Очугъэ суьгьбет э жэгIмиетевоз

Тема в разделе 'Жугьури', создана пользователем ИРА, 16 окт 2010.

  1. ИРА Guest

    Симпатии:
    0
    Баллы:
    0
    Очугъэ суьгьбет э жэгIмиетевоз

    [IMG]Э гирошдигьо орине Президент РД Магомедсалам Магомедов гировунди выездной гуьрдлемей президиум эн Президентски совет Республикей Догъисту. Руй бире эки курабирегоргьо Президент РД риз кеши э товун гировунде омореи суьфдеи гуьрдлемей Президентски Совет Республикей Догъисту. Еки эз бинелуье жэгIмиетлуье, политически гъозиегьой имисалине сал эри республикейму гьисдуьт куьнд биренуьтгьо муниципальни вихдеигьо. Эз хубе тегьер гировундеи эну омбар михьтожи боворинлуьи одомигьо эки хьуькуьм. Дуьимуьн пуьрсуьш гьисди Гьемуруссиетлуье нуьвуьсдеи могьлугъ, ве гереки гировунде уре э буьлуьнде гъэдеревоз. Воисдени нушу доре, ки Полпред Президент РФ э СКФО дорени келе тигъэте эри социальни-экономически параменди, жэгIмиетлуье-политически овхьолетДогъисту. Эз тараф Полномочни нушудорегор Президент РФ нушу доре омори гьемтарафлуье кумекии эри э кор венгесдеи плангьой имуре. Изму воисдени пуьруьш сохде пуьрсуьше э товун гировундеи ЖэгIмиедогъистонлуье форуме, ологъолуь гьисдигьоре эшгълуье тегьер экстремистски-террористически корисохи гъэчэгъгьо э республикеймуХэлгъгьой Догъисту. Омбар гъэйгъу кеширенуьт э товун тиже овхьолет биреи э Догъисту, унегуьре омори вэхд эри очугъэ тегьер гировундеи э жэгIмиетевоз суьгьбет, эри пуьруьш сохдеи, чуьтам герекиге параменд бире республикейму. Омбар вожиблуьни эри догъистонлуье жэгIмиет, хьуьрметлуье нушудорегоргьой хэлгъгьой Догъисту очугъ гуфдиренуьт мейл хуьшдере э гъэршуй террор. Эзу товун гереки гуьрд бире эри гьемме хэлгъгьой Догъисту эз тараф гъовхобердеи э терроризмевоз. Э гIэрей де гофсохдегоргьо гоф сохдебу дореи бэхшвегир ЖэгIмиетлуье палате РД Людмила Авшалумова э товун биевгьо Съезд хэлгъгьой Догъисту. У гуфди э товун гирдеи мейл Президенте РД М.Магомедове жире-бе-жире жергегьой хэлгъгьо ве егъин гереки гъобул сохде э артгьой форум эрзоре, э гIэрей энугьо эки хэлгъгьой гьеммей Кавказ. Мейл хуьшдере э товун хьозур биреи эки съезд гуфди сервор МО «шегьер Махачкала» Саид Амиров. У риз кеши э товунэ товун 19 сал пушо гировунде омореи ижире форум, гьемчуьн у гуфди, ки гереки вихде э съезд дуьруьсде делегатгьоре неки э Догъисту, гьемчуьн эз де республикегьой СКФО, чуьнки имуре тойлуье пуьрсуьшгьои. Э эхир гуьрдлеме Президент е гилейгеш риз кеши э товун хьозурлугъи эки съезд, бинелуье гъосуьт комики - консолидацией догъистонлуье жэгIмиети, нушу дореи рэхьгьоре, комигьореки иму мие бурайм. Эрзогьой съезд ве теклифигьой эну егъин мие расуь те дуьлгьой гьер гьемватаниму.

Поделиться этой страницей