдог мийов.
    Тәмизлγйә мγрбәтиму,
    Әз софйәти булог мийов.

    Мозол йә дор бирәниhо,
    Хьәчәрәш чат нибу сохдә.
    Рәхьә hомор дирәниhо,
    Һьγмγрәш сад имбу хосдә.

    Һәр когозә ә зай дорә,
    Хьисоб мәсох, - парс hовуни.
    Йә дγнйоhлуг арзуhорә,
    Пуч хундәйиш әз hьовуни.

    Әз ХУДОи hьәҹәл хосдә,
    Раста – дурҝуш ки нγвγсдә?
    Синәмиши әри сохдә,
    Әхи дγ бош ки зγhγсдә?»

    «Гәнәтлγйә гуш имбошум,
    Токи, бәҝәм сохи мәрә.
    Ҹәннәтлγйә хуш имбошум,
    Токи, бәҝән сохи мәрә.

    Дәрдhой тәнҝи кәмиш имбу,
    Дγлhой сәнги нәмиш имбу,
    Зилhой бәнҝи бәмиш имбу,
    Токи, бәҝән сохи мәрә.

    Офтолγйә товәш мийним,
    Ширинлγйә ховәш мийним,
    Хәндәлγйә ловәш мийним,
    Токи, бәҝән сохи мәрә.

    Әз ҹофоhо бориш мийов.
    Әз софоhо вориш мийов.
    Әз Тироhо hьориш мийов.
    Токи, бәҝән сохи мәрә.

    Әз hγндγрhош гуз мγчγнγм.
    Әз растиhөш дуз мγчγнγм.
    Әз hьγмγрhош руз мγчγнγм.
    Токи, бәҝән сохи мәрә.

    Үҝәйлγйә гәлпәш нибу,
    Сайловлγйә селhош нибу,
    Ловголγйә хьәлhош нибу,
    Токи, бәҝән сохи мәрә.»

    «Хәбәрсγзә сурог мундә,
    Сипи мәсох муй сәрмәрә.
    Әз ҹиҝәйγ гирог рундә,
    Сипи мәсох муй сәрмәрә.

    Аташлγйә бәрг имбошум,
    Кусовлγйә тәрҝ имбошум,
    Дәрйоhлуйә гәрг имбошум,
    Сипи мәсох муй сәрмәрә.

    Мозолhойму ә кишә дә,
    Әгγлhойму ә пишә дә,
    Ҝузҝиhойму ә шишә дә,
    Сипи мәсох муй сәрмәрә.

    Әз гәләти - ә дур бура,
    Әз товуши - ә нур бура,
    Әз пәлтәки - ә сурр бура,
    Сипи мәсох муй сәрмәрә.

    Һийләҝәрә бәдчум дирә,
    Чолвәкәрә бәднум дирә,
    Хосдәҝорә Мәҹнун дирә,
    Сипи мәсох муй сәрмәрә.

    Расай овсар ә дәстγ дә,
    Ҹγрhьәт мγhбәт ә нәвстγ дә,
    Ҹовоб «hәри» ә сәстγ дә,
    Сипи мәсох муй сәрмәрә.»

    «Кобоблγйәш дог имбошум,
    Гәйчи мәзән бәнд муйhорә.
    Хәзонлγйәш бог имбошум,
    Гәйчи мәзән бәнд муйhорә.

    Ошугбәндиш хорлу имбу,
    Гәйчи мәзән бәнд муйhорә.
    Үшγгмәндиш торлу имбу,
    Гәйчи мәзән бәнд муйhорә.

    Хьмоллγйиш ә вой мурав,
    Гәйчи мәзән бәнд муйhорә.
    Хололлγйиш ә ҹой мурав,
    Гәйчи мәзән бәнд муйhорә.

    Бихьолйәтиш әз шок мийов,
    Гәйчи мәзән бәнд муйhорә.
    Динҹийәтиш әз хок мийов,
    Гәйчи мәзән бәнд муйhорә.

    Сабурдориш килит мγйнγ,
    Гәйчи мәзән бәнд муйhорә.
    Обурдориш ҹилит мγйнγ,
    Гәйчи мәзән бәнд муйhорә.

    Хосдәхуниш нәвслγ нибу,
    Гәйчи мәзән бәнд муйhорә,
    Әнҝγшдәриш дәслγ нибу,
    Гәйчи мәзән бәнд муйhорә.»

    «Һич настанум әҹә бәрγм сәрмәрә,
    Әз hьәйили ошуг бирәм, әтγ йор.
    Әзимоhой шорлу воку дәр мәрә,
    Әз hьәйили ошуг бирәм, әтγ йор.

    Һәр сәбәхьhо муйә гγҹум вәҝγрдә,
    Ә сәр дγшhо ҹγфтә бәндә дәҝγрдә,
    Нәзник бийо, тәрсә ә дγл нә ҝγрдә,
    Әз hьәйили ошуг бирәм, әтγ йор.

    Михәнәтhо хостәйирәш гәлп дири,
    Асдарахой - сγрхә бәхтәш дәб чири,
    Әйи сәвҝи йәрәг дγлиш ҹәлб бири,
    Әз hьәйили ошуг бирәм, әтγ йор.

    Һьәдәтhорә рушум нибу хәстийγ.
    Мәрдγмлγрә ә ҹун мобу гәсдийγ,
    Мәҹнунбәндә Ләйли имбу мәстийγ,
    Әз hьәйили ошуг бирәм, әтγ йор.

    Ә сәйәг мар, әз гобугиш мадарам,
    Ә фурм «Бәhьәз» әз дохьориш мидарам,
    Субой мундә, әйә гопуш нидарам,
    Әз hьәйили ошуг бирәм, әтγ йор.

    Чγн Короглу, гилинҹ нитам вәҝγрдә,
    Ә фурм hьәсму тγндлγ нитам дәҝγрдә.
    Әз сәнг говрә чорә нитам нә мγрдә,
    Әз hьәйили ошуг бирәм, әтγ йор.»

    Нә ҝирошдә hич йә руз,
    Дәрә куфдут гуншиhо.
    Дирәморуткәш сәргуз,
    Сәртик вадарафд уhо.

    Ҝузәтсγзә шор хәбәр,
    Лап мәхьтәл hишд hәммәрә.
    Пич-пичиhо ҝγрдә сәр,
    Ә hәр хунә куфд дәрә.

    Әз мозолә дәс сукиш,
    Тәhьәриф до шинрәҝор,
    Һәлә сәхьибhой кукиш,
    Нәсданбу сохдә бовор.

    Йә вәхт мокунд зуhунә;
    Ә гәриш шори-ники,
    Һәм ә гәриш йосхунә,
    Дәдәй кук муҝуфди ки:

    « Кукмә - әдәм дирәки,
    Әз Губә зән нихойу.
    Хундә томом бирәнки,
    Әз Боку зән михойу.»

    Ҝиләйиhо нә буҝә,
    Әри чумhо тир нәбу.
    Оммо бәбәй кук, ҝуҝә,
    Ҝәнәш ә фикир дәбу:

    «Чγтам бир кук-духдәр,
    Суррлу дошди хостәрә?
    Йәкиш нә ҝγрд йә хәбәр,
    Ихдилотhо сохдәрә.»

    Вошәндә омо лап сәхт,
    Әнҝγл ән дγ севмиши.
    Ә гәд мозол, ә гәд бәхт,
    Ҝирошд шори гγдγши.

    Дәдәйтγрә товуш до,
    Сухдәниhо шәhьәмhо.
    Игрор hьәриси офдо,
    Ә гәд чәнд ҹγр дәhьәмhо.

    Әзу руз таза бисдо,
    Сәрдәҝи тә мәхьс – дәдәй.
    Чγн асдара тов висдо,
    Әнҝγшдәри дәс – дәдәй.

    Ә були ҹиhизhо мунд,
    Кәләтәhой ән хунә.
    Хубә hьәриси нушунд,
    Варасдәмунд дәймγнә.

    Чәк зәрә вәҹәсдәбу,
    Оморә мәрд-зән – Губә.
    Һәшданки ники дәбу,
    Ә hәр ҹиҝәй ән Губә.

    Һьәриси бәгдәш hәлә,
    Гуногhо чәнд ҹәрҝә нγшд.
    Һьәрγс-духдәр мәхьәлә,
    Хинә воно ә әнҝγшд.

    Пишой hьәрγс вәҝγрдә,
    Ҹиҝә нәбу ә рәхьhо.
    Һәшданки хәлг ҹәhьм ҝγрдә,
    Парадлγ бу тәмәхьhо.

    Ә хушлγйә зиндәҝун,
    Кγк дәшәнд бәхтhой дәдәй.
    Ә нушлγйә фировун,
    Рач ҝирошд вәхтhой дәдәй.

    Кәләтәhош рәхьм дирә,
    Нә домундут әз муно.
    Хосдут хотур йәкирә,
    Сугдә бирорә хуно.

    Гәбиләhош кәй тәйтә,
    Гоhумлу раст оморә.
    Әз хәhәриш гәдәртә,
    Һьәрγс дорут – доморә.

    Тәhьрифирә шән дорә,
    Һγндγр водо – тикирәш.
    Шәhьәм ҝγрдәй зән-зорә,
    Йарашуг до никирәш.

    Дәдәйтγрә кор нидо,
    Меhрибонә шәвхәhәр.
    Бәhәр нәфсәш hьор мидо,
    Софә хушhой ән шγвәр.

    Дәблγ бисдо hәвәлhо,
    Һич йә лγҹγш нәләрзи.
    Әз ширинә hьәмәлhо,
    Йә руз ә йә сал вәрзи.

    Хьγрмәтлγйә хубинә
    Әз сγрх йәрәг норәнбу.
    Мәнҝәлγйә гутинә
    Вәрәг-вәрәг дорәнбу.

    Зәхьмәтдори ән hγнәр
    Әри ҹуhур дәбә бу.
    Хьγрмәтдори зән-шγвәр,
    Ә китобhош нә вәбу.

    Ә дор хунәй гисмәти,
    Сәр лγҝәhош дуллу бу.
    Ә гәд богhой ҹәhьмәти,
    Сой бәhәрhош буллу бу.

    Әри Тирой боботиш -
    Сухдәй шәhьәм сγфтә бу.
    Ош-йәрпәги шоботиш -
    Дәhьәмә чи сγфрә бу…

    Йә сал ҝирошдә бәгдә,
    Тγш ә hьилом омори.
    Дγл дәдәйиш у вәhьдә,
    Ҹиҝә нә ҝγрд әз шори.

    Әрәг бәхтә покундә,
    Дәб мозолә хуш дγрγт.
    Һәммә ләhьә вокундә:
    «Бәбә доро!» - Ҝуфдγрγт.

    Һич нә танусд чиҹәво
    Бәрγҝә сәр хγшдәрә.
    Хосдә-хосдә ловоhо
    Сәр ҝγрд, гәмә кγшдәрә.

    Әз сәр тә пой hәр чирә
    Висдо, дәдәйхолуй тγ.
    Зу ҝуфәрә - ҝуширә
    Норут ә кин болуйтγ.

    Әзи хьәсγл оморә,
    Дәдәй дири - әвлодлγ.
    Нәвс hәммәрә додорә,
    Һьәзиз бири – зийодлу.

    Әз хәндәйтγш әй хьовур,
    Әгрәбәрә ворунди.
    Әз чумhойтγш рихдә нур,
    Тор хунәрә хорунди.

    Никиhо вәҝγрдәбу,
    Нәсиллγйә бәбәрәш.
    Сγфрәhо дәҝγрдәбу,
    Вәҝир дошдә дәбәрәш.

    Чум-гош тγрә винирәш,
    Һәммә ә тγ бисдо бәнд.
    Һәрбой софә ҝоф бирәш,
    Ә сәр тγ бу hәр сәвҝәнд.

    Тγрә әз дәс - ә дәсhо,
    Дәдәй, холә нә hьәмәш;
    Йә нәсилә хьәвәс до,
    Рγхьә вәбәрд шән hәммәш.

    Әз шәв – тә руз парустә,
    Асдараhош бәхтлγ бу.
    Тәйтә γшγг палустә,
    Нур офтоиш ҹәхьтлγ бу.

    Әз мәнҝәнәй хәйолh,
    Йә γҝәйиш соф нирафд.
    Хуш вихдәнки әз хьолhо,
    Әз рачитγш ҝоф мирафд.

    Кәләдәдәйтγш hәрдән,
    Ҝуфдирәнбу ә hәммә.
    «Кәм тәhьәриф дит, бирдән,
    Бил чум нәбу ә нәвә.»

    Тимор сохдә сәртγрәш,
    Ә хәhәлтγ мунд – дәдәй.
    Ҹумундәнки ҝуфәрәрәш,
    Йовош-йовош хунд – дәдәй:

    «Хәндәй ловтγ нә кәрдо кәм,
    Нәнуй-нәнәм, нәнуй-нәнәм!
    Һич нә танош чуниҝә гәм,
    Нәнуй-нәнэм, нәнуй-нәнәм!

    Шәhьәм сухдә, хьәл имбу мум,
    Әз вороври лов имбу гум,
    Әз ҝирисдә сәр имбу ҝум,
    Нәнуй-нәнәм, нәнуй-нәнәм!

    Һовой Шоhдог, ов ән Гудйол,
    Шәггә зәрә, нә муно лол,
    Хурдә ширhой дәдәй – хьолол,
    Нәнуй-нәнәм, нәнуй-нәнәм!

    Дорд нә ҝиро йә сәр тγрә,
    Мозол куйо hә дәр тγрәj
    Ә чум вином бәhәр тγрә,
    Нәнуй-нәнәм, нәнуй-нәнәм!

    Руйочуг бош, hәмишә хәнд,
    Ә кор вәтән hәглγ бош бәнд,
    Таза рәхьhо вокун чәнд-чәнд,
    Нәнуй-нәнәм, нәнуй-нәнәм!

    Ҝуч вәҝγрдә әз хок Гγбә,
    Вир-сур сохош hьәзоб-губә.
    Лойиг мунош ә нум бәбә,
    Нәнуй-нәнәм, нәнуй-нәнәм!

    Тγни – дәстәй ән ҝγл дәдәй,
    Тγни – войәй ән дγл дәдәй,
    Тγни – тиҹәй әгγл дәдәй,
    Нәнуй-нәнәм, нәнуй-нәнәм!

    Кәлә бирә, тγ әй бала,
    Винош дәhьәм ән hәр сала.
    Зивош hγмγр сад васала,
    Нәнуй-нәнәм, нәнуй-нәнәм!

    Мәhьәнирә шинирә,
    Чумhо марафд зу ә хов.
    Дәдәй – шормәст винирә,
    Хәндә мошәнд ә сәр лов.

    Әри ҝирисдә hәрдән
    Шәвhо мисохди тәмәхь.
    Миҝордундγт шγвәр-зән,
    Ә гәл-гиҹог тә сәбәхь.

    Аграном кор сохдәнбу,
    Бәбәйтγ, ә йә колхоз.
    Корсохhош hә әдәнбу,
    Имборәк сохдә hәр руз.

    Хосдәҝорhой бәбәйтγ
    Дошдә, обур hьорирә:
    «Сад сал зγhо нәвәйтγ,
    Кәй нушундә шорирә?»

    Ҝуфдирәшγ хорлу бу;
    Бийовт ә шор ән бәбә.
    Данандайа корлу бу,
    У ә шәhәр ән Гγбә.

    Зәрҝәрлγйә шорлуни
    Богбонлγйә сәнәhьәт.
    Сγрхәлγйә дорлуни
    Әз гәдими и hьәдәт.

    Пучкунәндә нәс бирә,
    Һγнәрлγйә ҹофоhо.
    Әри милләт вәс дирә,
    Бәрәкәтә софоhо.

    Әз ХУДОи нәхш буhо,
    Һәр ҝийовәш ҝофуни.
    Ә колхозчи бәхш дγhо,
    Зәхьмәтγрәш бофуни..

    Хубә гозонҹ сохдәбу;
    Хьγрмәт чγклә-кәләрә.
    Ҹәhьмәтәлγ хосдәбу,
    Зийод вγнγ бәhәрә.

    Кәләтәhо ҝоф норут,
    Әз ширини мәсләхьәт.
    Ә кучәhо офдорут,
    Минәтчиhо чәнд сәhьәт.

    Сурог шори дәбисдо,
    Ә ҝуш Боку нә Дәрбәнд,
    Ә гуг hьәсму вәбисдо,
    Шинирәҝор йә чәнд-чәнд.

    Платкаhо вонорә,
    Сарай норут – софтәлγ.
    Үшγгчиhош оморә,
    Товуш дорут – офтолγ.

    Хьәрәкәтлγ бирәбу,
    Мозоллγйә тобиhош.
    Хьәзурлуги дирәбу,
    Тиролγйә рабиhош.

    Әз рузиҝор ән hово,
    Дуләпәсә нә бγрγт.
    Ә фурм Одом нә Хьово,
    Ә рәхь ХУДО дәбγрγт.

    Варавундут сифрорә,
    Ә гәд савзәй мәхьәлә.
    Гуногhорә кәйф дорә,
    Мәҹлγс вокунд – йәхәрә.

    Әз хьγрмәти ән лойиг,
    Әз ҝγл дәстә бофдәбу.
    Ә дγл hәммәй хәләйиг,
    Сурхәлγйә ҝоф дәбу.

    Йә шәвлугә зγhунhош,
    Дәhьәм дγрγт - әтәклγ.
    Кәлмәлγйә зуhунhош,
    Һьәсәлγ бу – пәтәклγ.

    ХУДОлγйә дγллγhош,
    Ә хьофт гәти вәбγрγт.
    Пийонлγйә лγллγhош,
    Ә моч-мочи дәбγрγт.

    Ләрзундәбу хорирәш,
    Шәв тә сәбәхь – вәҹәстә.
    Гул-гәнәт до шорирәш,
    Мугом, мәhьни, шикәстә.

    «Фәргγ нисди духдәр бири, кук бири
    Асдарайγ бәхтлγ ҝәрдо hәмишә.
    Оморәйγ әри hәр кор сук бири,
    Войҝәhойу тәхтлγ ҝәрдо hәмишә.

    Дәдәй бирә йә шәрәфи әз ХУДО,
    Пәшмуйәти вир-сур ҝәрдо hәмишә.
    Әз гуг сәрγ кәм нә ҝәрдо дәс ХУДО,
    Нәсилhойу пир-сир ҝәрдо hәмишә.

    Гәйгулурә моҹолhойу кәм бирә,
    Гозонҹhойуш обур ҝәрдо hәмишә.
    Сәррафлγрә мозолhойу дәм дирә,
    Чорәhойуш сабур ҝәрдо hәмишә.

    Дәдәйхоhи әз гәдими дәб бири,
    Йәрәвурдиш бәhәм ҝәрдо hәмишә.
    Мәрдмазари әз бидини hьәйб дири,
    Рәхьмәдγлиш дәhьәм ҝәрдо hәмишә.

    Имидhойу хомуш дирә сәрә-сәр,
    Хубиhойуш мәсәл ҝәрдо hәмишә.
    Зиhимhойу очмиш бирә тәвәссәр,
    Кәлмәhойуш hьәсәл ҝәрдо hәмишә.

    Тә вомухдә дирәниҝә гәләтә,
    Боботhойуш иҝид ҝәрдо hәмишә.
    Сәхьиб писәр бирә ҹиҝә - кәләтә,
    Шоботhойуш миhьид ҝәрдо hәмишә.

    Хәлолуши дирә-дирә шәр тәмәхь,
    Дγшмәйәтиш гәрглγ ҝәрдо hәмишә.
    Нур офторә ҹирә-чирә hәр сәбәхь,
    Ҝовләйәтиш бәрглγ ҝәрдо hәмишә..»

    Һәммә мәстлγ – биз-битәв,
    Тост ҝуфдурут әз тәмәхь:
    « Дураз кәшγ бил и шәв,
    Очмиш нәбу бил сәбәхь.»

    Ә сәр сифрой пура чи,
    Бушә ҹиҝәш ниофди.
    Ә зир дәрhой тураҹи,
    Бγскәш ҝушдлγ миофди.

    Әри шоhир, бәстәкәр
    Чәннәтлγ бу мәнзәрәш.
    «Ләзҝинкә»лγ ҹәсдәҝор,
    Нивадарафт әз hьәрәш.

    Ойдунлуги нә бирә,
    Һьәзизмәндиш – мәнҝлγни.
    Никиhорә нә дирә,
    Зиндәҝуниш – ләнҝлγни.

    Имишәви хьисобәш
    Тиролγйә тубо бу.
    Гирмизинә Гәсәбәш
    Ә зир гәнәт ХУДО бу!

    Һәчи - йәлов варафда,
    Аташ ворихд әз кγмγр.
    Әдәмбу чәрх дарафда,
    Ән хубә рузhой hьγмγр.
  7. Shaul Guest

    Симпатии:
    0
    Баллы:
    0
    3. Сийә хәбәр

    Ә бисд дγйγм ийун, чγлйәкγмγн сал,
    Сәбәхьмундә әхири руз ән васал;

    Ә hәр ҹиҝә сәсә дәшәнд - Левитан:
    «Фашистhо hγҹум сохд ә хори ватан.»

    Бәгдәтә хорлу бу мәhьниhой дәhьво,
    Ә гәриш ән ризhо ҝофhой ән шәhьво.

    «Тә әхир ән нәфәс, тә әхир ән ҹун,
    Имбәрим ҹәнҝhорә, нитәрсим әз хун!

    Дγшмәhо чарусдҝәш әҝәр ә гудуз,
    Вәхт мийов, мийилим уhорә сәргуз!»

    Пәнҹ салиш нә ҝирошд әз шори дәдәй,
    Зимиләрз диромо ә хори дәдәй.

    Әэ сәрхьәд пой дәшәнд мәрдγм бихәбәр,
    Ләрбәй дγл ҹыҹ вошәнд ә тәhәр гәбәр.

    Ә сифро хγшҝ бисдо хурдә лγгәй нун,
    Гәмлγйә фикирhо гәсди сохд ә ҹун.

    Нә тануст ә ҹәhош бәрγҝә сәрә,
    Һингинәй чәшмиши гуй зә ә hьәрә.

    Дәниши ә кучә әз руй пәнҹәрә,
    Ә гәриш дәрдисәр вини hәммәрә.

    Һәрс чумә тиhи сохд ә тәhәр воруш,
    Әхьволу хγрд бисдо чγн мәндәйә гуш.

    Зуhуну ҝγрдәбу ә сәйәг ән лол,
    Ә гәриш ән дγлγ офдо сийә хол.

    Зәвәро нәсданбу вошәндә сәрә,
    Дурәлов ҹунә зә чәнд ҹиро хәрә.

    Хьәллγйә нисд бисдо шориhой дәдәй,
    Зимиләрз ҝузәт сохд хориhой дәдәй.

    Нә тануст чγларзә имбәрγҝә боҹ,
    Мунд әри хәндәhой ән ловhо мγхьтоҹ.

    Әрәглγ вәдрәмо әз дәс-пойу ҝуҹ,
    Мәтләбhой арзуйу вадарафд ә пуч.

    Һәшданки ховлγйә дәрд-гәм хγшдәрә,
    Бәхш сохдә, дорәбу әри мγшд зәрә.

    Дор тутиш дәдәйә фәрзундә, ҝуҝә,
    Пойунд вәҹәсдәрә hәр вәлҝ, hәр лγҝә.

    Чор тараф сәссγз бу әз фикир-хәйол,
    Шәггәрәш зу пойунд никәрәй Гудйол.

    Сийәйә чалмалγ нγшдәбу Шоh дог,
    Лихьәйә ранҝ вәҝγрд товә ов булог.

    Ә болә офдорут ҹәhьмәт ән Гγбә,
    Тирәлγ вγнγрγт йә чγклә чγпә.

    Булоглγ нәм бисдо пилигhой ән чум,
    Нәшумо хьәл бисдо ә фурмәй ән мум.

    Сад ҹиро хәйолә овурдγт ә сәр,
    Бодлγйә гәрглγ мунд бирор нә хәhәр.

    Зуhунлу ә пәс рафд чәнд ҹиро шори,
    Әз әрәг пишони ов хурд тән хори.

    Хундут ә сәр дәдәй, нән вәтән шәhьво,
    Хьәтонhой hьәрγсhо рафдγт ә дәhьво.

    Нимәлит мундәи миродhой ән дγл,
    Ворәйә сириг до - вошәндә әнҝγл.

    И ҹиро гәм дарафд ә рури hәр кәс,
    И ҹиро ләрзлγ бу ә ҝушhо hәр сәс.

    Әз шәhәр ән Гγбә, кифләтhой хунә,
    Ә ХУДО вәйишдγт чәнд hозор ҹунә.

    Әзу руз ҹиҝә ҝγрд тәлхьә фикирhо,
    Тиролу минәт мунд оhилhо-пирhо.

    Бәбәhо, дәдәйhо, hьәрγсhо сәртик
    Кор бәрдγт ә колхоз, ә завод-фабрик.
  8. Shaul Guest

    Симпатии:
    0
    Баллы:
    0
    4. Шγвәрлγйә дәhьво

    Дигләй hьәрсә ә сәр синә рухундә,
    Дәдәй ә рәхь докунд бирор хγшдәрә.
    Бәгдә ә гәд аташ дγлә сухундә,
    Ҝузәт сохд, хьоләтсγз, нубот шγвәрә.

    Йә мәхьәл повесткә ә дәс вәҝγрдә,
    Бәбәйтγ, әй хьовур, зу әз кор омо.
    Бәгдәтә зур-зури шγшнәфәс ҝγрдә,
    Ә тγ хисирәйhо хунә диромо.

    Муҝу: «Хосдәй ҹунмә - hьәзизә бала,
    Йәбойҝәш тγ әмә руйтγрә бурбун!
    Таза пой донорәй тγ ә пәнҹ сала,
    Нитәрсγм ҹунмәрә дорумҝәш гурбун.

    Токи, тγ дур мунош әз hәр бәдә руз,
    Токи, тγ шор винош ҹәhьмәт хγшдәрә.
    Токи, тγ нә ҝәшдош бәбәсγз сәргуз,
    Токи, тγ зу шинош пәшмуй дγшмәрә.

    Ә гисмәт хундәи бәнд бирә-бирә,
    Норә рәхь ХУДОрә сәдиг буравош.
    Сәбәхьи рузhорә пишотә дирә,
    Чәнд сурhо вәкундә ә тоҹ варавош.

    Сог hьγмγр, ҹон бала, сәхҝи ә йор тγ,
    Хьγрмәт ән дәдәйә гәйгусγз нә тан.
    Обурә әз hьәсγл ҹиро мәдор тγ,
    Хәҹәләт кәшγҝу гизмишә садан.

    Йод тγрә әримә нә вино амбар,
    Әз сәртγ йә муйиш бил нәбошу кәм.
    Гәнәтhой ән сγрхи зәрә бәгдә пар,
    Ә йарай ән дәдәй тγ вәнош мәлхьәм.»

    Парустә ранҝ руйә тәрсәлγ дирә,
    Дәдәйтγ гәл дәшәнд ә ҝәрдән шγвәр.
    Һьоҹизә чумhойγ тә hьәрси бирә,
    Ловhош ә нәкуми вошәндγт гәбәр.

    Муҝу ки: «Зуhунмә лоли имбуруз,
    Мә тγрә хуб әдәм ә сәр офдорә.
    Нимунум ә йонтγ hич мәхьәл сәргуз,
    Ә ҹиҝә мийорум hозор ҹγр корә.

    Оммон, дγләпәсә мәмун әз хунә,
    Кор сохдә, ховсγзиш митанγм мундә.
    Дәhьәмә мәлхьәмлγ нидорум ҹунә,
    Һич мәхьәл нитанγм чγни вомундә.

    Бовор сох, тәкәй ки, ниимпойу дγл,
    Чумhоймә hәмишә ә рәхьтγ имбу.
    Уҝәйә фикирhо мәйор ә әгγл,
    Хьәвәсмә тә әхир – тәмәхьтγ имбу!»

    Әй хьовур, кγнд омо кәләбәбәйтγш,
    Әдәнбу әрәгhой hьорә рухундә.
    Муҝу ки: «Ҝурунди хьол ән Гγбәйтγш,
    Дәрд Вәтән γлγҝә әдәй сухундә.

    Мә сийә рузhорә амбар винирәм,
    Дийә нә воҝошдо уhо пәсәво.
    Дузи, Короглурә ә чум нә дирәм,
    Әнҹәг урә хуно бура пишово!

    Ә чγлhо, сәхьроhо бәрдә-бәрдә боҹ,
    Иҝид бош, ә дγшмә кәмәр нә бурбун.
    Сәдиг мун ә сәвҝәнд, сәдиг мун ә нәвс,
    Тә әхир ән нәфәс, тә әхир ән ҹун.»

    Омо кура бисдо гоhум-гәрдәшиш,
    Гуншиhош шинирә бисдорут нәзник.
    Ранҝ hәммә парустә, ранҝ hәммә дәҝиш
    Ҝуфдурут әйәки: «Рафда рәхьтγ ник.»

    Богруй коми дәдәй ниимбу пара,
    Фирсоҝә әвлодә ә пишой мγрдә?
    Муҝу ки: «Воҝошдә зу бийо, бала,
    Әри митой мәрә ә сәр дγш ҝγрдә.

    Зуhунтγ нә ҝуйо, - чγ сохум, омон!
    Пар зәрә ҝировош әз гәриш аташ.
    Әз сәртγ дур ҝәрдо бирәхьмә hомон,
    Ә тәhәр ов булог hә мунош палаш.

    Гултγрә ҝуҹ дори хурдә шир дәдәй,
    Рәхьбурбуй дәстә бош - әри hәр йәтән.
    Ворә сох дғшмәрә, мун вәҝир дәдәй,
    Зу бура ҝовлә бу хориhой Вәтән!»

    Һә йәбо сокити пой доно, омо.
    Һәшданки ә хунә йәкиш нә дәбу.
    Һич дийә зуhунhо ә ҝоф нәомо,
    Нәмлγйә чумhошу ә хьоләт нә бу.

    Бәбәйтγ сад сали иҝидә хуно,
    Ә кәлә сәсәвоз ҹγрhьәтлγ муҝу:
    «Әдәм ә сәр ишму сохдәнγм муно,
    Дγл hәммә тәвәссәр бил сокит буҝу.

    Хәбәрсγз омоҝәш хунхурә фашист,
    Имурә hьоҹизлγ тәрсундә нийов.
    Уhорә мисохим әз хориму нист,
    Бәгдә сурогhойму әз Берлин мийов!

    Үзγлмиш имбошут әз зәхьми битоб,
    Дәсhошу буховлу, ләhьәhошу ҝγм.
    Үлγҝhой осдугу бирәнки кобоб,
    Мозолмәнд нивγнγ сәхьибә мәрдγм.

    Бәгдә буй мошәнγт hәр кук, hәр духдәр
    Һич әз йор нишәнγт бәбәй хγшдәрәш.
    Вәҝирлγ мидорут чγн сәрпуш ән сәр,
    Шγвәрсγз мунуhо дәдәй хγшдәрәш.

    Һәчи ҹиро бисдо бәбәйтγ у руз,
    Һγнәрлγ гәнәт зә ә пәсәй гудуз.
    Дәдәйтγш чумhорә докошд ә дугоз,
    Тә кор сох ән почта овурдә когоз.
  9. Shaul Guest

    Симпатии:
    0
    Баллы:
    0
    5. Дәhьволγйә когозhо

    «Рузhошму хәйирлγ бил бошу hәр вәхт,
    Ишмунит әримә hәм мозол, hәм бәхт!
    Мәрә дγ мәтләби, ҝуйум әришму;
    Йәки дәрд Вәтәни, йәки дәрд ишму.

    Йә дәрд ә дәсмә дә, йә дәрд ә дәстγ,
    Тγ унҹо иҝид бош, мә ә инҹиҝә.
    Бил були бийору зәхьмәт ән дәстγ,
    Шинирә шор бошум мә ә hәр ҹиҝә.

    Чумтγрә мәвәҝи әз сәр hьәилтγ,
    У имбу әритγ йә вәхт рәхьбурбу.
    Йә руз сийә хәбәр шинириҝә тγ,
    Сог hьγмγр ә рәхь кук ҹунә ди гурбу.

    Дәрд дәдәй нимәҹун сохди сәлт мәрә,
    Йогин ки, ҝурунди хьол ән бәбәймәш.
    Әз базу мәвәҝи ҹузләй гәлпәрә,
    Чәнгәдә имкон hисд, әвуhо сәр кәш.

    Бирәхьмә, дγлсγзә бәдә дγшмәрә,
    Лов-тумлу тә сохдә ә сәйәг хошхош;
    Һәми ә кор колхоз бурбун хγшдәрә,
    Һәмиҝә ә хәhәл сγрхә хәләф бош.

    Әз дур әдәм ҝγрдә hәммәшмурә гәл,
    Әзмә әри hәммә салам-дуво ҝу.
    Мәрә нәс тәрсундә вәхтсγзә hьәҹәл,
    Токи, хори Вәтән ҝовлә бошуҝу.»

    «Рузhошму хәйирлγ бил бошу hәр вәхт,
    Ишмунит әримә hәм мозол, hәм бәхт.
    Хәйли мәh ҝирошдҝәш әз оморәймә,
    Һәләлуг дγрγсти дәсhо-пойhоймә.

    Инҹо иҝидhорә ә дγнйоh той нисд,
    Ә инҹо вир сохдәйм чәнд hозор ҹунә.
    Әз бим гәдәрсγзә бомбоhой фашист,
    Ә вой бун домунди боруй hәр хунә.

    Ә инҹо кәндhорә сохдәт хок хори,
    Ә гәриш аташ сухд зәнhо- hьәйилhо.
    Ә инҹо мәрдhорә сад hьәзоб дори,
    Әз дорhо горинә кәширәт уhо.

    Хоhинhо, шәhәрhо ә дәс вәҝγрди,
    Тәлатγм бирәҝор лап гәдәрсγзи.
    Дурәhо чγн думон hьәсму дәҝγрди,
    Ә зуhун овурдә сәхд тәhәрсγзи.

    Ҝулләhо рихдәни ворушә хуно,
    Руз-бәруз ә мγрдә әдәйм рафдәним.
    Ә hьәләм ән вәтән сохдәним муно,
    Ә пәсәй ҝулләhо нәс дарафдәним.

    Ә ники мичару бәдә гәмhошму,
    Ловорә-тәшворә ХУДОлγ хунит!
    Тәшнәйә хьәсрәтγм әри hәммәшму,
    Һьәсәлә hьәзизhо саламат мунит.»

    «Рузhошму хәйирлγ бил бошу hәр вәхт.
    Ишмунит әримә hәм мозол, hәм бәхт.

    Ә гәриш ән дәhьво әз су парустәм,
    Әз хьәсрәт руй ишму ә чγп чарустәм.

    Әз аташ ҝәрмтәйи тубойиhойму,
    Гәлхәндә иҝиди Гγбәйиhойму.

    Имидhо фирәhи, гисосhо тәнҝи,
    Һәр виҹәй ән хори йә мәйдуй ҹәнҝи.

    Шинохдә нәс бирә ҹовонә-пирәш,
    Гәзәблγ мундәним hәр бой хун дирәш.

    Һәләлуг рузҝориш әдәй ҝирисдә,
    Ә чумhой гәстчиhош тор дә, гилиз дә.

    Зәнhоймуш мәрдйәти әдәй бурбундә,
    Хьγвсәләй мәрдγмhош ә әхир ҹун дә.

    Йә сурог нәмунди әз сабур хәндә,
    Ә сәр хок дәҝәшдәйм әз обур мәндә.

    Ҝәрмирә вир мәсох әз гәриш дγлиш,
    Бул бәhәр воровун әз вәрдиш чγлиш.

    Һьәсγли хьололмәш әз бәбәймәни,
    Сγрхийә хәйолмәш әз Гγбәймәни!

    «Рγзhошму хәйирлγ бил бошу hәр вәхт,
    Ишмунит әримә миҹәһой ән бәхт.

    Әз әхьвол Вәтәни дәрди-сәримә,
    Ә дγшмә дог мәнγ аташ нәримә.

    Булогhой чγлhошγш лихьәлγ имбу,
    Мγрдәhой гәргирәш мәхьәлγ имбу.

    Моҝошдут пәсәво сог мундәҝорhо,
    Ҹовобдоh имбошут әри hәр корhо.

    Йә пойлγ, йә дәслγ амбари инҹо,
    Ләшhо ә сәрйәки hомбори инҹо.

    Тәфәhьәт мәтанит дурум әз ишму,
    Хьәрәкәт сохуҝу дγ пой-дәс ишму.

    Ә сәрhой иҝидhо hә шәhьволγнит,
    Һәммәшму ә Гγбә hә дәһьволγнит.

    Боҹ бәрдә ҝәрәки ә залумәвоз,
    Тәрсирә нитаним ә зулумәвоз.

    Мугойәт хәләф бош ә гәриш имкон,
    Һә йә бо оморә ә дγнйоh инсон.

    Фашистhо туз имбу әз зәхьми ХУДОш,
    Бәхтәвәр мизиhит әз рәхьми ХУДОш!»

    «Рузhошму хәйирлγ бил бошу hәр вәхт,
    Ишмунит әримә hәм мозол, hәм бәхт.

    Ә hγҹум ҝирошдәйм ә хори дγшмә,
    Богрушу йара зә - әз кγшмә-кγшмә.

    Чәнд ҹиро γлкәhо ҝовлә мунд әз шәр,
    Ә хок Ҝерманийа дәрим тәвәссәр.

    Имоhой раҝhошу әдәй хун дорә,
    Имоhой пакhошу әдәй ҹун норә.

    Бәдийә гәйгуhо ә пәсә мунди,
    Имоhой синәрә танкhо рурунди.

    Һәммәшγ гәләтлγ, hәммәшγ дәрдлγ,
    Имоhой γлγми әришγ гәрдлγ.

    Уhорә ихьтибор нә мунди дийә,
    Һәсмуй Ҝерманийа дәҝγрди сийә!

    Әз офто нур дәҝγрд товә рузhойму,
    Әз ХУДО рγхь вәҝγрд ловәй дузhойму.

    Йә кәмләй тәhьәди мәсохит әнҹәг,
    Ә бугоз Ҝитлериш мизәним нәҹәг.

    Руймәрәш мивинит ә зутәрәвоз,
    Шор мунит, шор зиhит ә ХУДОрәвоз!»
  10. Shaul Guest

    Симпатии:
    0
    Баллы:
    0
    6. Ҝирйәй дәдәйhо

    Чәшмиш бирә hорой дәшәнд,
    Дәдәй йә руз сәбәхь-сәбәхь.
    Согә пойу йә лγнҝ нә шәнд,
    Чум хγшдәрә вәҝγрд әз рәхь.

    Бәди овурд сийә когоз,
    Силләлγ мунд руй гутинә.
    Хγшҝи вошәнд дорун бугоз,
    Муй сәр ворихд әз кγк бинә.

    Дәдәй әз тγ вәҝγрд годо;
    Бирйонийә хьолә дошдә.
    Йә дәрдиҝәш чунә водо,
    Сал бирору нә ҝирошдә.

    Ә хәйолу нәбийовhо,
    Гәрәнтуйә зомон бисдо.
    Ә фурм чәрхhой йәсийовhо,
    Рγхьәйγрә hомон висдо.

    Ҝурунди до хәбәр шγвәр,
    Рихҹиҹирә нәҝγрд дәдәй.
    Ә шоh раҝγ вохурд тәвәр,
    Хьол мγрγрә вәҝγрд дәдәй.

    Гуморлγйә пγшҝ hинәрә,
    Ләхтәй хунлу парунд дәдәй.
    Рурундәйә хγшҝ синәрә,
    Ә сәр ләhьә чарунд дәдәй.

    Нәзник омо сойәй болә,
    Зәhьифи до ҝуҹ әгγлγ.
    Ҹарлγ пар зә ҹурай нолә,
    Тγнди вәҝγрд аташ дγлγ.

    Сәбәхь дәдәй тәлхьлγ бирә,
    Сийә вокурд бош-палтара,
    Ранҝ хьолγрә торлу дирә,
    Үшγг фирсо мәнҝ, асдара.

    Имид дәдәй руйә тγ мунд;
    Нисд бирәнки тоҹ кифләтγ.
    Пәнҹәй дәсγ ә дγл вәмунд,
    Гγҹ диромо пуст сифәтγ.

    Чогәгучту бирә-бирә,
    Хост әритγ ҝәнәш лово.
    И сәhнәрә дирә-дирә,
    Дәҝиш бисдо әвир hово.

    Вой дәдәйә шинирәнки,
    Гулум-гунши кура бисдо.
    Кәлә-чγклә йәки-йәки,
    Ә сәс дәдәй hәммә сәс до.

    Ә сәр сурәт чәрх дарафда,
    Бәгдә ә сәр синә вәно.
    Тәйтә чγлә вадарафда,
    Ҝирйәй дәдәй hьәрә нәдо.

    «Нγвγсди ки, соглом мийой ҝуфдирә,
    Ҹунә хьәл сохд сийә хәбәр, ҹон шγвәр!
    Әзҹә танум дийә нийой ҝуфдирә,
    Дорун дγлмә вошәнд гәбәр, ҹон шγвәр!

    Хунә-ҹиҝә сәлт чарусди ә бәрбод,
    У hич дийә нитав бирә тов-обод.
    Чумәрәхьи әркәвонә йә әвлод,
    Ә шоh раҝмә зәри тәвәр, ҹон шγвәр!

    Һәчи дан ки, гәнәтсγзи гуш ҝуҝә,
    Митой тγрә нитам дирә мә буҝә,
    Йәтим hишди чорәсγзә йә кукә,
    Йә у мунди дγләвәбәр, ҹон шγвәр!

    Ләшҝәр бирәхьм сохди әз чум кур, тγрә,
    Коми залум hишди әз мә дур тγрә?
    Ә ки дори – пишой мγрдә сурр тγрә?
    Кәширими амбар сәhьәр, ҹон шγвәр!

    Сәрбәрәхьи балайтγрә мидорум,
    Хәндәйтγрә ә пишой чум мийорум,
    Ә гәд дγлмә γзҝә мγhбәт нидорум,
    Һьәсәлhоймәш бири зәхьәр, ҹон шγвәр!

    Иҝид бирә, hьәләм ә дәс вәҝγрдәй,
    Хок Вәтәнә ә сәр дγшмә дәҝγрдәй.
    Тә соглγнγм, тγ әримә нә мγрдәй,
    Кәй мокунум ә руйтγ дәр, ҹон шγвәр?»

    Әз ҝиснәhой шәр мγрдәйи,
    Кошдә дорhош борлγ бисдо.
    Дәрьвой hьилом сәр ҝγрдәйи,
    Йәтимхонәш корлγ бисдо.

    Ҝурундлγйә шәләй дәрдhош,
    Ворушлу рихд ә сәр нә тән.
    Тәк-тγк мундә кәлә мәрдhош,
    Ночоги вихд әз шәр вәтән.

    Бәдмозолә бәхтә чирә,
    Чум вокундҝәш чәплγйә хьир;
    Дγрγсдирә әри дирә,
    Вәдиш нәбу сәр нә әхир.

    Әз бәсдәhой бәдрәйәти,
    Ә гәд чумиш йара дәбу.
    Әзи ҹиро гәтрәйәти
    Әри мундәш чорә нәбу.

    Думон ә сәр Шоhдог нγшдә,
    Рузҝор hово дәҝγрдәбу.
    Аташ ҹунә әри кγшдә,
    Воруш hьәрә нә ҝγрдәбу…

    Тәйтә әхир ҝоф хγшдәрә
    Нә варасда, hәлә дәдәй;
    Ҝирйәлγйә шивән зәрә,
    Гәсоб бисдо кәләдәдәй:

    «Хок гәриби кук нәрирә фубәрди,
    Ҝирйә сохит, годошмурә вәҝиром!
    Гγбәй мәрә дәрдәҹәри зу бәрди,
    Ҝирйә сохит, годошмурә вәҝиром!

    Рγхьγ рафди әки Одом нә Хьово,
    Асдарайγ γшγг нә до ә hово,
    Лойиг мунди ә шәhьвоhо дороhо,
    Ҝирйә сохит, годошмурә вәҝиром!

    Нә диромо ә гәнәтмә бәhәрмә,
    Гәрәнтуйи пой донори ә дәр мә,
    Зиндә-зиндә хок вокунит ә сәрмә,
    Ҝирйә сохит, годошмурә вәҝиром!

    Ә зир аташ ҝировунди сә сала,
    Хунлу дири рихдә воруш васала,
    Чумhой тγрә ки бәсд унҹо, ҹон бала,
    Ҝирйә сохит, годошмурә вәҝиром!

    Әз тәшнәйи гәбәр зәрә ловhорә,
    Нибу хурдә лихьә бирә овhорә,
    Зәхьәрлγйә огу дирәм ховhорә,
    Ҝирйә сохит, годошмурә вәҝиром!

    Һγҹум сохди ә сәр иму hәр йәтән,
    Ләшәhошу сула бири дән-бәдән,
    Әри әни hьәзизмәндә кук Вәтән,
    Ҝирйә сохит, годошмурә вәҝиром!»

    Корә зәхьмлγ дирә ҹиҝә,
    ХУДОй hьилом, и чγ дәрди?
    Дγлтγ рәхьмлγ бирә ҹиҝә,
    ХУДОй hьилом, и чγ дәрди?

    Гәлпәлγни синәй хори,
    Әнҝәллγни бинәй хори,
    Мγрдәhойи чинәй хори,
    ХУДОй hьилом, и чγ дәрди?

    Рихҹиҹлγhо ә чγк мунди,
    Тониш-билиш тәк-тγк мунди,
    Мәхлуг битәв әз кγк мунди,
    ХУДОй hьилом, и чγ дәрди?

    Һγмγрвози – hәдәрлγни,
    Мγри-муни – бәтәрлγни,
    Хγшдән дγшмә кәдәрлγни,
    ХУДОй hьилом, и чγ дәрди?

    Кими пойсγз ә рәхь дәри,
    Кими ухә ә рγхь зәри,
    Русмуй имид ә ҹγх вәри,
    ХУДОй hьилом, и чγ дәрди?

    Бирорсγзи - бγҝγр хәhәр,
    Сурогсγзи - шγкγр хәбәр,
    Сәхьибсγзи- тγтγр шәhәр,
    ХУДОй hьилом, и чγ дәрди?

    Хьγкγм дири - гәстийәти,
    Зәхьәр чири - мәстийәти,
    Рушум бири - хәстийәти,
    ХУДОй hьилом, и чγ дәрди?

    Хьγҹәтлγни бәхьсhой дγнйоh,
    Тиросγзи нәхьсhой дγнйоh,
    Шоботсγзи нәвсhой дγнйоh,
    ХУДОй hьилом, и чγ дәрди?

    Әз хок зәрди - сипийәти,
    Миҹәй гәрди - митийәти,
    Рγхьә бәрди - гитийәти,
    ХУДОй hьилом, и чγ дәрди?

    Ҹун чарусди ә чγп ләмбә,
    Хокhо сухди ә фурм пәмбә,
    Дγшмә мунди ә хьол хьәмбә,
    ХУДОй hьилом, и чγ дәрди?

    Хьитийоти ә бәм зәри,
    Инсонйәти ә гәм дәри,
    Ҝовләйәти ә дәм вәри,
    ХУДОй hьилом, и чγ дәрди?

    Һәр суалаш ҹовоб hисди,
    Ҝирйәhорәш гәдәр нисди,
    Ә гәд аташ ки зиhисди,
    ХУДОй hьилом, и чγ дәрди?

    «Хәрәбәйи бул бирәйи руз-бәруз,
    Ә хорәвоз ҝирйә сохит, дәдәйhо!
    Ҝулләй мәрдγм туш дирәйи дуз-бәдуз,
    Ә хорәвоз ҝирйә сохит, дәдәйhо!

    Хьомоллγhо ә руй ән ов вомунди,
    Хьололлγhо ә динҹи хов домунди,
    Хәйоллγhо ҝофә әз лов шовунди,
    Ә хорәвоз ҝирйә сохит, дәдәйhо!

    Әри дәhьво гәнәтсγзә гушлуним,
    Әри лово гәнимсγзә нушлуним.
    Әри шәhьво минәтсγзә хушлуним,
    Ә хорәвоз ҝирйә сохит, дәдәйhо!

    Чәтиниhо ә гуг кәллә варафди,
    Бәдиниhо ХУДОйә рәхь нә рафди,
    Мәтиниhо ә хок хори дарафди,
    Ә хорәвоз ҝирйә сохит, дәдәйhо!

    Зиhисдәйи бимә хуни имбуруз,
    Воҝошдиhо нимәҹуни имбуруз,
    Имид нисди, мумунуми имбуруз,
    Ә хорәвоз ҝирйә сохит, дәдәйhо!

    Ҝиснәhорә - зу варасди гургуту,
    Иҝидhорә пойсуз hишдәт әз буду.
    Овроhомә hорой зәнит, гурбу дγ,
    Ә хорәвоз ҝирйә сохит, дәдэйhо!»

    « Салдатhойму зу вәҝәрдо әз дәhьво,
    Әз ҝирйәйму ә рәхьм бийо, ҹон ХУДО!
    Рәхьм нә сабур амабар ҝәрдо чγн шәhьво,
    Әз ҝирйәйму ә рәхьм бийо, ҹон ХУДО!

    Ә зулмәтhой ән фашистhо домундәйм,
    Әз хәбәрhо ә сәр дәрзә вомундәйм,
    Әз hьәрсийо дәрйоh чумә шовундәйм.
    Әз ҝирйәйму ә рәхьм бийо, ҹон ХУДО!

    Әз дуриhо сийә хәбәр вәҝγрдәйм,
    Хәйол кγлә ә сәр иму hә ҝγрдәйм.
    Ә йос нγшдә, сифрой бәди дәҝγрдәйм,
    Әз ҝирйәму ә рәхьм бийо, ҹон ХУДО!

    Чәнд hьәрγсhо шγвәрhорә вир сохди,
    Дγшмәйәти hьоҹизhорә шир сохди,
    Чумәрәхьи дәдәйhорә пир сохди,
    Әз ҝирйәйму ә рәхьм бийо, ҹон ХУДО!

    Зуhун Ҝитлер – бурра бошҝу әз бинә,
    Лап зутәтә хун вәрәхшо әз синә.
    Тов чумhойу сийә муно әз хинә,
    Әз ҝирйәйму ә рәхьм бийо, ҹон ХУДО!

    Һозор салhо, хуби винойм әз нәвстγ,
    Ҝовләйәти бәрглγ ҝәрдо әз сәстγ,
    Хәлгhой дγнйоh – бирор бошҝу әз дәстγ,
    Әз ҝирйәйму ә рәхьм бийо, ҹон ХУДО!

    «Ә мәхьтәлhо домундәнкищ,
    Йәрәвурдә ҝирйә бошҝу!
    Ә хьәрмәхьhо вомундәнкиш,
    Йәрәвурдә ҝирйә бошҝу!

    Годоhорә нә ҝγрдәнкиш,
    Һовоhорә дәҝγрдәнкиш,
    Хориhорә вәҝγрдәнкиш,
    Йәрәвурдә ҝирйә бошҝу!

    Рихдәhорә нә чирәнкиш,
    Вихдәhорә дәчирәнкиш,
    Вихьдәhорә вәчирәнкиш,
    Йәрәвурдә ҝирйә бошҝу!

    Ә бәзмуhо нә бирәнкиш,
    Ә русмуhо дәбирәнкш,
    Ә hьәсмуhо вәбирәнкиш,
    Йәрәвурдә ҝирйә бошҝу!

    Ә γҝәйhо нә hишдәнкиш,
    Ә тоорих вәhишдәнкиш,
    Ә γлγҝhо дәhишдәнкиш,
    Йәрәвурдә ҝирйә бошҝу!

    Хосдәйирә hә дошдәнкиш,
    Ә хәйолhо воҝошдәнкиш,
    Һозор салhо ҝирошдәнкиш,
    Йәрәвурдә ҝирйә бошҝу!»

    «Бугозбури сохдәнимҝәш,
    Ҝирйәлγйә мити әҹи?
    Ҝовләйирә хосдәнимҝәш,
    Ҝирйәлγйә мити әҹи?

    Мγhγҹγзhо дирәнимҝәш,
    Һьәҹәлhорә чирәнимҝәш,
    Тәлатγмлγ бирәнимҝәш,
    Ҝирйәлγйә мити әҹи?

    Дәгмәлγйә кобобимҝәш,
    Хунхурлγйә ҹовобимҝәш,
    Зәхьмәлγйә совобимҝәш,
    Ҝирйәлγйә мити әҹи?

    Гәлхәндирә зарундәймҝәш,
    Нәшуморә парундәймҝәш,
    Согломирә ҹарундәймҝәш,
    Ҝирйәлγйә мити әҹи?

    Думонлγйә ворушимҝәш,
    Офтолγйә товушимҝәш,
    Тиролγйә хомушимҝәш,
    Ҝирйәлγйә мити әҹи?

    Хәйонәтә дәрдлγнимҝәш,
    Зомонәтә шәртлγнимҝәш,
    Омонәтә гәрдлγнимҝәш,
    Ҝирйәлγйә мити әҹи?

    Ҝирйәлγйә хунәhорә,
    Гәдәр нәбу ә гәд Гγбә.
    Тәкрор сохдә мунәhорә,
    Кәдәр дәбу ә бәд Гγбә.

    Синәй хори нә hишд ҝумон,
    Бивәхт зәрди вошәнд ҝγлhо.
    Хьол човгунә вәҝγрд думон,
    Шивән тәрси дәшәнд чγлhо.

    Ҝуҹлу бисдо бирәнгинә,
    Әдәшлγ мунд ә зимиләрз,
    Тә ҹγмγстә әз кγк – бинә,
    Дорhош домунд ә бим ән ләрз.

    Әзи корhо визор бирә,
    Ов Гудйолиш нәдо hьәрә.
    Ә хьγршәвоз ов хγшдәрә,
    Зә ә сәнгhой ән никәрә.

    Офтоирәш нә мунд хьәвәс,
    Ох кәширә, пәсәво рафд.
    Тә вәпчирә тәнҝә нәфәс,
    Зу ә hьәрәй догhо дарафд.

    Хокпәсәр нγшд - дохьор «Бәhьәз»,
    Хьоләт нәбу әз гәсди ҹун.
    Палустәнки hьγмγр йә ҝәз,
    Шәвә хуно сийә бу хун…

    Саламата нә ҝγрдәнки,
    Ә бим соги мундә ночог,
    Ҹузлай базу вәҝγрдәнки,
    Войҝәлγрә чγ гоноҹог?

    Зәхьәрлγйә хов нә дирә,
    Шγбhәш нибу әз шәки соф.
    Хьγлчγг дγшмә лов тә бирә,
    Әз ҝовләйиш ниимбу ҝоф.

    Имкон нәвси имбисдоҝә,
    Дγлә нитав тәрс дәҝγрдә;
    Әҝәр инсоф нибисдоҝә,
    Сγрхәш митав парс вәҝγрдә.

    Ә бим динҹә рәхьәтиhо,
    Пуч бисдоҝә сабур вәҹи;
    Ә руй шәкә гәhәтиhо,
    Гәлифорә обур әҹи?

    Һьәйбәлγйә сәбәтлγhо,
    Нәхәндуҝу ә бәд дγнйоh.
    Шәhьмәләйә hьәдәтлγhо,
    Батмишлγни ә гәд дәрйоh.

    Малад бири тузhой хори,
    Ә йос домунд чγл – бийобон.
    Гисос бири мγздhой шори;
    Кγч сохдәнки рγхьәй богбон.
  11. Shaul Guest

    Симпатии:
    0
    Баллы:
    0
    7. Ҹофоhой дәдәй

    Ә hәр ҹиҝә зу гәнәт зә шорә хәбәр,
    Варасд дәhьво, ҝовлә бисто хори Вәтән.
    Ә hәр ҹиҝә очмиш бисто килит hәр дәр,
    Әз руз – тә руз зийод бисдо шори вәтән.

    Тә бисд миллйон гурбу дорут ҹун хγшдәрә,
    Воҝошд омо - әз гәд аташ мундәкорhо.
    Тә бисд миллйон гурбу дорут хун хγшдәрә,
    Воҝошд омо - кγк дγшмәрә рундәҝорhо.

    Әйи чор сал әри hәммә мунд йәдиҝор.
    Чум йәкирә кур сохдәбу аташ бомба.
    Йәки дәсә сур дорәбу, йәкиҝә пой;
    Ҝуш йәкирә кар hишдәбу саташ бомба.

    Ә чәнд ҹиро хьәсрәтәвоз кура бирә,
    Ҹәhьмәт Гγбә гәл дәшәндγт ә сәрγшγ.
    Бәhьизиhо кәм мундәбу сәлт хγшдәрә,
    Гәнәт зәрә, тәhьди даров әз дәрγшγ.

    Тә чәнд миллйон кифләт хунә бәбәсγз мунд,
    Тә чәнд миллйон субойә кук ҹунә дори.
    Чум чәнд hьәрγс имоhойиш ә рәхь домунд.
    Ә чәндиҝә йәдиҝор мунд әнҝγшдәри.

    Мәhhо омо – кура бирә, чарусд ә сал,
    Әз дәдәйиш кәм нә бисдо ноләй ән вой.
    Сәр гуз ҝγрдә hәм ә пойиз, hәм ә васал,
    Гәдәрсγзә ҹофо кәши әз умоhой.

    Йә чәндиhо hьәрсhой чумә рихдγт дуг-дуг,
    Сәр кимиhо ә чәрх дарафд тәhәр хори.
    Әйә хунә ҝирйә офдо hәмишәлуг,
    Әйә хунә зийод бисдо хәндәй шори.

    Шори мисохд бул бирәнки бәhәр hәр дор,
    Хьәрмәхьhойу hорой мизә әри нγшдә.
    Сәхд вомундҝәш пәс нә пойисд у әз hич кор,
    Рәхьәтирә хьәрим танусд әри хγшдә.

    Хундәрәвоз ҝирошдәнбу рузтγ битәв,
    Тγрә нә hишд ә йә кориш дәсә зәрә.
    Әтγрәвоз нубо мисохд тә нимәшәв,
    Рγхьә мәбәрд винирәнки пәнҹиhорә.

    Норә имид ән колхозә зәвәр вошәнд.
    Әз зәhьмәтhо - дәдәй бисдо әнҝγшдбурбу.
    Ә кор хγшдә лап әз дγли бисдокәш бәнд,
    Чум хγшдәрә hич әз сәртγш нә вәҝγрд – у.

    Ә иҹлосhо нум дәдәйә хошлу ҝγрдә,
    Гәдәрсγзә тәhьәриф до колхозчиhо.
    Бәгдә hәммә зури-зури дәс вәҝγрдә,
    Дәдәйтγрә кәләй дәстә виҹи уhо.

    Зиндәҝуни инсонhорә ә чум дирә,
    Ә пишойтγ γшγгмәндә рәхьhорә но.
    Әз китобhо нә hишд тγрә ҹиро бирә,
    Рузтγ ҝирошд - бәбәлγйә кукә хуно.

    Әри дәдәй хуб бисдори - дγләвәбәр,
    Ә сәр дәрдhо мозолhорәш дәҝγрди тγ.
    Һич хγштәнтγш нәтанусди ҝγрдә хәбәр,
    Салhо ҝирошд атестаташ вәҝγрди тγ.

    Әйи дәh сал чәндбо hьәрс рихд зәнhой Гγбә,
    Дәдәй гәм хурд, ҝурунд бисто амбар хьолуш.
    Әз тγ дур мунд кәләдәдәй, кәләбәбә
    Әз тγ дур мунд дәдәйхолуш, бәбәхолуш.

    Ҹофокәшә дәдәй тγрә войисд дирә;
    У ширинә арзуhой тγ хорлу хунут.
    Нә шәв, нә руз hич нәсданбу сокит бирә,
    Фикир дәдәй – фикиртγ бу сәр йә мунут.

    Әгγл сәрә әз чумhойтγ шовундәнки,
    Рачә, хушә зиндәҝуни ә нәвс добу.
    Әҹиҝәйтγш ә дγләсти домундәнки,
    Ә тγрәвоз ә рәхь офдо руйә Боку.

    Әз hьәили хирург бирә войист тγрә,
    Дγрγст бисто арзу сохтә мәтләб дγлтγ.
    Лов-тум сохди әз руй дәдәй думон, хγрә.
    Гул-гәнәт до дәдәйтγрә ҝγҹ әгγлтγ.

    Зу пар зәрә, ә Марс варафд хьәвәс дәдәй,
    У кор нәбу, ә гәд колхоз нәбәрγ боҹ.
    Һич дур нәмунд әз нәфәстγ – нәфәс дәдәй,
    Әри hичиш нәйишд тγрә муни мγхьтоҹ.

    Әхири сал хундәйи тγ, ә руз йәбо
    Сәхьиб хунә ә пишойтγ чәнд духдәр но.
    Ҝоф дәшәндә, ҝуфдирики у вәхт чәндбо,
    «Мәгсәдмәни – хушбәхт бошум бәҝә хуно!

    Кәлә зәнлә дәрму бисдо әри хьолhо,
    Бинәлγйә духдәрhо бу войисдәйтγ.
    Һәвәлдәнhо дәмундиҝәш ә хәйолhо,
    Әз сал – тә сал дәҝиши офд хосийәттγ.

    Диплом бәгдә ҝурунд ҝγрди лап хγшдәрә,
    Әдәмбири шип-ширинә ховhо дирә.
    Сәхьиб хунә лойиг нә ҝγрд тап нγшдәрә,
    Сәр ҝγрд әри гәрболлγйә корhо дирә.

    Хγшдәни тγ ҝγл нә чирә әз дог-дәрә,
    Лап хәбәрсγз омо ҝирошд hәчи чәнд сал.
    Имтоhонhой духдирирә ә сәр зәрә,
    Диплом тγрә ә дәс ҝγрди йә руз васал.

    Сәбәхьмиси кәлә зәнә - сәхьиб хунә,
    Хьитийотлу - йовош-йовош әтγ муҝу:
    «Митай дошдә ә гәд пәмбә ширнә ҹунә,
    Имоhой бил дγлтγ дийә шор бошуҝу.

    Мә әритγ лап йә рачә духдәр офдәм,
    Мγдγр кәлә йә тукуни бәбәләйγш.
    Рази сохдә, ә сәр ҝофиш әнҝγл бофдәм,
    Әз хонумhой ән ҹунини дәдәйләйγш.»

    Чәнд ширинә никә мәтләб ә дγл дәри,
    Әйон духдәр вәбәрд тγрә сәхьиб хунә.
    Тониш бирә, әз шори дγл шәггә зәри,
    Хьәзγр мунди әри гурбу дорә ҹунә.

    Ә әшгәвоз ворухунди мγhбәт тγрә;
    Әз йә кәлә әгрәбә бу босийәт тγ.
    Әз руз-бәруз зәвәр ҝγрдγт хьγрмәт тγрә,
    Ә хош γшγш оморәбу хосийәт тγ.

    Йә кәм бәгдә зәнгәбилә hорой зәрә,
    Нийәт дγлә очмиш сохдә әтγ муҝу:
    «Әзим бәгдә бийо дәдәй ҝуйи мәрә,
    Шγвәрмәрәш ә hәр ҹиҝә тγ бәбэ ҝу.

    Әз рәхь район импойуним иму тγрә,
    Ә болнисәй шәhәр Боку кор мисохи.
    Әвунҹиҝә имбурбуни хуб хγшдәрә,
    Һәммәймурә доморлγйә шор мисохи.

    Руз имурә миҝировним әйә ҹиҝә,
    Әри hичиш дийә мγхьтоҹ нибоши тγ,
    Сог hьγмγриш нитаники дәрд чγниҝә,
    Ҝоф мисохим, аспирантиш имбоши тγ.

    Ҝуш дор мәрә, мәвәдәшән әз hьәдәт тγ,
    Йә ҝофмәрә дγдγ мәсох тγ hич вәhьдә.
    Ҹγрhьәт сохдә, ә хунәймә әз кифләт тγ,
    Йәкиш нийов, hьәриси тγ бирә бәгдә.»

    Имид тγрә лап сәхт бәсди ҝилә-ҝилә,
    Сугдә дәдәй ә фикиртγ hич нәйомо.
    Пул, мол, дәвләт, мошин нә дач ән гәбилә,
    Ә шәв йәбо ә винирә ховтγ омо.

    Сәр йә минут нәшумойтγ әвунҹо мунд,
    Нγмкγрдәрә ҹиҝә дори ә гуг ән сәр.
    Разулуги гәбиләрә вәкирдәмунд,
    Зу фирсори әри дәдәй шорә хәбәр.

    Кура сохдә, бир-нәбирә вәчи дәдәй,
    Сәбәхьмиси у ә шәhәр Боку бисдо.
    Шориhорә ә сәр ники дәчи дәдәй,
    Әз сәр тә пой - ҝәрәкирә пул до, висдо.

    Ә ҝуфдирәй дәдәйәвоз hорой зәри,
    Зури-зури тониш сохди нγмкγрдәрә.
    Дәдәй гәл ҝγрд - ә зуhуну лово дәри,
    Ә ширинә хьәсрәтәвоз моч сохд урә…

    Ҹәрҝә-ҹәрҝә кура бисдо ҹәhьмәт Гγбә,
    Әри hәммә дураз сохди дγ дәси тγ.
    Әз hьәили дур мундиҝәш әз гәл бәбә,
    Ә сад ҹиро шори вәрзи hьәриси тγ.

    Сәр тик ҝγрдә ҝуҹлγйә тост ҝуфдирәнки,
    Ә гәд hәр дγл ҹиҝә вәҝγрд ҝофhой дәдәй.
    Ҹәhьмәт әтγ имид бирә ҝудфурут ки:
    «Бәhәр мγдγ hәр кәширә ҹофой дәдәй.»
  12. _Shark_ Guest

    Симпатии:
    0
    Баллы:
    0
    По слогу баяты напоминает.
  13. Shaul Guest

    Симпатии:
    0
    Баллы:
    0
    8.Һьәриси бәгдә

    Варасдамунд шоритγ,
    Хьол офдо ә дγл дәдәй.
    Ҹилит зә руй хори тγ,
    Паҹи кошдә ҝγл дәдәй.

    Һәминон буҝәш ҝәрми,
    Ләрзи дγ пой – дәс дәдәй.
    Зумустуйә нәкуми
    Пой доно ә нәвс дәдәй.

    Ҝуйҝә зир пойу чәмγст,
    Ә чолә дарафд дәдәй.
    Һәмишәлуг бисдо сγст,
    Әзи дγнйоh рафд дәдәй.

    Ҝуйҝә hьәрс рихд чум Шоhдог,
    Ҝуҹлу бисдо ов Гудйол.
    Ҝуйҝә бәhәр богчә-бог
    Ә сәр ҝийов офдо лол.

    Һәшданки зәрди вошәнд,
    Савза вәлҝhой ән ҝγлhо.
    Һәшданки шивән дәшәнд,
    Дузлγйә рәхьмә дγлhо.

    Ҝуш дор мәрә әй хьовур,
    Биhьор мәбош hич вәhьдә.
    Дәҝиш бирәй әз обур,
    Әз руз hьәриси бәгдә.

    Ҝирошдәмунд йә хьәфтә,
    Гәбиләйтγ хун сийә;
    Туршлу сохдә сифәтә,
    Ә ҝоф пойунд дәдәйә.

    Муҝу: «Мәйо ә дәрмә,
    Вәлҝә хуно миләрзи.
    Әри хунәй духдәрмә,
    Ә гуллугчиш нивәрзи.»

    Тона вошәнд тик hәлә,
    Нә тануст хьәйо, обур.
    Ә гәриш ән мәхьәлә,
    Дәдәйә hишд бийобур.

    Һәшданки пәрдγ офдо,
    Ә сәр фәгирә дәдәй.
    Әз хотуртγ пәрти до,
    Ҝәрдәнγ гирә дәдәй.

    Дәдәй буҝәш догвәҝи,
    Лап бирәбу сәр-сәри.
    Һәлә тγш сәр-сәлγҝи,
    Урә hә дәhьно зәри:

    «Ой дәдәй, ә и хори,
    Чγ бири, вәсси дийә.
    Хун имурә вәхт шори,
    Әрчγ сохдә тγ сийә?

    Сәбәб нә бирә ҹиҝә,
    У дәшәндҝәш боҹихь-вой,
    Гәблә әҹә, тγ әҹә?
    Ҝирор бәгшләмиши хой.

    Имбошут әз мә ҹиро,
    Биhил нәфәс вокошум.
    Имоhой ә тγ ҝиро,
    Бийо бәҝәм бәхьс кәшγм?

    Һьәнкор мәсох тγ мәрә,
    И дәрд урә мγкγшγ.
    Гуз нә ҝγрдә зу сәрә,
    Әмә буhо мγнγшγ.

    Танки, бγтγн гоhумhо
    Ә зәнгәблә сәр зәрә.
    Тγ ки, әйон әнуво,
    Лап чγкләйи ә hьәрә.

    Ә hьәрγсиш хуб дәниш,
    Дәрдә нибу дәчирә.
    Бирәйγрә вогониш
    Һич нтану кәширә.

    Тәйтә офдә уворә,
    Үшγг чумиш зу рафди.
    Мәйил мәрә - оворә,
    Хуниш ә сәр варафди.

    Мошин әз дәс мадаров,
    Дәhьәм шориш кәм имбу.
    Әз бугозмә ов нирав,
    Нухорушмәш гәм имбу.

    Урә hәммә шинирә,
    Зийодә хәйр вәҝγрдә.
    Тик вошәндә - винирә,
    Биой бурам тә мγрдә.

    Ҹγрhьәт әну нисд hьони,
    Лап ҝуҹлуни hγнәрγш.
    Һәр ҝоф әну гонуни,
    Һәлә әри шγвәрγш.»

    Рафди ә кин гәбилә,
    Дәсγрә зу моч сохди.
    Ә йон дәдәй hәр ҝилә,
    У гизмишә тоҹ сохди.

    Хьәрим бисдо – хьололтγ
    Хьγрштγ зәвәр воромо.
    Әри дәдәй и хьолтγ,
    Йә тәлхьлγйә хов омо.

    Дорә γшγг офтойи,
    Торик омо әрийγ.
    Әз булә hьәрсhой тийи,
    Ҝуҹ до дәрди-сәрийγ.

    Нә вомундә ә нун тγ,
    Зәхьми руйтγ рγхь висдо.
    Ҝуфдирә ҝоф зуhунтγ
    Әри дәдәй тәлхь бисдо.

    Дәдәй ҝγрдә нумтγрә,
    Шори мисохд хәйоллγ.
    Чарундәнки чумтγрә,
    Һәм гоглу мунд, hәм – лоллγ.

    Нә пойисдит ә Гγбә,
    Воҝошдит зу оморит.
    Әйә хьәфтә дәрд-губә,
    Һγмγрлугә бәхш дорит.

    Һәки, ҹибтγ буш мумунд,
    Дәдәй ҝәрәк имбисдо.
    Имой хәтон бирәмунд,
    Дәдәй ҝәрәк нә бисдо.

    Дәдәй домунд ә фикир:
    « Кукмәрә ки зәхьм дори?
    У, гәбләрә сохд вәҝир,
    Оммо мәрә - хок хори.

    Балаймәрә чγ бири;
    Бимәрд ҝγрди хγшдәрә.
    Йогин чуммә кур дири,
    Нә шинохди хуб урә.»

    Дәр дәдәйә әзумой,
    Нә куфт дәс ән почталйон.
    Нумурә нә зә hорой,
    Дийә сәс ән почталйон.

    Ә хотурәй мозол, бәхт
    Залум дәдәй ки бирә?
    Токи, тойтγ hич йә вәхт
    Нийосд, hәчи ҹун чирә.

    Зәнҝ нә зәри йә ҝилә,
    Һич әз сәри-вәри тγ.
    Оммо, ҝофhой гәбилә
    Мәлхьәм бисдо әри тγ.

    Хушбәхт хунди-хγшдәрә,
    Ә нум дәдәй пой зәри.
    И гәбиләй ән шәрә,
    «Ҹон дәдәй!» - Һорой зәри.

    Гәдәрсγз бу әхьволтγ,
    «Волга» дәбу ә дәстγ.
    Рази бири әз хьолтγ,
    Шори вәбу ә сәстγ.

    Мәhhо ә сал чарустҝәш,
    Нә омори ә Губәш.
    Дγлтγ әз сәнг парустҝәш,
    Йә руз бисдори – бәбәш!

    Дәдәй кγшдҝә хγшдәрәш,
    Йә тәфәhьәт нә вини.
    Чγклә hьәил – нәвәрәш,
    Әз вәhьдәйγ пәс шини.

    Столhо варавунди,
    Гуногhо йә чәнд ҹәрҝә.
    Дәдәйсγз ҝировунди,
    Шори-ники ән кукә.

    Умоhой нәс ҝәшдәнбу,
    Әз дγл кобоб бу дәдәй.
    Увәхти дәҝәшдәбу,
    Сәхтә ночог бу дәдәй.

    Хәбәр дорутҝә hәләм,
    Ҝофhо гәнәт зә әз ҝуш.
    Гулум-гунши мәхьәләш,
    Дәдәйтγрә зә сәркуш:

    «Ҹунә гурбун водори,
    Әри сугдә йә бала.
    Әҹиҝәhой ән шори
    Пойиз дирәй, – васала.

    Әзи ҝәрмә гәнәттγ,
    Куктγ әрчγ дур бири?
    Сәр кәшγҝу бил әтγ,
    Әхи хубә духдири.»

    Ләhьә вокунд йәкиҝәш,
    Әз гунши ҝофә висдо.
    «Хубә духдир hисдиҝәш,
    Лойигә кук нә бисдо.»

    Йә гуншиш нә вотовусд,
    Ә дγл губә дәзәрә.
    Кәм мундәбу бошу сγст,
    Сокит пойунд hәммәрә.

    «Вәссит мәдәшәнит сәс,
    У ә хγшдә нә дәри.
    Хγр пичири ә нәфәс,
    Ҹилит пойуш ҹунбәри.»

    Оморут чәнд духдирhо,
    Дәрд сәбәби әри факт.
    Дәшнәвундә ә пирhо
    Ҝуфдурут, - зәри инфаркт.

    Дәдәйтγрә гуншиhо,
    Әз ҹиҝә нә ҹумундут.
    Нубот ҝγрдә ҹунчиhо,
    Ә йон ночог вәмундут.

    Һәчи омо мәh ҝирошд,
    Тγндлγ бисдо хьол дәдәй.
    Лγхьγчәкә чорә дошд,
    Чалма нә бәсд – шол дәдәй.

    Мозолмәнди ә ҹой рафд,
    Рузhо ә сәр мәh омо.
    Ә дγлтγ рәхьм нә дарафд,
    Әзтγ хәбәр нәйомо.

    Шәвhой hьγмγртγш дийә,
    Тәhәр пәмбә сипи бу.
    Оммо, пирә дәдәйә,
    Шинохдә нәс бирәнбу.

    Ә хәм-хәйол дарафда,
    Әдәмбу руй дәҝγрдә.
    Тә чум ә хов варафда,
    Лово михост әз мγрдә…

    Дәдәй ҹофо кәширә,
    Гувотлу сохд кγктγрә.
    Урә войисд дәнширә,
    Һьовунсγзә куктγрә.

    Тәбрикhорә чәнд ҹиро,
    Шинирәбу дәдәйтγ.
    Тәхьно нγшдә ә сиро,
    Миҝрисд әри бәбәйтγ.

    Дγлшорирә кәй-бәкәй,
    Әз сурәтhо дирәнбу.
    Хубә мунәй ән дәдәй,
    Һә ә сәртγ бирәнбу.

    Дγ мәh пишо сохд фикир,
    Муҝу: «Шәш сал ҝирошди.
    Зиhисдәниҝә вәҝир,
    Бәлкә дγлγ воҝошди.

    Арзуй дγлмә бу hәр вәхт,
    Урә әри ник дирә.
    Зиhисдәниҝә хушбәхт,
    Дийә тоймә ки бирә?

    Хундәниҝәш мәрә йод,
    Бийо бошум рәхьбурбу.
    Әхи ширини әвлод,
    Чγтам нә бошум гурбу?

    Биhил вγнγм хγрдγмҝәш,
    Руй ән кукә - нәвәрә.
    Әзумбәгдә мγрдγмҝәш,
    Дәрд ниимбу hич мәрә.»

    Омо ә хьәвәсәвоз,
    Омо ә хьәсрәтәвоз,
    Ҹәнҝ бәрд ә тәмәхьәвоз,
    Һәм ә мозол-бәхтәвоз.

    Дγл дәдәйә тә сәбәхь
    Сухунди, сохди гәбәр.
    Кәй офдоҝәш у ә рәхь,
    Һич нә ҝγрди тγ хәбәр.
  14. Shaul Guest

    Симпатии:
    0
    Баллы:
    0

    9.Бурҹ кук

    Сог Һьγмγртγ әй хьовур,
    Мәвәдәшән тγ әз йор.
    Бисдориҝәш бийобур,
    Бил мә ҝуйγм, тγ ҝуш дор:

    «Дәhьәм нә дә ә бул тγ,
    Әз hьошири кәйф мәсох.
    Тә гувот дә ә гул тγ,
    Ә дәдәйтγ рәхьми сох.

    Биhьорлу чум докошдә,
    Дәгмә зәри ә дәдәй.
    Әз хунәйтγ воҝошдә,
    Хьол нә вәри ә дәдэй.

    Вәҝγрдәйҝәш дипломә,
    Инсон бирә чәтини.
    Шовундәйҝәш ҹиб хомә,
    Чγнтγниhо – сәр тини.

    Ә у зәрә хәндәhо,
    Нә обур дә, нә хьәйо.
    Әри руйу – гәндәhо,
    Ә нγкәри тән мәйо.

    Кәм hисдиҝә бирәйиш,
    Миҹәй хунтγ – дәдәйи.
    Бәдә γлγм дирәйиш,
    Хьәсγл ҹунтγ – бәбәйи.

    Бәhәр әз дор кол офдо,
    Һәр γҝәйә ҝоф дори.
    Ә зир гәрги ән офто
    Ә сәхьроhо офдори.

    Тә пәнҹ митро дирә ог,
    Дәдәйлγ бош синәсов.
    Нобҝә әз сәр ән Шоhдог,
    Бура мийов бинәй ов.

    Ҹар бирәнки сой – гәдәр,
    Ловой дәдәй – hәрчγни.
    Әз дәдәйтγ бихәбәр,
    Ҹәвлон зәрә әрчγни?

    Әри шәки ән дәдәй,
    Чγ ордовиҹ, чγ гәрбол?
    Сәркушиҝә шән дәдәй,
    Чγтам ҝγрдә тγ гәрол?

    Һә ә Боку домундә,
    Дур нә рафди йә виҹә.
    Дәдәй ә ог вомундә;
    Мγрдәйини – нәтиҹә.

    Хиник бири тәмәхьγ,
    Һьәзроилә ҝоф дори.
    Ә hомори ән рәхьγ,
    Пой ә ҹәлә офдори.

    Тәпик нә зән ә нун-ов,
    Мийов войhой ән дәдәй.
    Әз чумhойтγ мәдиров,
    Хурдә ширhой ән дәдәй!

    Софолγйә нум дәдәй,
    Шәр гәбилә нийо бу.
    Фурогусдә чум дәдәй,
    Хәндәҝγлә бийо бу.

    Бог-богчәрә кошдәнки,
    Әз дәдәй хой ҝγлтγрәш.
    Ҹунсогирә дошдәнки,
    Әз дәдәй хой дγлтγрәш.

    Хәрәб йодәш – хуб дирә,
    Очуглу мунд дәрhой тγ.
    Ә ҹиҝәй бәхт – губ чирә,
    Ә гуг вәмунд шәрhой тγ.

    Һьәилирә тγ әз йор,
    Мәвәдәшән hич мәхьәл.
    Богбон әри дирә шор,
    Дәрдγ ҝγлсγз нибу хьәл.

    Гәбиләйтγш – гәбилә,
    Дәдәйтγш тан – дәдәйи.
    Ә сәр дәбәр hәр ҝилә,
    Рәхьм виҹдонтγ әҹәйи?

    Тәшнә hшдә овсузә,
    Дγлсγзә кук бисдори.
    Дуллу сохдә лов-бузә,
    Ҹун дәдәйә вистори.

    Дорә хуно хγшҝ зәрә,
    Рәхьмлγ бугоз нибуру.
    Ширинә ҹун хγшдәрә,
    Ә рәхь дәдәй мудуру.

    Гәбиләрәш тәйтә кәй,
    Миҝордуни ә сәр дγш?
    Ҝоф шиниҝәш әз hәр кәй,
    Әз лов дәдәй чγ гәргуш?

    Һьәҹәл ән дγл нәбуhо,
    Тоҹ мисоху дәдәйә.
    Ә сәр әгγл дәбуhо,
    Хок нисоху дәдәйә.

    Зиндәҝунә hәмишә
    Дәдәй дорә йарашуг.
    Воҝошдә әз кор-пишә
    Гәл ҝи, ә фурм сәрмәшуг.

    Шопкәйтγрә вәҝγрдә,
    Һәггә бини ә минҹи.
    Кул ән гәмә дәҝγрдә,
    Дәдәйә бәр ә динҹи.

    Әри hьәрсә рухундә,
    Ә хьол куки дәбош тγ.
    Әри нәвсә сухундә,
    Сәнгә чохмох мәбош тγ.

    Ә дур мундә әз биҹдон,
    Әз чумтγ бәр хифләтә.
    Имид дошдә ә виҹдон,
    Ә ҹәhьм бийор кифләтә.

    Йγнҝγл сохдә хомушә,
    Ә йор дәшән фәгирә.
    Ҝуҹлу дирә ворушә,
    Ки мухойу – дәгирә?

    Ә хьололи пой норә,
    Гисос вәҝи әз кәләк.
    ХУДОлγрә hой дорә,
    Мәхьтәл бирә чγ ҝәрәк?

    Ә йон дәдәй пой вәчи,
    Ә ҹой мара – зофрутә.
    Ә и hьилом той әҹи,
    Әз дәдәйтγ софлγтә?

    Ә пул чγлки вомундә,
    Ә хьγлг нибу чγп зәрә.
    Ә мәhьрәкә домундә,
    Гәсдлγ покун шγбhәрә.

    Гәрәбәчә - вози сох,
    Әз миhьиди – hьәрәво.
    Ә дәдәйиш хуби сох,
    Хәстлγ мәбош хьәлово.

    Гәбиләйә - сукиҝә,
    Әз hәр чумиш hьәрс нийов.
    Дәдәйлγйә чγкиҝә,
    Әз ХУДОиш тәрс мийов.

    Әз чγп ләмбә ҝγрγhо,
    Әгγл сәрәш кут дирә.
    Әри тәмәхь мγрγhо,
    Әз мозолиш лγт бирә.

    Богруй хубә рундәнки,
    Кәйф дирәйγш нибу чәхь.
    Дγләпәсә мундәнки,
    Дуланмишиш имбу тәлхь.

    Ҝофу – нәшдәр бирәҝор,
    Нә hьэзизи, нә поки.
    Хьәримбазиш дирәҝор,
    Бихьолийγш әз шоки.

    Хьәр-хьәвγҹә нә кошдә,
    Тәрәвәзиш – ниҝуйут.
    Богбонирә нә дошдә,
    Рәхьҝирориш – муҝуйут.

    Әз дәб норә дәдәйә,
    Ә hьор уҹуз мираси.
    Һьәзоб дорә дәдәйә,
    Ә хубә руз нираси.

    Ә раҝ кγкhо зә билә,
    Бинәй софтγ вачарусд.
    Бәлкә әз вор гәбилә,
    Дәдәй әйә кәс чарусд?

    Пой ҝγрдәнки воhнәhо,
    Дәрд кәши хәлг Гγбәйтγш.
    Әри әни товнәhо.
    Рәхьм нә вини дәдәйтγш.

    Әз сγрх тγндә гәбилә,
    Зәхьмәт дәсhо дийәш хуб.
    Дирлγ-зулу йә ҝилә,
    Дγлтγш мγйнγ – тәлхьә губ.

    Огу дәри ә ҝоф тγ,
    Әз зәхьәри миҹәйтγш.
    Ләзәт нә дә ә боф тγ,
    Гурлуни hәр виҹәйтγш.

    Гәбиләрә ҝγрдә сәхт,
    Сохдәниҝәш тγ бовор.
    Йә ҝоф мәрәш вәхтә-вәхт,
    Мәвәдәшән hич әз йор:

    Дәдәйә хок сохуhо,
    Хγшдәнийγш хок мибу.
    Дәдәйә нә хойуhо,
    Хушбәхтийγш пак нибу.

    Әз гәдимә дәвр Одом,
    Коми дәдәй шәк зәндә.
    Тγ кγч бирә әз hьилом,
    Дәдәйә ки тәк шәндә?

    Дәдәйтγ әз ов булог,
    Бил hәр ҝилә палаш бу.
    Әз хисирә бош уйог,
    Мәйил, гәблә аташ бу.

    Дәдәй бирә бәхт шори,
    Урә ә дур мәйил тγ.
    Ҹγрhьәт дошдә әз hьори,
    Ә сәр обур вәйил тγ.

    Тә ә говрә дарафда,
    Гимиш мәсох рәьмирә.
    Нобҝә, ә хьγрш варафда,
    ХУДО мγдγ зәхьмирә.

    Гәм нә хурдә әз чγкγ,
    Руйә чγн шәр гуҹундә.
    Дор чинорә әз кγкγ,
    Коми бихьәйр ҹумундә?

    Чγн хошхошhой ән туми,
    Хьәрим имбу хьололиш.
    Ә зомонәй – нәкуми,
    Ә гур мурав мозолиш.

    Дәдәйи ҝγл богчә-бог,
    Урә гуллуг ҝәрәки.
    Тәйтә ҹуну hисди сог,
    Нәбу дәнши чәпәки.

    Дәдәйи гувот ән гул,
    Зәhьиф амбар нимуну.
    Зийодиҝәш мол нә пул,
    Нγкәр азар мумуну.

    Дәдәйи γшγг офто,
    У, ә рәхьтγ тов мγдγ.
    Ә бγҝγртγ ки офдо,
    Һич ширинә хов нидγ.

    Дәдэй әри бәhәр-бор,
    Зәхьмәткәши чγн богбон.
    Бәнд бирәнки әйи кор,
    Шортγш имбу йә чәнд тонн.

    Дәдәйи сур ән hьилом,
    Ә нум куки лойиг бош.
    Урә хундә тγ овом,
    Әз гәнәтγ ҹγг мәбош.

    Әз ҝуфдирәй гәбилә,
    Әз чәнд ҹиройә дурҝу,
    Вир сохдәйҝәш әгγлә,
    Дәдәйә мәсох гурбу.

    Инсон буҝә - гәбилә,
    Ә hьәрәй дәдәй-писәр,
    Хьир-хьир зәрә чәнд ҝилә,
    Чапар никәшγ hәдәр.

    Тγш әгγлмәнд бошиҝә,
    Дийә гәбиләй тγрә,
    Нийили ә hәр ҹиҝә,
    Кәшγ расай сәртγрә.

    Йә руз сәртγ дорд доҝә,
    Ниимбоши сад тәhәр,
    Дәдәй дәсә воноҝә,
    Ә пишони тγ әҝәр.

    Әз дәрд мγрдәни әдәй,
    Хьисоб мәсох у йоди.
    Йә бурра нәхуй дәдәй,
    Әз сад бирәхьм зийоди.

    Нγкәр сγрх бирәйинҹә,
    Парчоh hовунhо бош тγ.
    Әз чум офдорәйинҹә,
    Тоҹи зуhунhо бош тγ.

    Шәш сали томом бири,
    Руй Гγбәрәш нә дирәй.
    Һәшданки әз hьәили
    Ә Боку кәлә бирәй.

    Һьәшданки рәхьhой Гγбә,
    Һич әйортγш нә мунди.
    Нәнуй-нәнәмәш ҝуҝә,
    Зән гәбиләйтγ хунди.

    Вәсси, сохдәйhо гәсди,
    Дог мәсох – дәдәй тγрә.
    Әз сад ҹиро дγләсти,
    Хилос сох- дәдәй тγрә.

    Той-бәтой вокун дәрә,
    Әри дәдәйтγ hәр бой.
    Ҹәвги сохдә ә hьәрә,
    Мәйофдон ә дәс, ә пой.

    Ә дәдәй ҝуш докошдә,
    Бил кәм нәбу йә ләмбәш.
    Бурҹлу тан, әри дошдә,
    Сγрхә хуно ә пәмбәш.

    Һәрбой сγфрәhо норә,
    Оморγтҝәш йә гушун.
    Дәдәйә ҹиҝә дорә,
    Лап ә кәлә кγнҹ нушун.

    Әҹә бирәҝәш бошҝу,
    Хγрд мәсох дәдәйтγрә.
    Пәйлә вәҝи соги ҝу,
    Вәҝир сох дәдәйтγрә.

    Ов булогиҝәш пул тγ,
    Бәхтә әзир пой мәвош.
    Тәйтә ҝуҹ дә ә гул тγ,
    Дәстәчуй дәс дәдәй бош.

    Бил hьәзоб – гур нә кәшγ,
    Сәргирлγйә дәдәйтγ.
    Бил нәфәсә вокошγ,
    Фәгирлγйә дәдәй тγ.

    Чәнд ҹγр салhорә сәргуз,
    Ҝировунди – дәдәйтγ,
    Тγрә әйи хушә руз,
    Воровунди – дәдәй тγ.

    Чγтам әз сәр-вәритγ,
    Дур мундәйҝәш әз кишә.
    Танки, дәдәй әритγ
    Гурбучәйи hәмишә.

    Хубә хьγрмәт дәдәйә
    Вошәндиҝә лап ә тик;
    Әз әзини hәдийә -
    Әхирhойтγш имбу ник!

    Йә нәхьслγйә кәләҝәд,
    Нийо боши тә мγрдә.
    Пой доноҝә - бәдә-бәд,
    Пишойγрәш ки ҝγрдә?

    Овә лихьә сохдәҝор,
    Суй низәнγ - ә Одом.
    Шәфтә рәхьә хосдәкор,
    Руз нивγнγ әз hьилом.

    Согломә нум войуhо,
    Әнҝγшдбурбу бийо бу.
    Хьγрмәтдори хойуhо,
    Хγшдәбурбу нийо бу.

    Танки, йә оh ән дәдәй,
    Ҝуҹлуни әз зимиләрз.
    Танки, йә коh ән дәдәй,
    Вәнҝәсдәни ә ҹун ләрз.

    Вир мәсох hич вәхттγрә,
    Пәшму бирәй лап амбар.
    Кура сохдә ҹәхьттγрә
    Зу зән, ә йон дәдәй пар.

    Годой кәсhо hә коли,
    Кутәхь бирә hьγмγрγ.
    Сәртγ виниҝә боли,
    Дәдәй - әз дәрд мγмγрγ.

    Бура ә йон дәдәйтγ,
    Ә лол чарун - хьәширә.
    Шор бош, әз «ҹон!» дәдәйтγ;
    Нум бәбәрә кәширә.

    Ә гәд γлγм дара тγ,
    Бил нә паҹγ ҝγл дәдәй.
    Һич ә хγшдә мара тγ,
    Рәhьмлγ бирә дγл дәдәй.

    Әз тәлхьә ҝоф ән вошҝу,
    Ә сәр зуhун дәрму но.
    Бил ә сәртγ hә бошҝу,
    ХУДОлγйә hәр муно.

    Разимәндлγ мунуҝу,
    Бγзγрҝә хәлг Гγбәйтγш.
    Нәнуй-нәнәм хунуҝу,
    Әри куктγ дәдәйтγш.

    Бийил зәнтγш варасγ,
    Нәхьсә нийо бийори.
    Әхи, йә руз мирасγ,
    Тγш hьәрγсә мийори.

    Бил нәзникhо, ҹойhойтγш,
    Суй дәдәйә войуҝу.
    Бийил гәбиләhойтγш,
    Бәгшләмиши хойуҝу.

    Ҝуфдирәнγм мә бәҝә,
    Хотурхоhи hич мәсох.
    Әҝәр дәдәй тоҹиҝә,
    Гәбиләрәш вәҝир сох.

    Ҹару зәнки хγр сәрә,
    Пойиз дәдәй – васал бу.
    Һәчи бәр, ки хγшдәрә,
    Һьγмγр дәдәй – сад сал бу!

    Йә кәм hисдиҝәш hьони,
    Мәкγш хьәвәс дәдәйә.
    Нγш ә сәр сугра зани,
    Моч сох, пой-дәс дәдәйә!

    Әри сийә шәв hьγмγр,
    Дәдәйи мәнҝ – асдара.
    Чәрх дарафда ә бγҝγр,
    Әз чумhойу пәс мара.

    Аташ дγлә сухундә,
    Ҝәрми ди ҹун дәдәйә.
    Һьәрс шәhьәмә рухундә,
    Үшγг ди чум дәдәйә.

    Тә чәнгәдә - дәдәй hисд,
    Ә сәр дәсиш hә ҝордун.
    Тәhьәди сох, тә дир нисд,
    Бурҹ кукирәш вәҝордун!
  15. Shaul Guest

    Симпатии:
    0
    Баллы:
    0
    10. Шγбhәй ән кук

    Амбар фикир сохд хьовур:
    «И дәрдә ки мәҝγрγ?
    Хьип-хьәл имбу әз обур,
    Дәдәй әрчγ зу мγрγ?»

    Зәрә хәндәй ән ловуш,
    Мәhьәнолу нә бисдо.
    Ә йә хурдә хγп овуш,
    Ҝуйҝә зәхьәр дәбисто.

    Тәхьнолγйә ҹар зәрәш,
    Гәриш бисдо мувәхьγ.
    Войисдәнбу пар зәрәш,
    Руйә Гγбә бу рәхьγ.

    Пәшмунәти дирәйи,
    Шивән дәшәнд әз хьиллә.
    Әз йәhьәлмиш бирәйи,
    Хунә вошәнд ә кәллә.

    Ә сәр дивон ән хунә,
    Һьәзоб тануст нγшдәрә.
    Дәс вонорә ә чунә,
    Гуҹунд сифәт хγшдәрә.

    Ҹун ән нәвсә висдоҝәш,
    Ҹуркум паруст әз дγлγ.
    Ә фурм алмаз бисдоҝәш,
    Ворихд йә ҝәз әнҝγлγ.

    Йә мәхьәлhо ҝоф дорә,
    Имидлγ hишд дәдәйә:
    «Дγрγст мийни hәр корә,
    Фикир мәкәш hич дийә.

    Пучлуйә кук нибошум,
    Хундәйирә марасγм.
    Кәлә хирург имбошум.
    Ә нийәтмә мирасγм.

    Хәhәр-бирор нисдиҝәш,
    Гәйгубәри никәшγм.
    Офдуми мә hисдиҝәш,
    Һә наз тγрә микәшγм.

    Кәс танусдҝәш гәдγрә,
    Софтойимә нитанум.
    Ә торикиш мә тγрә,
    Офтойимә митанум.

    Тәрҝ сохдумҝәш Гγбәрә,
    Хәлолуши нийорум.
    Ҝуфдирә ҝоф бәбәрә,
    Ә сәрбәhәм мийорум.

    Ә йә ҹиҝәш ә бәдтγ,
    Ҹирой ҹунтγ нибошум.
    Мγзγhγм ә гәнәттγ,
    Товуш чумтγ имбошум.»

    Хьовур бәдә тәгсирә
    Вәҝγрдәнки ә ҝәрдә.
    Хьол хγшдәрә пәс дирә,
    Әдәмбу дог вәҝγрдә.

    Зәхьримор бу дод дәhьәм,
    Гәрәнтγ бу чумhойу.
    Һәчи дан ки, чγн шәhьәм
    Хьәл бирә бу мумhойу.

    Гоноҹогу дәбуhо,
    Әз дәб кукиш ничару.
    Нәмйәтийγш нәбуhо,
    Ә чубигиш мичару.

    Асдаралγ бирәҝор,
    Бәхтәш сәхьиб митанγ.
    ХУДОсγзи дирәҝор,
    Дәдәйәш сугд нитанγ.

    Бигийрәтә бушhорә
    Зиhисдәйγш бим имбу.
    Гәнәтсγзә гушhорә
    Пар зәрәйγш ниимбу.

    Әз дγл хәбәр нәбуhо,
    Ә чγк-чонәш мидаров.
    Әгγл ә сәр дәбуhо,
    Ә бугхонәш нидаров.

    Кәширәнки назγрә,
    Йә вәчәләш – кәрҝлγни.
    Гочорлγйә базурә,
    Парундәйиш – сәҝлγни.

    Йә hьиломә вистоҝәш,
    Инсон гәләт нийо бу.
    Лап уҹузлу бисдоҝәш,
    Ә кор бәләд бийо бу.

    Виҹдонhошу паклγhо,
    Ә бод нийлγт дәдәйә.
    ХУДОбәндә фактлγhо,
    Ә од мийлγт дәдәйә.

    Ә гуг ән сәр вәриҝәш,
    Йә руз пойәш мийофи.
    Һозор гәрбол зәриҝәш,
    Той дәдәйәш нийофи.

    Ләшҝәриҝә хәйолhош,
    Һич нә домун ә хγшдә.
    Дәдәйлγйә хьолол бош,
    Һәрбой нγшдә-вәхγшдә.

    Бәбәмәндә - дузиҝә,
    Зәхьми нийов әз ХУДОш.
    Дәдәйбәндә рузиҝә,
    Рәхьми мийов әз ХУДОш!

    Зән гәбилә hич hәчи
    Нә дирәбу доморә.
    Әз хотурәй ән вәҹи,
    Гәлпәлγ hишд hоморә:

    «И чγ кори, ой бала,
    Әрчγ бирәй хьγршләмиш?
    Мозолмәнди чәнд сала,
    Нитав кγшдә йә гәмиш.

    Бәдә чумә кγшдиhо;
    Йә сарайи хунәйтγ.
    Әри кутлγ нγшдиhо,
    Сийә мәсох хунә тγ.

    Кәлә корhо дирәйи,
    Ә вәҝири дәри тγ.
    Хубә духдир бирәйи,
    Ә сәр хьγрмәт вәри тγ.

    Ә данани вомундә,
    Әз бәбәйи - әгγлтγ.
    Ә чγк-чγки домундә,
    Локо мәзән ә дγлтγ.

    Лап йә кәлә кори ки,
    Ҝоф-ҝәләҹhо воhнәйи.
    Ә гәд шәвhой торики,
    Хγшдән мәнҝиш тәхьнойи.

    Дәдәй тγрә вәҝγрдә,
    Нә вирихди Гγбәйтγ.
    Әки дәдәй тә мγрдә,
    Ә хов мийов бәбәйтγ.

    Ә хәйолтγ бийор ки,
    Нийо боши – рухьбәрмә.
    Дорун-дорун ә йор ҝи,
    Хγшдәнмәни - духдәрмә.

    Әри ә дәс воҹ бирә,
    Әки дәдәй мара тγ.
    Зән-hьәилә тоҹ дирә,
    Ә бим γшγ дара тγ.

    Согломирә гурбундә,
    Губә ә дγл мәдәчи.
    Һьәилвози бурбундә,
    Дәс-пой тγрә зу вәчи.

    Бәҝәм hәсму дәҝγрди,
    Әри пирә йә вошҝу?
    Һәләм тәкәй нә мγрди,
    Хγшдәкγшиш нә бошҝу.

    Чат зәнγhо йә хьәчә,
    Гәсдчи сохдә йә бәйәш.
    Кәлә буhо йә вәчә,
    Нәс шинохдә дәдәйәш.

    Аташ бисдо дγл хьовур,
    Сухд ә тәhәр шәhьмәлә.
    Нәhьәләт сохт ә сабур,
    Боҹихь дәшәнд лап кәлә:

    «Гәдәрсγзә тәкабурhо,
    Йә залумә бугозбурhо,
    Дур мундиhо әз обурhо,
    Дәдәймәни, нобҝә ишму?

    Дураз сохдә ҹγфтә дәсә,
    Пулhой әрәг дустә-кәсә,
    Докундиhо кисә-кисә,
    Дәдәймәни, нобҝә ишму?

    Әри ҹәвги ҹунә дуhо,
    Әнҹәг әри хγшдә зγhо,
    Кәсиҝәрә ә бод дγhо,
    Дәдәймәни, нобҝә ишму?

    Шоботирә нә ҝγрдәҝор,
    Сγфрәй хьәрим дәҝγрдәҝор,
    Гәлпәй базу вәҝγрдәҝор,
    Дәдәймәни, нобҝә ишму?

    Муй кәнγhо әз дәрдәҹәр,
    Сәләм дγhо ә гәрдәбәр,
    Бишәрҝлγйә йә hьәйбәҹәр,
    Дәдәймәни, нобҝә ишму?

    Шоhраҝмәрә ҹумундиhо,
    Ҹузлаймәрә бурҹундиhо,
    Виҹдонмәрә гуҹундиhо,
    Дәдәймәни, нобҝә ишму?

    Ә дγл йара зәриhойму,
    Ә сәр дәрзә вәриhойму,
    Ә хьол мγрдә дәриhойму,
    Дәдәймәни, нобҝә ишму?

    Гонунhорә дорәҝорhо,
    Пойә ҝурунд норәҝорhо,
    Сәхьиб бәдә hьорә корhо,
    Дәдәймәни, нобҝә ишму?

    Йәлов - суйә войисдәҝор,
    Ә сәр кусов пойисдәҝор,
    Бγсҝә хуно товусдәҝор,
    Дәдәймәни, нобҝә ишму?

    ХУДОсγзә пәхирлγро,
    Шәриксγзә нәхирлγhо,
    Хьисобсγзә әхирлγhо,
    Дәдәймәни, нобҝә ишму?

    Ә мәйдуй бәхьс дарафдәҝор,
    Ә сәр кәллә варафдәҝор,
    Ә гәблә той нә рафдәҝор,
    Дәдәймәни, нобҝә ишму?

    Ә ҝуш-ҝуши нγшдәниhо,
    Хьәвәс дγлә кγшдәниhо.
    Әз хойә муй ҝәшдәниhо,
    Дәдәймәни, нобҝә ишму?

    Шәhьмәләйγ - йәловлγhо,
    Кәчәлийγ - ҝийовлγhо,
    Ә ҹунбәри - бийовлуhо,
    Дәдәймәни, нобҝә ишму?

    Бәhәрhойу - коләлγhо,
    Азарhойу - боләлγhо,
    Боҹихьhойу - ноләлγhо,
    Дәдәймәни, нобҝә ишму?

    Дγләпәсә зγhγсдәҝор,
    Әз хәләйиг нγвγсдәҝор,
    Әз гоhумhо hә ҹусдәҝор,
    Дәдәймәни, нобҝә ишму?

    Пәнҹәhошу - чомоглγhо,
    Әхьволhошу - домоглγро,
    Сифроhошу - гәймоглγhо,
    Дәдәймәни, нобҝә ишму?

    Зәхьәрлγйә тохлу буhо,
    Тәлγлγйә шохлγ буhо,
    Лγҝγлγйә лохлу буhо,
    Дәдәймәни, нобҝә ишму?

    Әз шγкγрhо сурр хойуhо,
    Әз бγҝγрhо дур пойуhо,
    Әз кγмγрhо гур войуhо,
    Дәдәймәни, нобҝә ишму?

    Бихәйрлγйә - биҝорлγhо,
    Биномусә - биҝорлγhо,
    Бигийрәтә - бишорлγhо,
    Дәдәймәни, нобҝә ишму?

    Чγпә ә тир чарундәҝор,
    Әхьвол руйә парундәҝор,
    Хун дамара палундәҝор,
    Дәдәймәни, нобҝә ишму?

    Хьγвсәләйγ нә мундиhо,
    Ә хун нәвси домундиhо,
    Әйә русму вомундиhо,
    Дәдәймәни, нобҝә ишму?

    Бурәгәҹлγ ҝоф сохуhо,
    Хγшдәнхоhлу соф сохуhо,
    Тәхьсирәлγ боф сохуhо,
    Дәдәймәни, нобҝә ишму?

    Хьәшорилγ бирәкорhо,
    Ҹунбәрәлγ дирәҝорhо,
    Бәдәрγхьлγ чирәҝорhо,
    Дәдәймәни, нобҝә ишму?

    Гәсдә ә бγск вәйишдиhо,
    Кинә ә дγл дәйишдиhо,
    Йә руз дирә нәйишдиhо,
    Дәдәймуни, нобҝә ишму?

    Нәхьсйәтирә вихьдәниhо,
    Бәхьсйәтирә рихдәниhо,
    Нәвсйәтирә вихдәниhо,
    Дәдәймуни, нобҝә ишму?

    Зәхьәрлγйә марлγ буhо,
    Пуфдәдийә шарлγ буhо,
    Ҹуркумлγйә парлγ буhо,
    Дәдәймуни, нобҝә ишму?

    Амбар-амбар вор чирәҝор,
    Чәйтән-чәйтән вәчирәҝор,
    Һомбор-hомбор дәчирәҝор,
    Дәдәймуни, нобҝә ишму?

    Хунәй дγлγ ҝәрм нисдиhо,
    Пилкәй руйγ чәрм hисдиhо,
    Чоләй пойу нәрм hисдиhо,
    Дәдәймуни, нобҝә ишму?

    Гуноглγйә - дәсбушлуhо,
    Ҹинҝирлγйә - хәспушлγhо,
    Бәднумлγйә - сәрпушлуhо,
    Дәдәймуни, нобҝә ишму?

    Әри домор шәрт бγнγhо,
    Зуhун кәсә пәрт мγнγhо,
    Рγхьбәрирә гәрд вγнγhо,
    Дәдәймуни, нобҝә ишму?

    Бәдхьисобә мәрдмазарhо,
    Сәбәбкорә дәрд азарhо,
    Сәхьиб пулhой бәрдә зарhо,
    Дәдәймуни, нобҝә ишму?

    Гәришуги сохдәҝорhо,
    Ҹәнҝәсури хосдәҝорhо,
    Ширнә ҹунә восдоҝорhо,
    Дәдәймуни, нобҝә ишму?

    Пушмусγзә - сиролγhо,
    Торосγзә - ҹиролуhо,
    Гәдәрсγзә - ҝиролγhо,
    Дәдәймуни, нобҝә ишму?

    Асдаралγ ҹәсдәниhо,
    Рәхь-рγвәхьә бәсдәниhо,
    Рушумәлγ мәстәниhо,
    Дәдәймуни, нобҝә ишму?

    Ә бирәй кәс дәнγшγhо,
    Ә зәнйәти нә нγшγhо,
    Нәфс шγвәрә hә кγшγhо,
    Дәдәймуни, нобҝә ишму?

    Зомонлγйә - гәчәглγhо,
    Һомонлγйә - гучоглγhо,
    Добонлγйә - гуҹоглγhо,
    Дәдәймәни, нобҝә ишму?

    Зәхьәрлγйә - hьәсәллγhо,
    Кәләклγйә - hьәмәллγhо,
    Фәләклγйә - hьәҹәллγhо,
    Дәдәймәни, нобҝә ишму?

    Мγнγклγйә - шурбийорhо,
    Говрәлγйә - гурбийорhо,
    Мγрγлγйә - сурбийорhо,
    Дәдәймәни, нобҝә ишму?

    Сәдигирә кошдәниhо,
    Ҹәглитирә хошдәниhо,
    Мәнәмирә дошдәниhо,
    Дәдәймәни, нобҝә ишму?

    Богрулγйә - ловолγhо,
    Осдугуйә - соволγhо,
    Хγрсилγйә - ховолγhо,
    Дәдәймәни, нобҝә ишму?

    Ә лойиги нивәрзγhо,
    Әз ләhьнәти миләрзγhо,
    Әз шәкйәти митәрсγhо,
    Дәдәймәни, нобҝә ишму?

    Чоголлγйә - вишәлγhо,
    Говоллγйә - кишәлγhо,
    Чугуллγйә - пишәлγhо,
    Дәдәймәни, нобҝә ишму?

    Әз зир сγмәр овбәрлγhо,
    Әз руй офто товбәрлγhо,
    Әз гәд чумhо ховбәрлγhо,
    Дәдәймәни, нобҝә ишму?

    Кγмγрлγйә - бирйонлγhо,
    Хонумлγйә - hәйронлγhо,
    Һьоширлγйә - милйонлγhо,
    Дәдәймәни, нобҝә ишму?

    Ә шәр гумор дарафдиhо,
    Рәхьә hомор нә рафдиhо,
    Ә сәр домор варафдиhо,
    Дәдәймәни, нобҝә ишму?

    Сифәтhошу - тәфтәлγhо,
    Һьγмγрhошу - чәхьтәлγhө,
    Һьәмәлhошу - шәфтәлγhо,
    Дәдәймәни, нобҝә ишму?

    Ҝоф ләhьәйγ дурҝулуhо,
    Ә хок вәтән гурбулуhо,
    Ә гәриш хәлг бурбулуhо,
    Дәдәймуни, нобҝә ишму?»

    Шинирәнки хьовур мәрә,
    Зән гәбилә hәшданки мγрд.
    Дγл до, домор ән хγшдәрә,
    Мәрд гәбилә ә ҝофиш ҝγрд:

    «Ә сәртγни никә муно,
    Танусдәнки дәб гәдγрә.
    Йә сугдәйә кукә хуно,
    Хостәним хуб хотур тγрә.

    Ҝуш дор ә ҝоф ән кәләтә,
    Йәкәм буҝәш сабурлу бош.
    Йә ширинә ҹәhьм кифләтә,
    Догуноглу мәсох нимдош.

    Фәм сохдәнки тәбийәтә,
    Гәрд hьиломиш лγҝγлγни.
    Рәхь дорәнки бәдийәтә,
    Чәмән-чγлиш луҝулγни.

    Әйә ҹиҝә гуроглуги,
    Әйә ҹиҝә воруш рихдә.
    Әйә ҹиҝә сумоглуги,
    Әйә ҹиҝә товуш вихдә.

    Шәhьмәләрә тә сухундә,
    Гәләтирәш hисди чорә.
    Тәhьәдийә ҝоф рухундә,
    Йәхән тγрә мәсох ворә.

    Ә hьәрәлγг шәки hисдҝә,
    Мәhьәнойγш бушлу мибу.
    Гәм hәммәйму йәки нисдҝә,
    Зиндәҝуниш хушлу нибу.

    Мәрдмазари сохдәҝорhо,
    Йә дир, йә зу ләнҝиш имбу.
    Ҝофhой сγрхи сохдәҝорhо,
    Әз фирәhи тәнҝиш нибу.

    Хийә зәрә нәс офдоҝәш,
    Һьәдәтлγ мун ә вор hьγмγр.
    Тазайγрә нәс бофдәҝәш,
    Дуст бошуҝу ә чор бγҝγр.

    Сугдәлγйә кор дәстγрә,
    Киhо бурри, киhо бәсди?
    Тухтәлγйә шор сәстγрә,
    Ә фурм чорәш ә нәфәс ди.

    Гәнәт зәрә ә хьофт гәти,
    Ҝәрәк нисди hорой-ҹурай.
    Дир нә бирә, әз тәhьәди,
    Тγ ә Гγбәш бийо бурай.

    Ә дәдәйтγ гәл донорә,
    Догуног сох ҹәгли сура.
    Ә ҝоф Тиро чум вонорә,
    Рәхь ХУДОрә hәглγ бура.

    Сәхьиб писәр буhо дәдәй,
    Әз йәкиш кәм нитав бирә.
    Ә ҹиҝәйтγш иму әдәй,
    Бәгшләмиши митайм дирә.

    Бәхш бирәйи Хьово – Одом,
    Нум ән дәдәй – нум Тиройи.
    Әз дәвр Миши нә Овроhом,
    Кук әз дәдәй – чγ ҹиройи?

    Йә пинголиш hич нә зәрә,
    Богруй инсон йармиш имбу.
    Йә әзини сәхьиб шәрә,
    Һич хьγрмәтγш тоҹ ниимбу.

    Сәнгhорә ҝуш мәбисдоҝә,
    Хьәл имбисдо ә тәhәр орд.
    Виҹдонә дәс имбисдоҝә,
    Сәрәш-тәнәш зу мәҝγрд дорд.

    Һомборлγйә тәхγлсγзhош,
    Ҝиснәйирә соф мийору.
    Бирәхьнәйә әгγлсγзhош,
    Ә руй дәдәй ҝоф нийору.

    Огой сәрγ бирә ҹиҝәш,
    Ҹузләбәрә ки хушундә?
    Сәнhьәткори дирә ҹикәш,
    Дәм ән чойә ки душундә?

    Ҹиҝәрγ хун бирәҝорhо,
    Мәлхьәм ҝәшдә әри йара.
    Әри бәднум дирә корhо,
    Митирә чγ дара-бара?

    Дәдәй йә фурм γҝγд дγҝәш,
    Һәрки йә ҹγр вәрасирә.
    Һәммә сибhой ән йә лγҝәш,
    Ә йә вәhьдә нәс расирә.

    Ә йә хунә буй шәндәнкиш,
    Тәфәhьәти – духдәр нә кук.
    Хосийәтә кәширәнкиш,
    Йәки – ҝурунд, йәкиҝә - сук.

    Әри hьәдәт мәзәндә кор,
    Гәблә - холә митав бирә.
    Кук-духдәрә нә зәндәҝор,
    Сугдә дәдәй нитав бирә.

    Әз хьилләйи ворухундә,
    Ә бәнд «Гудйол» ов ди гәмәш.
    Хубә домор әри мундә,
    Дәрди-сәри дәдәйә кәш.

    Дәвләт hисдҝәш ҝурунд-субук,
    Кифләт ә бәд нийо дәбу.
    Домор, духдәр, hьәрγс нә кук,
    Ә йә хьγрмәт бийо вәбу.»

    Сәр хьовурә фикир вәҝγрд:
    «Мәрдгәбилә дәҝиш бири.
    Чγпә ә фурм йә тир нә ҝγрд,
    Ҝурундирә тәкиш дири.

    Дәнишγрγм ә гәбилә,
    Һәр кәлмәйγш ләпәлγ бу.
    Ҝоф сохдәнки ҝилә-ҝилә,
    Нәсиhәтγш бәбәлγ бу.»

    Әзи ҹиро мγhбәтйәти,
    Гирйәт әз нәвс ҝуҹлу бисдо.
    Пой норәнки мγhләтйәти,
    Бәхьс ә виҹдон бурҹлу бисдо.

    Әзи сәhнәй ән рузиҝор,
    Бирәхьәт бу мәнҝлγйә шәв.
    Руй хьовурә әз дузи кор,
    Әрәгшури вәҝγрд битәв.

    Виҹдон зәхьмә вәрзундәнки,
    Ловhо хәндәш нитав дирә.
    Хәйол рәхьмә фәрзундәнки,
    Чумhо мәндәш митав бирә.

    Әз бим ҹәхьтhой нәри дирәш,
    Буш нийо бу hьилом вәҹи.
    Сәдигмәндлγ әри бирәш,
    Овроhомлγ - зомон әҹи?

    Әри ә сәр офдорәҝор,
    Дорихмишиш hьәҹәллγни.
    Субук буhо йә чγклә кор,
    Әри мγрдәш hьәмәллγни.

    Әз гәсдими, әз бәдими
    Йәхән рәхьсо бийо муну.
    Йәрәвурди әз гәдими;
    Тух - ә ҝиснә нивомуну.

    Дәдәйлγ мун ә hәр фәсил,
    Әзимбәгдә туболу бош.
    Әри hозор-hозор нәсил,
    Әзбәрмәндә нуболу бош.

    Рәхь мозолә виҹирәнкиш,
    Алыш-вәриш бийо бошу.
    Әгγлмәнди ҝиҹирәнкиш,
    Мувәхь гәриш нийо бошу.

    ХУДО ә тγ ҝуш докундҝә,
    Нә тан зәхьәр – hьәсәллγни.
    Гәсдий рγвәхь чум вокундҝә,
    Пойпичәкиш hьәмәллγни.

    Нә шинохдәм, хьовур, тγрә,
    Дәҝиш бирәй хосийәтлγ,
    Дураз мәкәш сабур тγрә,
    Дәдәй бошҝу хошийәтлγ.

    Мошин hәй сох әз дог-дәрә,
    Зутә вокун дәр дәдәйә.
    Ҝирйәй куки зәрә-зәрә,
    Әз кγкγ бур шәр дәдәйә.

    Нәчогийγ тәрс мәҝγрγ,
    Ә ҹун бийор хьол дәдәйә.
    Руйә әз тγ пәс ниҝγрγ,
    Ә ҝоф вәбәр лол дәдәйә.

    Ә пишони дәсә вәни,
    Дәниш пирә руй дәдәйә.
    Нγшдә ә сәр сугрә зани,
    Гурбу бура суй дәдәйә.

    Әз бим ҝγрдә нәфәсhойу,
    Һоволγ бош әри дәдәй.
    Тә воҝошдә тон сәсhойу
    Чорә виниш әри дәдәй.

    Войҝәлγни гулум-гунши,
    Догитмиш сох гәм дәдәйә.
    Сγгдә бала нибу хунчи,
    Ә рγхь бийор hәм дәдәйә.

    Тγрә гәллγ дирә ҹиҝә,
    Бил дәҝиш бу зәрди дәдәй.
    Тәхьнойә кук бирә ҹиҝә,
    Йә hьиломи гәрди дәдәй.

    Духдириҝә әҝәр, хьовур,
    Субут дәни ә хьол дәдәй.
    Гәнәт зәрә әз Бокуй дур,
    Чалма вәни әз шол дәдәй.

    Вәдилγйә кукә хуно,
    Нурә бийор ә чум дәдәй.
    Толихьмәндә никә хуно,
    Лойигә дор ә нум дәдәй.

    Дәрдлγ митав гәм чγниҝә,
    Һьәсәл рухун ә ҝоф дәдәй.
    Чойчи ҹусдә дәм чγниҝә,
    Һьγмγр сухун ә соф дәдәй.

    Йәзугбәри – рәхьми дγли,
    Ҹур ниворов әз тум дәдәй.
    Гәрәтикон зәхьми чγли,
    Ҝγлhо моров әз нум дәдәй.

    Сойә мγдγ палутдориш,
    Чум мокуну войәй дәдәй.
    Пойу диҝә әҝәр хориш,
    Гәзонҹ мγнγ мойәй дәдәй.

    Шорилγйә hьγмγр кәми,
    Булоглуни hьәрсhой дәдәй.
    Чол вәкәндә - тγтγр нәми,
    Кутәхьлγни вәрсhой дәдәй.

    Чор дуворә дирә чиҝә,
    Сузовлγни зомон дәдәй.
    Тγ ә кийγ бирә ҹиҝә,
    Буховлγни hомон дәдәй.

    Рγгән шәhьәм нә варасда,
    Торик нибу бγҝγр дәдәй.
    Ҝоф-кәләҹтγ тә ә раст дә,
    Дураз имбу hьγмγр дәдәй.

    Расирәнки вәhьдәй нәхши,
    Хор нибошу рәхь дәбәйтγ.
    Хьололиҝә дәдәй бәхши,
    Шор имбошу рγхь бәбәйтγш.

    Бугулмишә вәхтә дирә,
    Чγп ләмбәрәш чорә митав.
    Дорихмишә ҹәхьт нә бирә,
    Йориш дәhьәм дорә нитав.

    Ә сәр әгγл дәбирәҝор,
    Кинә - мойә нитав дошдә.
    Әз сәррафи рγхγhо hьор,
    Сад богчәрәш митав кошдә.

    Әз хойә муй нә офдәҝор,
    Әнҝγшдә hьәнҹ нәҝγрγҝу.
    Шори сохдә, чγн офдәдор,
    Сәр мәсәлә дәҝγрγҝу.

    Сәрәдорди гуҹундәнки,
    Булутлγни hьәсмуй дәдәй.
    Зәхьлә дγлә пучундәнки,
    Манҹарлγни русмуй дәдәй.

    Ә зир хори, әз сад hьәмәл,
    Нγгрә ә сγрх нәс чарусдә.
    Расирәнки вәхт ән hьәҹәл,
    Догhой сәнгиш ләс парусдә.

    Пойә ә рәхь гәрг норәнки,
    Имид мәйил ә ҝоф йодиш.
    Ҹәhьмәтбәндлγ бәрг дорәнки,
    Шγбhә нибу ә соф одиш.

    Хьγҹәткори буhо ҹиҝә,
    Йарай дәдәй кγз ниҝγрγ.
    Сәрбәрәхьи дирәниҝә,
    Һьәҹәл мурав әз бγҝγрγ.

    Тә тәхьсундә бидин дәрдә,
    Гәмә нийо фубәри тγ.
    Ихтилотә ширин бәрдә,
    Дγлә бийо вәбәри тγ.

    Һәрҝой әзтγ зәвәр бирә,
    Бәдрә мәбәст ә хьәрмәхьиш.
    Ә сәр кутук тәвәр дирә,
    Гурбу мурай әз тәмәхьиш.

    Нийәт дγлә вәрасирә,
    Инсон нγкәр-гул нийо бу.
    Ә кәрҝ-хуруз тә расирә,
    Чинәй вәчәш бул бийо бу.

    Йә hьиломә висдориҝәш,
    Кγч бирәрә ә йор дәшән.
    Ә суй парчоh бисдориҝәш,
    Шорә әз чум нә вәдәшән.

    Руз дириҝә хьололбәнди,
    Зиhисдикәш ә гәд сарай;
    Әз тәлхьлγйә хәйолбәнди,
    Ә чγк-чγкиш нийо дарай.

    Йә гуншиләш хγрдә-хγрдә,
    Расириҝә ә лγгәй нун.
    Кәләҝәдиш ҝγрдә-ҝγрдә,
    Рγхшәндлγйә вид нә бурбун.

    Нисйә нитав кγшдә нәгдәш,
    Сγрхә хуно софлутә бош.
    Мәсләхьәтә дорә вәhьдәш,
    Бичорәйә ҝофлу мәбош.

    Ә гутинә әрх норәнки,
    Ә муй сәриш мофдону дон.
    Сал hьγмγрә чәрх дорәнки,
    Һәр фәсиләш - йә ҹиро тон.

    Хьγҹәтбәри нә ҝириҝә,
    Ә зән-hьәйил тәкәй бәндиш;
    Гәбиләhо вәҝириҝә,
    Гәймоглγни - дәдәйбәндиш.

    Йә hьонирәш ә йон - бγҝγр,
    Дәhьәм нидγ гәрглγ дирә.
    Вәхт бирәни ә рәхь hьγмγр,
    Рузиш әз руз фәрглγ бирә.

    Бор дирәнки әз пишәй кор,
    Тәк-тγк имбу hьәзийәтиш.
    Пойпичәкә дәшәндәҝор,
    Хор имбошу әз нийәтиш.

    Әләгиҝә тумhой γҝәй,
    Нурәш нидγ – hәди вошҝу.
    Әри сугдә чумhой дәдәй,
    Ҝузҝий дγлиш вәди бошҝу.

    Рәхь ХУДОрә рафда-рафда,
    Ә hәр богчә йә дор дәзән.
    Әз вихьдәhо вадарафда,
    Гәләтhорә ә хор мәзән.

    Имконhорә сәр-зир норә,
    Ә зиндәҝун hәдәр мәбош.
    Гәрд кукирә тә зур дорә,
    Зутә ә гәл дәдәй дәбош.

    Хьовур hәчи ә гәд йә руз,
    Кәши hьәзоб ән сад сала.
    Әз хγр-думон, ә гәриш туз,
    Фәрзунд салон кәлә зала.

    Товуш нә до ә фурм офто;
    Ә пул буhо ҹәхьт тәмәхьγ.
    Хьол дәдәйγ ә йор офдо,
    Гәриш бисдо сәлт мувәхьγ.

    Ҝуйҝә әз шор hγҹγмhойуш,
    Чәнд сийәйә сойә вәҹәст.
    Һәчиданки әз чумhойуш,
    Ә нәкуми ҹуркумhо ҹәст.

    Йәзуглγйә суй дурҝундә,
    Зәнгәбилә митийи хосд.
    Пәшмулγйә руй бурбундә,
    Хьγршhой дγлә тийи нәсохд.

    Һич нә сохдә дийә сикә,
    Вокундәнки чум ән сәбәхь.
    Һәммәләшγ ә йә ҹиҝә,
    Вәдарафдγт ә никә рәхь.

    Әз чәнд ҹиро ҝунәй-дәрә,
    Шәhәр Боку домунд ә дур.
    Әдәмбу лап гәнәт зәрә,
    Һәчиданки мошин хьовур.

    Рәхьhо тари буҝәш hәлә,
    Дγ сәhьәт вәхт ҝирошдәмунд;
    Ә пишой дәр ән мәхьәлә,
    Хьовур зутә мошин пойунд.

    Әзи сәhнәй губә тәнҝиш,
    Пучәлγ бу - hич-hичиhо,
    Зән-зәрәhо винирәнкиш,
    Һьәрә нәдо пич-пичиhо:

    «Сәр нә кәши hич йә ҝилиш,
    Овә әз сәр ән бинә бәст.
    Соглу муно тониш-билиш,
    Нобҝә чумә зутә имбәст.

    Токи, ХУДО hәләм нибәрд,
    Дилибочә и дәдәйә.
    Бәлкә, чорәй Боку мибәрд,
    Рузу пучә и дәдәйә.»

    «Чγ муҝуйγ дийә зуhун,
    Хγшдәнхоhә типә куки.
    Чγн әзини биhьорә ҹун,
    Һич нә буhо дийәш хуби.

    Оморәшγш сәбәблγни;
    Бир-нәбирә әри бәрдә.
    Һьонкоришγш мәсәблγни,
    Хьәл ки сохдә и ҹγр дәрдә?»

    Ҝиләйлγйи гуншиhорә,
    Әз руйhошу офдо ә сәр.
    Үзйогирә бәднум норә,
    Нәзник бисдо ә тараф дәр.

    Хәҹәләтә hьәйб вәҝγрдә,
    Сγлмәhорә ҹәлд вәромо.
    Нәфәсhойу ҝγрдә-ҝγрдә,
    Әки дәдәй зур диромо.

    Шор нәвәчи әз hγҹуму,
    Һич шинохдә нәс бирәнбу.
    Фурогусдә hәр дγ чуму,
    Дийә дγрγст нәс дирәнбу.

    Обур руйу рафда-рафда,
    Хьовурмә нγшд ә бонләйγ.
    Рγхьγ тәйтә вәдарафда,
    Ҹиро нә мунд әз йонләйγ.

    Сухдә-сухдә дорун гәтγ,
    Йәбо дәдәй чумә вокунд.
    Әз гγҹлγйә руй сифәтγ,
    Хьовур йә дуг нәмә покунд.

    Ҝуҹ хγшдәрә кура сохдә,
    Нимәхәндә воно ловуш.
    Әри әз кук ҹовоб хосдә,
    Ҝуйкә парусд ширнә ховуш.

    «Үшγгсγзә мәгбунумҝәш,
    Бәгшләмиш сох, ҹон дәдәймә!
    Тәхьсирәйә дәгбунуҝәш,
    Бәгшләмиш сох, ҹон дәдәймә!

    Паралγйә ҹиҝәрγмҝәш,
    Ҹырмишлγйә зибәрγмҝәш,
    Чәхәлγйә бисәрγмҝәш,
    Бәгшләмиш сох, ҹон дәдәймә!

    Ә русмуhо вомундәйиш,
    Ә мγшкγлhо домундәйиш,
    Ә гәбләhо hьовундәйиш,
    Бәгшләмиш сох, ҹон дәдәймә!

    Тубосγзә возинγмҝәш,
    Тиросγзә hьосинγмҝәш,
    ХУДОсγзә гозинγмҝәш,
    Бәгшләмиш сох, ҹон дәдәймә!

    Ә гормогhо вәбирәйиш,
    Ә биhьори дәбирәйиш,
    Ә кукйәти нә бирәйиш,
    Бәгшләмиш сох, ҹон дәдәймә!

    Гийәмәтә дәрдлγнγмҝәш,
    Бигирйәтә мәрдлγнγмҝәш,
    Бихьγрмәтә гәрдлγнγмҝәш,
    Бәгшләмиш сох, ҹон дәдәймә!

    Әловлγйә доглунумҝәш,
    Һәловлγйә гоглунумкәш,
    Ловголγйә соглунумҝәш,
    Бәгшләмиш сох, ҹон дәдәймә!

    Хьәримлγйә нунбәрγмҝәш,
    Тәшнәлγйә хунбәрγмҝәш,
    Ҹәллодлγйә ҹунбәрγмҝәш,
    Бәгшләмиш сох, ҹон дәдәймә!

    Хокистәрә кγллγнγмҝәш,
    Паҹирәйә ҝγллγнγмҝәш
    Бивәрзлγйә дγллγнγмҝәш,
    Бәгшләмиш сох, ҹон дәдәймә!

    Голмоголә сәрлγнγмҝәш,
    Бидәдәйә дәрлγнγмҝәш,
    Биhьәдәтә шәрлγнγмҝәш,
    Бәгшләмиш сох, ҹон дәдәймә!

    Дурҝунлуйә дузлунумҝәш,
    Дуллулуйә бузлунумҝәш,
    Шидралγйә гузлунумҝәш,
    Бәгшләмиш сох, ҹон дәдәймә!

    Әдәбсγзә шәклγнγмҝәш,
    Гимәтсγзә чәклγнγмҝәш,
    Бәбәсγзә тәклγнγмҝәш,
    Бәгшләмиш сох, ҹон дәдәймә!

    Ләпәсγзә пучлунумҝәш,
    Ҝәрәксγзә гучлунумҝәш,
    Гәнәтсγзә ҝуҹлунумҝәш,
    Бәгшләмиш сох, ҹон дәдәймә!

    Нубоhорә нә ҝγрдәмҝәш,
    Тубоhорә вәҝγрдәмҝәш,
    Гонунhорә нә ҝγрдәмҝәш,
    Бәгшләмиш сох, ҹон дәдәймә!

    Ҹурәлγйә борлунумҝәш,
    Гәбиләйә ворлунумкәш,
    Сәрсонлγйә йорлунумҝәш,
    Бәгшләмиш сох, ҹон дәдәймә!

    Фолчилγйә бофлγнγмҝәш,
    Гγдгγдлγйә ҝофлγнγмҝәш,
    Мәмзγрлγйә софлγнγмҝәш,
    Бәгшләмиш сох, ҹон дәдәймә!

    Думдумәйә чәрхлγнγмҝәш,
    Ҝирйәлγйә әрхлγнγмҝәш,
    Мазаләйә чәхлγнγмҝәш,
    Бәгшләмиш сох, ҹон дәдәймә!

    Сәнгәлγйә сәхтлγнγмҝәш,
    Ҹәнҹәллγйә бәхтлγнγмҝәш,
    Говрәлγйә вәхтлγнγмҝәш,
    Бәгшләмиш сох, ҹон дәдәймә!

    Шәhьәмсγзә бәндәйγмҝәш,
    Тәмәхьсγзә мәндәйγмҝәш,
    Дәhьәмсγзә гәндәйγмҝәш,
    Бәгшләмиш сох, ҹон дәдәймә!

    Ичҝилγйә дәмлγнγмҝәш,
    Ворушлγйә нәмлγнγмҝәш,
    Гәргγшлγйә гәмлγнγмҝәш,
    Бәгшләмиш сох,ҹон дәдәймә!

    Мγрдәлγйә вәслγнγмҝәш,
    Ҹәhьмәтлγйә пәслγнγмҝәш,
    Үҝәйлγйә кәслγнγмҝәш,
    Бәгшләмиш сох, ҹон дәдәймә!

    Муҹинәлγ ҹγмγсдәмҝәш,
    Сәрмонголлу чәмγсдәмҝәш,
    Дγширәлγ дәмγсдәмҝәш,
    Бәгшләмиш сох, ҹон дәдәймә!

    Зуhунлγйә ҝγрдәйγмҝәш,
    Чумәлγйә хγрдәйγмҝәш,
    Хьәзγрлγйә мγрдәйγмҝәш,
    Бәгшләмиш сох, ҹон дәдәймә!

    Чорәсγзә сурлγнγмҝәш,
    Дәhьәмсγзә ҹурлγнγмҝәш,
    Говрәсγзә гурлγнγмҝәш,
    Бәгшләмиш сох, ҹон дәдәймә!»

    Кук хγшдәрә шинрә бәгдә,
    Тәгсиркорлу танусдәнки,
    Дәдәй – пишой мγрдә вәhьдә,
    Сад сал зγhγст hәчитанки.

    Йә боләйҝәш чум вокундә,
    Кәши сурәт сγрхийирәш.
    Ә ҝоф-ҝәләҹ ҝуш докундә,
    Рухунд hьәрсhой әхирирәш.

    Әз зәhьифи мәст бирәйи,
    Һьәҹәл - ә фурм кинчи пойисд.
    Хун шоhраҝә хәст дирәйи,
    Әгрәб дγләш динҹи войисд.

    Аташ рихдә әз hовоhо,
    Думон руйә нә ҝγрдәйи.
    Әз тәшвоhо, әз ловоhо,
    Ҝуҹлу бисдо гәст «мγрдәйи.»

    Ә гәд хунә ки доно пой,
    Һәммә офдо ә дγ-йәки,
    Ә ҹиҝәләй дәдәй имой,
    Хьовурләймә мγрд hәшданки.

    Гобул сохдә йәсирирәш,
    Ә сәр мәйит хγшдәрә шәнд.
    Синәсовлу бирә-бирәш,
    Нолә зәрә, шивән дәшәнд.
  16. Shaul Guest

    Симпатии:
    0
    Баллы:
    0
    11. Ҝирйәй ән кук

    «Сγрхәлγйә дәдәй мγрди,
    Ҝирйә зәнит, ҹон дәдәйhо!
    Һьәҹәл әз хьγлг бугоз ҝγрди,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Кутәхь бири сал hьγмγрγ,
    Лойиг нәбу у зу мγрγ.
    Пишой зәхьмә ки мγҝγрγ?
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Һозор ҹиро hьәзоб дорум,
    Йә фәрсγзә кук бисдорум,
    Ҹун дәдәйә мә висдорум,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Зиhисдγмҝәш ә гәд буллуг,
    Дәдәй әзмә нәди гуллуг.
    Токи, мγрγм мәш йәболуг,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Нийәт бәбә hә тәшнә мунд,
    Арзуй дәдәй ә әшг домунд,
    Кук ән йәтим ә мәшг вомунд,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Тиҹлγ бошҝу тәвәр-нәҹәг,
    Әвлод нийо бошу әлчәг.
    Залум дәдәй мәнγм әнҹәг,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Әлчәгhорә вәҝир дγрγм,
    Ә рәхьhошу әсир бγрγм.
    Имой сәрә hә гир ҝγрγм,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Дурҝун ә hәгг нәс дәбирә,
    Рушумлγhо хәстсγз бирә,
    И хьолмәрә сγстлγ дирә,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Бугмә дәри ә шәфтә рәхь,
    Ә гур муно сәхьиб тәмәхь,
    Нивадарам тәйтә сәбәхь,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Ә и hьилом тойу нәбу,
    Ә ҝγзәрон ҹәhьмәт дәбу,
    Рәхьмәдγлә йә дәдәй бу,
    Һьәрә мәнит, чон дәдәйhо!
    Ҝирйә зәнит, ҹон дәдәйhо!

    Догуногә дәhьәтлγнγм,
    Говрәлугә рәхьәтлγнγм,
    Гирлигонә сәhьәтлγнγм,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Ихьтиборә нә висдорум,
    Ә рихшәнди дәбисторум,
    Лойигә кук нә бисдорум,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Нә оhилγм, нә ҹовонум,
    Йәтим мундә әрковунум,
    Дәрдә чγтам вотовунум,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Нәнуйhорә әз йор шәндәм,
    Нәнәмhорә әз hьор шәндәм,
    Мәнәмhорә әз вор шәндәм,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Пой бирәхьнә нә hишд мәрә,
    Ә гуг кәллә вәhишд мәрә,
    Ә ҝәрм хγшдә дәhишд мәрә,
    Һьәрә мәнит, ҹон дәдэйhо!
    Ҝирйә зәнит, ҹон дәдәйhо!

    Хәндәhоймә ә лов нийов,
    Торикhоймә ә тов нийов,
    Имоhой йә ә хов мийов,
    Һьәрә мәнит, чон дәдәйhо!
    Ҝирйә зәнит, ҹон дәдәйhо!

    Шәриклγйә шори нибу,
    Дәдәйлγйә вори нибу,
    Михәнәтә кори мибу,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Шәкиhоймә тәлә имбу,
    Гәмхуримә ҹәлә имбу,
    Һәндәвәрмә гәлә имбу,
    Һьәрә мәнит, ҹон дәдәйhо!
    Ҝирйә зәнит, чон дәдәйhо!

    Билойигhо вәҝир бисдо,
    Хушбәхтирә әхир бисдо,
    Йә дәдәймә фәгир бисдо,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhө!

    Һьәнҹ лγгәрә әз ләhьә но,
    Сәнгвозирә әз сәгэ но,
    Чи хьәримә әз ләгә но,
    Һьәрә мәнит, ҹон дәдәйhо!
    Ҝирйә зәнит, чон дәдәйhо!

    Тәhьрифлγйә хуш hәрчγни,
    Ләзәтлγйә нуш hәрчγни,
    Гәнәтсγзә гуш әрчγни?
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Лихьә бисдо палашимә,
    Хоhинлγ мунд саташимә,
    Йәлов ҝγрди аташимә,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Бәднумимә ҹарлγ мунди,
    Һγндγримә сарлγ мунди,
    Ҝәзирәймә марлγ мунди,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Бәбә-писәр ҝофмә нәбу,
    Дәдәй-писәр софмә нәбу,
    Имой бири «уф» мә зәбу,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Һьәсәл шәрик зәхьәр нибу,
    Хγшҝә дорә бәhәр нибу,
    Һәр ҹофорә сәhьәр мибу,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Дәдәйнәхоh сог нийо бу,
    Хьγрмәтдори лог нийо бу,
    Кобобимә дог бийо бу,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Ә гәнәтмә нә вәҝγрдγм,
    Лγхьγфγрә нә дәҝγрдγм,
    Әз хунәймә вәдәкγрдγм,
    Һьәрә мәнит, чон дәдәйhо!
    Ҝирйә зәнит, ҹон дәдәйhо!

    Бирәхьмлγйә сәрлγ бирәм,
    Биодлγйә дәрлγ бирәм,
    Дәдәйлγйә шәрлγ бирәм,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Вәрфhой Шоhдог совиш бисдо,
    Дәрйоh Хәзәр овиш висдо,
    Богруй дγшмә ловиш бисдо,
    Һьәрә мәнит, ҹон дәдәйhо!
    Ҝирйә зәнит, чон дәдәйhо!

    Дог нә чаруст әз кγлγнҝмә,
    Шәфти дәбу ә hәр лγнҝмә,
    Тγтγр бирәм тә γлγҝмә,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Дәдәймәрә hорой зәрә,
    Һьәсму вокунд дәрвозәрә,
    Мийофдонум ә дог-дәрә,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Фурогусдә кәдәрлγнγм,
    Ҹәhьмәтлγйә hәзәрлγнγм,
    Әз мγрдәhош бәтәрлγнγм,
    Һьәрә мэнит, ҹон дәдәйhо!
    Ҝирйә зәнит, ҹон дәдәйhо!

    Үшγглγги чуммә рафди,
    Ошуглуги нуммә рафди,
    Очуглуги туммә рафди,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Чойә хуно дәм кәширәм,
    Дәрдә хуно гәм дәчирәм,
    Хокә хуно нәм вәчирәм,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Пучлу буhо дәрд микәшγ,
    Гучлу буhо зәрд никәшγ,
    Ҝуҹлу буhо ҹәхьт микәшγ,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Хәзон дири богчәй ҝγлмә,
    Гәлпә шәнди базуй дγлмә,
    Бәднишони чатий бγлмә,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Һьәрслγбәндә әрхлγ бирәм,
    Хоримәндә чәрхлγ бирәм,
    Дәдәймәндә фәхрлγ дирәм,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Хьәримхурhо ә од варафд,
    Гизишмишhо ә бод нә рафд,
    Хьололхурhо ә йод дарафд,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Ә сукйәти нәвәбирәм,
    Ә шәкйәти hә нә бирәм,
    Ә кукйәти нә дәбирәм,
    Һьәрә мәнит, ҹон дәдәйhо!
    Ҝирйә зәнит, чон дәдәйhо!

    Човгун офдо ә hәд чγлмә,
    Сайл омори ә бәд ҝγлмә,
    Зимиләрз дә ә гәд дγлмә,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Хәhәрсγзә йә бирорум,
    Бәбәймәрә йорбийорум,
    Һәчиданки рәхь ҝирорум,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Һьәрә-hьәрә нә оморум,
    Ә сәркәллә вороморум,
    Ә мәhьәрәкә дироморум,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Кутлγhорә пой ниимбу,
    Хунәлγрә ҹой ниимбу,
    Дәдәймәрә той ниимбу,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Дурҝу-мурҝу гәләтлγ бу,
    Хотур-мотур бәләдлγ бу,
    Обур-мобур хәләтлγ бу,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Зиндәҝунә нуш нибошум,
    Хәләйигә хуш нибошум,
    Гәнәтсγзә гуш мибошум,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо.

    Дәстәклγйә нәр нә бирәм,
    Бәhәрлγйә бор нә чирәм,
    Тиролγйә hьор нә дирәм,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Ловголγhо растлγ нибу,
    Рушумлуhо хәстлγ нибу,
    Хуморлуhо мәстлγ мибу,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Михәнәти ҹурлу бисдо,
    Хиловйәти гурлу бисдо,
    Гәләтйәти гурлу бисдо,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Әз у дγнйоh hой низәнγм,
    Ә рәхь ҹәннәт пой нидәнγм,
    Бγтγн hьγмγр вой мизәнγм,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Молкомутә ҹәхьти бисдо,
    Хушбәхтлγйә гәhти бисдо,
    Фурмундәйә әhди бисдо,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Зиhимлγйә корhо бошҝу,
    Бәhәрлγйә дорhо бошҝу,
    Ҹәhьмәтлγйә шорhо бошҝу,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Зийодhорә буллу виним,
    Иҝидhорә гуллу виним,
    Нәмәрдhорә дуллу виним,
    Һьәрә мәнит, ҹон дәдәйhо!
    Ҝирйә зәнит, чон дәдәйhо!

    Бәхилhойγ хьәмислγ бу,
    Муҹуҹийγ тәмизлγ бу,
    Хγшдәнийγ hьәзизлγ бу,
    Һьәрә мәнит, ҹон дәдәйhо!
    Ҝирйә зәнит, чон дәдәйhо!

    Үшγг чумуш йә куклә бу,
    Сәрпуш нумуш йә куклә бу,
    Кγкәй тумуш йә куклә бу,
    Һьәрә мәнит, ҹон дәдәйhо!
    Ҝирйә зәнит, чон дәдәйhо!

    Зәлγчиhо хунбәр бири,
    Гәчәгчиhо нунбәр бири,
    Гисосчиhо ҹунбәр бири,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Үҝәйә рәхь нә рафдәбу,
    Ә бим сәбәхь дәрафдәбу,
    Ә рγхь-рγвәхь вәрафдәбу,
    Һьәрә мәнит, чон дәдәйhо!
    Ҝирйә зәнит, ҹон дәдәйhо!

    Гуншилγйә хәhәрлγ бу,
    Һьәсбәлγйә йәhәрлγ бу,
    Һәчиданки шәhәрлγ бу,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Тикилγйә зәвәрлγ бу,
    Сифирлγйә тәhәрлγ бу,
    Ширинлγйә шәкәрлγ бу,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Сипилγйә муйлу мунди,
    Тәфтәлγйә руйлу мунди,
    Говрәлγйә буйлу мунди,
    Һьәрә мәнит, ҹон дәдәйhо!
    Ҝирйә зәнит, чон дәдәйhо!

    Софоhойму - зәхьмәтлγни,
    Нимазhойму - ҹәhьмәтлγни,
    Мγрдәhойму - рәхьмәтлγни,
    Һьәрә мәнит, ҹон дәдәйhо!
    Ҝирйә зәнит, чон дәдәйhо!

    Пγшкγлγйә мәрҹи бирәм,
    Ҝозитлγйә дәрҹи бирәм,
    Үзҝәлγйә хәрҹи бирәм,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Зәхьәрлγйә йә марлγнγм,
    Һьоширлγйә азарлγнγм,
    Алвәрлγйә базарлγнγм,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Сγрхә нибу – чγлки дирә,
    Ҝγрҝә нибу – тγлки дирә,
    Чγлә нибу – мγлки дирә,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Духдәрhорә обурhо дит,
    Нәвәhорә сабурhо дит,
    Чγнмәнирә ҝазурhо дит,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Балаhойму фәрлγ бошҝу,
    Хундәhошу сәрлγ бошҝу,
    Мизузәhо дәрлγ бошҝу,
    Һьәрә мәнит, чон дәдәйhо!
    Ҝирйә зәнит, ҹон дәдәйhо!

    Офто – чорәй ән hьиломи,
    Тубо – миҹәй ән Одоми,
    Сәдиг – хγшдән Овроhоми,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Муй дәдәйә тимор сохит,
    Рәхь дәдәйә hомор сохит,
    Кук дәдәйә домор сохит,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Хосдәй кукhо мозол ҝәрдо,
    Хурдәй кукhо хьолол ҝәрдо,
    Арзуй кукhо hозор ҝәрдо,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Тирой Миши әзбәрлγни,
    Кор Оврором нәвсбәрлγни,
    Ҝоф Соломон хьәзбәрлγни,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!

    Нәсилhорә тубо бошҝу,
    Ҹовонhорә нубо бошҝу.
    Зуhунhорә ХУДО бошҝу,
    Һьәрә мәнит, ҹон дәдәйhо!
    Ҝирйә зәнит, ҹон дәдәйhо!
  17. Shaul Guest

    Симпатии:
    0
    Баллы:
    0
    12. Һьәрс гәләм

    Әри колә мγрдәй дәдәй,
    Гәлхәндлγйә Шоhдог ҝирисд.
    Әри йосә ҝγрдәй дәдәй,
    Ҝоhи йәйлог, ҝоh бог ҝирисд.

    Хьол нә вомунд ә дог-дәрә,
    Шәхә пойунд овhой Гудйол.
    Сәрә ә сәнг зәрә-зәрә,
    Ҝγмлγ рафдγт ә сәйәг лол.

    Чәмәнлγйә ҝγлhой хорhош,
    Чоршобhорә боҹ дәҝγрдγт.
    Бәhәрлγйә лγҝәй дорhош,
    Әз хок хори моч вәҝγрдγт.

    Космос фирәh бирә ҹиҝә,
    Офтош ә гәд тәнҝи дәбу.
    Әз дуриhо дирә ҹиҝә,
    Асдараhош – мәнҝи нәбу.

    Куралγйә думон hьәсму,
    Хок хорирә малад нәсохд.
    Пәрдә зәрә ә фурм бәзму,
    Ә рγхь дәдәй хьγрмәтә сохд.

    Огуй овә докундәбу,
    Мирбидинә әсәбhоймуш.
    Сийә партал вокундәбу,
    Гирмизинә Гәсәбәймуш.

    Ә мәгбуни дибирәҝор,
    Ә γзйоги мисоху ҹәхьт,
    Динҹә нуну нә бирәҝор,
    Хушбәт бирә нитав hич вәхт.

    Надан - кәйки чарусдәни,
    Ә вор-дәвләт нәвс докошдә.
    Соворәhош танусдәни,
    Мγрдәҝорhо нәс воҝошдә.

    Хьәрәмзәдә йә бәдиҝәш,
    Нибу ә гәд гәфәс норә.
    Сәргуз мундә hьәдәтиҝәш,
    Пәшмуйәти бор нәс дорә.

    Тәшвишлγйә бәдәлоги,
    Ә дәс виҹдон әсир мундәш.
    Ән зобунә бәдә доги,
    Дәдәйсγзә йәсир мундәш.

    Мγрдәйәти тәрс hисдиҝәш,
    Хьγкмә йәкиш нәс покундә.
    Ворушлγйә hьәрс рихдиҝәш,
    Ҝәнәш дәрә нәс вокундә.

    Кәй ночоги нидγ hьәрә,
    Ә бонләйγ тә әхир нγш.
    Ә согломи сәр нә зәрә,
    Мγрдә бәгдә чγ хγшдәкγш?

    Һәрбой ҝирйәй йәсирә,
    Әз дγ-йәки парундә,
    Мәрдhош йәйлуг дәсирә
    Әдәнбγрγт ҹарундә,

    Йә чәндиhо вәхγшдә,
    Тәhьриф дорут сәр йә ҝоф.
    Гәбиләhош дәнγшдә,
    Сәлт оморут ә инсоф.

    Әгибәти бурбундә,
    Нә нәхьс бγрγт, нә кобуд.
    Һәр кәлмәрә бурҹундә,
    Пойисдγт ә йон тобут.

    Гәрд ХУДОрә тә дорә,
    Әнҝγл вәкәнд тобиhош.
    Ә сәр кипә вонорә,
    Тиролу хунд рабиhош.

    Ҹәhьмәт бγрγт әсәблγ,
    Нә имид мунд, нә сабур.
    Амбардәки гәзәблγ
    Дәнишγрγт ә хьовур.

    Йәки-йәки хост лово,
    Һәммә хьололбу висто.
    Ә гәриш ән говроhо,
    Дәдәйиш зийод бисто.

    Гупмиш бисдо дγл хьовур,
    Әз сәр говрә нә вәхγшд.
    Ә хок чарусд кγл хьовур,
    Әз сәр говрә нә вәхγшд.

    Ә раҝhойу хун пойист,
    Әз сәр говрә нә вәхγшд.
    Йә γлγмә ҹун войисд,
    Әз сәр говрә нә вәхγшд.

    Үлγҝhойу – хьәлимлγ,
    Әз сәр говрә нә вәхγшд.
    Хурдәhойу – гәнимлγ,
    Әз сәр говрә нә вәхγшд.

    Парустәйә ранҝлγ бу,
    Әз сәр говрә нә вәхγшд.
    Дәhьволγйә танклγ бу.
    Әз сәр говрә нә вәхγшд.

    Ҹиҝәрлγйә пара бу,
    Әз сәр говрә нә вәхγшд.
    Тәхьсирәйә кара бу,
    Әз сәр говрә нә вәхγшд.

    Догуногә hьилом бу,
    Әз сәр говрә нә вәхγшд.
    Гәләтлγйә Одом бу,
    Әз сәр говрә нә вәхγшд…

    Ә гәд кәлә мәхьәлә,
    Миси вәҝγрд ҹәhьмәтиш,
    Әз ҝоф ҹуhурhо hәлә,
    Зийод бисдо «рәхьмәтиш.»

    Кәлә раби ән нимаз,
    Чум нә вәҝγрд әз Тиро,
    Руш нә буҝәш диб-дураз,
    Мәсәл кәши чәнд ҹиро:

    «Ҹоhил сәйәг бирәнкиш,
    Софтәй хунә - дәдәйи.
    Оhилйәти дирәнкиш,
    Офтой хунә - дәдәйи.

    Әз Соломон мундәиш,
    Ворhой фәрзәнд - дәдәйи.
    Әз Овроhом хундәйиш,
    Шорhой фәрзәнд - дәдәйи.

    Әз бәхшиhой ХУДОиш,
    Сифир Тиро - дәдәйи.
    Әз нәхшиhой ХУДОиш,
    Сγрхи Тиро - дәдәйи.

    Тәбиәтә хошдәнкиш,
    Рачи hьилом - дәдәйи!
    Әгибәтә дошдәнкиш,
    Тоҹи hьилом - дәдәйи!»

    Хьовур ә хьол ән мγрдә,
    Ә бγҝγрмә сγст пойисд.
    Муҝу: «Гәләм вәҝγрдә,
    Нγвγс, шоhир, тә дир нист.

    Бил хунутҝу ҹәhьмәтиш,
    Тиҹ дәнγшγт ә руймә.
    Бил сохутҝу нифрәтиш,
    Бил хьәл бошу и буймә.

    Ки, ХУДОлуш ә hәгг дә,
    Бил софлγйә рәхь бурав.
    Домор буhош hич вәhьдә,
    Бил шәфтлγйә чәрх нәрав.

    Бил дәдәйhо hич йә вәхт,
    Ә гәбләймәш той нәбу.
    Бил hәмишә и ҹγр ҹәхьт,
    Әри кукhош тубо бу…

    Воҝошдум әзунҹиҝә,
    Әй hьәзизә хундәҝор.
    Ә фәрлүйә йә ҹиҝә,
    Нγшдγм ә гәд чор дувор.

    Сәр мозолә дәҝγрдә,
    Гәрбол зәрүм бәхьс гәмәш.
    Йә чәнд вәрәг вәҝγрдә,
    Рухундум hьәрс гәләмәш.
  18. Shaul Guest

    Симпатии:
    0
    Баллы:
    0
    Гәзәлhо
    Һьорлγ маров сγлмәрәш

    Губhой дәрди ҝәрәк нисди дγлмәрәш,
    Сиркәй бәди чат мисоху бγлмәрәш.

    Әз hьәйили ә чγл-чәмән бәнд бирәм,
    Һьәнҝ – hьәсәли нә ҹарнуҝу ҝγлмәрәш.

    Ә ҝофәвоз хорундәнγм нәдана,
    Ә ҹәглийо суйлу мәди кγлмәрәш.

    Сәдигирә әз Тироhо вәҝγрдәм,
    Зимиләрзлγ ворвор нә тан hγлмәрәш.

    Әз йә дориш гәд нә сохдәм лγҝәрә,
    Ә руй мәзән мәстә пийон лγлмәрәш.

    Һьәрсә чумум әз бугоног гәмйәти,
    Ә сәр аташ ә дәм мәди хγлмәрәш.

    Хушбәхтирә әз дог-дәрә нә ҝәшдәм,
    Һьоҹиз мәхун кγтлγбәндә шγлмәрәш.

    Ә бим ники ҹәлдәлγни вәҹәhhо,
    Мәрдγм нитав сурлумәнди ҹγлмәрәш.

    Хосдәйимә әз хьол Мәҹнун сγрхтәйи,
    Пойhой Лейли бил нә ҝәшдγ чγлмәрәш.

    Ә hγндγри әшглγйә дор хосдәхунд;
    Әлдар әнҹәг hьорлу маров сγлмәрәш.

    Һьәрс шори

    Вор hьиломәш тә имоhой ки бәрди?
    Сади бисдәш шор зиhимҝә, чγ дәрди?

    Худолγhо ә рәхь Тиро вәмунди,
    Сифирhорәш ә гәл-гуҹог вәбәрди.

    Мозоллγйә сиhирлγни дәр хунә,
    Мизузәрәш әсәр гопу дәбәрди.

    Һьиломҝәзи hьәдәт бири ә чумhо,
    Ә әшгәвоз әз хосдәйи хәбәр ди.

    Ә войҝәhо гурбу нидγт имидә,
    Хәйолhорәш әз сабури нә бәрди.

    Воhнәйәти ә хунхәсти чарустә,
    Хосдәхундәш ки ҝуфдирә сәhьәр ди?

    Асда-асда мәлхьәм бирә hәр кәлмә,
    Әз нәкумиш нәбу дγлә гәбәр ди.

    Әз хьγвсәлә вадаровhо чγк зәрә,
    Ә гәсдәвош зәхьәр хостҝә, шәкәр ди.

    Пойдәлγрә гимиш нидγ hьәсбәлγ,
    Нәфсγ нисдҝәш, йә сγрхийә йәhәр ди.

    Ә руй Әлдар вокундәнки дугозә,
    Әз hьәрс шориш нәбу бихьол дәҝәрди.

    Нәр мәни

    Кәлә hьәсмуш әз hәр ҹиҝә дәр мәни,
    Гәсди дγhош йә дγшмәйә шәр мәни.

    Әз аташиш йәловлγнγм бәтәртә,
    Дорд hьиломәш тоб дориhо сәр мәни.

    Бихәбәрhош ә хов динҹи дарафди,
    Һовоз сәсәш хьисоб мәсох hьәрмәни.

    Әшглγ буhош бәндлγ дошдә муйhорә,
    Дәб мγhбәтәш нәбу ҝуйи, hәрдәни.

    Хосдәхундиш миҹәй доди сог hьγмγр,
    Ҝоф-ҝәләҹәш сайлов шушдә, бәрдәни.

    Торикирәш ХУДО дори – тән-бәтән,
    Асдараhош булулишγ – сәр-тәни.

    Хьәримлγhош ҹәләлγнγт лγнҝ-бәлγнҝ,
    Әсәр дγшhош тирозуй hәгг – ҝәрдәни.

    Кәмәгγлиш йә бәндәйи әз бәхшhо,
    Ә сәр кγрпиш нәбу hәрбой хәр зәни.

    Мәhәббәтәш әз лγҹγйγ ҝγрдәнγт,
    Ә пәлγйγш әз брилийант зәр вәни.

    Гәләм дәсиш – бәхт Әлдари әз мозол,
    Сγрхә кәлмәш – хәйол буhо нәр мәни.

    Ихьтибори имурәш

    Хостәлγйә ихтийори имурәш,
    Хубтәлγйә бәхтийори имурәш.

    Хәлолушә нәс овурдә сәдигhо,
    Дγлбәрлγйә михьтийори имурәш.

    Сазандаhо әз бим ники парустә,
    Гγдγшлγйә рγхьбийори имурәш.

    Хьәтонлγhо чумә ә хов нәс дорә,
    Һьәрγслγйә рәхьҝирори имурәш.

    Докунуhо – варасдәйγ ҹар нибу,
    Шобошлγйә рәхьмидори имурәш.

    Һьәсәллγhо әз кγк шәндә ҹыҹәрә,
    Шәрәфлγйә ҹәхьтийори имурәш.

    Нәсилhорә тубо дорә дәб бирә,
    Сәрпушлγйә зәхьмикори имурәш.

    Воҝорушhо ә бод норә дәрдлγрә,
    Гәрболлγйә мәхьбийори имурәш.

    Мәнҝәлγhо әдәш ҝγрдә рачhорә,
    ХУДОлγйә сγрхә hьори имурәш.

    Тәhьәрифhо суй дорәнки әз тоҹи,
    Әлдарлγйә ихьтибори имурәш.

    Сәдигәт

    Риб-рач бирәй әз нурйәти мәhәббәт,
    Йә чγнтγни hьәрγс нибу hич hәлбәт.

    Ә хәйолhой хуштәhәри дәмундәй,
    Солхум-солхум хәйирлγни әгибәт.

    Шәhьәмлγhо асдарайә товлγни,
    Мәнҝ шәвирә ҝγйчәк дири – hәгигәт.

    Мозолhорә әз зир гәрбол виҹирәй,
    Ә шәфтә рәхь лγнҝә нинγ – дәгигәт.

    Човгунлγйә сузов мәтан әшглγрә,
    Васаллγйә чγл – чәмәни тәбиәт.

    Зәhьифмәнди тәмбәлирә руй мәди,
    Парчоhфурми бил варайу тәхтиәт.

    Бәдә ҝилҝул чум нәнуҝу руз-бәруз,
    Сойәлγйә хьәрмәхь мундә бәхтиәт.

    Әз сади бисд зәвәр нисди hьγмγриш,
    Бил әз дәстγ учмиш нәбу вәхтиәт.

    Ошугмәндлγ - буш низәнγ әнҝγлә,
    Алмазлγйә киплγ бошҝу сәхтиәт.

    Әз ХУДОи дәниширә ә сәс дγл,
    Ә хьол хγшдә Әлдара тан – сәдигәт.

    Хьәтон винош

    Дәрдлγ-дәрдлγш гәмә хурдә дур мара,
    Тәhьди сохдәш әз дәр мозол зур дара.

    Асдараhо ҹәнҝәсури әз бинә,
    Ә бәмиhош гурбу мәди зил тара.

    Зиндәҝуни гәймог бошҝу ә сәр бәхт,
    Тәhьрифмәндиш ә дог мәнγ буйсара.

    Әшрәфирә гимәтγни әз hәгги,
    Ҝирбишинәш бийо дори әз кара.

    Сәрмәшугhо йә дγшәҝи ә богчә,
    Нγшдә вәhьдәш ә мәгбуни нәдара.

    Хосдәлγhо дәрдәҹәрγт әзйәки,
    Әз сәдигиш ә hγндγри мавара.

    Ҝофhой сγрхи hоҹизлγрә ҹун дорә,
    Мәрдγмhорәш әз дγли сох, - сад пара.

    Догуноги зәхьм ХУДОи әз Хьово,
    Әз Одомиш нитай ҹусдә оh-зара.

    Рихдә hьәрсә hозор ҹиро сәбәби,
    Нγкәр кәмиш нәбу бийли амбара.

    Һьәрисирә әри дирә чγн hьәрγс,
    Әз хостәйиш хьәтон винош Әлдара!

    Ә миҹ хун дә

    Ә хубә чи чумиш митав дәмундә.
    Ә тубочи ҹуниш нитав вәмундә.

    Сәдогәйә гурбу бирә хосдәҝор,
    Ә торики дγлиш ә бим зомун дә.

    Һәггсγзирә гәбул мәсох hич мәхьәл,
    Әз хьәрими нәвсиш ә гәд hьовун дә.

    Пар зәрәнки ворилγйә мәhәббәт,
    Әз хостәйи йорәш дәблγ ҹовундә.

    Од бирәнки богбонлγйә сәнәhьәт,
    Әз бихьәйфи дорәш hьәйблγ шовундә.

    Үзҝγм зәрә ә ов дәрйоh - әшгәлγ,
    Әз офтои руйәш нурлу товундә.

    Бәдхьисобhо ә ҹәләй hьор офдорә,
    Әз ХУДОи нәхьсиш ә парс hовун дә.

    Сәhьәрлγйә hьәзоб нидγ инсонәт,
    Әз гувоти дәсиш ә бим hомун дә.

    Севҝилиhо фурмуш нийлγ вәhьдәрә,
    Әз думони сайлиш әрхлγ овундә.

    Ҹар дәшәндә, сурог мәхой әз дγнйоh,
    Әз Әлдари - hьориш миҹлγ ә хун дә.

    Әрчγни

    Хушбәхтирә дирәниҝәш и хәм-хәйол
    әрчγни?
    Ә духдәрhо бирә ҹиҝәш и гәм хьәмол
    әрчγни?

    Әз дγләсти ҹиро мундә - сәдигирә
    дирәҝор,
    Ҹәhьмәтлγйә hьәзизиҝәш и дәм-хьәлол
    әрчγни?

    Бор-бәhәрә нивәчγнγ әз тәмбәли
    тәрсγhо,
    Нурлумәндә офтоиҝәш и нәм бихьол
    әрчγни?

    Гәнәтлγйә гушлу имбу - ә мәнҝ шәви
    бәндлγhо,
    Асдарайа бәхтиниҝәш и кәмә хьол
    әрчγни?

    Үшγгмәнди зийод сохдә хьәвәслγйә
    ҹофорә,
    Ториклγйә тәшвишиҝәш и чумә хол
    әрчγни?

    Үҝәйлγйә нәрлγ нибу, ә сәдиги суй
    дγhо,
    Ҹәннәтлγйә богчәйиҝәш и ҹурә кол
    әрчγни?

    Мәҹнунйәти фойдә нидγ әз ҝузәти
    дәрдиhо,
    Лейлимәндә хьәсрәтиҝә и бәмә лол
    әрчγни?

    Ә зир пойу холчә буhо, гәдγр ҝγләш
    митанγ,
    Сγрхибәндә дәвләтиҝәш и гγҹә мол
    әрчγни?

    Ә лов хәндә нитав зәрә - дарамирә
    доруhо,
    Шолумлγйә ҝовләйиҝәш и голмәгол
    әрчγни?

    Ихьтиборә вир сохдәҝор сәргуз мундә
    hәмишә,
    Шәhьволγйә сәвҝәндиҝәш и бәдмозол
    әрчγни?

    Хушбәхтирә бәрглγ дошдә, йәдиҝори
    әз Одом,
    Ҝовләмәндә зомониҝәш и сийә шол
    әрчγни?

    Ә суд ХУДО губ мийору, - сади бисдә
    нә дирә,
    Оhилмәндә Әлдариҝәш и динҹә чол
    әрчγни?

    Дγли мәрәш

    Хориhойу богчәлγйә ҝγли мәрәш,
    Ҝийовhойу холчәлγйә чγли мәрәш.

    Сәйирлγйә чәмәнhорә сойуш нисди,
    Мәнзәрәйγ сәрвәтлγйә ҝөли мәрәш.

    Аташлγйә офтойирә нуриш hисди,
    Хокистәрγ кγмγрлγйә кγли мәрәш.

    Мәҹнунлγйә мγhбәтлγрә Лейлиш имбу,
    Мәрдγмийγ зәрәлγйә бγли мәрәш.

    Шорәлγйә ичҝиhорә гәмиш нибу,
    Хәйолийγ дәмәлγйә лγли мәрәш.

    Тәмәхьлγйә согиhорә салиш бәрди,
    Әхьволийγ гγҹәлγйә шγли мәрәш.

    Сәдиглγйә ихьтиборә кγкγш сәхти,
    Войҝәйийγ ворворийә пγли мәрәш.

    Палашлγйә хостәйирә әшгγш тоҹи,
    Хьәсрәтийγ хутәлγйә ҹγли мәрәш.

    Зәхьәрлγйә дузҝунирә бәдγш нийов,
    Мәлхьәмийγ хубәлγйә хγли мәрәш.

    Тиролγйә хьәвәсирә мәкγш,Әлдар,
    Рәхьмийийγ ХУДОлγйә дγли мәрәш.

    Зийод сох

    Ә рәхь фәhми ихьтиборәш зийод сох.
    Әз хьγкм рәхьми ихьтийорәш зийод сох.

    Гәлпәлγйә дγл нә бошҝу виҹдонә,
    Әз hьәзизи мәхь тиморәш зийод сох.

    Ҹγрhьәтирә вир нисоху нәр буhо,
    Әз хостәйи чәхьтиhорәш зийод сох.

    Дәр бәдирә нивокуну – ХУДОлу,
    Әз шәhьвойи миh Тирорәш зийод сох.

    Хγшдәкγши од нийору ә hьәрә,
    Әз сәдиги вихдәhорәш зийод сох.

    Мәлхьәм бирә йарашуги гәд хунә,
    Әз тәмизи вихьдәhорәш зийод сох.

    Дананбәндлγ әгγл ҹусдә ҹовонhо,
    Әз сабурhо рихдәhорәш зийод сох.

    Милләтхойhо гойим дошдә вәтәнә,
    Әз hьошири сγрх дийорәш зийод сох.

    Чум вонорә ә сәр кифләт кγчлγhо,
    Әз ҹәннәти рγхьбийорәш зийод сох.

    Һәр хосдәҝор Мәҹнун нибу, ой Әлдар,
    Әз Лейлиhо михьтийорәш зийод сох.
  19. Shaul Guest

    Симпатии:
    0
    Баллы:
    0
    Әз дәстγ

    Һьиломлγйә догуногум әз дәстγ.
    Аташлγйә бугоногум әз дәстγ.

    Ҝунәйhорәш хьәсрәт hишдәй ә ҹунмә,
    Дорунлγйә лугоногум әз дәстγ.

    Вәлҝhой дорhо зәрдә хинә вонори,
    Хәзонлγйә богуногум әз дәстγ.

    Ҹузлай базуш локо hишди әз хγшдә,
    Дәгмәлγйә чγкәногум әз дәстγ.

    Шәкәрйәти әз ширини офдори,
    Зәхьәрлγйә огуногум әз дәстγ.

    Ҹәсдәҝорhо ә вориhо вәмундәт,
    Гопулγйә сокуногум әз дәстγ.

    Хьγрмәтhорә ҝилов зәрәй – гисгонҹлу,
    Рγхшәндлγйә логуногум әз дәстγ.

    Миҹәй әшгә кусов нитав сухундә,
    Кγмγрлγйә ҹогуногум әз дәстγ.

    Виҹәhорә ә буй вәрсhо чарундәй,
    Нәчоглγйә согуногум әз дәстγ.

    Хьовобәндлγ – гәләт мәсох, ой Әлдар,
    Одомлγйә йә гуногум әз дәстγ.

    Һьәрсhой чумә овундәм

    Тәлатγмә гутинәйγм, ә хьәсрәт тγ
    домундәм мә,
    Ә гәтрәйи зутәйинγм, ә мγһләт тγ
    вомундәм мә.

    Нәданhорә рихриҹ сохди дәрйозлγйә
    йәрәг ХУДОш.
    Хьγкγмhорә гиндог зәрә, ә фурм hьәйил
    ҹовундәм мә.

    Бог-богчәрә ҝәшдә-ҝәшдә, ә хошәвоз
    фәм сохдәнкиш,
    Ә тәмәхьә хьәсрәтовоз лγҝәй дорә
    шовундәм мә.

    Йә кәлмәлә зийодә ҝоф нә дарафди әз
    дәр ҝушhош,
    Дәрд-бәләрә кура норә, ә бим хγшдә
    hьовундәм мә.

    Фикир-хәйол дәбәрдәнки ә тγндлγйә
    вишәй зәхьми,
    Гәләм дәсә тиҹлγ сохдә, зәхьмой дγлә
    ковундәм мә.

    Ә чγл-чәмән гисмәт бирә, йә гγзγрҝγл
    чирә вәhьдәш,
    Ә хγрәвоз дәhьәм дирә, ов булогә
    совундәм мә.

    Тәшнәлγйә мәhәббәтә ә зир офто
    сухундәмҝәш,
    Чордоглγйэ чапар ҝγрдә, сәр бунурә
    hовундәм мә.

    Нәзникитγ чорәймәни, нәфәслγйә
    тәhәрз hовош.
    Шәггәлγйә хәндәчирә ә бәхтәвоз
    ловундәм мә.

    Ә гәсдәвоз пой дәнγhо мәрдмазара
    гуй сохдәнкиш,
    Ә хушбәхти ҹәhьмәт мундә, гәйгуhорә
    зомундәм мә.

    Һьәсәл буhо ховә хуно әз пинәки дәм
    зәрәнки,
    Ә сәр зани сәр вонорә, чумhой hьорә
    ховундәм мә.

    Ә мәрдйәти нәс ҝγнҹγсдә, одохлγрә
    гәмлγ дирәш,
    Әшгйәтирә хьолол хундә, тәhьрифирә
    товундәм мә.

    Мәҹнунйәти рәhь норәнки әри сабур ән
    Әлдариш,
    Әз тәхьнойи гуйлу рафдә, hьәрсhой чумә
    овундәм мә.

    Һьәрγслγйә хушмәст

    Войисдәни мәлхьәм вγнγм hоволγйә
    нәфәстγрәш,
    Йә ҹиройҝә тәлхьәм нинγм ловолγйә
    хьәвәстγрәш.

    Кγлγнҝ зәрә ҝәрәк нибу Фәрhадбәндә
    Шоhдогирә,
    Ә сарайhо мичарунум синәлγйә гәфәс-
    тγрәш.

    Имидhорә hьәдәтhойи ә кумәки са-
    бурәвоз,
    Гисмәт буhо бәхт миданγм hовозлγйә
    у сәстγрәш.

    Дγлхγрдирә кәширәҝор шәвγш рузлу
    митав бирә.
    Ә ҝәрдәнмә бийо дәнγм гәнәтлγйә дγ
    дәстγрәш.

    Әлчәгирә бурбундәҝор чум вонорә ә
    сәр hьовун,
    Әри хуби мивәрзунум Тиролуйә йә
    пәстγрәш.

    Боворими сохдәҝорhо софлγтәйγт ә
    әшг ҝиро,
    Һьәмәллγйә шор нихунум ҹиролγйә
    йә кәстγрәш.

    Бихьγрмәти гуй тәhәри ә ҹγфт гәнәт
    ворвориhо.
    Мизузәйә бәхт миҝуйум тилсимлγйә
    дәр нәвстγрәш.

    Ҝоф-ҝәләҹә шовундәйи ошкор hишдә
    нәтиҹәрә,
    Ә ҝушhоймә хош мидорум мозоллγйә
    йә вәстγрәш.

    Һьәсмумәндә ковуйирә ә руй овhо нәхш
    зәрәнки,
    Дәрйоhмәндә боҹлγ мγйнγм γзҝγмлγйә
    йә ләстγрәш.

    Һьәрγсмәндә бәхтәвәрhо нәнуйhорә
    хундә вәhьдә,
    Әз hьәилhо сурог мәҝрγм – ҝуфәрәйә
    дәбәстγрәш.

    Одохлуhо ҹγфтлγ-ҹγфтлγ ә гәд ҝγлhо
    вәҹәсдәнки,
    Мγhбәтлγйә богчә муҝйум – чинорлγйә
    вәләстγрәш.

    ХУДОмәндә Тиролуhо таза гәрор бәхш
    дорәнки,
    Әлдарлγйә гисмәт митам – hьәрγслγйә
    хушмәсттγрәш.

    Тоҹ шәhәрγм

    Ә софә дγл шγбhә зәрγм,
    И митирә тәкәй бәрγм?

    Хәндәйә лов хәйоллу мунд,
    Бихьоллγйә сад тәhәрγм.

    Зәхьәрлγйә руй бурбунди,
    Һәчиданки миҹәй шәрγм.

    Товушә руз торик дори,
    Ә сәр ризhой шәви дәрγм.

    Рачә богhо вишә нори,
    Ҝγлhош паҹи, - дγлгәбәрγм.

    Ә ҝушмә дә - сәс хәндәй йор,
    Бәлкә мийов, ҝушхәбәрγм.

    Мәскән мәрә дәҝиш сохдум,
    Әз бәхтлγhо зәвәр вәрγм.

    Ҝоф бәбәhо дγрγст бири,
    Мозолмәндә сой –гәдәрγм.

    Вәтән Әлдар – Израили,
    Йәршолойим – тоҹ шәhәрγм!

    Бәднум сохдум

    Думон-хγрә лов-тум сохдум,
    Сәнг-кәрпичә туз-гум сохдум.

    Әз гәд богчә-бог ҝирошдум,
    Ә тоҹ ҝγлhо сәлт чум сохдум.

    Бәhәр дорhо гәдәрсγзи,
    И ҹәннәтә од-нум сохдум.

    Һьәсәл hьәнҝhо – дәhьәм ҹуни,
    Пәтәкhорә әз мум сохдум.

    Асдараhо әз дур – дури,
    Ә мәнҝ шәви hγҹγм сохдум.

    Овhой дәрйоh тов-товлγни,
    Чап зәрәрә - γзҝγм сохдум.

    Гушhо мәhьни вәтәнә хунд,
    Чор тарафа сγст-ҝγм сохдум.

    Әз хьәсрәти чум вокундә,
    Муйhой йорә гγҹум сохдум.

    Әз хәлг ҹиро нәҝәшд Әлдар,
    Хγшдәнхоhә бәднум сохдум.

    Дурими, йор

    Һьγмγр рафди, зурими, йор?
    Шори дγлтγ пурими, йор?

    Ҹузләй мәрә кобоб сохдәй,
    Тγрә инсоф бирими, йор?

    Ҝәрми аташ йәлов зәри,
    Тγ әйи хьол дәрими, йор?

    Хьγҹәт зәхьмә нә пойунди,
    Ә әшг локо зәрими, йор?

    Лγнҝ пойhорә аста нори,
    Хәбәрдор тγ шәрими, йор?

    Ҝγлhой богчә нә паҹири,
    Тәлγhойу вәрими, йор?

    Һьәрәчиhо бγхтγ воно,
    Хунәй мәрдγм гурими, йор?

    Туршов гисмәт дәhьәмә кγшд,
    Бәhәр мγhбәт ҹурими, йор?

    Сәдиглγрә бихәйр хунди,
    Чумhой мγhбәт курими,йор?

    Әз бигәдγр дур мунд - Әлдар,
    Мозол әз бәхт дурими, йор?

    Шор миҝрори

    Әз хьәвәстγ дγлмә шори,
    Хушбәхт ҝәрдош ә руй хори.

    Гир-гир мәхун бәнд муйhорә,
    Шунәй сәртγ – пар ворвори.

    Һьәйбмәндәлγ мәбош әз кәс,
    Әшглγ бирә - сγрхә кори.

    Әз ҝγйчәки нәхшлγ мундә,
    ХУДО тγрә әгγл дори.

    Фурмуш мәмун әз ҝоф садан,
    Хостәй ән нәвс – дәhьәм hьори.

    Хостәлγhо дәрдлγ бирә,
    Гәйгуhошу сад hозори.

    Раса бәсдим ә дор тути,
    Гәл дәшәндә, ҹәйим вори.

    ХУДОлγйә Тиро хундә,
    Мәҝу: «Бәхтмә - ҝγнохькори!»

    Гәймоглγйә дәhьәм имбу,
    Әз хушә руз ки визори?

    Тә ҹунтγ сог hисди, Әлдар,
    Әз рәхь дузи шор миҝрори.

    Нәс тәрсирә

    Әз зуhун шән ҝоф бәхьсирә,
    Ә кγл дәшән боф нәхьсирә.

    Тиҹә чумhо дγрγст дирә,
    Митро мәхун – рәхь вәрсирә.

    Гилинҹ човгун мәйду хундҝә,
    Ҹуну согhо чγ ләрзирә?

    Тубо нисдҝә шәр бәдирә,
    Кγчмиш имбу әз тәхьсирә.

    Әгγл ә сәр дәбирәҝор,
    Рушум нитав тγнд хәстирә.

    Виҹдону пак – сγрхәлγhо,
    Кут мисоху дәс гәсдирә.

    Гилиг никә тоҹ ҝγрγhо,
    Әшг – мγрбәтә hә вәс дирә.

    Товушлуни мәнҝ – асдара,
    Тәйтә сәбәхь нәс хисирә.

    Һәр рачә руз хьәвәс дорә
    Һәр йәтимә, hәр йәсирә.

    Дәрдә ә дγл мәдор, Әлдар,
    Кук хәлг әз гәм нәс тәрсирә.

    Зу сухундәм

    Шәрәш әз бәхт ворухундәм,
    Нәвсәш әз ҹәхьт вурухундәм.

    Нәшумоймә гәлпә дори,
    Чумәш тγсγз нә хγсундәм.

    Мәҹнунлγйә тәмарузум,
    Ҝоф-ҝәләҹәш нә бγхтγндәм.

    Офдумлγhо шәклγ бирә,
    Ләзәтγрәш нә мәхьундәм.

    ХУДОлγhо рәхьми дирә,
    Зәхьмийγрэш нә рγхьундәм.

    Сәдигирә тәрҝ нә сохдә,
    Рушумирәш нә тухундәм.

    Пишой рәхьә бәсдә ҹиҝә,
    Богруй йодәш пуч тәхьсундәм.

    Гәриш сохтәй вәhьдәй вәхтә,
    Губәш ә фурм кγл ҹγхундәм.

    Ә хьәсрәттγ домундәйи,
    Һьәрс мγhбәтәш сур рухундәм.

    Әз торики мәтәрс, Әлдар,
    Шәhьәм дγләш зу сухундәм.

    Һγмγрлγйә кәмлγнγмҝәш

    Хγсγhорә нивохсунум хәндәлγйә бәм-
    лγнγмҝәш,
    Гутинәрә нидохсунум мәндәлγйә гәм-
    лγнγмҝәш.

    Хәйолмәндhо парлγниҝәш ә руй hьәсму
    һγндириhо,
    Гәд ҹиҝәрә нисухунум мәрдәлγйә фәм-
    лγнγмҝәш.

    Дуроловуш тγнд мәдиров, нур офторә
    тор хунуhо,
    Лово-тәшво нимухунум зийодийә нәм-
    лγнγмҝәш.

    Әз бәдиhө руй вәҝγрдҝәш хәйонәтә
    соф тануhо,
    Чум әшгирә нихγсунум мγhбәтлγйә
    дәмлγнγмҝәш.

    Йә мәхьәлиш бәhәр нидγ хγшҝә лγҝәй
    кәлә дорhо,
    Дәрдлγйә hьәрс нирγхунум говрәлγйә
    нәмлγнγмҝәш.

    Ә рәхь ХУДО ҝовлә ҝәшдҝәш алмазлγйә,
    пойhой Әлдар,
    Зийодә руз нимухойум, hьγмγрлγйә кәм-
    лγнγмҝәш.

    Чγ сохдәнγм

    Йослγhорә дарамнγhо ҝирйәй хорәш чγ
    сохдәнγм?
    Говрәhорә варавнγhо сийә торәш чγ
    сохдәнγм?

    Әз рүхшәнди кук нийо бу тәhьәрифә
    вәҝирлγhо.
    Ҹовонирә пиринγhо тәлхьәй шорәш чγ
    сохдәнγм?

    Брилийантә гош ҝәрәки ҹγфтә ҝушвор
    hьәрγсhорә,
    Ә чирәhо нивәрзγhо ҹурай дорәш чγ
    сохдәнγм?

    Ә зийодә нәфсhо ҝиро соги ҹунә нибу
    дошдә,
    Әз бихьоли hьәрсунуhо хьәйой hьорәш
    чγ сохдәнγм?

    Ә миллйонhой сойи ҝиро hьγмγр дураз
    нитав бирә,
    Ләпәhойу тәлхьγнγhо хәрәй ворәш чγ
    сохдәнγм?

    Әз γшγг чум зийодтәйи севҝилийγ әри
    Әлдар,
    Бәдбәхтирә бийоруhо γзҝәй йорәш чγ
    сохдәнγм?

    Йорлγнγм мәш

    Тиробәхьси нийо танγм, чәhьмәтлγйә
    хорлγнγмҝәш.
    ХУДО тәрси бийо танγм, мγhләтлγйә
    һьорлγнγмҝәш.

    Ә бәдә руз мийофдонут - билойигә
    войҝәлγhо.
    Рγхшәндирә нийо ҝуйум, шәрбәтлγйә
    борлγнγмҝәш.

    Офуррәҝор йәрәг дошди – гилинҹлγйә
    ворворирә.
    Рәхь рәхьмирә нийо бурум, ҹγрhьәтлγйә
    шорлγнγмҝәш.

    Мәндәлγhо рγхь мәбәрγ ә хошә ҝоф би-
    рә ҹиҝә.
    Зәхьләй дγлә нийо бәрγм, зәхьмәтлγйә
    корлγнγмҝәш.

    Богчәй ҝγлә хәзон мийнγ - гудурмиши
    вәҝγрдәнки,
    Гәрәтикон нийо корум, - мγhбәтлγйә
    ворлγнγмҝәш.

    Арзуй дγлә нәсда дирә биhьорлγйә hәр
    кәс, Әлдар,
    Обур-хьәйо бийо дорум, - гисмәтлнйә
    йорлγнγмҝәш.
  20. Shaul Guest

    Симпатии:
    0
    Баллы:
    0
    Мәбәр мәрәш

    Билойигә кәмихьтибор мγнγк доҝә
    гәбәрмәрәш,
    Дәрдәҹәрә йор мишинγ нимәҹунә
    хәбәрмәрәш.

    Ә хушә руз гисмәт нибу, γшγг чумә
    кγшдәҝорhо,
    Гиндог зәрә ә фурм hьәйил ә сарай дγл
    дәбәр мәрәш.

    Бог-богчәрә дәшәндәнки ә сәр нәрмә
    хокhой хори,
    Йәршолойим нишон дори hьәсәллγйә
    бәhәрмәрәш.

    Гәнәтлγhо пар зәрәнки мәләк тәhәр ә
    руй hьәсму,
    Алмазлγйә гойимлγ тан - шидралγйә
    кәмәрмәрәш.

    Шәhьәмлγйә хьәлим имбу дγлγ әз сәнг
    бирәҝорhо,
    Годо-гурбу бирә ҹиҝә зийод мγдγт сә-
    hьәрмәрәш.

    Гәрбол зәрә нә вихдиҝә рэхь Тирорә
    әҝәр, Әлдар,
    Гимиш сохдә, әй ХУДОй hәгг, әки хүш-
    дә мәбәр мәрәш.

    Чγтам бурам

    Мγhбәтйәти ә гәм дәҝә ә у hьәрәш, -
    чγтам бурам?
    Мәҹнунйәти ә дәм вәҝә ә дог-дәрәш, -
    чγтам бурам?

    Рәхьми дγлә хәрҹ сохдәнки әри бәдә
    биhәгглγhо,
    Вир сохдиҝә әгγлмәнди әгγл сәрәш, -
    чγтам бурам?

    Әз хьγвсәлә вәдарафдә зэхьми ХУДО
    боҹ бәрдәнки,
    Үткәмлγйә парлγ дирә дурәй шәрәш, -
    чγтам бурам?

    Ә ҝуҹ ҝиро дананмәндә ә гәд гәфәс
    дәшәндәнки,
    Дәрдәҹәрлγ бурра бәгдә базуй нәрәш, -
    чγтам бурам?

    Аташ офто офдорәнки ә гәд ҝәрми тә-
    нγйә әшг,
    Шәhьәм синә хьәллγниҝә тәhәр кәрәш, -
    чγтам бурам?

    Сади бисдә ә сой норә, чум Әлдара
    бәсдҝә hьәҹәл,
    Әз и рачә зиндәҝуни гәнәт зәрәш, -
    чγтам бурам?

    Әҹә мурай

    Дур-думоглу нγшдә-нγшдә әҹә мурай
    hәчи, әй йор?
    Хьәвәс дγлә кγшдә-кγшдә әҹә мурай
    hәчи, әй йор?

    Иштоhлγйә тәмәхьлγhо имид бирә ә
    сабурhош.
    Гәлпәй мәрдγм тә вәхγшдә әҹә мурай
    hәчи, әй йор?

    Инсофлγрә рәхьмhойуни, әз тур гәрбол
    виҹирәнкиш,
    Ә сәр синә зәрә мγшдә әҹә бурай hәчи,
    әй йор?

    Тирохунhо хуб танустә дәhьәм шобот
    ҝγрдәйирәш,
    Сγпγл шәhьәм тә ҹәгγсдә әҹә мурай
    hәчи, әй йор?

    Әшг нә мγhбәт вәравундә пура сифрой
    ән никирәш,
    Зәхьмhо әз hьор тә чәмγстә әҹә мурай
    hәчи, әй йор?

    Әз хәйолhой hьәсәлйәти - ХУДОй Әлдар
    шор дорәнкиш,
    Чумhо әз хов нә дәнγшдә әҹә мурай
    hәчи, әй йор?

    Зиндәҝуниш hәдәри


    Һәр вәлҝ Тиро ә hьориhош - вәбәри.
    Һәр руз ХУДО ә шориhош - дәбәри.


    Мозолhорә ә гәрболhо низәнγт,
    Ә бәхт ҝиро хостәйирәш гәдәри.


    Сәдигhорә гимәт нибу ә дγнйоh,
    Михәнәтhо әз дγ-йәкиш бәтәри.


    Мәҹнунлуhо обур-хьәйо тә дошдә,
    Лейлиhорә әшг-мγhбәтγш кәдәри.


    Гәлпә дγллγ мисә ә сγрх суй доҝә,
    Сәррафлγрә әз hьәмәлγш хәбәри.


    Нәданлγhо ә сиб Хьово вәмундҝә,
    Зәхьәрлγйә ҝоф ләhьәйγш хәсәри.


    Ә вәhьдәйγ ә суд рγхьhо, ой Әлдар,
    Бил нә ҝуйут: «Зиндәҝуниш – hәдәри!»

    Әзтγ ҹиро нитам бирә

    Дог ә тәпә чарусдәнкиш әзтγ ҹиро нитам
    бирә,
    Сγрх әз дәбә парусдәнкиш әзтγ ҹиро
    нитам бирә.

    Ә ҝовләйи пой донорәм, ә чумhойтγ бәнд
    бирә вәхт.
    Бәд әз ковнә варусдәнкиш әзтγ ҹиро
    нитам бирә.

    Хилоскәрә сәдиг бирәм, ә палаша әшгтγ
    ҝиро,
    Дор әз бәhәр ҹарусдәнкиш әзтγ ҹиро
    нитам бирә.

    Парчоhлγйә тәхтә дирәм, ә ширинә
    хәйоләвоз,
    Гош ә ҝушвор зарусдәнкиш әзтγ ҹиро
    нитам бирә.

    Гәнәтлγйә ҝәмилγнγм, ә Тироhо сәр
    зәрәнҝи,
    Ов ә дәрйоh шарусдәнкиш әзтγ ҹиро
    нитам бирә.

    Шоhирмәндә мозол чирәм, ә шорә рγхь
    Әлдаровоз,
    Бәхт әз hьәсму сарусдәнкиш әзтγ ҹиро
    нитам бирә.

    Әҹә рафдә

    Ә бихьолә дәрдирәвоз гәнәт зәрә, әҹә
    рафдә?
    Ә hьγмγрә гәрдирәвоз гәнәт зәрә, әҹә
    рафда?

    Мәсләхьәтhой дин-дәhьотә ә вәhьдәйγ
    нә ҝγрдәйҝә,
    Ә зәхьәрә зәрдирәвоз гәнәт зәрә, әҹә
    рафдә?

    Хуб-хәрәбә нә виҹирә, ә сәр хьγҹәт
    вәбирәйҝә,
    Ә лолийә пәртирәвоз гәнәт зәрә, әҹә
    рафдә?

    Мозолhорә гиндог норә, әнҝγлγрә
    вошәндәйҝә,
    Ә hьәмәлә шәртирәвоз гәнәт зәрә, әҹә
    рафда?

    Ә хьәримә бәхширәвоз милйонhорә
    шумордәйҝә,
    Ә гуморә нәрдирәвоз гәнәт зәрә, әҹә
    рафда?

    Ә нум ХУДО лойиг буhо, Әлдар, йә руз
    нәдирәйҝә,
    Ә кон дγлә бәрдирәвоз гәнәт зәрә, әҹә
    рафдә?

    Тәхьно мәйил

    Шор дγнйоhә вәчирәнкиш нәбу тәхьно
    бийли мәрә.
    Дәрд hьиломә кәшрәнкиш нәбу тәхьно
    бийли мәрә.

    Шәвлγйә мәнҝ тов дорәнки ә сәр пәрдәй
    коврә hьәсму.
    Губhой дγлә дәчирәнкиш нәбу тәхьно
    бийли мәрә.

    Ә сурлуйә хәйоләвоз дәс Хьоворә ҝγрдә
    вәhьдә,
    Шоhмор бәди ҝәзирәнкиш нәбу тәхьно
    бийли мәрә.

    Ә hәндәвәр асдараhо, - ә сәр сифрой ән
    мәләкhо,
    Ә хьофт гәти вәбирәнкиш нәбу тәхьно
    бийли мәрә.

    Һьγмγрлγйә котубәрәш вәрәг-вәрәг әри
    хундә,
    Ә суд ХУДО дәбирәнкиш нәбу тәхьно
    бийли мәрә.

    Рәхь ҹәннәтә очуг hишдә - Офуррәҝор
    хьγкм дорә вәхт,
    Нум Әлдара вәҝирәнкиш нәбу тәхьно
    бийли мәрә.

    Софлу бошҝу

    Шиниhорә әз йор мәшән, гәм-гγссәрә
    дәчирәнкиш,
    Чиниhорә ә вор дәшән, дән мγздирә
    вәчирәнкиш.

    Һьәрәсγзә нәзник мийов бинәлγйә дур
    буравhо,
    Ә зир пойhо мийофдону кγкhошурә нә
    чирәнкиш.

    Һьәрсийә чум нитав бирә, кор ХУДОрә
    вәрзундәҝор,
    Шоhә догhо ә ләрз мийов, әз хьγкмиhой
    ән зирәнҝиш.

    Офуррәҝор нивотову hьәрγс хунә гәм
    хурдәнки,
    Ҝузҝилнйә чат мизәнγ, хьγвсәләhой бәдә
    тәнҝиш.

    Ә чγп ләмбә той нийо бу - йәсир мундә
    соворәhо
    Асдараhо ҝирйә мγнγ – ворушhәнҝи ә
    фурм мәнҝиш.

    Мγhбәтйәти нур дорәнки, әз хостәйи
    нәвстγ, Әлдар;
    Согләмйәти софлу бошҝу - әри дузиш,
    әри ләнҝиш.

    Шидрай кәмәр

    Әз йор гәhри нитам бирәш, hьәҹәл тәйтә
    рγхьә бәрдә,
    Һьәсәллγйә hьәмәлhойуш әз бихьоли дγл
    вәбәрдә.

    Гиндоглγйэ гәл ҝγрдәнки воруш дγhо
    hьәсмуй бәхтә,
    Әз пәрдәhой ән думониш чалмалγйә сәр
    дәҝγрдә.

    Әри софә хостәҝорhо, ХУДО дийәш тә
    рәхьм дорә,
    Мәнҝәлγйә товә руйуш, ә гәриш дγл, ә
    зәвәр дә.

    Әз хушбәхти дәм низәнγ, нур офторә нә
    дирәҝор,
    Русмулуйә имидhойуш ә ҝоф шори ән
    хәбәр дә.

    Ә дәс гилинҹ нитав ҝγрдә, хори пойу
    говгушлуhо,
    Әз ҹыҹаhо паҹириhош пәләмγрдлγ ә гәд
    шәр дә.

    Мәhәббәтә гимәт дγhо сәрсон нитав бирә,
    Әлдар;
    Чунки, γлγк мәлхьәмийγш ә шидраһой ән
    кәмәр дә.

    Чирә ворhо

    Әз hьәрс чумhо руй нишуру, әгγл сәрγ
    бирәҝорhош,
    Ә ҝовләйи нивадаров дәрд hәр рузә
    чирәҝорhош.

    Локой гәнәт нәс вомундә ә сәр hьәсмуй
    ән суриhо;
    Һич хьәсγлиш нә оморәт ә чум хγшдә
    дирәҝорhош.

    Мәҹнун сәйәг ҹар зәрәнки фурмунийә
    хосдәхундhо,
    Кунпәсәво нәс воҝошдә ә әшгәвоз бирә
    корhош.

    Рγхшәндлγйә ҝоф нийо бу әз пирйәти
    оhилиhо,
    Һьәсәллγйә бор овурдә, сад салирә дирә
    дорhош.

    Хьәсрәтлγйә «hой» дорәнки, Сифир-Тирой
    Офуррәҝор,
    Шолйәхьлγйә рәхьм войәрдә, ҹәhьмәтлγйә
    пирә хорhош.

    Әлдарбәндә ошуглу бош, ә сәр аташ ән
    хостәйи,
    Нобҝә кγмγр-кγл рухундә, - әз hовойи чирә
    ворhош.

    Һьәрγслγйә дәс

    Әз тәшнәhой ән хостәйи ә бәнд муйhо
    бәсди мәрәш.
    Ә руй дγнйоh ошкор сохти мγhбәтлγйә
    гәсдимәрәш.

    Әрковонлу хошлу бирә, - ә кәф пәнҹә
    дарафдәнки,
    Ә сад ҹиро hьәмәләвоз рушум hисди -
    хәстимәрәш.

    Үшγгмәндә нур фирсорә, чумhой офто
    хәндγсдәнки,
    Ә ов дәрйоh хосдәхунди - чорәлγйә ләс
    ди мәрәш.

    Ә ширинә хәйоләвоз ә хьофт гәти пар
    зәрәнки,
    Чγн асдарай мозолмәнди бәхтәвәрә сәс
    ди мәрәш.

    Әз дин-дәhьот шоботйәти шәhьәмhорә
    сухундәнки,
    ХУДОлγйә дәhьәм хундәй хуморлγйә
    мәсдимәрәш.

    Ә имидhой сабурәвоз әз шәрт Әлдар
    парусдәнки,
    Әз лугонди дорунә әшг hьәрγслγйә дәс
    ди мәрәш.

    Чәрх мухуру


    Рәхь hьγмγрә ә торикhо мәбәр, йор,
    Нәфс мγhбәтә ә товушhо дәбәр, йор.


    Әз рачитγ ҝγл чәмәнәш hьәйб омо,
    Ҹар шорирә ә hьәсмуhо вәбәр, йор.


    Әз hьәйили нәхшлγ бирәй әз ХУДОш,
    И бәхшәрә ә хубиhо hә бәр, йор.


    Хушбәхтирә гәнәт дорә - ихьтибор,
    Сәдигирә гәриш мәсох ә шәр, йор.


    Һозор ҹиро чорә дирә мизузәш,
    Парсалγйә килит мәзән ә дәр, йор.


    Кγклγ нибу гуморлγйә hьәмәлhо,
    Тиролγйә имид мәни ә зәр, йор.


    Дәрдәҹәрә Мәҹнун буhош чγн Әлдар,
    Хорилγйә чәрх мухуру ә сәр, йор.

    Әз шоритγ

    Шәрбәтлγйә бәhәр дγhош кγкәй дорум,
    әз шоритγ,
    Ә човгунhой зумустуhош ҝγл мийорум,
    әз шоритγ.

    Билойигhо ҹар дәшәндә, тәрс нәдγҝу
    бәдидорhо,
    Ә сәр Сифир ән Тироhош солист хорум
    әз шоритγ.

    Ә бог ҹәннәт ҹиҝә офдә сәдигә рγхь
    бирәҝорhо,
    Ә нγкәри мәhәббәтиш hьәдәткорум әз
    шоритγ.

    Дәр пирирә шор вокундә, - оhилирә
    дирәҝорhо,
    Әри сабур имидиhош хьәйой hьорум
    әз шоритγ.

    Әз ҹилитhо сурог нидγ, нур офторә
    чирәҝорhо,
    Ә бәхтлγйә имисалиш - ә фурм порум
    әз шоритγ.

    Софә кәлмә тикәй сγрхи әри тиҹә гәләм
    Әлдар,
    Вор-дәвләтә дәчириhош сәхьибкорум әз
    шоритγ.

    Әгүл мидүт

    Йәбойкәhош бисуроглу йон мәҝирор
    дирәнки,
    Руй гутинәш нифурогу чумо хумор
    бирәнки.

    Һич фәләкиш нитав хундә ҹиролγйә
    нәфсhорә,
    Дγл асдараш имбу доглу, колә бәхтә
    чирәнки.

    Бәхтәвәрә ХУДОй hьилом фикир дорә ә
    рәхьмлγ,
    Шәх-шәхәhош – ов булоглу нитав рихдә
    зирәнҝи.

    Хосдәҝорә ә вәhьдәй вәхт бийо ә дγл дә-
    бәри,
    Бәгдәтәhош рәхь очуглу губ миойру ә
    тәнҝи.

    Ҹунсогирә хγшҝ мисохут, - рихдә-рихдә
    hьәрсhорә,
    Сәбәблγhош шеh гуроглу – офто сәйәг ә
    ҹәнҝи.

    «Бәниҝору» хундә-хундә, дәс Әлдара
    ҝγрдә вәхт,
    Сәррафлγhош хушбәхтбәндә әгγл мγдγт
    пирәнҝи.

    Ҝовләйи бәр


    Ә хьγршәвоз тγhмәт мәди hьорлγрәш,
    Ә әшгәвоз ҝәрми дγл ди шорлγрәш.


    Сәдигhорә сийә шγбhә нәс бирә,
    Дәhьәмлγйә бәhәрлγ дан борлγрәш.


    Лейлибәндhо ә бим мγрбәт офдорә,
    Әз коhнәйтγ хиник мәсох йорлγрәш.


    Һьәдәткорә әз hьәсγлγ шинохдәт,
    Ҹәhьмәтлγйә хьәйолу ҝу хорлγрәш.


    Хьγрмәтбәндә бәхшийәти йә ҝγлиш,
    Хосдәлγйә богчәлγ хун дорлγрәш.


    Бигәдγрә инсоф нибу софолγ,
    Мәлхьәмлγйә чорәлγ хой корлγрәш.


    Әз пәшмуни тубо дирә чγн Әлдар,
    Ә нурлуйә ҝовләйи бәр торлγрәш.

    Рәхь садан


    Дуразлүйә бәнд войурдәм муй тγрәш,
    Хәйоллүйә тγнд овурдәм суй тγрәш.


    Әз бәдиhо гул-базуhо ләрзирә,
    Йә мозолә бәхт танусдәм руй тγрәш.


    Хублу буhо, әз hьәсγлhо ҹар зәрә,
    Ә рачиhо дәҝиш нидγм буй тγрәш.


    Бәхтәвәрhо сәрә ә сәнг нәс норә,
    Гучогбәндлγ гимәт дорәм гуй тγрәш.


    Әгγлмәндhо әз Тироhо рγхь дирә,
    Ҹәhьмәтәлγ вәдәбәрдәм ҝуйтγрәш.


    Хосдәхундhо ә әшгәвоз тоҹ бирә,
    Чигиндлγйә вози дирәм чуй тγрәш.


    Рәхь садана бурра вәhьдә чγн Әлдар,
    Кочуклγйә мγшд виҹирәм куй тγрәш.

    Лойигә вәҝири


    Дәрдә әз күк митав чирә сурр фикир,
    Гуй-гәләндәр нитав бирә бир-нәбир.


    Ә ҝγләвоз варайисдә чәмән-чγл,
    Әз хьололи войγрдәйи миҹәй шир.


    Хәндәйә лов бил бошҝу гәбәрлγ,
    Әз зутәhо бәhәрлγни дирә-дир.


    Хиникә хов – нийов әз ҝәрм лγхьγчәк,
    Әз чум офто нур вәҝγрди зәвәр-зир.


    Һьәрс бәдирә, нирухуну дәрәй дог,
    Әз ҹәйронhо йон миҝрору ҝулләй гир.


    Әз дәрйоhиш лугонтәйи бинәй әшг,
    Әз пәнҹәй дәс ә дур нирав вирә-вир.


    Ә фурм Әлдар шор хундәйи әз Тиро,
    Ә чум ХУДО – сәдиглγни нум вәҝир.

    Чү сохум


    Монухьойи йә гәрдиҝәш чγ сохум?
    Ҝоф ләhьәрә нә ҝγрдиҝәш чγ сохум?


    Хуш дγллγhош ә бәд hомон чарусдә,
    Губә ә дγл дәбәрдиҝәш чγ сохум?


    Ә сәhьәр гур бәнд бирәйи зиндәҝун,
    Бихьγрмәти hә дәрдикәш чγ сохум?


    Хурдәйирә вәкуфдәнки hьәсмуhо,
    Сийә шолә дәҝγрдиҝәш чγ сохум?


    Әшг-мγhбәтлγш ҝиләй-ҝγзар ҹусдәйи,
    Ширнә ҹунә вәҝγрдиҝәш чγ сохум?


    Ә чγләкон хосдә-хунди офдорә,
    Руй гутинә зиб-зәрдиҝәш чγ сохум?


    Ә гонунhой ХУДО ҝиро, ой Әлдар,
    Һьилом вози йә нәрдиҝәш чγ сохум?

    Сипи мәсох


    Әз гәм хуриш Лейли мәҝу хушдәрә.
    Әз ҝирйәhош hьәдәт мәҝи кγшдәрә.


    Һәр кәлмәрә ҹиҝәйγни сәдәфлγ,
    Ә лов ләhьәш hәрбой нибу мγшд зәрә.


    Хостәйирә гәдәр нисти бәhәмлγ,
    Ним-ноhогиш хьәрсо мәйил дәр мәрә.


    Офтойисγз рузәш имбу торундә,
    Думонhорәш hьәрслγ мәзән ә хәрә.


    Мәнҝ шәвирә - гошиш хунди шоhирhо,
    Ҝуфдурутҝәш бовор мәсох hич кәрә.


    Сур мγрбәтә нә вәкундәт һәләмиш,
    Сурогhорәш рγхшәнд мәйил ә hьәрә.


    Рәхьм ХУДОрә фубәрдәнки чγн Әлдар,
    Әз фикирhош сипи мәсох муй сәрә.

    Әшглүһош


    Әз офтош нур вәкγрдә әшглγhош,
    Әз мәнҝәи сур дәҝγрдә әшглγhош.


    Туш бирәнки гисмәтлнйә ҝγрγшhо,
    Пой вәчирә хγрдә-хγрдә әшглγhош.


    Ҝоф-ҝәләҹhо әз ихьтибор рихдәнки,
    Зәрдлγ-зәрдлγ ранҝ сγпәрдә әшглγhош.


    Әз кәләтә шәһьәмлү хьәл бирәнки,
    Ә сарай дүл губ дәбәрдә әшглүһош.


    Бор чирәйи әз әгγлhой дананhо,
    Овә хуно hьор фγбәрдә әшглγhош.


    Асдаралγ сухдә-сухдә шәhьәмhо,
    Ә мәлхьәми ән hьγмγр дә әшглγhош.


    Һьәйблγ-hьәйблγ ухшәш зәрә ә Әлдар,
    Әз гәсд мγһбәт әдәй мγрдә әшглγhош.

    Әшглүйә шори


    Нә танусдум чγ бириҝә ә hьәрәш,
    Йә сад ҹиро мәhьно дори ҝоф шәрәш.


    Мәлкәмутhо әз хов зутә вәхγшдγт,
    Войисдγт ки, шир вәҝγрγт әз кәрәш.


    Гәрәгәтрә нифрәт хундут ә офто,
    Гәрәнтγйә сийәйи ҝγрд дог-дәрәш.


    Фәләк сәйәг ә дәс, ә пой офдорут,
    Ҹәhьм бисдорут ә дγ-йәки дог зәрәш.


    Вәпичγрγт әз лγҹγhой мәhәббәт,
    Тойә зәрγт гәмлγйә дәрд – кәдәрәш.


    Аташ рухунд бирәнгинәй ҝовләйи,
    Шивән офдо, сой нә бисдо гәдәрәш.


    Рәхьми ХУДО – софлу дирә Әлдара,
    Ә әшглγйә шори чарунд hәдәрәш.

    Ә сәс тү


    Ә hәр шори хинә вәни ә дәс тγ.
    Әри сад кор зийод бошҝу хьәвәс тγ.


    Бил сәнгhорәш йармиш соху ух виҹдон,
    Дγл асланиш довом нидγ ә бәхьс тγ.


    Әз ҝовләйә богчә чиним ҝγлhорә,
    Битәмизә хәтәр нийов ә нәфс тγ.


    Азадирә войисдәҝор – чγ амбар,
    Руй пәләнҝиш раст нәйово ә нәхьс тγ.


    Кγкγ мγхькәм буhо дорhо бор дорә,
    Йә дγнйоһлуг бәхшә дәри ә вәс тγ.


    Ә лγҹγй әшг бәмзәрлγни русмуhо,
    Сириг мәнγ ә далгаhой нәфәс тγ.


    Чγн ХУДОйи шоhид нибу, ой Әлдар,
    Әз hьәйили ошуг бирәм ә сәс тγ.

    Гисмәт бәрдүт


    Рузә хуно кутәхь бисдо мәhәббәт,
    Вәрфә сәйәг хьәлим висдо әгибәт.


    Хьγкγм йә моч йәлов вәнҝәсд ә ловһо,
    Кγмγр фурми ә кγл чаруст hәгигәт.


    Йә кәлмә ҝоф мγшкγл омо ә ләhьә
    Әгγл мувәхь чорә нә офд әз hәлбәт.


    Ә нәкуми ҹилит вәҝγрд хорирә
    Һьәрә дорә, мозол нә рихд әз сәбәт.


    Гәрәнтуйә хьол диромо ә чумhо,
    Моҹол нә мунд әри сохтә вәсийәт.


    Тәнҝи нәфәс губ дировунд ә гәд дγл,
    Ҝγлhой сәвҝи зәрди вошәнд гәрәгәт.


    Тиҹә гәләм буховлу мунд килитсγз,
    Рγхь Әлдара гисмәт бәрдγт ә хьофт гәт.

    Хосийәтәш зу вәҝи


    Ҹиро бирә чәтиникәш әзйәки,
    Ҹγфтлγ мундә бәди, – дийәш әз тәки.


    Нишон дорә hьәсәлирәш әз тәлхьи,
    Чалма зәрә сийә шоләш мәдәҝи.


    Бул бирәҝор әгγл сәрγш әз бинә,
    Һьоширийγ кәм hисдиҝәш йә бәҝи.


    Йә мисголлуг hьор дәриҝәш ә ҹунтγ,
    Әз hьәдәти йә миhьидәш пәс мәҝи.


    Ранҝ-бәранҝи фәсилhорәш хьγкмhойи,
    Һәрдән рузhош, hәрдән шәвhош ҝудәҝи.


    Рγхшәндлγйә хәндәhорәш зәрәнки,
    Хьисоб сох ки, зарафатиш – hәнәҝи.


    Сәрсон тәhәр хосдәниҝәш Әлдара,
    Әз ләшәйтγ хосийәтәш зу вәҝи.

    Гәм нихуру


    Әз хунәйтγ кәм нә бошҝу мәhьәниhой
    мәлхьәмиш,
    Бил рγхь тγрә вәбәрγҝу овоз зили нән
    бәмиш.

    Хушбәхтлγйә руз винирә сәнәhьәтә
    хосдәҝор,
    Шγкγрлγйә хилос бирә әз дәрдиhой ән
    гәмиш.

    Кәләкγтγр дог-дәрәйи гисмәт нисдҝә ә
    руйу,
    Ә нимә рәхь овhой дәрйоh ниимфуравт
    әз ҝәмиш.

    Әз аташһой ҝәрми тәнγ әрәг руйә рих-
    дәҝор,
    Дәмлγ-дәмлγ фадилγйә нун мәҝγрγ әз
    хәмиш.

    Дәhьәмйәти хосдәхундә әз бор мγhбәт
    ҹусдәҝор,
    Шикойәтә нитав сохдә әз амбари, әз
    кәмиш.

    Шорә hьәрсhой мозолмәнди дәхγсундҝә
    Әлдара,
    Офтолγйә нурлу буhо, гәм нихуру әз
    нәмиш.

    Гиймәтлү тан


    Нурә хуно чорәлγни нәфәстγ,
    Әз боҹлγйи мәйофдоно хьәвәстγ.


    Йә кγлγнҝиш йә сәнг нитав ҹумундә,
    Гәләбәндә сарай дγли гәфәс тγ.


    Ә hьиломиш ухшәрийγ нә буhо,
    Йә ҹиройҝә мәлхьәм дәри ә сәстγ.


    Тәшнәлγйәш ҝиснә нисди тγндә әшг,
    Йә дәрйоhлуг сәрвәт дәри ә нәфстγ.


    Нәдоворәш бәхшипару сохдә вәхт,
    Бγхьγрмәти нә бурбундәй ә кәс тγ.


    Әз ХУДОйиш хьәлолбәнди дириhо,
    Йә дγнйоhлуг софо вәри ә пәс тγ.


    Нәсиhәтәш гиймәтлγ тан чγн Әлдар,
    Әри мγрдәш разиҝәрγм ә дәстγ.

    Гәһри мәбош


    Минәтлγнγм, мәрә ә сәр бийофдон,
    Синәтлγнγм, ә дәр-бәдәр мәйофдон.


    Хушбәхтирә әри дошдә hьγмγрлγ,
    Сәбәб нибу нә йә шγhрәт, нә йә шон.


    Ә мәнҝәнә офдорәнки hәгг дузи,
    Чорә нидγ нә йә парчоh, нә йә хон.


    Тирохунhо ҝәрдундәнки Сифирә,
    Әгγллγhо ҝоф нисоху әз добон.


    Сабурhорә ҹару зәрә руз-бәруз,
    Имидлγйә чорә мәхой әз hомон.


    Софә әшгә сухундиҝәш кγмγрлγ,
    Оhиллγйә ҹовоб нийов әз ҹовон.


    Әнҝγшдәри нә дорәйҝә ә вәхтγ,
    Ә фурм Әлдар гәhри мәбош әз зомон.

    Бәхтәвәриш имбошим


    Ә бәхтәвоз нәхшә нәриш имбошим,
    Ә әшгәвоз сγрхә зәриш имбошим.


    Ҝовләйәти дәҝγрдәнки Вәтәнә,
    Ә һәггәвоз мозол дәриш имбошим.


    Һьәрс шорирә рγхундәнки hьәсмуhо,
    Ә рγхьәвоз хәбәрбәриш имбошим.


    Кәлә-күтүр дәмундәнки ә горбол,
    Ә хьүкмәвоз һьәҹәл шәриш имбошим.


    Шәhьәмhорә сухундәнки шоботhо,
    Ә нәфсәвоз сәрпуш сәриш имбошим.


    Ҹару зәрә дәрдимәнди мәхлугә,
    Ә рәхьмәвоз һүнәрвәриш имбошим.


    Разулуги вәҝγрдәнки әз ХУДО,
    Әлдаровоз бәхтәвәриш имбошим.

Поделиться этой страницей