Назари э сер гъиметгьо

Тема в разделе 'Жугьури', создана пользователем ИРА, 16 окт 2010.

  1. ИРА Guest

    Симпатии:
    0
    Баллы:
    0
    Назари э сер гъиметгьо

    [IMG]Дмитрий Медведев эрзо сохд эри гьемме политически партиегьо кумек биреи эри назари сохде э сер гъиметгьо. Э мейл Президент гуьре, ведилуье политически партиегьой хьуькуьмет иму мидануьт э еки э исполнительни хьуькуьмевоз бегьем сохде э регионгьо назарире э сер гъиметгьой мэхьсуьлети. «Гереки фегьм сохде,- риз кеши Президент,- чуьтам гирденуьтге хуьшдере отрасль алвери, эри алверчигьо хуьшдере зевер не гирдеи, эри коргьой алвери дебиреи э назари неки хьуькуьмет, гьемчуьн партийни, жэгIмиетлуье гъувотгьо». Э мейл Медведев гуьре гереки кумеки сохде э сельхозпроизводительгьо, гьемчуьн эри гьеммей отрасль, эри вир не сохдеи наработкегьой песини вэхде. «Эдее гузет сохденуьм эз ишму теклифигьо»,- руй бисдо у эки рэхьбергьой думски фракциегьо. Нушудорегоргьой оппозицие игърол сохдет э Президент РФ э товун диеш бегьем сохдеи избирательни гъонундорлуьире, гуфди зампред ЦК КПРФ, вице-спикер Госдуме Иван Мельников. Э гуфдиреигьой эну гуьре э пушорэхьи оморенуьтгьо вихдеигьо гьемчуьн нушу доре оморенуьтгьо федеральни кампаниегьо пуьруьш сохде оморебу «овхьолет э товун политически конкуренцие». Пакет э теклифигьоревоз, э комигьоревозки президент гоф сохдебу е сал пушо э Фуьрсореи Федеральни Гуьрдлеме эри бегьем сохдеи гъонундорлуье вихдеире, гъобул сохде омори эз тараф Госдуме ве кумек доре омори эз тараф гьемме фракциегьо. Оммо гуьнжуьнде оморигьо Комиссия, э комики дарафдет нушудорегоргьой эн гьемме партиегьо, ве кор сохдебугьо эз тараф хьозурлугъи эни пуьрсуьшгьо изму кор нисе сохде, ихдилот сохд Мельников. Оппозициере гьисди теклифигьой хуьшде эри корректировке сохде избирательни гъонундорлуьире,ве угьо мие бошут чуьн тарафгиргьо. Нушу доре э товун кампание эз тараф вихдеигьой э Госдуме, пуьруьш сохде оморебируьт дуь пуьрсуьшгьо. Суьфдеи, рэгIд бире эз жэгIмиет федеральни «трокгьо» ве вогошде эки фирегьуне меркезлуье бэхш жэгIмиефедеральни список, нушу доре оморенигьо эз 10-12 одомигьо. Дуьимуьн: кутэхь сохдеи гъэдер региональни десдегьоре. Эз тараф суьфдеи пуьрсуьш иму рази бирейм ве оморейм эки е мейл, э дуьимуьн пуьрсуьш мейл иму жейле бирет,- риз кеши Мельников. Коммунистгьо рази бисдоруьт э артгьой вохурдеиревоз,- гуфди Мельников. ЛДПР эдее нушу доре эри отказ сохдеи гировундеи региональни вихдеигьоре дуь гиле э сал ю ве вихде э сал е рузе эри сес дореи,- эрз сохд В.Жириновский. У риз кеши, ки, ЛДПР эдее нушу доре э биевгьо эри гирошдеи эки е кампанией вихдеи э е сал. Эри региональни ве жигелуье хьуькуьм вихдеигьо гирошденуьтгьо дуь гиле э сал ю омбар четини, угьо мие фикир дуьт эри кор, э жигей вихдеигьо,- ошгор сохд Жириновский. Лидер ЛДПР эрз сохд гьемчуьн эри зиед сохдеи федеральни бэхш список вихдеире эз се те дегь одомигьо, кем сохде гъэдер списокгьой вихдеире э регионгьо. Лидергьой эн гьемме чор партиегьо суьфдеи гиле мибирмунуьт разилугъи хуьшдере, чуьнки нушу дорени, ки демократие эдее параменд бире гуфдире, Эз тараф хуьшде лидер «Справедливи Уруссиет» Сергей Миронов ихдилот сохд, ки э вохурдеи нушу до гуфдире дегиш сохде овхьолет формирование избирательни комиссиегьоре. -Иму эдее нушу дореним вихдеи избиркомгьоре эз нушудорегоргьой партиегьо,- гуфди у. У гьемчуьн эрз сохд, гьерки ки до э президент проект хьозур сохде оморигьо эз тараф «Справедливи Уруссиет» гъонун э товун жигелуье хуьшденрэхьберьети э Москов ве Санкт-Петербург. Е темайгеш эри суьгьбет гировундеи э лидергьой партиегьоревоз сервор хьуькуьмет нушу до модернизациере, проект Сколково ве гъонундорлуье нушудореире. Гереки бегьем сохде ижире коре,- эрз сохд Медведев эки гъонундорегоргьо. Имидлуьнуьм, ки иму эеки кор мисохим гуфдире. Унегуьре,- риз кеши Президент э Уруссиет,- нушу доре омори площадкей эн гIуьломлуье гъэдер, эже пуьруьш сохде оморенуьт пуьрсуьшгьой политике, демократие, неки энжэгъ экономике, комики гьисдуьт омбар вожиблуь, чуьнки гьеммей эни коргьо эдее гирошденуьт э ошгорлуье режим гуьре.

Поделиться этой страницей