Хьэшдимуьн гьемрегиональни

Тема в разделе 'Жугьури', создана пользователем ИРА, 16 окт 2010.

  1. ИРА Guest

    Симпатии:
    0
    Баллы:
    0
    Хьэшдимуьн гьемрегиональни

    [IMG]И пушогьо э Махачкале гирошди гIуьзетлуье вокурдеи VIII-муьн Догъистонлуье гьемрегиональни бирмуннуьши-ярмарке «Дагпродэкспо-2010» ве Рузгьой экономике Ставропольски улке э Республикей Догъисту. Э фойе Республикански миллетлуье библиотеке кура биребируьт бэхшвегиргьой Хьуькуьм Догъисту, гъуногъгьо эз Ставрополь ве Чеченски республике, рэхьбергьой агропромышленни корхонегьой Дорум Уруссиет. Э гофсохдеи хуьшде жигегир Сернуьш Хьуькуьм РД Мурад Шихсаидов риз кширебу: «Э республике эдее гIэдотлуь бире гировундеи специализированни бирмуннуьшигьоре э бэхшвегири молгуьнжуьндегоргьой Догъисту ве де регионгьой Урусссиетевоз. Бирмуннуьшлуье корисохи дорени муьгьлет эри бизнес нушу дореи хэйрлуье гъэножогъигьоре эри биевгьой еклуье корисохи. Хозяйствой хоригъуллугъсохи республикере гьисди бинелуье жиге э экономикей республике ве гьисди еки эз приоритетни тарафгьой параменди эну. Нушу дореи парамендлуье сырьеви базей эри сферей переработке сохдени АПК республикере мерэгълуьни эри инвестирование. Выставке-бирмуннуьши, комики изму хьэшдимуьн гиле гировунде оморени э республикейму,- риз кеши вице-премьер,- бири бинелуье информационни ресурс республике, визитни карточке ве еки эз нушудорлуье бирмуннуьшигьой Софун Кавказ». Сернуьш Комитет эз тараф параменди чуькле ве миенее бизнес РД Магомед Шабанов риз кеши э товун кумек дореи эну эри бирмундеи хуьшдере э рынок.У гуфди, ки э республике гъобул сохде омори гуфдире гъосуьтлуье программе кумек дореи чуькле бизнесе те 2011-муьн сал. Еки эз приоритетни гъэрхундигьой республике гьисди гуьнжуьндеи хушлуье корлуье овхьолет бизнесе, дировундеи э республике инвестициегьо ве технологиегьоре. Эз нуминей ставропольски гъуногъгьо ве могьлугъ Ставропольски улке гоф сохдебу генереальни директор ООО «Промрешение» Алексей Кабаев. «Иму омбар шорим, ки Догъисту эдее параменд бире гуфдире. иму эдее диреним инжо тозе руйгьоре ве тозе корхонегьоре, унегуьре хьозурим э угьо эри кумек бире». Хубе гофгьо нушу до э товун бирмуннуьши-ярмарке «Дагпродэкспо» ве рэхьбер делегацие Чеченски республике Айнди Берсалов. Ижире коргьо кумек доренуьт неки эри параменди бизнес, гьемчуьн эри нушу дореи дусдлуье ологъигьо. Э гIэдот гуьре бурра гъирмизине банте, гуьнжуьндегоргьо ве гъуногъгьо э серберэхьи жигегир Сернуьш Хьуькуьм РД Мурат Шихсаидевоз мерэгълуье тегьер фегьм сохдет практически гьемме экспозциегьой бэхшвегиргьой «Дагпродэкспо-2010». Экспонатгьо гIэмел миомо неки фегьм сохде гьемчуьн вегирде дэгIэм энугьоре. Омбардекиш хош оморебу гьеммеекире сокгьой консервни завод эн Шамильски район «Консервщик» колбаси ве гушдлуье мэхьсуьлет эн «Сочинский комбинат» бирмуннуьши-ярмарке кор сохди те эхир орине.
    Фотогалерея[IMG]



Поделиться этой страницей