Эшгълуье дуьл тербиевегирдегор

Тема в разделе 'Жугьури', создана пользователем ИРА, 16 окт 2010.

  1. ИРА Guest

    Симпатии:
    0
    Баллы:
    0
    Эшгълуье дуьл тербиевегирдегор

    [IMG]Муьгьбетлуье жун жовони, Раче хунчей эн деврони. Бирмундени игидире, Эшгълуь жофо у кешире. Б. Сафанов. Чуьтам мэгIлуьм гьисдиге 2009-муьн сал нушу доре оморени чуьн сал жовонгьо, бинелуье гъосут комики гьисди эшгълуье тегьер бэхшвегири жовонгьо э жэгIмиетлуье политически, экономически ве культурни овхьолет вилеет, эффективни тегьер бегьем биреи программей политикей жовони эз гьемме тарафгьо. Политикей миллети изму гьисди еки эз бинелуье приоритетгьой хьуькуьмети. Зиедие тигъэт доре оморени э республикейму эри ошгор ве кумек дореи талантлуье жовонгьоре. Зиедие стимул эни кор биренуьт грантгьо, доре оморенуьтгьо талантлуье жовонгьоре эз нуминей Президент республикей Догъисту э тараф политикей жовони. Гьеймогьоине школере герекуьт тербиедорегоргьо, комигьореки гьисди буьлуьнде дананигьой соводи, буьлуьнде культуре, школере гереки учитель-творец, учитель-исследователь. Эри параменд сохде гьеммей эни качествогьоре э учительгьой тозе эрхэгьо кумек сохденуьт педагогически колледжгьой республике. Имбурузине ихдилот ме э товун талантлуье духдер хэлгъ имуни, комики бири бэхшвегир буьлуьнде диплом гIуьзети эн Президент РФ. У гьисди хьэвескоре, дилбоше, эшгълуье студенткей Дербентски педколледж Ирина Беньяминовна Исакова. Ирина Исаковна хьэсуьл омори 28-муьн март э 1990-муьн сал э гъэдимие шегьер иму Дербенд э кифлет жофокеш Исаков Беньмин Иовович, комики омбаре тигъэт хуьшдере дори эки э Алла, зен хуьшдеревоз эри дошде ве тербие доре е теке духдер ишуре. Э булуьнде дананигьоревоз бегьем сохде 9 класс хундеире Ирина Исаковна дарафдени э еки эз ведилуье ве верзуьшлуье идорей соводи республикейму, Дербентски педколледж. Хунде дуь курс педколледже, комиреки у томом сохдени э буьлуьнде дананигьоревоз Ирина Беньяминовна э сеймуьн курс гъобул сохдени специализациере –зугьун англиире. Гье эз суьфдеи курс хундеи Ирина сер гирдени эри бэхш вегирде э гьемме гировунде оморебируьтгьо мероприятиегьой эн колледж. Зиреклуье ве божоренлуье студентке бирени бэхшвегир эн е ченд конкурсгьо, олимпиадегьо, конференциегьо, гирошденуьтгьо э гIэрей ССУЗгьой республике. Бэхш вегирде э олимпиадей эз тараф химиеи, гьелем э суьфдеи курс, чуьнки бири еки эз хубе нубовегирдегоргьой эни предмет, у бирени бесгъунбер, ве гъобул сохдени диплом суьфдеи степене. Э 2006-муьн сал э дуьимун курс хундеи Ирина Исакова бэхш вегирдени э жовоне программе «Шаг в будущее» э республикански конференцией жовоне исследовательгьо эз тараф предмет социология («Современная молодежь, поколение надежд, или потерянное поколение»). Бире бесгъунбер эни конференция Ирина гъобул сохдени диплом суьфдеи степене, комиреки гъобул сохдени эз тараф Министерствой соводи РД. Гье э у сал И.Исакова бэхш вегирдени э республикански олимпиаде эз тараф предмет химиеи, гьегенеш вегирдени суьфдеи жигере. Э сеймуьн курс хундеи э педколледж э 2007-муьн сал Ирина генеш бэхш вегирдени э конференция «Шаг в будущее» эз тараф зугьун урусси, темей комики бири «Особенности лингвокультуры дагестанской семьи». Фирегьуне тегьер фегьм сохде оморебу материалгьо эз гозитгьо, гуш веноре оморебу теле ве радиопередачегьо ве диеш ве офде оморебируьт егIэлмишигьо, нушу доре оморебугьо эз тараф средствогьой хэбергьой могьлугъи. Данандее духдер, гьемтарафлуь соводлуь гьисдигьо эз и тарафиш вегирдени диплом суьфдеи степене. Э 2008-муьн сал хундеи, зиедие тигъэт хуьшдере э 4-муьн курс хундеи Ирина Исакова дорени эри предмет культурология. Ве э артгьой эну сал бирмунде келе дананигьоре, у расирени э барасигьо ве бэхш вегирде э республикански конференция «Шаг в будущее» э культурология генеш бирени бесгъунбер эн диплом суьфдеи степень. Имисалиш бирмунде буьлуьнде дананигьой хуьшдере эки хундеи, эгъуьлменде, зиреклуье духдер бэхш вегирдени э республикански олимпиадей эз тараф зугьун англии ве вегирдени суьфдеи жигере. Э вэхд суьгьбет гировундеи Ирина Исаковна э келе эрклуьи ве шориревоз э ер овурд у рузе , кейки 50 жовоне талантлуье бесгъунбергьо кура бире эз е ченд шегьергьо ве райнгьой Догъисту оморебируьт э Махачкале, эжеки э Хьуькуьм РД гъобул сохдебируьт эз дес Муху Алиев Диплом лауреат премией Президент РФэз эри кумекдореи жовоне талантгьоре эз тараф приоритетни миллетлуье проект «Соводлуьи». Гьемчуьн бесгъунбергьоре доре омори 30 гьозор монетгьо эри расире э зиедие барасигьо. Омбар мерэгълуьни, ки Ирина Исакова нисе поисде э вегирде расире барасигьой хуьшде. Уре диеш гьисди метлеб эри вегирде зиедие дананигьой соводире. Унегуьре, имисал хунде э 5-муьн курс педколледж э зиедие тигъэт ве гъувотевоз Ирина Исакова эдее хьозур бире эки бэхшвегирдеи э конференцие э номинацие «Психология». Ве воисдени гуфдире келе согьбоши эри гьемме тербиедорегоргьой эну, чуьн Яфа Шамаевна Бахшиева, Анжела Даниловна Манаширова, Ольга Абасова Леонидовна, Наида Мамедалиевна Агасиевна, комигьоки дорет келе хьэрекетигьошуре эри хуте сохде жовоне духдере эри муьгьбетлуь биреи эки вихде сенигIэт хуьшде. Гуфдире э товун Ирина Исакова чуьн эшгълуье талантлуье студентке, воисдени нушу доре, ки у гьисди гуфдире гьемчуьн бэхшвегир коргьой жэгIмиетиш. Кор сохде э жугьурлуье идоре «Хесед» Ирина Исаковна гировундени рэхьберьетире э кружок гIэили ве жовони, эжеки кура сохде хундегоре гIэилгьоре гировундени э угьоревоз жире-бе-жире мероприятиегьо, э комигьоки хуто сохдени гIэилгьоре э дин-догIотлуье гIэдотгьой хэлгъ имуревоз ве гировундени э угьоревоз жире-бе-жире мигIидгьой хэлгъ имуре, чуьн Нисону, ГIэселте, Рош-а-шана. Э гьеймогьоине овхьолет зиндегуни лап гурунди коре э жиге овурде ве эзуш бэгъэй эзу гъозиегьо-гъэдергьо дуьлхошире вегирде. Омбар офд миевт ужире одомигьо, комигьоки бэхширет гIуьмуьр хуьшдере э гъуллугъи эн вихде оморигьо сенигIэт хуьшде гуьре. Расде гуфдиренуьт, жофо буьзуьрг сохде одомире, рэхьмедуьли ве хьэвес доре инсоне. Э эхир эни статья воисдени эз дуьли хосде эри Ирина Беньяминовна Исаковна жунсогъи ве э диеш буьлуьнде барасигьой творчествои расирени.

Поделиться этой страницей