Эри пуьруьш сохдеи гъэрхундигьоре

Тема в разделе 'Жугьури', создана пользователем ИРА, 16 окт 2010.

  1. ИРА Guest

    Симпатии:
    0
    Баллы:
    0
    Эри пуьруьш сохдеи гъэрхундигьоре

    [IMG]И пушогьо э республикей Догъисту э дуьрузине корлуье визитевоз оморебу жигегир Сернуьш Хьуькуьм РФ, Полномочни нушудорегор Президент РФ э Софун-Кавказлуье федеральни округ Александр Хлопонин. Э омореи хуьшде э Догъисту А.Хлопонин гировунд вохурдеире э Президент республикей Догъистуревоз Магомедсалам Магомедовевоз. Эзумбэгъдоиге э Хьуькуьм РД э рэхьберьети Полпред Президент РФ э СКФО гирошдебу гуьрдлеме э товун разработкеи инвестиционни план Республикей Догъисту. Э корисохи эну бэхш вегирдебируьт жигегиргьой Полпред Президент РФ э СКФО Максим Быстров ве Юрий Олейников, Сернуьш Гуьрдлемей Хэлгъи РД Магомед-Султан Магомедов, Сернуьш Хьуькуьм РД Магомед Абдулаев, Госсекретарь РД Такибат Махмудова, Рэхьбер Администрацией Президент ве Хьуькуьм РД Гасан Идрисов, жигегиргьой Сернуьш Хьуькуьм РД, рэхьбергьой управленией Президент РД, серворгьой министерствогьо ве ведомствогьо ве диеш. Вокурде гуьрдлемере, А.Хлопонин риз кеши, ки э вэхд дуьрузине омореи хуьшде э Республикей Догъисту гереки гировунде гужлуье программей корисохире. - Э вэхд омореи иму пуьруьш мисохим гьемчуьн Стратегией социальни-экономически параменди СКФО, эн Догъистуреш. Имуре гереки гировундеи коргьоре, ологъолуь гьисдуьтгьо э биевгьой нуьвуьсдеи могьлугъэвоз. Иму гоф мисохим э товун хьозурлугъи эки вихдеигьо, комигьоки мие гировунде биевт э республике имисал э мегь октябрь. Иму егъинлуь мирайм э Дербенд, эжеки фегьм мисохим параменди мескене, пуьруьш мисохим пуьрсуьшгьоре, ологъолуь гьисдуьтгьо э гIуьзетевоз гировундеи нишонлуье сал шегьере, пуьруьш мисохим пуьрсуьшгьой пушосерхьэдлуье еклуье корисохире, мирайм э пунктгьой переход. Э эхир вохурдеи, э бинелуье докладевоз э товун э кор венгесдеи инвестиционни план Республикей Догъистре гоф сохдебу Сернуьш Хьуькуьм РД Магомед Абдулаев.

Поделиться этой страницей