Суьрхине поиз-2010

Тема в разделе 'Жугьури', создана пользователем ИРА, 16 окт 2010.

  1. ИРА Guest

    Симпатии:
    0
    Баллы:
    0
    Суьрхине поиз-2010

    [IMG]Эз 8-муьн те 11-муьн октябрь 2010-муьн сал э Гьемуруссиетлуье бирмуннуьшлуье меркез (ВВЦ) э Москов мигироруь 12-муьн Уруссиетлуье агропромышленни бирмуннуьши «Суьрхине поиз-2010», нушу доре оморенигьо эки Руз корсох хозяйствой хоригъуллугъсохи ве перерабатывающи промышленность. Э вводни раздел Минсельхоз РФ ихдилот мисоху э товун э кор венгесдеи гъосуьтлуье ве отраслевой программегьоре, пуьруьшсохи пуьрсуьшгьой импортзамещение мэхьсуьлет хоригъуллугъсохи, параменди дигьлуье территориегьо ве диеш. Жирелуье бирмуннуьши «АгроТехРоссия» нушу мидуь гьеймогьоине техникере, эри хори гъуллугъсохи ве хьэвуьждорлуьи, инновации агротехнологиегьо ве диеш. Э раздел «Девилеетлуье хьуькуьметгьо» е жерге девилеетлуье хьуькуьметгьо бэхш вегирденуьт э десделуье миллетлуье экспозициегьо, э комигьоки нушу доре оморени миллетлуье молгьой хуреки, инвестиционни теклифигьо ве бизнес-проектгьо. Э раздел «Молгъэредорлуьи ве племенни кор» нушу доре миевт оборудование эри молгъэредорлуьи ве племенни хэйвугьо, комигьоки бирмунде миев э манеж. Эдее нушу доре оморе гьемчуьн ярмаркей молгьой хозяйствой хоригъуллугъсохи, комигьоки фурухде миев ужуьзте эз рыночнигьо. Догъисту эдее нушу доре оморе э раздел « Регионгьой Уруссиет», э комики субъектгьой РФ эдее бирмунденуьт артгьой программей хьуькуьметире параменди хозяйствой хоригъуллугъсохире, хубе продовольственни молгьоре ве гIэжоиблуье молгьой хурекире эз тараф презентационни программегьо. Регионгьо комплексни тегьер нушу мидуьт инвестиционни минкинигьоре ве инновациони разработкегьоре эри корхонегьошу. «Регионгьой Уруссиет»нушу доре миевт э павильон № 69 э 12 гьозор квадратни метрогьо зиедте, эз угьо 90 квадратни метрогьо доре миев эри экспозицегьой догъистонигьо. Эри гуьнжуьндеи стендгьой экспозициегьой имуре, эдее нушу доре оморенуьт молгьой хэлгъи эн художествени мэгIрифети Кубачи, Унцукуль, Гоцатль, Балхар, Ботлих ве диеш. Кизлярски, Дербентски коньячни заводгьой шоробсохи, Махакалински комбинат шампански шоробгьо ве винзавод, ГУП «Геджух» ве Избербашский ВКЗ, ЗАО» Совхоз э нум Алиев миберуьт э Москов коньякгьо ве шоробгьошуре, ОАО «БКК», ООО « Дагинтерн» ве «Евраазия» кондитерски мэхьсуьлете, ОАО» Денеб», «Старт», ООО «Амитали»», Рычал-Су» - минеральни гIовгьо ве дуьшовгьо, ЗАО «Консервщик», ООО «Дагагро», «Кизлярский КЗ», «Гергебильский КЗ» ве диеш. оморегоргьо мидануь вегирде дэгIэм догъистонлуье экспозициегьой пенигьой кечии, гусбендире, хурма, онор, онгур, гъэребеч ве диеш. Догъисту нушу мидуь э пушой инвесторгьо е ченд дегь проектгьо эз тараф параменди хозяйствой хоригъуллугъсохире, комики гьемчуьн кумек мибу эри дировундеи эки иму мерэгълуье оморегоргьоре. Делегацией имуре серберэхьи мисоху министр хозяйствой хоригъуллгъсохи республикей РД Сатмар Амиров. Омбаре сенигIэткоргьоре мивою бэхш вегирде э бинелуье форум э теме «Совершенствование ве эффективность технологиегьо - мэгIэной параменди агропромышленни комплекс Уруссиет», комики мигироруь э сернуьши министр хозяйствой хорригуллугъсохи РФ Елене Скрынник. Э де гофигеревоз догъистонигьо мибирмунуьт хубе экспозициегьоре, ве артгьой эну веди мибу э овурде биевгьо игъролгьо ве разимендигьо.

Поделиться этой страницей