Эз мэгIлуьмлуье кифлет музыкончигьо

Тема в разделе 'Жугьури', создана пользователем ИРА, 16 окт 2010.

  1. ИРА Guest

    Симпатии:
    0
    Баллы:
    0
    [IMG]Хуьшбэхде Ватан ме, туь мозол имуни.
    Туь деде, имушки ферзендгьой эн туьним.
    Э тегьер палутдор сэхд муьхькем поисдейм,
    Э тегьер раггьо ю ватане гъэл гирдейм.
    Сергей Изгияев.

    Э товуней кифлет эн Авдалимовгьо омбар нуьвуьсде омори э жире-бе-жире гозитгьо. Изму мере воисдени ихдилот сохде э товуней кифлет келеи кук эн верзуьшлуье артист Догъисту Абрам Авдалимов – Шамай. Шамае огол зеренуьт хунеигьо не хьэрмэхьгьо Папик. У варасди музыкальни училищере э шегьер Махачкала. Э Папикевоз эеки хундет Григорий Нахамов (комики гьейсэгIэт зигьисдени э вилеет Исроил,ве вердиш сохдени гIэилгьоре эри э кларнет зере), Лев Манахимов, Рафик Сафанов. Варасденге училищере Ш.Авдалимов сер гирдени эри кор сохде, у бирени нубодорегор эн музыкальни литературе не дирижирование. Лап хуб зерени э сер аккордеон. Шамай Авдалимов зерени э театр эн жугьургьо, э гIэруьсигьо. Эеки э Лена зен хуьшдеревоз Папик дошде веровундет се гIэилгьоре: Саша, Хивит не Вадиме. Гьеммешу хуте биренуьт возиреире э жире-бе-жире музыкальни инструментгьо, хунденуьт раче мэгIнигьо. Келеи кук Саше хунди варасди музыкальни факультет эн Педагогический институте э шегьер Махачкала. Саше зерени э скрипке, орган, комонче (гармонь), хундени мэгIнигьо э зугьун жуьгьури, гуьржии, урусси, мусурмуне эеки э Хивит хэгьер хьушдеревоз. Чуьклеи кук эн Шамай дануьсдени зере э сер чуьнгуьр.
    [IMG]Хивит варасди музыкальни училищере э Дербенд. Э 1997-муьн сал кифлет эн Ш.Авдалимов рафдени эри зигьисде э вилеет Исроил. Э унжо э Хивит вохурди Ян Левинзон, у бири продюсер эн жогьиле мэгIнихун. Иму шинохденим Левинзона, чуьн капитан КВН эз шегьер Одесса. Ян нори тозе нум эри Хивит, исроилигьо шинохденуьт уре чуьн Хава Долев. Хивитиш хундени мэгIнигьоре э омбаре зуьгуьнгьой эн гIуьлом: иврит, жугьури, идиш, урусси, мусурмуне ве диеш. Кифлет эн Авдалимовгьо гьеммише дусди э гьемме миллетгьоревоз, угьо гьич не дениширебу э миллет одоми. Омбаре дискгьо ведиромори Хава Долеве не Саша Авдалимове, меселен, «Love and Dreams from Kavkaz» («Любовь и мечты с Кавказа»), «Ата ве Ани» («Ты и я»). Шамай, Хивит не Саша гьеммише бэхш вегирденуьт э томошегьо, гировунденуьтгьо эри мигIидгьой Хьэнукои, Гьомуну, Нисону. Зеренуьт э се жире бе-жире карасдигьой музыкеи, не хунденуьт мэгIнигьоре пулсуьз. Э мегь сентябрь 2009-муьн сал Хава Долев миёв э Москов эри бире сернуьш эн конкурс жогьиле гIэилгьой жугьури «Молодые таланты». Жовонгьо эз 18 те 30 салагьо эз хундегоргьойму мидануьт рафде э конкурс.
    Сервор эн кифлет Шамай вир не сохди сенигIэтгьой хуьшдере э Исроил. Изму у кор сохдени э театр эн жугьургьой Кавкази э Хадера. Рэхьбер эн театр гьисди Роман Изьяев. Эри театр гьейсэгIэт гурунде мэхьэли. Омбар кумеки сохденбу Ханука Соломон, кор сохденбугьо э мэрией эн Хадера. ГьейсэгIэт кор нисе сохде.

    Э кифлет эн Саша келе биренуьт дуь гIэил: чуьклеи Истир (нум, комики доре омори э гIуьзет келедеде) не чуькле Шамай.

    Ки дануьсде, белкем имуре хэбер мибу э товуней энугьош, белкем угьош мибу мэгIнихунгьо, енебуге возирегоргьо, музыкончигьо. Изму, ки мере эз нуминей гьемме хундегоргьой гозит «Ватан» иму воисдени хосде эри келе кифлет Авдалимгьо жунсогъи ве диеш расиреи э буьлуьнде барасигьой творчествои.

    Ирина Михайлова

    19 Июня 2009

Поделиться этой страницей