Секонесуьзи э РЖД

Тема в разделе 'Жугьури', создана пользователем ИРА, 16 окт 2010.

  1. ИРА Guest

    Симпатии:
    0
    Баллы:
    0
    Секонесуьзи э РЖД

    [IMG]Чуьтам мэгIлуьм сохде омориге э нушудореи секонесуьзи мескенгьой Махачкале-Тарки ве Тарки-Берикей имисал фуьрсоре миевт 136 млн. монетгьо госсредствогьо. Э имбурузине руз тогIин сохде омори «Комплексни программе нушу дореи секонесуьзи могьлугъэ э транспорт». У гуьнжуьнде омори э буйругъ Президент Дмитрий Медведев гуьре э мегь июль имисалине сал ве гъобул сохде оморени те вэхд январь 2013-муьн сал. Э программе суьфденуботлуье тигъэт доре оморени эри нушу дореи гъэдер терсдии объектгьой скоростной линиегьой Санкт-Петербург-Москва, Санкт-Петербург-Хэльсинки, Москва-Нижний Новгород, гьемчуьн э мескен Махачкале -Дербенд э Софун-Кавказлуье рэхь. ЖэгIмие гъэдер э Махачкалински отделение, эжеки эз сер сал гирошди дегь терактгьо зиедте, те эхир 2011-муьн сал фуьрсоре миевт 500 млн. монетгьо. Угьо хэржи сохде миевт эри хэйр рэхьгьовуни эз тараф технически средствогьо ве устройствогьой гъэлхэнди. Гьемчуьн имисал РЖД гъобул мисоху эз бюджет 136 млн. монетгьо, э 2011-муьн сал 1,984 млрд. монетгьо, ве э 2013-муьн сал – 575млн. монетгьо. ЖэгIмие гъэдер федеральни бюджет эри гуьнжуьндеи комплексни системей секонесуьзи э транспорт э 2010-муьн-2013-муьн салгьо хэржи мисохут 46,7 млрд. монетгьо, диеш 7,4 млрд. э программе мивегинуьт э хуьшде субъектгьой транспортни рынок.

Поделиться этой страницей