ГIэрейхэлгълуье инвестиционни форум

Тема в разделе 'Жугьури', создана пользователем ИРА, 16 окт 2010.

  1. ИРА Guest

    Симпатии:
    0
    Баллы:
    0
    <h1 style="padding: 0px; margin: 9px 0px 5px; font: 24px Tahoma; color: rgb(220, 57, 0);">ГIэрейхэлгълуье инвестиционни форум

    [IMG]И пушогьо гирошди официальни вокурдеи IХ ГIэрейхэлгълуье инвестиционни форум «Сочи-2010». Э корисохи эну бэхш вегирдебируьт делегацией Республикей Догъисту э серберэхьи Президент РД Магомедсалам Магомедовевоз. Э состав делегацией республике дарафдет Сернуьш Хьуькуьм РД Магомед Абдулаев, рэхьбер Администрацией Президент РД ве Хьуькуьм РД Гасан Идрисов, жигегир Сернуьш Хьуькуьм РД Мухтар Меджидов, министр экономике РД Марат Ильясов, рэхьбер Агентствой инвестициегьо ве бурунеэкономически ологъигьо РД Али Нурмагомедов. Мескен экспозицией Республикей Догъисту нушу дорени 104 квадратни метргьо. Агентствой инвестициегьо ве буруние экономически ологъигьо РД нушу доре оморебу э форум 44 инвестиционни проектгьо ве 106 бизнес-фикиргьо. Э суьфдеи руз корисохи форум эки стенд Республикей Догъисту оморебу Сернуьш Хьуькуьм Федерацией Уруссиет. Сервор Хьуькуьмет Уруссиете рэхь сохдебу жигегиргьой Сернуьш Хьуькуьм РД Дмитрий Козак ве Сергей Иванов, жигегир Сернуьш Хьуькуьм РФ, Полномочни нушудорегор Президент РФ э Софун Кавказлуье федеральни округ Александр Хлопонин, министр экономически параменди РФ Эльвира Набиуллина ве де официальни руйгьо. Владимир Путине э экспозицией Республикей Догъисту вохурдебу Президент РД Магомедсалам Магомедов. Сервор республике гировундебу интерактивни презентациере э современни мультмедийни экран, бирмунд э Сернуьш Хьуькуьм РФ кими мэгIэнолуье инвестиционни проектгьой Догъистуре. Э вэхд омореи Президент Республикей Догъисту Магомедсалам Магомедов э Сочи э IХ ГIэрейхэлгълуье инвестиционни форум «Сочи-2010» 17-муьн сентябрь гирошдебу гъулкеширеи Разименди э товун еклуье корсохдеи э гIэрей республикей Догъисту ве Хьуькуьмет Ярославски улке. Разимендире эз тараф Догъисту гъул кеширебу Президент РД Магомедсалам Магомедов, эз Ярославски улке Сергей Вахруков. Э церемонией гъулкеширеи, гIилмлуье-технически ве культурни еклуье корисохи гъулкешире оморебу игърол эз тараф параменди гьемрегиональни ологъигьой тенихдиери ве еклуье параменди регионгьо э мерэгъгьой могьлугъ Догъисту ве Ярославски улке. Гье э у руз гирошдебу Разименди э товун еклуье корисохи э гIэрей Хьуькуьм РД ве ОАО «Кизлярагрокомплекс» э сферей э кор венгесдеи инвестиционни проекте э мескен Республикей Догъисту. Эз нуминей Хьуькуьм РД Разимендире гъулкеширебу жигегир Сернуьш Хьуькуьм РД Мухтар Меджидов, эз ОАО «Кизлярагрокомплекс» коммерчески директор корхоне Магомед Тукуев. Гьемчуьн гъулкешире оморебу Разименди э товун еклуье корисохи э гIэрей «Кизлярагрокомплекс» ве компанией «Маратек интернешнл» ГМБХ (Германия). Игъроле бесдебу замгендиректоргьой вокурдеи акционерни жэгIмиет Мухтар Магомедов ве директор филиал компание «Маратек интернешнл» Фридрих Фалькенштерн. Э ижире тегьеревоз Президент РД М.Магомедов гъул кеширебу разимендире э товун еклуье корисохи республикей Догъисту ве ОАО «Холдинг МРСК» э товун э кор венгесдеи коргьоре нушу доре оморенуьтгьо эри зевер биреи платежгьо, имидлуье электроснабжение ве параменди электресетевой комплекс. Разимендире эз МРСК гъул кеширебу генеральни директор ОАО «Холдинг МРСК» Николай Швец. Гье э суьфдеи руз корисохи форум гъул кешире оморебу Разименди э гIэрей ОАО «Магистраль» ве Сбербанк Уруссиет. Разимендире гъул кеширебу Сернуьш Софун-Кавказлуье банк Сбербанк Уруссиет Виктор Гаврилов ве жигегир гендиректор ОАО «Магистраль» Хочбар Гентинский.
    </h1>

Поделиться этой страницей