Вохурдеи э Счетни палатей РФ

Тема в разделе 'Жугьури', создана пользователем ИРА, 16 окт 2010.

  1. ИРА Guest

    Симпатии:
    0
    Баллы:
    0
    Вохурдеи э Счетни палатей РФ

    [IMG]И пушогьо Президент Республикей Догъисту М.Магомедов гировунди вохурдеире э делегацией Счетни палатей Федерацией Уруссиетевоз э серберэхьи жигегир сернуьш СП РФ Валерий Гореглядевоз. Гировунде оморебу семинар-гуьрдлеме «Практике ве синогъи параменди финансови назари э муниципальни гуьрдномегьо». Эри республикейму,- гуфди Президент РД - у гьисди келе гъозие э жэгIмиетлуье-политически ве экономически зиндегуни. Счетни палате э гIэрей эни вэхд гирди буьлуьнде жигере э республике. У гьисди михьтожсуьзе финансови назари, корисохи комики омбар вожиблуьни эри Догъисту. Воисдени гуфдире, у гьисди буьлуьнде профессионализм, жогьобдорлуьи корсохгьой Счетни палатей РД, комики кори сохдет эри органе бири келе гIуьзет ве хьуьрмет э республике. Э мейл ме гуьре, Счетни палате бегьем сохдени э сер ю веноре оморетгьо везифигьоре. Бинелуье мэгIэно эри нушу дореи ижире органе норе оморени э сер Счетни палате РФ, Ассоциацией назарлуье – счетни органгьой Уруссиет. Воисдени гуфдире келе согъбоши эри сернуьш СП РФ С.Степашин, комики омбар хьуьрметлуьни эки Догъисту ве гьер бо кумек бирени э у. Иму гьемчуьн э войгей Счетни палатей Уруссиет гуьре гуьнжуьндейм Союз назарлуье – счетни органгьо РД, чуьки гьисди вожиблуье этап гуьнжуьндеи еклуье системей финансови назарире э процесс э кор венгесдеи реформей жигелуье рэхьберьети Э гоф сохдеи хуьшде жигегир сернуьш Счетни палате РФ риз кеши, ки гировундеи семинар-гуьрдлемере мибу еки эз бинелуье субитгьой олхоини политически ве экономически овхьолет э регион, э комики мерэгълуь гьисдуьт имбуруз омбармиллетлуье хэлгъ Догъисту, гьеммей Федерацией Уруссиет. Органгьой назарлуьи гирденуьт э и кор вожиблуье жигере. Э омбаремиллетлуье хьуькуьмет э омбаредеврлуье торихевоз гIэмели нисди вокурдеи демократиере, вокурде не омоге федеративни хьуькуьмет, эжеки гьисдуьт омбаре ихдиеригьо ве минкинигьо эри экономически ве социальни параменди. -Омбар шорим, ки э Республикей Догъисту кори сохдени синогълуье Счетни палате. Иму кумеки мибошим эри гуьнжуьндеи граждански жэгIмиете, институтгьой демократиере, комики нушу доре оморени эри хушхьоли хэлгъгьой Федерацией Уруссиет,- риз кеши жигегир сернуьш Счетни палатей РФ.




Поделиться этой страницей